8	GEN 1:8	Nakanani itupuwa ma tarabogina ivi vavei ‘kunuma.’ Ravi ipika, ididibari ma mara itom. Weni tuna na mara kana viruwa.
13	GEN 1:13	Ravi ipika, ididibari ma mara itom. Weni tuna na mara kana viaroba.
14	GEN 1:14	Muriyai ivona bo, “Yasegana kunumai kotupuwa. Weni yaseganisi, mara ma didibara ini bogebogei, ini matakira da iri, mara ma madegha.
19	GEN 1:19	Ravi ipika, ididibari ma mara itom. Weni tuna na mara kana viruwamaruwa.
23	GEN 1:23	Ravi ipika, ididibari ma mara itom. Weni tuna na mara kana vimiikovi.
26	GEN 1:26	Muriyai ivona bo, “Wawaya tayamonisi da maghimaghighita. Ti na dobu kudubina ini badei. Iyana yegiyai ma kiu kiidamowai ma bade ghamoghamo manamisi ma dowatetetesi ma ghamoghamo dipa na kudubina dobuwai ini badesi.”
31	GEN 1:31	God bera kudubina iyamoni ikovi na ikitai da ibiibii kirakai. Ravi ipika, ididibari ma mara itom. Weni tuna na mara kana vimiikovimasago.
47	GEN 2:16	Ma ina sisiya bagibagina iterei, ivonei bo, “Weni vona kamonai kii amame peyarina kuna kani,
48	GEN 2:17	ma kii sago kava na amena ke kuna kani. Tuna na Akova Kiina. Wawaya ina kani na akova ina veresi da nuwanuwasi kamonai inakovi da meni berana na biibiina ma meni berana na berona. Kuna kani na vonavaghata da kuna rabobo.”
54	GEN 2:23	Ma tomowina ivona bo, “Vaghina, ibiibii kirakai! Weni na taku maghimaghighiku! Tuwirina, tuwirikuwai iviiya ma viyona, viyokuwai iviiya. Tuna kubiine kana vava ‘wavine,’ ina karena taku tomowa gwabikuwai iviiya.”
55	GEN 2:24	Weni berana kubiine tomowa ina mamai ma ina maduwa ina voteresi da kawana yavata ini kiikapu da sago.
66	GEN 3:10	Ma ivonapotei, “Weni vaona kamonai avi yanem ma taku iyuku kava na ayabumanem, tuna kubiine na akove.”
68	GEN 3:12	Ma tomowina ivona bo, “Wavinena gwabikuwai kuterei, tuna kii amena ivereku da akani.”
70	GEN 3:14	Vaghina ma Bada God mota ivonei, “Tam aimimaghim! Weni berana kuberai kubiine ghamoghamo peyarisi kamosiyai tam kovogha ghamana kuna viiya. Karako ma mara ku kudubina kuna tetete. Ma popoku kuna kanikani da am mara ku turina.
107	GEN 5:1	Weni girumina na Adam, tupurereghina yavata ikikava ivi tuwa ma kii vava itura. Karenai na God wawaya iyamonisi da tuna mani maghimaghighina.
139	GEN 6:1	Wawaya ivi karei da i koroto irakarakata dobuwai. Natunatusi ituputupuwa da kamosiyai viya na wivine.
145	GEN 6:7	“Wawaya ayamonisi ma kegha da nuwanuwaku ipoyai. Tuna kubiine dobuwai ana kiipupunatawesi, ghamoghamo da kiu ma dowatetetesi yavata.”
147	GEN 6:9	Weni tuna na Nowa ina varagutugutu. Tuna ina mariyai wawaya kudubisi na beroberosi. Ma Nowa ina kina kava na tomowa maninina. Ma ina yawasa kamonai God yavata ivivi nuwasago ma yavata ibababa.
