2	GEN 1:2	inde lino tä'pi ma'lesoam anna lo'bäpi; malillim pättä ussamboi le'bo' kalua', anna Penaba Masehona Puang Allataala ma'leba-leba yabona le'bo'.
103	GEN 4:23	Pissam wattu ma'kada Lamekh lako indo dua bainena naua: “O Ada solakoa' Zila, patananniia' talinga inde tula'ku: Puhaä' umpatei mesa änä' muane aka nabasaiä'; umpaletta' sungnga'ä' mesa to mangnguha aka sukka'-sukka' kaleku nahabi'.
211	GEN 9:5	Sapo' diona hahamua' la kutuntu' bala'na. Aka iai too umpatitollo hahana hupatau, la napatitollo duka' hupatau hahana; la olo'-olo' daka umpatei, la padanna siangka hupatau. Aka dipapia hupatau susi hupanna Puang Allataala.
338	GEN 14:1	Pissam wattu, deem appa' tomahaja umpamesa buku, isanga Amrafel tomahajanna Sinear, Ariokh tomahajanna Elasar, Kedorlaomer tomahajanna Elam, anna Tideal tomahajanna Goyim;
406	GEN 17:8	Aka inde dio mai to messihuhupoko illaam inde litä', sapo' kubeemmokoa' temo mengkalao iko sule lako pessubummu. Ingganna lembäna Kanaan la muampuanna' sule lako salako-lakona; anna Kao Debatanna pessubummu.
410	GEN 17:12	Dadi kahuanna too benginna subunna änä'-änä' ke muanei, pahallum disunna'; susi änä'-änä' subum illaam banuammu susi sabua' mualli lako to sulibam, moi anna taia pessubummu. La dipateem lium too lako pada lapi'na pessubummu.
421	GEN 17:23	Puhanna ia too, allo eta siam untambaim änä'na Abraham isanga Ismael sola ingganna muane illaam banuanna, susi to subum illaam banuanna teem to naalli; anna nasunna' asanni, situhu' pahentana Puang Allataala.
453	GEN 18:28	Pissananna ke kuhänni lima tau; anggam appa' pulo lima to malolo gau'. La untallanni siangka indo ongeam aka kuhämmi lima tau?” Natimba' naua: “Tä' la kutallanni ke kulambi'i appa' pulo lima to malolo gau' illaam Sodom.”
470	GEN 19:12	Mane ma'kadai indo malaika' lako Lot naua: “Deempaka kasahapuammu inde, susinna manintummu haka, änä'mu haka muane, änä'mu haka baine; iya kasahapuam senga'mu haka illaam inde kota? Babai asanni le'ba' messubum illaam mai inde ongeam.
1002	GEN 34:21	“Ingganna to Israel to mesakia'. Dadi la tapäbäia' tohho illaam inde bottota sola-solakia' anna la beba' ullelei indo bottota; aka inde botto tä' deem pada samalobä la naongei. Malaa' tapobaine änä'na anna la mala duka' napobaine änä'taa'.
1072	GEN 36:31	Indo anna tä'pi deem tomahajanna to Israel, deemmi ia tomahaja sibala'-bala' ma'pahenta dio Edom. Mate oi mesa, nabala' oom solana. Indo tomahaja isanga: Bela änä'na Beor buttu dio mai kota Dinhaba; Yobab änä'na Zerah buttu dio mai Bozra; Husyam buttu dio mai Teman; Hadad änä'na Bedad buttu dio mai Awit (iam too untaloi to Midian indo anna sibundu'i dio lembäna Moab); Samla to buttu dio mai Masreka; Saul to buttu dio mai Rehobot dio bihim salu; Baal-Hanan änä'na Akhbor; Hadar to buttu dio mai Pahu (bainena isanga Mehetabeel, änä'na Matred, ampona Mezahab).
1155	GEN 39:5	Napahandu'na eta too, indo umbeenna kakuasaam Yusuf illaam banuanna, anna naanda'iam ingganna kullena, tappa natamba' DEBATA Potifar anna mellängäm kullena; susi illaanna banua, teem lakona bela'.
