4	GEN 1:4	Koht eri kupwurperenkihda lingan en maraino. E ahpw ketin katohrepeseng maraino oh rotorot,
5	GEN 1:5	oh ketikihong eden maraino, “Rahn,” a eden rotoroto, “Pwohng.” Eri, pwohngo imwiseklahr oh marain en rahn pwarodohr—iei met wadepen keieun rahn.
8	GEN 1:8	Koht eri ketikihong eden pwalango, “Lahng.” Eri, pwohngo imwiseklahr oh marain en rahn pwarodohr—iei met wadepen keriaun rahn.
11	GEN 1:11	E ahpw pil mahsanih, “Sahpw en kawosehda soangen tuhke koaros me kin kapwarehda wah laud oh wah tikitik”—eri, e ahpw pweida.
12	GEN 1:12	Eri, sahpw ahpw tapihada kawosehda soangen tuhke koaros me kin kapwarehda wah laud oh wah tikitik. Koht eri kupwurperenkihda wiepen nin lime pwukat.
13	GEN 1:13	Eri, pwohng imwiseklahr oh marain en rahn pwarodohr—iei met wadepen kesiluhn rahn.
17	GEN 1:17	E ketikidahng marain pwukat pahnlahng, pwe re en kin dakedaker sampah,
19	GEN 1:19	Eri, pwohngo imwiseklahr oh marain en rahn pwarodohr—iei met wadepen kapahieun rahn.
22	GEN 1:22	E ahpw ketin kupwuramwahwih irail koaros, mahsanih, “Kumwail koaros me momour nan pihl oh nansed, kumwail en kaparaparala oh audehla madau kan, a menpihr kan en pil tohtohla.”
23	GEN 1:23	Eri, pwohngo imwiseklahr oh marain en rahn pwarodohr—iei met wadepen kelimaun rahn.
25	GEN 1:25	Koht eri ketin wiahda soangen mahn pwukat koaros. E ahpw kupwurperenkihda wiepen nin lime pwukat.
27	GEN 1:27	Koht eri ketin wiahda aramas; e ahpw ketin wiahda aramas rasehng ih. E ketin wiahda ohl oh lih,
31	GEN 1:31	Koht eri inenen kupwurperenkihda wiepen nin lime pwukat koaros. Eri, pwohngo imwiseklahr oh marain en rahn pwarodohr—iei met wadepen keweneun rahn.
32	GEN 2:1	Eri, wiepen sampah oh pahnlahng oh audepara kan koaros ahpw imwisekla.
34	GEN 2:3	E ahpw ketin kupwuramwahwih keisuhn rahno, oh ketin kasarawihala pwe en wiahla rahn sarawi ehu, pwehki ih rahno me e ketin kaimwisekala wiepen nin lime kan oh ketin kommoaldihsang sapwellime doadoahk.
35	GEN 2:4	Ih duwen sampah eh wiawihda oh mehkoaros pahnlahng eh kepikipikda. Eri, ni ahnsou me KAUN-O Koht ketin wiahda sampah oh mehkoaros pahnlahng,
37	GEN 2:6	Eri, mehnda ma sohte keteu, ahpw pihl kin kuskusdahsang nanpwel oh kin kalakalamwur sampah pwon.
38	GEN 2:7	KAUN-O Koht eri ketikihda nesen pwehl ehu sang nanpwel oh ketin wiahkihda war ehu me mwomwen aramas. E ahpw ketikihong ni waro angin mour; ni ahnsowohte mour ahpw miehla ni paliweren aramaso.
40	GEN 2:9	E ahpw ketin kakairada soangen tuhke kaselel koaros oh soangen tuhke me wah kan kin mwahu ong tungoal. Nan werengen mwetuwelo mie tuhke riapwoat, iei tuhkehn komour oh pil tuhkehn kehsehki aramas dahme mwahu oh dahme suwed.
47	GEN 2:16	E ahpw mahsanihong, “Ke kak tungoale wahntuhke koaros me mi nan mwetuwelet,
49	GEN 2:18	KAUN-O Koht pil ketin mahsanih, “E sohte konehng aramas menet en kelekelehpw. I pahn wiahiong eh werek en wia sawasepe.”
50	GEN 2:19	Eri, Koht ahpw pil ketin wiahda sang pwehl soangen mahn akan koaros oh soangen menpihr kan koaros. E ahpw ketikihong aramaso pwe en kihong adarail. Eri, ahd akan me e kihong emenemen, iei ih me re adaneki.
51	GEN 2:20	Eri, aramaso ahpw kihong eden menpihr kan, oh mahn akan koaros; ahpw e sohte diarada emen me konehng eh werek mehn sewese.
