1022	GEN 35:10	Ahi viteni mini mukok, “Kosa isom ‘Siekob’ koa aneite teni vi ‘meatin tasakluvosien,’ ka kosa heha, isom hehi ‘Isrel’ koa aneite teni vi ‘meatin koa lehkao min Ahi.’
1593	EXO 3:13	Ka Mosis vit risi mini vit, “?Ka munak niha ven me-Isrel keil ka nihiteni min keil nihit, ‘Ahi onen avu onami keil, kei sila inau numai ven kami,’ ka keil ihis inau ihit, ‘?Isen isei?’ ka nihiten sa min keil?”
7234	1SA 1:20	Sakini en avong mal teni, kei meas ka kuri vi meahos. Evus, ling isen vi ‘Samuel’ koa aneite teni vi ‘navis Ahi veni,’ veni viteni vit, “Inau navis Iahova veni.”
17905	ISA 9:5	“Anatin, tivava tai, ihasi ven ir. Ehon koanek, Ahi hesani min ir. Losilkatien vasi keil hel en hen. Ihise en ‘More Meatin Tatie Sise en,’ ‘Ahi ten Keihoen,’ ‘Ahi Tamer koa mul lisenges,’ ka ‘Hetetamen ten Tomat.’
19500	JER 20:9	Ka munak naviteni en rendemien onak navit, ‘Nirselustei usil Ahi ka nirvit meseintei mun selusien onen en Isen,’ selusien onom mai suval ahang koa mukan purun tinok. Nasak visi mahuli kat selusien onom, ka nasakras varei.
23234	MAT 1:21	Meri hekuri hehi meahos, ka keik kiling isen hehi ‘Iesu’ koa aneite teni vi ‘Iahova mutut meatin,’ veni kei houtut meatin keil onen ran tisaen keil one.”
23325	MAT 5:22	Ka inau naviteni min kami keke meatin vasi koa avuroh kat tue keil, Ahi helei rahit usite one ka hesan mahien min keil ven. Anatin, munak meatin tai viteni min tunali vit, ‘vatum tovuol,’ ikur meatin enek heha en mari kot onen Siu keil ka iling mahien eni. Ka munak meatin tai viteni min tunali vit, ‘kovi vau,’ kei mul en sise koa heha en Ahang koa sakras vamat.
23340	MAT 5:37	Sakini, navong miviten tounah tai, mihehitenis keke ‘anatin numoni,’ vuo ‘nirmumontei.’ Ka hevus, mihoumoni suk. Veni navong misak visi keke mivasuv kat selusien onami en etai tounah, sakien koanek ka ven Temat.”
23389	MAT 7:4	?Vensa mimul miviteni min tuomi mivit, ‘Tuo li, kimaenau makulat sokeai ran metom,’ navong mari mavuliai mules en metomi?
23453	MAT 9:5	?Koa kave mae imok keke naviteni, ‘Ahi roleletei mun vatisa enuk ven tisaen keil onom,’ vuo, ‘Kimea ka kikaka’?
23789	MAT 17:20	Ka Iesu vit kesi min keil vit, “Veni demkatien onami havivi ramat. Anatin eli naviteni min kami, munak mikur kat demkatien koa havivis suval titi uti mastard, mikilea mivahiteni min vatihou enek mivahit, ‘Kimea ran out ekok ka kiha ke va,’ ka kei heha. Munak demkatien onami mul, tounah tovuol vakeih mivoumoni.”
23898	MAT 21:3	Ka munak meatin etai hesak visi keke heting koe kamil, milhehiteni mini milhehit, ‘Asuv en vat keilu,’ ka hatte tas, kei hemaen keilu.”
23916	MAT 21:21	Ka Iesu vit kesi min keil vit, “Anatin eli naviteni min kami, munak demkatien onami mul ka mihermundem maentei asa koa mivisi, kami mikilea mivoumon asa koa namumoni en vati fik. Ka roviteis koanik, mikilea emun mivahiteni min hou koanik mivahit, ‘Kimea ran vulum ka kiso sasom enuk kiha en atas,’ ka hekur out.
23920	MAT 21:25	Alhit visi minau. ?Isei maen Sion vahi baptaes en meatin keil? ?Ahi vuo meatin enges?” Keil aselus rahiti min keil eris avit, “?Rehehiten sa? Munak rehehit ‘Ahi maeni,’ kei hehiteni min ir hehit, ‘?Mukonek, vensa suk mirkurtei anatin en selusien onen?’
23921	MAT 21:26	Ka munak rehehit, ‘Meatin maeni,’ rehemetau en mari vangi meatin keil veni keil vasi amundemi keke Sion Baptis vi provet tai onen Ahi.”
24052	MAT 24:26	“Sakini, munak meatin etai hehiteni min kami hehit, ‘Mesaea va ko en out volvol,’ minahatei en out ekok. !Vuo! Munak keil ihiteni ihit, ‘Mesaea keie, kei ros neim en out enek,’ minakurtei anatin eni.