1236	GEN 41:40	Dadi temo kuäkä'ko la muanda'i kakuasaam illaam inde botto. Iai too muua, iam natuhu' ingganna hupatau to kulumbäi; angga ham kao untondongko aka tomahajaä' kao.
1298	GEN 43:7	Mentimba'im naua: “Anu' napekanuttu'kam; Napekutanaam kasahapuantaa' naua: ‘Tubopaka ambemua', deempaka adimmua' mesa?’ Iya kitula' asam duka' setonganna. Aka tä' diissam diua la meuaam dia: ‘Pasolaia' sule indo adimmu.’”
1395	GEN 46:8	Indem ia pessubunna Israel (battu diua Yakub) to napasola lako Mesir: Ruben, änä' uluana;
1445	GEN 47:24	Angga hia ke kende'um la umbahe limaa'; sambaheam la umbeenna' Firaun, anna appa' baheanna la umpobannea' taum pole anna la umpotuboa' sola änä'mu anna ingganna tau illaam banuammu.”
1479	GEN 49:5	Simeon anna Lewi to siundu'; Pa'dammua' umpake ma'gau' makahha'.
1482	GEN 49:8	Yehuda, la uhhuppu' balinna; la napa'kasallei anna napenombai solasubunna.
1487	GEN 49:13	Zebulon la tohho dio bihim le'bo'; ongeanna la si naongei tisampo kappala' lempä mentulindum, anna attasa'na la sule lako Sidon.
23284	MAT 4:6	anna nauaanni: “Maka' Änä'na tongangko Puang Allataala, tobängangko kalemu inde dokko aka deem tisuha' illaam Battakada Debata naua: ‘Puang Allataala la ussua malaika'na unjagaiko; la natahimaiko anna mala moi bitti'mu tala tihuai lako batu.’”
23324	MAT 5:21	Anna mane naua: “Muissammia' indo pepatuduam puha dibeem nene to taponene naua: ‘Daa umpapateam; menna-menna papateam, tau ia too la dihotto'.’
23576	MAT 12:18	“Petua'i, iam too inde Pesuaku to puha kupilei, to kupakamaja anna to umpomasannam penabangku; La kupatamai Penabangku, anna la umpa'pakahebaam diona indo kamaloloangku untingngajo hupatau.
23621	MAT 13:13	Iam too kasuhunganna anna kubaba pehapangammi lako inde mai tau aka la naita liu sapo' tä' la naala akkalanna; anna la nahingngi liu sapo' tä' la naissam kalembasanna, anna tä' toi la napähäm.
23643	MAT 13:35	anna mala sule lako indo kadanna Debata napalombum mesa nabi yolona naua: “La pehapangam kupake ke ma'pa'guhuä'; La kupomasiäsam pole' indo kaha-kaha to dipokada ditambimpi mengkalao dio mai dipadadinna inde lino.”
23706	MAT 15:4	Aka puha ma'battakada Puang Allataala naua: ‘Pa'kasalleiko ambemu sola indomu;’ anna: ‘Menna-menna umpakaänä'-änä' ambena battu haka indona, tau ia too la dipatei.’
23755	MAT 16:14	Iya natimba'im naua: “Deem tau muuai: ‘Yohanes to si mantedo' tubo sule;’ deem muuai: ‘Nabi Elia sule sule;’ deem duka' muuai: ‘Nabi Yeremia tubo sule;’ anna piha muuai: ‘Mesa nabi senga' tubo sule.’”
24338	MRK 2:9	Mennaka la madomi' dadi lako inde to mate kalena, ke diuaanni: ‘Diampunniammoko dosamu;’ anna la diuaam: ‘Bangongko, äkä'ko ampa'mu ammu pellao’?
24542	MRK 7:10	Puham napaondom Musa naua: ‘Pa'kasalleiko ambemu sola indomu;’ anna: ‘Menna-menna umpakaänä'-änä' ambena battu haka indona, tau ia too la dipatei.’
