2	GEN 1:2	Kunona na ke aviyavisina sago ita makamakai da kata kitai, tuna nakanani ma kwavu bo bau. Nubakutuva kavakava ma God Kanumina kiidamowai ivivi dagudagu da okowa iriroi.
8	GEN 1:8	Nakanani itupuwa ma tarabogina ivi vavei ‘kunuma.’ Ravi ipika, ididibari ma mara itom. Weni tuna na mara kana viruwa.
25	GEN 1:25	Nani ghamoghamosi kudubina iteresi da iti tuwa da natunatusi na ti mani maghimaghighisi. Ma ikitai da biibiina.
42	GEN 2:11	Okowa sago kana vava Pison na dobu kana vava Havila kamonai iveruriwariwa da dobuna ine yavui. Nani dobunai gold imakamakai
61	GEN 3:5	God iakovi da kota kani na matami ita votawei da kotakova kirakai da ami akova na tuna mani ina akova nakanani. Nuwanuwam kamonai biibiina ma berona kotakova yavui.”
64	GEN 3:8	Nani ravinai ivi ruwa ivi yanei da Bada God vao kamonai ibababa na kii kunukunusiyai ikovemakai.
78	GEN 3:22	Nani murinai Bada God ivona bo, “Karako nani wawayisi ivi ruwa na tota nakanani, biibiina ma berona iakovi. Ma ke vaghina da ita vororona da Yawasa Kiina amena ita viiya. Amena ita kani na yawasa makamakii nonowina ita veresi.”
82	GEN 4:2	Muriyai ivi tuwame da bade natuna tomowa ma tuna ivi vavei Abel. Natunatusi imagura na Abel ivivi ghamoghamo ma Kein na tano iwayowayowei.
89	GEN 4:9	Nani murinai Bada, Kein ivi tarakiiyanei, “Abel imapatana?” “Ke atakovi. Taku ke tiku kikei kana koyakoyagha.”
96	GEN 4:16	Ma vaghina, Kein ivomiiri da Bada ikuyowei ma inae da ku dobu sago kana vava Nod ma nani dobunai imakai. Nod na ku maramatana Eden nevanevanai.
102	GEN 4:22	Ma bade Lameki kawana Sila ivi tuwa da natuna Tubal Kein. Tuna na kirama ma brons igudaguda da bagibagi sawarisi bogii ma bogiiyai iyamoyamona. Ma Tubal Kein novuna na Nama.
105	GEN 4:25	Kein tina kikei ikiivunui tuna kubiine Bada ikwavini da ina maduwa ma ina mamai ikuyowesi inae. Nani murinai, Adam kawana yavata ikena ma ivi tuwame da natusi tomowa. Ma ivona bo, “Kein ivomiiri da tina kikei Abel ikiivunui, tuna kubiine God weni pepeyina ivereku da Abel epayanina.” Ma ivi vavei Seti.
128	GEN 5:22	Nani murinai Inoka, God yavata ivi nuwasago da yavata ibababa. Ma madegha 300 imakai ma kamonai na natunatuna viya tomotomowisi ma wivinesi itupuwa.
135	GEN 5:29	Ma ivi vavei Nowa. Ma Lameki ivona bo, “Bada dowa imagi da ita biga irakata ma tikamaghiyei, ma weni wawaya kikina kara ini viteta ma ini yawasita.”
138	GEN 5:32	Nowa imakai da kana madegha 500 ma nani kamonai natunatuna tomotomowa aroba itupuwa. Kii vava Sem, Ham ma Jepeta.
139	GEN 6:1	Wawaya ivi karei da i koroto irakarakata dobuwai. Natunatusi ituputupuwa da kamosiyai viya na wivine.
142	GEN 6:4	God natunatuna nani wivinesi iravaghisi ma natunatusi ituputupuwa, nani maranai na Nepirim damsi namada dobuwai imakamakai. Nepirim na tupuwisi ghamaghamasi, ti na iyo damsi, tomotomowa avatetesi mara katamaninai.
144	GEN 6:6	Nuwanuwana ipoyai da wawaya iyamonisi ma dobuwai iteresi. Nuwanuwana ivisi kirakai da ivona bo,
146	GEN 6:8	Ma Bada tomowa sago kava ivivi nuwabiibiiyei. Tomowina kana vava Nowa.
147	GEN 6:9	Weni tuna na Nowa ina varagutugutu. Tuna ina mariyai wawaya kudubisi na beroberosi. Ma Nowa ina kina kava na tomowa maninina. Ma ina yawasa kamonai God yavata ivivi nuwasago ma yavata ibababa.
