67	GEN 3:11	Iahova visi vit, “?Isei viteni vit keik kovakaka hon? ?Mukave? ?Keik kokan heiai koa naviteni navit konaantei?”
86	GEN 4:6	Evus, Iahova viteni min Ken vit, “?Vensa komul kovuroh mukonek? ?Vensa nam langlango?
90	GEN 4:10	Ka Iahova viteni mini vit, “?Ken, komumon sa? ?Korraengontei? !Ran tumali mul murang minau ran atan vit kihinat asa koa komumoni!
363	GEN 15:2	Ka Ebram vit risi mini vit, “?Iahova, sanien koanek hekataunau hemukave, veni titiali onak tovuol veah? Meatin koa vi houlu en teim onak hekur vasi tounah onak navong nimat, isen Eliesar ten out Damaskas.
521	GEN 21:7	?Isei kilea vahitehiteni min Ebraham keke inau etin, nitounat en titiali tai? Mukos navi tovuli, ka nakur titan ulmatu onak.”
531	GEN 21:17	Rovitei tuetin, ehon emun mis ka Ahi raengoni. Ka angelo onen Ahi selus ka out nesa mai ven Hakar vit, “?Hakar, komundemko en sa? !Konametautei! Ahi raengoni titiali mis.
739	GEN 27:11	Ka Siekob viteni min mama onen vit, “?Ka mukave, amuvek tovuol ka amuven Esao houlu?
761	GEN 27:33	Navong Aesak longe mukok, mutimanin ka maleilei houlu ka visi vit, “?Isei keke muas tirendan ka kuri mai venau? Nakani etin vus, keik kumai. Nasan vasi tokolkatien ekor onak mini. Ka nasakras mahilesi, tokolkatien enek heles eni lises.”
766	GEN 27:38	Esao mulelis peah tata onen vit, “?Tokolkatien onom tas eli? !Tokol kat nau li mun! !Tata, tokol kat nau li mun!” Ka muai roha.
1094	GEN 37:10	Kei vit usil matil vovoien onen emun min tata onen ka tata onen vul kati vit, “?Matil vovoien sa ke? ?Keik komundemi kovit tumali keil, mama onom, ral min inau mun mehemai meheha netan minuk?”
1098	GEN 37:14	Tata onen viteni mini vit, “Keik kiha kilei vis tumali keil. ?Aro tahosis? ?Ka sipsip emun keil, tounah tovuol vakula keil? Evus, kimai ris kihiteni minau.” Sakini, Siosep musil ren tata onen ka mea ran vatihou keil ten out Hibron, va Sekem. Navong Siosep rokol out Sekem,
1254	GEN 42:1	En out Kenan, an tisa mai rokol keil emun ka meatin keil, amai kat keil. Ka Siekob long kilea keke pulaoa mul en out Isip, kei viteni min natnali keil vit, “?Kami mimul mileles kami vensa?
1569	EXO 2:14	Meatin viteni vit, “?Isei linguk kovi asuv onomai keke kovalei revi usite onomai? ?Kovit kovouas nau vasuval koa komu vini koan Isip nenganeh?” Selusien onen sakin Mosis metau ka vit sasen eni vit, “Meatin keil akilea tuai asa koa namumoni.”
1583	EXO 3:3	Kei mundemi vit, “!Koanik vi tounah sal tai! ?Vensa ahang rokan lintei holeai enek? Maha vesesal malei visi.”
1895	EXO 14:5	Navong asuv houlu ten out Isip raengoni keke me-Isrel keil avaha tuai, kei ral min hetetamen onen keil, rendemien one viles ka avit, “?Asanei ke romul romumoni? !Romaen me-Isrel keil alohosai ran ir, ka keil irmumontei mun umen keil orer!”
1901	EXO 14:11	Keil aviles ka aviteni min Mosis avit, “?Koles asa koa komumoni navong kolah lat komai ran out Isip? ?Out tatetahinien rovinvintei en out Isip keke sakin keik kolah lat komai memai en out volvol ekek mevamatmat?
1905	EXO 14:15	Iahova viteni min Mosis vit, “?Vensa komul korangis kataunien venau? Hiteni min me-Isrel keil avamea avasak mesein keil avaha.
