270	GEN 11:3	Evus, keil aviteni min keil eris avit, “!Almai! Tahos keke rehoumon brikis en tanvili koanik ka rehetan keil en avul tai hemai hekeih.” Sakini, keil amumon eim keil one en brikis keil enek ka akapil vituaini en koltar.
417	GEN 17:19	Ka Ahi vit, “!Vuo! Ahin onom, Serah, hekur ehon tai onamil, ka kiling isen hehi ‘Aesak.’ Hatkatien takeih koa namumoni ral minuk, num risi hetal mini ka hetal min vatiamal onen lises ka lisenges.
1239	GEN 41:43	Evus, san kat koa hos lehei keke Siosep heloh eni, koanek vi onen meatin koa vi he matu onen asuv houlu. Ka navong mul muloh eni, meatin keil avisohiso avit, “!Almalingling! !Avat ten Kavmen mul mai, almalingling!” Mukonek, Siosep mai vi Avat ten Kavmen ten out Isip.
1385	GEN 45:26	Aviteni min tata one avit, “!Tata! !Siosep mul moul veah! !Kei vi Avat ten Kavmen en out Isip!” Siekob en von ka rokurtei anatin en keil.
1389	GEN 46:2	En vongien, Ahi selus mini en matil vovoien tai vit, “!Siekob! !Siekob!” Siekob vit, “?O-o, inau li ke?”
1903	EXO 14:13	Ka Mosis viteni min keil vit, “!Minametautei! Mehelomal hekeih ka miheles asa koa Iahova houmoni ven kami kosa. Me-Isip keil enek, miherlestei mun keil.
2072	EXO 20:20	Mosis vit risi min keil vit, “!Minametautei! Ahi mita netan enges keke voumon kami mivailea keihoen onen, hesakini, mihelong kati lises, ka mihermumontei mun tisaen keil.”
4107	NUM 13:31	Ka meatin sav keil koa uva ral min Kelep avit, “!Vuo! Ir rorkeihtei rovou lin keil. Meatin keil ten out enek, ave keih imok mulin ir.”
7664	1SA 17:44	Evus, viso va min Deved vit, “!Amai! !Inau nisal vinik ka nisan teiai onom min aman ka tirendan keil iani.”
9362	1KI 18:18	Ka Ilaetsa vit kesi mini vit, “!Vuo! Rovitei inau keke mal mapurun meatin keil. Keik varei, ral min amal onen tata onom keke mimul mipurun me-Isrel keil. Veni kami misesein mengkatien keil onen Iahova ka miva netan min nana keil ka ahi Baal.
12503	NEH 8:6	Evus, Esra viso keih min meatin keil enek vit, “!Mihemasmas Iahova, Ahi koa vi hetetamen imok!” Ka meatin keil akukuvin he vina nesa ka avit kesi avit, “!Anatin! !Anatin eli!” Evus, uva netan min Iahova, aretengeiril ka nae vita rokol atan.
21986	DAN 6:13	Sakini, keil vasi uva ris ven asuv houlu ka avis usil mengkatien onen avit, “!O asuv houlu! ?Vi anatin keke keik komutis isom mul en mengkatien tai koa vit meatin keil ihis minuk enges avong hanumau tai ka halualim emun (30)? Ka musil mengkatien onom, meatin koa mul vis min ahi sav tai vuo meatin sav tai en avong keil enek, isoni heha en vulvul omon laeon keil.” Ka asuv houlu vit kesi min keil vit, “!Anatin! Mengkatien koanek mul ka asakras avahilesi musil sakien ten mengkatien keil onen me-Mid keil ka me-Persia keil.”
22606	JON 1:6	Ka navong vatihos ten sip va neim, kei votin Siona ka viteni mini vit, “!Ei! ?Vensa komul komatil mukok? !Mea ka kihis min ahi onom ven kataunien! Vahesa kei en hemahis ir ka houtut moulien keil orer.”
