8	GEN 1:8	Ka mesaiuai enek, ling isen vi ‘Teilang.’ Vongien va, meneai mai, koanek vi avong elu (2).
13	GEN 1:13	Vongien va, meneai mai, koanek vi avong etel (3).
19	GEN 1:19	Vongien va, meneai mai, koanek vi avong ehat (4).
23	GEN 1:23	Ka vongien va, meneai mai, koanek vi avong elim (5).
31	GEN 1:31	Ahi les tounah vasi koa kei mumoni keke atahos imok. Vongien va, meneai mai, koanek vi avong ahetai (6).
32	GEN 2:1	En sakien enek, Ahi mum vasi out nesa, out netan, ka tounah vasi keil koa amul ien en avong ahetai (6).
164	GEN 7:4	Kumoni hemukonek veni avong oulu (7) sesuk keke nisan mari ous hous. Ous hous meneai ka vongien heha vio … hetokol avong hanumau elu (40). Ka en avong enek, tounah sav vasi keil koa amoul koa namumon keil, inau nu lin keil ran out netan.”
177	GEN 7:17	Evus, ous mus vis mus, romusehtei rokol avong hanumau elu (40). Oai vilelau en out vasi, ka sakin mari sip enek moulal eni.
303	GEN 12:4	Sakini, navong Ebram long kat ren Iahova ka mea ran out Haran, sua onen rokol hanumau etel ka teindan elim (75).
385	GEN 16:3	Sakini, Serae san Hakar mini ka kei kuri. Koanek kur out avong aro en out Kenan sua halualim (10).
398	GEN 16:16	En avong koanek, Ebram, sua onen vi hanumau ehat ka ahetai mun (86).
410	GEN 17:12	En avong keil koa hemai, koakeil en kami koa avi meahos iha en vekahoi navong avong one vi oulim (8). Slev onami keil koa mikuri en out sav ral min titae keil koa avasi en teim onami.
423	GEN 17:25	Ka Ismael, sua onen en avong koanek rokol teindan etel (13).
567	GEN 22:19	Ebraham keilu natnali luva ris ven meatin toumien keilu onen. Ka telva ris en out koa amul ien koa avise en Bersiba, ka aro ien ral min one keil sua houlu. Navong sua onen Serah rokol handred tai hanumau tai ka oulu mun (127), kei mat. Ebraham rangisi ka vit vatahini ka sakras ven atan kati onen tovuol. Sakini, vul titi atan ran meatin tai en out enek ka rahin ahin onen mul ien. Sua etel muli, ka navong sua onen Aesak rokol hanumau elu (40), kei retalihe suk ral min ahin tai ten out Haran, isen Rebekah. Kei vi natin Nahor, tunali Ebraham. Rovitei tuetin, avu Ebraham mat ka titan keilu, Aesak ka Ismael, lurahini vesesal en out koa arahin Serah ien. Navong mat, sua onen Ebraham rokol handred tai, hanumau etel ka teindan elim emun (175).
1032	GEN 35:20	Siekob kur mari ahat tai ka vati lati mulomal vatie lat tehitan onen. Ka mari ahat enek mules en out enek rokol kosa. Siekob, ahin onen ehat (4) ka natnali keil teindan elu (12).
1222	GEN 41:26	Buluk koa oulu (7), ave tahos, ka hunge uit koa oulu (7), umen revi, aneite ten keilu vasi vatte tas, luvi sua oulu (7).
1449	GEN 47:28	Siekob ro en out Isip sua teindan oulu (17), rokol avong sua onen vi handred tai hanumau elu ka oulu mun (147).
1529	GEN 50:22	Siosep ro nges ral min me-Isrel keil en out Isip rokol navong sua onen vi handred tai ka halualim mun (110).
1533	GEN 50:26	Rovitei tuetin, Siosep mat. Sua onen rokol handred tai ka halualim mun (110). Musil sakien onen me-Isip keil, asak revi teiai onen keke navotei ka alingi matil en bokis ten matien.
1538	EXO 1:5	Keil enek koa akistal en ran Siekob ral min titae keil, keil vasi arokol hanumau etel ka halualim emun (70). Natnali koa vi Siosep mul tuai en out Isip.