1976	EXO 16:28	Sakini Iahova viteni min Mosis vit, “?Kami miheles mihesesein mengkatien keil onak hetokol avong sa?
1986	EXO 17:2	Keil aselus kutut kat Mosis avit, “!San oai min komai mevamuni!” Ka Mosis vit, “?Vensa misel kutut kat nau? ?Vensa mivit mivasak vis Iahova keke hetie lat keihoen min kami lises?”
1987	EXO 17:3	Ka meatin keil, maroro kat keil houlu ka amules aselus kutut kati ka avit, “?Vensa kokulat komai ran out Isip? ?Titiali keil onomai ka buluk ka sipsip keil emun tive memes, kovit kovou vini komai en maroro?”
1988	EXO 17:4	Sakini Mosis vis keih min Iahova vit, “?Numon sa min meatin keil ekek? Vesesal avov nau.”
2014	EXO 18:14	Navong Setro les tounah vasi koa Mosis mumoni, visi vit, “?Komul komumon sa en meatin keil? ?Vensa komul korondan keik sasom enges, ka meatin keil amul umai amulomal avahisuk ven rendemien onom en visokon va rokol vongien?”
2141	EXO 22:26	Mihesa kekerati mini veni mireingeingeni keke eisin koa netinek keke kei kav koe aven eni valikat anni. ?Asa suk keke kei hematil eni? Ka navong tangien onen hemai hetokol inau, nilonge ka nikatauni veni inau, nakur enmahisien en vati meatin keil koa mukonek.
2450	EXO 32:11	Ka Mosis peah Iahova, Ahi onen, keih imok vit, “Iahova, komulamun keil en tounah houlu tuai. ?Vensa kovuroh kat meatin onom keil koa kolah lat keil ran out Isip en mari keihoen onom?
2451	EXO 32:12	?Vensa me-Isip keil ihiteni ihit keik kolah lat meatin onom keil ran out Isip keke kokilea kovalamun keil avahina en vatihou keil ka kovou lin keil? Konavuroh kattei li keil, kihiles rendemien onom eli. Iahova, konasantei li mahien koanek min meatin onom keil.
4094	NUM 13:18	Mihelei vis out. ?Atan enek mukave? ?Meatin keil avi houlu vuo arvitei houlu, keil ave keih vuo ave memerau?
4095	NUM 13:19	Miheha mihelei visi. ?Out enek tahos vuo tisa? ?Meatin keil aro en taon keil koa vieh takeih karahiti vuo vieh tovuol ien?
4096	NUM 13:20	Mihelei vis atan. ?Kei tahos vuo tisa? ?Ka vatiai keil avi houlu vuo atovuol? Miheha en rendemien koa hetahos ka mihendem kati navong mihemai ris, mihekur kat tei heiai koa amoul en out enek.” (Koanek vi avong koa hei grep keil mul men.)
4112	NUM 14:3	?Vensa Iahova vit vakur ir rovaha en atan ekek? U vinvini ir ka ikur ahin keil orer ka titiali keil emun. Vahit vatahos imok keke rovaha ris en out Isip.”
4136	NUM 14:27	“?Meatin keil ekek isel kutut kat nau hetokol nengeis? !Inau naraengon selkututien keil one vinvin!
4150	NUM 14:41	Ka Mosis vit risi min keil vit, “?Vensa varei kami mimules mirali koteh mengkatien keil onen Ahi? !Misakras mivakur atan enek!
4316	NUM 20:4	?Vensa komulamun komai memai en out volvol ekek keke mevamatmat vatal min buluk ka sipsip esomai keil?
4317	NUM 20:5	?Vensa komulamun komai romemea ran out Isip keke romai en out koa vi heite hon? ?Kilesi? Ekonek, anien tovuol ka heiai tovuol. !Ka oai tovuol emun rovamuni!”
4346	NUM 21:5	Sakini aselus kutut kat Ahi ka Mosis avit, “?Vensa kokulat komai ran out Isip ka komulamun komai en out volvol mevamatmat? En out enek, anien ka oai tovuol varei. !Anien tisa enek, emai rovattei mun!”
