3	GEN 1:3	En avong enek, Ahi viteni vit, “!Maen meneai vakistal!” Ka meneai kistal.
6	GEN 1:6	Evus, Ahi viteni vit, “!Maen mesaiuai tai vatiti vas atas vakeka out valu!”
530	GEN 21:16	Kei va rani soutin neli ka rondan netan ka mul mis vit, “!Aue li, ek rovattei males natkuli vamat!”
689	GEN 25:30	Sakini viteni min Siekob vit, “!Amai katnau vareis! !San tei sup tahilhili keisom maani!” Ven koanek, aling isen tamun vi ‘Edom’ koa aneite teni vi ‘vilhili.’
753	GEN 27:25	Aesak viteni mini vit, “!San vuseri ak maani! Niani hevus, nitokol katuk.” Sakini, kuri, sani mini, ka san hati uaen muni.
790	GEN 28:16	Navong lesi evus, Siekob muli en metavinavong ka viteni vit, “!Anatin eli, Iahova eli ro ko, ka inau nareingeingeni li!”
791	GEN 28:17	Ka annivul kati ka viteni vit, “!Aue li, nahi oute vi out votut tai! Nahi Ahi ro ko ka oute vi meteau koa vina veni en out nesa. !Ei, nametau houlu en out ekek!”
1114	GEN 37:30	Kei va ris ven tunali keil ka vit, “!Siosep vuol! ?!Numon sa li varei!?”
1117	GEN 37:33	Kei lesi, lei kilea ka viteni vit, “!Anatin eli, onen varei! !Tirendan tai rali vahas natkuli, ka kani li varei vus!”
1387	GEN 45:28	Kei vit, “!Anatin eli! Natkuli, Siosep, moul veah! Rovaha malesi mau. Nakilea hervitei tuetin nimat.”
1583	EXO 3:3	Kei mundemi vit, “!Koanik vi tounah sal tai! ?Vensa ahang rokan lintei holeai enek? Maha vesesal malei visi.”
1594	EXO 3:14	Ahi viteni mini vit, “!Inau navi kei koa NAVI! Kiha kihiteni mok min keil kihit, ‘Kei koa isen Iahova koa aneite teni vi “NAVI,” kei sila nau numai ven kami.’
1915	EXO 14:25	Ahi mumon wil ten kat one averai, asakras avakarali revi. Sakini me-Isip keil avit, “!Rovahaha ran me-Isrel keil ven Iahova mul vuhu en usite one!”
1986	EXO 17:2	Keil aselus kutut kat Mosis avit, “!San oai min komai mevamuni!” Ka Mosis vit, “?Vensa misel kutut kat nau? ?Vensa mivit mivasak vis Iahova keke hetie lat keihoen min kami lises?”
2010	EXO 18:10	“!Nasan masmasien min Iahova koa rali latuk ran hen asuv houlu ten out Isip ka meatin onen keil! !Nasan masmasien min Iahova koa rali lat meatin keil onen koa avi slev onen me-Isip keil ran mahien one!
2469	EXO 32:30	Out mulan, Mosis mulomal en meten meatin keil ka viteni min keil vit, “!Kami mimumon mari tisaen tai! Ka kosa, mahina ris en vatihou nesa mahisu min Iahova. Vahera nakilea mapeah enmahisien onen keke naleletei natisa en kami ven tisaen onami.”
2470	EXO 32:31	Sakini, Mosis vina ris ven Iahova ka viteni mini vit, “!Aue li! Meatin keil ekek amumon mari tisaen tai li. Amumon ahi tai en gol ka uva netan mini.
3284	LEV 19:2	vahit meseini min me-Isrel keil vahit, “!Kami mihehi votut, veni inau, Iahova, Ahi onami, navi votut!
4106	NUM 13:30	Ka Kelep mai vesesal ven Mosis en meten meatin keil, mumon keil tine merau ka vit, “!Rovaha varei, rovakur out! !Veni rokileas rovou lin keil!”
4113	NUM 14:4	Sakini, aviteni min keil eris avit, “!Rovatie lat etai meatin hemai hehi hetetamen orer ka reheha ris Isip!”
