13951	PSA 2:2	Nanmarki en sappa kan kin kangudi o saupeidi kan kapukapung pena, en kaokaoe dodok en Ieowa o Sapwilim a me keidier.
13955	PSA 2:6	A ngai kasapwilada ai Nanmarki pon dol en Sion saraui.
13975	PSA 4:5	Ni omail makar, komail der wia dip. Komail madamadauaki mongiong omail ni omail wendi pon los o ap auiaui. Sela.
13982	PSA 5:3	O kotin mangi ai likelikwir, ai Nanmarki o ai Kot, pwe i pan potoan kapakap ong komui.
13994	PSA 6:2	MAING, kom der kotin kaloke kin ia omui ongiong, o der kame kin ia omui ongiong lapala!
14005	PSA 7:2	MAING, i kin liki komui Ieowa, ai Kot. Kom kotin sauasa ia ong ai imwintiti kan karos, o kotin dore ia la,
14023	PSA 8:2	MAING at Kaun, mar omui meid lingan nan sap karos! Irail kin kapinga komui nanlang!
14033	PSA 9:2	I MEN kapinga Ieowa sang nan mongiong i meler, o kasokasoiia duen sapwilim omui dodok kapuriamui kan karos.
14053	PSA 10:1	MAING, da me kom kotin doo sang ia, o da me kom kotin rir sang ia ni ansau apwal?
14056	PSA 10:4	Me sapung o kin lamelame ni a aklapalap, me a sota kotin mangi duen mepukat. Ni song en a tiak sued karos, a kin lamelame me sota Kot.
14068	PSA 10:16	Ieowa me Nanmarki kokolata; men liki kan en nikilar sang nan sap we.
14079	PSA 12:2	MAING kom kotin sauasa, pwe me lelapok kan malaulaular, o me melel akan me malaulau ren aramas akan.
14088	PSA 13:2	MAING arai da kom pan kotin malie ia la? Arai da komui pan kotin karirila silang omui mo i?
14100	PSA 15:1	MAING, is me pan kaukauson nan tanpas omui? Is me pan mimieta pon sapwilim omui dol saraui?
14105	PSA 16:1	MAING Kot, kom kotin sinsila ia, pwe i liki komui.
14106	PSA 16:2	Ngai potoan ong Ieowa: Komui ta ai Kaun, sota eu pai, me i asa, pwe komui eta.
14116	PSA 17:1	MAING kom kotin ereki me pung o kotin mangi ai likwir o kotin kupura ai kapakap, me sota kin kowei sang nan kil en au likam eu.
14120	PSA 17:5	Ni ai alialu wei i sota muei sang nan lip en aluwilu omui, ai kakawei sota katia sang.
14132	PSA 18:2	I KIN pok ong komui Maing, ai kel.
14137	PSA 18:7	Ni ai masak i likwir ong Ieowa o weriwer ong ai Kot; I ap kotin ereki ngil ai sang nan tanpas a, o ai likwir lel ong karong a kan.
14175	PSA 18:45	Ni ar ronger, re peiki ong ia er, o nain men wai kan peikiong ia ni lingkaping.
14176	PSA 18:46	Nain men wai kan poridier o rerer o pwarado sang nan ar im kalaimun akan.
14183	PSA 19:2	LANG pokon kin kasokasoi duen lingan en Kot o aude pan lang kin katitiki dodok en lim a kan.
14208	PSA 21:2	MAING Ieowa, nanmarki o kin peren kida omui manaman, o a polauleki melel omui sauasa i!
14235	PSA 22:15	Ngai wudokilar dueta pil, ai kokon akan karos muei pasanger, o mongiong i pei pasanger nan kaped i dueta wi.
14248	PSA 22:28	Ni imwin sap karos re pan tamanda Ieowa, ap wuki ong i, o di en men liki karos pan kaudoki ong i.
14265	PSA 24:7	Komail ritingada wanim laud o langada wanim nin sappa, pwe Nammarki lingan en kotilong!
14266	PSA 24:8	Is Nanmarki lingan men et? I Ieowa roson o manaman, Ieowa me rasong nan mauin.
14267	PSA 24:9	Komail ritingada wanim laud o langada wanim nin sappa, pwe Nanmarki lingan en kotilong!
14268	PSA 24:10	Is Nanmarki lingan men et? I Ieowa Sepaot; I Nanmarki lingan. Sela.
14269	PSA 25:1	MAING, i kin inong iong komui.
14281	PSA 25:13	Ngen e pan mi wasa mau o kaudaudok a pan aneki sap o.
14302	PSA 26:12	Nä i kin aluwei pung. I pan kapinga Ieowa nan momodisou kan.
14317	PSA 28:1	MAING, ai paipalap, i lao likwir wong komui, kom der kotin sapaimokid, pwe ma re pan sapaimokid, i pan dueta ir, me pan lokidokila nan por o.