4404	NUM 22:28	Evus Iahova sakin dongki kilea vaselus, ka viteni min Balaam vit, “?Namumon sa minuk? ?Vensa komuas nau hatte etel?”
4408	NUM 22:32	Evus, angelo vis katiati keih vit, “?Vensa komuas dongki esom hatte etel mukok? Numai mating koek veni sise onom romaltei en meten Ahi.
4425	NUM 23:8	Hemukave nisesenda en koakeil koa Ahi rosesendatei en keil? Nasakras masan mahien min koakeil Iahova rosantei mahien min keil.
4428	NUM 23:11	Evus, asuv houlu Balak viteni min Balaam vit, “?Komumon sa minau? Nakuruk kumai ekok kovasesenda en koakeil avi vativieh ral nau, ka keik kosan tokolkatien esuk min keil.”
5407	DEU 18:21	?Ka kami miheilea keke selusien onen provet tai rokatei ven Iahova hemukave?
7140	RUT 1:11	Ka Noume vit kesi min keilu vit, “Ahineli keilu, tahos imok milheha ris. ?Vensa varei milvit milvousil nau? ?Milmundemi keke nakilea makur ris ehon elu mun keke milhetetalihe hetal min keilu?
7142	RUT 1:13	kamil milkilea milvatosil keilu vaha vio … luvamatu vinvin luvatetalihe? Vuo, koanek sakras vakur out. Ahineli keilu, kamil milkilea veah milvales tahosien, ka inau nasakras. Milnousiltei nau. En moulien onak, nalonge mah houlu veni hen Iahova keih kat nau.”
7144	RUT 1:15	Sakini, Noume viteni mini vit, “?Rut, kolesi? Tumahin va ris ven meatin keil onen ral min ahi keil onen. Keik emun kusili kiha en vatiamal onom.”
7161	RUT 2:10	Navong Rut longe, retengeiril netan ka veinan rokol atan. Kei vit kesi mini vit, “?Vensa komul komundemko venau? ?Vensa komul komumoni tahos minau koa navi heou tai enges?”
7170	RUT 2:19	Navong Noume lesi, mutimanin eni ka visi vit, “?Kosa, kolah ruain uti bale keil enek en out kave? ?Ah sen sei varei keke komum ien? Tokolkatien onen Ahi hel en meatin koa lesuk ka mumoni tahos minuk.” Sakini, Rut viteni min Noume vit, “Namum en ah sen meatin tai koa isen Boas.”
7176	RUT 3:2	?Kindem kat Boas, meatin koa komum ral min ahin toumien keil onen? Kei ka en vatiamal onen meatin keilu oralu. Sakini, kitaengon revi inau. En mendilah kosa, kei heha hou rangrang uti bale ran ingeite keil teni.
7222	1SA 1:8	Ka avong koa meatin onen, Elkanah, lesi mukok, visi vit, “?Hanah, mukave? ?Komis vensa? ?Vensa kovit kirkaniantei? Kilonge hetahos e lahruaien oralu veni koanek tahos imok mulin munak ehon keil oralu avi houlu.”
7228	1SA 1:14	Sakini viteni mini vit, “?Kumon sakien ten munmunien enek heha vio hetokol nengeis? !Hevus kosa! !Kiseh en munmunien onom!”
7240	1SA 1:26	Ka Hanah viteni mini vit, “?Keik kolei kilea nau? Anatin eli, inau etin koles nau namulomal ekok ka namul navis.
7283	1SA 3:5	Evus, muloh va ven pris Ilae ka visi vit, “?Mukave? ?Keik keke kovise nau? Inau eke.” Ka pris Ilae viteni mini vit, “Vuo. Inau narvisoktei. Kiha ris kimatil.” Sakini, Samuel va ris ka matil.
7284	1SA 3:6	Evus, Iahova vise Samuel hatte tamun, ka kei mea ka va ris ven Ilae ka visi vit, “?Keik keke kovise nau? Inau eke.” Ka pris Ilae vit risi mini vit, “Natkuli, inau narvisoktei. Kiha ris kimatil.”