4116	NUM 14:7	Ka luviteni min meatin keil luvit, “!Atan koa komai melesi tahos imok!
4322	NUM 20:10	Evus, Mosis ka Eron luvise ruain meatin keil uva vesesal ven mari ahat enek, ka Mosis selus keih min keil vit, “!Kami koa mivi uti selkututien, mihetaengonau! ?Mukave, milhekur oai ran ahat ekek ven kami?”
4457	NUM 24:10	Navong Balak raengon selusien onen Balaam, pulin hen en vurohien ka viteni mini vit, “!Navisok kovasesenda en koakeil avi vativieh minau, ka avong etel ekek, keik korokol kat keil!
5874	JOS 2:3	Sakini, san selusien koanik va ven Rehab koa vit, “!Meatin elu koa lumul en teim onom, lumai luvalei suai en out vasi! !Lah lat keilu luvasital!”
6494	JOS 24:16	Meatin keil aviteni avit, “!Komai mesakras mevalokovein Iahova vuo mevaha netan min ahi sav keil!
7139	RUT 1:10	ka luviteni mini luvit, “!Melsakras melvalokoveinuk eli! Melhousiluk, tovaha tovato vatal min meatin keil onom.”
7145	RUT 1:16	Ka Rut vit kesi mini vit, “!Konasilatei nau nanaha ranuk! Kimaenau mousiluk. !Out kave kiha ien, inau mun niha ien! !Out kito ien, inau mun nito ien! Meatin onom keil ihi meatin keil onak emun. Ka Ahi onom hehi Ahi onak emun.
7155	RUT 2:4	Rovitei tuetin, Boas ka en meteimal ten out Betlehem ka mai kistal min meatin toumien keil onen ka viso min keil vit, “!Iahova heto ven kami!” Ka avit kesi mini avit, “!Iahova hetokol katuk emun!”
7171	RUT 2:20	Noume viso keih vit, “!Tokolkatien onen Iahova hel en kei! Iahova rie lat tahosien onen min ialu koa lomoul loro veah ka min meatin keilu oralu koa lumat tuai. Meatin koanek vi tai en vatiamal kati onen meatin onak. Musil sakien onen me-Isrel keil, kei varei helei kat usite oralu.”
7206	RUT 4:14	Ahin keil aviteni min Noume avit, “!Rovahati lat isen Iahova! Kosa, kei san havmali tai valei kat usite onom navong komai kovi tovuli. Ehon enek hemai hehi hetamen tai en out Isrel.
7225	1SA 1:11	Hanah mumon hatkatien takeih tai keih ral min Ahi vit, “!O Iahova, Asuv Houlu ten Out Nesa, kilele ka kiles inau li koa navi ahin toumien onom! Kilele ka kiles mahien keil onak eli ka em hemahis inau li. !Em navobongentei nau li! Navat kati minuk keke munak kisan titiali tai koa hehi meahos minau, inau nisan risi minuk hehi meatin votut tai onom en moulien vasi onen. Ka nitie lati hehi anatin heka en usite koa mihersouitei hilen en moulien vasi onen ka hermuntei varei oai takeih keil.”
7444	1SA 10:24	Evus, Samuel mulamun Sol va mulomal luhu en meatin keil ka viteni min keil vit, “Meatin koanek vi kei koa Iahova rie lati keke vahi houlu valosil kat kami. Meatin tovuol emun en kami vasuval kei.” Navong alesi, meatin vasi keil avisohiso keih avit, “!Kei vi asuv houlu onomai, losilkatien onen hel hetaveah!” Navong Sol mai vi asuv houlu onen me-Isrel keil, sua onen vi hanumau tai ka halualim emun (30). Ka me-Isrel keil koa arsitei keil ven hiasuvien onen ka asel kutut kati. Ka kei vise ruai meatin tavaeen keil ten out Isrel ka mulamun keil uva avavae vatal min me-Amon keil ka amu lin keil. Sakini, me-Isrel vasi keil asi keil suk ven hiasuvien onen.
7578	1SA 15:16	Samuel vul kati vit, “!Kito raeng! Ka inau nihit meseini minuk asa koa Iahova viteni minau en vongien.” Ka Sol vit, “Tahos. Hiteni minau.”
