8	GEN 1:8	Ka mesaiuai enek, ling isen vi ‘Teilang.’ Vongien va, meneai mai, koanek vi avong elu (2).
27	GEN 1:27	Sakini, Ahi mumon meatin, mumoni suval kei enges. Tai mumoni vi meahos, ka tamun mumoni vi ahin.
71	GEN 3:15	Numon keik hetal min ahin, tinomil heat kamil, ka titam ka titan ahin, tine mun heat keil. Titan keil ititi lin vatum, ka keik, kiat ale tanetan.”
87	GEN 4:7	Munak komumon sakien koa mal, kimai kimal en metok. Ka munak komumon sakien koa tisa, tisaen mul suai vapurunuk suval tirendan tisa tai. Tisaen enek vit vahi hetetamen en moulien onom, ka keik esuk, kuasi heha netan ka kimai kihi hetetamen eni.”
89	GEN 4:9	Evus, Iahova vis Ken vit, “?Tumali Ebel kave?” Ka Ken vit risi mini vit, “Nareingeingeni. ?Inau keke nil nilei kat tuak onak?”
145	GEN 6:7	Sakini, viteni min kei sasen vit, “Koakeil namumoni ekek, nu rasilin keil ran out netan. Keil ral min tirendan keil, aman keil, ka tounah keil emun koa amoul, veni nalonge tisa houlu vis houlu mok ven keil. Tahos imok vahit marmumontei keil.”
203	GEN 8:19	Tirendan vasi keil ka aman vasi keil asisital ran mari sip enek, ka keil uva ral min one keil.
207	GEN 9:1	Evus, Ahi san tokolkatien min Noah ka ehon onen keil vit, “Titami keil ihi houlu vis ihi houlu mok hesakin out vasi netan hehilelau en keil.
208	GEN 9:2	Tounah vasi keil koa amoul en out netan imetaun kami: tirendan keil, aman keil ka mesau keil emun. Keil vasi, naling moulien one en hemi.
270	GEN 11:3	Evus, keil aviteni min keil eris avit, “!Almai! Tahos keke rehoumon brikis en tanvili koanik ka rehetan keil en avul tai hemai hekeih.” Sakini, keil amumon eim keil one en brikis keil enek ka akapil vituaini en koltar.
273	GEN 11:6	Navong lesi viteni vit, “Telmali, meatin keil eke amul amumon marmari tounah. Keil amum out tas ka selusien one tas. Koanek vi vatte ten umen one. Ka hervitei tuetin, keil ilea um vasi asa koa iling rendemien one eni.
304	GEN 12:5	Ebram kur ahin onen, isen ‘Serae.’ Ka titan tunali mun musili, isen ‘Lot.’ Tounah vasi keil oneatel ral min slev keil one ka buluk ka sipsip keil emun eseatel koa tellei kati en out Haran avi houlu ramat. Ka tounah vasi, telsak meseini keke avakuri. Navong asak mesein tounah keil evus, amual avaha en out Kenan. Avong telrokol out Kenan,
324	GEN 13:5	Titan tunali Ebram musili, isen Lot, kei ral min ahin onen, titan keil ka meatin toumien onen keil. Ka keil akur sipsip, buluk, ka nani ese keil emun.
522	GEN 21:8	Titiali enek moul, ka navong lokovein susu omon, tata onen mumon mari anien tai.
552	GEN 22:4	Telmual va vio … en avong etel teni, telles out koa Ahi vat kati mini mul soutin neli veah.
555	GEN 22:7	Aesak viteni min tata onen vit, “!Tata!” Tata onen vit, “?Asa natkuli?” Aesak visi vit, “?Nalesi lokur av ka ahang, ka sipsip koa lovaniti vahi sanien kave?”
682	GEN 25:23	Ka Iahova viteni mini vit, “Ehon elu lumul en vangom. Tai koa hekatau hemai hemarite mok helin koa helamu. Anatin, koa helamu hel en hen koa katau. Ka luhemai luhehi mari tata ten mari vangi meatin elu, ka vangi meatin elu enek koa kikur keilu, luhetisa min keilu. Ka koakeil ikistal ika en koa katau ikeih imok isulin onen koa mulamu.”