14335	PSA 29:10	Ieowa kotikot pon pil akan o Ieowa pan Nanmarki kokolata.
14351	PSA 31:2	MAING, i liki komui, kom kotin ieiang ia, pwe i ender namenokala kokolata; dore kin ia la duen omui pung.
14379	PSA 32:5	I me i weokadang komui dip ai kan, o sota okila ai sapung kan. Ngai indinda: I pan weokadang Ieowa ai katiwo kan; komui ap kotin maki ong ia sued en dip ai. Sela.
14391	PSA 33:6	Nanlang wiaui kida masan en Ieowa o audepan a karos ki ngen en silang i.
14401	PSA 33:16	Nanmarki amen sota pan pwai kida a karis toto, o ol komad amen sota pan dore kila a kelail.
14405	PSA 33:20	Ngen atail kin auiaui Ieowa, i me sauas patail o pere patail.
14409	PSA 34:2	I PAN kapinga Ieowa ansau karos; au ai pan kapinga i kokolata.
14410	PSA 34:3	Ngen i en suaiki Ieowa, me luet akan pan rong, ap peren kida.
14412	PSA 34:5	Ni ai rapaki Ieowa, a kotin sapeng ia, o dore ia la sang nan ai masak karos.
14431	PSA 35:1	MAING, kom kotin pei ong ir, me kin pei ong ia; o kotin palian ong ir, me kin u ong ia.
14433	PSA 35:3	Ngapekida katieu sauasa ia ong ai imwintiti kan. Kotin masan dong ngen i: Ngai sauas pam!
14444	PSA 35:14	Ngai wiai ong ir dueta ong kompoke pa i o udan ri ai; ngai insensued dueta amen, me kin loleitki in a.
14496	PSA 37:25	Ngai pulepul ap malar, a i saikenta kilanger me pung amen likidmalielar, de na kan poekipoeki prot.
14513	PSA 38:2	MAING, der kotin kaloke ia ni omui kupur sued, o der kame ia ni omui ongiong.
14520	PSA 38:9	Ngai luetalar melel o i wokiwok pasanger. I kin sangesang, pweki mongiong i sota kak moleilei.
14526	PSA 38:15	Ngai dueta ol amen me solar rong wasa, o sota depuk en lokaia mi nan au ai.
14536	PSA 39:2	NGAI inda: I pan kanai ong al ai kan, pwe i ender wia dip ki lo i. I pan sali pena au ai arain en me sapung o mi re i.
14556	PSA 40:8	Ngai ap inda: Kilang, I kokodo; nan puk o me intingidier duen ngai.
14571	PSA 41:5	Ngai inda: Maing, kom kotin maki ong ia; kakelada ngen i, pwe ngai wiadar dip ong komui.
14582	PSA 42:2	DUEN tia amen inong iong pil, iduen ngen i kin inong iong komui o Kot.
14583	PSA 42:3	Ngen i inong iong Kot, ong Kot ieias. Iad i pan lel wasa o, me i pan ariri silang en Kot.
14586	PSA 42:6	Ngen i, da me koe insensuedeki o sota moleileiki? Auiaui Kot! I pan purong kapinga i. Pwe a kotin sauasa kin ia silang i.
14592	PSA 42:12	Ngen i, da me koe insensuedeki o sota moleileiki? Auiaui Kot! Pwe i pan danke i, pwe i sauas pan mas ai o ai Kot.
14593	PSA 43:1	MAING Kot! Kotin sauasa ai pung, o kotin ieiang ia nan kapung ong aramas sued pukat, o kotin dore ia la sang aramas likam o morsued akan.
14597	PSA 43:5	Ngen i, da me koe insensuedeki o sota moleileiki? Auiaui Kot! Pwe i pan danke i, pwe i sauas pan mas ai o ai Kot.
14599	PSA 44:2	MAING Kot, se ronger ki salong at, sam at oko kasokasoi ong kit er, me kom kotin wiadar ni ar ansau mas.
14602	PSA 44:5	Pwe komui Kot ai Nanmarki, me inauki ong Iakop, en sauasa i.
14614	PSA 44:17	Ni ai rongerong aramas morsued o lalaue, o ni ai kilekilang ai imwintiti o me kin akdepuk kan.
14626	PSA 45:2	MONGIONG i kin wiada kaul kaselel apot; i pan kaule ki duen Nanmarki amen, lo i rasong pensil en sauninting koiok amen.
14634	PSA 45:10	Sapwilim en Nanmarki seripein ko mi nan pung en toun tanpas omui; li Nanmarki a kotikot ni pali maun omui kapwateki kold en opir.