24587	MRK 8:18	Kusanga siampuangkoa' mata, akanna tä'ia' umpetua'; siampuangkoa' talinga, akanna tä'ia' umpehingngii? Tä' daka tia ungkilalaia'
24597	MRK 8:28	Iya natimba'im naua: “Deem tau muuai: ‘Yohanes to si mantedo' tubo sule;’ deem muuai: ‘Nabi Elia sule sule;’ deem duka' muuai: ‘Mesa nabi senga' tubo sule.’”
25000	LUK 1:38	Iya nauam Maria: “Kao sabua'naä' Debata; iai too muua, iam too la dadi tama kaleku situhu' indo tula'mu.” Iya le'ba'um indo malaika' umpellei Maria.
25038	LUK 1:76	Anna iko änä'ku, la disangaiko nabinna Puang Allataala To Handam Matande; Aka ikom too disua mendiolo la umpatokaam lalam Debata.
25082	LUK 2:40	Indo änä'-änä' tuttuam kasalle anna matoho; ponno kakeakasam, anna napakamaja Puang Allataala.
25150	LUK 4:18	“Kao to nasahum Penabanna Debatanta; aka puhamä' nalanti' la umpa'paissangam Kaheba Katilallasam lako to mase-mase. Anna nasua tooä' umpa'paissangam kalappasanna to disakka, kabonosanna to buta, kalondaanna to dianda'i onggo'-onggo'na,
25242	LUK 6:27	“Sapo' ikoa'-iko inde to uhhingngi tula'ku temo, kupokadaangkoa' kuua: Kamaseikoa' balimmu; Pa'pogau' mapiakoa' lako to ungkabassikoa'.
25316	LUK 8:2	anna sanaka-naka baine to puha napabono' sakinna sola to puha naäläiam setam illaam mai kalena, susinna: Maria to disangai Magdalena to puha naäläiam pitu setam illaam mai kalena;
25317	LUK 8:3	anna deem toi isanga Yohana bainena Khuza, to muäto' pengkähängam illaam banuanna Herodes; anna Susana sola budapi baine senga'. Ingganna baine ia too si umpake kullena natahiaiam Puang Yesus sola ingganna to untuhu'i.
25389	LUK 9:19	Iya natimba'im naua: “Deem tau muuai: ‘Yohanes to si mantedo' tubo sule;’ sapo' deem duka' muuai: ‘Nabi Elia sule sule;’ anna piha muuai: ‘Mesa nabi yolona tubo sule.’”
25903	LUK 21:8	Natimba' Puang Yesus naua: “Majagakoa' indana deenni tau la umbaba bulingkoa'! Aka la buda too tau sule umboko sangangku anna la buda tau nababa bulim aka la naua: ‘Kaom too inde To nalanti' Puang Allataala;’ anna la naua toi: ‘Mahuku'um wattunna allo ma'katampasanna.’ Sapo' daa umpehingngiia'.
26282	JHN 5:3	Dio indo sahia'na buda to masaki metindo; deem to buta, deem to kempo' anna deem to mate kalena. [Indo to masaki muampai passe'bo'na indo limbä.
26370	JHN 6:44	Tä' deem mesa tau la sule umpellambi'iä' ke taiai pahhuntu'na Ambeku to ussuaä'; anna iam too la kuäkä' längäm ke allo ma'katampasannai.
26476	JHN 8:26	Budapi mala kutula' diona kalemua' anna budapi mala kupasala. Sapo' anggam kupa'paissangam lako hupatau indo tula' kuhingnginna dio mai To ussuaä'; anna indo To ussuaä' mala dikatappa'i.”
26605	JHN 11:13	Sapo' indo nauaam Puang Yesus mamma', kalembasanna mate; nasanga ia passikolanna mamma' si'da-sia.
26619	JHN 11:27	Natimba' Marta naua: “Io Debata, kukatappa'i kuua Ikom too indo To dilanti' la mepasalama'; Änä'nako Puang Allataala to masäem dipemmitai la mentama lino.”
