23319	MAT 5:16	jeꞌ aj woꞌ reꞌ nicꞌuhtunic i hin reꞌ nsakomonic pa̱m capew-bal, chacꞌuhtaj tak queh cꞌacharel reh chi reꞌ Dios wilic cho ar pan taxa̱j entioxmojic johtok cuꞌum take cꞌacharel jeꞌ ru̱cꞌ equiꞌehtꞌalanic reh chi kꞌe̱ꞌ ato̱b i cꞌuhtunic naꞌn tak reꞌreꞌ.
23332	MAT 5:29	Jeꞌ reꞌ kꞌuruꞌ nikꞌor aweh tak chi chiꞌnchel take capew-bal ncutbic aweh tak pan mahc chakꞌeb tak lok chiri̱j acꞌux tak, jeꞌ ricab nak resmejic lok jenaj queh nakꞌ awach tak enaꞌn wi ta nak xa ruꞌum reh ruꞌ etitakꞌabjic tak je pan kꞌa̱kꞌ reꞌ ncꞌulmujic wi̱ꞌ i tiꞌcꞌaxic. Nikꞌor chi jeꞌ reꞌ maj chaweh hat-tak, sakbih nak chi enawesaj tak lok i jenaj queh nakꞌ awach tak wi ta nak ru̱cꞌ reꞌreꞌ eriban chi maꞌ eta nak titakꞌmajic tak je pan kꞌa̱kꞌ chi manlic awach tak.
23396	MAT 7:11	Maꞌ jeꞌ ta reꞌ riban, majeꞌ? Ra̱j woꞌ chic i Dios kꞌuruꞌ, wi reꞌ hat-tak xapahkaj tak jenoꞌ atoꞌbil reh, maꞌ eta na tiritoꞌbej tak ru̱cꞌ apahkanic tak? Reꞌ Dios til laꞌ naca̱t ritoꞌbem tak cho eh til jeꞌ reꞌ naribanam maj wi reꞌ hat-tak nacꞌax ahaꞌlacꞌu̱n tak chi coric nanquipahkaj jenoꞌ atoꞌbil aweh tak, reꞌ ta na ti chic i Dios reꞌ wilic cho pan taxa̱j reꞌ maꞌ reꞌ ta aj mahc jeꞌ ricab hat-tak, chi maꞌ eriyew cho ricuseꞌsbal chana̱ tak?
23440	MAT 8:26	Chalic i Jesus jeꞌ wili xikꞌor keh chi kakꞌiliric: «Reꞌ hat-tak, kꞌe̱ꞌ laꞌ nak chic na̱chopom acꞌux tak chiri̱j i Dios. Chaj waꞌric na tiyoꞌjic tak? nqui keh. Chiri̱j reꞌ, xuctic johtok eh xikꞌor reh te̱w chꞌi̱l i haꞌ chi jeꞌ wili: «Tipa̱ꞌ hat te̱w eh titu̱k hat haꞌ, nqui queh. Xa chiwach woꞌ ti juncꞌam reꞌreꞌ, xpahꞌic i te̱w eh tuklujic i haꞌ.
23445	MAT 8:31	jeꞌ wili xquikꞌor reh Jesus chi xa nchꞌuk chic quicꞌux: «Ajabe̱s Jesus, wi naco̱j atꞌerem lok cu̱cꞌ take winak wili, chayew kꞌab keh chi cu̱cꞌ ok chic take juntuhm chi ahk wuluꞌ ekoj-oquic, nqui take reh Jesus. Jeꞌ reꞌ xquikꞌor reh naxipꞌut woꞌ ti rikꞌormojic queh chi naquelic lok cu̱cꞌ take winak reꞌreꞌ.
23497	MAT 10:11	«Reꞌ hat-tak, xa paꞌ wilic tinamit on abixbal na̱ponic tak wi̱ꞌ, chasicꞌ tak jenoꞌ winak coric wach ricꞌux reꞌ ensukbic ricꞌux ru̱cꞌ awihꞌic tak pa ripa̱t. Jeꞌ wili na̱naꞌbem tak wi̱ꞌ wi ru̱cꞌ i cꞌacharel reꞌreꞌ etiwihꞌic tak cu rehtal chic telic tak je chipam i tinamit reꞌreꞌ:
23520	MAT 10:34	«Reꞌ hat-tak, nacapaj na tak chi ru̱cꞌ nicꞌulic lok i hin, naribanam chi chiꞌnchel take tinamit xa pan sukquil cꞌuxlis chic naquicꞌacharic? Maꞌxta, ma̱capaj tak chi jeꞌ reꞌ. Chawehtꞌalij laꞌ tak chi ruꞌum reh nicꞌulic lok i hin, reꞌ take naquiniminic wi̱n maꞌ xa suk ta chic cꞌacharic nacaꞌnam ruꞌum narixowjic quiwach cuꞌum take maꞌ quiniminic ta wi̱n.
23599	MAT 12:41	Chiri̱j ruꞌ, reꞌ Jonas xtakꞌabjic woꞌ chic je junpech cu̱cꞌ aj Ni̱niwe eh reꞌ take reꞌ xquijal wach quinoꞌjbal naxquibiraj i cꞌuhbal xponic rikꞌor queh, raj laꞌ hat-tak maꞌ naꞌn ta tak chi jeꞌ reꞌ. Ruꞌum aj reꞌ chipam i kꞌi̱j nachikꞌat kꞌoric i Dios chana̱ hat-tak, reꞌ take reꞌ til naquiyeb quichi̱ꞌ chi na̱cꞌulum tak i tojbal wach amahc tak maj to̱b ta nak reꞌ niCꞌuhbal i hin kꞌe̱ꞌ woꞌ chic rajawric chiwach i cꞌuhbal xiban i Jonas, xa ta nak najal wach anoꞌjbal tak.
23600	MAT 12:42	Maꞌ xa ta reꞌ take aj Ni̱niwe naquiyeb quichi̱ꞌ chana̱ hat-tak cꞌacharel cꞌachalca̱t tak chiwach rikꞌijil yuꞌna, wilic laꞌ toco̱m chic cꞌacharel jeꞌ woꞌ reꞌ nacaꞌnam. Chi quixilac take reꞌ, wilic ixok reꞌ xwihꞌic cho chi kꞌatal kꞌoric pan tinamit Se̱wa ribihnal. Jeꞌ reꞌ naribanam ruꞌ maj reꞌ ixok wili chi cu maꞌ wili yu̱kꞌ qꞌuixca̱b xchalic xcꞌulic ribiraj rinoꞌjbal i Salomon eh xicꞌam na̱, raj nchel hat-tak, to̱b ta xiqꞌuic woꞌ chic na̱ ninoꞌjbal chiwach rinoꞌjbal i Salomon, xa ta nak je nacꞌam tak na̱, nqui Jesus queh winak reꞌreꞌ.
23718	MAT 15:16	Chalic i Jesus jeꞌ wili xikꞌor reh: «Reꞌ hat-tak, maꞌ jaꞌ xta pe ok woꞌ nchel anoꞌjbal tak chi rirakmajic chiri̱j xnikꞌor?
23743	MAT 16:2	Jeꞌ reꞌ kꞌuruꞌ, reꞌ Jesus jeꞌ wili xicꞌuꞌlej take wi̱ꞌ: «Reꞌ hat-tak, nanawilow tak chi cak pa̱m i taxa̱j pan tak xikꞌek, jeꞌ wili nakꞌor tak: ‹Holohic poꞌ kꞌi̱j naribanam ikal, nqui nakꞌor tak.
23756	MAT 16:15	Chi jeꞌ aj reꞌ, xibiraj aj woꞌ chic keh chi jeꞌ wili: «Raj hat-tak, chajaric nacapaj chiri̱j nquikꞌor take reꞌ? Hab woꞌ wach i hin chaweh hat-tak? nqui keh.
23804	MAT 18:8	Ruꞌum aj reꞌ, nikꞌor aweh tak chi xa paꞌ jaric capew-bal nasjic cho pan awa̱mna tak reꞌ nbanic chi timahcanic tak ru̱cꞌ yojbal quicꞌux awas acha̱kꞌ tak, chawesaj lok chiri̱j acꞌux tak jeꞌ ricab nak resmejic lok awo̱k tak on akꞌab enaꞌn tak wi ta nak ruꞌum reꞌreꞌ maꞌ eta chic titakꞌabjic tak je chi manlic awach tak chipam i kꞌa̱kꞌ reꞌ xa koplic woꞌ cho chi junelic i kꞌi̱j sakom. Nikꞌor chi jeꞌ nak reꞌ enaꞌn tak maj chaweh hat-tak, kꞌe̱ꞌ nak tare̱t chi enawesaj tak lok awo̱k on akꞌab tak, wi ta nak ru̱cꞌ ribanaric reꞌreꞌ enaꞌn tak canar cꞌacharic chi junelic.
23889	MAT 20:28	jeꞌ ricab nok reꞌ hin Acꞌunbe̱s reꞌ wilic wajawric chi quina̱ cꞌacharel, maꞌ xincꞌulic ta lok chaxilac tak reh chi reꞌ ta nak hin na̱camanem tak niwach, xincꞌulic laꞌ lok reh chi reꞌ hin nanicamanem awach tak ru̱cꞌ acoꞌljic hat-tak chiꞌnchel cꞌacharel. Ruꞌum aj reꞌ chi acoꞌljic hat-tak, reꞌ hin naniyeb nicꞌacharic pan quimic reꞌ naricamanic chi jeꞌ jenaj tojbal yeꞌo̱j chi rijelow-bal i tiꞌcꞌaxic naquicꞌulum nak chiꞌnchel cꞌacharel ruꞌum reh nicꞌ paꞌ qꞌuihal quimahc wilic, nqui Jesus keh.
