63	GEN 3:7	Hatte tas, rendemien onealu maluv ka lukileile, ka lulei kilea suk keke lukaka hon ka lumemou veni. Sakini, lulah ou fik keil, lupar ruaini ka lukav koe keilu eni.
80	GEN 3:24	Kei sila lat keilu evus, ling angelo keil koa avise keil en ‘Sereb’ avalei kokoe meteau ten Ah Iden en usite koa ist. Ka Iahova ling naef koa ahang vilhili eni ka mul vilehiles val koe sise vaha en vatiai koa san moulien ten lisenges.
554	GEN 22:6	Ebraham san av ten sanien min Aesak vousi, ka kei kur naef ka vatihang. Navong lumual ruai luva,
558	GEN 22:10	Evus, kahut lat naef onen vit vasal vini.
768	GEN 27:40	Keik kiles en huhuen ka kihuli kat naef onom lises. Ka avaseini, kihi eiloheh onen tumali. Ka hekatau, navong kihit kovaso sesein keihoen onen tumali, kokilea kovamaluv rani.”
1028	GEN 35:16	Avong vahis muli, Siekob ka onen keil amea ran out Betel. Ka navong amul amual semau, soutin neli ran out Efrat, avong mai keke Resel vakur tivava ka kei votini keih.
1031	GEN 35:19	Navong Resel mat, arahini en vali sise koa va Efrat (kosa, out enek avise en Betlehem).
1151	GEN 39:1	Ka me-Ismael keil akur Siosep uva en out Isip keke hemai hehi slev. Ka meatin tai vuli, isen Potifar. Kei vi avat onen meatin taleikokoeien keil koa alosil kat mari eim omon Asuv Houlu ten out Isip.
1152	GEN 39:2	Ka avong Siosep ro teim onen Potifar en out Isip, Iahova katauni en tounah vasi koa mumoni
1154	GEN 39:4	Potifar si houlu veni ka lingi vi avat en teim onen, lei kat tounah vasi keil onen.
1156	GEN 39:6	Sakini, veni Siosep mul lei kat revi tounah vasi onen, Potifar romundem etai mun tounah. Mundem anien enges koa kei vani. Siosep, aven tahos ka veinan malikuh imok,
1157	GEN 39:7	ka avong vahis muli, ahin onen Potifar ling rendemien onen mul ien ka visi vit vamatil vatal mini.
1162	GEN 39:12	Ka navong ahin onen Potifar lesi, vuli kat eisin onen ka vit, “!Amai, matil vatal minau!” Ka kei seseini, mul lohosai rani, ka ling eisin tai omon mules en hen.
1166	GEN 39:16	Kei vuli kat eisin omon Siosep mules veni rokol avong Potifar muris mai teim.
1169	GEN 39:19	Navong Potifar raengon tunien enek, tin tisa houlu ka vuroh kat Siosep.
1246	GEN 41:50	Mulamu en avong ten amai, Siosep kur ahin tai, isen Asenat, natnahin pris tai, isen Potefara. Kei kur titan Siosep elu.
1248	GEN 41:52	Ka en koa katau, ling isen ‘Efrem’ koa aneite teni vi ‘san titiali’ veni vit, “Ahi san titiali keil minau en out tasakvisien keil onak.”
1453	GEN 48:1	Avong vahis muli, Siosep kur selusien tai koa vit, “Tata onom mesai.” Sakini, kur titan keilu, Manase ka Efrem, telva telsao eni.
1457	GEN 48:5	Evus, Siekob viteni mun vit, “Siosep, ehon onom koa avasi keilu en out Isip mulamu en avong numai ekok, nikur kan keilu luhehi onak. Efrem ka Manase luhesuval ehon onak keilu, Ruben ka Simeon.
1458	GEN 48:6	Munak ehon tei ris ikistal enuk, ihi onom esuk. Atan koa keil ikuri, ikuri ran out koa nisani min Efrem ka Manase.”
