23240	MAT 2:2	Hinaspan paykunaqa Jerusalén llaqtapi tapukuranku: —¿Maypitaq kay Israel nación llaqtapa reyninri nacerun? Noqaykun intipa lloqsimunan lawpi qoyllurninta rikuramuyku. Chaymi hamushayku chay naceq wawata adoranaykupaq, nispanku.
23441	MAT 8:27	Hinaqtinmi Jesuspa discipulonkunaqa admirasqallaña anchata mancharikuspanku tapunakuranku khaynata: —¿Imayna runañataq kay runarí? Pay kamachiqtin, ¿wayrapas, unupas kasukunanpaqrí? nispanku.
23531	MAT 11:3	khaynata tapumunankupaq: —¿Qanchu kanki Diosmanta Hamuq Salvawaqniyku, icha huktachu suyasaqkurí? nispa.
23561	MAT 12:3	Jesusñataqmi contestaspa niran: —¿Manachu qankuna Bibliapi leerankichis, rey Davidqa puriqmasinkunapiwan yarqachikuspa imatachus ruwasqanmanta?
23568	MAT 12:10	Chaypin huk runa mana valeq makiyoq kashasqa. Hinaqtinmi fariseo religionniyoq runakunaqa Jesusta acusayta munaspanku, khaynata tapuranku: —¿Moisespa escribisqan leypiri, permitisqachu kashan samana p'unchawpi onqosqa runata sanoyachinapaq? nispanku.
23569	MAT 12:11	Chaymi Jesusqa niran: —¿Mayqenniykichistaq samana p'unchawpi ovejaykichis huk t'oqoman urmayuqtin mana orqowaqchishchú?
23606	MAT 12:48	Hinaqtinmi Jesusqa willaqnin runata niran: —¿Pitaq mamitayrí? ¿Pikunataq wawqeykunarí? nispa.
23618	MAT 13:10	Jesuspa willakusqanta uyariruspankun, discipulonkunaqa Jesusman ashuyuspa tapuranku: —¿Imanaqtintaq runakunamanri kay ejemplokunallawan yachachinkí? nispanku.
23659	MAT 13:51	Jesusqa kay ejemplokunata willayta tukuruspanmi, discipulonkunata tapuran: —¿Entienderankichishchu kay yachachikuykunata? nispa. Hinaqtinmi paykunaqa contestaranku: —Arí, entiendeykun, nispanku.
23788	MAT 17:19	Chaymantan discipulonkunaqa Jesusman ashuyuspa, sapallankupi tapuranku: —¿Imanaqtintaq noqaykuri mana atiraykuchu chay demonio qarqoytarí? nispanku.
23797	MAT 18:1	Chay p'unchawkunapin discipulonkunaqa Jesusman ashuyuspa, khaynata tapuranku: —¿Pitaq Diospa sumaq gobiernasqanpiri más importante runari kanqa? nispanku. [Nota: Jesuspa discipulonkunaqa paytukusqa kaspankun saynataqa tapuranku].
23808	MAT 18:12	Jesusqa nillarantaqmi khaynata: —¿Ima niwaqchistaq qankunarí? Sichus mayqenniykichispapas pachaq ovejaykichismanta huknin chinkaruqtin, ¿manachu esqon chunka esqonniyoq ovejaykichiskunata saqeruspa, chay chinkaq ovejata mashkaq riwaqchis tarimunaykichiskama?
23835	MAT 19:4	Jesusñataqmi contestaran: —¿Manachu qankunari Bibliapi leerankichis, Diosqa kay pacha qallariyninpi qarita warmitawan ruwasqanta?
23848	MAT 19:17	Hinaqtinmi Jesusqa contestaspa niran: —¿Imanaqtintaq allin kaqkunamantari yachayta munankí? Manan pipas allinqa kanchu, aswanqa Diosllan. Sichus wiñaypaq kawsayta munaspaykiqa, Diospa kamachikuyninkunata kasukuy, nispa.
23849	MAT 19:18	Hinaqtinmi chay jovenqa Jesusta tapullarantaq khaynata: —¿Mayqen kaq kamachikuykunatataq kasukunayrí? nispa. Chaymi Jesusqa niran: —Aman pitapas wañuchinkichu; aman piwanpas waqllikunkichu; aman suwakunkichu; aman pipa contranpipas llullakuspaqa rimankichu.
23882	MAT 20:21	Hinaqtinmi Jesusqa payta tapuran: —¿Imatataq munankirí? nispa. Chaymi chay warmiqa khaynata niran: —Ama hina kaychu, favorniykita merecesaq, qan gobiernaspaykiyá, kay wawaykunata tiyaykachipuway, hukninta phaña ladoykipi, huknintañataq lloq'e ladoykipi, nispa.
