33	GEN 2:2	Ka en avong koa oulu (7), kei museh en umen onen.
399	GEN 17:1	Navong Ebram, sua onen vesesal vatokol handred tai (99), Iahova kistal veni ka viteni mini vit, “!Inau, navi Ahi ten keihoen! Kilong kat nau ka lises kumon tounah koa mal en metok.
518	GEN 21:4	ka navong avong onen rokol ouhat (8), Ebraham mumoni va en vekahoi suval koa Ahi vat kati mini.
567	GEN 22:19	Ebraham keilu natnali luva ris ven meatin toumien keilu onen. Ka telva ris en out koa amul ien koa avise en Bersiba, ka aro ien ral min one keil sua houlu. Navong sua onen Serah rokol handred tai hanumau tai ka oulu mun (127), kei mat. Ebraham rangisi ka vit vatahini ka sakras ven atan kati onen tovuol. Sakini, vul titi atan ran meatin tai en out enek ka rahin ahin onen mul ien. Sua etel muli, ka navong sua onen Aesak rokol hanumau elu (40), kei retalihe suk ral min ahin tai ten out Haran, isen Rebekah. Kei vi natin Nahor, tunali Ebraham. Rovitei tuetin, avu Ebraham mat ka titan keilu, Aesak ka Ismael, lurahini vesesal en out koa arahin Serah ien. Navong mat, sua onen Ebraham rokol handred tai, hanumau etel ka teindan elim emun (175).
1112	GEN 37:28	Ka navong tei en keil umai vesesal, tunali keil aleh lat Siosep ran vulvul ka amaen lati ven keil. Me-Mid keil enek avul lati en mani koa silva vi hanumau (20), ka akuri uva en out Isip.
1222	GEN 41:26	Buluk koa oulu (7), ave tahos, ka hunge uit koa oulu (7), umen revi, aneite ten keilu vasi vatte tas, luvi sua oulu (7).
1223	GEN 41:27	Buluk koa oulu (7), ave tisa, ka hunge uit koa oulu (7), amukou ven eang sisil koa ka en out volvol muh lini, aneite ten keilu emun luvi sua oulu (7) ten amai koa anien hetovuol ien.
1449	GEN 47:28	Siekob ro en out Isip sua teindan oulu (17), rokol avong sua onen vi handred tai hanumau elu ka oulu mun (147).
1832	EXO 12:15	Ahi viteni vit, “Avong heite oulu (7), miherkantei veret koa is mul ien. Mihean enges veret koa mahinhin. En avong koa mulamu en keil, mihelah lat vasi is keil ran teim sami. Mihetivini heha, veni en avong koa heite oulu (7) enek, meatin koa hean veret koa is mul ien, kei, mihesila lati heha ran kami, hervitei mun koan Isrel tai.
2063	EXO 20:11	En avong ahetai (6), inau Iahova namumon teilang, out netan ka atas, ka namumon tounah vasi keil koa amul en keitel. Ka en avong koa oulu (7), namuseh. Ven tounah enek, inau Iahova narokol kat avong ten Sabat ka naling lati vi votut.
2194	EXO 24:16	Muohien onen Iahova mita netan en hoi hou nesa. Kei vilahil houlu ka me-Isrel keil amul netan alesi suval ahang rekau en vatihou nesa. Mahmah mutaluh koe vatihou enek avong ahetai (6). Ka en avong koa oulu (7), ren Ahi kistal en mahmah vise Mosis vahina veni.
4078	NUM 13:2	“En mari vatiamal teindan elu (12), kitie lat metai keil ikeka ran hetetamen sav keil keke kisila keil iha ilei suai en out Kenan, out koa namul nasani min me-Isrel keil.”
4138	NUM 14:29	Kami vasi mihematmat ka teiai keil onami il retai en out volvol ekek. Anatin, kami koa misel kutut kat nau, koa sua onami mulin hanumau (20),
4143	NUM 14:34	Mihean hei tisaen onami sua hehi hanumau elu (40), sua tai ten avong keil koa avi hanumau elu (40) koa meatin onom keil alei vasin out enek. Miheilea inau suk ka vati vurohien onak.
5848	DEU 34:7	Navong Mosis mat, avaseini keke sua onen vi handred tai ka hanumau tai (120), aven keih enges ka meten keilu tahosis.
5940	JOS 5:4	Mulamu, en avong me-Isrel keil alokovein out Isip, meahos vasi keil avi vekahoi tuai. Ka ven keil enek along ras Iahova, meahos keil koa avinvin avahu en avong enek umatmat en ualien one en out volvol. Suval koa Iahova viteni, kei romaentei keil avales atan koa vat kati min avu one keil, atan koa tahos imok ka amas mul ien. Sakini me-Isrel keil amual koteh out volvol sua hanumau elu (40), ka tivava one keil koa meahos arvatei en vekahoi.