23894	MAT 20:33	—Ha̱w, reꞌ hoj nka̱j nak chi enaꞌn chi ekoj-ilbic, nqui take reh.
23916	MAT 21:21	Chalic Jesus, jeꞌ wili xojricꞌuꞌlej wi̱ꞌ: «Til coric nikꞌor aweh tak chi reꞌ hat-tak, wi til chꞌiclic acꞌux tak chi maꞌ eta soꞌ napohꞌaj tak nechꞌ ok, maꞌ xa reꞌ ta nak richiksjic i che̱ꞌ reꞌreꞌ enaꞌn ru̱cꞌ akꞌorbal tak, yohbal laꞌ nak wach enaꞌn tak ribanaric. Jeꞌ ricab wi ta nak reh yu̱kꞌ wili enakꞌor tak chi narelic je ayuꞌ eh chi ar chic pan nim laj haꞌ eno̱j riyew ri̱b, enak nbirinic chawach tak.
23959	MAT 22:18	Reꞌ Jesus chi rehtꞌalim cho i cꞌahbil laj noꞌjbal wilic cho pan quicapew-bal, jeꞌ wili xikꞌor queh: «Ha̱ꞌ, reꞌ hat-tak xa hat-tak banol awach tak ru̱cꞌ apahkanic tak wili, xa sicꞌbal reh chi xa haj ta nak equincalajic chawach tak ru̱cꞌ jenoꞌ kꞌoric, nqui queh.
23995	MAT 23:8	«Raj hat-tak, ma̱cꞌax tak wach chi jeꞌ reꞌ enkꞌormojic aweh tak. Nikꞌor chi jeꞌ reꞌ maj reꞌ hat-tak, xa jenaj woꞌ Ajabe̱s aj tijinel wilic chaxilac tak eh reꞌreꞌ, reꞌ hin Jesus reꞌ Pahbamaj chi Kꞌatal Kꞌoric. Chi jeꞌ aj reꞌ, reꞌ hat-tak xa awas acha̱kꞌ awi̱b tak eh xa jenaj awi̱ꞌ tak chi niwach.
24014	MAT 23:27	Jeꞌ reꞌ ajic, kꞌe̱ꞌ rinimal tiꞌcꞌaxic na̱cꞌulum hat-tak cow laj aj niminel reh Cꞌuhbal Yeꞌo̱j reh Moyses chꞌi̱l woꞌ hat-tak aj tijem ri̱j cꞌuhbal reꞌreꞌ ruꞌum nok reꞌ hat-tak, xa hat-tak banol awach tak chi quiwach i tinamit. Jeꞌ reꞌ nikꞌor maj jeꞌ ricab chi reꞌ take mukꞌunbal xa sak chic ncaꞌn lok ruꞌum i chu̱n cojo̱j chi quiwach raj cho quipa̱m xa chuh chic cho ruꞌum take kꞌa̱ tak ba̱k wilque̱b cho ar,
24184	MAT 26:61	reꞌ jeꞌ wili xponic quikꞌor chiri̱j: «Reꞌ winak wili jeꞌ wili nkabiraj chi xikꞌor cho: Rehtalil chi reꞌ hin, hin i Pahbamaj chi Kꞌatal Kꞌoric, eriban chi eniyoj i pa̱t reꞌ nlokꞌonjic wi̱ꞌ wach i Dios eh xa chiwach xib kꞌi̱j ewoꞌ chic enitikꞌa̱ꞌ rijelow-bal, nqui xikꞌor, nqui take cok.
24411	MRK 4:19	xa reꞌ laꞌ maꞌ riban ta woꞌ chi aj banol take reh chaj bih ra̱j i Dios. Ruꞌum aj reꞌ jeꞌ ricab chi reꞌ take tic maꞌ quiꞌo̱j ta wachanok jeꞌ woꞌ reꞌ i niCꞌuhbal, maꞌ nwachanic ta woꞌ cu̱cꞌ maj jeꞌ ricab chi reꞌ take ijaꞌ ntzꞌaparic quina̱ cuꞌum take qꞌui̱x, wilic woꞌ nkꞌetbic pan quibe̱h jeꞌ ricab nanquicoj quicapew-bal xa chiri̱j take risiqꞌuiric paꞌ bih queh on chiri̱j take cꞌaxoj wach bihomal reꞌ njotꞌbic woꞌ reh quicapew-bal, on nok pan quicapew-bal xa ncotowej chic cho rehchmejic chiꞌnchel take paꞌ bih.
24550	MRK 7:18	Reꞌ Jesus jeꞌ wili xikꞌor queh: «Reꞌ hat-tak, maꞌ jaꞌ xta pe ok woꞌ nchel anoꞌjbal tak chi rirakmajic chiri̱j xnikꞌor? Maꞌ narak ta na tak chiri̱j kꞌuruꞌ chi maꞌxta bih jenoꞌ paꞌ bih nkacꞌux jok, riban ta nak chi wilic i mahc pan ka̱mna hoj cꞌacharel.
24598	MRK 8:29	Chalic Jesus jeꞌ wili xikꞌor queh: «Raj hat-tak, chaj bih nacapaj tak chiwi̱j i hin? nqui queh. Ar reꞌ maꞌ Luch jeꞌ wili xikꞌor reh: «Ha̱ꞌ, reꞌ hat, hat i Pahbamaj chi Kꞌatal Kꞌoric, nqui reh.
24631	MRK 9:24	Chipam i juncꞌam naxikꞌor chi jeꞌ reꞌ i Jesus, reꞌ ajabe̱s reꞌreꞌ jeꞌ wili xikꞌor: «Reꞌ hin til chꞌiclic nicꞌux chawi̱j Jesus, xa reꞌ laꞌ paꞌ woꞌ ti maꞌ nponic ta wi̱ꞌ nicapew-bal, quinatoꞌbej ru̱cꞌ reꞌreꞌ, nqui xikꞌor.
24644	MRK 9:37	«Reꞌ waj tahkanel nanitakꞌa̱b je chi nijelow-bal curman chi naribanam chi xa chꞌublic ti wach rinoꞌjbal jeꞌ ricab rinoꞌjbal i tꞌuch acꞌun wili. Ruꞌum aj reꞌ, reꞌ nariniminic reh rikꞌorbal i nanitakꞌa̱b je chi nijelow-bal, reꞌ woꞌ nikꞌorbal i hin cꞌahchiꞌ rinimem jeꞌ ricab woꞌ cꞌahchiꞌ ricꞌuluric yuꞌna chi reꞌ rinimej nikꞌorbal i hin, reꞌ woꞌ rikꞌorbal xtakꞌanic cho wi̱n cꞌahchiꞌ rinimem, nqui Jesus queh take raj tahkanel.
24650	MRK 9:43	«Jeꞌ woꞌ, nikꞌor aweh tak chi xa paꞌ jaric capew-bal nasjic cho pan awa̱mna tak reꞌ nbanic chi timahcanic tak ru̱cꞌ yojbal quicꞌux awas acha̱kꞌ tak, chawesaj lok chiri̱j acꞌux tak jeꞌ ricab nak resmejic lok akꞌab enaꞌn tak wi ta nak ruꞌum reꞌreꞌ maꞌ eta chic titakꞌabjic tak je chi manlic awach tak chipam i kꞌa̱kꞌ reꞌ maꞌ jaruj ta nchuhpic ar chipam i yeꞌa̱b reꞌ ncꞌulmujic wi̱ꞌ tiꞌcꞌaxic. Nikꞌor chi jeꞌ nak reꞌ enaꞌn tak maj chaweh hat-tak, kꞌe̱ꞌ nak tare̱t chi enawesaj tak lok akꞌab tak, wi ta nak ru̱cꞌ ribanaric reꞌreꞌ enaꞌn tak canar cꞌacharic chi junelic.
24652	MRK 9:45	«Jeꞌ woꞌ, nikꞌor aweh tak chi xa paꞌ jaric capew-bal nasjic cho pan awa̱mna tak reꞌ nbanic chi timahcanic tak ru̱cꞌ yojbal quicꞌux awas acha̱kꞌ tak, chawesaj lok chiri̱j acꞌux tak jeꞌ ricab nak resmejic lok awo̱k enaꞌn tak wi ta nak ruꞌum reꞌreꞌ maꞌ eta chic titakꞌabjic tak je chi manlic awach tak chipam i kꞌa̱kꞌ reꞌ maꞌ jaruj ta nchuhpic ar chipam i yeꞌa̱b reꞌ ncꞌulmujic wi̱ꞌ tiꞌcꞌaxic. Nikꞌor chi jeꞌ nak reꞌ enaꞌn tak maj chaweh hat-tak, kꞌe̱ꞌ nak tare̱t chi enawesaj tak lok awo̱k tak, wi ta nak ru̱cꞌ ribanaric reꞌreꞌ enaꞌn tak canar cꞌacharic chi junelic.