7609	1SA 16:12	Sakini, Tiese sila meatin tai va vahiteni mini vamai. Navong emai, Samuel lesi keke vi litetai tai koa aven malekuh ka veinan tahos. Ka Iahova viteni min Samuel vit, “!Kei varei! Mea kitah oel en vatin vatie lati keke kei hemai hehi asuv houlu hau onen me-Isrel keil.”
7645	1SA 17:25	Keil aviteni min keil eris avit, “!Ei telmali! ?Miles meatin eke? Avong vasi kei selus kekar min ir me-Isrel keil. ?Ka miraengoni? Asuv houlu Sol vat kati keke hesan mari sanien tai min meatin koa houasi hemat. Ka vat kati mun vit hesan natnahin hehi ahin onen. Ka kei, hetal min titi amal onen, keil irvultei mun takis.”
7653	1SA 17:33	Sol vit kesi mini vit, “!Keik kovi ehon tai enges! Kosakras kovaha kovavae vatal mini veni kei mai vi meatin tavaeen tuetin tuai, navong kei vi ehon semau rokol avong kosa.”
8016	1SA 31:4	Sakini, Sol viles vis litetai koa mul lah tounah keil tavaeen onen vit, “!Leh lat naef tavaeen onom ka kisal vini nau nimat! !Ek rovattei koakeil enek koa areingeingen Ahi avamai avoumon tohtohien minau navong uas nau nimat!” Ka litetai enek metau voumoni. Sakini Sol enges viles naef onen, mot va ien, ka sal vini kei sasen.
8294	2SA 12:5	Navong Netan viteni mukok, Deved tin tisa houlu ka vit, “!Inau navat kati keih imok en meten Iahova koa moul keke mal meatin enek hemat ven asa koa mumoni!
8296	2SA 12:7	Sakini Netan viteni min Deved vit, “!Keik varei kovi meatin enek! Ka koanek vi asa koa Iahova, Ahi onen me-Isrel keil, en vati vahiteni minuk, ‘Inau namumonuk komai kovi asuv houlu onen me-Isrel keil, ka naring koek ran asa koa Sol vit voumoni minuk.
8302	2SA 12:13	Navong Deved longe, viteni min Netan vit, “!Aue li! !Inau namum tisa houlu li en meten Iahova!” Ka provet Netan vit kesi mini vit, “Iahova sahulin tisaen ran moulien onom ka keik, kirmattei.
9170	1KI 12:16	Navong meatin keil alei kilea keke asuv houlu Rehoboam sakras valong selusien one, keil aselus keih mini avit, “!Komai mehertotei mun en hen koakeil aka en vatiamal onen Deved! !Anatin, mehermusiltei mun koakeil akistal ran natin Tiese! ?Keil asan asa varei min ir? !Tounah tovuol! !Me-Isrel keil, rovaha ris teim! !Rehelokovein meatin ekek helosil kat koakeil akistal ran vatiamal kati onen enges!” Sakini, me-Isrel keil aviles eisile rani, ka aretasil uva ris teim se.
9332	1KI 17:12	Ka vatina vit risi mini vit, “!Aue li! Nasakras. Navat kati li anatin en isen Iahova, Ahi onom koa moul, veret tovuol emun eli teim. Asa koa mul teim, kap pulaoa tas koa mul en pesin teni, ka hati oel koa havivis mul en veite, ka anien sav keil tovuol varei li. Numai ekok malah ruain angosis keitel ekek keke niha ris teim, nisak mesein hati anien vahi anien ekor eli amal min natkuli. Hevus, amai heat vini komal heha vio … melhematmat esuk.”
9338	1KI 17:18	Sakini vatina enek mai les Ilaetsa ka viteni mini vit, “!Aue li! ?Meatin onen Ahi, vensa komumon koanek minau? ?!Mukave, keik kumai venau kovasakin inau mandem ris tisaen keil onak, ka kovoumon natkuli vamat!?”
9341	1KI 17:21	Evus Ilaetsa retengeiril netan ka mutelan hen keilu en aven ehon enek. Mumoni mukonek hatte etel ka vis min Ahi vit, “!O Iahova, Ahi onak eli, san moulien onen ehon ekek vamai ris eni!”
