3 | GEN 1:3 | Chaura Tayta Diosga «¡Achicyaj cachun!» niran. Niptin achicyaj ricacuran. |
463 | GEN 19:5 | Nircur Lot-ta gayapayta gallaycäriran: «¿Maytaj canan chacay wasiquiman pachacamoj runacuna? ¡Canan öra gargamuy! ¡Paycunawanmi cacuyta munä!» nir. |
467 | GEN 19:9 | Chayno niptinpis runacunaga nircaycaran: «¡Gamga washata ayway! Jäpa runa caycashpayquichi nogacunataga mandayta munamanqui. ¡Cananmi ichanga paycunata ruranäpaj cashäpitaga gamta mas piyur rurashayqui!» Chayno nir Lot-ta wacpita caypita magarcur wasi puncunman aywaran amiriycärinanpaj. |
472 | GEN 19:14 | Chayno niptin Lotga aywaran mashan cananpaj caycajcunata willaj. Chayar paycunata niran: «Caypita juclla aywacushun. ¡Tayta Diosmi illgächej-aywan cay siudätaga!» Chayno niptin Lotpa mashan cananpaj caycajcunaga mana riguir asicuran. |
524 | GEN 21:10 | Chayno pucllacuycajta ricaycurmi Saraga Abrahamta niran: «¡Chay uywaytaga wamrantawan garguriy! ¡Wamrä Isaacga chay wamrawan manami ima-aycanchïtapis raquipänacongachu!» |
625 | GEN 24:33 | Chaypita micuyta micunanpaj churapaycuptin Abrahampa uywaynenga niran: «Nogaga manami micushärächu ninäpaj caycajta manaraj parlarga.» Chayno niptin Labán niran: «¡Parlamuy ari!» |
762 | GEN 27:34 | Chayno papänin nishanta wiyaycur Esaüga fiyupa wagar gapararan. Llaquicur niran: «¡Papä, nogatapis bindisyunta gomay ari!» nir. |
773 | GEN 27:45 | Guechushayquita wauguiqui gongaycuptinnaga willachimushayquimi cutimunayquipaj. ¡Nogaga juc junajllacho ishcan wamräta ograycuyta manami munächu!» |
920 | GEN 31:46 | Nircur castancunata niran: «¡Rumicunata shuntamuy!» nir. Chayno niptin llapan shuntapäcamuran juc gotuy rumita. Rumita gotushan ñaupanchöna llapan micupäcuran. |
931 | GEN 32:3 | Chaura Jacob almirasha niran: «¡Caychöga Diospa suldäruncunami pachacaraycan!» nir. Chayno nirmi chay partipa jutinta churaparan Mahanaim nir. |
1106 | GEN 37:22 | Ama yawarta mashtashunchu ari. Chaypa ruquenga cay chunyajcho caycaj pösuman wiñarpäriy. ¡Quiquiquicuna ichanga ama wañuchiychu!» Chayno niran Rubenga wauguincunapita Josëta salbayta munar. Yarparan pacayllapa pösupita jorgurcur papäninman «cuticuy» ninanpaj. |
1144 | GEN 38:24 | Chaypita quimsa quillatano Judäman runacuna shamuran willananpaj: «Llumchuyniqui Tamarga juc runawanmi cacusha. Cananga gueshyajnami caycan» nir. Chaura Judäga niran: «¡Wasinpita jawaman jorgurcur rupaycärachiy!» |
1149 | GEN 38:29 | Ichanga jinan öra maquinta cutichicurcuran. Yurirnaga rimëru yuriran wauguin caj. Chaymi partëraga niran «¡Imanöparaj cayga ñaupanpa päsamusha!» nir. Chaypitami jutinta churaparan Fares nir. |
