2156	EXO 23:11	Watannin ganchis wataman aywaj cajchönaga chacrayquita jamachinqui. Chacrayquicho shiwa wiñamur pogojcunaga canga pobricuna shuntacunallanpäna, jirca animalcuna micunallanpäna. Übas chacrayquita olivo chacrayquitapis chaynölla ruranqui.
2161	EXO 23:16	«Chaypita Chaqui Micuy Cosëcha fistata ruranqui rimir caj cosëchata shuntayta usharcur. Wata ushananchöpis cosëchata shuntayta usharcur Übas Cosëcha Ushay fistata ruranqui.
3292	LEV 19:10	Übastapis chacrapita ashircur-ashircorga ama pallacurinquichu. Shicwajcunatapis ama shuntanquinachu. Chaycunataga cachaycunqui pobricunapaj, lagacushojcunapämi. Noga Tayta Diosniquimi chayno në.
3473	LEV 25:3	Chacracunataga sojta watami murunqui. Übas lantancunatapis chillguejcunata sojta watami rämanqui. Wayuynintapis chay watacunallachömi pallanqui.
3481	LEV 25:11	Pichga chunca (50) watachöga cachaycunan watami canga. Chaymi chay watachöga ama murupacunquichu. Shiwa rïgutapis ama shuntanquichu. Übas lantancunatapis ama rämanquichu, wayuynintapis ama pallanquichu.
3530	LEV 26:5	Rïguyquipis aypangapaj übas pogumunancamami. Übasnami aypangapaj murupacunayquicama. Sumaj micushami cawanquipaj. Nasyunniquichöpis allimi goyäcunquipaj.
5099	DEU 6:11	Chay marcacunachöga wasicunatapis tarinquipaj ima-aycayojtapis juntatami. Yacu pösucunatapis tarinquipaj listu uchcushallatami. Übastapis, olivotapis listu lantashallatami tarinquipaj. Chayta micurmi cushisha goyanquipaj.
5481	DEU 22:9	«Übas chacrayquiman ima micuytapis ama murunquichu. Chayno ruraptiquega Tayta Diospanami ricaconga murushayquipa wayuynin y übaspa wayuyninpis.
5548	DEU 24:21	«Übasta pallashpayquipis ticrapayllapaga ama shuntanquichu. Quëdaj cäga cacuchun marcayquicho tiyaj jäpacunapaj, wacchacunapaj, biyüdacunapaj.
5643	DEU 28:30	Majachacänayquipaj parlashayquiwanpis jucmi puñucuyconga. Tiyanayquipaj wasita rurashayquichöpis manami tiyanquipächu. Übasta lantashpayquipis wayuyninta manami micunquipächu.
5652	DEU 28:39	Übastapis lantanquipämi; täpanquipämi. Ichanga manami wayuynintapis pallanquipächu ni bïnutapis upunquipächu. Curullami ushacurcongapaj.
6783	JDG 9:27	Nircorga llapan aywaran chacraman. Übasta shuntaycärir bïnuta ruraran. Nircur fistata ruraran «diosnë» nishancunapa templuncho. Cushicur micur upuran. Abimelecpa washanta rimaran.
6900	JDG 13:14	Ama upuchunchu bïnuta. Übaspita rurar poguchisha cajta, ni ima machächicojtapis ama upuchunchu. Tayta Dios ‹ganra› nishan micuycunatapis ama micuchunchu. Nishänölla llapanta cumlichun.»
6916	JDG 14:5	Chaynöpami Sansonga maman-taytanwan aywaran Timnatman. Übas chacrapa Sansón päsaycaptin liyun pintipaycuran.
7124	JDG 21:20	Chaymi Israel mandajcunaga Benjamín castacunata willachir niran: «Ayway Siluman. Übas chacracunaman pacacaycäriy.
8872	1KI 5:5	Salomón cawashanyäga Judá runacunawan Israel runacuna Danpita Beersebacama tiyacuran allilla. Cada-ünunpa imapis mana pishiranchu. Übasninpis ïgusninpis achca caran.
9456	1KI 21:2	Juc junajcho Nabot-ta Acab niran: «Übas chacrayquita ranticaycamay wertä cananpaj. Jinachöpis chay chacrayquega caycan palasyöpa lädullanchömi. Übas chacrayquipa ruquin noga goshayqui mas alli übas chacrata. Guellayninpa niptiquipis pägashayqui risyunta.»
