23240	MAT 2:2	Ch'ayashpaqam, tapukurqanllapa: —¿Maypitaq nasishqa kay nasyunnikipa chay chayraq nasiq gubyirnunqa? Chaqa waq rupay lluqshinambi kashpam, rikarqayllapa mushuq lusiruta kay ladupi. Chay lusiruta rikashpaqam, yach'arqayllapa: Suq mushuq gubyirnum nasishqa, nishpa. Chaymi shamushqallapa kani, payta aduraq, nishpa.
23245	MAT 2:7	Chayshina niptinllapaqam, chay Irudisqa chay karumanda shamuq yach'ayniyuqkunata uyaraplla (uyaralla) qayachishpa, tapurqan: —¿Ima diyam rikarishqa chay lusiruqa? nishpa. [Nuta: Chay Irudisqam chayshina tapurqan, munashpa yach'ayta chay wambritupaq: ¿Ima tyimpum nasishqa? nishpa.]
23440	MAT 8:26	Chaymi Jisusqa nirqan: —¿Imaraykutaq ancha manchangillapa? Qamkunaqam mana allitachu noqapi yuyakungillapa. Chayshina nishpaqam, Jisusqa atarishpa, chay wayrata yakuta jwirtita rimashpa, kamachishpa, limpu qasillachirqan.
23441	MAT 8:27	Chaymi ancha ispantashqata nirqanllapa: —¿Ima laya runataq kay Siñurninchiq Jisusqa? Rikay, kamachiptinlla, yakuqa wayrawan kasushpa qasillarqan, nishpa.
23452	MAT 9:4	Chaymi Jisusqa yuyashqanllapata yach'ashpa, paykunata nirqan: —¿Imaraykutaq chayshina mana baliqkunataqa yuyaykangillapa?
23459	MAT 9:11	Chaymi wakin farisiyu duktrinayuqkunaqa chayta rikashpa, noqaykuna Jisuspa yach'akuqningunata niwarqanllapa: —¿Imaraykutaq Jisusqa chay millanaypaq kuntribusyunda kubrakuqkunawan, chay suq laya mana baliqkunawanqa mikuykan? nishpa.
23476	MAT 9:28	Chaymandaqam Jisusqa suq wasiman ch'ayashpa, ukuman yaykuptinqa, chay ishkay sarkukunapis ikinda yaykurqan. Chaymi Jisusqa paykunata tapurqan: —¿Qamkunaqachu kriyingi: Jisusmi atin kach'akachiwayta? nishpa. Paykunaqam nirqan: —Arí, Taytitu, nishpa.
23535	MAT 11:7	Chaymandaqam Jwamba chay kach'adunguna riptinllapaqa, Jisusqa chaypi kaqkunata kayshina yach'achikurqan Jwan Shutichikuqpaq: —¿Ima laya runatam rirqaykillapa chapaq chay chuncha lugarmanqa? ¿Rirqaykillapachu chapaq suq runa mana alli yach'aqta, suq kañata wayra waqman kayman kuyuchiqtashina? Manám.
23581	MAT 12:23	Chayraykum payta rikaqkunaqa ancha ispantashqata kayshina tapunakurqanllapa: —¿Kay Jisusqachuraq chay unay gubyirnu Dabidpa Karu Willkan chay shamunambaq Washadurninchiq? nishpa.
23606	MAT 12:48	Chaymi Jisusqa chay willaqtaqa nirqan: —¿Pitaq mamay? ¿Pitaq masaykunaqa? nishpa.
23618	MAT 13:10	Chaymi noqaykuna yach'akuqninguna qemikashpa, Jisusta tapurqayllapa: —¿Imaraykutaq kumparasyunwanqa yach'achikungi? nishpa.
23659	MAT 13:51	Jisusmi noqaykuna yach'akuqningunata kayshina tapuwarqanllapa: —¿Qamkunaqachu intyindingillapa yumbay chay kumparasyunda? nishpa. Noqaykunaqam nirqanillapa: —Arí, intyindinillapam, Taytitu, nishpa.
23682	MAT 14:16	Chaymi Jisusqa niwarqanllapa: —¿Imapaqnamir rinqallapaqa? Qamkuna qarayllapa, nishpa.
23705	MAT 15:3	Chaymi Jisusqa paykunata tapurqan: —¿Imaraykutaq Dyus kamachikushqanda dijashqallapa kangi, kustumbrikitalla ruranaykillapaqa?