24702	MRK 10:45	jeꞌ ricab nok reꞌ hin Acꞌunbe̱s reꞌ wilic wajawric chi quina̱ cꞌacharel, maꞌ xincꞌulic ta lok chaxilac tak reh chi reꞌ ta nak hin na̱camanem tak niwach, xincꞌulic laꞌ lok reh chi reꞌ hin nanicamanem awach tak ru̱cꞌ acoꞌljic hat-tak chiꞌnchel cꞌacharel. Ruꞌum aj reh acoꞌljic hat-tak, reꞌ hin naniyeb nicꞌacharic pan quimic reꞌ naricamanic chi jeꞌ jenaj tojbal yeꞌo̱j chi rijelow-bal i tiꞌcꞌaxic naquicꞌulum nak chiꞌnchel cꞌacharel ruꞌum reh nicꞌ paꞌ qꞌuihal quimahc wilic, nqui Jesus.
24860	MRK 14:37	Chi jeꞌ aj reꞌ naxicohlaj cho riti̱j, xsoljic woꞌ chic cho cu̱cꞌ take xib chi raj tahkanel xicꞌam take je chiri̱j, xa reꞌ laꞌ xirak take chi wiric ncaꞌn. Jeꞌ reꞌ kꞌuruꞌ xicꞌaꞌchsaj cok quiwach eh jeꞌ wili xikꞌor reh maꞌ Luch reꞌ ribihnej woꞌ chi Simon: «Simon, chajaric cho reꞌ chi xatcꞌulic nirak chi wiric naꞌn eh jeꞌ peꞌ woꞌ chic reꞌ take awichꞌi̱l? Ta woꞌ chic ruꞌ i hat-tak, maꞌ woꞌ nchel xacuy tak jenaj o̱ra chi wihchꞌiljic chi ti̱j? nqui reh.
24924	MRK 15:29	Chi quixilac take cꞌacharel quiꞌiqꞌuic je maꞌ naht ta reꞌ japꞌlic wi̱ꞌ i Jesus wach curu̱s, qꞌuihal queh nquitzꞌujlom johtok eh nquicꞌuhtaj chi jeꞌ reꞌ nok xa banoj chic ri̱b quikꞌab. Jeꞌ woꞌ, jeꞌ wili nquikꞌor johtok reh: «Reꞌ hat reꞌ tikꞌoric chi enayoj i Lokꞌ laj Pa̱t reꞌ nlokꞌonjic wi̱ꞌ wach i Dios eh chi xa chiwach chic xib kꞌi̱j enajohsaj woꞌ chic rijelow-bal,
25223	LUK 6:8	Jeꞌ reꞌ nok reꞌ Jesus, ruꞌum nok xehtꞌalij nicꞌ wach pa̱m i quicapew-bal, jeꞌ wili xikꞌor reh winak me̱c kꞌab reꞌreꞌ: «Tucten cho, tikꞌahxen cho ayuꞌ cu chiwach, nqui reh. Naxibiraj chi jeꞌ reꞌ i winak, xuctic je eh xo̱j pahꞌok cu chiwach.
25261	LUK 6:46	Chiri̱j i wili, reꞌ Jesus xikꞌor woꞌ chic queh chi jeꞌ wili: «Reꞌ hat-tak, wi maꞌ xachop tak ribanaric i cꞌahchiꞌca̱t tak nitijem wi̱ꞌ, ma̱kꞌor tak wi̱n chi jeꞌ wili: ‹K-Aja̱w Jesus, reꞌ hat cꞌahchiꞌca̱t katahkem, maꞌ tiqui tak wi̱n.
25390	LUK 9:20	Reꞌ Jesus naxibiraj chi jeꞌ reꞌ, jeꞌ woꞌ chic wili xikꞌor queh: «Raj hat-tak, chaj bih nakꞌor tak chiwi̱j hin? nqui queh. Chalic maꞌ Luch jeꞌ wili xikꞌor reh: «Reꞌ hat, hat i Pahbamaj chi Kꞌatal Kꞌoric kꞌoro̱j ruꞌum i Dios chi naritakꞌa̱b cho, nqui reh.
25418	LUK 9:48	eh jeꞌ wili xikꞌor queh: «Reꞌ waj tahkanel nanitakꞌa̱b je chi nijelow-bal curman chi naribanam chi xa chꞌublic ti wach rinoꞌjbal jeꞌ ricab rinoꞌjbal i tꞌuch acꞌun wili. Ruꞌum aj reꞌ xa hab wach nariniminic reh rikꞌorbal i nanitakꞌa̱b je chi nijelow-bal, reꞌ woꞌ nikꞌorbal i hin cꞌahchiꞌ rinimem jeꞌ ricab woꞌ cꞌahchiꞌ ricꞌuluric yuꞌna chi reꞌ rinimej nikꞌorbal i hin, reꞌ woꞌ rikꞌorbal xtakꞌanic cho wi̱n cꞌahchiꞌ rinimem. Jeꞌ reꞌ kꞌuruꞌ reꞌ til kꞌe̱ꞌ woꞌ chic chꞌublic wach rinoꞌjbal, reꞌreꞌ naricahnic chi pe̱t aj toꞌo̱l wi̱n, nqui queh.
25432	LUK 9:62	Reꞌ Jesus jeꞌ wili xikꞌor reh: «Jeꞌ ricab jenoꞌ aj camanom maꞌ reꞌ ta risurcahil ritic cꞌahchiꞌ rilom cok nok cꞌahchiꞌ ricꞌotom je pan racꞌa̱l, maꞌ reꞌ ta holohic laj aj camanom, jeꞌ woꞌ reꞌ jenoꞌ aj cꞌuhbalanel wi maꞌ china̱ ricamaj chi cꞌuhbalanic wilic ricapew-bal, reꞌreꞌ maꞌ ricꞌul ta chi erikꞌor queh tinamit i ribiral chi reꞌ Dios reꞌ nkꞌatbic kꞌoric ra̱j richopom quina̱ take cꞌacharel, nqui Jesus.
25455	LUK 10:23	Chiri̱j chic ruꞌ nok xa chic cutquel take cablaj chi nahsil aj tahkanel, reꞌ Jesus tzꞌehtenic je chi quina̱ eh jeꞌ wili xikꞌor queh: «Kꞌe̱ꞌ ato̱b aweh hat-tak, jeꞌ woꞌ take tinamit reꞌ cꞌahchiꞌ quilo̱j woꞌ reh reꞌ nicꞌ nimal cꞌahchiꞌ awilom hat-tak,
25518	LUK 11:44	Jeꞌ woꞌ nikꞌor aweh tak chi kꞌe̱ꞌ rinimal tiꞌcꞌaxic na̱cꞌulum hat-tak cow laj aj niminel reh Cꞌuhbal Yeꞌo̱j reh Moyses chꞌi̱l woꞌ take aj tijem ri̱j cꞌuhbal reꞌreꞌ ruꞌum nok reꞌ hat-tak, xa hat-tak banol awach tak chi quiwach i tinamit, xa jeꞌ acab tak rijulil camnak reꞌ maꞌ ncꞌutunic ta chic cho naticꞌok china̱. Ru̱cꞌ aj anoꞌjbal tak reꞌreꞌ, reꞌ take awaj tahkanel tak cꞌahchiꞌ quinihim qui̱b ru̱cꞌ acꞌuhtunic tak jeꞌ ricab xicꞌul jenaj winak xinih ri̱b ru̱cꞌ i mahc naxiqꞌuic china̱ jenaj rijulil camnak ruꞌum chi maꞌ ncꞌutunic ta chic cho, nqui Jesus.
25602	LUK 13:15	Chalic Jesus jeꞌ wili xikꞌor reh maꞌ winak reꞌreꞌ: «Reꞌ hat chꞌi̱l take awichꞌi̱l xa hat banol awach tak. Jeꞌ reꞌ nikꞌor maj xa nakꞌor nak tak chic chi maꞌ naꞌn ta tak soꞌ camanic pan hiꞌlbal kꞌi̱j eh maꞌ jeꞌ ta woꞌ reꞌ naꞌn tak. Reꞌ hat-tak, wi bacꞌlic cho aboyex tak on wi bacꞌlic cho a-ihkom laj cawa̱y tak ar pa riwarbal, maꞌ reꞌ ta na ti soꞌ camanic naꞌn tak pan hiꞌlbal kꞌi̱j nato̱j chi richejeric reh chi na̱yeb tak riha̱ꞌ?
25715	LUK 16:26	Jeꞌ woꞌ chic, chi kaxilac i hoj chꞌi̱l i hat-tak wilic jenaj rinimal jul cahk reh chi reꞌ hoj chꞌi̱l hat-tak, to̱b ta nak cꞌultar nka̱j je kꞌahxic, maꞌ eta nkaꞌn canar, nqui banol cho reh.
25721	LUK 17:1	Chiri̱j chic ruꞌ, reꞌ Jesus jeꞌ woꞌ chic wili xikꞌor queh cablaj chi nahsil raj tahkanel: «Chiꞌnchel i hoj kehtꞌalim chi maꞌxta bih ra̱j chi maꞌ ta nak enwihꞌic reꞌ nyojbic reh capew-bal, xa reꞌ laꞌ hin nikꞌor aweh tak chi kꞌe̱ꞌ ntiꞌbic nicꞌux chiri̱j
25730	LUK 17:10	Wi jeꞌ reꞌ nbanaric xa ayuꞌ wach acꞌal, jeꞌ woꞌ reꞌ awu̱cꞌ hat-tak ru̱cꞌ i camanic niyew chana̱ tak, ma̱ban tak i camanic reꞌreꞌ chi xa ruꞌum ta nak chi nawa̱j chi enyeꞌeric alokꞌil tak. Raj nchel hat-tak, nachakꞌor tak ribiral acamaj xaꞌn tak jeꞌ wili chakꞌor tak: ‹Reꞌ hoj xa reꞌ woꞌ camanic riyeb chi kana̱ i Jesus chi raj camanom, xa reꞌ woꞌ reꞌ nkaꞌn ribanaric. Jeꞌ aj reꞌ ruꞌ maꞌ ricꞌul ta chi keh chi nariyeꞌeric kalokꞌil ru̱cꞌ kacamaj nkaꞌn, tiquirok tak, nqui Jesus queh.