22646	JON 4:9	Ka Ahi viteni mini vit, “?Keik komundemi kovit mal keke kovavuroh vamukonek ven viau ekek?” Ka Siona vit kesi mini vit, “!Anatin! Mal keke nilonge hemukonek. !Tinok vepeng houlu veni! !Ka hetahos imok mamat!”
23236	MAT 1:23	“!Mihelonge! Ahin hau tai koa reingeingen meatin veah hemeas en tivava. Evus, hekuri hehi meahos ka iling isen hehi ‘Imanuel,’ koa aneite teni vi ‘Ahi ro ven ir.’”
23251	MAT 2:13	Navong hetetamen keil enek uva, angelo tai onen Ahi Asuv kistal ven Siosep en matil vovoien tai ka viteni mini vit, “!Kimea! !Kikalah kikur titiali ka mama onen ka mithelohosai mitheha en out Isip! Mitheto en out enek hetokol avong koa nihiteni keke mithemai ris. Kumoni veni, hervitei tuetin, asuv houlu Mari Herod helekat titiali koanik keke vouasi vamat.”
23258	MAT 2:20	ka viteni mini vit, “!Kimea! Kikalah kihous titiali, ka kamil mama onen, mitheha ris en atan ten out Isrel, veni koakeil avit avou vini titiali enek, umat tuai.”
23275	MAT 3:14	Ka navong mai veni, Sion sak visi vahiles rendemien onen Iesu vit, “!Vuo! ?Keik kumai venau vensa? Mal keke keik kihi baptaes enau veni komarite mok komulinau.”
23418	MAT 8:4	Evus, Iesu viteni mini vit, “!Kitaengonau! Konahitentei min meatin etai asa koa kur out. Kihas ka kihothot enuk min pris tai en Eim Votut, ka kisan min Ahi sanien koa Mosis meng kati. Tounah enek vatie lati min keil keke avem tahos tuai ka komuto eris.”
23457	MAT 9:9	Ka navong Iesu lokovein out enek ka mul mual va, kei les meatin tai mul rondan en titi eim toumien onen, isen Matiu. Kei mul lah takis ran Siu keil keke vasani suk min kavmen ten out Rom. Ka navong Iesu lesi, vise vit, “!Amai! !Kusil kat nau ka kimai kihi meatin tai onak!” Ka Matiu mea, lokovein umen onen, ka musil kat Iesu.
23472	MAT 9:24	Ka Iesu viteni min keil vit, “!Alvaha! Titi atouli romattei, kei mules matil.” Ka meatin keil enek aviteai rohtoh en Iesu.
23502	MAT 10:16	Iesu sel kat meatin keil onen vit, “!Mihetaengonau! Inau namul nasila lat kami miva suval sipsip keil koa uva amul luhu en vangi huli rendan keil. Sakini, kami mihelele revi ka sakien onami hetolas.
23683	MAT 14:17	Ka avit kesi mini avit, “!Ei! ?Mehoumoni hemukave veni anien ar rovinvintei? Ekek, veret elim enges, ka mesau mun elu enges.”
23693	MAT 14:27	Ka hatte tas, Iesu selus min keil vit, “!Mihekeih! !Inau netin keinek! !Minametautei!”
23786	MAT 17:17	Navong longe mukok Iesu viteni vit, “!Ekovei! !Kami meatin keil ten avong kosa, mikalkali ka demkatien onami tovuol vareis! ?Nito hetal kami hetokol nengeis? Avek mah en kami koa demkatien onami tovuol. Alkur ehon vamai venau ekok.”
23857	MAT 19:26	Iesu lei rahit en keil ka vit, “!Keinek! Meatin sakras voumoni, ka Ahi enges kilea voumon tounah vasi.”
23891	MAT 20:30	Ekonek, metovar elu lurondan en vali sise ka luraengoni keke Iesu mul mual va. Sakini, keilu luvisohiso luvit, “!Asuv! !Natin asuv houlu Deved! !Em hemahis komal eli!”