1570	EXO 2:15	Ka navong asuv houlu ten out Isip raengon asa koa kur out, kei lekat sise vouas Mosis. Ka Mosis lohosai va soutin en atan ten out Midia. Navong Mosis rokol Midia, pris tai onen me-Mid keil koa isen Setro maen Mosis ro ral mini. Avong muli, ka pris san natnahin mini. Kei kur titan ka aling isen vi ‘Kersom.’ Ka Mosis kataun keil ka lei kat sipsip ese keil vesesal sua hanumau elu (40).
1857	EXO 12:40	Avong koa me-Isrel keil umai rohtoh en out Isip rokol avong avaha rani, aro en out Isip sua handred ehat hanumau tai ka halualim emun (430).
2194	EXO 24:16	Muohien onen Iahova mita netan en hoi hou nesa. Kei vilahil houlu ka me-Isrel keil amul netan alesi suval ahang rekau en vatihou nesa. Mahmah mutaluh koe vatihou enek avong ahetai (6). Ka en avong koa oulu (7), ren Ahi kistal en mahmah vise Mosis vahina veni.
2196	EXO 24:18	Sakini Mosis vina nesa en vatihou, va neim en mahmah enek. Mules en out enek avong hanumau elu (40).
2525	EXO 34:28	Mosis ro en out enek ral min Iahova avong hanumau elu (40). Ka meneai ka vongien, rokaniantei ka romun etai tounah. Mul rei selusien ten hatkatien onen Ahi en ahat elu, koanek Mengkatien Halualim.
4101	NUM 13:25	Meatin keil taleisuaien out amual alei vasin out Kenan avong hanumau elu (40). Evus, umai ris
4142	NUM 14:33	Titami keil iles ual tetoun en out volvol ekek sua hehi hanumau elu (40). Ka ven mirvitei anatin minau, keil ilong mahien hetokol avong koa kami vasi mihematmat.
4154	NUM 14:45	Ka me-Amelek keil ka me-Kenan keil koa amul en hou keil ekek, umai uvae ral min keil ka amu lin me-Isrel keil. Anatin, keil alikat rasilin keil soutin va rokol out koa avise en Hormah. Evus, me-Isrel keil koa amules aviles ka amusil Mosis ka Eron koa Iahova rie lat keilu keke luvahi avat one. Amusil keilu va vio … rokol avong aro en out volvol sua hanumau elu (40). Ka keil avisu en avong takeih keil houlu en ualien one.
4341	NUM 20:29	Navong me-Isrel vasi keil akur longlongien keke Eron mat, keil vasi arangisi, ka araleh matien veni avong hanumau tai ka halualim emun (30).
5141	DEU 8:2	“Mihendem kat sise koa taveah en out volvol koa Iahova mulamun kami eni sua hanumau elu (40). Ka en avong keil enek, Iahova san sakvisien keil mai en kami keke helei kilea rendemien onami: mihesak mesein kami keke mivalong kat mengkatien keil onen vuo miherlong kattei.
5954	JOS 6:3	Keik ka meatin keil tavaeen onom mihekarahit mari taon enek avong hetas en avong vasi hetokol avong ahetai (6).
5965	JOS 6:14	En avong elu enek, amual rahit eris taon, ka uva ris en out one. Amumoni mukonek rokol avong ahetai (6).
5966	JOS 6:15	Out mulan en avong oulu (7) teni, amea ka amual akarahit eris taon enek en vati sakien koa amumoni tuai. Ka en avong enesek, amual rahiti avong oulu (7).
5976	JOS 6:25	Ka Sosua kur koe moulien onen Rehab ka onen keil. Kei mumoni mukonek veni kei ling suain meatin keilu taleisuaien koa sila keilu luva Seriko. Ka titan keil koa akistal eni amul veah en out Isrel rokol kosa. Evus, Sosua ka me-Isrel keil uvae ral min me-Kenan keil en usite tai va rokol usite sav ten kantri enek. Meatin houlu ten out enek, amu vini keil, ka keil koa, akur koe keil keke avato vatal min keil. Navong amumon rea evus, Sosua riti atan min vatiamal keil onen me-Isrel koa avi tai tan elu (12). Keil uva en out savsav keil one ka aro en meteimal keil koa me-Kenan keil amumoni. Sua houlu muli va, Sosua lah ruain me-Isrel keil umai ris out tas.