691	GEN 25:32	Esao vit, “Tahosis, kuri. ?Veni munak amai heat vini inau nimat, vuluk ten moeite hekataunau hemukave?”
746	GEN 27:18	Evus, Siekob va ven tata onen ka vise vit, “!Tata!” Ka tata onen visi vit, “!O-o, inau li ke! ?Ka kamil en sei ke?”
759	GEN 27:31	Kei mun kukon more anien tai ka kuri va ven tata onen vani. Ka vit, “Tata, mea li, tondan ka kian vuseri koa nakuri minuk. Ka hevus, kisan tokolkatien onom minau.”
762	GEN 27:34	Navong Esao raengoni, longe tisa ka muai roha vit, “!Tata, tokol kat nau li mun!”
763	GEN 27:35	Ka Aesak vit, “Tumali mai luvos nau ka kur vasi tokolkatien onom tuai.”
766	GEN 27:38	Esao mulelis peah tata onen vit, “?Tokolkatien onom tas eli? !Tokol kat nau li mun! !Tata, tokol kat nau li mun!” Ka muai roha.
770	GEN 27:42	Navong Rebekah long usil rendemien onen Esao, vise Siekob vamai veni. Navong mai, viteni mini vit, “Natkuli kitaengonau. Tumali mul ling suain vurohien onen, ka mul mumon sise vouasuk kovamat.
793	GEN 28:19	Ling isen out enek ‘Bet-el’ koa aneite teni vi ‘eim onen Ahi.’ Taon koa mul vesesal en out enek, isen Lus. Evus, Siekob va en out Haran, teim sen avov onen, Leban. Navong les atouli elu onen, Siekob, envatien onen mul en tasite koa Resel, ka vis avov onen eni. Leban vit tahos hekuri, ka helamu, houm veni sua oulu (7) keke kilea vahuli. Navong Siekob longe mukok, si veni ka maeni. Ka navong sua oulu (7) evus, Leban en rovattei keke Siekob vakur Resel ka valohosai rani vatal tounah keil onen. Laban en vati keke Siekob vato vatali sua vahis emun veni lesi keke tokolkatien onen Ahi mul en umen vasi keil onen. Sakini, en avong ten tetaliheien onealu, Laban keih kat Resel vamaen tunahin vakur vulin. Navong out mulan, Siekob lei kilea suk keke ro ral min Leah, ka tin katiat. Navong va les Laban ven usite enek, kei maeni keke vakur Resel en wik tai munak voumon hatkatien vatal mini keke houm mini sua oulu (7) emun. Ka Siekob maeni eris. En moulien onen, tounah koa Siekob mumoni, tokolkatien onen Ahi mul ien. Ka en out enek, ahin keilu onen ral min atouli toumien onealu telkur titan houlu. Evus, Ahi selus mini vit avong vinvin hemea ran out enek, heha ris en out onen tata onen. Ka navong telmual telva, kei metaun Esao ka meatin onen keil anouasi natal onen keil.
1086	GEN 37:2	Koanek tunien usil Siekob ral min onen keil: En avong vasi, natnali Siekob keil amul alei kat sipsip ka nani keil esen. Tai en keil, isen Siosep, koa sua onen teindan oulu (17) mul kataun tunali keil koa mama one Bilah ka Silpah. Ka en avong tai, kur longlongien koa rotahostei usil sakien onen tunali keil min tata one koa Siekob ka avuroh kati.
1095	GEN 37:11	Tunali keil avi elu kati mok ka tata mules mundem usil tounah koa Siosep viteni.
1097	GEN 37:13	Avong vahis muli, ka Siekob vise Siosep ka viteni mini vit, “Ek vati keik kovaha en out Sekem, kovasao en tumali keil koa amul alei kat sipsip keil oseratel.” Ka Siosep vit, “Tahos, maha.”