1465	GEN 48:13	Sakini Siosep ling Efrem en usiven Siekob koa meil, ka Manase en usiven matu.
1466	GEN 48:14	Ka Siekob mupes en hen esuk, ka ling hen matu mul en vatin Efrem, avaseini vi tasite. Ka hen meil, lingi mul en vatin Manase koa vi moeite.
1469	GEN 48:17	Navong Siosep les tata onen ling hen matu mul en vatin Efrem, rositei veni. Sakini mul sak vakulat hen tata onen ran vatin Efrem ka valingi en vatin Manase.
1472	GEN 48:20	Sakini kei rokol kat keilu en avong enek vit, “Me-Isrel keil ihit usil keilu en avong ten tokolkatien ihit, ‘Ahi hetokol katuk hesuval koa kei mumoni en Efrem ka Manase.’” En sakien enek, Siekob ling Efrem mulamu en Manase.
1530	GEN 50:23	Kei moul semau les titan Efrem keil ka havinali keil. Les titan Makir koa vi natnali Manase, ka kur revi keil umai en vatiamal onen.
4152	NUM 14:43	En out enek, mihehisu min me-Amelek keil ka me-Kenan keil emun, ka keil isal vini kami hetal min naef tavaeen keil one. Keil umoni hemukok veni kami milokovein Iahova tuai. Sakini, kei emun lokovein kami.”
4405	NUM 22:29	Balaam vit kesi mini vit, “Veni keik kosakinau namemou vareis en meten hetetamen keil ekek. Vahit makur naef, kosa, masahuk kovamat.”
4407	NUM 22:31	Evus, Iahova maen Balaam les angelo onen vatimal ral min naef onen. Navong Balaam lesi, mot va netan ka nan rokol atan.
5843	DEU 34:2	Iahova rie lati mini atan vasi keil koa hehi onen Navtali, atan koa hehi onen Efrem ka Manase, atan koa hehi onen Sudah, ka lesi va va vio … rokol out koa meteiai vanu ien en Atas Medeterenia.
5875	JOS 2:4	Ka navong raeng kotehei keke meatin keil onen asuv houlu avamai veni, Rehab kur meatin keilu enek ka kav koe keilu en vangi flakis koa ling revi en hoi eim onen. Sakini, navong meatin keil onen asuv houlu umai avisi, kei vit, “Anatin, meatin oteta keil umai en teim onak ka inau narkileatei keke keil ten out kave. Ka keilu lulokovein teim sak navong meteiai munu ka akoteh en meteau ten taon. Inau narkileatei luva kave. Ka munak mihekatau sil keil hekalah, mikilea mivatokol keil.”
5938	JOS 5:2	Evus, Iahova viteni min Sosua vit, “Kumon tei naef en ahat takan koa avise en flint ka kumon vekahoi en me-Isrel keil koa arvi vekahoitei veah.”
5972	JOS 6:21	Uva ral min naef tavaeen keil one ka amu vini tounah vasi koa amul ien: meahos ka ahin keil; titiali keil ka ulmatu keil; ka buluk, sipsip ka dongki keil emun.
7130	RUT 1:1	En avong mulamu, avong koa Iahova mul san metai keil avakataun me-Isrel keil veni arkurtei veah asuv houlu tai valosil kat keil, an tisa mai en out koa me-Isrel keil aro ien. Anatin, ous romustei avong houlu ka sakin anien tovuol ka amai kat meatin keil. Sakini, meatin tai ten out Betlehem mul en atan onen me-Sudah keil, kei va en kantri ten out Moab, isen Elimelek, ka kei kistal en mari vatiamal onen Efrat. Kei va ral min ahin onen, isen Noume, ka ral min natnali keilu, isealu Malon ka Kilion. Telva telro en atan onen me-Moab keil sua vahis.
