765	GEN 27:37	Aesak vit risi mini vit, “Kei, namumoni tuai mai vi hetetamen mulik, ka namumon vatiamal keil vasi onen imai ihi meatin toumien onen. Nasani mini anien ka uaen. ?Natkuli, asa ris nakilea masani minuk?”
4322	NUM 20:10	Evus, Mosis ka Eron luvise ruain meatin keil uva vesesal ven mari ahat enek, ka Mosis selus keih min keil vit, “!Kami koa mivi uti selkututien, mihetaengonau! ?Mukave, milhekur oai ran ahat ekek ven kami?”
4406	NUM 22:30	Dongki vit kesi mini vit, “Inau navi vati dongki etin koa komul komuloh eni lises en moulien onom. ?Mukave, namumon sakien koanik minuk mulamu?” Balaam vit, “Vuo.”
8298	2SA 12:9	?Sakini, vensa korlong kattei rek? ?Vensa komumon tounah koa tisa en metok? Keik varei komuas Uraea mat en naef tavaeen onen me-Amon keil. !Evus, kokur ahin onen mai vi onom!
8307	2SA 12:18	Wik tai muli, ka titiali enek emat esuk. Ka navong mat, hetetamen keil onen Deved ametau avaha avahiteni mini. Keil amundemi avit, “Navong titiali enek mul veah moul, Deved en rovattei valong selusien orer. ?Sakini, rehehit mesein matien onen titiali enek hemukave? Vahesa noumon etai tounah natisa suk min kei sasen enges.”
13429	JOB 23:6	?Mukave, Ahi hesa vasi keihoen onen heha kat nau? Vuo, helong nau navong niselus.
14303	PSA 27:1	Ahi Asuv, kei vi meneai minau ka mutut nau. Sakini, narmetauntei meatin keil. Kei kur koe nau en tounah koa vasut nau. ?Sakini, mametaunsa?
15339	PSA 85:6	?Ahi, mukave? ?Tinom heat komai lisenges? ?Kitie lat vurohien onom min titamai ka havimai keil?
16607	PRO 5:20	?Natkuli, vensa kitie lat envatien onom en ahin koa vi hoeaso tai? ?Vensa kiles aven ka kindemi keke kei tahos imok mulin ahin kati onom? !Konomontei vamukonek!
18517	ISA 40:27	?Kami, me-Isrel keil, vensa miselus kutut kat Iahova ka mivit kei reingeingen sakvisien keil onami? ?Vensa mimundemi mivit Ahi en rovattei vailea keke kami milong mahien en hen meatin sav keil?
18741	ISA 50:9	Iahova ten Keihoen varei heselus en usite onak. ?Sakini, isei kilea vaselus vatisa vaha kat inau? Keil akilea avaselus heha vio … ivupuol enges.”
23376	MAT 6:25	“Sakini, veni koanek vi anatin, tahos minandemkotei en usite ten asa koa miheani vuo asa koa mihemuni, vuo asa koa miheav koe avemi eni. ?Mukave, romoul keke rovaanian enges? !Vuo! ?Ka aver mul keke rovav koe en eisin enges? !Vuo! Moulien koa mul en kami tahos imok mulin asa koa mimul mikani. Ka avemi tahos imok mulin eisin koa mikav koe eni.
23752	MAT 16:11	?Sakini, vensa kami mirkileatei keke narselustei usil veret? Ka mihelei kat revi kami ven is onen Farasi ka Satusi keil.”
23829	MAT 18:33	?Sakini, vensa em romahistei eiloheh sav onak en vati sakien koa namumoni minuk?’
23858	MAT 19:27	Evus, Pita viteni mini vit, “?Kolesi? Komai melokovein tounah vasi onomai keke mevousil katuk. ?Mukonek, Ahi hesan asa min komai?”
23911	MAT 21:16	Sakini keil avis Iesu avit, “?Koraengon asa titiali keil ekek amul aviteni?” Ka Iesu vit kesi vit, “Anatin, nalonge. ?Mukave, kami mirvulitei Tus Votut onen Ahi? Veni kei mul vit, ‘Ahi, keik kosak mesein sise keke kilong masmasien hehat minuk, heka en titiali ka tivava keil.’”
23969	MAT 22:28	?Sakini, navong meatin vasi keil imoul eris ran matien, isei en time oulu (7) enek hekur ahin enek hehi onen veni keil vasi aretalihe ral mini?”
24464	MRK 5:31	Meatin keil onen Iesu aviteni mini avit, “Kolesi keke meatin keil houlu amul amuting katuk. ?Sakini, vensa kovis isei rokol eisin omom?”