23718	MAT 15:16	Chaymi Jisusqa nirqan: —¿Ima manachu qamkunapis intyindingillapa?
23735	MAT 15:33	Chaymi noqaykunaqa nirqanillapa: —¿Imatamir qarashun kay chunchapiqa? Chaqa kaypiqam mana pipis tiyanchu, mikunata randichiwananchiqqa, paykunata qarananchiq, nishpa.
23736	MAT 15:34	Chaymi Jisusqa niwarqanllapa: —¿Ayka tanditayuqmi kangillapa? nishpa. Noqaykunaqam nirqayllapa: —Syiti tandita, ashla piskaditullam kan, nishpa.
23788	MAT 17:19	Chaymandaqam noqaykunalla Jisuswan kashpaqa, kayshina tapurqayllapa: —¿Imaraykutaq noqaykunaqa mana atirqayllapachu chay dyabluta qatiytaqa? nishpa.
23793	MAT 17:24	Jisusqam noqaykuna yach'akuqningunawan Kapirnawun llaqtaman ch'ayarqayllapa. Chaypi kaptiyllapam, kuntribusyunda kubrakuqkuna Pidruman qemikashpa, kayshina tapurqanllapa: —¿Qamkunapa yach'achikuqnikichu Dyuspa adurana wasimbaq kuntribusyunda pagarakun ichu mana? nishpa.
23834	MAT 19:3	Chaymi wakin farisiyu duktrinayuqkuna ch'ayashpa, pandachiyta munashpa, yanqa kayshina tapurqanllapa: —¿Allichuraq suq runa imapaqpis yuyashpa, warminmanda akrakanambaq? nishpa.
23848	MAT 19:17	Chaymi Jisusqa nirqan: —¿Imaraykutaq niwangi: “Ancha Allin Yach'achikuq”, nishpaqa? Dyusllam ancha allinqa. Munaptiki suq bidapi tukuy tyimpu kawsanaykipaqqa, Dyus kamachikushqanda kasushpa kawsay, nishpa.
23849	MAT 19:18	Chaymi chay runaqa nirqan: —¿Mayqan kamachikushqandam kasushaqqa? nishpa. Chayshina tapuptinqam, Jisusqa nirqan: —Ama wanchikuychu. Qam warmiyuq kashpaqa, ama suq warmiwanqa puñuychu. Ama suwakuychu. Ama yanqa llullakunata runa masikipaq rimaychu.
23882	MAT 20:21	Chaymi Jisusqa tapurqan: —¿Imapitaq munangi yanapashunaypaq? nishpa. Chaymi chay Sibidiyupa warminqa nirqan: —Taytitu, yumbaypa gubyirnun kashpaqar, yush'ayku kamachikuy, kay wambraykuna suqnin allin laduykipi, suqnin ichuq laduykipi tiyashpa, qamwan kamachikunanllapa.
23893	MAT 20:32	Chaymi Jisusqa rishqanshina shayashpa, chay sarkukunata qayashpa, tapurqan: —¿Imashinam munangillapa yanapashunayqa? nishpa.
23905	MAT 21:10	Jirusalinman yaykuptinqam, chaypi achka tiyaqkuna ancha kunyaptinllapaqa, wakinqa kayshina tapurqanllapa: —¿Pitaq kay runaqa? nishpa.
23911	MAT 21:16	Jisusta kayshina tapurqanllapa: —¿Uyangichu kay wambrakuna niqta? (Manam balinchu qambaq ninanllapa: “Dabidpa Karu Willkanmi”, nishpaqa.) Chaymi Jisusqa nirqan: —Arí, uyanim. ¿Manachu liyishqallapa kangi Dyuspa Santu Librumbi paykunapaq kayshina nishqanda? Dyus yanapaptinmi, chay wambritukuna tukuy chay iti ñuñuykaqkuna ancha shumaqta rinllapa alabaq, nishpaqa.
23915	MAT 21:20	Chayta rikashpam, noqaykuna yach'akuqningunaqa ispantashqata tapurqayllapa: —¿Imashinataq chayta niptikilla, chay igusqa das chakirqan? nishpa.
23961	MAT 22:20	Chaymi Jisusqa chay qellayta rikashpaqa, paykunata tapurqan: —¿Pipa rritratunmi, pipa shutinmi kay qellaypiqa? nishpa.