52	GEN 2:21	Eri, KAUN-O Koht ahpw ketin kameirkelikihala aramaso, oh nindokon eh memeir, Koht ahpw ketikihsang apwoat tihnkopwouwih ko, oh ketin pwurehng kapwurepene uduk en wasao.
53	GEN 2:22	E ahpw ketin wiahda lih emen sang tihnkopwou me e ketikihsang rehn aramaso, oh ketin kahredohng aramaso.
54	GEN 2:23	Aramaso eri patohwan, “Iei met emen me rasehng iehte— tih me sang tih kat, oh uduk sang ni udukei. E pahn adaneki ‘Lih’ pwehki eh kohsang rehn ohl.”
56	GEN 2:25	Eri, ira koaros, ohlo oh liho, ira kilisou; ira ahpw sohte kin namenengki.
57	GEN 3:1	Eri, sineik ih mahn me keieu mwersuwed nanpwungen mahn akan me KAUN-O Koht ketin wiahda. E ahpw idekda rehn liho, “Mehlel apwoat me Koht ketin keinepwihsang kumwa en dehr tungoale wahntuhke kan en nan mwetuwelet?”
62	GEN 3:6	Liho eri lingankihda tuhkeo oh men tungoalehda wah ko; e ahpw lemehda kamwahupen eh pahn marainla. Ih eri dolung wahntuhkeo oh tungoale. E ahpw pil kihong eh pwoudo pwe en pil iang tungoale. Eh pwoudo ahpw pil iang tungoale.
72	GEN 3:16	E ahpw pil mahsanihong liho, “I pahn katohtowehla omw apwal kan ni omw pahn kin liseian, oh kalaudehla omw medek en neitik, ahpw ke pahn kin ininangihete omw pwoud, oh ih me pahn kin kaunuhkada.”
73	GEN 3:17	E ahpw pil mahsanihong ohlo, “Pwehki omw dukiong omw pwoudo oh tungoalehda wahntuhke me I keinepwihsang uhko, pwehki soahng wet me ke wiadahr, pwelin sampah pahn rialahr. Ke pahn doadoahk laud erein omw mour, pwe pwelin sampah en kawosada kisin mwenge me pahn itarohng uhk.
74	GEN 3:18	E pahn kawosada dihpw tekatek oh reh, oh ke pahn kin tungoale wahntuhkehn nanwel kan.
78	GEN 3:22	KAUN-O Koht eri mahsanih, “Met aramas menet duwelahr emen kiht, pwehki eh esedahr dahme mwahu oh dahme suwed. E sohte pahn mweimweiong en tungoale wahntuhkehn komour oh en ahneki mour poatopoat.”
82	GEN 4:2	Mwuri, e ahpw naitikihada pil emen pwutak, Eipel. Eipel eri wiahla sounsilepen sihpw, a Kain wia ohl en sapwasapw men.
84	GEN 4:4	A mwuri, Eipel ahpw kihda mesenihen nah sihpw akan oh kemehla, pwe en meirongkihong KAUN-O uduk me keieu kaselel en sihpwo. KAUN-O eri kupwurehla Eipel oh kupwurperenkihda eh meirongo,
87	GEN 4:7	Ma ke wia mehkot pwung, ke pahn pereperen; a pwehki omw wiadahr mehkot suwed, dihp rasehng mahn lawalo men me nektehn poar pohmw. E men kaunuhkada, ahpw ke uhdahn pahn powehdi.”
88	GEN 4:8	Kain eri ndaiong rie Eipel, “Kita kolahng mwemweit nan mohso.” Ni ara lel nan mohso, Kain sohpeiongete rieo kemehla.
89	GEN 4:9	KAUN-O ketin keinemwe rehn Kain, mahsanih, “Ia riomwo, Eipel?” A e sapeng, patohwan, “I sohte patohwan. Dah? Ngehi silepen rieio?”
97	GEN 4:17	Kain oh eh pwoudo ahpw naitikihada pwutak emen, oh kihong ede Enok. Kain eri kauwada kahnimw ehu oh kihong eden nah pwutako.
98	GEN 4:18	Enok pil wiahda nah pwutak emen me adaneki Irad, me wia semen Meusael, a Meusael nainekihda pwutak emen ede Medusael, me wia semen Lamek.
101	GEN 4:21	Eden rieo Supal, pahpa kahlap en sounkeseng koaros me kin kesengki arp oh mehn pepeuk.
105	GEN 4:25	Adam oh eh pwoudo ahpw pil naitikihada pil emen pwutak. Liho eri patohwan, “Koht ketikihong ie nei pwutaket pwe en wiliandi Eipel, me Kain kemelahr.” Ih eri kihong eden pwutako, Sehd.