7207	RUT 4:15	Ahineli onom, envatien onen enuk mariso mok. Tounah vasi keil koa kei mumoni minuk tahos imok mulin munak natmali keil onom avahi oulu (7). Ehon koa Rut kuri sakin moulien onom vi heite hau eris, veni navong kimai kihi tovuli revi, kei kilea valei kat revi keik.”
7444	1SA 10:24	Evus, Samuel mulamun Sol va mulomal luhu en meatin keil ka viteni min keil vit, “Meatin koanek vi kei koa Iahova rie lati keke vahi houlu valosil kat kami. Meatin tovuol emun en kami vasuval kei.” Navong alesi, meatin vasi keil avisohiso keih avit, “!Kei vi asuv houlu onomai, losilkatien onen hel hetaveah!” Navong Sol mai vi asuv houlu onen me-Isrel keil, sua onen vi hanumau tai ka halualim emun (30). Ka me-Isrel keil koa arsitei keil ven hiasuvien onen ka asel kutut kati. Ka kei vise ruai meatin tavaeen keil ten out Isrel ka mulamun keil uva avavae vatal min me-Amon keil ka amu lin keil. Sakini, me-Isrel vasi keil asi keil suk ven hiasuvien onen.
7624	1SA 17:4	Evus, meatin tavaeen tai ten out Kat kistal ran out koa me-Filistia keil amumon votevav ome ien, isen Kolaeot. Kei vi hetetamen imok en meatin tavaeen keil one ka taveah ramat, mulin mita etel (3).
7686	1SA 18:8	Navong Sol longe mukok, longe tisa ka tin vepeng. Kei vit sasen eni vit, “Keil aviteni keke Deved muas meatin taosen halualim (10,000), ka inau, avit taosen tas (1000). !Hervitei tuetin, keil ilingi hemai hehi asuv houlu one!”
8139	2SA 5:4	Navong Deved mai vi asuv houlu, sua onen hanumau tai ka halualim emun (30), ka kei losil kat me-Isrel keil sua hanumau elu (40). Evus, Deved lah ruain meatin keil tavaeen onen, uva akur taon ten out Serusalem vahi one ka aro ien. Evus, Deved meng kat meatin keil onen avati mari eim tai keke vato ien en taon enek. Katau suk, Deved vis pris keil ka avous Eim Tavolin onen Ahi ka tounah vasi koa mul ien ral min masmasien, ka uva asesalini en taon onen Deved, vesesal en out Serusalem. Evus, keil aling Bokis ten Hatkatien Takeih mul ien.
8784	1KI 2:11	Kei losil kat me-Isrel keil sua hanumau elu (40). Sua oulu (7) teni, ro en taon ten out Hibron, ka sua hanumau tai ka teindan etel (33) teni, ro en taon ten out Serusalem.
9114	1KI 11:3	Solomon retalihe ral min natnahin asuv houlu keil handred oulu (700) ten kantri savsav keil. Ka atou sav keil onen arokol handred etel (300). Ahin keil enek asakin Solomon viles ran Iahova.
9141	1KI 11:30	Evus, provet enek kulat kot hau omon enek koa musin eni ka rali vasi vi samureite teindan elu (12).
9153	1KI 11:42	Asuv houlu Solomon ro en out Serusalem ka losil kat me-Isrel keil sua hanumau elu (40).
