13944	PSA 1:1	MEID pai ol o, me sota alialu ni padak en me doo sang Kot akan, o me so duki ong me dipan akan, o me so mondi ren me malaun akan,
13947	PSA 1:4	Me doo sang Kot akan sota kin dueta, a re rasong dip me ang kin iririp sili.
13948	PSA 1:5	I me doo sang Kot akan sota pan pwai kida nan kadeik, o me dipan akan nan momod en me pung kan.
13949	PSA 1:6	Pwe Ieowa kotin mangi al en me pung kan; a al en ir, me doo sang Kot akan, pan soredi.
13952	PSA 2:3	Kitail en kawela ara men saliedi o kase sang kitail ara sal akan!
13953	PSA 2:4	A me kotikot nanlang, kotin kiparamateki, o Kaun o kotin mamale kin irail.
13956	PSA 2:7	A ngai pan padaki wei duen aude pan kapung en Ieowa! A kotin masani ong ia er: Koe nai Ol, ran wet I kaipwi uk adar!
13958	PSA 2:9	Koe pan kawe irail ekidi sokon mata, o kamor irail pasang rasong dal akan.
13964	PSA 3:3	Me toto kin inda duen ngen i, me dene sota sauas pa i ren Kot. Sela.
13969	PSA 3:8	Kom kotida Maing, Ieowa o sauasa ia, ai Kot! Pwe kom kotin pikir ai imwintiti karos, o kawelar ngi en me sapung kan.
13970	PSA 3:9	Ieowa me sauas patail. Kom kotin kamauiada sapwilim omui aramas akan! Sela.
13972	PSA 4:2	KOT kapung pa i, kom kotin mangi ia ni ai likelikwir. Pwe kom kin kotin kamait ia la ni ai ansau apwal. Kom kotin maki ong ia o mangi ai kapakap.
13973	PSA 4:3	Komail saumas akan! Arai da mar ai pan susued? Arai da omail pok ong me mal kot, o omail perenki likam? Sela.
13974	PSA 4:4	Komail lolekongala, ap asa, me Ieowa kotin piladar sapwilim a lelapok o. Ieowa kin kotin mangi ia ni ai likelikwir ong i.
13975	PSA 4:5	Ni omail makar, komail der wia dip. Komail madamadauaki mongiong omail ni omail wendi pon los o ap auiaui. Sela.
13976	PSA 4:6	Komail mairongki mairong pung o liki Ieowa.
13978	PSA 4:8	Komui kotin kaperenda mongiong i laud sang ansaun arail wain o korn me toto.
13982	PSA 5:3	O kotin mangi ai likelikwir, ai Nanmarki o ai Kot, pwe i pan potoan kapakap ong komui.
13984	PSA 5:5	Pwe komui kaidin Kot amen, me kin mauki tiak sapung, me morsued sota pan mimieta mo ’mui.
13986	PSA 5:7	Kom pan kotin kamela me likam kan; Ieowa kin kotin tataki me kamela o kotaue aramas akan.
13989	PSA 5:10	Pwe sota me melel kot ni au arail; o lol arail rokeki kaopa. Kapinwor arail rasong sousou me so ser pena; o re kin aksansale mauki lo arail.
13990	PSA 5:11	Kom kotin kadeik irail da, Maing Kot, pwe ren pup kidi pein arail inong. Sikin ir wei, pweki arail dip lapalap, pwe re kin kangudi ong komui.
13991	PSA 5:12	Karos, me liki komui ap pan peren kida, re pan pereperen kokolata, pwe kom kin kotin sinsila irail. Irail pan pereperen, me kin pok ong mar omui.
13992	PSA 5:13	Pwe komui Maing kin kapaiada me pung kan. Komui kin kotin nekid ir ala ki omui kalangan dueta pere eu.
13997	PSA 6:5	Maing, kom kotin saupei dong ia, dorela ngen i. Kom kotin sauasa ia ni omui kalangan!
14001	PSA 6:9	Komail aramas morsued akan karos kaiwei sang ia, pwe Ieowa kotin mangi ai sangesang.
14005	PSA 7:2	MAING, i kin liki komui Ieowa, ai Kot. Kom kotin sauasa ia ong ai imwintiti kan karos, o kotin dore ia la,
14007	PSA 7:4	Maing, ai Kot, ma i wiadar mepukat, o ma pa i kat wiadar sapung,
14013	PSA 7:10	Re kotin kadukiedi mesued en me doo sang Kot akan, ap kotin katengedi me pung kan. Pwe komui Kot pung, kin kotin kasaui mongiong o mudilik kan.