7203	RUT 4:11	Hetetamen keil ka meatin tateisav keil emun aviteni mini avit, “Anatin, komai meles tounah keil koa kur out kosa. Mevisi keke Iahova houmon ahin enek koa hemai heto en teim som hemai hesuval Resel keilu Leah koa lukur ehon keil houlu onen avu Siekob koa umai avi mari vatiamal keil ten out Isrel. Ka en usite onom, mehis Iahova houmonuk kimai kihi hetetamen tai koa meatin keil koa akistal en mari vatiamal onen Efrat ihouhou mini. Anatin, mehis mini keke hesan eis tai minuk koa hehi hetetamen imok en meteimal ten out Betlehem.
7215	1SA 1:1	En avong tai, en taon ten out Ramah koa mul en vatihou keil koa vi en atan ten out Efrem, meatin tai ro en out enek, isen Elkanah. Kei vi natin Seroham, koa vi natin Elihu, koa vi natin Tohu, koa vi natin Sup, koa ka en mari vatiamal onen Efrem.
7394	1SA 9:1	En mari vatiamal onen Bensamin, hetamen tai mul ien koa tounah onen houlu, isen Kis. Tamen, isen Apiel, natin Seror. Ka Seror, kei vi natin Bekorat, natin Afia.
7439	1SA 10:19	Inau navi Ahi onami koa mul mutut kami ran mahien keil onami ka avong takeih keil emun. Ka kosa, misesein losilkatien onak ka mivis nau masan asuv houlu tai min kami. Mukonek, almai, mihelomal ekok en metok housil mari vatiamal keil onami. Evus, mihetiti vas kami housil titi amal keil koa mika ien.’” Sakini, Iahova viteni min Samuel keke hehotin asuv houlu onen me-Isrel keil en sakien koa aleh isen meatin eni. Ka Samuel mumoni en mari vatiamal keil, ka leh isen vatiamal onen Bensamin. Mumoni min titi amal keil, min famle keil ka min meahos keil emun ten famle koanek va vio … Samuel leh isen Sol. Ka navong uva avalekati Sol, avotini ro suai en out koa meatin keil aling ateli one ien veni kei metau.
7621	1SA 17:1	En avong enek, me-Filistia keil alah ruai keke avavae vatal min me-Isrel keil. Umai vesesal en taon ten out Sokah en atan onen koakeil aka en mari vatiamal onen Sudah. Keil amumon votevav keil ome en atan tai koa avise en Efes Damin koa mul luhu en taon ten out Sokah ka taon ten out Aseka.
7665	1SA 17:45	Ka Deved vit risi mini vit, “Keik kumai kovavae vatal minau ral min naef tavaeen ka ai takan keil. Ka inau, numai mavae vatal minuk en isen Iahova, Asuv Houlu ten Out Nesa. Kei varei vi Ahi onen meatin keil tavaeen onen me-Isrel keil koa komul koselus kekar eni.
7667	1SA 17:47	Kosa, meatin vasi keil koa amul ekok ilei kilea keke Ahi mul mutut moulien onen meatin keil onen. Ka romututtei keil en sise ten naef tavaeen keil ka metas keil. Vuo, kei varei hevae hetal min kami ka heling kami mihel en hemai.”
7670	1SA 17:50	Evus, Deved muloh va, mulomal vesesal veni, ka kulat naef tavaeen onen Kolaeot ran ateli teni. Evus, sal vini mat ka ra koteh vatin. En sakien enek, Deved koa tounah keil tavaeen onen tovuol, kei muas Kolaeot mat ral min siling talauien ka meralihat tanges. Ka navong me-Filistia keil alesi keke avkeih ten meatin tavaeen keil one mat, keil alohosai uva.
8016	1SA 31:4	Sakini, Sol viles vis litetai koa mul lah tounah keil tavaeen onen vit, “!Leh lat naef tavaeen onom ka kisal vini nau nimat! !Ek rovattei koakeil enek koa areingeingen Ahi avamai avoumon tohtohien minau navong uas nau nimat!” Ka litetai enek metau voumoni. Sakini Sol enges viles naef onen, mot va ien, ka sal vini kei sasen.