9469	1KI 21:15	Mayaycur Jezabelga Acabta willaran: «Übas chacranta ranticuyta mana munaj Jezreel runa Nabotga wañushanami. Canan juclla ayway. Chacranta charicurcuy» nir.
10094	2KI 19:29	Ray Ezequiastana Isaías niran: «Rasunpa cananpaj cashanta musyanayquipaj caynömi canga: Cay watapis, watanpis gamcunaga micunquipaj quiquillan wiñacamoj micuy wayushantami. Watannin cajchönami ichanga mururcärirpis shuntanquipaj. Übasta lantarcurpis wayuyninta micunquipaj.
11141	1CH 27:27	Übas chacracunata arunanpaj mandäga caran Ramat marca runa Simei. Ima-aycapis churaränan wasi cajman bïnuta ashtajpa mandajninna caran Sefam marca runa Zabdi.
13451	JOB 24:11	Asëtita gapchinanpaj jatusaj agacuna rumicunata tangan. Übasta bïnupaj lluchcaycarpis yacunaypitaga wañurcaycanmi.
13458	JOB 24:18	«Chay fiyu runacunaga yacu cörrejnömi illgacäcun. Chacrancunapis maldisyunädumi ricacun. Übas chacrancunachöpis pipis mananami arunnachu.
15271	PSA 80:15	Munayniyoj Tayta Dios cutiycamuy ari. Übas lantayquitaga syëlupita-pacha sumaj ricaycuy.
15273	PSA 80:17	Übasniquega mutur-ushashami, rupachir-ushashami caycan. Chaymi chayno rurajtaga fiyupa castigaycuy ari.
17407	ECC 2:4	Ima-ayca obratapis rurachishcä. Quiquëpaj palasyucunata aruchishcä. Übas chacräcunapis casha.
17637	SNG 2:13	Ïgus yöracunapis wayuraycannami. Übas chacracunapitapis cuyayllapaj asyaynin mayacaycämunnami. Cuyaynë jatariyna ari. Fiyupa cuyashä warmi caypa shacamuy ari.
17639	SNG 2:15	Übasninchëga waytaraycanmi. Tacsha atojcunami übasninchïta ushaycan. ¡Charipämay-llapa atojcunataga!
17695	SNG 6:11	Nuwal yöracunalla caycashan muntipa aywashcä. Aywashcä yacu aywaj ragra cantun pampa berdiraycajta ricapaj. Übas chichiycajta, granada waytaraycajta ricayta munashpämi urashcä.
17732	ISA 1:8	Sionga japallannami quëdasha. Übas chacra chaupincho chuclla tiyaraycajno, calbäsa wayuraycaj chacra chaupincho jucnaylla ramäda caycajno, japallan siudäta chiquejcuna intëru cantunpa tumaparaycashannömi quëdasha.
17811	ISA 5:2	Chacrata ojtir allpata sumaj tacuchiran. Rumincunatapis acrarcur-acrarcur jitariran. Chaymanna lantaran alli ñawiyoj übas sapicunata. Übas chacra chaupinchönami täpar ricchacuna törrita aruran. Übasta bïnupaj gapchinanpäpis juc pösuta camariran. Amïgöga yarparan übasnin mishquejta wayunantami. Nishan chay übasga pochgojtami wayusha.
17812	ISA 5:3	Chacrapa duyñunnami nin: «Jerusalén runacuna Judá runacuna canan mä nimay. ¿Mayganëtaj mana allita rurashcä? ¿Übasnëchu? ¿Nogachu?
18049	ISA 16:10	Chacracunachöpis mananami cushicur gaparpanganachu. Manami übas chacracunachöpis cantanganachu. Übastapis manami gapchenganachu bïnuta rurananpaj übas lluchcacunancho. Mananami cushicur gaparpanganachu.
18172	ISA 24:7	Übas yöracunatapis gueshyami charisha. Chaymi bïnupis mana cannachu. Ñaupata cushisha goyajcunapis llaquishanami carcaycan.
18452	ISA 37:30	Ray Ezequiastana Isaías niran: «Rasunpa cananpaj cashanta musyanayquipaj caynömi canga: «Cay watapis, watanpis gamcunaga micunquipaj quiquillan wiñacamoj micuy wayushantami. Watannin cajchönami ichanga mururcärirpis shuntanquipaj. Übasta lantarcurpis wayuyninta micunquipaj.