1098	GEN 37:14	Tata onen viteni mini vit, “Keik kiha kilei vis tumali keil. ?Aro tahosis? ?Ka sipsip emun keil, tounah tovuol vakula keil? Evus, kimai ris kihiteni minau.” Sakini, Siosep musil ren tata onen ka mea ran vatihou keil ten out Hibron, va Sekem. Navong Siosep rokol out Sekem,
1117	GEN 37:33	Kei lesi, lei kilea ka viteni vit, “!Anatin eli, onen varei! !Tirendan tai rali vahas natkuli, ka kani li varei vus!”
1175	GEN 40:2	Tai vi avat onen meatin koa amutah uaen omon, ka tamun vi avat onen meatin keil koa amul aran veret an. Ka ven tounah tai, tin kat keilu
1195	GEN 40:22	ka en kei koa ran veret, sila meatin onen keil avuli kati, amu vini, ka arekei lat teiai onen en ai tai. Tounah keil enek kistal suval koa Siosep viteni.
1209	GEN 41:13	Tounah vasi mai kistal suval koa viteni, keik koling ris nau en vati umen onak, ka komuas koa mul ran veret am.”
1261	GEN 42:8	Avaseini keke Siosep lei kilea keil, ka keil alei ras nan. Tunali Siosep keil avul pulaoa rani ka akuri suk uva ven tata one en out Kenan. Katau ris, navong akan vasi pulaoa koa akuri, uva ris Isip avahul tei ris pulaoa.
1364	GEN 45:5	Minalongtei natisa vuo minaselus kattei kami ven asa koa mimumoni. Tounah koa mimumoni enau vi hatkatien onen Ahi. Kei sila nau namulamu en kami makataun moulien onen meatin keil.
1385	GEN 45:26	Aviteni min tata one avit, “!Tata! !Siosep mul moul veah! !Kei vi Avat ten Kavmen en out Isip!” Siekob en von ka rokurtei anatin en keil.
1448	GEN 47:27	Me-Isrel keil aro en out Kosen en kantri ten out Isip. Tounah keil one mai vi houlu ka titae keil umai avi houlu vis avi houlu mok.
1453	GEN 48:1	Avong vahis muli, Siosep kur selusien tai koa vit, “Tata onom mesai.” Sakini, kur titan keilu, Manase ka Efrem, telva telsao eni.
1468	GEN 48:16	Ka angelo koa kur koe nau en avong tatisa keil, hetokol kat keilu. Isok ka isen tata onak keilu, Ebraham ka Aesak, telhemoul en ehon keilu ekek. Titaealu keil ihi houlu, ka vatiamal onealu ihi houlu mok en out netan.”
1471	GEN 48:19	Tata onen seseini vit, “!Natkuli, nakilea! Vatiamal onen Manase imai ihi vangi meatin tai koa hemarite. Ka vatiamal onen tunali koa tasite imai ilin onen keil, imai ihi mari vangi meatin keil koa hehi houlu mok.”
1563	EXO 2:8	Ka viteni mini vit, “Tahos, kumoni.” Sakini atouli va, kur mama kati onen ehon mai veni.
1813	EXO 11:6	Tangien heka vasi out Isip. Hetisa mok helin asa koa kur out en avong telamu, vuo asa koa hekur out en avong keil koa hemai.
1899	EXO 14:9	Ka meatin keil tavaeen ten out Isip amuloh akatau usil keil: koakeil koa amuloh en kat tavaeen, koa mun amuloh en hos, ka koakeil emun amual enges. Avotin me-Isrel keil esuk navong keil amul amuseh en vali Atas Tahilhili, vesesal en taon elu koa avise keilu en Vi-Hahirot ka Baal-Sevon.
1918	EXO 14:28	Atas muris mai, mutaluh koe vasin meatin tavaeen keil ten out Isip ral min hos keil ka kat keil one koa amusil me-Isrel keil uva en atas. Tovuol en keil vamoul.
1943	EXO 15:22	Evus, Mosis mulamun me-Isrel keil ran Atas Tahilhili ka uva en out volvol ten out Sur. Avong etel keke amual koteh out volvol enek, ka arvotin etai oai.