25840	LUK 19:40	Ra̱j i Jesus jeꞌ wili quicꞌuꞌljic xiban: «Reꞌ hin til nikꞌor aweh tak i wili: Wi reꞌ take tinamit wili eta nak nquitzꞌap quichi̱ꞌ, reꞌ nak chic take abaj wili equikꞌoric chi cow chi quijelow-bal, nqui queh.
25894	LUK 20:46	«Chayohbalej awi̱b hat-tak, ma̱nih awi̱b tak ru̱cꞌ quinoꞌjbal take aj tijem ri̱j Cꞌuhbal Yeꞌo̱j reh Moyses maj reꞌ take reꞌ kꞌe̱ꞌ nponic chi quiwach ricꞌuhtjic lok qui̱b queh tinamit chi nimak quiwach. Ruꞌum aj reꞌ naquibehic lok, kꞌe̱ꞌ nponic chi quiwach ricojoric nimak tak ro̱k tzꞌih reh chi xa suk chic equicꞌalenjic watak cꞌaybal. Naquiꞌo̱j woꞌ pan tak pa̱t ntijiljic wi̱ꞌ ri̱j Cꞌuhbal Yeꞌo̱j reh Moyses, on naquiꞌo̱j woꞌ pan jenoꞌ pa̱t reꞌ yukꞌumaj take wi̱ꞌ chi wiꞌc, kꞌe̱ꞌ suk queh tzꞌuhkic reꞌ quitzꞌuhkic wi̱ꞌ take nimak quiwach.
26309	JHN 5:30	«Ruꞌum chi reꞌ wAja̱w xiyew wajawric chi rikꞌormojic chaj bih naricꞌuluric cu̱cꞌ take camnak nacuctok woꞌ chic cho, reꞌ hin maꞌ eta nikꞌor xa paꞌ jaric nmikric cho pa nicapew-bal, reꞌ laꞌ hin nibiraj eh nikꞌor reꞌ nicꞌ paꞌ wach cꞌahchiꞌ rikꞌorom wi̱n i wAja̱w Dios. Ruꞌum aj reꞌ, reꞌ kꞌoric niban chiqui̱j take hab wach naquicꞌacharic til coric wach, maj maꞌ reꞌ ta nicꞌ paꞌ wach nwa̱j i hin nikꞌor, reꞌ laꞌ jeꞌ ricab ra̱j i wAja̱w Dios reꞌ xtakꞌanic cho wi̱n.
26425	JHN 7:28	Jeꞌ reꞌ ajic reꞌ Jesus xa xitik woꞌ juꞌ ricꞌuhtunic cu̱cꞌ i tinamit ar chi chi̱ꞌ i Lokꞌ laj Pa̱t reꞌ nlokꞌonjic wi̱ꞌ wach i Dios eh jeꞌ wili xikꞌor queh ru̱cꞌ cow laj kꞌoric: «Reꞌ hat-tak, til nacapaj tak chi awehtꞌalim tak niwach eh awehtꞌalim woꞌ tak haj quinchalic i hin. Wi til riwi̱ꞌ chi jeꞌ reꞌ nacapaj tak chaweh awehtꞌalim woꞌ nak tak chi reꞌ nichalic ayuꞌ wach acꞌal maꞌ xa ta pa nicꞌux xchalic? Pa ricorquil wilic jenaj til xtakꞌanic cho wi̱n, reꞌ wAja̱w Dios. Reꞌ wAja̱w Dios wili maꞌ awehtꞌalim ta tak wach i hat-tak,
26473	JHN 8:23	Reꞌ Jesus kꞌuruꞌ jeꞌ wili xikꞌor queh: «Reꞌ hat-tak, hat-tak reh wach acꞌal wili eh reꞌ acapew-bal tak jeꞌ woꞌ ricab quicapew-bal take aj ayuꞌ wach acꞌal, ra̱j i hin maꞌ reꞌ ta hin reh wach acꞌal ar laꞌ xinchalic pan taxa̱j ru̱cꞌ i wAja̱w.
26505	JHN 8:55	xa reꞌ laꞌ ruꞌ til nikꞌor aweh tak chi reꞌ nakꞌor tak maꞌ jeꞌ ta reꞌ, maj maꞌ awehtꞌalim ta woꞌ tak wach. Ra̱j cok i hin til wehtꞌalim wach eh eta nak nikꞌor aweh tak chi maꞌ wehtꞌalim ta wach i Dios enak quincahnic chi hin aj chucul kꞌoric jeꞌ ricab hat-tak, raj wili til wehtꞌalim wach eh reꞌ woꞌ ricꞌuhbal cꞌahchiꞌ nicꞌamam na̱.
26584	JHN 10:34	Jeꞌ reꞌ kꞌuruꞌ reꞌ Jesus jeꞌ wili xikꞌor queh: «Chipam i cꞌuhbal nchopbic ana̱ hat-tak, rikꞌor chi wilic take kꞌoric rikꞌorom cho i Dios. Reꞌ take kꞌoric reꞌreꞌ jeꞌ wili nquikꞌor: “Reꞌ hin, hin i Dios eh ruꞌum chi reꞌ hat-tak wilca̱t tak chi wacꞌu̱n wixkꞌu̱n, nikꞌor woꞌ chi chiꞌnchel hat-tak jeꞌ woꞌ tak acab i hin, nqui take kꞌoric wilic chipam i cꞌuhbal reꞌreꞌ.
26607	JHN 11:15	eh kꞌe̱ꞌ nsukbic nicꞌux chi maꞌ wilqui̱n ta ponok ar nok jaꞌ nquimic ta je. Jeꞌ reꞌ nikꞌor aweh tak maj ruꞌum reh i chaj bih na̱wilom tak wu̱cꞌ, kꞌe̱ꞌ naricowjic acꞌux tak chi ninimjic. Jeꞌ reꞌ kꞌuruꞌ tak-tak, kilow tak cho, nqui keh Jesus.
26684	JHN 12:35	Chalic Jesus jeꞌ wili xikꞌor queh: «Reꞌ behel reh chi maꞌ eta ncahnic pa rikꞌekomil i chakꞌab, richop je ribe̱h nok cu wilic risakomil i kꞌi̱j maj rehtꞌalim chi reꞌ cꞌacharel reꞌ nbehic chipam rikꞌekomil i chakꞌab wilic cꞌaxquilal china̱ chi ensahchic reh ribe̱h. Jeꞌ woꞌ reꞌ awu̱cꞌ hat-tak, reh chi maꞌ eta ticahnic tak chi kꞌekom wach acapew-bal, quinatahkej tak yuꞌna nok cu wilqui̱n ayuꞌ ruꞌum nok reꞌ hin, hin i quinsakomonic pa̱m quinoꞌjbal take cꞌacharel ru̱cꞌ take tijinic cꞌahchiꞌ nibanam chiwach xa maꞌ qꞌuih ta chic kꞌi̱j wilqui̱n chaxilac tak.
26782	JHN 15:14	«Jeꞌ reꞌ kꞌuruꞌ tiꞌ chawicꞌraj awi̱b chawach tak eh wi reꞌ hat-tak enacꞌax awi̱b tak jeꞌ ricab nikꞌorom chic lok, reꞌ hin nikꞌor aweh tak chi reꞌ hat-tak, hat-tak wich kꞌorom chi ricꞌuhtjic i cꞌaxoj i̱b
26783	JHN 15:15	eh reꞌreꞌ ra̱j rikꞌorom chi yuꞌna johtok chi niwach maꞌ eta chic nikꞌor chi reꞌ hat-tak xa hat-tak aj camanom chi niwach maj reꞌ cꞌacharel reꞌ xa aj camanom ribiral maꞌ wilic ta pa ricamaj chi rehtꞌaljic chaj bih ricꞌul pa ricꞌacharic i ajabe̱s reꞌ ncamanic cok wi̱ꞌ, ra̱j laꞌ hin xniyew chic aweh tak chi ehtꞌaljic chiꞌnchel nicꞌ paꞌ wach rikꞌorom cho wi̱n i wAja̱w Dios eh ruꞌum reꞌ, reꞌ hin xnikꞌor chi reꞌ hat-tak, hat-tak wich kꞌorom i hin.
26784	JHN 15:16	Reꞌ cok ruꞌ cꞌolok pan acꞌux tak wili: Reꞌ hat-tak tiwihꞌic tak pan jenaj wach capew-bal wu̱cꞌ i hin ruꞌum chi reꞌ woꞌ hin xinchihbic cho awach tak, maꞌ ruꞌum ta nak chi reꞌ ta nak hat-tak xatchihbic tak cho niwach hin. «Chi jeꞌ aj reꞌ awihꞌic tak wu̱cꞌ pan jenaj wach capew-bal, reꞌ hin nitikꞌa̱b chic cho wach chi natojok tak kꞌorol reh niCꞌuhbal, qꞌuihal take cꞌacharel naquiniminic reh eh enquicoj qui̱b chi junpech chi waj tahkanel chic take. Jeꞌ woꞌ chic, reꞌ hin nitikꞌa̱b chic cho wach wili: Reꞌ xa paꞌ bih pahkanic naꞌn tak johtok reh wAja̱w Dios, nariyeꞌeric cho aweh tak wi xaꞌn ati̱j tak chi cꞌahchiꞌ acojom tak wach chi wilic wajawric.