151	GEN 6:13	Tuna kubiine Nowa kurina ivona bo, “Weni nakanani ana berai, wawaya kudubisi ana pupunatawesi. I kayoghakighaki dobu ikiimumui, tuna kubiine bera kudubina dobuwai ma wawaya yavata ana kiipupunatawesi da kii mara ina kovi.
158	GEN 6:20	Nani kamonai kiu bogii ma bogiiyai, ruwa ruwi duma, ere kakawasi ma ghamoghamo dipa ere kakawasi ma bade dowatetetesi ere kakawasi na kudubina ina pisi kurim. Ma kerutinisi ku waka kona rui da ke ina rukwa.
160	GEN 6:22	Ma vaghina, Nowa ikikava God ivonaverei na peyarina ibera yavui.
161	GEN 7:1	Bada ivona bo, “Nowa, akitim da tam kava dobu kamonai am yawasa na maninina kavakava. Tuna kubiine tam, kawam ma natunatumi, kakawasi yavata korui ku waka.
165	GEN 7:5	Ma vaghina, Nowa ikikava Bada ivonaverei na peyarina ibera yavui.
166	GEN 7:6	Nowa kana madegha 600 na kutukutuva ivi karei
169	GEN 7:9	Tomotomowisi ere kakawasi ipisi Nowa kurina da yavata irui ku waka. God ikikava ivonaverei na iberai.
171	GEN 7:11	Nowa kana madegha 600 ma nawaravi kana viruwa kamonai, mara kana vi 17 na kutukutuva ivi karei. Dowa kamonai vusira peyarina ivi tamobubuwana da okowa irakata. Ma kunuma itamotate da garewa vitana ivi karei.
172	GEN 7:12	Nakanani ikatukatuna inenae da mara 40 ma didibara 40 ikovi.
173	GEN 7:13	Garewa ivi karei na Nowa kawana yavata ma natunatusi ivi aroba, ti na Sem, Ham ma Jepeta, kakawasi yavata na peyarisi namada ku waka irui.
175	GEN 7:15	Bera kudubina yawayawana dobuwai na ruwaruwi duma ipisi Nowa kurina da waka kamonai.
176	GEN 7:16	Ma vaghina, ikikava God ivonaverei na Nowa peyarina iberai ikovi. Tomotomowisi ma wivinesi igeru yavu na murinai Bada waka kana matuketa ivopotai.
183	GEN 7:23	Bada God bera kudubina ikiipupunatawesi da wawaya kegha, ghamoghamo kegha, dowatetetesi kegha ma bade kiu kegha. Ma Nowa ma iyavo kava waka kamonai imakamakai na ti kava ke ita rukwa.
185	GEN 8:1	God, Nowa ma ghamoghamo peyarisi waka kamonai inotanotisi. Ma yanunu ivonatawei da ivosisina ma okowa ivi karei da iororu.
190	GEN 8:6	Garewa ikatuna ikovi murinai, Nowa ikoyagha da mara 40 ikovi ma waka tarabogina kana gudu ivotawei.
191	GEN 8:7	Ma oghogha ivonatawei ikiibau ma ke ita vovira. Irovorovo yawara ma ivivi koyakoyagha da okowa ita mamaghatawei. Ma Nowa, oghogha ikoyagha kavai.
193	GEN 8:9	Ma kegha, okowa patana da dobu ikiimumui da gabubu gawara iekwa kavai da iti yakam. Irovo ivovira ku waka ma Nowa ivororona da iviiya, ma itereruwei ku waka.
195	GEN 8:11	Raviyai ivovira kurina ma mutunai na oliv kiina ruguruguna matina ikaratani. Nowa nani ruguruguna ikitai na iakovi da okowa namada ioru kirakai.
197	GEN 8:13	Nowa kana madegha 601 ma nani madeghina karenai okowa imamaghatawei. Waka kana tarasovo ivotawei ikitavirevire ma ikitai da dowa ivovokanakana.
