90	GEN 4:10	Ka Iahova viteni mini vit, “?Ken, komumon sa? ?Korraengontei? !Ran tumali mul murang minau ran atan vit kihinat asa koa komumoni!
689	GEN 25:30	Sakini viteni min Siekob vit, “!Amai katnau vareis! !San tei sup tahilhili keisom maani!” Ven koanek, aling isen tamun vi ‘Edom’ koa aneite teni vi ‘vilhili.’
766	GEN 27:38	Esao mulelis peah tata onen vit, “?Tokolkatien onom tas eli? !Tokol kat nau li mun! !Tata, tokol kat nau li mun!” Ka muai roha.
1117	GEN 37:33	Kei lesi, lei kilea ka viteni vit, “!Anatin eli, onen varei! !Tirendan tai rali vahas natkuli, ka kani li varei vus!”
1239	GEN 41:43	Evus, san kat koa hos lehei keke Siosep heloh eni, koanek vi onen meatin koa vi he matu onen asuv houlu. Ka navong mul muloh eni, meatin keil avisohiso avit, “!Almalingling! !Avat ten Kavmen mul mai, almalingling!” Mukonek, Siosep mai vi Avat ten Kavmen ten out Isip.
1385	GEN 45:26	Aviteni min tata one avit, “!Tata! !Siosep mul moul veah! !Kei vi Avat ten Kavmen en out Isip!” Siekob en von ka rokurtei anatin en keil.
1895	EXO 14:5	Navong asuv houlu ten out Isip raengoni keke me-Isrel keil avaha tuai, kei ral min hetetamen onen keil, rendemien one viles ka avit, “?Asanei ke romul romumoni? !Romaen me-Isrel keil alohosai ran ir, ka keil irmumontei mun umen keil orer!”
2010	EXO 18:10	“!Nasan masmasien min Iahova koa rali latuk ran hen asuv houlu ten out Isip ka meatin onen keil! !Nasan masmasien min Iahova koa rali lat meatin keil onen koa avi slev onen me-Isip keil ran mahien one!
4106	NUM 13:30	Ka Kelep mai vesesal ven Mosis en meten meatin keil, mumon keil tine merau ka vit, “!Rovaha varei, rovakur out! !Veni rokileas rovou lin keil!”
4136	NUM 14:27	“?Meatin keil ekek isel kutut kat nau hetokol nengeis? !Inau naraengon selkututien keil one vinvin!
4150	NUM 14:41	Ka Mosis vit risi min keil vit, “?Vensa varei kami mimules mirali koteh mengkatien keil onen Ahi? !Misakras mivakur atan enek!
4317	NUM 20:5	?Vensa komulamun komai romemea ran out Isip keke romai en out koa vi heite hon? ?Kilesi? Ekonek, anien tovuol ka heiai tovuol. !Ka oai tovuol emun rovamuni!”
4346	NUM 21:5	Sakini aselus kutut kat Ahi ka Mosis avit, “?Vensa kokulat komai ran out Isip ka komulamun komai en out volvol mevamatmat? En out enek, anien ka oai tovuol varei. !Anien tisa enek, emai rovattei mun!”
4424	NUM 23:7	Balaam vit mesein ren Ahi vit: “Asuv houlu Balak kur nau ran hou keil ten out Aram en usite ist. Kei vise inau vit, ‘Amai selus en usite onak. !Kisesenda en me-Isrel keil!’
5874	JOS 2:3	Sakini, san selusien koanik va ven Rehab koa vit, “!Meatin elu koa lumul en teim onom, lumai luvalei suai en out vasi! !Lah lat keilu luvasital!”
5884	JOS 2:13	Milhehat kati minau keke navong meatin keil onamil imai ekok, milhoutut tata ka mama onak, tuak keil ka tukahin keil, hetal min one keil emun. !Milnamaentei anou vini komai li!”
7141	RUT 1:12	!Vuo! !Milheha ris! Inau navi tovuli ramat keke matetalihe eris. ?Avaseini munak navit matetalihe ris kosa, ka nikur ris ehon elu mun,
7145	RUT 1:16	Ka Rut vit kesi mini vit, “!Konasilatei nau nanaha ranuk! Kimaenau mousiluk. !Out kave kiha ien, inau mun niha ien! !Out kito ien, inau mun nito ien! Meatin onom keil ihi meatin keil onak emun. Ka Ahi onom hehi Ahi onak emun.