1239 | GEN 41:43 | Nircur wichächiran faraonpa guepanta aywaj carrëtanman. José maypa aywaptinpis runacuna cayno gaparpaj: «¡Paypa ñaupanman gongurpacuy!» nir. Chaynömi Josëtaga churaran llapan Egipto runacunapa mandajnin cananpaj. |
1320 | GEN 43:29 | Paycunata ricapärishancho Josëga ricäriran chay taytapita chay mamapita caj wauguin Benjaminta. Chaymi José niran: «¿Paychu ‹Shullcä can› nimashayqui wauguiqui?» Nircur Benjaminta niran: «¡Gamtaga Dios yanapaycushunqui ari ïju!» nir. |
1360 | GEN 45:1 | Sirbej runacunapa ñaupancho wagayta Josëga mana munaranchu. Chaymi sinchipa niran: «¡Caypita llapayqui llojshiy!» nir. Chayno niptin Josëta sirbej runacunaga jucnayllapis chaycho manana carannachu. |
1372 | GEN 45:13 | Cay Egiptucho imano mandashätapis, imano ricashayquitapis papänëta willanqui. ¡Apurä ayway papäninchïta cayman pushamunayquipaj!» |
1387 | GEN 45:28 | Chaymi niran: «¡Cananga musyämi wamrä José cawaycashanta! ¡Manaräpis wañucur aywar ricaycamushaj!» |
1563 | EXO 2:8 | Chayno niptin niran: «¡Mä gayaraycamuy!» Chaura wamraga aywaran itipa mamanta pushamoj. |
1575 | EXO 2:20 | Chayno willaptin papänin tapuran: «¿Maytaj chay runaga? ¿Imanirtaj cachaycäramushcanqui? ¡Ayway pushamuy garananchïpaj!» |
1637 | EXO 5:4 | Chaura Egiptupa faraonnenga niran: «Moisés, Aarón, ¿imanirtaj alli arucuycaj runacunata aruyninpita jorguyta munaycanqui? ¡Gamcunapis aroj cutiy!» |
1656 | EXO 5:23 | Faraonwan parlaj cachamashayqui junajpita-pachanami acrashayqui runacunataga magashpan fiyupa ñacaycächin. ¡Gamga manarämi imatapis ruranquirächu ñacashanpita jorgunayquipaj!» |
1986 | EXO 17:2 | Chaura rabyashpan Moisesta nipäcuran: «¡Yacuta gomay upunäcunapaj!» Chaura Moisés niran: «¿Imanirtaj nogata nimanqui? ¿Imanirtaj Tayta Diosta musyapayta munanqui?» |
2463 | EXO 32:24 | Chaymi noga nirä: ‹Gorita charajcuna shuntay› nir. Shuntarcärirna apamuran. ¡Chaura chayta ninaman wiñarcuptillä töru-mallwa-niraj ruracäcusha!» |
4024 | NUM 10:35 | Babulta apananpaj jogarcäriptin Moisés nej: «¡Aywaculläshunna Tayta Dios! ¡Contrayqui cajcunaga machiypa-machir gueshpichun! ¡Chiquishojcunaga ricashushpayqui gueshpir aywacuchun!» |
4025 | NUM 10:36 | Babulta jamaycachiptinna Moisés nej: «¡Cutiycamuyna ari Tayta Dios yupaytapis mana atipaypaj Israel runacunaman!» |
4053 | NUM 11:28 | Chayno niptinmi Nunpa wamran Josuëga Moisesta niran: «¡Tayta, michay. Ama parlachunchu!» Josuëga wamra cashanpita-pachami Moisespa yanapajnin caran. |
4054 | NUM 11:29 | Moisesna niran: «¿Imanirtaj nogalla profëta canäta munanqui? ¡Ojalä Tayta Diosga llapan runacunaman Espiritunta churanman! ¡Ima alliraj canman llapanpis profëtallana captin!» |
4106 | NUM 13:30 | Chaura Israelcunaga Moisespa contran rimayta gallaycäriran. Chaymi runacunata upällaycachir Calebga niran: «¡Aywashun chay chacrata guechunanchïpaj! ¡Noganchëga guechuyta puydinchïmi!» |