8017	1SA 31:5	Navong litetai enek lesi keke Sol mat, kei mun mot va en naef onen, ka sal vini kei sasen mat.
8298	2SA 12:9	?Sakini, vensa korlong kattei rek? ?Vensa komumon tounah koa tisa en metok? Keik varei komuas Uraea mat en naef tavaeen onen me-Amon keil. !Evus, kokur ahin onen mai vi onom!
8299	2SA 12:10	Ven komumon koanek, vatiamal tei keil onom, lises imatmat en naef tavaeen onen meatin sav keil. Koanek hekistal en vatiamal onom kati veni kosesein rek navong kokur ahin onen Uraea, koan Hit, vi onom.’
9137	1KI 11:26	Koanek vi tunien usil hetamen tai onen asuv houlu Solomon koa viles rani ka sesein keihoen onen, isen Sereboam. Tata onen mat tuai koa isen Nebat ten out Seredah en provins ten out Efrem. Ka mama onen vi vatina tai, isen Seruah.
9139	1KI 11:28	Navong Solomon va vales umen keil enek, lesi keke Sereboam vi meatin hau tai koa mum tahos. Sakini lingi vi avat onen vangi meatin toumien keil koa aka en mari vatiamal onen Manase ka Efrem.
9179	1KI 12:25	Navong meatin keil avati lat Sereboam mai vi asuv houlu one, kei va ro en taon ten out Sekem koa mul en vatihou keil en provins ten out Efrem. En out enek, kei sakin meatin keil onen avoumon vieh takeih tai vakarahiti. Evus, va en taon ten out Penuel, ka en out enek emun, amumon vieh takeih karahiti.
9329	1KI 17:9	“Kosa, kiha en meteimal ten out Serafat, vesesal en taon ten out Saedon koa romultei en atan onen me-Isrel keil. En out enek, nameng kat vatina tai koa rovitei ahin Isrel keke hesan anien minuk.”
9330	1KI 17:10	Sakini Ilaetsa va en out Serafat, ka navong mai vesesal en meteau ten taon, votin vatina tai koa mul lah ruain angosis. Navong lesi, visi vit, “?Kokilea kovasan etai hati oai minau?”
9372	1KI 18:28	Sakini provet keil avis keih tamun. Ka musil sakien keil one, keil arei ave en naef ka asal keil en metas keil va vio … rae mul mue.
9391	1KI 19:1	Navong Ehab muris va vales ahin onen, Sesebel, run mini usil tounah keil koa Ilaetsa mumoni, ka mukave mu vinvini provet keil vasi onen ahi Baal ral min naef tavaeen.
9400	1KI 19:10	Ka kei vit kesi mini vit, “O Iahova, Ahi ten out nesa, en moulien vasi onak, namum keih minuk. Ka me-Isrel keil aviles eisile ran hatkatien takeih koa komumoni ral min keil. Amu lin ahor ten sanien keil onom, ka amu vinvini provet keil vasi onom en naef tavaeen. !Inau sasok namoul, ka keil avit avouas inau mun mamat!”
9404	1KI 19:14	Ka kei vit kesi mini vit, “O Iahova, Ahi ten out nesa, en moulien vasi onak, namum keih minuk. Ka me-Isrel keil aviles eisile ran hatkatien takeih koa komumoni ral min keil. Amu lin ahor ten sanien keil onom, ka amu vinvini provet keil vasi onom en naef tavaeen. !Inau sasok namoul, ka keil avit avouas inau mun mamat!”
9407	1KI 19:17	Navat kati keke koa keitel ekek telhou motein kantri onak hetal naef tavaeen oneatel. Koakeil alohosai ran naef onen asuv houlu Hasael, Sehu houas keil imat. Ka koakeil alohosai ran naef onen Sehu, Elisa suk houas keil imat.