23893	MAT 20:32	Hinaqtinmi Jesusqa chay ñan risqankupi sayaykuspa, chay ishkaynin ñawsa runakunata waqyaspa tapuran: —¿Imatataq qankunapaq ruwanaytari munankichís? nispa.
23905	MAT 21:10	Hinaqtinmi Jerusalén llaqtaman Jesús haykuruqtin, llapallan chay Jerusalén llaqtapi kaq runakunaqa, Jesuspa hamusqanta rikuspanku, bullata ruwaspa ninakuranku: —¿Pitaq kay runarí? nispanku.
23911	MAT 21:16	Hinaspan Jesusta khaynata tapuranku: —¿Manachu uyarinki kay warmakuna imatachus nishanku chayta? nispanku. Jesusñataqmi contestaran: —Arí, allintan uyarishani. Qankunari, ¿manachu Bibliapi leerankichis: “Uchuy warmakunan, ñuñuq wawakunapiwan ima alabasunki”, nisqanta? nispa [Salmos 8.2].
23915	MAT 21:20	Chayta rikuspankun Jesuspa discipulonkunaqa admirasqallaña tapuranku: —¿Imanaqtintaq kay higos sach'ari kasqan ratolla ch'akirparin? nispanku.
23926	MAT 21:31	Chayta willaspanmi Jesusqa tapuran chay runakunata: —¿Mayqen kaq wawantaq papanpa kamachisqanman hina ruwaranrí? nispa. Chaymi sacerdotekunapa jefenkunaqa, hinallataq Israel nacionniyoq runakunapa kamachiqnin runakunapiwan contestaranku: —Kuraq kaq wawanmi, nispanku. Hinaqtinmi Jesusñataq niran: —Cheqaqtapunin niykichis, impuesto cobraq runakuna, hinallataq qenlli vidapi puriq huchasapa warmikuna iman, Diospa gobiernasqan sumaq glorianmanqa qankunamanta primerta haykunqaku, (huchankumanta wanakusqankurayku).
24028	MAT 24:2	Chaymi Jesusqa discipulonkunata khaynata niran: —¿Rikushankichishchu kay templopa perqankunata? Cheqaqtapunin niykichis, kay llapallan rikusqaykichiskunan thuñichisqa kanqa. Manan ni ch'ulla rumillapas perqasqaqa qepanqachu, nispa.
24071	MAT 24:45	Jesusqa discipulonkunatan nillarantaq: —¿Pitaq kasukuspa allinta ruwaq sirviente runarí? Kasukuspa allinta ruwaq sirvienteqa, patronninpa kamachisqanta ruwaqmi. Chaymi patronninqa chay allin ruwaq sirvienten runamanqa encargaran, wasinpi familianmanpas hinallataq wakin sirvientekunamanpas horasllanpi mikhunata qonanpaq.
24131	MAT 26:8	Hinaqtinmi Jesuspa discipulonkunaqa, chayta rikuspanku, anchata phiñakuspa, khaynata niranku: —¿Imanaqtintaq usuchishan chay mishk'i perfumetarí?
24140	MAT 26:17	Chay p'unchawkunapin mana levadurayoq t'antata mikhunankupaq fiesta qallarisharan. Hinaqtinmi chay p'unchawpi discipulonkunaqa Jesusman ashuyuspa, khaynata tapuranku: —¿Maypitaq munanki Pascua fiestapi cenayta alistamunaykutarí? nispanku.
24145	MAT 26:22	Hinaqtinmi Jesuspa discipulonkunaqa anchata llakirikuspanku, sapankamanku Jesusta tapuranku: —¿Noqachu kani Señorlláy? nispa.
24163	MAT 26:40	Jesusqa chay kinsantin discipulonkunapa kasqanman kutirimuspanmi, paykunata puñushaqta tariran. Chaymi Pedrota niran: —¿Manachu huk horallapas noqawan kushka rikch'ayta atirankichís?
24185	MAT 26:62	Hinaqtinmi sacerdotekunapa jefen Caifasqa, tiyasqanmanta sayarispa, Jesusta tapuran khaynata: —¿Uyarishankichu kay acusasuqniyki runapa nisqanta? Qanri, ¿manachu ima nispallapas defiendekunkí? nispa.
24209	MAT 27:11	Poncio Pilatopa ñawpaqninpi Jesús kashaqtinmi, Poncio Pilatoqa tapuran: —¿Qanchu kanki Israel nacionniyoq runakunapa reynin? nispa. Chaymi Jesusqa contestaran: —Arí, qanpa nisqaykiman hinan, nispa.