6555	JDG 2:8	Navong Sosua, natin Nun, sua onen rokol handred tai ka halualim (110), kei mat. Kei vi more meatin toumien onen Iahova
7133	RUT 1:4	Evus, natnali keilu enek luretalihe ral min ahin Moab elu, isealu Oripa ka Rut. Navong telro en out enek sua halualim (10),
7636	1SA 17:16	En visokon ka mendilah keil vasi va rokol avong hanumau elu (40), Kolaeot mai selus kekar en me-Isrel keil.
7685	1SA 18:7	Navong ahin keil amul uvol, keil amusau avit, “Sol muas meatin taosen tai (1000), ka Deved esuk muas taosen halualim (10,000).”
8139	2SA 5:4	Navong Deved mai vi asuv houlu, sua onen hanumau tai ka halualim emun (30), ka kei losil kat me-Isrel keil sua hanumau elu (40). Evus, Deved lah ruain meatin keil tavaeen onen, uva akur taon ten out Serusalem vahi one ka aro ien. Evus, Deved meng kat meatin keil onen avati mari eim tai keke vato ien en taon enek. Katau suk, Deved vis pris keil ka avous Eim Tavolin onen Ahi ka tounah vasi koa mul ien ral min masmasien, ka uva asesalini en taon onen Deved, vesesal en out Serusalem. Evus, keil aling Bokis ten Hatkatien Takeih mul ien.
9345	1KI 18:1	Avati vahis muli. Ka navong ous romustei rokol sua etel (3), Iahova viteni min Ilaetsa vit, “Ha lomal en meten asuv houlu Ehab. Hevus, inau numon ous hous.”
9375	1KI 18:31	Kei lah ruain ahat teindan elu (12), mal en mari vatiamal keil onen me-Isrel keil koa akistal aka en Siekob mulamu, koa Iahova ling isen vi ‘Isrel.’
10029	2KI 18:1	Navong asuv houlu Hosea, natin Elah, losil kat me-Isrel keil sua etel (3), me-Sudah keil avati lat Hesekaea, natin Ehas, mai vi asuv houlu one.
12019	2CH 36:21	En sakien enek, selusien koa Iahova sani min provet Seremaea mai vi anatin koa vit, “Atan ekek hehi heite hon, meatin hetovuol houm ien hetokol sua hanumau etel ka halualim emun (70), hemal en sua keil koa arali koteh Sabat keil ien.”
12171	EZR 6:15	Sakini, en avong koa vi teindan elu (12) ten avati Mars, navong asuv houlu Derias losil kat kantri ten out Persia sua ahetai (6), me-Isrel keil amum vasi Eim Votut onen Ahi.
12173	EZR 6:17	Keil amuas buluk handred tai (100), mari sipsip keil koa meahos handred elu (200), ka sipsip handred ehat (400) ka amunit keil avi sanien votut ten masmasien va min Ahi. Ka ven mari vatiamal teindan elu (12) onen me-Isrel keil amuas nani teindan elu (12) vakas motein meten Ahi keke hermundemtei mun tisaen keil one.
12515	NEH 8:18	Avong oulu (7), me-Isrel keil aro en votevav keil ome, ka en meneai vasi, alah ruai ka Esra vuli selusien ten tus ten mengkatien keil onen Mosis min keil. Ka en avong koa vi outel (8) en keil, umai out tas keke avoum ekor en ale enek vasuval koa mengkatien keil onen Mosis viteni.
12876	JOB 1:3	Sipsip keil osen rokol taosen oulu (7000), kamel keil osen rokol taosen etel (3000), buluk keil osen taosen tai (1000), ka dongki keil osen avi handred elim (500). Meatin toumien keil onen emun avi houlu vis avi houlu mok. En out ist, kei varei vi meatin koa tounah onen houlu lohlin meatin savsav vasi keil.
15530	PSA 95:10	Sua hanumau elu (40), keil atisaso en metok, veni tine mul soutin ranau ka e rovattei mun availea mengkatien keil onak.
19017	JER 1:2	Navong asuv houlu Sosaea, natin Amon, losil kat meatin keil ten out Sudah sua teindan etel (13), Iahova selus rohtoh minau.
21807	DAN 1:1	Navong asuv houlu Sehoiakim losil kat me-Sudah keil sua etel (3), asuv houlu Nebukanesa ten out Babilon mai ka mumon vaeen ral min keil, ka meatin onen keil akarahit koe taon ten out Serusalem.