23983	MAT 22:42	—¿Imatataq yuyangillapa Dyus Akrashqan Washadurpaqqa? ¿Pipa karu willkandaq qamkunapaqqa? nishpa. Farisiyukunaqam nirqanllapa: —Alma gubyirnu Dabidpa karu willkanmi, nishpa.
24127	MAT 26:4	Yumbay chay kamachikuqkunam kayshina parlarqanllapa: —¿Imashinaraq Jisusta ingañashpa dimandanchiqman, prisushpa wanchinanchiqllapa? nishpa.
24131	MAT 26:8	Chayta rikashpam, noqaykunaqa piñakushpa, nirqayllapa: —¿Imapaqtaq qesachaykan chay ch'aniyuq mishki mutkinataqa?
24133	MAT 26:10	Chaymi Jisus chayta uyashpaqa, kayshina niwarqanllapa: —¿Imapaqmi kay warmitaqa piñachingillapa? Payqam ancha allita rurawashqa.
24138	MAT 26:15	—¿Aykatam qamkunaqa pagarawangiman, Jisusta intriganaqqa? nishpa. Chaymi chay kamachikuq kurakunaqa 30 yuraq qellayta pagararqanllapa.
24163	MAT 26:40	Chayshina Dyusman mañakushpa, kutimushpaqam, chay kimsa yach'akuq masiyllapata puñuykaqta tarishpa, Pidruta nirqan: —¿Ima manachu atishqallapa kangi agwantayta puñuymandaqa ni suq uritata?
24168	MAT 26:45	Chaymandaqam chay kimsa kutinda kutimushpaqa, chay yach'akuq masiykunataqa nirqan: —¿Sigingillapachu puñushpa? Kananqam ch'ayamushqa chay uras noqa Dyusmanda Shamuq Runata intrigakuwanan uchayuq runakunaman.
24185	MAT 26:62	Chaymi chay mas kamachikuq isrraylinu kuraqa atarishpa, Jisusta tapurqan: —¿Manachu nimatapis ningi? ¿Manachu uyangi kay runakuna qambaq rimashqandaqa? nishpa.
24189	MAT 26:66	Chaymandaqam chay juyiskunata tapurqan: —¿Imatataq yuyangillapa? nishpa. Chaymi paykunaqa nirqanllapa: —Arí, uchayuqmi. Allim wañunambaq, nishpa.
24202	MAT 27:4	—Uchatam rurashqa kani, suq mana nima uchayuq runata intrigakushpa wanchinaykillapa, nishpa. Piru chay isrraylinu kurakunaqam Judastaqa nirqanllapa: —¿Ima kwintayuqtaq noqaykunaqa kani? Chayqam qamba kwintayki, nishpa.
24209	MAT 27:11	Gubyirnu Pilatuman Jisusta apaptinllapa, paypa ñawpambi shayaykaptinmi, chay Pilatuqa kayshina tapurqan: —¿Qamchu isrraylinukunapa gubyirnunqa kangi? nishpa. Chaymi Jisusqa nirqan: —Arí, chay nishqaykishinam kani, nishpa.
24211	MAT 27:13	Chaymi Pilatuqa Jisusta nirqan: —¿Manachu uyangi kuntrashushpa, malutash rurashqa kangi, niptinllapaqa?
24215	MAT 27:17	Kanan chay achka runakuna tandakashqandam Pilatuqa kayshina tapurqan: —¿Pitam munangillapa kach'anaypaq? ¿Barrabasta ichu kay Jisus Dyus Akrashqan Washadur shutiqta? nishpa.
24311	MRK 1:27	Kanan chayta rikashpaqam, chay runakunaqa ancha ispantashqata chaparqanllapa Jisustaqa. Chaymandaqam paykunapura kayshina parlarqanllapa: —¿Imataq kayqa? ¿Ima laya mushuq yach'achikuqtaq, ima laya kamachikuqtaq? ¡Rikay, paypaqqam mana nimachu waq saqra dyablukunaqa! ¡Chaymi kamachiptinqa, das kasunllapa! nishpa.
24337	MRK 2:8	Jisusqam yach'arqanna chay runakuna yuyashqandaqa. Chaymi paykunata tapurqan: —¿Imaraykutaq qamkunaqa chay mana baliqkunata yuyaykangillapa?