18933	ISA 62:9	Chaypa ruquenga quiquiquicunanami micuyniquita shuntar micunquipaj. Übasniquicunatapis pallar shuntanquipaj. Bïnuta rurashayquitapis quiquiquicunami upunquipaj. Chayno rurashpayqui nogata alabamanquipaj rispitädu Templöpa sawan ruricho.»
18987	ISA 65:21	Runacunaga wasinta arurcachir chaychömi tiyanga. Übasta lantar wayuynintapis micongami.
18988	ISA 65:22	Wasitapis aronga quiquinpämi, manami juc runa tiyananpänachu. Übastapis manami lantangachu wayuyninta juc runa micunallanpäga. Guerucuna unaycama mana chaquishannömi acrashä runacunapis unaycama cawanga. Acrashä runacunaga arur tarishanwanmi cushisha goyangapaj.
19167	JER 6:9	Munayniyoj Tayta Diosmi cayno nin: «Übaspa wayuyninta yaparir-yaparir ushajpaj ashejnömi Israel quëdajcunatapis contrancuna manyapita ashenga.»
19235	JER 8:13	Übas chacrapitaga übasta pallämanmi. Ïgus chacrapitapis ïgusta pallämanmi. Gamcunapitami ichanga imatapis mana chasquishcächu. Chaquisha öjacunanöllami carcaycanqui. Chaypitami llapan tarichishäcunatapis guechuchishayqui. Noga Tayta Diosmi chayno në.›
19328	JER 12:10	Übas chacrata michicojcuna uywanwan lluchcachishannömi, contran mandajcunaga acrashä runacunata usharisha. Chay chacrä jananpami purisha. Chayno purishpanmi mas cuyashä chacrata chunyajman ticrarachisha.
19633	JER 25:30	«Jeremías, gam willay Noga imano ruranäpaj caycashätapis. Cayno willacunqui: «Tayta Diosmi syëlupita-pacha gayacamun. Janaj rispitädu sillunnincho jamaraycashanpita-pachami räyuno busninwan gayacamun. Acrashan runacunapa contranmi gayacamun. Übasta lluchcajcuna-jinami gayarämun cay pachacho tiyaj cajmanga llapan runacunaman.
19765	JER 31:5	Samaria partipa jircancunachömi übascunata yapay lantanquipaj. Übasta lantajcunaga wayushanta cushishami pallanquipaj.
20205	JER 49:9	Übasta pallajcunaga ¿manachu juc ishcay sartataga cachaycunraj? Chacaypa suwa yaycurpis ¿manachu tarishallanta apacun?
21252	EZK 28:26	Chaychöga allillanami goyangapaj. Wasicunata jatarachenga. Übascunata lantapaconga. Nogami castigashäpaj Israelcunata manacajman churaj bisïnun nasyun runacunataga. Chauraga Israelcunapa noga Tayta Diosnin cashä musyacangami.› »
22358	HOS 14:8	Israel runacunaga yapaymi nogapa maquëcho goyanga. Chayrämi canga rïgu shicshiraycajno. Übas sumaj chillguiraycashannörämi canga. Paycunapäga may-chaychöpis parlanga Líbano bïnupänörämi.
22367	JOL 1:7	Übascunatapis ushajpämi ushacurcusha. Ïgus yöräcunatapis pasaypami ushasha. Pasaypa tullullantami ruraycusha. Rämancunatapis yur'gashatami cachaycusha.
22370	JOL 1:10	Chacracunapis gallpallanami caycan. Llapan chacrami llaquisha caycan. Rïgupis shuntananpaj manami cashanachu. Übas yöra chaquiptin bïnupis manami cannachu. Olivo yöracuna chaquiptin asëtipis manami cannachu.
22372	JOL 1:12	Übascunapis chaquicäcushami. Ïguscunapis manami wayushachu. Granadacunapis, palmacunapis, mansänacunapis, jircacho caj yöracunapis ushajpämi chaquisha. Chaynöpami runacunapis mana cushicunnachu.
22509	AMO 5:17	Übas chacracunachöpis intëruchömi waganga. Chaynömi canga noga castigaj shamushä örapis.» Tayta Diosmi chayno nisha.