199	GEN 8:15	Vaghina ma God, Nowa ivonei bo,
202	GEN 8:18	Ma vaghina, Nowa kawana yavata ikiibau, ma natunatusi ere kakawasi na peyarisi waka ikiibutawei.
204	GEN 8:20	Nani murinai Nowa wakima ivi daburi da suwara kana kema iyamoni. Ma meni ghamoghamosi ma kiusi Bada ivi vaghinei da suwara kubiine na kamosiyai viya iviinisi ma ivunuwa da suwara kana kema tepanai ikapuna, Bada God kurina isuwara.
207	GEN 9:1	God, Nowa natunatuna yavata ivi biibiinisi ma ivonesi bo, “Kovi tuwa kirakai da kona peyari da rakarakami dobu ina makii yavui.
214	GEN 9:8	Nani murinai God, Nowa ma natunatuna ivonesi bo,
218	GEN 9:12	Ma God ivonesi bo, “Ita Vivaghina Makamakii Nonowina na tami ma tupurereghimi ma bera yavu yawayawana, kimta ma kimta kurimi aberaberai na kana matakira na weni,
223	GEN 9:17	Ma vaghina God, Nowa kurina ivona bo, “Ita Vivaghina Makamakiina kana matakira na vurere.”
224	GEN 9:18	Nowa natunatuna waka ikiibutawei na kii vava Sem, Ham ma Jepeta. (Ma Ham natuna kana vava Keinan.)
226	GEN 9:20	Nowa tuna wayowa wawayina ma ina vao kamonai na greipi ivoni. Muriyai greipi amesi iyuna da wain iyamoni.
230	GEN 9:24	Muriyai Nowa gayamina ivi kiimaniniyei na akova iviiya da natuna murimurina Ham ibera beroi, ina mamai ke ita vopepetei.
231	GEN 9:25	Tuna kubiine Nowa ivona bo, “Keinan, aimimagim! Karako tam na varevaresim i wayowa kana kavakavara.”
234	GEN 9:28	Ma vaghina, kutukutuva murinai Nowa madegha 350 ku tepana imakai.
236	GEN 10:1	Weni tuna na Nowa natunatuna Sem, Ham ma Jepeta i varagutugutu. Kutukutuva murinai ivi tuwa da kii vava na weni.
243	GEN 10:8	Kus tupurereghina sago na Nimrodi, tuna imagura da ivi rewapana kirakai. Tuna wawaya ghamana dobuwai, iyo wawayina.
244	GEN 10:9	Rewapana Bada gwabinai iviiya da tuna na yebagha bogana. Tuna kubiine meni wawayina ita yebagha bubuna na turaturana ita vona bo, “Tam na yebagha bogam Nimrodi nakanani.”
245	GEN 10:10	Nimrodi ivi kiivavo Babilon dobuna kamonai. (Babilon kana vava sago na Sina.) Nani dobunai kwanatu ruwamaruwa ivi karei. Ti na Babilon, Eregi, Akadi ma Kalne.
246	GEN 10:11	Babilon dobuna kudubina ivi bada yavui na ivomiiri inae ku Asiriya dobuna da kwanatu ruwamaruwa iyamoni, kii vava na Nineva, Reyobot Ire, Kala
247	GEN 10:12	ma Resen. (Resen na kwanatu ghamana Nineva ma Kala basusiyai.)
248	GEN 10:13	Misraim tupurereghina na Ludim damsi, Anam damsi, Leyaba damsi, Napetu damsi,
265	GEN 10:30	Ma i dobu na Mesa dobunai ivi karei da ku Sepa dobuna, tuna na koya kamosiyai. Nani koyasi na maramatana ina ku nevaneva.
267	GEN 10:32	Ma vaghina, nani wawayisi kudubisi na Nowa natunatuna ma tupurereghisi, kii dam nununai. Kutukutuva murinai na kamosiyai dam ma dam ikiibau da dobu kudubina imakii yavui.
270	GEN 11:3	Ma dughu kamonai ivona bo, “Tanae, dobodobo tavopasipasi ma takapuna da ina pakora, ini wakima.” Nani dobunai wakima vaghata kegha, tuna kubiine dobodobo pakorisi itura numa vowana kubiine. Ma bade pasi dumadumana gwabisiyai da dobodobo wakimisi ita pasitatana.
271	GEN 11:4	Ma nani murinai ivona bo, “Tanae, kwanatu ghamana tayamoni ma kamonai na numa sago gurina tavowai ina ghae ku kunuma. Nakanani taberai da kata vava ina rakata ma ke meyani tibogebogeta ku dobu bogii ma bogiiyai.”