7286	1SA 3:8	Ka, hatte etel eni, Iahova vise ris Samuel. Sakini, Samuel mea, va ris ven Ilae ka visi vit, “?Keik keke kovise nau? Inau eke.” Ka pris Ilae mundem kilea keke Iahova varei keke mul vise ehon koanek.
7295	1SA 3:17	Ka Ilae visi vit, “?Iahova viten sa minuk? Konaling suaintei tounah ranau. Hemukonek, Ahi hesan mahien heha katuk hekeih munak kirvit vasitei tounah koa kei viteni minuk minau.”
7581	1SA 15:19	?Munak koanek anatin, vensa korlong kattei selusien onen? ?Vensa kokalah kolah ruain tounah vasi one koa tetahos? !En meten Iahova, asa koa komumoni tisa vareis!”
7584	1SA 15:22	Ka Samuel viteni mini vit, “?Asa varei keke Iahova en vati mok? ?Longkatien vuo sanien keil? Munak rolong kat selusien keil onen, koanek tahos imok mulin buluk ka sipsip keil koa romuas keil, ka sanien votut sav keil koa rosani mini.
7598	1SA 16:1	En avong tai, Iahova kistal min Samuel ka viteni mini vit, “?Kiles kilonge hetisa ven Sol heha vio … hevus nengeis? Inau naseseini tuai keke hervitei mun asuv houlu onen me-Isrel keil. Sakini, kosa, kikur oel ka kiha en taon ten out Betlehem. En out enek, kihisu min meatin tai, isen Tiese, veni narie lat natnali tai tuai vamai vahi asuv houlu onen meatin keil onak.”
7599	1SA 16:2	Samuel visi vit, “?Numoni hemukave? Munak Sol hetaengoni, kei hemai houas inau nimat.” Ka Iahova vit kesi mini vit, “Kilamun buluk koa vi atahas hau hetal minuk, ka kihiteni keke kovoual kovaha en out ekek kovasan sanien votut tai vaha minau.
7628	1SA 17:8	Kolaeot mai mulomal ka visohiso keih va min me-Isrel keil vit, “?Vensa kami vasi misak mesein kami keke mivavae? Tahos imok keke kami mihetie lat etai en kami keke vamai vavae en usite onami, ka inau, nivae en usite onen me-Filistia keil.
7645	1SA 17:25	Keil aviteni min keil eris avit, “!Ei telmali! ?Miles meatin eke? Avong vasi kei selus kekar min ir me-Isrel keil. ?Ka miraengoni? Asuv houlu Sol vat kati keke hesan mari sanien tai min meatin koa houasi hemat. Ka vat kati mun vit hesan natnahin hehi ahin onen. Ka kei, hetal min titi amal onen, keil irvultei mun takis.”
7646	1SA 17:26	Deved vis meatin keil koa amul vesesal veni vit, “?Meatin enek koa rokileatei Ahi mundemi kei vi isei keke vamai vaselus kekar en meatin tavaeen keil onen Ahi koa moul? ?Munak meatin etai houasi hemat ka hekulat memouen ran me-Isrel keil, isan asa varei mini?”
7663	1SA 17:43	Les eisal onen Deved ka viteni mini vit, “?Ai enek ten sa? ?Keik komundemi kovit inau navi huli tai?” Ka viso va ven ahi keil onen keke imai ipurun Deved.
8290	2SA 12:1	En avong tai, Iahova sila provet Netan va ven asuv houlu Deved. Ka navong va veni, kei viteni mini vit, “?Asuv houlu Deved, kokilea kovalei revi en usite tai onak? Meatin elu luro en taon tai. Tai, tounah onen houlu, ka tamun, tounah onen rovitei houlu.
8298	2SA 12:9	?Sakini, vensa korlong kattei rek? ?Vensa komumon tounah koa tisa en metok? Keik varei komuas Uraea mat en naef tavaeen onen me-Amon keil. !Evus, kokur ahin onen mai vi onom!
8307	2SA 12:18	Wik tai muli, ka titiali enek emat esuk. Ka navong mat, hetetamen keil onen Deved ametau avaha avahiteni mini. Keil amundemi avit, “Navong titiali enek mul veah moul, Deved en rovattei valong selusien orer. ?Sakini, rehehit mesein matien onen titiali enek hemukave? Vahesa noumon etai tounah natisa suk min kei sasen enges.”