4107 | NUM 13:31 | Ichanga Calebwan ricapacoj aywajcuna niran: «¡Chacranta guechoj aywar chay runacunataga manami binsishunpächu! ¡Paycunaga noganchïpita mas munayniyojmi caycan!» |
4112 | NUM 14:3 | Tayta Diosga ¿imapäraj cay partiman pushamashcanchi? ¿Pushamashcanchi guërracho wañunanchïpächu, warminchïcunapis wamranchïcunapis chiquimajninchïcunapa munaynincho prësu cananpächu? ¡Masbin Egiptuman cuticushun!» |
4202 | NUM 16:7 | Chaycunaman shanshata wiñarcur insinsuta rupachinqui Tayta Diospa ñaupancho. Chaychömi Tayta Dios musyachishunqui pita acrashantapis. Pitapis acrashan cajllatami Tayta Dios chasquenga. ¡Leví trïbu runacuna, gamcunaga alläpanami caycanqui!» |
4236 | NUM 17:6 | Chaypita warannin junäga llapan runacuna Aarontawan Moisesta gayapar niran: «¡Gamcunaga Tayta Dios acrashan runacunatami wañurcaycächinqui!» |
4240 | NUM 17:10 | «¡Chay runacunapita witicuy. Cananmi paycunata illgarachishaj!» Chayno niptin Aaronwan Moisesga ruwacushpan lätaycur urcuncunapis pampaman töpananyaj cumuran. |
4317 | NUM 20:5 | ¿Imapätaj Egiptupita pushamashcanqui cay fiyupa chunyaj partimanga? Cay partiga manami allichu murupacunapäpis. Manami caychöga canchu ïgus, übas, granadapis. ¡Yacupis upunanchïpaj manami canchu!» |
4332 | NUM 20:20 | Chaypis Edompa raynenga niran: «¡Manami päsanquichu!» Chayno nirmi Israelcunawan pillyananpaj aywaran sumaj camaricusha aypalla suldäruncunawan. |
4346 | NUM 21:5 | Chaynami Tayta Diospa, Moisespa contran rimaran: «Cay chunyajcho wañunäpaj ¿imapätaj Egiptupita pushamarayqui? Caychöga manami canchu yacupis ni micuypis. ¡Gustuynaj micuyllata waran-waran micur pasaypa yamacashcäcunanami!» |
4348 | NUM 21:7 | Chaymi paycunaga Moisés cajman aywaycur niran: «¡Tayta Diospa contran, gampa contrayqui parlashäpita juchayojmi caycäcuna. Tayta Diosta mañacuycuy ari nogacunapita chay culebracunata illgächinanpaj!» Chayno niptinmi Moisesga Tayta Diosta mañacuran Israelcunapaj. |
4359 | NUM 21:18 | ¡Chay pösutaga mandajcunami ojtiran! ¡Rispitädu mayur runacunami bastunnincunawan uchcuran!» Chay chunyajpita aywacur Israelcuna chayaran Matana partimanna. |
4427 | NUM 23:10 | Jacobpita mirajcunaga ñuchu allpano aypallami caycan. ¿Piräshi yuparpis atipanman? ¿Aycaj cashantapis piräshi musyanman? ¡Tayta Dios munashanno cawaj runacunano nogapis cawäman! ¡Paycunano nogapis wañuyta tarëman!» |
4442 | NUM 23:25 | Chayno niptin Balaamta Balac niran: «¡Chay runacunata maldisyunayta mana camäpacorga bindisyuntapis ama goychu!» |