7146	RUT 1:17	Out koa kimat ien, inau mun nimat ien, ka itahin nau en out enek. Inau nirmaen etai tounah hekulat nau niha ranuk heha vio … ialu tai hemat esuk. !Koanek vi hatkatien onak ka Iahova hesan mahien koa hekeih ramat hemai kat inau munak nitali kotehei!”
7225	1SA 1:11	Hanah mumon hatkatien takeih tai keih ral min Ahi vit, “!O Iahova, Asuv Houlu ten Out Nesa, kilele ka kiles inau li koa navi ahin toumien onom! Kilele ka kiles mahien keil onak eli ka em hemahis inau li. !Em navobongentei nau li! Navat kati minuk keke munak kisan titiali tai koa hehi meahos minau, inau nisan risi minuk hehi meatin votut tai onom en moulien vasi onen. Ka nitie lati hehi anatin heka en usite koa mihersouitei hilen en moulien vasi onen ka hermuntei varei oai takeih keil.”
7228	1SA 1:14	Sakini viteni mini vit, “?Kumon sakien ten munmunien enek heha vio hetokol nengeis? !Hevus kosa! !Kiseh en munmunien onom!”
7581	1SA 15:19	?Munak koanek anatin, vensa korlong kattei selusien onen? ?Vensa kokalah kolah ruain tounah vasi one koa tetahos? !En meten Iahova, asa koa komumoni tisa vareis!”
7664	1SA 17:44	Evus, viso va min Deved vit, “!Amai! !Inau nisal vinik ka nisan teiai onom min aman ka tirendan keil iani.”
7666	1SA 17:46	!Ka kosa, Iahova helinguk kil en hek! !Nouasuk kimat ka nita koteh vatum! Hevus, nisan teiai onen meatin keil tavaeen ten out Filistia iha min aman ka tirendan keil iani. En sakien koanek, meatin vasi keil ten out netan ilea suk keke Ahi onen me-Isrel keil kur keihoen ka mul mum en usite onomai.
7686	1SA 18:8	Navong Sol longe mukok, longe tisa ka tin vepeng. Kei vit sasen eni vit, “Keil aviteni keke Deved muas meatin taosen halualim (10,000), ka inau, avit taosen tas (1000). !Hervitei tuetin, keil ilingi hemai hehi asuv houlu one!”
8016	1SA 31:4	Sakini, Sol viles vis litetai koa mul lah tounah keil tavaeen onen vit, “!Leh lat naef tavaeen onom ka kisal vini nau nimat! !Ek rovattei koakeil enek koa areingeingen Ahi avamai avoumon tohtohien minau navong uas nau nimat!” Ka litetai enek metau voumoni. Sakini Sol enges viles naef onen, mot va ien, ka sal vini kei sasen.
8273	2SA 11:11	Uraea vit kesi mini vit, “!Asuv, nasakras! Kosa, me-Isrel keil ka me-Sudah keil amules en votevav keil ome. Ka Bokis ten Hatkatien Takeih onen Ahi mules matil en eim tavolin tai enges. Avat onak, Soab, ral min avat tavaeen sav keil onom, keil amules amatil hae en mesaiuai. Sakini, romaltei keke inau maha teim, maanian vatahos, mamun hati uaen ka mamatil vatal ahin onak. !Navat kati keih minuk keke nasakras moumoni!”
8302	2SA 12:13	Navong Deved longe, viteni min Netan vit, “!Aue li! !Inau namum tisa houlu li en meten Iahova!” Ka provet Netan vit kesi mini vit, “Iahova sahulin tisaen ran moulien onom ka keik, kirmattei.
9170	1KI 12:16	Navong meatin keil alei kilea keke asuv houlu Rehoboam sakras valong selusien one, keil aselus keih mini avit, “!Komai mehertotei mun en hen koakeil aka en vatiamal onen Deved! !Anatin, mehermusiltei mun koakeil akistal ran natin Tiese! ?Keil asan asa varei min ir? !Tounah tovuol! !Me-Isrel keil, rovaha ris teim! !Rehelokovein meatin ekek helosil kat koakeil akistal ran vatiamal kati onen enges!” Sakini, me-Isrel keil aviles eisile rani, ka aretasil uva ris teim se.