24345	MRK 2:16	Chaymi Muysispa liyningunata wakin yach'achikuqkuna, wakin farisiyu duktrinayuqkunaqa chayta rikashpa, Jisuspa yach'akuqningunata tapurqanllapa: —¿Imaraykum Jisusqa mikun waq kuntribusyunda kubrakuqkunawan, waq uchayuq runakunawanqa? nishpa.
24390	MRK 3:33	Chaymi Jisusqa nirqan: —¿Pitaq mamay? ¿Pitaq masaykunaqa?
24402	MRK 4:10	Chay achka runakuna riptinqam, Jisusqa chay dusi akrashqangunawan, wakin yach'akuqningunawan kidarqan. Chaymi paykunaqa Jisusta tapurqanllapa: —¿Imaraykutaq kumparasyunwan yach'achikungi? Chay nishqaykiqa ¿imam munan niyta? nishpa.
24405	MRK 4:13	Jisukristum chay yach'akuqningunata nirqambis: —¿Ima qamkunapischu mana intyindishqa kangi chay kumparasyundaqa? Chayshina mana intyindishpaqa, ¿imashinataq ringillapa intyindiq suq kumparasyungunawan yach'achikuptiyqa?
24422	MRK 4:30	Jisusqam nirqambis: —¿Ima mas kumparasyunda rurashpam, atini qamkunata yach'achishuyta: “Taytanchiq Dyustam ancha achka runakuna, warmikuna shumaqta rin kasuq”, nishpa?
24432	MRK 4:40	Chaymandaqam chay yach'akuqningunata nirqan: —¿Imaraykutaq qamkunaqa mancharqaykillapa? ¿Ima manachu allita noqapi yuyakungillapa? nishpa.
24433	MRK 4:41	Chaymi chay yach'akuqningunaqa ancha manchashqata paypura kayshina parlarqanllapa: —¿Ima laya runataq kay Siñurninchiqqa? ¡Rikay, wayrawan yakuta kamachiptinqa, das kasun! nishpa.
24440	MRK 5:7	Chaymi Jisusqa nirqan: —Qam, dyablu mana baliq, lluqshiy kay runamanda, nishpa. Chayshina niptinqam, chay dyabluqa kayshina qayach'akurqan: —¿Imapaqmi noqamanqa mitikungi qam anaq altu Dyuspa Churinqa? ¡Yush'ayku, amar qesachawaychu! nishpa.
24442	MRK 5:9	Chayshina qayach'akushpa niptinqam, Jisusqa tapurqan: —¿Imataq shutingi? nishpa. Chaymi dyabluqa nirqan: —Noqaykunaqam shutini Manada, ancha achka kashqayllaparayku, nishpa.
24463	MRK 5:30	Piru Jisusqam pudirnin lluqshiptinqa, yach'arqanna. Chaymi ikiman tikrakashpa tapukurqan: —¿Pitaq kapayta llamkashqa? nishpa.
24472	MRK 5:39	Chaymi Jisusqa yaykushpa uku wasinman nirqan: —¿Imapaqmi kunyallaqa waqaykangillapa? Chinaqam mana wañushqachu. Puñuykanllám, nishpa.
24478	MRK 6:2	Chaypiqam samana diya ch'ayamuptinqa, Jisusqa yach'achikuykarqan sinaguga wasipi. Chaymi achka llaqta masinguna uyashpaqa, ancha chapashqanshina rimarqanllapa: —¿Maypitaq waq imaqa chaykunataqa yach'akushqa? ¿Ima yach'ashqandataq yach'achiwanchiq? ¿Imashinataq waq runaqa milagrukunataqa ruran?
24500	MRK 6:24	Chaymi chinaqa lluqshishpa, maman Irudiyasta tapurqan: —¿Imataraq mañayman? nishpa. Chaymi mamanqa nirqan: —Mañay, Jwan Shutichikuqpa umanda suq platupi qoshunambaq, nishpa.
24513	MRK 6:37	Piru Jisusqam nirqan: —Qamkuna qarayllapa, nishpa. Chaymi paykunaqa nirqan: —¿Maymandataq dusyintus dinaryu qellaytaqa tarishaqllapa, yumbaypaq tandata randinayllapaqa? nishpa.
24514	MRK 6:38	Chaymi Jisusqa tapurqan: —¿Ayka tandayuqtaq kangillapa? Mayá, riyllapa rikay, nishpa. Chaymi paykunaqa rishpa rikaqqa nirqanllapa: —Sinku tandita ishkay piskaditullam kan, nishpa.