21931	DAN 4:22	meatin keil ilikatuk kiha kilokovein out koa komul ien ekek kiha kito hetal min tirendan keil ten eivorohus. Sua oulu (7), keik kian oumunai hesuval buluk, kimatil en mesaiuai ka tilep hekasuk. Keik kito hemukonek hetokol avong kimai kindem kilea suk keke losilkatien ten kantri vasi keil ten out netan mul enges en hen Ahi ten Keihoen. Ka kei kilea hesani min meatin sa koa kei en vati vasani mini.
21938	DAN 4:29	En hati avong enesek, meatin keil ilikatuk kilokovein out koa koro ien, ka kiha kito nges hetal min tirendan keil en mesaiuai. Sua hehi oulu (7), kian oumunai hesuval buluk keil enges. Keik kitos hemukonek hetokol avong koa keik kindem kilea suk keke losilkatien ten kantri vasi keil ten out netan mul enges en hen Ahi ten Keihoen, ka kei kilea vasani min meatin sa koa kei en vati vasani mini.”
23598	MAT 12:40	Veni suval provet Siona ro en vangen mari mesau meneai rokol vongien avong etel (3), en vati sakien enek inau, Natin Meatin, emun nito en vulvul ten matien meneai ka vongien avong etel (3).
23818	MAT 18:22	Iesu vit kesi vit, “Vuo, rovitei avong oulu (7), ka kumoni avong hehi oulu (7), hevus, avong hehi oulu mun (7), hevus, avong hehi oulu mun (7) heha vio … kosakras kovahuli mun.
24207	MAT 27:9	Evus, asa koa Ahi viteni ka en provet Seremaea mai vi anatin koa vit, “Keil akur silva mani hanumau tai ka halualim (30), mal en mani koa me-Isrel keil alingi vi hulien ten moulien onen.
24458	MRK 5:25	En vangi meatin keil enek, ahin tai mul koa mesaien onen mama keil muasi sua teindan elu (12), sakras vavus.
24513	MRK 6:37	Ka Iesu viteni min keil vit, “Kami varei keke mihesan etai tounah keke iani.” Ka keil avit kesi avit, “!Ei! !Avaseini munak rokur mani koa vinvin en avong toumien handred elu (200), hervinvintei keke rovahul veret vahi an meatin keil ekek!”
24517	MRK 6:41	Evus, Iesu kur veret koa elim (5) ka mesau elu (2), lele vina nesa, ka san masmasien min Ahi veni. Evus, vul vahas veret ka sasani min teindan elu (12) onen, koa ariti min meatin keil. Ka mesau emun ariti min keil.
24589	MRK 8:20	“?Ka navong navul vahas veret oulu (7) min meatin taosen ehat (4000), misien veiat ehis koa avilelau en anien koa mules?” Keil avit, “Veiat oulu (7) vil mules.”
24642	MRK 9:35	Sakini, Iesu rondan, vise ruain teindan elu (12), ka viteni min keil vit, “Isei keke en vati val nesa, heling kei heha netan. Mukonek, hehi meatin toumien onen meatin vasi keil.”
24988	LUK 1:26	Navong avati onen Elsavet vi ahetai (6), Ahi sila angelo Kavriel va en meteimal ten out Nasaret koa mul en provins ten out Kaleli.
25021	LUK 1:59	Ka navong avong onen tivava enek vi outel (8), musil sakien onen Siu keil, akuri va en vekahoi. Koakeil umai avalesi, e vati avaling isen tata onen en kei, koa vi ‘Sakaraea.’
25084	LUK 2:42	Sakini, navong sua onen Iesu rokol teindan elu (12), luva en anien enek suval koa lumumoni lisenges, ka lukur Iesu telva.
25088	LUK 2:46	Lulekat Iesu avong etel (3), ka luvotini suk mul rondan en teahu ten Eim Votut. Kei mul long hihiseien keil onen tiser keil onen Siu keil ka mul vis keil usili.
25095	LUK 3:1	En avong koa Taebirias vi Sisa ten out Rom sua teindan elim (15), meatin ehat (4) sav emun amul akataun losilkatien onen: Herod Antipas vi asuv houlu ten out Kaleli; tunali Pilip vi asuv houlu ten out Ituria ka Trakonaetas; Lisanias vi asuv houlu ten out Abilin; ka Pontias Paelet vi avat ten kavmen ten out Sudea.
25157	LUK 4:25	Mulamu, en avong onen provet Ilaetsa, ous romustei sua etel ka hap teni (3½), ka meatin keil vasi, amai kat keil. Ka en me-Isrel keil, vatina keil avi houlu.
25384	LUK 9:14	(Tata keil vasi koa amul en avong koanek vesesal arokol taosen elim (5000), ka mama ka titiali keil arvulitei keil.) Sakini, Iesu viteni min meatin keil onen vit, “Mihetiti vas meatin keil iha itondan en vangite keil koa vesesal meatin keil hanumau elu ka halualim emun (50) il en vangite tai.”