9182	1KI 12:28	Sakini Sereboam vis rendemien onen meatin sav keil keke houmon sa. Ka musil rendemien one, vis meatin tei keke avoumon nana elu (2) en gol koa lukur niniven buluk. Navong amumoni evus, lah ruain meatin keil onen ka viteni min keil vit, “Me-Isrel keil, kami miva en out Serusalem lises keke mivaha netan eni. !Ka ahi onami keiek! !Koakeilu ekek lulah lat kami ran out Isip!”
9343	1KI 17:23	Evus, Ilaetsa leh lat ehon enek, vousi va, san risi min mama onen ka viteni mini vit, “!Les visi! !Natmali moul enges!”
9365	1KI 18:21	Evus, Ilaetsa mai mulomal en meten meatin keil ka viteni vit, “?Rendemien onami elu hevus nengeis? !Munak mimundemi keke Iahova vi Ahi anatin, miheha netan enges mini! !Ka munak mimundemi keke Baal vi ahi anatin, miheha netan mini enges!” Ka meatin keil aro raeng.
9371	1KI 18:27	Evus, en taviai, Ilaetsa selus karen keil vit, “?!Ei mukave, ahi onami vi anatin vuo …!? ?Nahi kei mul rendem usil tounah sav, vuo va en klosis, vuo kei mual va en out sav tai? ?Nahi mul matil? !Kami mihesisil eni, tahos imok mihehis hekeih tamun!”
9384	1KI 18:40	Evus, Ilaetsa meng kat meatin keil vit, “!Alha alhuli kat provet keil onen Baal! !Minamaen etai en keil nalohosai!” Sakini meatin keil avuli kat keil vasi. Evus, Ilaetsa mulamun keil uva en Poal Kison, ka en out enek, amu vinvini provet keil vasi onen Baal.
9400	1KI 19:10	Ka kei vit kesi mini vit, “O Iahova, Ahi ten out nesa, en moulien vasi onak, namum keih minuk. Ka me-Isrel keil aviles eisile ran hatkatien takeih koa komumoni ral min keil. Amu lin ahor ten sanien keil onom, ka amu vinvini provet keil vasi onom en naef tavaeen. !Inau sasok namoul, ka keil avit avouas inau mun mamat!”
9404	1KI 19:14	Ka kei vit kesi mini vit, “O Iahova, Ahi ten out nesa, en moulien vasi onak, namum keih minuk. Ka me-Isrel keil aviles eisile ran hatkatien takeih koa komumoni ral min keil. Amu lin ahor ten sanien keil onom, ka amu vinvini provet keil vasi onom en naef tavaeen. !Inau sasok namoul, ka keil avit avouas inau mun mamat!”
9567	2KI 2:12	Navong Elisa lesi, kei vis keih va min Ilaetsa vit, “!Ilaetsa, tata onak eli! !O tata onak eli! Keik koa kolei kokoe en komai, me-Isrel keil, ral keihoen onom koa mulin hos ka kat keil tavaeen, kosa kolokovein komai.” Ka navong Elisa rolestei mun, rangisi ka rali vas eisin omon.
9570	2KI 2:15	Vangi provet keil koa aka en out Seriko amul amulomal soutin neli. Ka navong keil alesi, avit, “!Alles tei mau! !Keihoen onen provet Ilaetsa mai sien Elisa!”
9662	2KI 5:11	Navong Neman longe, tin katiat ka vut va en kat onen ka va. Kei viteni min meatin keil onen vit, “!Inau navi hetamen tai! Namundemi keke provet enek hesital heles inau nges. Namundemi keke helomal hehis min Iahova, Ahi onen, ka hetelan hen en out koa mesaien ten leprosi mul ien keke hesak revi avek heto. !Ka vuo! !Kei romumon etai tounah!
12503	NEH 8:6	Evus, Esra viso keih min meatin keil enek vit, “!Mihemasmas Iahova, Ahi koa vi hetetamen imok!” Ka meatin keil akukuvin he vina nesa ka avit kesi avit, “!Anatin! !Anatin eli!” Evus, uva netan min Iahova, aretengeiril ka nae vita rokol atan.