26817	JHN 16:22	Jeꞌ aj woꞌ reꞌ cꞌahchiꞌ acꞌulum hat-tak, yuꞌna kꞌe̱ꞌ tiꞌquil acꞌux tak ruꞌum chi nawojic. Reꞌ cok ruꞌ narichalic i kꞌi̱j nok naniwihꞌic woꞌ chic chaxilac tak eh ruꞌum reꞌ kꞌe̱ꞌ narichalic risukquil acꞌux tak. Reꞌ sukquil cꞌuxlis reꞌreꞌ xa eli̱c woꞌ nariwihꞌic pan awa̱mna tak maj maꞌ hab ta chic jenoꞌ wilic rajawric chi ribanaric chi enelic lok i risukquil acꞌux tak reꞌreꞌ.
26825	JHN 16:30	Ruꞌum aj reh i kꞌoric naꞌn yuꞌna, xa chi yuꞌna ti nkarak chiri̱j i kꞌoric wili chawi̱j i hat: To̱b ta jaꞌ kojpahkanic ta chiri̱j jenoꞌ kacapew-bal, reꞌ hat awehtꞌalim chic chiꞌnchel. Ruꞌum aj reꞌ nkacoj wach chi ru̱cꞌ i Dios xatchalic, kojqui reh.
26900	JHN 19:6	Reꞌ take cꞌamol quibe̱h take aj kꞌahsem si̱ chꞌi̱l woꞌ take aj chaꞌjanel cꞌamoj take je cuꞌum take cꞌamol be̱h reꞌreꞌ naxquilow chi reꞌ Po̱nsyo Pila̱to ra̱j nak rokꞌtam je i Jesus, xquiqꞌuer quichi̱ꞌ chi jeꞌ wili: «Reꞌ Jesus reꞌreꞌ chacansaj eh til chacansaj wach curu̱s! nqui take. Reꞌ Po̱nsyo Pila̱to jeꞌ wili quicꞌuꞌljic xiban: «Reꞌ hin maꞌxta nirak jenoꞌ mahc quimic ri̱j chiri̱j cꞌacharel wili. Reꞌ cok ruꞌ, wi ricansjic nawa̱j tak hat-tak, chacꞌam tak je eh reꞌ ok hat-tak tiyeꞌbok tak reh wach curu̱s, nqui queh.
26970	JHN 21:3	Reꞌ Simon reꞌ ribihnej woꞌ chi Luch, jeꞌ wili xikꞌor keh: «Reꞌ hin nawojic chopol car, nqui keh. —Wi jeꞌ reꞌ na̱banam, reꞌ hoj nakojic woꞌ chawi̱j, kojqui reh. Jeꞌ reꞌ ajic naxoj-o̱j, chi kunchelal i hoj reꞌreꞌ xoj-oquic cok pan jenaj maꞌ laj cano̱wa reh chi nakojic banol car, xa reꞌ laꞌ chipam akꞌab reꞌreꞌ maꞌ jenoꞌ car xkachop.
27111	ACT 4:20	Ruꞌum nok curman chi reꞌ Dios nakanimem i hoj chiwach chi etikanimej hat-tak, reꞌ hoj maꞌ jaruj enkacana̱ꞌ rikꞌormojic ribiral chaj bih kilom cho chꞌi̱l chaj bih kabiram cho ru̱cꞌ Jesus, nqui take.
27158	ACT 5:30	Jeꞌ aj reꞌ maꞌ riban ta chi keh hoj chi enkacana̱ꞌ rikꞌormojic ribiral i Jesus. Coric, reꞌ Jesus reꞌreꞌ xtakꞌabjic cho chi naricansjic ar wach curu̱s awuꞌum hat-tak, xa reꞌ laꞌ ruꞌ xucsjic woꞌ chic chi quixilac take camnak ruꞌum kaDios lokꞌomaj woꞌ cho cuꞌum take kama̱m katiꞌt.
27453	ACT 13:22	eh naxesmejic woꞌ chic lok pa ricamaj chi kꞌatal kꞌoric, reꞌ chic i maꞌ Tawiy xcojoric chi rijelow-bal, maj chiri̱j i Tawiy jeꞌ wili rikꞌorom cho Dios: ‹Reꞌ Tawiy wili reꞌ racꞌu̱n maꞌ Isayih kꞌe̱ꞌ nponic chi niwach rinoꞌjbal. Reꞌ cok i winak wili naribanam nicꞌ paꞌ nimal nwa̱j i hin, nqui rikꞌorom cho.
27561	ACT 16:9	Pan jenaj chakꞌab chipam i tinamit reꞌreꞌ, reꞌ maꞌ Lu̱ꞌ xilow pan jenaj jeꞌ laꞌwa̱ch chi jenaj winak jeꞌ ru̱cꞌ aj pa riyukꞌul Masero̱nya jeꞌ wili cꞌahchiꞌ ripahkam reh nok paꞌlic chiwach: «Chacuy ha̱w, tichalok ku̱cꞌ i hoj aj riyukꞌul Masero̱nya eh koj-atoꞌbej, nqui pahkanic cꞌahchiꞌ ribanaric reh pa riwiric.
27620	ACT 17:28	ruꞌum nok xa paꞌ wilco̱j on xa paꞌ koj-o̱j, reꞌreꞌ xa wilic woꞌ ku̱cꞌ. Jeꞌ reꞌ riban i Dios ruꞌum nok reꞌreꞌ xtikꞌinic keh jeꞌ ricab xkꞌormojic cho najtir kꞌi̱j ruꞌum jenaj awich atinami̱t tak reꞌ xtzꞌihminic reh i bi̱ch jeꞌ wili rikꞌor: ‹Reꞌ hoj, hoj ritikꞌinic cho kAja̱w Dios, nqui rikꞌor.
27909	ACT 26:18	maj cu̱cꞌ take chiꞌnchel reꞌreꞌ naca̱t nitakꞌa̱b je chi riteheric pa̱m quicapew-bal, jeꞌ ricab chi cꞌahchiꞌ ta nak ritehic i nakꞌ quiwach chi ilo̱j, jeꞌ woꞌ chi equiꞌelic riꞌsil ro̱k kꞌab aj Yahm jeꞌ ricab chi cꞌahchiꞌ ta nak quelic cho pan jenoꞌ kꞌekom eh chi jeꞌ reꞌ chi riꞌsil chic i ro̱k kꞌab i Dios equiwihꞌic jeꞌ ricab chi pan sakom ta nak chic cꞌahchiꞌ quikꞌahxic je. «Jeꞌ woꞌ chic, reꞌ riwi̱ꞌ chi naca̱t nitakꞌa̱b je cu̱cꞌ take cꞌacharel reꞌreꞌ chi reꞌ nicꞌ paꞌ nimal take naquichopom quicꞌux chiwi̱j naricuyaric quimahc eh nariyeꞌeric woꞌ queh nicuseꞌsbal cꞌolo̱j lok wuꞌum chi xa queh take quikꞌahsam qui̱b chi nilokꞌonjic, nqui wi̱n.
28022	ROM 1:24	Jeꞌ reꞌ nok ruꞌum chi xquimay rilokꞌonjic wach i Dios, reꞌreꞌ maꞌ ximin ta chic ri̱b ru̱cꞌ quinoꞌjbal nok xa ncotowej chic ribanaric i mahc ru̱cꞌ chiꞌnchel i ca̱mna eh chi jeꞌ reꞌ quicapew-bal, reꞌ chic i nim laj qꞌuixbilal ncaꞌn ribanaric chi quixilac.
28027	ROM 1:29	Chi jeꞌ aj reꞌ quicapew-bal, yohbal wach take riman chic cꞌahbilal ncaꞌn jeꞌ ricab take wili: Reꞌ ribanaric cꞌoyomal, reꞌ ribanaric i balcꞌuxquilal, reꞌ ricꞌaxaric wach i bihomal, reꞌ maꞌ suk ta rilmijic jenoꞌ hab wach ricꞌul ricuseꞌsbal i Dios. Ncaꞌn woꞌ ribanaric i cansanic, ribanaric i wolic, ribanaric i chucuj kꞌoric eh reꞌ paꞌ chic bih ncaꞌn, ncaꞌn ru̱cꞌ maꞌ holohic ta laj capew-bal.
28054	ROM 2:24	Jeꞌ reꞌ ajic reꞌ hat-tak naꞌn tak jeꞌ ricab rikꞌor chipam i hu̱j tzꞌihmbaj cahnok ruꞌum raj kꞌorol i Dios reꞌ Isayi̱yas ribihnal reꞌ rikꞌor wi̱ꞌ chi jeꞌ wili: «Awuꞌum aweh hat-tak, reꞌ take maꞌ reꞌ ta ra̱ꞌ riꞌsil cho maꞌ Israhel xa cꞌahbil laj kꞌoric chic nquikꞌor chiri̱j i Dios nanquibiraj ribiral, nqui rikꞌor.