106	GEN 4:26	Sehd eri wiahda pwutak emen me e kihong ede Enos. Ih ahnsou me aramas akan tapihada kaudok ni mwaren KAUN-O.
108	GEN 5:2	E ketin wiahda ohl oh lih, kupwuramwahwihirahla oh ketin kahdanekinirahla “Aramas.”)
112	GEN 5:6	Ni Sehd eh sounpar 105, e nainekihda pwutak emen, ede Enos,
113	GEN 5:7	oh mwuri e momourki sounpar 807. E nainekihda pil seri kei,
115	GEN 5:9	Ni Enos eh sounpar 90, e nainekihda pwutak emen, ede Kenan,
116	GEN 5:10	oh mwuri e pil momourki sounpar 815. E pil nainekihda seri kei,
119	GEN 5:13	oh mwuri e pil momourki sounpar 840. E nainekihda pil seri kei,
122	GEN 5:16	oh mwuri e pil momourki sounpar 830. E pil nainekihda seri kei,
124	GEN 5:18	Ni Sared eh sounpar 162, e nainekihda pwutak emen, ede Enok,
125	GEN 5:19	oh mwuri e pil momourki sounpar 800. E pil nainekihda seri kei,
127	GEN 5:21	Ni Enok eh sounpar 65, e nainekihda pwutak emen, ede Medusala,
128	GEN 5:22	mwurin met, Enok momourki sounpar 300 mwohn silangin Koht oh pil nainekihda seri kei.
129	GEN 5:23	Enok eri momourki sounpar 365.
130	GEN 5:24	E momour mwohn silangin Koht erein eh mour, e ahpw sohrala pwehki Koht eh ketin ketikihsang sampah.
132	GEN 5:26	oh mwuri e pil momourki sounpar 782. E pil nainekihda seri kei,
136	GEN 5:30	Lamek eri pil momourki sounpar 595. E pil nainekihda seri kei,
140	GEN 6:2	Ekei nein koht ko ni ar kilangada lingan en serepein ko, re ahpw pwoudikihda me re mwahuki kan.
147	GEN 6:9	Iet duwen poadopoad en Noha. E naineki pwutak silimen, Sehm, Ahm, oh Saped. Ohl lelepek men Noha, oh ihete me keniken rehn Koht ahnsowo. Eh mour poadidiong Koht,
152	GEN 6:14	Eri, wiahda weromw warihmw ehu sang tuhke mwahu; wiahda loale pere kei, oh litopwiheki loale oh liki tahr.
153	GEN 6:15	E pahn reireiki piht 450, oh tehlepe piht 75, oh ile piht 45.
154	GEN 6:16	Wiahiong pwelengen warihmwen, oh nanpwungen pwelenge oh keile kan wehwe ieu en mie, me uwe ins 18. E pahn poasoake siluh, oh ke pahn wiahda wenihmw ehu ni pengepenge.
156	GEN 6:18	a ngehi I pahn kauwada ei inou nanpwungata. Eri, ke pahn pedolong nan warihmwo, iangahki omw pwoud, noumw pwutak kan oh ar pwoud kan,
172	GEN 7:12	Eri, keteu ahpw mweremwerki rahn pahisek oh pwohng pahisek.
191	GEN 8:7	oh kapihrei menpihr toantoal emen. E pihriei oh pipihrseli lao pihl kan madadahsang pohn sampah.
196	GEN 8:12	E ahpw pil komodoaloanki erein rahn isuh; e ahpw pil kadarei mwuroio; eri mwo, mwuroio sohte pwurodo.
197	GEN 8:13	Ahnsou me Noha sounpar 601, ni keieun Eipril, keieun sounpwong, pihl akan ngalangaldier douluhl pohn sampah. Noha eri kihsang pwelengen warihmwo, e ahpw kilengiei oh kilangada duwen sahpw eh madekenglahr.
205	GEN 8:21	KAUN-O eri kupwurperenkihda pwohn meirongo, e ahpw mahsanih, “I solahr pahn keriahla sampah kohkohlahte pwehki sapwung en aramas akan; pwe I ese me sang ni ar tikitik ar lamalam akan kin uhwongete ni me suwed. Eri, I solahr pahn pwurehng kamwomwala mour koaros nin sampah, duwen me I wiawiher met.