276	GEN 11:9	Nani kwanatunai ivi notaragharaghisi da gamo bogii ma bogiiyai ivivi sisiya, tuna kubiine kana vava vuna na ‘Babel.’ Ma wawayisi ikiivisawarisi da ivi bogebogesi inae da dobu bogii ma bogiiyai imakii yavui.
289	GEN 11:22	Ma Serugi imakai da kana madegha 30 ma ivi tuwa da natuna tomowa. Ma ivi vavei Nayo.
291	GEN 11:24	Ma Nayo imakai da kana madegha 29 na ivi tuwa da natuna tomowa. Ma ivi vavei Tera.
293	GEN 11:26	Tera kana madegha 70 muriyai na ivi tuwa da natunatuna Abram, Nayo ma Haran.
296	GEN 11:29	Ma bade Abram ma Nayo wivine ipanana da itavine. Nayo kawana na Milka. Milka ma tina kikei Iska ivi ruwa i mamai na Haran. Ma Abram kawana na Serai.
298	GEN 11:31	Mara sago Tera ina rakaraka irutinisi da Uru dobuna ikiibutawei. Natuna Abram kawana Serai yavata ma tupuna Lot (tuna ina mamai na Haran) na peyarisi iviinisi da ita nae ku Keinan dobuna. Ma keta borinai ku Haran kwanatuna inekiibau na nani dobunai imakii kirakai.
308	GEN 12:9	Muriyai Abram ivomiiri ibababa, gawara bogii ma bogiiyai imakii inenae da ku Negev dobuna inekiibau.
312	GEN 12:13	Tuna kubiine kevonesi da tam na novuku. Nakanani kuni sisiya na ke ina kiivunuku ma ina koyagha bubuniku.”
320	GEN 13:1	Abram na Egypt ikiibutawei inae ku Negev dobuna, kawana ma ina mura kudubina yavata. Ma natuna kikei Lot na yavata inae.
322	GEN 13:3	Muriyai Negev ikuyowei da ibababa, gawara bogii ma bogiiyai imakai inenae da ku Betel kwanatuna. Ma ivovirame nani ku gawarina Betel kwanatuna ma Ai kwanatuna basunai, rorova imapatana i yobe itina na nani ku gharavuna inekiibau.
323	GEN 13:4	Nani gawarinai na namada suwara kana kema iyamoni imakamakai. Inekiibau na Bada ivokavakavari.
338	GEN 14:1	Nani maranai kiikiivavo viya vighaviya ivi karei. Kiikiivavo ruwamaruwa imakamakai, ti na Babilon dobuna kana kiivavo Amarapel, Elasa dobuna kana kiivavo Ariyoki, Elam dobuna kana kiivavo Kedolama ma Goyim dobuna kana kiivavo Tidal.
345	GEN 14:8	Nani murinai kiikiivavosi ivi miikovi Sidim anaghinai ivovunagha da i iyo wawayisi taraboga nununai iteresi da Kedolama yavata iti ghaviya. (Ti na i dobu na Sodom, Gomora, Adma, Sebowim ma Bela, tuna dobuna kana vava sago na Sowa).
353	GEN 14:16	Ma mura kudubina ivii meyei ma iyavo kava nani kiikiivavosi ruwamaruwa ipanisi, tomotomowa ma wivine na peyarisi irutinisi da yavata ivovira. Nani kamonai natuna kikei Lot, ina wawaya ma ina mura yavata.
354	GEN 14:17	Abram na kiivavo Kedolama ma kiikiivavo turaturana yavata ighegavovorisi ikovi ma ivovovira da ku Save anaghina inekiibau. (Anaghina kana vava sago na ‘Kiivavo Ina Anagha.’) Nani dobunai Sodom kwanatuna kana kiivavo Abram iverupotei.
362	GEN 15:1	Nani murinai Abram, Bada mekeyuna ikitai da kurina ivivi sisiya, ivonei bo, “Abram, kam papara ana vowai. Tuna kubiine ke kuna yabumana. Ma am miiya ghamanakina ana verem.”
365	GEN 15:4	Vaghina ma Bada ivi sisiyame, ivona bo, “Kegha. Nani bigabiga wawayina am mura ke ini rapenei. Tam mani natum vaghata am mura ina viiya da ina buderi.”