10161	2KI 22:12	Evus, kei san selusien va min meatin keil ekek: pris Hilkia, Ahikam (natin Safan), Akbor (natin Mikaeah), Safan (klak onen asuv houlu), ral min Asaea (meatin takataunien onen asuv houlu). Ka navong umai, asuv houlu Sosaea meng kat keil vit,
12513	NEH 8:16	Sakini, meatin keil along kati ka uva arei ai keil ka alah risi umai. Evus, keil amumon votevav keil ome en out vasi keil: nesa en hoi eim one koa vi aet, vuo neim en teahu one, vuo tei en meatin keil koa amumon ome vesesal ven Eim Votut onen Ahi. Ka koakeil koa mun, amumon ome en out ten lahruaien vesesal en Metareh ten Vulioai vuo en out ten lahruaien vesesal en Metareh onen Efrem.
12593	NEH 11:1	En avong enek, asuv keil onen me-Isrel keil amundemi tahos keke avoum ris teim se keil en out Serusalem. Ka meatin sav keil amundemi tahos keke umon taet en meatin keil one koa akilea avato en out Serusalem, avoum revi taon votut onen Ahi. Sakini, aleh eis ten famle keil koa ito ien musil sakien koanek: en famle halualim (10) vasi keil onen me-Isrel keil, aleh isen famle tai. Ka koakeil arlehtei ise, keil uva amumon teim se keil en taon ka en meteimal sav.
12890	JOB 1:17	Kei mun roselus vasitei mau, meatin toumien tateisav mai ka vit, “Meatin tahenaien keil ten out Kaldea ariti vas keil en vangite etel ka amuloh ven komai. Asal vini meatin keil toumien onom en naef one, ka alah vasi kamel keil osom. Inau sesuk nalohosai keke numai navit meseini minuk.”
12906	JOB 2:11	Navong longlongien usil mahien onen Siob ka vasi out, time etel telraengoni. Iseatel vi Elivas ten out Teman, Bildat ten out Suah, ka Sofar ten out Namah. Navong telraengoni, telmai en rendemien keke telvaha telvasan enmahisien oneatel mini ka telvakatauni en selusien.
13331	JOB 20:1	Evus, Sofar ten out Namah selus min Siob vit,
13935	JOB 42:9	Elivas, Bildat, ka Sofar telmumon asa koa Iahova viteni min keitel telvoumoni. Ka Iahova raengon hisien onen Siob en usite onealu.
16461	PSA 149:6	Keil ihiso hetal min masmasien ven Ahi one, navong avuli kat naef tahuen keil one.
16462	PSA 149:7	Hetal min naef onen meatin keil onen, Ahi helei rahit usite onen meatin savsav keil ten out netan ka hesan mahien min keil.
22704	MIC 5:1	Ka Iahova vat kati min meatin keil onen ka en provet Maeka vit, “Avaseini keke vatiamal onen Betlehem Efrat vi havivi mok en vatiamal sav keil onen me-Sudah keil ka nisakin asuv houlu tai hekistal ien koa helosil kat revi me-Isrel keil. Anatin, en avong telamu, kei mul tuai, ka hemai ris helosil kat me-Isrel keil.”
23249	MAT 2:11	Navong keil uva neim, ales titiali keilu Meri, mama onen. Ka navong ales titiali enek, aretengeiril ka uva netan mini. Evus, alah lat more sanien keil one ka asani mini. Asan gol, frangkansen, ka mir.
23329	MAT 5:26	Anatin eli naviteni minuk, keik kito en out enek ka kosakras kovamaluv heha vio … kihul vasi faen koa alingi enuk.”
23334	MAT 5:31	Iesu mules visein meatin keil vit, “Kami milonge keke Mosis meng kat avu keil onami telamu vit, ‘Meatin koa vit valokovein ahin onen, hesan Setifiket ten Tasilien mini, evus, kilea valokoveini.’