27208	ACT 7:23	“Navong sua onen hanumau elu (40), Mosis mumon rendemien onen keke vailea revi mok meatin kati keil onen, me-Isrel keil, sakini va sao en keil.
27227	ACT 7:42	Sakini, Ahi viles eisilin ran keil ka maen keil uva netan min hitu keil. Koanik suval asa koa Ahi viteni en tisien tai onen provet keil vit, ‘Me-Isrel keil, navong mimul en out volvol sua hanumau elu (40), mirmuas etai tirendan vahi sanien votut onami minau.
27449	ACT 13:18	Ahi lekat revi keil en out volvol sua hanumau elu (40), avaseini keke sakien keil one tisa.
27637	ACT 18:11	Ka Pol rotos en taon ten out Korin sua tai ka hap teni (1½), ka mul visein revi meatin keil ekonek usil selusien onen Ahi.
27662	ACT 19:8	Evus, ten avati etel (3), Pol mul va en eim tahihiseien onen Siu keil en out Efeses ka rometautei keke vaselus retavoai vatal min keil usil sise koa hiasuvien onen Ahi hemai en moulien onen meatin keil.
27664	ACT 19:10	Ka veni Pol mul mumon sakien enek sua elu (2), meatin vasi keil koa aro en provins ten out Esia, koakeil avi Siu ka koakeil emun arvitei Siu, araengon more longlongien usil Asuv Iesu.
27823	ACT 23:21	Ka konousiltei li asa koa ihiteni, veni vangi meatin keil one ito suai itosini. Anatin, meatin hanumau elu (40), vuo muli, amumon hatkatien takeih keke keil irkan etai anien ka irmun etai oai hetokol avong koa u vini Pol. Kosa etin, asak mesei tuai ka amul arosinuk kovamaen Pol vaha en he.”
29081	2CO 11:24	Hatte elim (5), Siu keil amutetah avek en wip tai avong hanumau tai ka teindan ehat emun (39).
29082	2CO 11:25	Hatte etel (3), meatin keil amu kikirit inau en ai keil. Hatte tai, vesesal avov vini nau. Hatte etel, namul en sip koa marindu. Ka hatte tai teni, naraheah en atas avong tai ka vongien tai emun.
29839	1TI 5:9	Vatina keil koa mihekataun keil, mihetis ise en tus tai taleikatien. Koakeil enek, sua one heli sua hanumau etel (60), ka mulamu, kei ro ral min ason enges.
30085	HEB 4:4	Rokilea koanek anatin veni en out tai en Tus Votut aviteni avit, “Ka en avong koa oulu (7), Ahi museh ran umen vasi keil onen.”
30262	HEB 11:23	Veni tata ka mama onen Mosis lukur demkatien, navong Mosis avasi, luling suaini avati etel (3), veni alesi keke tivava enek moreite mok. Keilu lurmetautei keke luvalong ras mengkatien onen asuv houlu ten out Isip.
30269	HEB 11:30	Veni me-Isrel keil akur demkatien, amual rahit taon ten out Seriko avong oulu (7), ka mari vieh teni merangle.
30781	REV 1:16	En hen matu, vuli kat hitu oulu (7), ka naef tai koa kan lualu kistal ka en ongon. Nan vihil keih imok suval meteiai koa ritin en taviai.
30913	REV 9:5	Avati elim (5), maen kal keil enek asakin meatin keil akur mahien houlu, ka anouastei keil anamatmat. Mahien enek suval mahien navong skopion rili meatin.
30951	REV 11:11	Ka en taviai ten avong ehat (4), Ahi hesan sehien ten moulien min keilu ka luhelomal eris. Ka koakeil ilesi, imaleilei hehi houlu.
30962	REV 12:3	Evus, tounah sal tamun kistal en teilang. Mari dragon tai koa vilhili kistal. Vatin oulu (7) ka hon keil onen halualim (10), ka vatluvoluv mul retai en vatin vasi keil.
30978	REV 13:1	Evus, nales tirendan tisa tai mea ran atas. Vatin oulu (7) ka hon keil onen halualim (10), ka vatluvoluv mul retai en hon vasi keil. Ka tetai en vatin keil akur kat eis ten hetetamenien koa avenani ran Ahi vahi one.
31042	REV 16:19	Sakini mari taon ten out Babilon sipasi heite etel (3), ka mari taon keil en kantri vasi keil amerangle. Ahi mundem kat tisaen keil onen koakeil ten mari taon koa aling eis suai eni vi Babilon, ka san mahien ten mari vurohien onen va kat keil.
31136	REV 21:14	Vieh ten taon enek, vatte teni vi mari ahat teindan elu (12), koa amutis isen eiloheh teindan elu (12) onen kei koa suval sipsip mul ien.