26629	JHN 11:37	Sapo' deem sanaka-naka tau ma'kada naua: “Tä' daka tia si umpopaita to buta; la tä' daka tia umbai' nabela napeä lalanna anna tä'i mate Lazarus?”
26715	JHN 13:16	Setongam-tonganna mesa sabua' tä' tia matande puha ia anna la puäna; anna mesa to disua tä' matande puha ia anna la to ussuai.
26812	JHN 16:17	Iya sikutana-tana pole oom passikolanna naua: “Aka hia kalembasanna indo tula'na lako kitaa' naua: ‘Tä'um la masäe anna tä'mä' muita pole. Sapo' tä' siam la masäe anna muitamä' sule;’ anna indo naua: ‘La le'ba'ä' umpellambi'i Ambeku?’
26838	JHN 17:10	Ingganna petauangku, ia too petauammu duka'; anna petauammu, petauangku siam duka'. Anna iam too umpa'patandaam kamatandeangku.
26851	JHN 17:23	Kao illaannä' kalenai, anna Iko illaangko Kaleku anna mala sundum kamesaanna, napolalam naissam asam hupatau naua Ikom too ussuaä'; anna la naissam toi naua ungkamaseii duka' susi pa'kamasemu lako Kaleku.
26912	JHN 19:18	Etam naongei dipayabo kaju sitambem sola dua tau; mesa dio tandai kananna, mesa dio tandai kaihinna. Dadi illaam Ia tängä Puang Yesus.
26953	JHN 20:17	Iya nauaammi Puang Yesus: “Daa muanda'iä' aka tä'pä' deem längäm Ambeku. Sapo' le'ba'ko lako ingganna solasubungku anna umpaissannii muua: Naua Puang Yesus: ‘La längännä' Ambeku anna Ambemua'; Puang Allataala to kupenombai anna Puang Allataala to umpenombaia'.’”
26967	JHN 20:31	Sapo' ia asanna ia too disuha' anna mala ungkatappa'ia' muua Puang Yesus-um too indo To dilanti' la mepasalama', Änä'na Puang Allataala; anna la ullambi'koa' katuboam umpolalam indo kamatappasammua' lako kalena.
27012	ACT 1:20	“Aka puha tisuha' illaam suha' Pampujiam naua: ‘Päbäi mammi lo'bä ongeanna anna päbäi memase-mase;’ anna: ‘La naala tau senga' babanganna.’
27028	ACT 2:10	Frigia anna Pamfilia, Mesir anna lembäna Libia sikahuku' Kirene; anna to sule dio mai Roma
27029	ACT 2:11	(susi to Yahudi teem to mentama peadasanna to Yahudi), to Kreta anna to Arab; tahingngi asammia' ma'kada-kada situhu' tula'taa' si mesa-mesa diona kaha-kaha memängä-mängä napogau' Puang Allataala.”
27116	ACT 4:25	Puhako ma'battakada napalombum sabua'mu Daud neneki to nasahum Penaba Maseho muua: ‘Maaka anna mahusa'i to tamuissam Puang Allataala; maaka anna umpattujui kaha-kaha tä' deem gunana hupatau?
27395	ACT 11:19	Indo puhanna dipatei Stefanus iya kende'um pandahhaam napolalam tisembu' ingganna to matappa'; deem lu lako Fenisia, deem lu lako Siprus, anna deem lu lako Antiokhia. Iya tontä liu duka' umpa'pakahebaam Kaheba Katilallasam sapo' anggam lu lako to Yahudi.
27412	ACT 12:6	Indo bengi naolaammi la nababa Herodes ke masiäi lako olona tau buda, iya mamma'um Petrus napaitängä dua sohodadu, anna dihante bassii dua limanna; senga'pi to manjaga dio olona ba'ba tahungkum.
27464	ACT 13:33	naganna'im lako kitaa' pessubunna. Aka umpatibangommi Puang Yesus dio mai alla'na to mate. Umba susi Battakadanna Puang Allataala tisuha' illaam suha' pampujianna Daud kaduanna naua: ‘Ikom too Änä'ku; mengkalao allo temo kupomakaleso, Kaom too Ambemu.’
