10	GEN 1:10	Atan, kei ling isen vi ‘Atan,’ ka atas koa mai out tas, ling isen vi ‘Atas.’ Ka Ahi lesi keke lutahos.
106	GEN 4:26	Navong Set mai mariso, kur ahin tai. Ka navong ro ral mini, ahin onen kur natnali tai ka ling isen ‘Inos.’ En hati avong enek, meatin keil avita netan min Ahi ka avise rohtoh en ‘Iahova,’ isen kati koa vi votut. Set, moeite onen vi Inos. Inos, moeite onen vi Kenan. Kenan, moeite onen vi Mahalalel. Mahalalel, moeite onen vi Sered. Sered, moeite onen vi Inok. Inok, moeite onen vi Metuselah. Metuselah, moeite onen vi Lamek. Lamek, moeite onen vi Noah. Ka Noah, natnali etel, Sem, Ham ka Sevet. Meatin keil enek aka en vatiamal onen Adam ka moulien one tetaveah. Keil akur titae houlu mok ka avilelau en out vasi. Ka houlu en keil armusiltei mun Ahi.
305	GEN 12:6	Ebram ka meatin keil onen aka pas kantri enek va vio … umai en out koa avise en ‘Sekem.’ Ka en out enek, en out koa avise en ‘Morah,’ amumon votevav keil one vesesal en mari vatiai tai koa matu vis matu, out koa meatin sav keil uva netan min ahi keil one ien. (En avong koanek, koakeil ten out Kenan avi horetan veah en out enek.)
337	GEN 13:18	Sakini Ebram mea va ral min onen keil, uva vio … arokol out Hibron. Ka amumon votevav keil ome en out koa avise en ‘Mamre,’ vesesal en mari vatiai koa matu vis matu, out koa meatin sav keil uva netan min ahi keil one ien. Ka en out enek, Ebram kur mari ahat keil ka mumon ahor ten sanien ka munit sanien votut vina min Iahova.
403	GEN 17:5	Sakini, isom hervitei mun ‘Ebram,’ ka hehi ‘Ebraham’ veni numonuk kihi mari avu onen mari vangi meatin houlu.
517	GEN 21:3	Ebraham ling isen vi ‘Aesak’ koa aneite teni vi ‘viteai,’
5945	JOS 5:9	Iahova viteni min Sosua vit, “Kosa nakulat memouen ten out Isip ran kami, out koa mivi slev keil ien.” Sakini out enek avise en ‘Kilkal’ koa aneite teni vi ‘kulati,’ ka eis enek mul veah rokol kosa.
8994	1KI 8:6	Evus, pris keil avous Bokis ten Hatkatien Takeih enek uva alingi en vulin kati neim en out tai koa vi votut vis vi votut imok. Anatin, alingi luhu en angelo elu koa avise keilu en ‘sereb,’ en hehen apouealu.
9116	1KI 11:5	Ka vita netan min ahi koa vi ahin onen me-Saedon keil koa isen ‘Astata,’ ka min ahi onen me-Amon keil koa isen vi ‘Molek’ koa tisa revi mok en meten Iahova.
9118	1KI 11:7	En hoi hou tai koa mul en usite ist ten taon ten out Serusalem, Solomon mumon ahor ten sanien tai min ahi tisa onen me-Moab keil koa isen ‘Simos,’ ka ahor tei mun min Molek, ahi tatisaso onen me-Amon keil.
21813	DAN 1:7	Avat Aspenas viles iseatel mukok: min Daniel, ling isen vi ‘Beltesasar,’ min Hananaea, ling isen vi ‘Sadrak,’ min Misel, ling isen vi ‘Misak,’ ka min Asaraea, ling isen vi ‘Abednego.’
23236	MAT 1:23	“!Mihelonge! Ahin hau tai koa reingeingen meatin veah hemeas en tivava. Evus, hekuri hehi meahos ka iling isen hehi ‘Imanuel,’ koa aneite teni vi ‘Ahi ro ven ir.’”
23511	MAT 10:25	Sakini, kami koa mikur hihiseien keil onak, tahos mihesi kami keke mihemai mihesuval inau, tiser onami. Anatin, kami koa misuval slev keil onak, mihesi kami keke mihemai mihesuval asuv onami. Ka munak avise karen inau, avat onami, en ‘Belsepul,’ miheilea keke ihise karen kami mun mivi onak keil en tounah koa hetisa mok.
23986	MAT 22:45	Asuv houlu Deved varei vise Mesaea en ‘Asuv onen.’ ?Ka veni tata tai sakras vahise natnali en ‘asuv,’ Mesaea heka en vatiamal onen Deved hemukave?”
24442	MRK 5:9	Sakini, Iesu visi vit, “?Isom isei?” Meatin enek vit risi mini vit, “Isomai ‘Houlu,’ ven komai houlu memusing kat meatin ekek.”
24779	MRK 12:37	Asuv houlu Deved, kei sasen enges, vise Mesaea en ‘Asuv.’ ?Ka veni tata tai sakras vahise natnali en ‘asuv,’ Mesaea heka en vatiamal onen Deved hemukave?” Meatin keil houlu amul along selusien onen Iesu, ka asi keil houlu ven hihiseien onen.
25582	LUK 12:54	Iesu viteni mun min meatin keil vit, “Navong miles mahmah keil malikelik emai ka en ist en eang koa mivise en ‘toio,’ mikilea keke ous vous ke. Ka anatin, ous mus.
25892	LUK 20:44	?Milonge? Asuv houlu Deved varei vise Mesaea en ‘Asuv onen.’ ?Ka veni tata tai sakras vahise natnali en ‘asuv,’ Mesaea heka en vatiamal onen Deved hemukave?”
26712	JHN 13:13	Mivise inau en ‘Tiser’ ka ‘Asuv,’ ka mal keke mimumoni mukonek, veni vi anatin.
27011	ACT 1:19	Navong longlongien usil mukave Sudas mat ka vasi out Serusalem, avise out enek en ‘Akeldama,’ koa aneite teni vi, ‘Atan ten Ara.’)
30133	HEB 7:2	Ka “Ebraham sani mini taet ten tounah vasi koa kei lahi en vaeen enek.” Isen Melkisedek, aneite teni vi ‘asuv houlu ten maluen.’ Ka veni taon ten out Salem, aneite ten isen vi ‘tomat,’ kei vi ‘asuv houlu ten tomat’ emun.
30545	1PE 5:13	Meatin keil ten sios ekok ten out ‘Babilon,’ koa Ahi rie lat keil avi onen, aviten ‘more’ one vat min kami, koa kami mun mivi onen. Ka Mak, koa suval natkuli en demkatien, kei mun mul viten ‘more’ onen vat min kami.
30919	REV 9:11	Angelo tatisa koa losil kat Vulvul koa keite teni tovuol, kei vi asuv houlu one. En selusien onen me-Isrel keil, isen ‘Abadon,’ ka en selusien onen me-Gris keil, isen ‘Apolion’ koa aneite ten keilu vi ‘meatin tou rasilinien.’
31074	REV 18:12	Anatin, meatin tovuol vahul tounah koa amumoni en gol, silva, ahat koa merentas ka veimesau tetahos keil. Irvultei mun more eisin keil koa muoh, vilhili ka pepol vatal min eisin tetahos koa avise en ‘silk.’ Ka meatin tovuol emun keke vahul tounah keil koa amumoni en more ai keil, en lohon tirendan keil, en aean koa avise en ‘brons,’ ka en ahat koa avise en ‘marbel.’