4456 | NUM 24:9 | Liyun cäsata charinanpaj llupucuycojnömi caycan. Pipis rimapayta manchacunmi. ¡Israelcuna, gamta bindisyunta goshojcunataga Tayta Diospis bindisyuntami gonga! ¡Maldisyunta goshojcunatami ichanga maldisyunanga!» |
5818 | DEU 33:6 | Rubén trïbu runacunapaj niran: «¡Wallcajlla carpis Rubén trïbu runacunaga ama ushacächunchu!» |
5835 | DEU 33:23 | Neftalí trïbu runacunapaj niran: «Neftalí runacunataga Tayta Dios cuyanmi. Paycunataga achca bindisyuntami gosha. ¡Lamarpita chunyajcamami chacranpis caycan!» |
6686 | JDG 6:30 | «Wamrayqui Gedeonta jorgamuy wañuchinäpaj. ¡Paymi juchuchisha taytanchi Baalpa altarninta. Muturisha altarpa ñaupancho caycaj mamanchi Aseratapis!» |
6716 | JDG 7:20 | Quimsan röpa iwal-lla wagracunata tucaran. Puyñuncunatapis paquergäriran. Ichoj caj maquinpa achquinta charararan. Derëchu cajwanna uyshapa wagranta tucaran. Llapan sinchipa gaparparan: «¡Guërraga Tayta Diospa jutinchömi, Gedeonpa jutinchömi!» nir. |
6785 | JDG 9:29 | ¡Noga gamcunapa mandajniqui cashpäga maynami illgarachëman Abimelecta!» Chayno nir mastapis niran: «¡Manacaj Abimelec suldäruyquicunata shuntarcur mä shamuy pillyananchïpaj!» |
6792 | JDG 9:36 | Chayta ricar Gaalga Zebulta niran: «¡Ricay, suldärucuna jircacunapita uraycämun!» Zebulna niran: «Manami. Gagacunapa llantuyninchaj gamtaga niräpushunqui runa-niraj.» |
6794 | JDG 9:38 | Chaura Zebulga niran: «Cananpis mä ollgucachay ari, baduläqui. Gamga nirayqui ‹¿imataj canchi Abimelecpa uywayninno caycänapäga?› Masqui ricay manacajman churashayqui suldärucunata. ¡Canan mä ayway pillyaj!» |
6804 | JDG 9:48 | Abimelecga suldäruncunata pushacurcur aywaran Salmón jircaman. Nircur guerupa rämanta muturiycur matancacuran. Waquin runacunatapis niran: «¡Llapayqui nogano matancamuy!» nir. |
6827 | JDG 10:14 | ¡Chaycunaman ayway yanapäshunayquipaj! ¡Chaycuna salbashunqui ari!» |
6896 | JDG 13:10 | warmiga cörriyllapa aywaran willaj. «¡Jucpun yuripämaj runa yapaymi yuripämasha!» niran. |
6938 | JDG 15:7 | Chaura Sansón niran: «¡Cananmi ichanga mayaycamanqui! ¡Ayñita manaraj cutichishpäga jamaytapis mana tarishächu!» |
6960 | JDG 16:9 | Manaraj watar Dalilaga runacunata mayna pacaran. Watarcur sinchipa niran: «¡Sansón Filistea runacuna charishunqui!» Chaura Sansonga watuta rupasha jïlutano jinan öra rachiriran. Filistea runacuna mana musyaranchu Sansonpa callpan imanöpa yurishantapis. |
6963 | JDG 16:12 | Chaymi Dalilaga mushoj wascacunawan liyaran. Nircur gayacuran: «¡Sansón Filistea runacuna charishunqui!» Chay örapis Dalilaga runacunata pacaraycächiran. Sansonga jatarcur llanu jïlutanölla llapan wascacunata rachiriran. |
6965 | JDG 16:14 | Painawan sumaj tacaran. Nircorga gayacuran: «¡Sansón, Filistea runacuna charishunqui!» nir. Niptin Sansonga puñuycashanpita jatarishancho tilarnintinta achuriycuran. |