27500	ACT 14:17	Sapo' moi anna susi tä' siam lembe Puang Allataala umpa'patandaam maaka susi kamatandeanna. Aka tontä liu umpogau' ma'hupa-hupa kamapiaanna susinna: umpatuhum liu uham yabo mai langi'; umpakembua manappa tanangammua' ke lambi' oom wattunna; nabeem liukoa' kinande anna kamasannangam penaba.”
27540	ACT 15:29	Daa muande ingganna kinande puha dipehumalasam lako debata senga'; daa muande haha anna balena olo'-olo' mate ditekke, anna daa umpa'gau' sessu'. Aka maka' umpasikambelanna' kalemu kaha-kaha ia too, iya la mapiam too. Dadi padam too inde anna salama'ki matim.”
27588	ACT 16:36	Le'ba' siaham duka' indo panjaga tahungkum umpellambi'i Paulus sola Silas anna nauaanni: “Nalambi'ä' pahentana ingganna to mahhotto' la kulappasammokoa' ade'. Dadi pessubummokoa' ammu le'ba'; pengnganda' manappa hangkoa'.”
27635	ACT 18:9	Pissam wattu bengi nalipi Debata Paulus lambi' naita sule anna napa'tula'i naua: “Daa ummahea'; pa'tula' liuko, daa ungkanonnä.
27911	ACT 26:20	Uhu-uhuna kupa'pakahebaam lako to Yahudi dio Damsyik, mane yaboi Yerusalem, anna lembäna Yudea; duka' lako taianna to Yahudi, kuuaam: ‘Tihokongangkoa' gau'mu ammu pa'pasule lako Puang Allataala anna ma'pogau'koa' la situhu'na indo katihokongammu.’
28145	ROM 6:9	Taissanna' duka' pada-pada taua puham dipatibangom sule Kristus dio mai alla'na to mate anna tä'um deem la mate pole; tä'um la mala nakuasai kamateam.
28380	ROM 15:9	Anna umpopendadipi duka' taianna to Yahudi umpuji Puang Allataala aka untilalla'i pa'kamasena, umba susi puha tisuha' illaam Battakada Debata naua: “Kahana ingganna indo puha umpogau' lako kaleku, nasuhum umpakende'ä' pampujiam matim olomu illaam alla'-alla'na hupatau taianna to Yahudi; anna sule sumanga'ku kende' pahajangku menani umpuji sangammu.”
28382	ROM 15:11	Anna naua polepi: “O inggannakoa' taianna to Yahudi, pa'kasalleikoa' sanganna Debata; inggannakoa' ma'hupatau äkä'koa' pampujiam längäm Debata!”
28584	1CO 7:29	Kalembasanna inde tula'ku inggannakoa' solasubungku kuua: illaam inde lino saidi' mandam wattuntaa'. Dadi, mengkalao temo, lako to kebainem, la pahallu mato-mato tä' kebaine battu diua taia pandaposanna la napaitoo'na;
28585	1CO 7:30	to sumahho la tubo mato-mato tä' masussa penaba battu diua taia sussana la napikki'; lako tau to metaba la mato-mato tä' tilalla'; lako tau to deem mangngalli, la mato-mato tä' deem muampuam aka-aka;
28603	1CO 8:8	Setonganna, taia kinande la umpasilombungkia' Puang Allataala. Aka maka' taande indo kinande ia too, tä' deem la kauntunganta dio olona Puang Allataala; anna maka' tä' taande, iya tä' siam duka' deem la kahugianta.
28767	1CO 14:21	Illaam Battakada Debata deem tisuha' naua: “Basana to sule la kupake umpa'kadai umma'ku, pudu'na tau senga' la kupa'passubunni tula'ku lako pakketauangku; Moi anna susi, sapo' tä' la naaku napehingngiiä'.”
29033	2CO 9:9	Umba susi puha tisuha' illaam Battakada Debata naua: “Ussembu' pa'tamba'na lako to mase-mase; Pa'palakoam mapianna la tontä liu sule lako salako-lakona.”