24695	MRK 10:38	Ka Iesu viteni min keilu vit, “Milreingeingen asa koa milmul milvisi. ?Mukave, milkilea milvakur mahien keil vasuval koa inau nikuri? ?Milkilea milvahisu en vati sakvisien keil koa hemai vasuval koa inau nihisu eni?”
24765	MRK 12:23	?Sakini, navong meatin vasi keil imoul eris ran matien, ahin enek hehi ason isei? Veni time oulu (7) keil vasi enek akur ahin enek vi one.”
24980	LUK 1:18	Sakaraea viteni min angelo vit, “Inau navi ulmatu tuai ka ahin onak vi tovuli ramat emun. ?Sakini, inau nikur titiali hemukave? ?Kumon sa keke makur anatin en selusien onom?”
25290	LUK 7:26	?Mukonek, isei varei mivaha keke mivalesi? ?Provet tai? !Anatin! Kei vi provet tai, ka rovitei provet tai enges.
25823	LUK 19:23	?Hesakini, vensa suk korlingtei mani onak en bangk? Sise enek maes, ka navong numai ris, nakilea makur ris mani onak vatal min titan teni.’
25881	LUK 20:33	?Sakini, en avong koa Ahi houmon meatin keil imoul eris ran matien, ahin enek hehi ahin onen sei, veni time oulu (7) vasi enek aretalihe ral mini?”
26201	JHN 3:12	Keik korkurtei anatin en selusien keil onak navong nara tavol usil tounah keil ten out netan enges. ?Sakini, hemukave suk kikur anatin en selusien onak navong nihit usil tounah keil ten out nesa?
26234	JHN 4:9	Ka ahin enek vit kesi vit, “Keik kovi Siu tai ka inau navi ahin Sameria. Ka Siu keil asakras avaanian vituai en pelet vatas vuo avamun vituai en kap vatas vatal min komai. ?Sakini, vensa varei komul kovis nau keke masan tei oai minuk kovamuni?”
26237	JHN 4:12	?Mukave? ?Oai koa kovit usili tahos imok mulin oai enek? Veni avu Siekob varei san vulvul ten oai enek min komai. Ka vi oai enek koa kei muni, natnali keil amuni, ka buluk ka sipsip keil osen emun amuni. ?Mukave, komul kovit kovi hetetamen imok mulin avu Siekob?”
26356	JHN 6:30	Sakini, avis Iesu avit, “?Kumon merikel sa mevalesi keke meheling demkatien onomai enuk? ?Anatin, kumon sa varei?
26368	JHN 6:42	“Komai mekilea en meatin ekek. Ka mekilea en tata ka mama onen emun. Kei vi Iesu, natin Siosep enges. ?Sakini, hemukave suk kilea vahiteni keke mita ran out nesa?”
26416	JHN 7:19	Kami vasi mikilea keke Mosis san mengkatien keil min kami. Ka tovuol en kami mul long kat vasi mengkatien keil enek. ?Sakini, vensa varei mimul milekat ahho keke mivou vini nau?”
26483	JHN 8:33	Ka keil avit, “Komai mevi vatiamal onen Ebraham, ka mervitei slev onen etai meatin en avong etai. ?Sakini, vensa varei koviteni keke komai mehemaluv anatin?”
26507	JHN 8:57	Siu keil aviteni mini avit, “Sua onom rorokoltei veah hanumau elu ka halualim emun (50). ?Sakini, kovit koles Ebraham mukave?”
26528	JHN 9:19	Avis keilu avit, “?Vi anatin keke meatin ekek vi titamil? Ka kamil milvit vi metovar navong avasi. ?Mukonek, mukave suk kei kilea valele kosa?”
26683	JHN 12:34	Vangi meatin keil avit kesi avit, “Tus Votut onen Ahi mul viteni min ir keke Mesaea heto lisenges. ?Sakini, vensa suk komul koviteni keke ihati lat Natin Meatin hehina nesa en ai tai? ?Isei varei Natin Meatin enek?”
26742	JHN 14:5	Ka Tomas viteni mini vit, “Asuv, komai mereingeingen out koa kiha ien. ?Sakini, hemukave meheilea sise teni?”
26813	JHN 16:18	?Ka, ‘Ten avong havivis’ vi asa? !Ir roreingeingen varein asa koa kei mul vit usili!”
26893	JHN 18:39	Ka musil sakien matu oralu, en Anien ten Mul Laui ekek, namul namae lat meatin tai koa kami mihetie lati heha hesital ran eim takeih. ?Sakini, emi vati mamaen asuv houlu onen Siu keil vasital?”
27026	ACT 2:8	?Sakini, mukave suk ir rolong keil amul aselus en selusien kati keil orer?
27132	ACT 5:4	Mulamu, atan koanek vi osom. Ka navong kosalem eni, mani vasi keil teni vi onom. ?Sakini, vensa varei kovit kovoumoni vamukok? !Luvosien koa komumoni ekek, kormumontei vaha kat komai enges, ka komumoni va kat Ahi emun!”