215	GEN 9:9	“Eri, met I pahn kauwada ei inou rehmwail oh rehn kadaudokamwail kan,
217	GEN 9:11	Eri, iet audepen ei inou en: I inoukihda me I solahr pahn pwurehng kauwekihla nohlik lapalap soahng me momour kan nin sampah. Solahr pil ehu nohlik lapalap pahn wiawi pwe en kauwehla sampah.
218	GEN 9:12	Eri, iet kilel poatopoat en ei inou ong kumwail oh ong soahng me momour kan koaros:
222	GEN 9:16	Eri, ni ahia eh pahn kin pwarada nan depwek kan, I pahn kin kilang oh tamanda inou poatopoat wet me mie nanpwungen ngehi oh soahng me momour kan koaros nin sampah.”
228	GEN 9:22	Eri, Ahm, semen Kenan, ni eh kilangada duwen semeo eh kilisou, e ahpw kohla oh padahkihong rie ko, Sehm oh Saped.
231	GEN 9:25	e ahpw patohwan, “Kenan en riahla! E pahn wiahla lidun rie kan.
234	GEN 9:28	Eri, mwurin nohlik lapalapo, Noha pil momourki sounpar 350.
235	GEN 9:29	E ahpw sipalla ni eh sounpar 950.
239	GEN 10:4	Kadaudok en Sapan iei irail mehn Elisa, mehn Spein, Saiprus, oh Rodes.
245	GEN 10:10	Nin tapio eh wehi iangahki Papilon, Erek, oh Akad, wasa siluh pwukat koaros mi nan Papilonia.
257	GEN 10:22	Nein Sehm pwutak—Elam, Ahsur, Arpaksad, Lud, oh Aram— irail me wia pahpa kahlap en aramas ako me weuwa adarail kan.
259	GEN 10:24	Arpaksad me naineki Sela, Sela me naineki Eper.
260	GEN 10:25	Eper naineki pwutak riemen: emen adaneki Pelek, pwehki nindokon eh mwehi aramas en sampah pwalpeseng wiahda pali kei; oh meteio adaneki Sokdan.
270	GEN 11:3	Irail eri ndapene nanpwungarail, “Nna, kitail umwunda pwehl oh wiahkihda lepin takai.” Eri, re ahpw wiahda lepin takai pwehl, mehn kou ihmw, oh pil onopada tahr, mehn kapasapene takai ko.
271	GEN 11:4	Irail ahpw nda, “Eri, met kitail wiahda ehu kahnimw, oh ehu imwen doulik, me imwi pahn leldalahng pahnlahng, pwe kitail en ndandla oh dehr mwarahkpeseng wasa kan nin sampah.”
273	GEN 11:6	E ahpw mahsanih, “Eri, aramas pwukat koaros wiahki ehu, oh re kin lokaiahki lokaiateieu; met iei tepin me re pahn wiewia kohwei. Mwurin met re pahn mwadangete kak wiahda soahng koaros me re anahne.
274	GEN 11:7	Eri, kitail kohdihwei oh kapingada ar lokaia, pwe re en dehr wehwehkipene ar lokaia kan.”
281	GEN 11:14	Ni Sela eh sounpar 30, e nainekihda pwutak emen, ede Eper;
283	GEN 11:16	Ni Eper eh sounpar 34, e nainekihda pwutak emen, ede Pelek;
293	GEN 11:26	Mwurin Tera eh sounpar 70, e nainekihda Eipram, Nahor, oh Aran.
294	GEN 11:27	Iet kadaudok en Tera kan: Tera semen Eipram, Nahor oh Aran. Aran semen Lohd.
295	GEN 11:28	Eri, Aran mehla nan uhdakeo, Ur nan Papilonia, nindokon eh pahpao eh momourte.
296	GEN 11:29	Aran semen Iska oh pil serepein men, Milka, en Nahor eh pwoud; oh Eipram pwoudikihda Sarai.
298	GEN 11:31	Tera eri kahrehda nah pwutak Eipram, oh Lohd nein Aran, rien Eipram ohl, oh Sarai, en Eipram eh pwoud; irail koaros ahpw mweselsang Ur, kahnimw en Papilonia, pwe re en kolahng Kenan. Irail ahpw lel kahnimw Aran, wasa re kousoanla ie.
300	GEN 12:1	KAUN-O eri mahsanihong Eipram, “Kohkohla sang nan sapwomwen, rehn kisehmw kan, sang ni imwen semomwen, kowe eri kohla nan sahpw ehu me I pahn kasalehiong uhk.
303	GEN 12:4	Eipram, ni eh mahkiher sounpar 75, e ahpw mweselsang Aran, nin duwen KAUN-O eh ketin mahsanih; Lohd eri iangihada.