24550	MRK 7:18	Chaymi Jisusqa nirqan: —¿Ima qamkunapischu mana intyindingillapa? Noqaqam nishushqallapa kani: Mikuna sawamanda pach'anchiqman yaykushpaqam, mana uchayuqtaqa rurachiwanchiqchu.
24573	MRK 8:4	Chayshina niptinqam, yach'akuqningunaqa nirqan: —¿Imatamir qarashun kay chunchapiqa? Chaqa kaypiqam mana pipis tiyanchu, mikunata randichiwananchiqqa, paykunata qarananchiq.
24574	MRK 8:5	Chayshina niptinmi, Jisusqa tapurqan: —¿Ayka tanditayuqmi kangillapa? nishpa. Chaymi paykunaqa nirqan: —Syiti tanditayuqllam kanillapa, nishpa.
24585	MRK 8:16	Chayshina kunaptinqam, Jisuspa yach'akuqningunaqa paykunapura kayshina parlarqanllapa: —¿Imapaqraq chayshinaqa niwanchiq? Mana tandayuq kaptinchiqch'i, chaytaqa niwanchiq, nishpa.
24586	MRK 8:17	Chayshina parlaptinqam, Jisusqa tapurqan: —¿Imaraykutaq niykangillapa: “Manam tandayuqchu kanchiq” nishpaqa? ¿Ima, manachu intyindingillapa? ¿Ima manachu jwisyuyuq kangillapa?
24590	MRK 8:21	Chaymi Jisusqa nirqan: —¿Ima manaraqchu intyindingillapa? nishpa. [Nuta: Jisukristuqam mana tandapaqchu rimarqanqa. Ashwanmi nirqanqa: “Ashla libadurallam saksachin achka masata. Chayshinallam chay farisiyukunapa mana baliq kustumbringunata ashlitatalla ruraptinchiqqa, ancha dañachiwanchiqman”, nishpa.]
24617	MRK 9:10	Chaymi paykunaqa mana ni pitapis parlachirqanchu. Piru paykunapuram tapunakurqan: —¿Imaraq munan niyta: “Wañushqaymanda kawsamunaykaman”, nishpa?
24623	MRK 9:16	Chaymi Jisusqa paykunata tapurqan: —¿Imapaqmi paykunawanqa qamkunaqa anyanakuykangillapa? nishpa.
24640	MRK 9:33	Chayshina rishpaqam, Kapirnawun llaqtamanna ch'ayarqanllapa. Chayman ch'ayashpaqam, suq wasimanna yaykurqanllapa. Chaypi kashpaqam, Jisusqa yach'akuqningunata kayshina tapurqan: —¿Qamkunaqa imapaqmi ñambiqa anyanakurqayki? nishpa.
24675	MRK 10:18	Chaymi Jisusqa tapurqan: —¿Imaraykutaq niwangi: “Ancha allin Yach'achikuq”, nishpaqa? Dyusllam ancha allinqa.
24708	MRK 10:51	Ñawpambina kaptinqam, Jisusqa tapurqan: —¿Imashinam munangi yanapashunayqa? nishpa. Chaymi chay sarku Bartimiyuqa nirqan: —Yach'achikuq Taytitu, yanapawayri rikakunaypaq, nishpa.
24714	MRK 11:5	chaypi kaqkunaqa tapurqanllapa: —¿Imatam ruraykangillapa? ¿Imapaqtaq paskangillapa burrutaqa? nishpa.
24737	MRK 11:28	Kanan paykunaqam Jisusta kayshina tapurqanllapa: —¿Ima karguyuqtaq kangi? ¿Mayqan awturidartaq numbrashushqa, kaykunata ruranaykipaq kay adurana wasipiqa? nishpa.
24740	MRK 11:31	Chaymi paykunapura suqnin suqnin kayshina parlarqanllapa: —¿Imatam ninchiqman? Chaqa niptinchiq: “Dyusmi Jwanda numbrarqan”, nishpaqach'i, Jisusqa niwashun: “Chayshina numbraptinqa, ¿imaraykutaq qamkunaqa mana kriyirqaykichu paytaqa?” nishpa.
24757	MRK 12:15	Piru Jisusqam yach'arqan: Yanqam kaykunaqa tapuwaykan, nishpa. Chaymi paykunata tapurqan: —¿Imapaqmi tapuwangillapa, chaypaq tumbawashpa, prisuwanaykillapaqa? Mayá, suq qellayta apamuyllapa rikanaypaq, nishpa.