149	GEN 6:11	Ma nani maranai God ikitai da bera didibarisi dobuwai irakata. Wawaya mara nonowa ivivi ruwa ma kiivunuwa irakata.
151	GEN 6:13	Tuna kubiine Nowa kurina ivona bo, “Weni nakanani ana berai, wawaya kudubisi ana pupunatawesi. I kayoghakighaki dobu ikiimumui, tuna kubiine bera kudubina dobuwai ma wawaya yavata ana kiipupunatawesi da kii mara ina kovi.
197	GEN 8:13	Nowa kana madegha 601 ma nani madeghina karenai okowa imamaghatawei. Waka kana tarasovo ivotawei ikitavirevire ma ikitai da dowa ivovokanakana.
212	GEN 9:6	‘Wawaya ayamonisi da taku mani maghimaghighiku. Tuna kubiine meni wawayina kwinana ina kiivunui na tuna bade tarana ina sororo, wawaya kana kovogha ina verei da ini raboboi.’
225	GEN 9:19	Weni tomotomowisi ivi aroba tupurereghisi na tota, wawaya kudubita karako dobuwai.
236	GEN 10:1	Weni tuna na Nowa natunatuna Sem, Ham ma Jepeta i varagutugutu. Kutukutuva murinai ivi tuwa da kii vava na weni.
264	GEN 10:29	Opiri, Havila ma Jobabi. Weni damsi kudubisi na Jokatan natunatuna.
273	GEN 11:6	Ma ivona bo, “Weni damsi gamo sago kava isisiya da ivi sagosi. Ma weni berana ivi karei da eberaberai na karakava kesago aviyavisina ina tarapotesi.
306	GEN 12:7	Ma nani dobunai Bada inekiibau Abram kurina ma ivonei bo, “Weni dobuna na tupurereghim ana veresi.” Tuna kubiine Abram wakima ivi daburi da suwara kana kema iyamoni ma nani dobunai Bada ivokavakavari.
333	GEN 13:14	Lot inae ma muriyai Bada ivi sisiya Abram kurina, ivona bo, “Wekarakava weni dobunai kemakamakai na ketepa ma kekitavirevire da dobu kudubina kekita yavui.
334	GEN 13:15	Weni dobuna kekitakitai na kudubina tam, tupurereghim yavata ana veremi da koni rapenei ma ke meyani koni wapai.
336	GEN 13:17	Weni dobuna ana veremi da tami rapemiyai, tuna kubiine kevomiiri da dobu kudubina kuna ne yavui.”
379	GEN 15:18	Ma nani maranai Bada vivaghina makamakiina iberai Abram yavata. Ivona bo, “Weni dobuna na tupurereghim ana veresi, i tano paratina na Egypt okowina da ku Yuperetis okowina.
394	GEN 16:12	Ina magura na tuna nakanani ma donki dipa. Wawaya peyarisi ini kawapatesi ma ti bade ini kawapatei. Tuna mani ina rakaraka yavata ini makiiberowana.”
395	GEN 16:13	Nani murinai Heiga, Bada kurina kana vava vuna ikwatukwatui, ivonavonei bo, “Tam God Kekitakitiku.” Ma bade ivona bo, “Wawayina ekitakitiku na taku mani matakuwai akitai. Anotakavakavai.”
411	GEN 17:13	Namanaki tomotomowa gwabimiyai itupuwa bo kogimarisi da ami sleiv na peyarisi sagosago duma kotuviviratawesi. Weni matakirina tupuwimiyai ina makai na konakovi da weni vivaghinina na ina makii nonowa.
429	GEN 18:4	Weni kiina rogunai koni yakam mara gisina ma okowa kana kavarapiyei da kaemi kona kowa.
453	GEN 18:28	Kade wawaya maninisi ivi 45 kava kuna pananisi na ikikava? Wawaya maninisi ivi 5 kunekwa kavisi na kwanatu kudubina kuna kiipupunatawei bo kegha?” Ma Bada God ivonapotei bo, “Vaghina, wawaya maninisi ivi 45 ana pananisi na kwanatuna ke ana kiipupunatawei.”