9185	1KI 12:31	Ka Sereboam vis tei en meatin keil onen keke avoumon ahor onen ahi savsav keil en hoi hou keil. Evus, lei kan meatin keil ran vatiamal keil keke avamai avahi pris keil teni. Ka pris keil enek arkistaltei ran mari vatiamal onen Livae koa vi votut. Navong asuv houlu Sereboam mul losil kat mari vatiamal halualim (10) onen me-Isrel keil en out not, asuv houlu Rehoboam ro en out Serusalem ka mul losil kat me-Sudah keil sua teindan oulu (17) en out saot. Ka navong asuv houlu Rehoboam losil kat me-Sudah keil, houlu en meatin keil onen uva netan min ahi savsav keil ka Iahova maen me-Isrel keil umai uvae ral min keil ka alah lat tounah houlu koa tetahos ran Eim Votut ka ran mari eim omon asuv houlu. Ka sua houlu, asuv houlu keilu enek lumules luvae. En usite onen me-Sudah keil en out saot, navong Rehoboam mat, natnali kur vulin mai vi asuv houlu one, isen Abitsa. Kei losil kat meatin keil onen sua etel (3) enges, ka kei mun mul vae ral min asuv houlu Sereboam. Navong Abitsa mat, natnali koa isen Asa kur vulin. Asuv houlu Asa vi more meatin tai koa musil kat Iahova, Ahi onen Deved. Kei losil kat me-Sudah keil sua hanumau elu ka tai mun (41). Ka, en losilkatien onen, kei mu rasilin ahor ka nana keil onen ahi savsav keil. Ka lisenges, kei mun vae ral min asuv houlu onen me-Isrel keil. Ka navong Asa mat, natnali Sehosavat kur vulin mai vi asuv houlu onen me-Sudah keil. Ka en usite onen me-Isrel keil en out not, navong Sereboam mat, natnali Nadab mai kur vulin. Sakien keil onen tisa revi mok en meten Ahi, ka losil kat me-Isrel keil sua elu enges (2). Evus, meatin tai, isen Basa, mai ka mu vini Nadab ka titi amal kati keil vasi onen. Evus, kei kur vulin mai vi asuv houlu onen me-Isrel keil ka losil kat keil sua hanumau tai ka ehat emun (24). Navong Basa mat, natnali koa isen Elah kur vulin ka losil kat me-Isrel keil sua elu enges (2). Evus, en avong tai, meatin tavaeen tai koa isen Simri, kei mea, mu vini Elah, ka ling kei sasen mai vi asuv houlu. Kei mulomal en hiasuvien onen wik tas, ka me-Isrel keil aseseini. Sakini, avati lat avat sav tavaeen koa isen Omri keke vamai vahi asuv houlu one. Ka navong Simri longlong eni, kei mu vini kei sasen enges. Evus, asuv houlu Omri losil kat me-Isrel keil sua teindan elu (12). Ka navong mat, natnali Ehab kur vulin mai vi asuv houlu ka losil kat me-Isrel keil sua hanumau tai ka elu mun (22).
9366	1KI 18:22	Evus, Ilaetsa vit risi min keil vit, “En provet keil onen Iahova, inau nges namul veah namoul. Ka provet keil onen ahi Baal avi handred ehat hanumau elu ka halualim emun (450).
9376	1KI 18:32	Ral min ahat keil enek, kei sak revi ahor ten sanien en isen Iahova. Evus, kei kil rahit ahor enek rokol avong koa kilea vasieni en oai koa lita teni valin hanumau elu (40).
9387	1KI 18:43	Kei viteni min meatin toumien onen vit, “Ha lele hehita netan en atas.” Sakini, kei va lele ka mai ris viteni mini vit, “Narles etai tounah.” Ilaetsa sila va hatte oulu (7).
9661	2KI 5:10	Ka provet Elisa sila meatin toumien onen va vahit meseini min Neman keke heha hemarindu en kei en Oaisal Sodan hatte hehi oulu (7). Kei viteni mini keke munak houmoni, mesaien ten leprosi hetovuol emun ka aven hemai ris hetolas.
10030	2KI 18:2	Navong mai vi asuv houlu, kei, sua onen vi hanumau tai ka elim emun (25). Kei ro en out Serusalem ka losil kat meatin keil ten out Sudah sua hanumau tai ka ouhat emun (29). Mama onen, isen Abitsa koa vi natnahin Sakaraea.
10124	2KI 21:1	Navong me-Sudah keil aling Manase, natin Hesekaea, mai vi asuv houlu one, sua onen vi teindan elu (12). Kei ro en taon ten out Serusalem ka losil kat meatin keil onen sua hanumau elu ka teindan elim emun (55). Ka mama onen, isen Hepsiba.