23838	MAT 19:7	Ka Farasi keil avisi avit, “?Mukonek, vensa varei Mosis meng kati vit, ‘Meatin koa vit valokovein ahin onen, hesan Setifiket ten Tasilien mini, evus, kilea vasila lati?’”
23896	MAT 21:1	Navong Iesu ka onen keil umai vesesal en out Serusalem, keil akistal en meteimal ten out Betfas, vesesal en Hou Nei Olip. En out enek, Iesu sila meatin elu onen
23914	MAT 21:19	Ka les vati fik tai mul en vali sise. Ka navong va vesesal veni, votini keke heite tovuol, les outes. Sakini, Iesu viteni min vati fik vit, “!Heiai hetovuol emun enuk!” Ka hatte tas, vati fik enek mukou.
23915	MAT 21:20	Navong meatin keil onen Iesu alesi, amutimanin ka avisi avit, “?Vati fik enek mukou hatte tas mukave?”
23916	MAT 21:21	Ka Iesu vit kesi min keil vit, “Anatin eli naviteni min kami, munak demkatien onami mul ka mihermundem maentei asa koa mivisi, kami mikilea mivoumon asa koa namumoni en vati fik. Ka roviteis koanik, mikilea emun mivahiteni min hou koanik mivahit, ‘Kimea ran vulum ka kiso sasom enuk kiha en atas,’ ka hekur out.
24058	MAT 24:32	“Kami mihekur hihiseien koa ten vati fik. Navong angoite so lati ka mul son oute hau keil, mikilea keke avong ten romrom mul mai vesesal.
24126	MAT 26:3	Ka en more teim osen Kaiafas koa vi asuv houlu onen pris keil, asuv keil onen pris keil ka elda keil alah ruai.
24170	MAT 26:47	Navong Iesu mul semau selus, Sudas, tai en teindan elu onen mai kistal. Ka mari vangi meatin keil amusili umai. Keil alah kat mari naef ka ai tavaeen keil. Umai musil rendemien onen asuv keil onen pris keil ka elda keil onen Siu keil.
24174	MAT 26:51	Ka tai en meatin keil onen Iesu leh lat mari naef onen ka musah koteh ralingen slev onen asuv houlu onen pris keil.
24175	MAT 26:52	Iesu viteni keih mini vit, “Ling ris naef onom en vulin veni koakeil avuhu en naef tai, imat en naef.
24178	MAT 26:55	Evus, Iesu viles les mari vange meatin keil enek ka viteni min keil vit, “?Vensa milah kat naef ka ai tavaeen keil keke mivamai mivahuli kat nau? ?Mimundemi namulamun meatin keil keke mevavae vatal min kavmen orer? !Vuo! En avong vasi, narondan en teahu ten Eim Votut ka navisein meatin keil, ka en out enek mirvuli kattei nau.
24180	MAT 26:57	Koakeil avuli kat Iesu akuri va en teim sen Kaiafas, koa vi asuv houlu onen pris keil. En out enek, tiser keil ten mengkatien ka elda keil onen Siu keil alah ruai tuai.
24661	MRK 10:4	Keil aviteni mukok avit, “Mosis maeni keke meatin tai helokovein ahin onen vit, ‘Meatin koa en vati valokovein ahin onen, hetis Setifiket ten Tasilien ka hesani mini. Hevus, hesila ahin onen heha.’”
24710	MRK 11:1	Navong Iesu ka onen keil umai vesesal en out Serusalem, keil akistal en meteimal ten out Betfas vesesal en Hou Nei Olip. En out enek, Iesu sila meatin elu onen
24722	MRK 11:13	Les vati fik tai mul keiva neli koa oute houlu. Navong va vesesal veni keke valei visi munak heite mul ien, votini keke heite tovuol, les outes veni rovitei avong kati teni vatekao.