6969 | JDG 16:18 | Rasun cajta willashanta musyaycur Dalila willachiran mandaj Filistea runacunata: «¡Canan ichanga llapaniqui shamuy. Rasunpa cajtami Sansón willamasha!» nir. Chaura mandajcunaga guellayta apacarcärir Dalilaman aywaran. |
6971 | JDG 16:20 | Gayacuran «¡Sansón Filistea runacuna charishunqui!» nir. Sansonga riccharaycamur yarparan imaypis salbacushannölla salbacuyta. Ichanga mana musyaranchu Tayta Dios manana yanapashanta. |
6981 | JDG 16:30 | sinchipa gapararan: «¡Cananga iwalmi wañushun Filistea runacuna!» nir. Chayno nirmi llapan callpanwan pilancucunata tangariycuran. Templu juchur ñitiriran llapan runacunata mandajnintinta. Wañushpanmi Sansonga aypalla runacunata wañuycachiran cawar wañuchishanpitaga mas aypallata. |
6984 | JDG 17:2 | Paymi juc cuticho mamanta niran: «¿Yarpaycanquichu waranga pachacnin (1,100) guellayniqui suwaj runata maldisyunashayquita? Nogami chay suwapäshoj runa caycä.» Chayno niptinmi maman niran: «¡Tayta Dios bindisyunninta goycushunqui ïju!» |
7139 | RUT 1:10 | niran: «¡Gamwanmi marcayquiman aywacushun!» |
7148 | RUT 1:19 | Chaynöpana ishcan aywacuran Belenman. Chayaptin Belencunaga wichaypa uraypa parlaran. Warmicuna ninacuran: «¡Noemïchaj cutimusha!» |
7209 | RUT 4:17 | Bisïnancuna ricar nej: «¡Noemïpami ollgu wamran yurisha!» Chayno nirmi jutinta churaparan «Obed» nir. Jatunyashpanga paymi caran Isaïpa papänin, Davidpana chachan. |
7228 | 1SA 1:14 | Chaymi niran: «¿Imaycamataj machashalla caycanqui? ¡Bïnuta ama upuynachu!» |
7288 | 1SA 3:10 | Chayaycur Tayta Diosga rimëru gayashannölla yapay gayaran: «¡Samuel, Samuel!» nir. Samuelnami niran: «¿Imata Tayta? Nogalläga wiyaycällämi.» |
7296 | 1SA 3:18 | Chaura Samuelga Tayta Dios nishancunata llapanta willaran. Willaptin Elïga niran: «¡Imanöpis Tayta Dios yarpashanno rurachun ari! ¡Payga munayniyojmi!» |
7302 | 1SA 4:3 | Suldärucuna pachacushanman cutiycäriptin mayur Israelcuna niran: «¿Imanirtaj Tayta Dios camacächisha Filistea runacuna binsimänanchïpaj? ¡Tayta Diospa babulninta Silo marcapita apamushun. Chaura Paymi noganchïwanna purenga. Chiquimajninchïcunapitapis salbamäshun!» |
7308 | 1SA 4:9 | ¡Sumaj callpachacuy Filistea suldärucuna! ¡Llapan callpayquiwan pillyay hebreo runacuna mana apashunayquipaj! ¡Hebreo runacunata apamushanchïno apargushunquiman!» |
7444 | 1SA 10:24 | Samuelnami runacunata niran: «Cananga ricashcanquinami-llapa rayniquipaj Tayta Dios acrashanta. ¡Manami pipis paymanga tincunchu!» Chaura llapan Israelcuna nipäcuran: «¡Bïba rayninchi!» |
7522 | 1SA 14:12 | Nircur jinan öra Jonatantawan uywayninta gayaran: «¡Shamuy willanäpaj!» nir. Chaura Jonatán uywayninta niran: «Gamga guepalläta wichämuy. Cananga Tayta Dios yanapämaptinchi noganchïmi binsishun.» |