10142	2KI 21:19	Navong Amon mai vi asuv houlu ten out Sudah, sua onen vi hanumau tai ka elu mun (22). Mama onen, isen Mesulemet, natnahin Harus ten out Sotbah. Asuv houlu Amon losil kat me-Sudah keil en out Serusalem ten sua elu nges (2).
10150	2KI 22:1	Navong me-Sudah keil aling Sosaea vi asuv houlu one, sua onen vi outel (8) enges. Mama onen, isen Sededah, natnahin Adaea ten out Boskat. Ka Sosaea losil kat me-Sudah keil en taon ten out Serusalem sua hanumau tai ka teindan tai mun (31).
12518	NEH 9:3	Evus, keil vasi amulomal eris ka meatin tei avuli mengkatien keil onen Iahova min keil haoa etel (3). Evus, haoa etel (3) mun, keil avit lat tisaen one keil ka uva netan min Iahova, Ahi one. En avong enek, meatin tei keil koa akistal en vatiamal votut onen Livae arun usil tunien keil telamu ten vatiamal keil onen me-Isrel keil rokol avong keil koa amoul ien. Evus, keil amutis hatkatien one ral min Iahova keke usil kat revi mengkatien keil onen. Ka asuv keil onen meatin vasi keil ral min avat savsav keil one aling ise mul en vatie lati keke hatkatien enek vi one.
12875	JOB 1:2	Natnali oulu (7) ka natnahin etel (3).
12876	JOB 1:3	Sipsip keil osen rokol taosen oulu (7000), kamel keil osen rokol taosen etel (3000), buluk keil osen taosen tai (1000), ka dongki keil osen avi handred elim (500). Meatin toumien keil onen emun avi houlu vis avi houlu mok. En out ist, kei varei vi meatin koa tounah onen houlu lohlin meatin savsav vasi keil.
12908	JOB 2:13	Telva telro sasani avong oulu (7). Telrova rantei ka telro raeng enges veni telles mahien koa Siob mul kuri marite ramat.
13939	JOB 42:13	Natnali keil oulu (7) ka natnahin keil etel (3).
17841	ISA 6:2	En out koa Iahova mul ien, vati angelo keil koa avise en ‘sereb’ amuka nesa eni ka ave mul vihil houlu. Retai en keil, apoue ahetai (6). En apoue elu, akav koe nae eni; ka en elu mun, akav koe ale tanetan eni; ka en elu mun, amuka eni.
19018	JER 1:3	Ka Ahi selus minau en sua vasi keil koa Sehoiakim, natin Sosaea, vi asuv houlu ka losil kat me-Sudah keil. Anatin, Iahova mul selus minau rokol avong koa asuv houlu Sedekaea, natin Sosaea losil kat me-Sudah keil sua teindan tai (11). En avati koa vi elim en sua koanek, me-Babilon keil umai amu lin me-Sudah keil. Avuli kat keil ka alah vasi keil uva en kantri one ten out Babilon.
19714	JER 29:10	Provet Seremaea mutisi vit, “Koanek selusien onen Iahova koa vit, ‘Kami miheto en hen me-Babilon keil hetokol sua hanumau etel ka halualim emun (70). Hevus, niha ris niles kami ka num housil hatkatien koa namumoni ral min kami keke malah ris kami mivamai en atan ekek.
21818	DAN 1:12	“Komaitel metpeahik eli keke kovasak vis komaitel avong halualim (10). En avong keil enek, kisan anien hon koa vuseri tovuol ien metheani hetal oai enges methemuni.
21820	DAN 1:14	Sakini, maen keitel telhoum visi hetokol avong halualim (10).
21981	DAN 6:8	Komai vasi koa korie lat komai memum suval hetetamen keil onom, memai en rendemien tas. Memundemi mevit tahos imok munak keik, asuv houlu, kumon mengkatien tai koa vit meatin keil vasi iha netan ka ihis minuk enges avong hanumau tai ka halualim emun (30). Ka munak meatin etai heha netan vuo hehis min ahi sav tai, ison meatin enek heha en vulvul omon laeon keil.