24758	MRK 12:16	Chayshina niptinqam, paykunaqa suq qellayta qorqan. Chaymi Jisusqa chay qellayta chapashpaqa nirqan: —¿Pipa rritratunmi kay qellaypiqa? ¿Pipa shutindam iskibrishqa kay qellaypiqa? nishpa. Chaymi paykunaqa nirqan: —Chay mas kamachikuq gubyirnu Sesarpa rritratunda, shutindam rurashqa kay qellaypiqa, nishpa.
24777	MRK 12:35	Dyuspa adurana wasimbi Jisus yach'achikushpam, kayshina tapurqan: —¿Imaraykum Muysispa liyningunata yach'achikuqkunaqa nin: “Dyus Akrashqan Washadurmi unay gubyirnu Dabidpa karu willkan rin kaq” nishpaqa?
24842	MRK 14:19	Chaymi paykunaqa limpu malaganayashpa, suqnin suqnin Jisusta tapurqanllapa: —¿Noqachu kani? nishpallapa.
24871	MRK 14:48	Chaymi Jisusqa chay runakunataqa nirqan: —¿Ima qamkunachu shamushqa kangi atun kuchillukunawan, qerukunawan, suq ladrundashina prisuwaq?
24883	MRK 14:60	Chaymi chay mas kamachikuq isrraylinu kura atarishpa, Jisusta tapurqan: —¿Imaraykum uyarangi? ¿Manachu uyangi kay runakuna qambaq rimashqandaqa? nishpa.
24884	MRK 14:61	Piru Jisusqam uyararqanlla. Manam nimatapis nirqanchu. Chaymi chay kamachikuqqa Jisusta tapurirqan: —¿Qamqachu Tayta Dyus Akrashqan Washadur kangi? ¿Binditu Tayta Dyuspa Churinchu kangi? nishpa.
24897	MRK 15:2	Pilatuqam Jisustaqa tapurqan: —¿Qamchu isrraylinukunapa gubyirnun kangi? Chaymi Jisusqa nirqan: —Arí, chay nishqaykishinam kani, nishpa.
24904	MRK 15:9	Chaymi Pilatuqa nirqan: —¿Munangillapachu kay gubyirnuyki Jisusta kach'anaypaq? nishpa.
24909	MRK 15:14	Chaymi Pilatuqa nirqan: —¿Imapaqmi kamachishaq wanchinanllapaqa? ¿Ima uchatam rurashqa? Chayshina niptinqam, paykunaqa masta sh'uqyarqanllapa: —¡Kruspi klabay! ¡Kruspi klabay! nishpa.
24939	MRK 15:44	Chaymi Jusi ch'ayaptinqa, Pilatuqa yuyarqan: ¿Ima dasnachu Jisusqa wañushqa? nishpa. Chayraykum ancha kunsidirashpa, suldadukunapa kamachikuqninda qayachishpa tapurqan: —¿Alliptachu Jisusqa wañushqana ichu manaraq? nishpa.
24980	LUK 1:18	Chayshina niptinmi, Sakariyasqa anjilta tapurqan: —¿Imata rikashpam atini kriyiyta kay niwashqaykitaqa? Chaqa noqaqam ancha byijuna kani. Warmiypismi byijana, nishpa.
25023	LUK 1:61	Chaymi mamandaqa nirqanllapa: —¿Imaraykutaq munangi chayshina shutinanqa? Chaqa manam pipis aylluykipiqa Jwanqa shutinchu, nishpa.
25024	LUK 1:62	Chaymi siñiyashpa, taytanda tapurqanllapa: —¿Wambrituykitaqa imatam munangi shutichiyta? nishpa.
25091	LUK 2:49	Chayshina niptinmi, Jisusqa nirqan: —¿Imapaqmir maskawaykangiqa? ¿Manachu yach'angillapa: Taytaymi munan, paypa wasimbi ruranangunata ruranaypaq, nishpaqa?
25104	LUK 3:10	Chayshina Jwan niptinmi, chay runakunaqa tapurqan: —¿Imatamiri atinillapa rurayta washakanayqa? nishpa.
25168	LUK 4:36	Chayta rikashpam, runakunaqa ancha ispantashqata suqnin suqnin Jisuspaq parlarqanllapa: —¿Ima laya pudirniyuq awturidar kashpam, dyablukunata atin qatiyta? ¡Rikay, “Lluqshiy” niptinlla, chay dyablukunaqa das lluqshin! nishpa.