7540 | 1SA 14:30 | Runacunapaga masrämi balurnin canman caran contrancunata guechushanta micuptin. ¡Aypallatami wañuchishwan caran Filistea runacunata!» |
7599 | 1SA 16:2 | Chaura Samuel niran: «¿Imanöparaj noga aywashaj? ¡Saúl mayashpanga wañuchimangami!» Niptin Tayta Dios niran: «Manta wäcata apacurcur aywanqui. ‹Tayta Diospaj rupachejmi apaycä› ninqui. |
7630 | 1SA 17:10 | Cananmi Israel suldärucunata achäquita ashipä: ¡Juc suldäruta cachamuy nogawan pillyananpaj!» |
7664 | 1SA 17:44 | Nircur Filistea runaga Davidta niran: «¡Shamuy. Aychayquitaga jirca animalcunatami äbicunatami garashaj!» nir. |
7686 | 1SA 18:8 | Chayno niptin Saulga fiyupa rabyacäcuran. Rabyar niran: «Davidpäga ‹chunca warangata (10,000) wañuchisha› nin. Nogapäna warangallata (1,000) wañuchishäta nin. ¡Cananga Davidta ray cananpaj churarcunallannami pishin!» |
7723 | 1SA 19:15 | Niptinpis Saulga yapay cacharan runacunata Davidta ashimunanpaj. «¡Cämacho gueshyar jitaraycaptinpis cayman apamuy wañuchinäpaj!» niran. |
7735 | 1SA 20:3 | Chaypis Davidga niran: «Papäniquega musyanmi amïgu cashanchïta. Chaymi musyanayquita mana munanchu llaquicunayquipita. ¡Tayta Diospis musyanmi wañuy janächöna cashanta!» |
7763 | 1SA 20:31 | Cay pachacho David cawaycashanyäga gam, ni mandashayquipis manami yarpashayquinöchu canga. ¡Canan öra ashircachimur cayman apachimuy. Wañunanmi camacan!» |
7769 | 1SA 20:37 | Lëcha chayashanman uywaynin aywaptin Jonatanga llapan callpanwan gayacuran: «¡Lëchaga caycan mas washachörämi!» nir. |
7770 | 1SA 20:38 | Yapay uywayninta Jonatanga gayacuran: «¡Apurä cörriy. Ama ichiycuychu!» nir. Uywaynenga lëchacunata shuntarcur Jonatanta goycuran. |
7806 | 1SA 22:16 | Chaymi rayga rabyashpan niran: «¡Ahimelec, gamga rasunpami llapan famillyayquiwan wañunqui!» |
7840 | 1SA 23:27 | juc cacha chayaran Saulman «¡Juclla cutiy tayta. Filistea runacunami nasyunninchïman yaycacaycäramusha!» nir. |
7850 | 1SA 24:9 | Guepantana Davidpis machaypita llojshirir gayacuran: «¡Tayta, tayta!» nir. Chaura Saulga ticrar ricäriran. Ricäriptin Davidga rispitar umpuran. |
7857 | 1SA 24:16 | Chaymi Tayta Diosninchi ishcanchïtapis jusgamäshun. Mä mayganchïshi juchayoj canchi. ¡Wañuchimänayquipita pay salbamächun!» |
7903 | 1SA 25:39 | Nabal wañushanta mayar David niran: «¡Alabasha cachun Tayta Diosga. Nabal ufindimashanpita allichömi Tayta Dios castigasha! ¡Nogatapis chapämashami mana allita ruranäpita. Nabal mana allita rurashantapis quiquinmanmi ticrachisha!» Chaypitana Davidga cachacuran Abigailman «majachacäshun» nir. |
7922 | 1SA 26:14 | Davidga sinchipa gayacuran Abnerta llapan suldäruncunata: «¡Wiyamay Abner!» nir. Chaura Abner niran: «¿Pitaj gam canqui rayta gayaränayquipäga?» |