23230	MAT 1:17	Sakini, navong avuli vati avu keil koa amul en vatiamal onen Iesu, Ebraham rokol asuv houlu Deved, avotini keke avi teindan ehat (14). Ka en avong onen Deved rokol avong me-Isrel keil amea ran out Babilon, avotini keke vati avu keil avi teindan ehat (14). Ka en avong me-Isrel keil amea ran out Babilon rokol avong Mesaea avasi, vati avu keil enek emun avi teindan ehat (14).
23375	MAT 6:24	Ka Iesu vit, “Meatin tai sakras voum min masta elu (2). Veni munak kei hesak visi voumoni, tin heat tai, ka en hehat tai en keilu; vuo rendemien onen hel en tai ka helei sesein tai en keilu. Misakras mivaha netan min Ahi vatal min tounah mani.
23598	MAT 12:40	Veni suval provet Siona ro en vangen mari mesau meneai rokol vongien avong etel (3), en vati sakien enek inau, Natin Meatin, emun nito en vulvul ten matien meneai ka vongien avong etel (3).
23687	MAT 14:21	Ka en avong enek, amo keil koa akanian rokol taosen elim (5000). Ka ahin ka titiali keil arvulitei keil.
23740	MAT 15:38	Amo keil koa akanian en avong enek arokol taosen ehat (4000). Ka arvuli lattei ahin ka titiali keil.
24243	MAT 27:45	En taviai varei, mankoli mai mutaluh koe out vasi haoa etel (3).
24297	MRK 1:13	ka kei ro en out enek rokol avong hanumau elu (40). En avong keil enek, Temat mul sak visi. Ka Iesu ro en out enek ral min tirendan keil, ka angelo keil alei kat revi.
24475	MRK 5:42	Hatte tas, atouli enek mea ka kaka. Sua onen teindan elu (12). Koakeil vasi en out enek, e von eni.
24520	MRK 6:44	Amo keil koa akanian en avong enek avi taosen elim (5000).
24528	MRK 6:52	Keil arkilea revitei keihoen onen, avaseini ales asa koa Iesu mumoni navong san anien min meatin taosen elim (5000). Rendemien one koteh ka armundem kileatei aneite ten merikel enek.
24828	MRK 14:5	Vahit kei vasalem eni, kilea vakur mani handred etel (300). Evus, kei kilea vasan mani keil enek vaha min koakeil tounah one tovuol.” Sakini avul kati.
24986	LUK 1:24	Ka navong Sakaraea va les ahin onen, Elsavet mai meas en tivava. Ka Elsavet ros teim rokol avong koa avati onen vi elim (5).
24998	LUK 1:36	?Kokilea tumahin Elsavet? Kei emun hekur natnali, avaseini vi tovuli tuai. !Anatin eli! Elsavet koa meatin keil avit vi lumalum, kosa, avati onen vi ahetai (6).
25018	LUK 1:56	Ka Meri ro ral min Elsavet avati etel (3). Evus, va ris teim sen.
25079	LUK 2:37	Sakini, vi vatina va vio … sua onen mai rokol hanumau ehat ka ehat emun (84). Ka en avong vasi, visokon va rokol vongien, kei va netan min Ahi en teahu ten Eim Votut, ka avong houlu mul val ran anien keke vahis.
25117	LUK 3:23	Navong Iesu kur rohtoh en umen onen, sua onen hanumau tai ka halualim emun (30). Meatin vasi amundemi avit kei vi natin Siosep. Ka avu keil ten vatiamal onen Siosep, eis keil one mukok: Siosep vi natin Heli.
25134	LUK 4:2	En out enek, Temat sak vis Iesu avong hanumau elu (40). En avong keil enek, Iesu rokaniantei, sakini en keite ten avong enek, amai kati houlu.
25433	LUK 10:1	Katau en avong enek, Iesu rie lat meatin sav keil heite hanumau etel ka halualim emun (70). Evus, sila keil uva lualu en meteimal keil vasi. Iesu vit keil iha ilamu eni, ka hervitei tuetin, kei mun heha houm en out keil enek.