471	GEN 19:13	Weni kwanatuna kana kiipupunatawei. Bada sisiya ivi yanei da Sodom kamonai wawaya i berabero ibero kirakai. Tuna kubiine ivonatawekai da kana kiipupunatawei.”
490	GEN 19:32	Weni nakanani taberai. Ita mamai ti uma neghaneghai ma yavata takena. Tituwa da kata dam ke ina wapa.”
501	GEN 20:5	Abraham tuna mani ivona da Sera na novuna, ma Sera bade nakanani ivona. Weni berana aberai na aku nota maninina ma ke berona.”
503	GEN 20:7	Wekarakava na kawana kevere meyei, iyamna Abraham na peroveta ma tuna ina nipowana kubiim da ke kuna rabobo. Ma wavinena ke kuna vere meyei na kuakovi da tam ma am wawaya na kona rabobo.”
506	GEN 20:10	Weni berana kuberai na bera berona.”
509	GEN 20:13	Rorova kava God ivonataweku da aku mamai ina rakaraka ma ina dobu kakiibutawei ma dobu viruwa kamosiyai kabababa. Baba kavi karei na wavinena avonei bo, ‘Weni nakanani kuni debe meyem da am nuwaviina irakata kuriku, dobu nununai tarurui na wawaya kevonesi da tam na novuku.’”
520	GEN 21:6	Ma Sera ivona bo, “God nuwabiibai ivereku ma iberai da ainama. Wawaya peyarisi sisiyiku ini yanei na yavata kani nama patapata.”
525	GEN 21:11	Weni sisiyina kubiine Abraham nuwanuwana ipoya kirakiiyei, iyamna Ismayel na bade natuna.
535	GEN 21:21	Warere kana vava Paran na nani dobunai imakamakai na ina maduwa inae da Egypt wavine sago irutini da natuna kawana.
537	GEN 21:23	Tuna kubiine ainowi da God ku matana kuna vonakiiyapa kuriku da ke meyani kuni beroberowekai, natunatuku ma tupurereghiku yavata. Weni dobunai tam na dobu viruwa wawayim ma kevi debe meyem da ikikava aku nuwaviina avereverem na nakanani bade kuna vereku.”
543	GEN 21:29	ma ivi tarakiiyanei bo, “Weni sipusi na avi kubiine?”
544	GEN 21:30	Ma ivonapotei bo, “Weni sipusi votuvotusi ivi 7 imakuwai kevopotei, ini matakira da weni dogona na taku mani ayabai.”
564	GEN 22:16	Ivona bo, “Natum tupukeya ke kuta panikowei. Weni berana kuberai kubiine na taku mani avakuwai avonavonakiiyapa da
590	GEN 23:18	da ivi rapenei. Weni berana na kwanatu matuketinai iberai da Hiti damsi peyarisi matasiyai ikitai.
607	GEN 24:15	Karakava da ina nipowana iti kovini na Rebeka ina kibubu katagheyanai ikavaravaghai ma meyagai ikiibutawei. Wiwikena ina mamai na Betuwel, ina kwabura na Milka, ma ina doboro na Nayo, tuna na Abraham tina kikei.
608	GEN 24:16	Wavinena ivi karawata kirakai, tuna wiwike gubugubu, ke meyani tomowa damina ita viiya. Ioru ku dogo da ina kibubuwai okowa ivui ma ighae.
642	GEN 24:50	Ma Leiban da Betuwel ivonapotei bo, “Ke ruvaruvana da ikikava kana vonem. Weni tuna na Bada ina kayowana.
647	GEN 24:55	Ma Rebeka ina maduwa ma novuna ivona bo, “Kegha, karakava. Wiwikena na mara ivi 10 gwabikiiyai ina makai ma nani murinai kona nae.”