1951	EXO 16:3	avit, “Tahos imok keke Iahova vou vinvini komai tuai en out Isip. Ekonek mekilea mevatondan ka mevan vuseri ka tounah sav teimun keil vahi houlu. ?Vensa kamil millah komai memai en out volvol ekek amai val vat komai ka mevamatmat?”
1967	EXO 16:19	Mosis viteni min keil vit, “Tovuol en kami helingi hetokol visuvong.”
1987	EXO 17:3	Ka meatin keil, maroro kat keil houlu ka amules aselus kutut kati ka avit, “?Vensa kokulat komai ran out Isip? ?Titiali keil onomai ka buluk ka sipsip keil emun tive memes, kovit kovou vini komai en maroro?”
2007	EXO 18:7	Sakini Mosis mea ka va visu mini. Navong lesi, va netan mini en sakien ten houhouen ka mea kav kati. Telvis keitel keke telro mukave. Evus, telva en eim tavolin omon Mosis.
2034	EXO 19:7	Navong Iahova selus mini evus, Mosis mita ris netan ka vise ruain meatin keil. Tounah vasi koa Iahova viteni mini, kei vit meseini min keil.
2035	EXO 19:8	Navong meatin keil alonge, avit, “Tahos, mehoumon tounah vasi keil koa Iahova viteni.” Evus, Mosis vina ris, vit mesein selusien one min Ahi.
2043	EXO 19:16	Evus, en avong etel, en visokon teni, voulul muroh ka ahil vil. Mari mahmah tai kistal ka mutaluh koe vatihou nesa. Evus, mari amaru tai musel keih. Tounah keil ekek sakin meatin vasi keil amaleilei ka ametau houlu en out koa amumon tavolin keil ome eni.
2182	EXO 24:4	Mosis mutis kat mengkatien vasi keil onen Ahi va en Tus ten Hatkatien Takeih onen Ahi. Out mulan, en visokon semau, kei kur ahat keil ka mumon avet tai ten sanien en tave Vatihou Senae. Evus, kei vati lat mari ahat teindan elu (12) amulomal keke ihi metai keil ten hatkatien takeih koa mari vatiamal teindan elu (12) onen me-Isrel keil amumoni ral min Iahova.
2185	EXO 24:7	Evus, kur ‘Tus ten Hatkatien Takeih’ koa mengkatien keil onen Ahi amul ien, ka mul vuli en meten meatin keil avalonge. Vuli vus, keil avit, “Mengkatien keil vasi onen Iahova, mihelong kati, ka mihousil kat selusien vasi keil onen.”
2198	EXO 25:2	“Kihiteni min me-Isrel keil avoumon etai sanien vamai venau hekataun umen ten Eim Tavolin onak. Kimaen tounah vasis koa meatin keil e vati avasani minau.
2471	EXO 32:32	Napeahik, kumon methos onom eli min keil. Ka munak em rovattei, kisulin varei isok emun ran Tus ten Moulien onom koa komutis kat isen meatin onom keil amul ien.”
2472	EXO 32:33	Iahova vit risi mini vit, “Koakeil koa amumon tisaen va kat inau, keil enges nisulin ise ran Tus ten Moulien onak.
2531	EXO 34:34	Ka en avong vasi koa Mosis vaha en Eim Tahisuen keke vaselus vatal min Iahova, kei kulat kaliko enek. Ka navong kistal eris, mai vitehiten tounah keil koa Ahi meng kati mini vahiteni min meatin keil.
2725	EXO 40:17	Sakini, en avong mulamu en avati koa mulamu en sua hau, sua kati katau en avong amemea ran out Isip, keil avat lat Mari Eim Tavolin onen Iahova.
2729	EXO 40:21	Evus, alah Bokis ten Hatkatien va alingi neim en Eim Tavolin, ka rekein kaliko mul koe out koa mul ien. En sakien enek, Mosis musil asa koa Iahova meng kati mini.
2730	EXO 40:22	Mosis viteni min keil avus avet taling tounah keil ien va neim en Eim Tavolin, hae en kaliko, en usite matu.