25598	LUK 13:11	Ka kei les ahin tai mul mai koa ninin tisa tai purun eisilin ten sua teindan oulu (18). Sakini, kei sakras valomal vamal.
26170	JHN 2:6	En usite tai, Iesu les mari veioai ahetai (6) koa Siu keil asieni en oai keke akilea avakas motein tounah keil one vato vousil mengkatien keil one. Tetai en keil vinvin avasieni en lita handred tai (100).
26284	JHN 5:5	Meatin tai ro ekonek koa mesai sua hanu sav tai ka teindan outel emun (38).
26336	JHN 6:10	Evus, Iesu viteni vit, “Alhiteni min tali meatin keil ekek avatondan.” Out enek, oumunai houlu mul ien, ka tali meatin keil ekek arondan eni. Amo keil vesesal vatokol taosen elim (5000).
26507	JHN 8:57	Siu keil aviteni mini avit, “Sua onom rorokoltei veah hanumau elu ka halualim emun (50). ?Sakini, kovit koles Ebraham mukave?”
26601	JHN 11:9	Iesu viteni vit, “En avong tai, meneai mul ritin haoa teindan elu (12). Ka koakeil amual en meneai asakras avasavoi, veni meneai enek mul sakin keil alei kilea tounah vasi.
26933	JHN 19:39	Nikodimas emun emai ral min senta keil houlu koa mir ka alo mul ien koa kilo teni mulin hanumau tai ka halualim emun (30). Vi Nikodimas enek koa mai visu en Iesu en vongien tai.
26978	JHN 21:11	Sakini, Saemon Pita va en vot, ka leh net koa vil en marmari mesau keil houlu. Navong avuli, avotini keke alah mesau handred tai hanumau elu ka teindan etel emun (153). Ka avaseini avi houlu mukok, arrali vastei net one.
27007	ACT 1:15	Avong vahis mai muli, ka meatin keil koa aling demkatien one en Iesu umai out tas. Keil vasi vesesal avahi handred tai ka hanumau tai emun (120). Ka navong aro vituai mukok, Pita mulomal en mete ka selus min keil vit,
27095	ACT 4:4	Ka meatin keil houlu koa along selusien onealu akur anatin eni. Sakini, koakeil aling demkatien one en Iesu vesesal avatokol taosen elim (5000).
27113	ACT 4:22	Meatin keil akilea keke asa koa kur out vi merikel tai veni meatin koa Pita sak revi, sua onen muli hanumau elu (40).
27191	ACT 7:6	“Koanik vi asa koa Ahi viteni mini vit, ‘Vatiamal keil onom iha ito en atan osen meatin keil ten kantri sav tai. Keil ihi slev onen meatin keil ten out enek koa isak purun keil sua hehi handred ehat (400).
27205	ACT 7:20	Mosis, avasi en avong enek varei. Ka kei vi more tivava tai en meten Ahi. Tata ka mama onen lulei kat revi en out teim avati etel (3).
27221	ACT 7:36	Navong lah lat keil ran out Isip, Mosis mumon merikel ka marmari sakien keil en out Isip, en Atas Tahilhili, ka en out volvol koa amul ien sua hanumau elu (40).
27452	ACT 13:21	Ka navong provet Samuel mul veah losil kat keil, avis Ahi vasan etai asuv houlu min keil. Ka Ahi rie lat Sol, natin Kis koa ka en vatiamal onen Bensamin. Ka kei losil kat me-Isrel keil sua hanumau elu (40).
27661	ACT 19:7	Meatin keil ekek heite teindan elu (12).
27688	ACT 19:34	Ka navong keil alei kilea keke Aleksanda vi Siu tai, keil vasi avisohiso keih imok avit, “!Artemis vi ahi onen me-Efeses keil! !Rehehati lat isen!” Amules aviso mukonek va vio … rokol haoa elu (2).
27815	ACT 23:13	Koakeil vasi koa amae en lingkatien koanik amulin hanumau elu (40).
27960	ACT 27:37	Meatin vasi keil ten sip enek rokol handred elu hanumau etel ka teindan ahetai emun (276).