23892	MAT 20:31	Ka vangi meatin keil avul kat keilu keke luvato raeng. Ka avaseini, keilu luvisohiso keih imok luvit, “!Asuv! !Natin asuv houlu Deved! !Em hemahis komal eli!”
24244	MAT 27:46	Ka navong haoa etel enek evus, Iesu visohiso keih en selusien kati onen koa vi Arameak vit, “!Ilae! !Ilae! ?Lama sabaktani?” Aneite ten selusien enek vi, ‘!Ahi onak! !Ahi onak! ?!Vensa kosokoveinau!?’
24269	MAT 28:5	Ka angelo selus min luahin enek vit, “!Milnametautei! Nakilea milmul millekat Iesu koa amuti kati en aiveave.
24273	MAT 28:9	Navong lumul veah luva, hatte tas, Iesu visu min keilu ka vit, “!More! Tomat onen Ahi heto ven kamil.” Navong lulesi, lumai veni, ka lumot luvuli kat alen keilu ka luvouhou mini.
24286	MRK 1:2	Longlongien enek usil Mesaea mai rohtoh en ir suval koa Ahi viteni ka en tisien onen provet Aesea vit, “!Kitaengoni! Nisila eiloheh onak vasak revi sise venuk.
24309	MRK 1:25	Iesu vul kat ninin tisa enek vit, “!Konavertei! !Mea rani!”
24325	MRK 1:41	Iesu en mahis meatin enek, ling hen mul ien ka viteni vit, “!Mal! !Kito ris!”
24340	MRK 2:11	“!Mea! Lum lat vulum ka kiha teim.”
24341	MRK 2:12	Hatte tas, meatin enek ravul mea, lum lat vulin ka mea sital ran keil. Ka navong meatin keil koa amul en out enek alesi, amutimanin ka amasmas Ahi veni. Amul arun eni avit, “!Ekovei! !Rorles etai li tounah vamukok!”
24343	MRK 2:14	Ka navong mul mual va, visu min meatin tai koa mul kur takis ran meatin keil en titi eim mon, isen Livae, natin Alveas. Ka Iesu vise vit, “!Amai! !Usil inau!” Ka kei lokovein umen onen mules ka musil Iesu.
24513	MRK 6:37	Ka Iesu viteni min keil vit, “Kami varei keke mihesan etai tounah keke iani.” Ka keil avit kesi avit, “!Ei! !Avaseini munak rokur mani koa vinvin en avong toumien handred elu (200), hervinvintei keke rovahul veret vahi an meatin keil ekek!”
24526	MRK 6:50	Ka keil ametau houlu. Ka hatte tas, Iesu selus min keil vit, “!Mihekeih! Inau ngatin keinek. !Minametautei!”
24626	MRK 9:19	Iesu viteni min keil vit, “!Ekovei! Meatin keil ten avong kosa, demkatien one tovuol vareis. ?Nito hetal min kami avong hehis? ?Avong hehis nilei kat kami enges? Alkur ehon enek vamai minau.”
24684	MRK 10:27	Ka Iesu lei rahit keil ka vit, “!Keinek! Meatin sakras voumoni, ka Ahi enges kilea vasan moulien hau. Tounah vasi maes ven Ahi.”
24829	MRK 14:6	Ka Iesu vit, “!Allokoveini! ?Vensa mimul mimumoni mini mukonek? Kei mumon more tounah minau.
24893	MRK 14:70	Pita muun eris vit, “!Vuo! Rovitei inau.” Rovitei tuetin, meatin sav keil emun aviteni min Pita avit, “Keik tai en keil keinek. Selusien onom suval koan Kaleli varei.”
24924	MRK 15:29	Meatin keil amual vesesal ven out enek, amunge kat Iesu ka aselus kareni avit, “!Ekovei! ?Anatin keke keik kovit kokur keihoen keke ku rasilin Eim Votut ka kum risi en avong hetel enges?