28165	ROM 7:6	Ra̱j yuꞌna maꞌ jeꞌ ta chic reꞌ ncꞌuluric ku̱cꞌ maj pan toco̱m chic rikꞌijil wilco̱j wi̱ꞌ nok chi reꞌ chic i Lokꞌ laj rUxlabal i Dios n-nimjic eh ruꞌum reꞌ riban chic chi enkaꞌn ribanaric haj wilic ra̱j i Dios. Chi maꞌ wilco̱j ta chic chipam i najtir rikꞌijil chi cu reꞌ i Cꞌuhbal Yeꞌo̱j reh Moyses n-nimjic, xatcahnic woꞌ tak chi tehlic chic awi̱j tak chiwach i cꞌuhbal nchopbic nak ana̱ tak reꞌreꞌ jeꞌ ricab ncꞌuluric ru̱cꞌ ixok reꞌ naxquimic je ribahi̱l reꞌ wilic nak rajawric china̱ ricꞌacharic xcahnic chi tehlic chic ri̱j chiwach i tikꞌinic reꞌ rikꞌor nak chi maꞌ riban ta chi ewoꞌ chic riban caxa̱ra wi cu cꞌachlic ribahi̱l.
28190	ROM 8:6	Chiqui̱j take quicꞌacharic chi cꞌahchiꞌ quicꞌamam na̱ take noꞌjbal nyeꞌeric queh ruꞌum i Lokꞌ laj Uxlabal, nikꞌor aweh tak chi reꞌ take reꞌ xa suk laj cꞌacharic woꞌ nacaꞌnam chi junpech ar ru̱cꞌ Dios ra̱j take quicꞌacharic chi cꞌahchiꞌ caꞌnam i cꞌahbilal rikꞌor cho i quicapew-bal, nikꞌor aweh tak chi reꞌ take reꞌ naquiquimok je maꞌ reꞌ ta ru̱cꞌ i Dios naquicꞌacharic chi junpech.
28193	ROM 8:9	Ra̱j awu̱cꞌ hat-tak maꞌ jeꞌ ta reꞌ ncꞌuluric ruꞌum nok reꞌ hat-tak maꞌ ticꞌacharic ta tak chic chi chopo̱j ana̱ tak ruꞌum ritutil i mahc. Reꞌ chic hat-tak ticꞌacharic laꞌ tak chi chopo̱j ana̱ tak ruꞌum i Lokꞌ laj Uxlabal reꞌ til wilic awu̱cꞌ tak. Ruꞌum chi reꞌ Lokꞌ laj Uxlabal reꞌ riyeb aweh tak i Dios chꞌi̱l i Jesus reꞌ Pahbamaj chi Kꞌatal Kꞌoric wilic awu̱cꞌ tak, reꞌreꞌ ncꞌuhtunic lok wi̱ꞌ chi reꞌ hat-tak, hat-tak aj niminel reh Jesus. Jeꞌ reꞌ nikꞌor maj reꞌ cꞌacharel reꞌ maꞌ wilic ta ru̱cꞌ i Lokꞌ laj Uxlabal kehtꞌal chi maꞌ reꞌ ta raj tahkanel.
28199	ROM 8:15	Jeꞌ reꞌ ajic reꞌ hat-tak chayew tak kꞌab reh Lokꞌ laj Uxlabal chi eribehsaj acꞌacharic tak. Reꞌ cok ruꞌ wi jeꞌ reꞌ naꞌn tak xa ruꞌum chi tiyoꞌjic tak, maꞌ tare̱t ta. Jeꞌ reꞌ nikꞌor maj reꞌ Dios maꞌ xiyew ta aweh tak i Lokꞌ laj rUxlabal reh chi naricꞌuluric awu̱cꞌ tak jeꞌ ricab ncꞌuluric ru̱cꞌ i jenoꞌ aj camanom reꞌ riban i camanic pahkamaj reh xa ruꞌum chi kꞌe̱ꞌ nyoꞌjic chiwach ajabe̱s china̱. Awu̱cꞌ tak i hat maꞌ jeꞌ ta reꞌ ra̱j chi ncꞌuluric maj reꞌ Dios maꞌ xiyew ta aweh tak i Lokꞌ laj rUxlabal reh chi naricojom cho yoꞌjic chana̱ tak, xiyew laꞌ aweh tak reh chi na̱wehtꞌalim tak i xiban i Dios wili: Chi reꞌ hat-tak, hat-tak chic racꞌu̱n rixkꞌu̱n chiwach. Jeꞌ reꞌ ajic ruꞌum chi reꞌ Lokꞌ laj Uxlabal maꞌ ricoj ta cho yoꞌjic chi kana̱, yuꞌna riban chic chi keh chi enkakꞌor “Pah” reh Ajabe̱s Dios nakojkꞌoric ru̱cꞌ
28308	ROM 11:31	Jeꞌ ricab nak riwi̱ꞌ i cꞌacharic xaꞌn tak cho, yuꞌna wilic woꞌ take cꞌacharel jeꞌ ru̱cꞌ wich ra̱ꞌ riꞌsil take cho maꞌ Israhel cꞌahchiꞌ quicꞌacharic chi maꞌ nquinimej ta i Dios. Ruꞌum reh ricꞌaxbal i Dios xicꞌuhtaj cho chana̱ hat-tak, narichalic woꞌ i rikꞌijil nok reꞌ cꞌaxbal reꞌreꞌ nariwihꞌic woꞌ chi quina̱ take cꞌacharel reꞌreꞌ.
28358	ROM 14:10	Jeꞌ reꞌ kꞌuruꞌ hat-tak wich aj niminel, ruꞌum chi reꞌ Jesus pahbamaj chi nariwihꞌic chi Ajabe̱s chi quina̱ chiꞌnchel cꞌacharel eh ruꞌum woꞌ chi jeꞌ reꞌ, wilic jenaj i kꞌi̱j nok chi kunchelal nakapahꞌic chiwach reh chi erichꞌuk kꞌoric china̱ i kabano̱j, reꞌ hin niyew anoꞌjbal tak chi ma̱ban tak chꞌukuj wach kꞌoric china̱ jenoꞌ chic awas acha̱kꞌ tak aj niminel on ma̱coj tak rimahc ruꞌum reh ricapew-bal, chacana̱ꞌ tak chi reꞌ ok Dios chꞌukbok wach kꞌoric china̱ on kꞌorok reh wi wilic rimahc jenoꞌ hab wach.
28383	ROM 15:12	Jeꞌ woꞌ chic, chipam i hu̱j reꞌreꞌ jeꞌ woꞌ wili xitzꞌihmbaj i maꞌ Isayi̱yas: “Chawach johtok hat-tak maꞌ reꞌ ta ra̱ꞌ riꞌsil cho maꞌ Israhel wilic jenaj kꞌi̱j nok jenaj ra̱ꞌ riꞌsil cho maꞌ Isayih naructic chi cꞌamol be̱h. Reꞌreꞌ narikꞌatam kꞌoric chana̱ tak eh chiri̱j aj reꞌ ruꞌ na̱chꞌica̱b acꞌux hat-tak, nqui xitzꞌihmbaj.
28501	1CO 3:23	Jeꞌ aj reꞌ kꞌuruꞌ reꞌ hat-tak, hat-tak chic reh i Jesus reꞌ Pahbamaj chi Kꞌatal Kꞌoric eh jeꞌ ricab chi reꞌreꞌ wilic rajawric chana̱ tak, china̱ ruꞌ reꞌ woꞌ Dios wilic cho rajawric.
28529	1CO 5:7	Reh chi maꞌeta ncꞌuluric chi jeꞌ reꞌ chaxilac tak, chaꞌn tak jeꞌ ricab naꞌn tak chipam i ninkꞌi̱j Pa̱scuwa ribihnal nanatikꞌa̱ꞌ tak i caxlan wiꞌc maꞌ sipsimaj ta wach. Pe̱t, nawesaj tak lok chiꞌnchel ikꞌo̱m reꞌreꞌ, rehtalil chi maꞌ wilic ta jenoꞌ aj mahc chaxilac tak. Chiri̱j reꞌreꞌ, toco̱m chic caxlan wiꞌc natikꞌa̱ꞌ tak reꞌ maꞌ cojo̱j ta chipam ikꞌo̱m sipsbal wach. Jeꞌ woꞌ reꞌ chaꞌn i hat-tak, chawesaj tak lok chaxilac i cꞌahbil laj noꞌjbal noquic cho eh sak ok wach anoꞌjbal tak maj reꞌ Jesus reꞌ Pahbamaj chi Kꞌatal Kꞌoric xquimic chiki̱j chi cuybal reh kamahc. Reꞌ aj i quimic xicꞌul i Jesus no̱j riban jenaj wach chꞌi̱l jeꞌ ricab xcꞌuluric cho najtir kꞌi̱j ar Eji̱pto nok reꞌ take kich ra̱ꞌ riꞌsil cho maꞌ Israhel xquiyew chi cansjic i me̱ꞌ pan quijelow-bal chi cuybal reh quimahc.
28610	1CO 9:2	Coric ruꞌ wilic take toco̱m chic cꞌacharel nquicapaj chi maꞌ hin ta pahbamaj chi raj kꞌoro̱l i Dios xa reꞌ laꞌ chawach hat-tak, reꞌ hin til jeꞌ woꞌ reꞌ niwi̱ꞌ. Haj wilic ncꞌutunic wi̱ꞌ reꞌreꞌ? Ru̱cꞌ i niminic xaꞌn hat-tak naxnikꞌor aweh tak i cꞌuhbal chiri̱j ribiral i Lokꞌ laj Ajabe̱s Jesus.