8310	2SA 12:21	Navong hetetamen keil onen ales sakien keil onen, keil umai veni avisi avit, “?Komumon sakien keil enek vensa? Navong titiali onom mul veah moul, korangisi ka kuval ran anien. Ka navong kei mat, keik komea ka kokanian esuk.”
8312	2SA 12:23	Ka kosa, kei mat tuai. ?Vensa mahal ran anien? ?!Nakilea masakin titiali enek vamoul eris!? !Vuo, nasakras! Avong etai, inau niha en out koa kei ro ien, ka kei sakras vamai ris venau.”
9015	1KI 8:27	“?O Ahi Asuv, kovit kovamita en out netan ka kito en eim koanek hemukave? Keik komarite mok, teilang ka out nesa havivis, arvinvintei kovato ien. ?Ka Eim Votut enek koa komai memumoni havivi ramat, kito ien hemukave?
9170	1KI 12:16	Navong meatin keil alei kilea keke asuv houlu Rehoboam sakras valong selusien one, keil aselus keih mini avit, “!Komai mehertotei mun en hen koakeil aka en vatiamal onen Deved! !Anatin, mehermusiltei mun koakeil akistal ran natin Tiese! ?Keil asan asa varei min ir? !Tounah tovuol! !Me-Isrel keil, rovaha ris teim! !Rehelokovein meatin ekek helosil kat koakeil akistal ran vatiamal kati onen enges!” Sakini, me-Isrel keil aviles eisile rani, ka aretasil uva ris teim se.
9338	1KI 17:18	Sakini vatina enek mai les Ilaetsa ka viteni mini vit, “!Aue li! ?Meatin onen Ahi, vensa komumon koanek minau? ?!Mukave, keik kumai venau kovasakin inau mandem ris tisaen keil onak, ka kovoumon natkuli vamat!?”
9340	1KI 17:20	Evus, kei mis ven Iahova vit, “?O Iahova, Ahi onak eli, vensa kopurun moulien onen vatina koanek? Kei lei kat revi nau, ka keik, kokulat moulien onen natnali. ?!Vensa komumon koanek!?”
9365	1KI 18:21	Evus, Ilaetsa mai mulomal en meten meatin keil ka viteni vit, “?Rendemien onami elu hevus nengeis? !Munak mimundemi keke Iahova vi Ahi anatin, miheha netan enges mini! !Ka munak mimundemi keke Baal vi ahi anatin, miheha netan mini enges!” Ka meatin keil aro raeng.
9371	1KI 18:27	Evus, en taviai, Ilaetsa selus karen keil vit, “?!Ei mukave, ahi onami vi anatin vuo …!? ?Nahi kei mul rendem usil tounah sav, vuo va en klosis, vuo kei mual va en out sav tai? ?Nahi mul matil? !Kami mihesisil eni, tahos imok mihehis hekeih tamun!”
9410	1KI 19:20	Hatte tas, Elisa lokovein buluk keilu osen ka muloh musili ka visi vit, “?Nakilea maselus kor min tata ka mama onak? Hevus, nusiluk.” Ka Ilaetsa vit kesi mini vit, “Tahos. Narring koetei keik. Kiha mau kumoni ka kindem usil asa koa namumoni minuk.”
9609	2KI 4:2	Elisa viteni min vatina enek vit, “?Em vati makataunuk vamukave? ?Kihiteni minau, asa kovuli kati mul teim?” Vatina vit kesi mini vit, “Tounah tovuol. Veioel ten olip tanges mul.”
9664	2KI 5:13	Meatin toumien keil onen umai veni ka aviteni mini avit, “Asuv, munak provet enek visuk kovoumon etai tounah takeih, keik kumon asas koa viteni. ?Ka mukave? ?Kosakras kovaha kovamarindu en keik en oaisal enek vasuval koa kei viteni minuk keke avem vamai vato ris?”
12881	JOB 1:8	Ahi visi vit, “?Keik koles more meatin toumien onak Siob? Meatin tovuol en out netan valong kat nau ka vatahos vasuval kei. Kei mul va netan minau ka losil kat revi kei keke romumon etai tounah vatisa.”