29225	GAL 4:27	Aka illaam Battakada Debata deem tisuha' naua: Kassiko ammu tilalla' o baine to tämänä; Sikaoliko tilalla' to tadeem ussi'dim pi'di' kakeänäsam; Aka baine to tadeempi keänä', anna baine to napellei muanena, la buda puha ia änä'na anna la baine to tohho sola muanena.
29269	GAL 6:14	Sapo' di kaona kao mannassa anna tä' kuaku la kutenggengam aka-aka senga' sulibanna indo puha napogau' Debatanta Yesus Kristus yabo kaju sitambem, iam too la kupa'kasallei. Indo anna dipatei Kristus yabo kaju sitambem, sihhapannä' duka' mate sola Kristus nasuhum tä'um deem kupaillaam penaba pole indo si napohäena to tamuissam Kristus; anna susi siam duka' tä'um deem napaillaam penabaä'.
29279	EPH 1:6	Dipuji Puang Allataala kahana kamatandeanna pa'kamasena; aka tä' deem pada sanakamaseikia' umpolalam pengkähäna Änä' pa'pakamajanna.
29291	EPH 1:18	Anna si kupelaupi duka' längäm Puang Allataala anna mala napomasiäsangkoa' pikkihammu, nasuhum umpähäm manappaa' indo pa'tamba' uhhannuam la nabeengkoa' Puang Allataala aka natambaingkoa' mendadi umma'na. Anna mala muissampia' duka' muua abana indo pa'tamba' tadisihanteam napatokaam Puang Allataala lako umma' petauanna;
29299	EPH 2:3	Susi siangkia' too duka' yolona si ma'palakokia' untuhu'i sipa' dosata; anu' moi aka la dipogau' assala'na sumpu pangngua penabanta anna masannam bätä puntinta. Wattu eta too la sipäto'kia' duka' battuam nahua aha' kasallena Puang Allataala, susi tau senga' to tamatappa'.
29343	EPH 4:4	Inggannakia' to matappa' sakalebum sihhapam mesa bätä punti, anna anggam deem mesa Penaba Maseho; umba susi deem mesa pahhannuam dibeengkia' indo anna ditambaikia'.
29376	EPH 5:5	Penabaam siaia' too: to ullullu' pa'bannetauam, to umpogau' gau' sessu', anna to ma'podo kao; to umpogau' liui gau' ia too tä' la mala mendadi umma' petauanna Kristus sola Puang Allataala. Aka indo to ma'podo kao anggam umpenombai kaha-kaha di lino.
29736	2TH 2:8	iya etapi too pole' mane tandaanni indo tau kadake. Anna la nasimbuhu'i mandi Puang Yesus anna matem; anna pangkähhäna mandi uhhuai ke sulem anna pa'dem.
29870	1TI 6:15	Indo kasuleanna sule la napadadi illaam wattu puha napa'tantu Puang Allataala too'na kamasannangam anna To anggam Ia muanda'i kakuasaam; Tomahajanna ingganna tomahaja, anna To napepuäi ingganna puä,
30035	HEB 1:5	Aka tä' tia deem la naua Puang Allataala lako malaika': “Ikom too Änä'ku; mengkalao allo temo kupomakaleso kuua: Kaom too Ambemu.” Sapo' anggam diona Änä'na naua: “Kao la mendadi ambena anna Ia la mendadi Änä'ku.” Tä' ia deem ma'kada susi diona malaika'.
30102	HEB 5:5	Susim too duka' Kristus tä' umpomatande kalena mendadi Sando Too', sapo' ma'kale Puang Allataala muäkä'i naua: “Ikom too Änä'ku; mengkalao allo temo kupomakaleso kuua: Kaom too Ambemu.”
30237	HEB 10:37	Aka deem tisuha' illaam Battakada Debata naua: “Tä'um la masäe anna sulem indo to dipemmitai la sule; tä' la napakadende-dende kasuleanna.