13364	JOB 21:5	“!Mithelele ka mitheles inau! !Hesakin mithetimanin ka emitel hevon!
13393	JOB 21:34	“?Ka kamitel, mitvit mitvoumon nau malonge vatahos en selusien keil koa vi heisav enges? !Vuo! !Selusien vasi koa mitsani minau vi luvosien!”
13870	JOB 40:2	“Siob, kovit Ahi ten Keihoen mum romaltei. !Keik koselus va kat nau, kihit kes selusien onak!”
14023	PSA 8:2	!Ahi Asuv onomai, isom marite mok en out vasi netan! Muohien ten hetetamenien onom vilelau en out nesa.
14031	PSA 8:10	!Ahi Asuv onomai, isom marite mok en out vasi netan!
14045	PSA 9:14	!Ahi Asuv, em hemahis inau li! Kilei kilea mahien onak koa meatin keil mete tisa enau amumoni minau. Kikulat nau ran matien, Asuv onak,
14051	PSA 9:20	!Ahi Asuv, amai! !Konamaentei meatin etai nandem heisav enuk! Kilah ruain koakeil amusil ahi sav keil imai venuk ka kisan mahien min keil.
14261	PSA 24:3	!Anatin! !Ahi Asuv vi Ahi ten keihoen! ?Sakini isei kilea vahina en Hou Saeon onen Ahi Asuv? ?Isei kilea vaha en Eim Votut onen en out enek?
14265	PSA 24:7	!Sehen metareh! Voiteh ten Eim Votut hetah, veni asuv houlu ten muohien hemai neim.
14267	PSA 24:9	!Les visi! Asuv houlu ten muohien mul mai. !Sehen mari metareh ten taon veni! !Voiteh ten Eim Votut hetah!
14268	PSA 24:10	?Isei vi asuv houlu ten muohien? Iahova, Asuv ten out nesa. !Kei vi asuv houlu ten muohien!
14309	PSA 27:7	!Ahi Asuv, kitaengonau navong navisok! !Em hemahis nau li, ka kisan aneite ten hisien keil onak!
14316	PSA 27:14	!Kami miheling desien onami en Ahi Asuv! !Mihehati kami hekeih, minandemkotei! Anatin, miheling desien onami eni.
14326	PSA 29:1	!Angelo keil ten out nesa, mihesan masmasien min Ahi! !Mihemasmasi ven muohien ka keihoen onen!
14327	PSA 29:2	!Mihemasmas Ahi Asuv koa isen hetetamen imok! !Miheha netan min kei koa votut navong muohien onen hekistal!
14341	PSA 30:5	!Kami koa mimusil Ahi Asuv! !Mihesau masmasi! Ahi vi votut, mihendem kat asa koa kei mumoni min kami, ka mihehiten hihuri veni.
14385	PSA 32:11	Kami koa mimum mal en meten Ahi, mihelonge hetahos ka mihevut kami. !Kami koa milong kati, mihehisohiso en sien!
14554	PSA 40:6	Ahi Asuv onomai, tounah houlu komumoni min komai. !Tounah tovuol vasuvaluk! Keik koling more hatkatien houlu ven komai. Meatin tovuol vahuli lat keil vasi, avi houlu ramat, nasakras mahit lat keil vasi.
14557	PSA 40:9	!Ahi Asuv, ek vati mok mousil hatkatien keil onom! Lises, nihuli kat hihiseien keil onom en moulien onak.”
14562	PSA 40:14	!Ahi Asuv, kiting koe nau! !Kikataunau li!
14653	PSA 46:11	Ahi viteni min keil vit, “!Miheha netan ka miheilea keke inau navi Ahi! !Keihoen onen asuv keil ten out netan mules en hek! Ka moulien onen tounah vasi keil ten out netan emun mules en hek.”
14656	PSA 47:2	!Meatin vasi keil, miheovasvas hemi en sien! Mihemakul en isen Iahova hetal min masmasien.
14661	PSA 47:7	!Mihesau masmas Ahi! !Mihehati lat isen asuv houlu orer!
14925	PSA 66:1	!Meatin vasi keil ten out netan, mihemasmas Ahi hetal makulien ten sien!
15532	PSA 96:1	!Mihesau en souen hau tai heha min Iahova! !Meatin vasi keil ten out netan, mihesau mini!
15533	PSA 96:2	!Mihehati lat Iahova hetal min souen keil! En avong vasi, mihehitehiten more longlongien mihehit kei mul mutut moulien orer.