9343	1KI 17:23	Evus, Ilaetsa leh lat ehon enek, vousi va, san risi min mama onen ka viteni mini vit, “!Les visi! !Natmali moul enges!”
9344	1KI 17:24	Sakini vatina enek vit kesi mini vit, “!Namasmasuk houlu mok! Kosa nalei kilea keke keik kovi meatin tai onen Ahi, ka selusien onen Iahova koa kistal ka en ongom vi anatin.”
9370	1KI 18:26	Sakini provet keil enek uva aso ruain ahat keil mai vi ahor ten sanien votut one. Evus, amulamun buluk one emai, asak meseini, ka alingi en ahor. Evus, visokon va rokol taviai, keil uvol rahit ahor enek ka amis va min ahi Baal avit, “!O Baal, kilong komai!” Ka ahi one roselustei min keil, kei romumon etai tounah.
9384	1KI 18:40	Evus, Ilaetsa meng kat meatin keil vit, “!Alha alhuli kat provet keil onen Baal! !Minamaen etai en keil nalohosai!” Sakini meatin keil avuli kat keil vasi. Evus, Ilaetsa mulamun keil uva en Poal Kison, ka en out enek, amu vinvini provet keil vasi onen Baal.
9394	1KI 19:4	ka, visokon rokol mendilah, kei mual sasen enges va en out volvol. Evus, rondan en nimal ten vatiai tai ka longe tisa, vit vamat enges. Sakini vis Ahi vit, “!O Iahova, moulien onak keih varei ka ek rovattei mun mamoul! Tahos imok kikulat moulien onak ka kuas inau nimat.”
9570	2KI 2:15	Vangi provet keil koa aka en out Seriko amul amulomal soutin neli. Ka navong keil alesi, avit, “!Alles tei mau! !Keihoen onen provet Ilaetsa mai sien Elisa!”
9662	2KI 5:11	Navong Neman longe, tin katiat ka vut va en kat onen ka va. Kei viteni min meatin keil onen vit, “!Inau navi hetamen tai! Namundemi keke provet enek hesital heles inau nges. Namundemi keke helomal hehis min Iahova, Ahi onen, ka hetelan hen en out koa mesaien ten leprosi mul ien keke hesak revi avek heto. !Ka vuo! !Kei romumon etai tounah!
12503	NEH 8:6	Evus, Esra viso keih min meatin keil enek vit, “!Mihemasmas Iahova, Ahi koa vi hetetamen imok!” Ka meatin keil akukuvin he vina nesa ka avit kesi avit, “!Anatin! !Anatin eli!” Evus, uva netan min Iahova, aretengeiril ka nae vita rokol atan.
12905	JOB 2:10	Siob vit kesi mini vit, “!Keik komul koselus suval ahin koa vi vau! ?Mukave? ?Ir koa rokur kat tounah koa tahos en hen Ahi, reherkurtei tounah koa tisa emun?” Ka avaseini keke mahien onen Siob mariso, roviten etai tounah vatisa vaha kat Ahi.
12911	JOB 3:3	“!Ahi li, vahit kovasesenda en vongien koa avange kat inau eni, ka kovasesenda mun en avong koa avasi nau eni!
13322	JOB 19:21	“!Tuak onak eli keil, emi hemahis nau li! Veni hen Ahi mul keih kat nau.
13364	JOB 21:5	“!Mithelele ka mitheles inau! !Hesakin mithetimanin ka emitel hevon!
14310	PSA 27:8	Tinok raengonuk navong kovit, “!Kimai venau!” Sakini, en tinok, numai venuk ka navisuk.
14334	PSA 29:9	Ren Ahi muh rasilin mari vati ok keil, ka sakin eivorohus, ouai tovuol emun val ien. Ka en Eim Votut onen, meatin keil vasi avisohiso keih avit, “!Isen Ahi vina nesa!”
14565	PSA 40:17	Ka koakeil umai venuk, ilonge hetahos ka sien hel en keil. Ka koakeil kosak koe keil isi keil, keil ihitehiteni lises ka lisenges ihit, “!Isen Ahi Asuv vina nesa!”