24929	MRK 15:34	Ka navong haoa etel enek evus, Iesu viso keih en selusien kati onen ten Arameak vit, “!Ilae! !Ilae! ?Lama sabaktani?” Aneite ten selusien enek vi, ‘!Ahi onak! !Ahi onak! ?Vensa kolokoveinau?’
24948	MRK 16:6	Ka kei viteni min keitel vit, “!Mitnametautei! Mitlekat Iesu ten out Nasaret koa amuti kati en aiveave. Kei moul eris ran matien tuai ka rorotei mun ekok. Mitkilea mitvales out koa aling teiai onen mul ien.
25022	LUK 1:60	Ka Elsavet vit, “!Vuo! Isen hehi ‘Sion.’”
25052	LUK 2:10	Ka angelo viteni min keil vit, “!Minametautei! Numai ral min more longlongien tai koa hesakin meatin keil vasi ihilelau en sien.
25136	LUK 4:4	Ka Iesu vit kesi mini vit, “!Vuo! Nirmumontei ven Tus Votut viteni vit, ‘Meatin romoultei en anien enges.’”
25144	LUK 4:12	Ka Iesu vit kesi mini vit, “!Vuo! Nirmumontei, veni Tus Votut viteni mun vit, ‘Minasak vistei Iahova koa vi Ahi onami keke mivahotini kei mul ral min kami.’”
25186	LUK 5:10	Ka Iesu vit kesi mini vit, “!Konametautei! Rokol kosa, keik kolah mesau keil enges, ka kosa heha, kilah meatin keil.” Meatin elu mun koa lumum vituai ral min Saemon Pita, isealu Tiemes ka Sion, tamealu Sepeti. Keilu mun lules tounah koa kur out ka lumutimanin eni.
25223	LUK 6:8	Ka Iesu kilea rendemien vasi keil one, ka viteni min meatin koanek vit, “!Amai! !Lomal ekok!” Sakini meatin koanek mea, va mulomal en meten meatin keil enek.
25364	LUK 8:50	Navong Iesu long selusien enek, viteni min Saeros vit, “!Konandemkotei! Demkatien onom hekeih keke natmahin hemoul eris, ka hehi anatin.”
26142	JHN 1:29	En avong sav teni, Sion lele va, ka les Iesu mul mai veni. Navong lesi, Sion vit leini vit, “!Mihelesi! !Sipsip koa Ahi sila mul mai, veni kei varei helah lat tisaen keil ran meatin keil ten out netan.
26184	JHN 2:20	Hetetamen keil amutimanin avit, “!Ekovei! Meatin keil amum sua hanumau elu ka ahetai emun (46) keke avoumon Eim Votut enek. Ka kovit keik kokilea kovoum kesi en avong etel enges. !Vuo, kosakras!”
26273	JHN 4:48	Iesu viteni mini vit, “!Ekovei! Munak kami mirles etai merikel keil vuo metai sav keil, misakras mivakur anatin enau.”
26287	JHN 5:8	Ka Iesu viteni mini vit, “!Mea! Lum lat vulum ka kual kiha ris teim.”
26333	JHN 6:7	Ka Pilip vit kesi vit, “!Ei! Avaseini munak rovakur ui umen vavinvin ven avati ahetai (6) ka rovahul veret vatal mani enek, anien koanek sakras vavinvin keke meatin vasi keil enek avakur hati veret tai koa vahi havivis vahi ae.”
26346	JHN 6:20	Ka Iesu viteni min keil vit, “!Minametautei! !Inau navi kei!”
26449	JHN 7:52	Hetetamen sav keil avul kati avit, “!Ei! ?Mukave? ?Keik emun kovi koan Kaleli? Munak kilekat visi en selusien vasi keil ten Tus Votut, kilei kilea keke provet tovuol vaka en provins ten out Kaleli.”
26491	JHN 8:41	Vuo. Kami mimul mimumon sakien keil onen tata kati onami.” Ka keil aviteni avit, “!Ei! !Rovitei komai koa mevi ehon keil ten sise! Tata onomai tas, koa vi Ahi varei.”