24338	MRK 2:9	Maes imok minau keke nihiteni min meatin ekek koa sakras vakaka nihit, ‘Nikulat tisaen onom,’ veni kami misakras mivalesi munak nakur keihoen keke moumoni. Ka keih keke nihiteni nihit, ‘!Mea! Lum lat vulum ka ha teim,’ veni milei kilea munak nakur keihoen keke moumoni vuo narkurtei.
24542	MRK 7:10	Suval koa keke Mosis selus keih mini vit, ‘Mihehouhou min tata ka mama onami keil,’ ka viten risi vit, ‘Munak etai hesili tata vuo mama onen, kei, uasi hemat.’
24740	MRK 11:31	Koanik sakin keil amul aselus rahiti min keil eris avit, “?Rehehiten sa? Munak rehehit ‘Ahi maeni,’ ka kei hehit, ‘?Sakini vensa mirkurtei anatin en selusien onen Sion?’
25155	LUK 4:23	Iesu viteni min keil vit, “Nakilea keke mihehiteni minau selusien matu koa vit, ‘Dokta, kisak revi onom keil helamu,’ veni emi vati keke num en out enek, en meteimal kati onak, tounah vasi keil koa milonge namumoni en meteimal ten out Kapaniam keke mihekur anatin enau.
25199	LUK 5:23	?Asa mae imok keke mahiteni min meatin enek, ‘Ahi roleletei mun vatisa minuk,’ vuo ‘Kimea kual’? Maes keke nihiteni keke Ahi roleletei mun vatisa eni veni misakras mivalei kilea keke kur out vuo rokurtei out.
25261	LUK 6:46	Iesu vit risi min meatin keil vit, “?Vensa mimul mivise nau mivit, ‘Asuv, Asuv,’ ka mirmumontei asa koa naviteni min kami?
25724	LUK 17:4	Ka avaseini munak tumali enek mumoni tisa minuk avong houlu en avong tas, ka en avong vasi kei mai venuk ka viteni minuk vit, ‘Namum tisa li minuk ka nirmumontei mun hemukonek,’ mal keke kilele hetahos eris mini.”
25853	LUK 20:5	Ka keil asel min keil eris avit, “?Rehehiten sa varei? Munak rehehit, ‘Ahi maeni,’ kei hehiteni min ir hehit, ‘?Ka vensa mirkurtei anatin en hihiseien onen Sion?’
25854	LUK 20:6	Ka munak rehehiteni rehehit, ‘Meatin enges maeni,’ vangi meatin keil ekek iov ir, veni keil akur anatin keke Sion vi provet tai onen Ahi.”
25940	LUK 22:7	En ‘Avong Keil koa Akan Veret koa Is Tovuol ien,’ avong mai mal keke meatin keil amul amuas sili sipsip keil ven Anien ten Mul Laui.
26037	LUK 23:33	Navong keil arokol out koa avise en ‘Asi ten Avat,’ keil amuti kat Iesu en aiveave. Ka meatin tatisa keilu, amuti kat keilu en aiveave elu mun. Tai en usite matu onen Iesu, ka tai en usite meil onen.
26911	JHN 19:17	vina en ‘Out ten Asi ten Avat,’ koa avise en ‘Kolkota’ en selusien ten Hibru. Ka akeih kat Iesu vous sasen en aiveave onen.
26915	JHN 19:21	Navong asuv keil onen pris keil avuli, uva ris ven Paelet ka aviteni mini avit, “Konatistei konahit, ‘Asuv houlu onen Siu keil,’ ka mal keke kitisi kihit, ‘Meatin enek viteni keke vi asuv houlu onen Siu keil.’”
28248	ROM 9:25	Koanik vi asa koa Ahi viteni ka en provet Hosea vit, “Meatin keil koa ‘arvitei onak’ nihise revi keil en ‘meatin kati keil onak.’ Ka kei koa ‘envatien onak tovuol ien,’ nihise revi en ‘kei koa envatien onak mul ien.’”
28249	ROM 9:26	“Ka en out kati koa Ahi viteni min keil vit, ‘Kami mirvitei meatin keil onak,’ en out enek, ihise keil en ‘ehon keil onen Ahi koa moul.’”
29185	GAL 3:16	Ka, suval koanek, navong Ahi mumon hatkatien takeih onen ral min Ebraham, mumoni emun ral min ‘kei koa hekistal eni.’ Tus Votut rovitentei vahit mumoni ral min ‘koakeil ikistal eni.’ Veni navong viteni vit ‘kei koa hekistal eni,’ mul selus usil meatin tas. Ka meatin enek vi Iesu Kristo.
30608	1JN 1:1	Inau, Sion, namutis leta koanik va min kami usil kei koa vi ‘Vati Selusien ten Moulien,’ kei koa ro tuai mulamu en tounah sav vasi keil. Kei, komai melonge, ka melesi en metomai. Anatin, melesi ka hemai rokoli.