14653	PSA 46:11	Ahi viteni min keil vit, “!Miheha netan ka miheilea keke inau navi Ahi! !Keihoen onen asuv keil ten out netan mules en hek! Ka moulien onen tounah vasi keil ten out netan emun mules en hek.”
14927	PSA 66:3	Mihehiteni min Ahi mihehit, “!Tounah vasi koa komumoni tahos imok! Keihoen onom marite mok, mul sakin vativieh onom keil amaleilei en metom.
15030	PSA 70:5	Ka koakeil umai venuk, isi keil ka ilonge hetahos venuk. Koakeil e vat mututien onom ihitehiteni lises ihit, “!Ahi vi hetetamen imok!”
17844	ISA 6:5	Navong nalesi, nametau houlu ka naviteni navit, “!Aue li, mamat ke! Selusien vasi keil koa akistal ran ongok romutotei, ka naro luhu en meatin keil koa selusien one mun romutotei en meten Ahi. Anatin eli, navilehilu ka nales Iahova, Asuv Houlu ten out nesa, en metok kati.”
17847	ISA 6:8	Evus, naraengon Iahova selus vit, “?Nisila sei? ?Isei hehi provet onomai?” Sakini naviteni navit, “!Inau ke! !Sila nau!”
17865	ISA 7:13	Sakini, provet Aesea viteni mini vit, “!Keik ka kami koa mikistal ran vatiamal onen asuv houlu Deved, mihetaeng revi! Veni vatumi keih, lisenges mimumon provet keil onen Iahova ave mah en selusien. ?Ka mukave? ?Emi vati mivoumon Iahova mun aven vamah en kami?
19021	JER 1:6	Ka navit kesi mini navit, “!O Iahova ten Keihoen! Inau narkilea revitei sakien keil ten selusien veni navi meatin hau enges.”
19554	JER 23:1	Iahova selus min meatin keil ka en provet Seremaea vit, “!Hetisa mok min avat keil onen me-Isrel keil koa amul asak purun meatin keil onak! Keil asuval meatin tisa keil koa arlosil kat revitei sipsip keil ose ka amaen keil aretasil.”
19555	JER 23:2	Ven sakien one, koanek vi selusien onen Iahova, Ahi onen me-Isrel keil, va min avat keil koa ling keil avalosil kat revi meatin keil onen. Kei mul viteni vit, “!Kami mirlosil kat revitei meatin keil onak! Milikat rasilin keil avaha. Sakini, nisan mahien min kami ven tounah tisa keil koa mimumoni.
20562	EZK 2:1	Ahi viteni minau vit, “!Natin Meatin, mea kilomal! Ek vati maselus minuk.”
21937	DAN 4:28	Navong namules veah naselus, rea tai ka en out nesa ka selus minau vit, “!Asuv houlu Nebukanesa, kitaengonau! Koanek vi asa koa Ahi meng kati keke vakistal en moulien onom. Losilkatien koa mul en hem, Ahi kulati tuai ranuk.
21986	DAN 6:13	Sakini, keil vasi uva ris ven asuv houlu ka avis usil mengkatien onen avit, “!O asuv houlu! ?Vi anatin keke keik komutis isom mul en mengkatien tai koa vit meatin keil ihis minuk enges avong hanumau tai ka halualim emun (30)? Ka musil mengkatien onom, meatin koa mul vis min ahi sav tai vuo meatin sav tai en avong keil enek, isoni heha en vulvul omon laeon keil.” Ka asuv houlu vit kesi min keil vit, “!Anatin! Mengkatien koanek mul ka asakras avahilesi musil sakien ten mengkatien keil onen me-Mid keil ka me-Persia keil.”
22645	JON 4:8	Ka navong meteiai mai nesa, Ahi san eang tai koa muhuh ka en out ist koa mutin imok. Meteiai mukan purun vatin Siona ka aven mai memerau. Sakini kei en vati vamat ka vit, “!Hetahos imok nimat enges, helin munak niles nimoul!”