14014	PSA 7:11	Kot iei pere pa i, me kin kotin sauasa me melel ni mongiong arail.
14015	PSA 7:12	Kot saunkapung pung amen, me kotin ongiongada ni ran karos.
14018	PSA 7:15	Kilang, a lamelam me dir en sued, a lisenaneki men kaokaoe o pan naitikedi likam.
14023	PSA 8:2	MAING at Kaun, mar omui meid lingan nan sap karos! Irail kin kapinga komui nanlang!
14028	PSA 8:7	Re kasapwiladanger i wiawia en lim omui kan. Kom kotin kaloedier karos pan nä a kan:
14031	PSA 8:10	Ieowa at Kaun, mar omui meid lingan nan sap karos!
14036	PSA 9:5	Pwe re kotin apwali ia ni ai pung o ai dodok. Komui kaipokedi pon mol omui duen saunkapung pung amen.
14037	PSA 9:6	Kom kotin kapung ong men liki kan o kotin kamela me sapung kan, kom kotin kawelar mar arail kokolata.
14038	PSA 9:7	Imwintiti o soredier, a namenokalar melel. Komui kotin wuketedi kanim akan; o solar, me pan taman irail ada o tou ar akan.
14043	PSA 9:12	Kauleki Ieowa, me kin kaunda nan Sion. Komail padaki ong wei kan a wiawia!
14049	PSA 9:18	Me sapung kan en lokidokila nan wasan mela, o men liki kan karos, me kin monokela Kot.
14056	PSA 10:4	Me sapung o kin lamelame ni a aklapalap, me a sota kotin mangi duen mepukat. Ni song en a tiak sued karos, a kin lamelame me sota Kot.
14063	PSA 10:11	A kin indinda nan mongiong i: Kot pan monokela, a kin karirila silang i, a sota man mangi.
14064	PSA 10:12	Re kotida Maing Kot, kotin pokada lim ar, kom der kotin maliela me luet akan.
14065	PSA 10:13	Menda me doo sang Kot o kin mamaleki Kot, o a kin indinda nan mongiong i, me dene kom sota pan kotin mangi.
14067	PSA 10:15	Kom kotin katip pasang pa en me sapung o, o kotin depuk ong mesued o a tiak sued lao solar pan diarokada.
14071	PSA 11:1	I LIKI Ieowa, a menda komail indang ngen i: Piridalang pon omail nana dueta manpir amen?
14072	PSA 11:2	Pwe kilang, me doo sang Kot akan kaonopadar kasik katieu o pwilikidi ar kanang en kasik katieu pon sal o, pwen rir kasikiedi me melel ni mongiong arail.
14076	PSA 11:6	A pan kotin kamoredi ong me doo sang Kot akan liol, o kisiniai, o swepel, o a pan katinge kin irail melimel.
14085	PSA 12:8	Komui Maing, pan kotin pera irail, o sinsila mon di wet kokolata.
14090	PSA 13:4	Maing ai Kot, kom kotin masan dong ia o sapeng ia. Kom kotin kamaraini mas ai, pwe i ender mela.
14093	PSA 14:1	ME pweipwei o kin indinda nan mongiong i: Sota Kot. Sota katepa ’rail, o arail tiak meid sued; sota amen mia, me kin wia me mau.
14094	PSA 14:2	Ieowa kin irerong aramas akan sang nanlang, pwen masani, ma amen mia, me lolekong o rapaki Kot.
14097	PSA 14:5	I wasa re kin masak, pwe Kot kotikot ren kadaudok en me pung kan.
14098	PSA 14:6	Komail kin kawela inong en me luet; aki Ieowa, me a kin kaporoporeki.
14105	PSA 16:1	MAING Kot, kom kotin sinsila ia, pwe i liki komui.
14106	PSA 16:2	Ngai potoan ong Ieowa: Komui ta ai Kaun, sota eu pai, me i asa, pwe komui eta.
14109	PSA 16:5	A Ieowa ai pai o ai peren; Komui kin kolekol ai soso.
14115	PSA 16:11	Kom kin kotin kaasa kin ia al maur; peren lapalap mi mon silang omui, o meid lingan ni pali maun en lim omui kokolata.
14118	PSA 17:3	Kom kotin kasaui mongiong i ni pong, o komui kotin sosong ia, ap sota me kom kotin diar. I inaukidi, me i sota pan sapung ni ai lokaia.
14121	PSA 17:6	I likwiri ong komui, Maing Kot, kom kotin mangi ia, o kapaike dong ia karong omui, o kotin ereki ai kapakap.
14122	PSA 17:7	Kom kotin kasaleda omui kalangan kapuriamui, pwe pali maun omui sauas pan ir, me kin liki komui, ong ir me palian ir.