15541	PSA 96:10	!Mihehiteni min meatin vasi keil en kantri vasi keil keke Iahova vi asuv houlu! Ahi mul vuli kat revi out netan, ka tounah tovuol vating lati. Ahi helei rahit usite onen meatin vasi keil en sakien koa mal.
15545	PSA 97:1	!Iahova vi asuv houlu! Kami vasi en out netan, mihemakul en sien. Kami koa miro en aelan keil, mihesi kami.
15557	PSA 98:1	!Mihesau en souen hau tai min Iahova! !Kei mumon tounah keil koa atahos imok! Kei sasen vitan en vativieh keil onen ral min keihoen ka hivotutien onen.
15575	PSA 100:1	!Meatin keil ten out netan, mihemakul en sien min Iahova!
15862	PSA 111:1	!Rehehati lat isen Iahova! Hetal min moulien vasi onak, nil nisan masmasien heha min Iahova. Ka numoni en meten meatin keil onen, en out koakeil amal en meten alah ruai.
15872	PSA 112:1	!Rehehati lat isen Iahova! Koakeil avouhou min Iahova ito en sien. Koakeil e vati avousil revi mengkatien keil onen, keil isi keil en avong vasi.
15882	PSA 113:1	!Mihehati lat isen Iahova! Anatin, kami koa mivi meatin toumien keil onen, mihou lat isen.
15907	PSA 115:9	!Ka kami, me-Isrel keil, miheling desien onami en Iahova! Veni kei mul kataun kami ka mul lei kokoe en kami.
16244	PSA 135:1	!Mihehati lat isen Iahova! Kami koa mivi meatin toumien keil onen, mihemasmasi.
16324	PSA 139:17	O Iahova, rendemien keil onom amariso vareis ka nasakras mandem kilea keil vasi. !Keil avi houlu vis avi houlu mok!
16412	PSA 146:1	!Rehehati lat isen Iahova! !Inau nihou lat isen!
16442	PSA 148:1	!Rehehati lat isen Iahova! !Kami koa miro en out nesa mihehati lat isen Iahova!
16456	PSA 149:1	!Rehehati lat isen Iahova! Rehesau min Iahova hetal min souen hau tai. Rehehou lati navong rolah ruai ral min meatin sav keil koa amul amusil kati.
16465	PSA 150:1	!Rehehati lat isen Iahova! Rehehati lat isen Ahi en out nesa, rehou lati en out votut onen.
16470	PSA 150:6	Kami vasi koa mimoul mihehou lat isen Iahova. !Ir vasi, rehehati lat isen Iahova!
16607	PRO 5:20	?Natkuli, vensa kitie lat envatien onom en ahin koa vi hoeaso tai? ?Vensa kiles aven ka kindemi keke kei tahos imok mulin ahin kati onom? !Konomontei vamukonek!
17478	ECC 5:10	Veni navong kokur tounah houlu, koakeil akanian en hem emun umai avi houlu. ?Tounah keil onom hekataunuk hemukave? !Tounah keil enek vi talesien enges!
17847	ISA 6:8	Evus, naraengon Iahova selus vit, “?Nisila sei? ?Isei hehi provet onomai?” Sakini naviteni navit, “!Inau ke! !Sila nau!”
18871	ISA 59:1	Provet Aesea sel kat meatin keil vit, “Kami minandemtei minahit Iahova rokurtei keihoen voutut moulien onami. Ka minandemtei mun minahit ralingen vonhon keke rolongtei uaien onami ven kataunien. !Romukteinek varei!
19498	JER 20:7	Evus, provet Seremaea vis Ahi vit, “O Iahova, keik koluvos inau ka inau nakur anatin eni. Ral min keihoen onom, kokeih kat nau, ka komulinau. !Ven selusien koa kosani minau, meatin vasi keil amul akarenau! !Lises amul aviteai enau!