22578	AMO 9:14	Chayrämi prësu apashanpita cutichimushäpaj acrashä Israel runacunataga. Juchuchisha caycaj siudäcunatapis yapay allchanga. Nircur chay siudäcunacho tiyanga. Übastapis lantanga. Poguptinnami bïnuta rurarcur uponga. Wertacunata ruranga. Wayuynincunatana miconga.
22584	OBA 1:5	«Suwacuna suwapäshunayquipaj chacaypa shamushpan imayquitapis ushajpäga manami apacunmanchu. Übasta pallajcuna gam cajman shamushpan juc ishcay sartataga cachaycunmanrämi. Gamcunatami ichanga contrayquicuna ushajpaj illgächishunquipaj.
22654	MIC 1:6	Chaypitami Tayta Diosga cayno nin: «Samaria siudä ushajpaj juchunanpämi camacächishaj. Übasta lantananpaj yapyasha caycaj chacranömi ricaconga. Chay siudäpa perga rumincunatapis guechwa ragrapami mashtarishaj. Chayno rurariptë simintuncuna cashanpis alayrimi quëdanga.
22732	MIC 6:15	Murupacurpis manami shuntapacunquipächu. Olivota agarpis asëtinwan manami imatapis ruranquipänachu. Übasta lluchcarpis manami bïnuta upunquipänachu.
22869	ZEP 1:13	Chaypitami ima-ayca charashancunatapis juc runacunana guechurcur apaconga. Wasincunatapis illgächenga. Tiyananpaj wasicunata arushanchöga manami tiyangapänachu. Übascunata lantashanpa bïnuntapis manami upongapänachu.»
23057	ZEC 8:12	Alli goyaynami paycunachöga cangapaj. Übascunapis wayonga. Allpachöpis micuycuna allimi wayonga. Tamyapis tamyamongami. Acrashä runacuna cawaycar quëdajcunapäga nogami camacächishäpaj chayno paycunapaj alli cananpaj.
23928	MAT 21:33	Mastapis tincuchiypa willapar Jesús niran: «Juc runashi chacrancho übasta lantachisha. Nircurshi intëru cantunpa guenchachisha. Übasta gapchinanpaj jatun muchcata rurachisha. Chacranta täpananpäna jatun törrita rurachisha. Chayno rurarcacherga aroj runacunata arrindacuycurshi juc-lä marcaman aywacusha.
24743	MRK 12:1	Chaura Jesús tincuchiypa yachachir niran: «Juc runashi chacranman übasta lantachisha. Nircurshi intëru cantunpa guenchachisha. Übasta gapchinanpaj jatun muchcatapis rurachisha. Chacrata täpananpäna jatun törrita rurachisha. Chayno rurarcacherga aroj runacunata arrindacuycurshi juc-lä marcaman aywacusha.
24744	MRK 12:2	«Übas cosëcha chayamuptinna chacrapa duyñonga uywayninta cachasha paypaj cajta raquipämunanpaj.
25858	LUK 20:10	«Übas cosëcha chayamuptinna chacrapa duyñonga uywayninta cachasha paypaj cajta raquipämunanpaj. Chay uyway chayajtaga arrindaj runacuna fiyupa magarcurshi jinayllata gargurisha.
30398	JAS 3:12	¿Ïgus yörapis wayunmanchuraj asëtünasta? ¿Übaspis wayunmanchuraj ïgusta? ¡Manami! Chaynömi juc pucyullapitaga mana yargamunchu mishquej yacuwan pochgoj yacupis.
31013	REV 14:18	Altarcho caycashanpitanami yapay mas juc anjilpis llojshimuran ninata munaynincho chararaj. Paypis ösin aptasha caycaj anjilta gayacuran: «¡Übasga llapannami poguraycan! ¡Ösiquiwan llapanta shuntamuy!»
31015	REV 14:20	Übastaga siudäpita mas juc-lächömi lluchcaran. Pösupitanami yawar llojshiran cawallupa shiminman aypänan altucama. Sojta chunca (60) lëwacamami mashtacaranpis.
31101	REV 19:15	Llapan nasyuncunata castigananpämi afilasha sabli shiminpita llojshimuran. Chaywanmi llutanta ruraj runacunata fiyupa rabyar mana cuyapaypa castiganga. Übasta gapchishannömi runacunata castiganga llapanpaj munayniyoj Tayta Diosta rabyachishanpita.