27211	ACT 7:26	“En avong sav teni, Mosis les me-Isrel elu lumul lumutit. Sakini, eva keke valing ris tomat ven keilu ka viteni min keilu vit, ‘!Ei, kamil, milhetaengon inau! Kamil vasi milvi koan Isrel. ?Sakini, milmul milmutit vensa?’
27375	ACT 10:47	“Koakeil ekek avilelau tuai en Ninin Votut suval ir etin. ?Sakini, isei kilea vating koe ir rovahi baptaes en keil en oai?”
27393	ACT 11:17	?Sakini, munak Ahi vit meatin keil enek akilea avakur vati sanien onen koa kei sani min ir navong roling demkatien orer en Iesu Kristo, inau navi isei keke nakilea mating koe Ahi?”
27754	ACT 21:22	Hervitei tuetin keil ilonge keke keik kumai tuai ekok. ?Sakini, rehoumon sa?
28031	ROM 2:1	?Sakini, veni mikilea keke Ahi hesan mahien min koakeil vasi amumon tisaen keil koa amukonek, vensa varei mimul melei rahit usite onen mesav keil? Veni, navong miviteni mal avakur mahien ven sakien tisa keil one, mimul milah mahien en kami eris. Veni kami mun koa mimul milei rahit usite one, mimul mimumon vati sakien tisa keil enek.
28051	ROM 2:21	Tahos imok keke kami koa mivit mikilea mivahisein mesav keil, mihehisein kami eris emau. ?Mukave, navong misel kat meatin sav keil mivit, “Minahenantei,” vensa kami mimul mivena?
28060	ROM 3:1	?Mukonek, asa tahos en ir Siu keil? ?Asa tahos en sakien ten vekahoi?
28062	ROM 3:3	Ka anatin keke tei en ir Siu keil armusil revitei. Ka avaseini keke armusiltei selusien onen, Ahi houmon tounah vasi koa viteni. ?Mukave, anatin keke akilea avoumon tounah koa Ahi viteni vamai vahi heisav enges?
28172	ROM 7:13	?Sakini, mukave? ?Mengkatien onen Mosis koa tahos sakinau mamat? !Vuo, romukteinek! Tisaen varei leh matien minau ka en mengkatien koa tahos. Veni mengkatien enek mul vothot en tisaen en moulien onen meatin keil, ka mul sakin asa koa tisa tuai vamai vatisaso revi mok.
28215	ROM 8:31	?Mukonek, tounah vasi keil enek mul rie lat asa min ir? ?Munak Ahi mul en usite orer, isei kilea vavae vatal ir?
28219	ROM 8:35	?Sakini, isei suk kilea vakulat ir ran leikatien onen Kristo koa envatien onen mul en ir? Veni, avaseini asan mahien ka sakvisien keil min ir ka asakin ir rovisu en avong takeih keil, ka asakras avakulat ir ran hen. Ka avaseini asakin amai kat ir vuo akulat tounah vasi keil ran ir, apurun ir vuo amu vinvini ir, asakras avasakin Iesu Kristo vakulat envatien onen ran ir.
28237	ROM 9:14	?Mukave, koanek rie lati keke Ahi mul mum romaltei? !Vuo, romukteinek!
28444	1CO 1:13	?!Mukave, mimundemi keke mikilea mivatali vas aven Iesu Kristo vamukonek!? ?Mukave? ?Inau, Pol, numat en aiveave navinat kami? ?Avi baptaes en kami en isok keke mivamai mivahi meatin keil onak? !Vuo, romukteinek!
28451	1CO 1:20	?Sakini, mukave en koakeil avit avi meteisau? ?Vuo koakeil avit akileile? ?Vuo koakeil ten avong enek koa e vati mok avaselus rahit en tounah houlu? Ahi varei mul sakin meteisauen vasi keil onen meatin keil koa amukonek ten out netan mai vi varu enges.
28539	1CO 6:4	?Mukave, navong tounah tai hekistal en kami Kristin keil, mal keke mihekuri heha en kot onen koakeil arvitei Kristin koa amul hae en Sios? !Vuo, hermukteinek!
28551	1CO 6:16	?Mukave, mireingeingeni keke meatin koa maen kei vapil vatal min hoeaso tai, keilu luhetas? Koanek anatin, veni Tus Votut viteni vit, “Navong meahos heapil hetal min ahin onen, keilu luhetas.”
28614	1CO 9:6	?Mukave, en eiloheh keil vasi, vi inau ka Banabas enges koa melsakras melvakur kataunien ven umen koa melmumoni?