23077	ZEC 9:9	Iahova selus ka en provet Sakaraea vit, “!Mihesi kami! !Meatin keil koa mimul en Hou Saeon, mihesi kami hemariso! Anatin, koakeil aro en taon ten out Serusalem, mihemakul en sien. !Milesi! Asuv houlu onami mai valosil kat kami. Keihoen mul en hen ka vae mulin vativieh keil onen tuai. Ka kur rendemien ten merauen ka muloh en dongki tai. Anatin, rondan en titan dongki tai ka mul mai.
23263	MAT 3:2	“!Mihehiles ran tisaen keil onami, veni hiasuvien onen Ahi mul mai vesesal!”
23295	MAT 4:17	Ka avong enek eva, Iesu mul vitehiten selusien onen Ahi min meatin keil vit, “!Mihehiles ran tisaen keil onami, veni hiasuvien onen Ahi mai vesesal!”
23443	MAT 8:29	Navong lumai vesesal ven Iesu, luvisohiso keih luvit, “!Natin Ahi! ?Kovoumon sa vatal komai? ?Kumai ekok keke kovasan mahien min komai kosa? ?Kirtosintei avong kati teni koa hemai veah?”
23475	MAT 9:27	Ka navong Iesu lokovein teim sen hetetamen koanek ka mul mual va, metovar elu lumai veni lumusili. Ka luvisohiso keih mini luvit, “!Natin asuv houlu Deved! !Em hemahis komal eli!”
23478	MAT 9:30	Ka metealu mai tahos ka lukilea luvalele. Ka Iesu meng kat keilu keih vit, “!Milnahitentei asa koa namumoni min kamil min meatin etai!”
23481	MAT 9:33	Ka navong Iesu vile lat ninin tisa enek va rani, meatin enek selus esuk. Navong vangi meatin keil alesi, amutimanin ka aviteni avit, “!Ei telmali, ir me-Isrel keil rorlestei veah etai tounah koa mukonek!”
23549	MAT 11:21	Kei viteni vit, “!Aue li! !Hetisa min kami, meatin keil ten out Korasin! !Ka hetisa mun min kami, meatin keil ten out Betsaeta! Veni kami milei sesein merikel koa namumoni en metomi, Ahi hesan mahien hehi houlu mok min kami. Munak meatin keil ten out Taer ka Saedon koa arvitei Siu, avales vati merikel keil koa namumoni en metomi, tuetin tuai, avasin en musi eisin ka avativin vulimeas en vate vatie lati keke avahiles ran tisaen keil one.
23611	MAT 13:3	Evus, kei ra usil tatavolien houlu min keil vit, “!Mihelong revi! En avong tai, meatin tai va nah keke vativin uti uit keil.
23697	MAT 14:31	Hatte tas, Iesu san hen vuli kati ka vit, “!Demkatien onom havivi ramat! ?Vensa kormundesintei nau?”
23699	MAT 14:33	Navong alesi mukok, meatin keil koa amul en vot uva netan min Iesu ka aviteni mini avit, “!O anatin eli, keik varei kovi Natin Ahi!”
23712	MAT 15:10	Evus, Iesu viles ka vise vangi meatin keil umai veni ka viteni min keil vit, “!Mihetaengon revi keke mivailea!
23724	MAT 15:22	Ka ahin Kenan tai koa ro en out enek, mai veni ka peahi vit, “!O asuv eli, Natin Deved! !Em hemahis nau li! Ninin tisa tai mul en natukahin ka mul vareis puruni.”
23727	MAT 15:25	Ka ahin Kenan enek mai ka retengeiril veni ka peah risi keih vit, “!O Asuv, kikataunau li!”
23730	MAT 15:28	Evus, Iesu viteni mini vit, “!Ei mama! !Demkatien onom mariso! Asa koa kovis inau eni, kei hekistal hehi anatin.” Ka hatte tas, natnahin mai ris tahos.
23735	MAT 15:33	Ka meatin keil onen avisi avit, “!Ka romul en out volvol! ?Rehehotin anien en out kave keke rokilea rovahengan marmari vangi meatin keil ekek?”
23749	MAT 16:8	Ka Iesu long kilea asa amul aselus usili, sakini va vis keil vit, “!Demkatien onami havivi ramat! ?Vensa mimul miselus min kami usil veret koa tovuol?