24211	MAT 27:13	Chaymi Poncio Pilatoqa Jesusta tapuran: —¿Uyarishankichu qanpa contraykipi tukuy ima rimasqankuta? nispa.
24215	MAT 27:17	Chaymi Poncio Pilatoqa chaypi huñunasqa kaq llapallan runakunata tapuran khaynata: —¿Mayqentataq qankuna munawaqchis kunan kacharinayta? ¿Barrabastachu icha Diosmanta Hamuq Salvadorwan sutichasqa Jesustachú? nispa.
24311	MRK 1:27	Hinaqtinmi chaypi kaq runakunaqa admirasqallaña paykunapura tapunakuranku khaynata: —¿Imataq kay rikusqanchisrí? ¿Ima mosoq yachachikuytaq kayrí? Atiyninwan kamachiqtinmi demoniokunapas kasukuspa lloqsinku, nispanku.
24354	MRK 2:25	Hinaqtinmi Jesusqa paykunata contestaspa, khaynata niran: —¿Manachu qankunari ni hayk'aqpas Bibliapi leerankichis, rey Davidpas imatachus ruwasqanta? Payqa puriqmasinkunapiwan kushkan anchata yarqachikuranku.
24390	MRK 3:33	Hinaqtinmi Jesusqa chaypi kaq runakunata, khaynata niran: —¿Pitaq mamitayrí? ¿Pikunataq wawqeykunarí? nispa.
24405	MRK 4:13	Jesusqa discipulonkunatan nillarantaq: —¿Qankunapas manachu entiendenkichis kay ejemplowan yachachisqaykunata? Chayri, ¿imaynataq entiendewaqchis wakin yachachisqaykunatarí?
24432	MRK 4:40	Chaymantañataqmi Jesusqa discipulonkunata niran: —¿Imanaqtintaq qankunari nishu mancharisqallaña kashankichís? ¿Manachu noqapi confiankichís? nispa.
24433	MRK 4:41	Hinaqtinmi chaypi llapallan kaq discipulonkunaqa anchata admirakuspanku, paykunapura parlanakuranku khaynata: —¿Pitaq kay runari, wayrapas unupas kasunanpaqrí? nispanku.
24442	MRK 5:9	Hinaspan Jesusqa chay demoniokunapa ñak'arichisqan runata tapuran: —¿Imataq qanpa sutiykirí? nispa. Chaymi chay demonioqa contestaran: —Noqapa sutiyqa waranqa-waranqantinmi, ashka kasqaykurayku, nispa.
24463	MRK 5:30	Hinaqtinmi Jesusqa cuentata qokuran paymanta atiynin lloqsisqanta. Hinaspan muyuriqninpi llapallan runakunata qawarispa, tapuran khaynata: —¿Pitaq p'achaytari tupaykaramuwan? nispa.
24464	MRK 5:31	Hinaqtinmi Jesuspa discipulonkunaqa niranku: —¿Manachu rikunki llapallan runakuna montonakamuspa ñit'imususqaykita? Chaychu qanri ninki: “¿Pitaq p'achaytari tupaykaramuwan nisparí?” nispanku.
24472	MRK 5:39	Hinaqtinmi Jesusqa Jairopa wasinman haykuspa, chay waqaq runakunata, khaynata niran: —¿Imanaqtintaq qankunari anchata waqashankichís? Sipasqa manan wañusqachu kashan. Aswanqa puñullashanmi, nispa.
24537	MRK 7:5	Chayraykun fariseo religionniyoq runakuna, hinallataq leykunata yachachiq runakunapas, Jesusta tapuranku khaynata: —¿Imanaqtintaq discipuloykikunari ñawpaq abuelonchiskunapa yachachikusqankunatari mana kasukunkuchú? ¿Saynallataq makinkutapas mikhunankupaqqa mana maqllikunkuchú? nispa.
24586	MRK 8:17	Jesusñataqmi sayna rimanakusqankumanta cuentata qokuspa, discipulonkunata khaynata niran: —¿Imanaqtintaq t'antata mana apakamusqaykichismantari rimashankichís? ¿Manachu entiendenkichisraq imatachus niyta munani chayta? ¿Qankunapa sonqoykichisri rumiyasqallaraqchu kashan?
24590	MRK 8:21	Chaymi Jesusqa discipulonkunata niran: —¿Chaychu qankunapas kay yachachisqaykunata manaraq entiendenkichís? nispa.