28632	1CO 9:24	Jeꞌ reꞌ kꞌuruꞌ chacoj tak rehtal i rehtalil nanikꞌorom wili chiqui̱j take cꞌacharel reꞌ nquipaj qui̱b chi ajamanic chipam i jenaj yeꞌa̱b pajbal i̱b reh ajamanic. Reꞌ hat-tak awehtꞌalim tak chi qꞌuihal take quiꞌoquic chi pajoj i̱b xa reꞌ laꞌ xa jenaj woꞌ ti nehchenic reh i si̱ nariban canar i pajoj i̱b. Jeꞌ woꞌ reꞌ chaꞌn hat-tak, reh chi enacꞌul tak i co̱ch ra̱j woꞌ riyeb aweh tak i Dios chayew acꞌux tak chi ribanaric haj wilic take noꞌjbal ra̱j ruꞌ chi na̱banam tak.
28664	1CO 10:29	Jeꞌ reꞌ ajic nok cꞌahchiꞌ nikꞌoric chiri̱j i capew-bal wili, maꞌ xa cꞌahchiꞌ ta nikꞌoric chiri̱j acapew-bal hat-tak, til cꞌahchiꞌ laꞌ woꞌ nikꞌoric chiri̱j ricapew-bal awas acha̱kꞌ tak aj niminel chi maꞌ eta nayoj tak ricꞌux. Til pa ricorquil, maꞌ ricꞌul ta nak chi enipit ribanaric jenoꞌ paꞌ bih nicapaj ribanaric xa ruꞌum chi reꞌ jenaj wich aj niminel ericapaj chi maꞌ holohic ta cꞌahchiꞌqui̱n xa reꞌ laꞌ ruꞌ curman chi jeꞌ reꞌ naribanaric.
28764	1CO 14:18	Reꞌ hin kꞌe̱ꞌ nitioxej reh Dios chi reꞌreꞌ xiyew wi̱n chi qꞌuihleh wach kꞌoric quinchol wi̱ꞌ kꞌoric chiwach i tichol tak wi̱ꞌ hat-tak,
28770	1CO 14:24	Reꞌ cok ruꞌ kakꞌor chi nanoquic cok i cꞌacharel reꞌreꞌ, xa chaklic chic chi̱ꞌ riyeꞌeric cho rikꞌormojic take cꞌuhbal riban aweh tak i kAja̱w Dios chi na̱cꞌulum tak chi queh ritinami̱t, chaj nak bih encꞌuluric? Til pa ricorquil, reꞌreꞌ til enak nchꞌuk ricꞌux ru̱cꞌ take kꞌoric enaꞌn tak maj ruꞌum reh akꞌorbal tak reꞌ nayew chawunchelal hat-tak, naricꞌuhtjic reh ruꞌum i Dios chi pan mahc wilic eh chi ruꞌum reꞌ nariyeꞌeric cho tiꞌcꞌaxic chi quina̱ wi maꞌ xipahkaj ta ricuybal chiwach ruꞌ.
28880	2CO 1:12	Was tak nicha̱kꞌ aj niminel reh Jesus, nwa̱j nikꞌorom aweh tak chi wilic jenaj i til nyeꞌbic sukquil kacꞌux i hoj eh reꞌ ricorquilal, reꞌ i wili: Reꞌ ka̱mna ricapaj cho eh rikꞌor keh chi reꞌ Dios xiban chi reꞌ hoj cꞌahchiꞌ kacꞌacharic chi quixilac take tinamit ayuꞌ wach acꞌal ru̱cꞌ jenaj sak wach capew-bal, ru̱cꞌ jenaj chꞌublic wach noꞌjbal eh jeꞌ woꞌ pa ricorquil laj cꞌacharic wilco̱j. Reꞌ nikꞌor reꞌreꞌ til coric maj til awu̱cꞌ hat-tak xcꞌutunic wach chi jeꞌ reꞌ kanoꞌjbal eh chi reꞌ hoj maꞌ reꞌ ta nchel ru̱cꞌ xa tikꞌimaj wach noꞌjbal xojcꞌacharic ru̱cꞌ sakil wach noꞌjbal. Maꞌxta! Jeꞌ laꞌ reꞌ cꞌacharic xkaꞌn ruꞌum reh rinimal wach ratoꞌbil i Dios riyew cho chi kana̱.
28977	2CO 6:11	Yuꞌna was nicha̱kꞌ reꞌ ticꞌacharic tak ar Cori̱nto til pa ricorquil reꞌ hoj maꞌxta bih noꞌjbal xkamukꞌa̱ꞌ ta nak na̱ chawach hat-tak, chiꞌnchel laꞌ xkasakomej wach aweh tak ruꞌum chi reꞌ hat-tak kꞌe̱ꞌ tiꞌ tikicꞌraj tak.
28989	2CO 7:5	Jeꞌ reꞌ kꞌuruꞌ reꞌ tiꞌcꞌaxic xa hoj woꞌ ritahkem maj naxojwihꞌic cho ar pa riyukꞌul i Masero̱nya maꞌ xkarak ta nechꞌ ok hiꞌlbal keh yohbal laꞌ wach take kacꞌaxquilal xwihꞌic chi kana̱ ruꞌum chi xa haj reh yukꞌul reꞌreꞌ xkacꞌul quikꞌorbal take xquikꞌihtaj qui̱b chiwach kakꞌorbal eh pan ka̱mna xoquic woꞌ cho kayoꞌjic ruꞌum chi maꞌ kehtꞌalim ta nak nicꞌ wach wilca̱t hat-tak,
29006	2CO 8:6	Ruꞌum aj woꞌ chi jeꞌ reꞌ xcaꞌn take kich aj niminel reꞌreꞌ, reꞌ hoj xkacapaj chi kꞌe̱ꞌ tare̱t chi reꞌ take toco̱m chic aj niminel jeꞌ ricab hat-tak, ewoꞌ ncaꞌn queh i toꞌbonic xcaꞌn reꞌreꞌ. Ruꞌum aj reꞌ xkapahkaj reh i kich aj niminel Ti̱to chi naricohlam wach rimoloric i ato̱b laj toꞌbonic chaxilac tak reꞌ xipꞌut woꞌ nak rimoloric cho wach chi toꞌbal queh take kas kacha̱kꞌ aj niminel.
29055	2CO 10:16	Jeꞌ reꞌ ajic reꞌ kacamaj i hoj narojic lok wach cu junkꞌat je atinamital hat-tak, reꞌ cok ruꞌ nakicꞌram ki̱b chi maꞌ eta nkaqꞌuihsaj ki̱b chi rikꞌormojic lok chi reꞌ hoj xojbanic reh jenoꞌ camanic ribanam chic lok jenoꞌ hab wach yeꞌo̱j chiri̱j chi naribanaric i camanic reꞌreꞌ.
29067	2CO 11:10	Ru̱cꞌ i coric ricoj pan wa̱mna i Jesus reꞌ Pahbamaj chi Kꞌatal Kꞌoric, reꞌ hin nikꞌor aweh tak chi xa reꞌ cok wi reꞌ Dios maꞌ toco̱m chic noꞌjbal ericoj pa nicapew-bal, reꞌ hin ar chipam take riyukꞌul i Aca̱ya maꞌxta bih enpitbic wi̱n chi riqꞌuihsjic soꞌ wi̱b reꞌ maꞌ jancꞌal ta niyeb kꞌab chi ricꞌuluric soꞌ nitoꞌbal awu̱cꞌ.
29236	GAL 5:7	Reꞌ hat-tak, ta nak re̱t behic cꞌahchiꞌca̱t tak chipam coric laj rinimjic i Jesus xa reꞌ laꞌ yuꞌna, nibiraj aweh tak i wili: Hab wach xkꞌetbic pan abe̱h tak chi xacana̱ꞌ tak ricꞌamaric na̱ i coric laj cꞌuhbal xnikꞌor aweh tak?
29242	GAL 5:13	Was tak nicha̱kꞌ aj niminel reꞌ hat-tak, hat-tak chic racꞌu̱n rixkꞌu̱n i Dios yuꞌna maj reꞌ Dios xatriyukꞌej woꞌ tak cho reh chi na̱cꞌacharic tak chi maꞌ reꞌ ta chic i Cꞌuhbal Yeꞌo̱j reh Moyses wilic rajawric chana̱ tak. Reꞌ cok ruꞌ, ru̱cꞌ i xikꞌor reꞌreꞌ ma̱capaj tak chi yuꞌna chi xa yeꞌo̱j chic kꞌab aweh tak chi ribanaric i paꞌ bih maꞌ holohic ta rotowej cho atiꞌjolal tak. Maꞌxta, reꞌ laꞌ chaꞌn tak ticꞌacharok tak ru̱cꞌ jenaj cꞌaxoj i̱b chi awibil awi̱b tak.
29271	GAL 6:16	Jeꞌ reꞌ kꞌuruꞌ reꞌ hat-tak reꞌ cꞌacharic chic naꞌn tak jeꞌ ricab rikꞌor i kꞌoric xnikꞌor lok wili, reꞌ ok i sukquil cꞌuxlis chꞌi̱l i riquetelbal i Dios wihꞌok chana̱ hat-tak, reꞌ hat-tak chic yukꞌumaj chi racꞌu̱n rixkꞌu̱n i Dios jeꞌ ricab nok wilque̱b woꞌ take ra̱ꞌ riꞌsil cho maꞌ Israhel.