649	GEN 24:57	Vaghina ma ivona bo, “Wiwikena takwatui ina pisi ma titarakiiyanei da tuna mani ina kayowana ina voneta.”
650	GEN 24:58	Rebeka ikwatui ipisi ma ivonei bo, “Wekarakava weni tomowina yavata kona nae bo kegha?” Ma ivonapotesi bo, “E, vaghina, aku kayowana da yavata kana nae.”
660	GEN 25:1	Abraham wavine sago irutini da kawana vuna. Wavinena kana vava Ketura.
663	GEN 25:4	Ma Midiyan natunatuna na Epa, Eperi, Hanoki, Abida ma Elda. Weni wawayisi peyarisi na Ketura tupurereghina.
671	GEN 25:12	Weni tuna na Abraham natuna Ismayel ina varagutugutu. Tuna na Heiga natuna ma Heiga na Sera ina bigabiga wavinena, ina dobu na Egypt.
675	GEN 25:16	Weni damsi na Ismayel natunatuna, ti na dam ivi 12 i kaekiki mau. Ma ti na i meyagai ma i taki nununai ivivi makiiyana.
678	GEN 25:19	Weni tuna na Abraham natuna Aisiki ina varagutugutu.
681	GEN 25:22	Ma damina iviiya da iti tuwa da wawayaruwa ma pepeyisi na manawina kamonai ivivi papareyana. Ma i maduwa ivona bo, “Weni tuna na avi berana etuputupuwa kuriku?” Tuna kubiine ivi nowi Bada kurina da akova ita viiya.
694	GEN 26:1	Mara sago gomara ghamana nani dobunai itupuwa. Ma gomarina kubiine Aisiki mau inae ku Gera dobuna, Pilisti damsi i kiivavo Abimaleki kurina. Weni tuna na gomara kana viruwa, kunona gomara sago Abraham ina mariyai itupuwa.
696	GEN 26:3	Kemakai mara gisina ma taku na gwabimuwai ma ani biibiinim. Weni dobuna kudubina na tam, tupurereghim yavata ana veremi. Nakanani ana berai na aku vonakiiyapa bagibagina am mamai Abraham kurina aterei na ana nunuri.
702	GEN 26:9	Tuna kubiine Aisiki ikwatui inae kurina ma ivonei bo, “Kuvi bero! Wavinena na kawam! Avi kubiine kuvona da tuna na novum?” Aisiki ivonapotei bo, “Anotai da ati mamatara da tuna na kawaku na kota kiivunuku.”
713	GEN 26:20	Ma Gera dobuna wawayisi, ti na sipu kii koyakoyagha, na ivomiiri da Aisiki ina sipu kii koyakoyagha iyeghisi nani dogona kubiine, ivonesi bo, “Weni okowina na tokai akii okowa, ke tami.” Tuna kubiine dogona ivi vavei ‘Eseki,’ nani vavana iyamna ‘Vigamowana.’
715	GEN 26:22	Nani dogona ikuyowei ma inae da bade dogo sago iyabai na kesago iyai nani dogona kubiine ita gamo. Tuna kubiine ivi vavei, ‘Reyobota,’ nani vavana iyamna ‘Taraboga Ghamana.’ Ma ivona bo, “Wekarakava na Bada ivotaweta ma taraboga ghamana ivereta da tamakai bubuna ma mura ghamana tapanani.”
721	GEN 26:28	Ivonapotei bo, “Wekarakava kakovi da Bada gwabimuwai. Kanotanotai da tam ma tokai na vivaghina kata berai. Kakayokayowei da kurikai kuna vonakiiyapa
764	GEN 27:36	Ma Iso ere nuwavisina ivona bo, “Wena mara kana viruwa ivi beroberoweku. Kovi vava bubuni da tuna na ‘Jeikap.’ Kunona kaku gawara iviiya da ivi yaroko ma wekarakava na aku vibiibiina gwabimuwai iyapiya da ivi rapenei.” Muriyai ivi tarakiiyana bo, “Kade vibiibiina sago kuvi yapakei da kubiiku bo kegha?”