19501	JER 20:10	Nalong meatin keil aselus lelau va kat nau avit, ‘Meatin ekek vi uti metauen varei. !Rovaha rovahit lat kei min avat orer keil!’ More tuak vasi keil e vat nau mamot en selusien onak ka arosinau keke avasak luvos nau. Keil amul avit, ‘Munak rokilea rovasak luvosi, ir rehut kati ka rehouasi vasa kes mahien koa selusien onen mumoni vakat ir.’
22606	JON 1:6	Ka navong vatihos ten sip va neim, kei votin Siona ka viteni mini vit, “!Ei! ?Vensa komul komatil mukok? !Mea ka kihis min ahi onom ven kataunien! Vahesa kei en hemahis ir ka houtut moulien keil orer.”
22640	JON 4:3	!O Iahova, kosa, kikulat moulien onak! !Hetahos imok nimat enges, helin munak nimules namoul!”
22646	JON 4:9	Ka Ahi viteni mini vit, “?Keik komundemi kovit mal keke kovavuroh vamukonek ven viau ekek?” Ka Siona vit kesi mini vit, “!Anatin! Mal keke nilonge hemukonek. !Tinok vepeng houlu veni! !Ka hetahos imok mamat!”
22648	JON 4:11	?Mukave? ?!Romaltei keke nitie lat enmahisien onak min meatin keil ten out Nineva!? !Koakeil amoul en taon enek alohlin taosen handred tai ka halualim emun (120,000) koa areingeingen asa koa tahos ka asa koa tisa! Ka buluk ka sipsip keil ose emun avi houlu vis avi houlu mok. Siona, mal keke ek hemahis meatin keil enek.”
23077	ZEC 9:9	Iahova selus ka en provet Sakaraea vit, “!Mihesi kami! !Meatin keil koa mimul en Hou Saeon, mihesi kami hemariso! Anatin, koakeil aro en taon ten out Serusalem, mihemakul en sien. !Milesi! Asuv houlu onami mai valosil kat kami. Keihoen mul en hen ka vae mulin vativieh keil onen tuai. Ka kur rendemien ten merauen ka muloh en dongki tai. Anatin, rondan en titan dongki tai ka mul mai.
23251	MAT 2:13	Navong hetetamen keil enek uva, angelo tai onen Ahi Asuv kistal ven Siosep en matil vovoien tai ka viteni mini vit, “!Kimea! !Kikalah kikur titiali ka mama onen ka mithelohosai mitheha en out Isip! Mitheto en out enek hetokol avong koa nihiteni keke mithemai ris. Kumoni veni, hervitei tuetin, asuv houlu Mari Herod helekat titiali koanik keke vouasi vamat.”
23264	MAT 3:3	Kei vi meatin kati koa Ahi selus usili ka en provet Aesea vit, “Along rea tai mul visohiso en out volvol vit, ‘!Mihesak mesein sise onen Asuv! !Mihoumon sise onen hemal!’”
23316	MAT 5:13	Iesu selus eris vit, “Kami misuval sol koa arivini en meatin keil en out netan. ?Ka munak kasien ten sol vuol rani, umon kasien teni hemai ris eni hemukave? !Asakras avoumoni! Sol koa kasien tovuol ien sakras voumon etai tounah. Tahos avasonis vaha keke meatin keil avahetan eni.
23349	MAT 5:46	?Veni munak em vat koakeil enges e vatuk, komundemi keke Ahi hesan masmasien hehat minuk veni? !Vuo! !Meatin koa alah takis ran meatin sav ral min meatin vasi keil emun amumon vati sakien koanek!
23390	MAT 7:5	!Kami mimumon sakien koa tahos en hilivemi enges! Tahos imok keke helamu mihekulat mari mavuliai ran metomi, ka hevus, kami mikilea suk mihelele revi keke mivakulat sokeai ran meten tuomi.
23408	MAT 7:23	Hevus, nihit retai en selusien koanek min keil nihit, ‘!Kiha ranau, keik koa komumon tisaen keil! !Inau narkileatei keik varei!’”
23412	MAT 7:27	Ous mus, mari oai mue, ka eang muhuh keih kat eim enek. !Ka eim onen merang vita ka rasil li varei!”
23417	MAT 8:3	Sakini, Iesu mutelan hen rokoli ka viteni mini vit, “Tahos, ek vat moumoni. !Kito ris!” Hatte tas, meatin enek, mesaien onen evus ka hiliven mai mutolas.