30644	1JN 2:27	Sapo' ikoa'-iko puhangkoa' nabeem Puang Yesus Penaba Masehona Puang Allataala. Anna indo Penaba Maseho tontä liu tohho illaam kalemua' nasuhum tä'um pahallu deem tau senga' la umpatudukoa' pepatuduam bakahu. Aka napatudu liungkoa' Penaba Maseho ingganna la pahallunna; anna ia too tappa', tä' diua bäbä. Iam too anna la tontä liungkoa' manontom lako Kristus.
30650	1JN 3:4	Menna-menna si umpogau' dosa, untekka pahentana Puang Allataala; aka pa'pogausam dosa umbali pahentana Puang Allataala.
30699	1JN 5:8	Penaba Maseho, uwai pantedosanna, anna haha titollona; inde tallu hupa, tä' deem sisala passa'biinna.
30777	REV 1:12	Tappa menggihi' siahamä' lako boko'ku anna kupetua'i indo to umpa'tula'iä'. Iya kuitam pitu andihi lampu, bulabam ditampa;
30779	REV 1:14	Beluä'na angga' bulu domba, susi kapa' mabusanna; matanna susi lelo api.
30785	REV 1:20	Anna indo pitu bintä muita dio lima kanangku sola indo pitu andihi lampu bulabam, tä'pi muissam kalembasanna. Dadi la kupomasiäsangko: Indo pitu bintä, kalembasanna pitu malaika' to ungkambi' pitu jumaa'; anna indo pitu andihi lampu, kalembasanna indo pitu jumaa'.”
30830	REV 3:16	Sapo' alla'na bäbäa' muongei; Tala malussu tala masäkke. Nasuhum la kuluakoa' sule illaam mai sädäku.
30831	REV 3:17	Si muuaa': ‘To makakakam anna tä'um deem aka kipeä, tä'um deem kakuhängangki;’ Sapo' tä' muissanna' muua: ‘Mehio-hiokam anna mehäntä-häntä bua diita.’ Aka setonganna sihhapangkoa' to mase-mase, to buta, anna to ma'kambelä.
30843	REV 4:7	Uhuna indo to ma'penaba, susi singa diita; kaduanna susi sapim laki; katallunna ma'lindo tau; kaappa'na susi bunia mentia'.
30859	REV 5:12	sikaoli menani naua: “Indo Änä' Domba to puha dihehe' sihatam untahima kakuasaam, katomakakaam, kakeakasam, anna kamatohoam; Anna sihatam dipa'kasallei, dipomatande, anna dipuji!”
30883	REV 7:5	susinna pessubunna Yehuda sapulo dua sa'bu ditandai; pessubunna Ruben sapulo dua sa'bu; pessubunna Gad sapulo dua sa'bu;
30884	REV 7:6	pessubunna Asyer sapulo dua sa'bu; pessubunna Naftali sapulo dua sa'bu; pessubunna Manasye, sapulo dua sa'bu;
30885	REV 7:7	pessubunna Simeon sapulo dua sa'bu; pessubunna Lewi sapulo dua sa'bu; pessubunna Isakhar sapulo dua sa'bu;
30886	REV 7:8	pessubunna Zebulon sapulo dua sa'bu; pessubunna Yusuf sapulo dua sa'bu; anna pessubunna Benyamin sapulo dua sa'bu.
30958	REV 11:18	Ingganna hupatau to tamuissam Debata ma'tatta' keaha'; Aka lambi'um wattunna la umpalippä'ko aha'mu. Anna wattunnam duka' la umpopa'tadongkongangko ingganna to mate, anna la umbeem sahona lako ingganna sabua'mu, battu diua ingganna nabimmu. Anna susi toi duka' lako ingganna umma'mu to umpengkahea'i anna umpa'kasallei sangammu, susi to kasalle teem to bahinni'. Lambi'um duka' wattunna la untallangam ingganna to ma'dasa-dasa illaam lino.”
31064	REV 18:2	Anna katamba-tambai naua: “Tilakam! Tilakam Babel indo kota kasalle! Tentomai mendadim ongeanna ingganna setam anna debata kadake; anna naongei ingganna hupanna dassi mekussi'-kussi' si nakahidi' hupatau.