24723	MRK 11:14	Sakini, Iesu viteni min vati fik enek vit, “!Meatin hetovuol emun hean etai heiai eris ranuk!” Ka meatin keil onen along selusien onen.
24729	MRK 11:20	En visokon semau, navong amual en sise, alei ris keke vati fik mukou tuai, oute vita rokol lite netan emat.
24730	MRK 11:21	Pita rendem ris en tounah koa kur out ka viteni min Iesu vit, “!Tiser, kilesi! Vati fik koa kosesenda eni mukou tuai.”
24814	MRK 13:28	Iesu vit risi min Pita keitel vit, “Mihekur hihiseien koa ten vati fik. Navong angoite so lati, mul son oute hau keil. Mukonek rokilea keke avong koa heite vakistal ien mai vesesal.
24866	MRK 14:43	Navong Iesu mul semau selus, Sudas koa vi tai en meatin teindan elu (12) onen kistal. Ka meatin keil amusili umai, alah kat mari naef ka ai tavaeen keil. Umai musil rendemien onen asuv keil onen pris keil, elda keil ten out Serusalem ka tiser keil ten mengkatien onen Mosis.
24870	MRK 14:47	Ka tai en keil vati mul vesesal en out enek, leh lat mari naef onen ka musah koteh ralingen slev onen asuv houlu onen pris keil.
24871	MRK 14:48	Ka Iesu vis meatin keil enek vit, “?Vensa mimai milah kat naef ka ai tavaeen keil? ?Mimai keke mivahuli kat inau vasuval navi tarhena tai?
25077	LUK 2:35	Hesakin rendemien suai keil onen meatin keil imai en mesai. Ka asa koa hekistal eni, hesakin keik emun kilonge hetisa, hesuval koa naef mul sal vinik.”
25096	LUK 3:2	Ka en avong enek, Annas ka Kaiafas lukur umen ten asuv houlu onen pris keil. En avong enek, Ahi selus min Sion, natin Sakaraea, en out volvol.
25593	LUK 13:6	Evus, Iesu viten tatavolien tai min meatin keil ekek vit, “En avong tai, meatin tai mul koa vis meatin toumien onen vaha valuh vati fik tai en nei grep osen. Ka navong vati fik koanek mul moul, lises, kei mai ka lekat vis heite teni. Ka en avong vasi, lesi keke heite tovuol ien.
25594	LUK 13:7	Sakini, kei viteni min meatin koa mul losil kat nei grep osen vit, ‘Sua etel tuai keke namul numai nalekat vis heite en vati fik koanik, ka narvotin etai varei. !Ta lati! !Kei mul koe heisav en out enges!’
25829	LUK 19:29	Navong umai vesesal en out meteimal keilu ten out Betfas ka Betani, vesesal en Hou Nei Olip, Iesu vis elu en meatin keil onen keke luvaha luvalamu en keil.
25919	LUK 21:24	En avong ten vaeen, isal vini tei en keil imat hetal min naef keil, ka teimun en keil ipar kat keil ka ilamun keil iha en hen asuv keil ten kantri sav. Ka Ahi hemaen taon ten out Serusalem min koakeil arvitei Siu keke ito eni ka ipuruni hetokol avong koa Ahi hehiteni keke avong one vinvin.
25924	LUK 21:29	Evus, Iesu viten tatavolien koanik min meatin keil onen vit, “Mihendem vis vati fik keil hetal min vatiai sav keil emun.
25969	LUK 22:36	Ka Iesu viteni min keil vit, “Ka kosa, tai koa mani vuo ateli onen mul, hekur kati hetal mini. Ka munak naef tavaeen onen tovuol, kei hesalem en eisin omon ka hehul tai.
25970	LUK 22:37	Naviteni min kami, selusien koanek en Tus Votut hemai hehi anatin en moulien onak koa vit, ‘Mesaea hehi tai en vangi meatin keil tavaeen.’ Sakini, keitinek, mihekur naef keil keke asa koa amutisi usil inau hemai hehi anatin.”