28617	1CO 9:9	Anatin, veni en Mengkatien onen Mosis amutisi avit, “Munak buluk osom mul mum venuk en out ten uit, konapar koetei ongon, kimaeni hean tei en uit keil enek.” ?Mukave, Ahi mul mundem kat buluk enges?
28619	1CO 9:11	Navong melro ral min kami, komal melluh uti demkatien en moulien onami. ?Sakini, mukave, romaltei keke melvakur ui umen vaka ven kami vakataun moulien onomal?
28626	1CO 9:18	?Sakini, hulien sa varei makuri? Hulien onak vi sien koa nakuri navong nasa maen more longlongien, avaseini mal keke makur hulien teni.
28798	1CO 15:12	Komai memul mevitehiteni keke Iesu moul eris tuai ran matien. ?Mukonek, vensa tei en kami mimul mivit koakeil umat asakras avamoul eris ran matien?
28980	2CO 6:14	Minapiltei natal koakeil arkurtei anatin en Ahi. Veni koakeil amusil sise koa mal asakras avousil sise tas vatal min koakeil amusil sise koa kalkali. ?Mukave, meneai ka mankoli lukilea luvato out vatas?
28981	2CO 6:15	?Mukave, Iesu Kristo ka Temat lukilea luvakur rendemien vatas? !Lusakras! En vati sakien enek, meatin tai koa kur anatin en Kristo sakras vapil vituai en tounah vatal min meatin koa rokurtei anatin eni.
29103	2CO 12:13	?Mukave? ?Asa varei narmumontei vatal min kami koa namumoni ral min meatin keil en sios sav keil? Tounah tas narmumontei, narvistei kami mivasan mani vakataun nau. ?Sakini, vensa miviteni keke namumoni tisa min kami?
29162	GAL 2:14	Ka navong nalesi keke sakien koa Pita mumoni ka koakeil aleisungeini romaltei ka romusiltei anatinien ten more longlongien orer, naselus keih min Pita en mete navit, “Tuak, keik kovi Siu tai, ka en avong tei, kosi kei keke kovalokovein mengkatien keil onen Siu keil vales. Anatin, kokanian vituai ka komumon sakien keil suval hit kovi tai en koakeil arvitei Siu. ?Sakini, kosa, vensa varei komul koviles rendemien onom kokeih kat koakeil arvitei Siu keke usil kat sakien keil onen Siu keil, sakien keil koa keik varei komul kolokoveini?” Anatin, naselus mini mukonek.
29172	GAL 3:3	?Sakini, vensa mimul mimumon sakien onen unu keil? Veni, mulamu, mimual rohtoh en sise ten demkatien ka en keihoen onen Ninin Votut. Ka kosa, mimul misak visi mivatokol keite ten sise enek vaka en keihoen onami enges.
29207	GAL 4:9	Ka, kosa, mimai mikilea en Ahi anatin. Vuo hetahos imok nihiteni keke Ahi mai kilea en kami. ?Sakini, vensa emi vati mivahiles ka mivousil ris mengkatien keil ten out netan ka sakien heisav keil koa sakras voutut kami? ?Vensa emi vati mivamai mivahi slev keil teni hati tamun?
29214	GAL 4:16	?Mukave, numai mahi vativieh vatal min kami veni naviten anatinien onen Ahi min kami?
29240	GAL 5:11	Tuak ka ahinkuli keil, munak kami milonge keke namul navisein meatin keil keke avaha en vekahoi keke avamal en meten Ahi, koanek rovitei anatin. ?Veni, vahit vahi anatin, vensa suk Siu keil amul veah asak visi avapurun inau? Ka keil amumoni mukonek veni hihiseien onak romaltei en rendemien one navong naviteni keke demkatien en Iesu Kristo koa emat en aiveave kekes mengkatien keil onen Siu keil.
30374	JAS 2:14	?Tuak ka ahinkuli keil, asa varei tahos min meatin tai koa vit demkatien onen mul, ka sakien tetahos keil tovuol en moulien onen? ?Mukave, vati demkatien koanek kilea voutut moulien onen? !Vuo, sakras!
30416	JAS 4:12	Ahi enges kilea vasan mengkatien keil, ka kei enges kilea valei rahit usite ten tounah vasi. Mul en kei enges keke voutut moulien onen meatin keil, vuo vasakini vavuol rani. ?Sakini, anatin mivinvin keke mivalei rahit usite onen tuomi keil? !Vuo, mirvinvintei!
30600	2PE 3:11	?Sakini, veni Ahi hou rasilin tounah vasi en sise enek, kami mihehi vati meatin sa? Moulien onami hehi votut ka ualien onami housil asa koa Ahi en vati