26498	JHN 8:48	Siu keil aselus karen Iesu avit, “!Ei! Meviteni anatin navong mevit kotisa suval koan Sameria tai ka ninin tisa tai mul enuk.”
26656	JHN 12:7	Ka Iesu viteni vit, “!Lokoveini! Ahin ekek vul senta koanek keke vasak mesein avek vamese ven avong tatetahinien onak.
26909	JHN 19:15	Ka keil avisohiso keih avit, “!Uasi! !Uasi! !Ti kati en aiveave!” Paelet vis ris keil vit, “?Anatin? ?Emi vat inau mati kat asuv houlu onami en aiveave?” Ka asuv keil onen pris keil avit kesi avit, “!Sisa, kei sasen enges vi asuv houlu onomai!”
27610	ACT 17:18	Tei en meatin keil koa umai aselus retavoai ral min Pol avi tiser keil ten vangi meatin keil elu, tai en keilu avise en Epikiurian, ka tateisav en keilu avise en Stoik. Keil avis meatin keil usil hihiseien onen Pol avit, “!Ei! ?Unu koanek mul viten sa?” Meatin sav keil emun avit usil Pol avit, “Meatin enek mul selus usil ahi tateisav keil koa roreingeingeni veah.” Aviteni mukok veni Pol mul vitehiten usil ‘Iesu’ ka ‘Mearisien.’
27704	ACT 20:10	Ka Pol vita netan, retengeiril, ka ling hen karahiti. Evus, viteni min keil vit, “!Minandemkotei! Kei romattei, moul veah.”
27768	ACT 21:36	Navong uva, Siu keil amules amusil keil avisohiso keih avit, “!Rehouasi! !Rehou vini!”
27794	ACT 22:22	Meatin keil along revi selusien keil onen Pol. Ka navong selus rohtoh usil koakeil arvitei Siu, vangi meatin keil ekek avisohiso keih eris avit, “!Rehouasi! !Reheta koteh moulien onen! !Romaltei keke vamoul!”
28256	ROM 9:33	Koanek suval koa Tus Votut viteni usil Kristo vit, “!Allesi! Naling ahat tai en out Saeon luhu en me-Isrel keil keke isavoi eni ka imot. Ka koakeil aling demkatien one eni, kei hersakintei keil imemou.”
30363	JAS 2:3	Ka vahit mivalei kilea kei koa musin tahos mivahit, “Amai mau, kitondan en more out tatondanien ekek.” Ka vahit mivahiteni min kei koa musin en musi eisin mivahit, “!Kiha, kitoseh!” vuo, “!Amai! !Kitondan en atan keiva!”
30782	REV 1:17	Navong nalesi, numot navita netan en alen ka nasakras moumon etai tounah suval meatin koa mat. Evus, kei ling hen matu enau ka vit, “!Konametautei! En tounah vasi koa mul, inau nasakini mul ka nisakini hevuol eris.
31090	REV 19:4	Elda hanumau ka ehat (24) ka tounah ehat (4) koa amoul uva netan min Ahi koa rondan en mari vulin ten keihoen onen. Keil aviteni avit, “!Anatin! !Masmasien va min Ahi!”
31156	REV 22:7	Evus, Iesu viteni vit, “!Mihetaengoni! !Nimai hervitei tuetin! Ka tokolkatien onen Ahi hel en koakeil along kat selusien ten hothotien usil asa koa hemai koa nara usili en tus koanik.”
31161	REV 22:12	Evus, Iesu vit, “!Mihetaengoni! !Nimai hervitei tuetin! Nikur ui umen ka mahien hetal minau, ka nisani hetetai min meatin keil housil asa koa keil en tai amumoni.
31169	REV 22:20	Kei koa vothot en selusien koanik mul viteni vit, “!Anatin! Nimai hervitei tuetin!” !Anatin eli, Asuv Iesu kimai!