774	GEN 27:46	Muriyai Rebeka inae Aisiki kurina ma ivonei bo, “Weni Hiti wivinesi natuta Iso iravaghisi na ke aku kayowana, weni makamakiina na ke ata vivivaghinei. Mikeda Jeikap bade weni dobuna kamonai Hiti wavine sago ina ravaghi na ibiibai da ata rabobotaweyana.”
791	GEN 28:17	Ma iyabumana da ivona bo, “Weni dobuna ivi iniririmona ghagha, weni tuna na kesago avai da Bada ina numa. Weni tuna na kunuma kana matuketa.”
822	GEN 29:26	Leiban ivonapotei bo, “Weni dobunai akii kiki evonavona da ke vaghina da wavine murimurina ini nao ina tavine ma iyarokona ini muri.
831	GEN 29:35	Ma bade iropeyame ma ivi tuwa da tomowa ma ivona bo, “Wekarakava na Bada ana vokavakavari.” Tuna kubiine ivi vavei ‘Juda,’ vaghina ma vituwa ivoterei.
837	GEN 30:6	Vaghina ma Risera ivona bo, “God ivi kamyuyuweku ma aku tou ivi yanei da natuku tomowa ivereku.” Weni berana kubiine ivi vavei ‘Dan.’
845	GEN 30:14	Witi borina kana mara ma Ruben ikiibau ku warere da vituwa kana gegura irupanapanana na iyuna ma inae da ina maduwa Liya iverei. Risera inae da Liya ivonei bo, “Natum ina gegura ma kade ruwa kava kuta vereku bo kegha?”
851	GEN 30:20	Ma Liya ivona bo, “God puyo kiimatanina ivereku. Wekarakava na kawaku ina vokaraveku, natunatuna tomotomowa ivi miikovi ma sago avi tuwesi kubiine.” Ma natuna ivi vavei ‘Sebulun.’
902	GEN 31:28	Ma ke sago kuti akoviku da natunatuku ma tuputupuku ata yonisi ma ati kiruruwesi ma kota nae. Weni tuna na bera neghaneghana kuberai.
911	GEN 31:37	Wekarakava na aku sawara peyarina kugini yavui ma kamonai na aviyavisina sago tam rapemuwai kupanani. Avi kava kupanani boni na am wawaya ma aku wawaya maghinosiyai keterekiibuwei da ina kitai ma ti ina voneta da iyi ivonavaghata.
917	GEN 31:43	Leiban, Jeikap ivonapotei bo, “Weni wivinesi na taku natunatuku ma natunatusi na taku tuputupuku ma ghamoghamosi na taku aku ghamoghamo. Ma vonavaghata da bera kudubina weni dobunai kekitakitai na taku rapekuwai. Ma wekarakava na taku ke ruvaruvana da aviyavisina ana berai da natunatuku ma tuputupuku ana votanisi.
918	GEN 31:44	Ma vaghina, kepisi da tam ma taku vivaghina makamakiina taberai. Wakima tidaburi da tuna takitakitai na ita vivaghina makamakiina tanotai.”
922	GEN 31:48	Ma vaghina, Leiban, Jeikap ivonei bo, “Weni wakimina daburina na imatakira da tam ma taku vimakiibero tavoterei.” Tuna kubiine nani gawarina ivi vavei ‘Galidi.’
925	GEN 31:51	Ma bade ivonei bo, “Wakima avi daburi weni, tam ma taku kamoputiyai ma wakima kuvi miirini weni.
926	GEN 31:52	Weni wakimina daburina ma weni wakimina miimiirina na matakira da tam ma taku ita viparaparata. Taku ke meyani ana damani da ani ghaviyem ma bade ke kuna damani da kuni ghaviyeku.