380	GEN 15:19	Nani kamonai na Kena damsi i tano, Kenisi damsi i tano, Kadimo damsi i tano,
388	GEN 16:6	Ma Abram ivonapotei bo, “Kevi yana, wavinena na tam am bigabiga, tuna na am rewapana gaburinai da kuni badei. Am kayowanai keberai kurina.” Nani murinai Serai ivi karei da Heiga ivivi tupaketowanei, tuna kubiine iverau.
395	GEN 16:13	Nani murinai Heiga, Bada kurina kana vava vuna ikwatukwatui, ivonavonei bo, “Tam God Kekitakitiku.” Ma bade ivona bo, “Wawayina ekitakitiku na taku mani matakuwai akitai. Anotakavakavai.”
398	GEN 16:16	Natuna itupuwa na Abram kana madegha 86.
411	GEN 17:13	Namanaki tomotomowa gwabimiyai itupuwa bo kogimarisi da ami sleiv na peyarisi sagosago duma kotuviviratawesi. Weni matakirina tupuwimiyai ina makai na konakovi da weni vivaghinina na ina makii nonowa.
419	GEN 17:21	Ma vivaghina makamakiina na ke Ismayel yavata. Nokon ku madeghina Sera natum Aisiki ini tuwei ma muriyai na tuna yavata vivaghina makamakiina kana berai.”
444	GEN 18:19	Avinei da natunatuna ma tupurereghina ini nowesi da aku keta vaghata ina kivikivini ma bera biibiisi ma maninisi ina beraberai. Nakanani ina berai ma ikikava aku vonakiiyapa bagibagina kurina aterei na kudubina ana bera yavui.”
449	GEN 18:24	Ma kade wawaya maninisi ivi 50 kava kwanatuna kamonai na ikikava? Nani wawayisi maninisi ivi 50 notasiyai na kwanatuna kuna nuwaghanei bo kuna kiipupunatawei?
459	GEN 19:1	Nani murinai, aneyisi ivi ruwa Abraham ivoterei na raviyai ku Sodom kwanatuna inekiibau. Ma Lot na kwanatu matuketinai imakamakai da ikitisi. Ivomiiri inae da ivi kiikiiwesi, maghinosiyai itawotei da maghighina ioru ku tano.
463	GEN 19:5	Vaghina ma, irukwatu Lot kurina ma ivona bo, “Nani tomotomowisi ipisi kurim na imapatana? Kerutinisi kokiibau da yavata kani iputona.”
470	GEN 19:12	Tomotomowisi ivi ruwa Lot ivi tarakiiyanei bo, “Kade am wawaya viya weni kwanatuna kamonai bo kegha? Natunatum bo rawarawam bo am rakaraka sago emakamakai na kerutinisi da kwanatuna kokiibutawei.
477	GEN 19:19	Namada bera ghamanakina kuberai da kuvi yawasiku ma, koya irabaraba kirakai. Keta borinai Sodom kana kovogha na taku yavata ina kamowaniku da ana rabobo.
479	GEN 19:21	Ma aneyina ivonapotei bo, “Vaghina, aivaghinei. Nani meyagina ke ana kiipupunatawei.
488	GEN 19:30	Nani murinai Lot iyabumana ma ke ina kayowana da Sowa kamonai ita makai. Tuna kubiine natunatuna wiwikesi ivi ruwa irutinisi ma Sowa ikuyowei ma ighae ku koya da buba kamonai ivivi makiiyana.
497	GEN 20:1	Abraham, Mamre dobuna ikuyowei ma inae ku warere kana vava Negev da kwanatu kii vava Kades da Sura na basunai imakai. Ma bade mara gisina Gera kwanatunai imakamakai,
499	GEN 20:3	Didibara sago Abimaleki ivi matu da God inekiibau kurina ma ivonei bo, “Nani wavinena kurutini na tatavinena, tuna kubiine tam na kurabobo ma kemakamakai.”
513	GEN 20:17	Nani murinai Abraham inipowana God kurina da Abimaleki kana gubaga ivi yawasi. Ma bade kawana ma i bigabiga wivinesi yavata na peyarisi i keta ivotawei da iti tuwame.
516	GEN 21:2	Namanaki da Abraham imorapa kirakai na Sera iropeya ma ivi tuwa da natuna tomowa. Avi maranai tomowa kikei ita tupuwa na God namada ivi debei na vaghina, nakanani itupuwa.