29374	EPH 5:3	Jeꞌ woꞌ, ruꞌum chi reꞌ hat-tak, hat-tak chic racꞌu̱n rixkꞌu̱n i Dios, maꞌxta bih aweh tak chi enelic cho abiral tak chi cꞌahchiꞌca̱t tak chi ribanaric take wili: Reꞌ take ribanaric xa chiꞌnchel wach cꞌoyomal chꞌi̱l ribanaric take yibel wach noꞌjbal eh chꞌi̱l woꞌ cꞌaxo̱j tak wach bihomal.
29473	PHP 2:15	Wi xaꞌn tak jeꞌ ricab xnikꞌor aweh tak, na̱cꞌacharic tak chi maꞌxta jenoꞌ mahc chana̱ tak eh chi jeꞌ reꞌ maꞌxta riwihꞌic kꞌilo̱j chana̱ tak, jeꞌ laꞌ woꞌ naricꞌuhtunic chi reꞌ hat-tak, hat-tak racꞌu̱n rixkꞌu̱n i Dios. Reꞌreꞌ riwi̱ꞌ chi cꞌahchiꞌ acꞌacharic tak chi maꞌ chꞌuwaꞌrsamaj ta nechꞌ ok wach anoꞌjbal tak chi quixilac take cꞌacharel quicꞌacharic chiwach take kꞌi̱j yuꞌna. Chi quixilac take cꞌacharel reꞌreꞌ, wilic take maꞌ holohic ta quinoꞌjbal nquicꞌuhtaj lok eh ar ncꞌutunic chi maꞌ holohic ta quibanic. Chi quiwach aj take cꞌacharel reꞌreꞌ kꞌuruꞌ na̱cꞌuhtam woꞌ tak lok riholonquilal anoꞌjbal tak chi manlic jeꞌ ricab nok ncꞌuhtunic cho quisakomil take chꞌimi̱l pa rikꞌekomil akꞌab.
29526	PHP 4:17	Jeꞌ reꞌ was tak nicha̱kꞌ aj niminel, reꞌ hin kꞌe̱ꞌ nsukbic i wa̱mna ru̱cꞌ take asi̱ xayew tak cho wi̱n reꞌ cok ruꞌ reꞌ hin maꞌ cꞌahchiꞌ ta nikꞌorom reꞌreꞌ ruꞌum chi nwa̱j ta nak chi reꞌ hat-tak xa eli̱c woꞌ na̱yeb tak cho nisi̱. Maꞌxta! Haj cok wilic til nwa̱j chawi̱j hat-tak, reꞌ chi reꞌ Dios eriyew cho rinimal ricuseꞌsbal chana̱ tak eh chi wilic ok toco̱m chic cꞌaxoj chaxilac hat-tak jeꞌ ricab abanam tak cho wi̱n.
29571	COL 2:10	Ruꞌum aj reꞌ manlic chic wach anoꞌjbal hat-tak, maꞌxta chic bih ra̱j mahsjic reh ruꞌum nok wilca̱t tak chic chi riꞌsil ro̱k kꞌab i Jesus reꞌ til wilic woꞌ rajawric chi quina̱ chiꞌnchel nicꞌ nimal take uxlabal wilic quiwaꞌric quilokꞌil.
29589	COL 3:5	Jeꞌ reꞌ kꞌuruꞌ ruꞌum nok chi riꞌsil chic rajawric i Jesus cꞌacharic naꞌn tak, til nikꞌor je aweh chi chawesaj tak lok chiri̱j acꞌux cꞌahbil laj noꞌjbal jeꞌ ricab take wili: Reꞌ cꞌoyomal, reꞌ chꞌuwaꞌrsanic i̱b ru̱cꞌ cꞌahbil laj capew-bal, reꞌ suksunic i̱b ru̱cꞌ ribanaric on ricꞌaxaric wach take ra̱j maꞌ ra̱j banaric, reꞌ ribanaric i chaj bih ricꞌax wach katiꞌjolal, chꞌi̱l woꞌ i ricꞌaxaric wach bihomal reꞌ no̱j cahnok chi jeꞌ na ricab i mahc chi lokꞌonic tiyo̱x maj maꞌ reꞌ ta chic chiri̱j i Dios wilic ca̱mna.
29647	1TH 2:10	Jeꞌ reꞌ ajic was tak nicha̱kꞌ aj niminel, reꞌ ta hat-tak chꞌi̱l woꞌ i Dios til awehtꞌalim tak chi coric chi reꞌ hoj naxojwihꞌic cho chaxilac hat-tak aj niminel, xojcꞌacharic cho ru̱cꞌ risakil wach kacapew-bal, ru̱cꞌ ricorquilal wach kacꞌux, jeꞌ woꞌ chi maꞌxta jenoꞌ kꞌoric chiki̱j ru̱cꞌ i camanic xiyew keh i kAja̱w Dios.
29711	1TH 5:23	Chiri̱j chic take pahkanic xniban je aweh tak, reꞌ wili niti̱j niban je chawi̱j tak: Reꞌ ta nak i Dios reꞌ yeꞌol sukquil kacꞌux i hoj aj niminel, chicꞌol ta nak acꞌacharic tak chiwach i mahc cu rehtal riban chi chiꞌnchel acꞌacharic, reꞌ acapew-bal, reꞌ awa̱mna chꞌi̱l atiꞌjolal abakil tak, xa tzꞌiro̱j ta nak chic wach chiwach. Jeꞌ reꞌ ti̱j niban reh nok chi nacꞌolok woꞌ chic lok i Lokꞌ laj Ajabe̱s Jesus reꞌ Pahbamaj chi Kꞌatal Kꞌoric, maꞌxta ok bih etikꞌilmijic tak wi̱ꞌ.
29845	1TI 5:15	Jeꞌ reꞌ kꞌuruꞌ tare̱t chi queh take ixok reꞌreꞌ chi nacaꞌnam woꞌ chic caxa̱ra reh chi maꞌ hab ta wach queh take erikꞌeb ri̱b pan cꞌahbilal. Jeꞌ reꞌ nikꞌor maj wilic ixok jeꞌ ru̱cꞌ camnak chic je quibahi̱l xquicana̱ꞌ rinimjic i Jesus ruꞌum chi reꞌ chic i paꞌ bih noꞌjbal ricoj cho aj Yahm pan quicapew-bal, reꞌ chic reꞌ nquicꞌam na̱.
29887	2TI 1:11	Jeꞌ aj reꞌ ruꞌum chi reꞌ ribiral ructic i Jesus nsakomonic pan kacapew-bal, reꞌ Dios xiripahba̱ꞌ chi aj kꞌorol riCꞌuhbal chi nawojic cu̱cꞌ take maꞌ reꞌ ta ra̱ꞌ riꞌsil cho maꞌ Israhel eh chi quixilac take reꞌ, reꞌ hin niban nicamaj chi aj kꞌoro̱l jeꞌ woꞌ chi aj cꞌuhtunel reh ribiral ructic i Jesus.
29993	TIT 3:3	Jeꞌ woꞌ, chakꞌor woꞌ queh chi maꞌ niqꞌuic pan quicꞌux chi jeꞌ ricab nok wilque̱b take cꞌacharel yuꞌna chi maꞌ nquibiraj ta kꞌoric chiwach i Dios, reꞌ hoj chiꞌnchel aj niminel jeꞌ woꞌ nak cho reꞌ riwi̱ꞌ kacꞌacharic najtir cho kꞌi̱j. Jeꞌ reꞌ nikꞌor maj maꞌxta nak cho kanoꞌjbal chi risiqꞌuiric ri̱j i coric, nkakꞌihtaj nak cho ki̱b chiwach i Dios, hoj nak cho sahchel chipam ricꞌahbilal kanoꞌjbal eh chukulco̱j nak cho chi ribanaric xa rehreh wach yibel wach noꞌjbal nkacꞌax wach ribanaric. Til coric, reꞌ hoj xojcꞌacharic cho chi xa chiri̱j nak chic i cꞌahbilal wilic kacapew-bal, jeꞌ woꞌ xa tiꞌ chic kacꞌux chiqui̱j take suk wilque̱b chi kawach eh xa na̱ ruꞌ, ruꞌum nok nkixowej quiwach take toco̱m jeꞌ woꞌ chic reꞌ ncaꞌn keh ruꞌ.
30216	HEB 10:16	“Hat-tak ra̱ꞌ riꞌsil cho maꞌ Israhel, jeꞌ wili rikꞌor i Ajabe̱s Dios: ‘Chawach tak johtok wilic jenaj kꞌi̱j nok reꞌ hin nanibanam awu̱cꞌ tak jenaj acꞌ laj tikꞌinic. Reꞌ tikꞌinic reꞌreꞌ, reꞌ i wili: Jeꞌ ricab nok reꞌ Cꞌuhbal Yeꞌo̱j reh Moyses xtzꞌihmjic chiwach jenaj hu̱j, jeꞌ woꞌ reꞌ i hin ar chic pan awa̱mna acapew-bal tak nanibanam chi nariwihꞌic take takꞌanic niban reh chi enrakmajic chiri̱j eh reh woꞌ chi en-nimjic, nqui i Dios, nqui xitzꞌihmbaj.