25198	LUK 5:22	Chaymi Jisusqa yuyashqanllapata yach'ashpa, paykunata nirqan: —¿Imaraykutaq chay mana baliqkunata yuyaykangillapa?
25206	LUK 5:30	Chaymi chayta rikashpaqa, farisiyu duktrinayuqkuna, Muysispa liyningunata yach'achikuqkunaqa ancha piñakushpa, Jisuspa yach'akuqningunata kayshina anyarqanllapa: —¿Imaraykutaq qamkunaqa kuntribusyunda kubrakuqkunawan, suq laya uchayuq runakunawan tandakashpa mikuykangillapa, upyaykangillapaqa? nishpa.
25288	LUK 7:24	Chayshina niptinmi, chay kach'adungunaqa Jwanmanna kutirirqan. Riptinllapaqam, Jisusqa chaypi kaqkunata kayshina yach'achikurqan Jwan Shutichikuqpaq: —¿Ima laya runatam rirqaykillapa chapaq chay chuncha lugarmanqa? ¿Rirqaykillapachu chapaq suq runa mana alli yach'aqta, suq kañata wayra waqman kayman kuyuchiqtashina? Manám.
25295	LUK 7:31	Chaymi Jisusqa nirqan: —¿Imawandaq kay tyimpumanda runakunataqa atini kumparayta? ¿Ima laya kustumbriyuqmi paykunaqa?
25308	LUK 7:44	Chaymandaqam chay warmita chapashpa, Simunda nirqan: —¿Intyindishqachu kangi kay warmi rurashqandaqa? Rikay, kay wasikiman yaykuptiyqam, mana qowarqaykichu yakuta, ch'akiykunata mayllanayqa. Piru kay warmiqam waqayninda ich'ashpa, ch'akiykunata aysashpa, aqchanwan chakichishqa.
25313	LUK 7:49	Chayshina niptinqam, Jisuswan mesapi kaqkunaqa, suqnin suqnin parlarqanllapa: —¿Imataq kashpa, kay yanqa runaqa uchangunata pirdunaykan? nishpa.
25339	LUK 8:25	Chaymandaqam chay yach'akuqningunata tapurqan: —¿Imapaqmi qamkunaqa mancharqaykillapa? ¿Ima manachu noqapi allita yuyakungillapa? nishpa. Chaymi paykunaqa ancha ispantashqata, suqnin suqnin parlarqanllapa: —¿Ima layaraq kay runaqa? ¡Rikay, kamachiptin kay wayrawan yakuqa das kasushpa, qasillarqan! nishpa.
25342	LUK 8:28	Chay runaqam Jisusta chapashpa, qayach'akushpa, ñawpambi qonqorikushpa nirqan: —¿Imapaqmi mitikungi noqamanqa, qam ancha pudirniyuq Dyuspa Churinqa? Rrugaykim, yush'ayku, amar qesachawaychu, nishpa.
25344	LUK 8:30	Jisusmi tapurqan: —¿Imam shutingi? nishpa. Payqam nirqan: —Manadam shutinillapa, nishpa. Chayshinaqam nirqan, ancha achka dyablukunapa ispiritunguna chay runapa kwirpunman yaykushqa kaptin.
25359	LUK 8:45	Chaymi Jisusqa tapurqan: —¿Pitaq kapayta llamkashqa? nishpa. Yumbay ikinda riqkunaqam nirqanllapa: —Manam, manam, nishpa. Chayshina niptinllapaqam, Pidruqa ˻wakin yach'akuq masingunawan˼ nirqan: —Yach'achikuq Taytitu, kay tukuy runam kish'kichashuykangi. Tukuy ladumandam kumsashungi. Chaypaqqa ¿imaraykutaq tapukungi: “¿Pitaq kapayta llamkashqa?” nishpaqa?
25383	LUK 9:13	Chaymi Jisusqa paykunata nirqan: —Qamkuna qarayllapa, nishpa. Chaymi paykunaqa nirqan: —¿Imatanamir qarashaqllapaqa? Sinku tandita, ishkay piskaditullam kan. Yumbay kay uyashuqkunata qaranayllapaqam munan rinayllapa karuman, ancha achka mikunata randimuq, nishpa.