12882	JOB 1:9	Temat vit kesi mini vit, “?Mukave? ?Komundemi keke Siob heles heha netan minuk munak kikulat tokolkatien onom ran moulien onen?
12898	JOB 2:3	Iahova visi vit, “?Keik koles more meatin toumien onak Siob? Meatin tovuol en out netan valong kat nau ka vatahos vasuval kei. Kei mul va netan minau ka losil kat revi kei keke romumon etai tounah vatisa. Keik kovis nau mamaenuk kovapurun heisav eni enges, ka avaseini, Siob mules musil kat sakien koa mutolas en metok.”
12904	JOB 2:9	Ahin onen mai ka viteni mini vit, “?Keik komules kovuli kat mormore sakien keil onom enges veah? Tahos imok kisili Ahi ka kimat.”
12920	JOB 3:12	?Vensa mama onak ling nau en urulin? ?Vensa san susu minau?
12936	JOB 4:2	“?Munak niselus minuk, kivuroh? Veni nasakras emun mato raeng.
12941	JOB 4:7	Kosa, kindem usili. ?Meatin koa sakien onen mutolas kilea vakur matien koa tisa? !Vuo!
13008	JOB 6:26	?Keik komundemi kovit kitalimal en selusien onak? ?Vensa kolong ras selusien onen meatin koa desien onen mot?
13012	JOB 6:30	“?Komundemi kovit namul naluvos? ?Komundemi kovit nasakras malei kilea avong takeih keil?”
13303	JOB 19:2	“Vensa komul veah komumonau nales menehang en selusien keil onom?
13304	JOB 19:3	Tuetin koselus tisa va kat nau. ?Kormemoutei en sakien koa komul kopurunau eni?
13323	JOB 19:22	?Vensa mimul misak purunau suval koa Ahi mul mumoni minau? ?Narlongtei veah mahien vavinvin en avek?”
13366	JOB 21:7	?Vensa varei meatin tisa keil aro tahos? ?Vensa amatu ka ales amas en moulien one?
13374	JOB 21:15	?Ahi vi isei keke meheha netan mini? ?Mehekur sa munak mehehis mini?’
13376	JOB 21:17	“?Nengeis roles Ahi muh vini laet ten moulien onen meatin keil koa amukonek? ?Nengeis avisu en avong takeih? ?Nengeis Ahi vuroh kat keil ka san mahien min keil? !Vuo, rolestei varei!
13393	JOB 21:34	“?Ka kamitel, mitvit mitvoumon nau malonge vatahos en selusien keil koa vi heisav enges? !Vuo! !Selusien vasi koa mitsani minau vi luvosien!”
13395	JOB 22:2	“?Meatin tai kilea vasuvasuv en umen onen Ahi? ?Meteisauen onen meatin etai kilea vakatauni?
13397	JOB 22:4	“?Mukave, Ahi mul ralimal enuk veni kovouhou mini? ?Vensa mul san mahien minuk?
13429	JOB 23:6	?Mukave, Ahi hesa vasi keihoen onen heha kat nau? Vuo, helong nau navong niselus.
13799	JOB 38:2	“?Koa keik sei, komul kovis rendemien keil onak ral min selusien koa vi heite hon koa meteisauen tovuol ien?
13801	JOB 38:4	?Komul kave navong namumon out netan? Munak kokilea revi en tounah vasi, kihit usili minau.
13802	JOB 38:5	?Isei ling kat keite keilu teni? ?Isei kilea taveah teni? ?Keik kokilea?
13803	JOB 38:6	?Asa vuli kat vatiseng koa vuli kat out netan? ?Isei ling kat vati ahat ten out netan?
13805	JOB 38:8	“?Isei mumon vati vieh val koe atas navong mue rohtoh ran anev ten atan?
13809	JOB 38:12	“?Siob, en moulien onom, keik komeng kat etai avong vamai valan?
13810	JOB 38:13	?Keik koviteni min meteiai vatitin vaka vasi out netan keke vasil luvat koakeil asak kalkali ran out aro suai ien?