23758	MAT 16:17	Ka Iesu viteni mini vit, “!Tokolkatien onen Ahi mul tuai enuk, Saemon natin Siona! Veni rovitei meatin keke vahothot enau minuk, ka Tata onak varei en out nesa mumoni.
23764	MAT 16:23	Ka Iesu viles, les Pita ka viteni mini vit, “!Komusil rendemien onen Temat, kiha ranau! Komul kosak visi keke kovoumonau masavoi en sise onak veni komusil rendemien onen meatin keil ten out netan enges, ka kormusiltei rendemien onen Ahi.”
23804	MAT 18:8	“!En vati rendemien enek, munak tai en kami, hen vuo alen sakin kei mot en tisaen, heta kotehei ka hesoni heha! Hetahos imok mini keke hati usiven hetisa ka hekur moulien ten lisenges helin munak hen vasi keilu ka alen vasi keilu hetahos ka isoni heha en ahang koa sakras vamat.
23904	MAT 21:9	Houlu en mari vangi meatin keil enek koa uva amulamu en Iesu ral min koakeil akatau emun avisohiso vina nesa avit, “!Masmasien min Natin asuv houlu Deved! ‘!Tokolkatien hel en kei koa mai en isen Iahova!’ !Masmasien hehina min Ahi en out nesa!”
23914	MAT 21:19	Ka les vati fik tai mul en vali sise. Ka navong va vesesal veni, votini keke heite tovuol, les outes. Sakini, Iesu viteni min vati fik vit, “!Heiai hetovuol emun enuk!” Ka hatte tas, vati fik enek mukou.
23959	MAT 22:18	Ka Iesu lei kilea rendemien tatisa one ka vit kesi min keil vit, “!Kami mitahos imok en hilivemi enges! ?Vensa misak visi keke mivakaluvat inau?
24000	MAT 23:13	“!Hetisa mok min kami tiser keil ten mengkatien ka Farasi keil koa mimusil kat Ahi en hilivemi enges! Ahi hesan mahien min kami veni miring koe sise onen meatin keil anahatei vesesal ven hiasuvien onen Ahi. Anatin, avaseini e vati avoumon Ahi vahi asuv houlu one, kami emi rovattei, ka miring koe meatin sav keil anoumontei.
24002	MAT 23:15	“!Hetisa mok min kami tiser keil ten mengkatien ka Farasi keil koa mimusil kat Ahi en hilivemi enges! Ahi hesan mahien min kami veni mika koteh atas ka atan keke mivahotin meatin tai ka mivahiles rendemien onen vousil kat kami. Ka navong kei viles musil kat hihiseien keil onami, kami mimumoni mai tisa revi mok mulin kami keke mal revi kei mun hekur mahien en ahang koa sakras vavus suval onami.
24003	MAT 23:16	“!Hetisa mok min kami koa misak visi keke mivalamun meatin keil, avaseini mivi metovar keil! Mahien koa mihekuri hemariso mok veni mimul mivisein meatin keil mivit, ‘Munak meatin mumon hatkatien onen en isen Eim Votut, hatkatien onen vi heisav enges. Ka munak mumon hatkatien onen en isen gol koa mul en Eim Votut, kei hehatimal hekeih en hatkatien onen.’
24010	MAT 23:23	“!Hetisa mok min kami tiser keil ten mengkatien ka Farasi keil koa mimusil kat Ahi en hilivemi enges! Ahi hesan mahien min kami veni milong kat titi mengkatien keil suval sakien koa misan taet ten titi ouai keil takukien min Ahi. Ka mengkatien keil koa houlu mok, suval mengkatien keil keke mivatie sakien ten maluen, enmahisien ka demkatien, kami mirlong kattei. Hetahos imok munak mihelong kat mengkatien koa houlu mok hetal min koakeil avi havivi mok emun.
24012	MAT 23:25	“!Hetisa mok min kami tiser keil ten mengkatien ka Farasi keil koa mimusil kat Ahi en hilivemi enges! Mahien onami hemariso mok veni moulien onami suval veioai ka pelet onami koa mikas motein revi out hae enges. Ka uaen ka anien koa mul en keilu, mikuri en sakien ten keihoen ka metenan.