2736	EXO 40:28	Amumoni evus, Mosis vis keil arekein kaliko en voiteh ten Eim Tavolin.
2738	EXO 40:30	Vis keil aling pesin takas ahe ien mul vas Eim Tavolin ka mari ahor ten sanien. Evus, amutah oai va ien.
2739	EXO 40:31	Alingi mukok keke avong vasis koa Mosis, Eron ka natnali keil avit avaha en Eim Tavolin vuo avanit sanien en avet teni, akilea avakas motein he vuo ale tanetan en out enek musil asa koa Iahova meng kati min Mosis.
2741	EXO 40:33	Katau en tounah keil enek, Mosis sakin meatin keil amumon vieh en kaliko karahit Eim Tavolin ka ahor ten sanien. Ka en meteau teni, aleh koe en kaliko tamun. Mukonek, umen ten Eim Tavolin enek, Mosis mum vasi.
2742	EXO 40:34	Evus, mahmah mita mutaluh koe Out Tahisuen karahit Eim Tavolin, ka muohien onen Iahova mita va sien Eim Tavolin enek.
2743	EXO 40:35	Ven tounah enek, Mosis sakras vaha neim en Eim Tahisuen vuo en Eim Tavolin.
2744	EXO 40:36	Me-Isrel keil amul ales mahmah koa mul nesa en Eim Tavolin. Navong mahmah mea, keil emun amemea, alah lat votevav keil one ka amusili.
2746	EXO 40:38	En avong vasis koa keil amul amual, akilea ales mahmah onen Ahi mul nesa en Eim Tavolin, ka en vongien keil alesi viles mai vi ahang koa vilhili.
2747	LEV 1:1	Navong Iahova mul en Eim Tavolin, vise Mosis va vesesal veni ka selus mini vit,
2749	LEV 1:3	Munak tai, sanien onen vi buluk, hekur buluk koa meahos koa aven heto, tounah tovuol hekula. Kei helamuni heha en metareh ten Eim Tavolin onak. Hesakini, inau, Iahova, nikur buluk koanek en usite koa vi onen keke hemal en metok.
2751	LEV 1:5	Kei hou vini buluk onen en out enek ka natnali keil onen Eron koa avi pris keil itie ran minau, Iahova. Evus, hekukuvin eni heha en vali ahor ten sanien koa mul vesesal en metareh ten Eim Tavolin.
4104	NUM 13:28	Ka meatin keil koa amul en out enek avi avkeih keil. Taon keil one emun amariso, ka vieh keil koa karahiti keih vis keih. Ka tisa mok, meles marmari meatin keil en out enek koa atetaveah koa aka en vatiamal onen Anak.
4111	NUM 14:2	Keil asel kutut kat Mosis ka Eron avit, “Tahos imok munak komai mevamatmat en out Isip vuo en out volvol ekek.
4119	NUM 14:10	Meatin vasi keil en out enek amul avit avov keitel telvamat. Ka hatte tas, muohien onen Ahi kistal en Eim Tavolin onen en mete.
4142	NUM 14:33	Titami keil iles ual tetoun en out volvol ekek sua hehi hanumau elu (40). Ka ven mirvitei anatin minau, keil ilong mahien hetokol avong koa kami vasi mihematmat.
4153	NUM 14:44	Ka avaseini keke Mosis viteni mukok, keil uva en hou keil ten out Kenan keke avakuri. Uva, avaseini keke Mosis ka Bokis ten Hatkatien Takeih onen Iahova lurmusiltei keil, lumules en out koa amumon tavolin keil ome eni.
4315	NUM 20:3	ka aselus kutut kat Mosis avit, “Tahos imok keke komai mivamatmat en hen Iahova, navong mu vini onomai keil en metareh ten Eim Tavolin onen.
4318	NUM 20:6	Mosis ka Eron lumea ran meatin keil ka luvati keilu en metareh ten Eim Tavolin. Luvita netan, naealu vita rokol atan, ka lules muohien onen Iahova ritin kistal en keilu.