7928 | 1SA 26:20 | Nogaga wañuyta munä Tayta Diospa ñaupanchömi. ¡Gamga piquita-yupaypis ashimarmi shamushcanqui. Chacwatanöpis jircacunapa gaticachaycämanqui!» |
7933 | 1SA 26:25 | Niptin Saúl niran: «¡Amatar allimi canqui David! ¡Gamga ima-aycatapis fiyupa allicunatami ruranquipaj. Ima rurashayquipis allimi llojshipäshunquipaj!» Chayno nircur Saúl cuticuran wasinman. Davidpis aywacuran. |
7957 | 1SA 28:12 | Gayarcushpan warmiga illajpita ricäriran Samuelta. Ricärir gapachacuran. Nircur Saultana niran: «¿Imanirtaj llullapämashcanqui? ¡Saulchaj canqui!» |
8029 | 2SA 1:4 | Chaura David niran: «¿Imataj casha? ¡Llapanta willamay ari!» Niptin chay runa niran: «Israelcunami pillyapita gueshpir aywacusha. Paycunaga achcami wañusha. ¡Saulpis wamran Jonatanpis wañusha!» |
8040 | 2SA 1:15 | Nircur yan'guinta gayarcur niran: «¡Canan öra wañurachiy!» Chaura Amalec runataga wañojpaj tucsiycuran. |
8052 | 2SA 1:27 | ¡Imanöshi binsiycusha pillyay yachajcunataga! ¡Armancunapis ushacashami!» |
8119 | 2SA 3:35 | Chaypitaga runacuna aywaran manaraj inti yagaptin micunanpaj Davidta ruwaj. Chaymi Davidga jurashpan niran: «¡Dios fiyupa castigamächun manaraj inti yagaptin tantata car, ima micuyta carpis micuptëga!» |
8123 | 2SA 3:39 | Chaymi nogaga, Dios acrashan ray caycashpäpis Sarviapa wamrancuna Joabta y Abisaitaga wañuchicoj captin manchacömi. ¡Chaypita Tayta Dios castigachun!» |
8134 | 2SA 4:11 | ¡Paypitaga mas fiyumi gamcuna canqui! ¡Juchaynaj runa wasincho puñuycaptinmi wañuchishcanqui! ¡Chaypitami cananga quiquiquita cay pachapitapis illgächishayqui!» |
8169 | 2SA 6:9 | Chay junaj Davidga Tayta Diosta manchacushpan niran: «¡Tayta Diospa babulninta wasëman manami apämanchu!» |
8273 | 2SA 11:11 | Niptin Urías niran: «Diospa rispitädu babulninpis, Israel, Judá suldärucunapis tiyaycan ramädacunallachömi. Mandajnë Joabpis, waquin suldäruyquicunapis jircallachömi puñurcaycan. ¿Chayno paycuna carcaycaptinchuraj nogaga wasëman aywaycur micurcur upurcur warmëwan cacushaj? ¡Ñaupayquichömi jurä. Chaytaga manami rurashächu!» |
8295 | 2SA 12:6 | ¡Mana cuyapaypa rurashanpita chay uysha-mallwanpa ruquinta cutichichun chuscuta!» |
8307 | 2SA 12:18 | Chaypita ganchis junajtaga wamra wañuran. Chaymi mayur uywaynincunaga Davidta willayta manchacuran «Wamran cawaycaptin parlapashapis manami wiyamaranchïchu. Cananga ¿imanöpataj nishun wamra wañushanta? ¡Willaycushaga imatapis ruracurinmanmi!» nir. |
8312 | 2SA 12:23 | Wañushana caycaptinnaga ¿imapänataj ayunashäpis? Nogaga mananami cawarachëmannachu. ¡Nogami ichanga aywashaj paywan tincoj. Payga mananami cutimonganachu tincunäpaj!» |