14132	PSA 18:2	I KIN pok ong komui Maing, ai kel.
14133	PSA 18:3	Ieowa ai paip, ai kel, ai saundor ai Kot, ai paipalap, me i kin liki, pere pa i, menkamaur pa i o sile pa i!
14137	PSA 18:7	Ni ai masak i likwir ong Ieowa o weriwer ong ai Kot; I ap kotin ereki ngil ai sang nan tanpas a, o ai likwir lel ong karong a kan.
14141	PSA 18:11	O a kotikot pon Kerup amen o kotin pirwei, o a kotin dake pa en ang.
14152	PSA 18:22	Pwe i kin weweid nani al en Ieowa, o i sota kin katiwo ong ai Kot.
14156	PSA 18:26	Komui me kalangan ong me mau kan, o lelapok ong me lelapok kan,
14159	PSA 18:29	Pwe kom kin kotin kamaraini ai lamp, Ieowa ai Kot kin kamaraini ai rotorot.
14160	PSA 18:30	Pwe ni ai iang komui i kak kaloedi karis en saunpei kan, o ni ai iang ai Kot, i kak luswei pon kel takai.
14161	PSA 18:31	Al en Kot me unsokala; masan en Ieowa me makelekel. I pere pan karos, me liki i.
14162	PSA 18:32	Pwe ia amen Kot impan Ieowa, de ia paip eu impan atail Kot?
14163	PSA 18:33	Iei Kot, me kotin aude kin ia manaman, o kaunsokala al ai.
14166	PSA 18:36	Kom kotiki ong ia pere pan maur omui, o lim omui pali maun kamana ia da, o omui opampap me kasapwil ia da.
14167	PSA 18:37	Kom kotin kaonopadar al, me i pan weweid ia, pwe nä i kan ender krisedi.
14170	PSA 18:40	Kom kak kamana kin ia omui manaman ong ni pei; Kom kak kasedi ong pan nä i kan karos me palian ia.
14171	PSA 18:41	Kom kin kotin kaloedi ong ia ai imwintiti kan, pwen kawela, me kailong kin ia.
14174	PSA 18:44	Kom kin kotin dore ia sang ren akamai en aramas, o kom kotin kasapwil ia dang men liki kan; o wei eu me i sasa kin upa ong ia.
14177	PSA 18:47	Ieowa kotin ieias; kaping ong ai paipalap; o kaping ong Kot ai saundor.
14178	PSA 18:48	Kot me kotin depuk ong ai imwintiti kan, o a kotin kaloedi ong ia ai imwintiti kan;
14179	PSA 18:49	Kom kotin dore ia la sang ai imwintiti kan, o kom kotin kasapwil ia dang ir, me palian ia. Kom kin kotin sauasa ia ong me morsued ong ia.
14181	PSA 18:51	Komui me kotin kamaurada melel sapwilim a nanmarki o a kotin sauasa mau sapwilim a Dawid keiedier o kadaudok a kokolata.
14183	PSA 19:2	LANG pokon kin kasokasoi duen lingan en Kot o aude pan lang kin katitiki dodok en lim a kan.
14189	PSA 19:8	Kapung en Ieowa me unsok o kin kainsenemauiala ngen en aramas akan. Kadede en Ieowa me melel o kin kalolekongla me lolepon.
14190	PSA 19:9	Kusoned en Ieowa me pung o kin kaperenda mongiong en aramas. Kusoned en Ieowa me makelekel o kamarainiada mas en aramas.
14194	PSA 19:13	Is me kak asa duen toto en a sapung? Kom kotin lapwada dip ai me rir akan.
14196	PSA 19:15	Kom kotin kupura kaparok en au ai o lokolokaia en mongiong i mo ’mui, Ieowa ai paipalap o ai saundor.
14198	PSA 20:2	IEOWA en kotin mangi om kapakap ni ran apwal o; mar en Kot en Iakop en pera uk!
14202	PSA 20:6	Se pan ngisingiski omui sauasa kit, o ni mar en atail Kot kit pan kida at plak. Ieowa en kotin kapwaiada om poekipoek karos!
14204	PSA 20:8	Mo kan kin kaporoporeki war o os akan; a kit kin keleki mar en Ieowa atail Kot.
14209	PSA 21:3	Kom kotiki ong i, me mongiong i inong iong, o kom sota kin sopeiwei sang, me kilin aua poekipoki. Sela.
14212	PSA 21:6	A lingan me lapalap ki omui kotin sauasa i. Kom kin kotin kapwataki i manaman o lingan.
14213	PSA 21:7	Kom kotin kasapwilada i, pwen wia kamau men kokolata; kom kaperenda i mon silang omui.