4321	NUM 20:9	Sakini Mosis va, kur eisal onen ran Eim Tavolin suval koa Iahova meng kati.
4345	NUM 21:4	Me-Isrel keil alokovein Vatihou Hor ka amusil sise koa va en Atas Tahilhili. Amumoni mukonek ven e vati avakarahit atan esen me-Edom keil. Ka navong amul semau en sise, tine tamurei.
4380	NUM 22:4	Me-Moab keil aviteni min hetetamen keil onen me-Mid keil avit, “Tali meatin keil ekek, hervitei tuetin, ian vasi tounah koa mul rahit ir, asuval buluk tai koa mul kan vasi oumunai en vieh onen.” Sakini asuv houlu Balak
4381	NUM 22:5	sila eiloheh keil onen uva avahise Balaam, natnali Beor, koa ro en taon ten out Pethor, vesesal ven Oaisal Upretis en atan ten out Amao. Keil akur selusien onen asuv houlu Balak mai veni koa vit, “Tali meatin keil koa mariso ramat aka en out Isip. Meatin keil teni amul asien vasi out, ka amul asak avalah lat atan oser.
5861	JOS 1:8	Tus ten mengkatien keil, kihuli lises en meten meatin keil. Kindem usili meneai ka vongien. Hemukonek, kokilea kovoum vousil asa koa amutisi mul ien. Hesakini tounah vasi koa kiling hem eni hekur aneite ka asa koa kum visi hekistal hemai hehi anatin.
5862	JOS 1:9	“Anatin, navit mahit risi minuk keke rendemien onom hekeih ka konametautei. Tinom namaleileitei vuo konandem maenuktei, veni inau, Iahova, Ahi onom, nito venuk en out vasi kiha ien.”
5881	JOS 2:10	Komai melonge mukave Iahova mumon Atas Tahilhili memes ven kami navong mimul milokovein out Isip. Melonge mun mukave mimu vini Sihon ka Og, asuv houlu keilu ten out Amor en out ist ten Oaisal Sodan.
5968	JOS 6:17	Taon enek ka tounah vasi koa mul ien, mihou rasilini suval sanien votut tai min Iahova. Rehab enges ral min onen keil, minou vinitei keil veni kei ling suain meatin taleisuaien orer.”
6480	JOS 24:2	Sosua viteni min meatin keil vit, “Iahova, Ahi onen me-Isrel keil, viteni mukok vit, ‘En avong telamu, avu onami keil aro en usi vali Oaisal Upretis, ka uva netan min ahi sav keil. Tai en avu keil enek vi Terah, tata onen Ebraham ka Nahor.
6556	JDG 2:9	ka arahini en atan kati osen en hou keil ten out Timnat Serah, not en Hou Kas.
7130	RUT 1:1	En avong mulamu, avong koa Iahova mul san metai keil avakataun me-Isrel keil veni arkurtei veah asuv houlu tai valosil kat keil, an tisa mai en out koa me-Isrel keil aro ien. Anatin, ous romustei avong houlu ka sakin anien tovuol ka amai kat meatin keil. Sakini, meatin tai ten out Betlehem mul en atan onen me-Sudah keil, kei va en kantri ten out Moab, isen Elimelek, ka kei kistal en mari vatiamal onen Efrat. Kei va ral min ahin onen, isen Noume, ka ral min natnali keilu, isealu Malon ka Kilion. Telva telro en atan onen me-Moab keil sua vahis.
7144	RUT 1:15	Sakini, Noume viteni mini vit, “?Rut, kolesi? Tumahin va ris ven meatin keil onen ral min ahi keil onen. Keik emun kusili kiha en vatiamal onom.”
7170	RUT 2:19	Navong Noume lesi, mutimanin eni ka visi vit, “?Kosa, kolah ruain uti bale keil enek en out kave? ?Ah sen sei varei keke komum ien? Tokolkatien onen Ahi hel en meatin koa lesuk ka mumoni tahos minuk.” Sakini, Rut viteni min Noume vit, “Namum en ah sen meatin tai koa isen Boas.”