931	GEN 32:3	Ikitisi na ivona bo, “Weni tuna na God ina taki.” Tuna kubiine nani gawarina ivi vavei ‘Mayanaim.’
943	GEN 32:15	Weni nakanani ivovinesi. Gote wivinesi ivi 200 ma bade tomotomowisi ivi 20, sipu wivinesi ivi 200 ma bade tomotomowisi ivi 20.
949	GEN 32:21	Ma konota bogai da weni nakanani kona vonei, ‘Am bigabiga Jeikap murikiiyai vaghata epipisi.’” Jeikap namada ina nota irereghi da ivona bo, “Weni puyosi ana vonatawei ini nao da aku tuwa nuwanuwana ani nubai. Muriyai ana nepotei na aku berona ina notatawei.”
966	GEN 33:5	Vaghina ma Iso itepa ma ikitavirevire da wivine ma ededa yoghoyogho ikitisi ma ivi tarakiiyana bo, “Weni wawayisi na iyavo?” Ma Jeikap ivonapotei bo, “God ina agabiibai irakata kirakai da weni wawayisi ivereku.”
971	GEN 33:10	Ma Jeikap ivona bo, “Kegha. Mikeda nuwanuwam kudubinai kituraneku na vaghina ainowi kurim da weni puyosi avereverem na keviiya. Maghighim akitai na nakanani ma God maghighina ata kitakitai. Wekarakava ainuwabiibai da kuvi turaneku.
973	GEN 33:12	Vaghina Iso ivona bo, “Wekarakava tavomiiri, taku yavata tanae patapata.”
991	GEN 34:10	Weni berana taberai ina kovi na aivaghinei da weni dobunai tamakai patapata. Weni dobunai kuna makai da kuni wadubo ma kuni gimagimara wapawapa.”
999	GEN 34:18	Weni notana Jeikap natunatuna yavata iterei na ibiibai da Hamo natuna Sekem yavata ivi vaghinei.
1002	GEN 34:21	Ivona bo, “Weni damsi na turaturata, kovoteresi da ita dobuwai ina makai ma ini gimagimara wapawapa. Dowa irakata kirakai da ti kubiisi. Ma ti ma tota titavinevivirana.
1015	GEN 35:3	Wekarakava na tanae ku Betel ma nani dobunai suwara kana kema ana vowai God kubiine. Tuna aku nuwapoya peyarina kamonai iviteku ma mike anenae na mara nonowa gwabikuwai.”
1038	GEN 35:26	Liya ina bigabiga wavinena Silpa natunatuna na Gedi ma Asera. Weni tomotomowisi peyarisi na Padan Aram kamonai itupuwamakai ma Benjamin ina kina kava na kegha.
1042	GEN 36:1	Weni tuna na Iso tupurereghina i varagutugutu (Iso kana vava sago na Edom).
1046	GEN 36:5	Ma Olibama ivi tuwa da natunatuna Jeyus, Jalam ma Kora. Weni tomotomowisi na Iso natunatuna, peyarisi na Keinan dobuna itupuwamakai.
1050	GEN 36:9	Weni tuna na Iso tupurereghina i varagutugutu, tuna na Edom damsi i kaekiki.
1053	GEN 36:12	Ma bade bigabiga wavinena sago ivi kawanei, kana vava Timna, ma tuna ivi tuwa da natuna tomowina na Amaleki. Weni damsi na Iso kawana Ada tuputupuna.
1054	GEN 36:13	Ma Rewel natunatuna tomotomowisi na Nayati, Sira, Sama ma Misa. Weni damsi na Iso kawana Basemati tuputupuna.
1057	GEN 36:16	Kora, Gatam ma Amaleki. Weni tomotomowisi na Edom dobunai ivivi makiiyana. Peyarisi na Eripas tupurereghina, Ada tuputupuna.