14635	PSA 45:11	Nai seripein koe rong, o kilang, o kapaikedi salong om, o monokela sap om o sau om akan.
14636	PSA 45:12	Nanmarki ap pan peren kida mom om kaselel; pwe i om Kaun, a koe en kaudoki ong i.
14637	PSA 45:13	Nain Tirus, me kapwapa re ’rail pan wado kisakis; o ngidingid re om.
14638	PSA 45:14	Sapwilim en Nanmarki seripein, me mi lole, meid kaselel ni mongiong i, a kapwateki likau kold.
14639	PSA 45:15	A pan pakaluala ren Nanmarki ni a likau lingan o a warok peinekap akan, me idauen i, kompoke pa, pan kalua dong komui.
14640	PSA 45:16	Re pan kalua irail ki peren o ngisingis, o re kin pedelong ong nan tanpas en Nanmarki.
14641	PSA 45:17	Noumui manakap akan pan wiliandi sam omui kan; i me kom pan kasapwiladang saupeidi en sap akan karos.
14653	PSA 46:11	Komail nenenla o asada, me Ngai ta Kot. I pan kawauwi pein Ngai ren men liki kan, I pan kalinganada nin sappa.
14657	PSA 47:3	Pwe Ieowa me lapalap kaualap, a meid kalank; i Nanmarki lapalap nin sap akan karos.
14661	PSA 47:7	Kauli ong Kot psalm ko! Kaulki psalm ko! Kauli ong atail Nanmarki! Kakaul!
14662	PSA 47:8	Pwe Kot Nanmarki nan sap karos; komail kaul ki psalm ni lolekong.
14663	PSA 47:9	Kot Nanmarki en men liki kan; Kot kotikot pon mol a saraui.
14706	PSA 50:6	Nanlang pan kasaleda a pung; pwe Kot kin kotin kadeikada. Sela.
14707	PSA 50:7	Komail nai aramas akan rong, I pan padaki ong komail. Israel, I pan kaparoki ong komail: Ngai Kot, om Kot.
14726	PSA 51:3	MAING Kot, kom kotin maki ong ia duen omui kalangan, o kotin lapwada dip ai duen ar kalangan lapalap.
14736	PSA 51:13	Kom der kase ia la sang mon silang omui o der kotiki sang ia ar Ngen saraui.
14742	PSA 51:19	A iet mairong, me Kot kin kotin kupura: Ngen olar, o mongiong insensuedalar, o karakarak, iei me komui Maing Kot sota pan kotin mamaleki.
14765	PSA 54:3	MAING Kot, kom kotin sauasa ia ki mar omui, o kotin kasansaleda ai pung ki omui manaman.
14773	PSA 55:2	MAING Kot, kom kotin ereki ai kapakap, o kom der rirwei sang mon ai ngidingid.
14789	PSA 55:18	Nin sautik, o ni mansang, o nin sauas i pan sangesang o weriwer, a ap pan kotin mangi ngil ai.
14797	PSA 56:2	MAING Kot, kom kotin maki ong ia, pwe aramas akan ngiringir ong ia; re kin peipei o kamasak ia ni ran karos.
14799	PSA 56:4	Ni ai masak i kin kaporoporeki komui.
14811	PSA 57:2	MAING Kot, kom kotin maki ong ia, maki ong ia! Pwe ngen i kin kaporoporeki komui, o pan mot en lim omui i wasan ai maur, lao ansau apwal daulier.
14814	PSA 57:5	Ngen i mi nan pung en laien akan, aramas rasong umpul en kisiniai; ngi arail rasong katieu o kanangan kasik katieu, o lo arail rasong kodlas kong o.
14818	PSA 57:9	Ngen i pirida! Kaul o arp pirida! I pan pirida nin soran.
14823	PSA 58:2	IADUEN komail lotong, pwe komail sota men lokaia me pung, o komail sota men kapung nin tiak inen, komail aramas akan?
14840	PSA 59:7	Nin sautik re kin puredo ngungung dueta kidi kan, o re kin tangatang sili nan kanim o.
14848	PSA 59:15	Nin sautik re kin puredo ngungung dueta kidi kan, o re kin tangatang sili nan kanim o.
14854	PSA 60:3	MAING Kot, kom kotin kase kit alar, o kamueit kit pasanger ni omui ongiong, kom kotin pur ong kamait kit ala.
14867	PSA 61:2	MAING Kot, kom kotin ereki ai likelikwir o kotin mangi ai kapakap!
14876	PSA 62:2	NGEN i moleileilar ren Kot, me kotin sauasa ia.
14880	PSA 62:6	Ngen i, kaporoporeki Kot, pwe i kapore pa i.
14884	PSA 62:10	A aramas akan sota meakot, o me lapalap akan pil kin sapungala. Ni men tenok re kin kokoda, menda ma irail me toto.
14889	PSA 63:2	Kot komui ai Kot, nin soran i kin piridang komui. Ngen i kin inong iong komui. Pali war ai kin inong iong komui nan sap madekong o mongedi, wasa me sota pil mi ia.