24592	MRK 8:23	Chaymi Jesusqa chay ñawsa runata makinmanta aysaspa, chay llaqtapa waq lawninman pusaran. Hinaspan toqayninwan ñawinkunata llusiyuspa, hinallataq makinta umanman churayuspa, khaynata tapuran: —¿Imallatapas rikushankichú? nispa.
24596	MRK 8:27	Jesusqa discipulonkunapiwan kushkan, Filipo sutiyoq kaq Cesarea llaqtapa muyuriqninpi llaqtachakunaman riranku. Hinaspan chay ñan risqankupi, Jesusqa discipulonkunata, khaynata tapuran: —¿Pitaq noqari kani runakunapaqrí? nispa.
24617	MRK 9:10	Chaymi paykunaqa chay rikusqankumantaqa mana ni pimanpas willarankuchu. Aswanmi chaykunataqa sonqonku ukhullapi waqaycharanku. Hinaspan paykunapuralla tapunakuranku khaynata: —¿Ima ninantataq nin: “Wañusqaymanta kawsarimunaykama”, nisparí? nispanku.
24630	MRK 9:23	Chaymi Jesusñataq niran: —¿Diospi qan creenkichú? Sichus Diospi creenki chayqa, munasqaykiman hinayá ruwasqa kachun. Diospi cheqaqtapuni creeqpaqqa, manan ni imapas sasachu, nispa.
24635	MRK 9:28	Jesusqa huk wasiman haykuruqtinmi, kaqmanta discipulonkunaqa huk lawman waqyarispanku, sapallanpi khaynata tapuranku: —¿Imanaqtintaq chay demoniotari mana qarqoyta atiraykuchú? nispanku.
24659	MRK 10:2	Hinaqtinmi fariseo religionniyoq runakunaqa, Jesusman ashuyuranku. Hinaspan huchallichiyta munaspanku, Jesusta tapuranku khaynata: —¿Huk casado runa, warminmanta t'aqakuyta atinmanchú? nispanku.
24675	MRK 10:18	Chaymi Jesusqa khaynata contestaran: —¿Imanaqtintaq noqatari niwanki: “Allin yachachikuq”, nisparí? Manan ni pi runapas allinqa kanchu; aswanqa Diosllan.
24693	MRK 10:36	Chaymi Jesusqa paykunata tapuran: —¿Imatataq valekuwaytari munashankichís? nispa.
24708	MRK 10:51	Hinaqtinmi Jesusqa chay ñawsa runata tapuran: —¿Imatataq qanpaq ruwanaytari munankí? nispa. Chaymi chay ñawsa runaqa contestaspa niran: —Yachachikuq, rikuytan munani, nispa.
24714	MRK 11:5	Hinaqtinmi chaypi kaq wakin runakunaqa, chay pashkaq runakunata rikuspanku, tapuranku khaynata: —¿Imapaqtaq chay asnotari pashkashankichís? nispanku.
24827	MRK 14:4	Hinaqtinmi chaypi wakin kaq runakunaqa, anchata phiñakuspanku tapunakuranku: —¿Imanaqtintaq kay ashka valorniyoq mishk'i q'apaq perfumetari usuchishan?
24835	MRK 14:12	Pascua fiesta p'unchaw chayaramuqtinmi, primer kaq p'unchawta, huk corderota wañuchiranku chay Pascua fiestapi mikhunankupaq. Chaymi discipulonkunaqa Jesusta tapuranku: —¿Maypitaq munawaq kay Pascua fiestapi cenayta preparamunaykutarí? nispanku.
24842	MRK 14:19	Hinaqtinmi Jesuspa discipulonkunaqa anchata llakirikuspanku, sapankamanku tapuranku: —¿Icha noqachu kashanipas? nispanku.
24883	MRK 14:60	Chaymi sacerdotekunapa jefenqa sayariyuspa, llapallan runakunapa ñawpaqninpi, Jesusta tapuran: —¿Uyarishankichu kay acusasuqniyki runakunapa nisqanta? Qanri, ¿manachu ima nispallapas defiendekunkí? nispa.
24884	MRK 14:61	Ichaqa Jesusqa manan ni ima nispapas contestaranchu. Aswanmi upallalla karan. Hinaqtinmi sacerdotekunapa jefenqa, kaqmanta tapuran: —¿Qanchu alabasqayku Diospa Wawan Salvador Cristori kankí? nispa.
24886	MRK 14:63	Hinaqtinmi sacerdotekunapa jefenqa, Jesuspa nisqanta uyarispa, anchata phiñakuran. Chaymi p'achankunataraq llik'ikuspa, khaynata niran: —¿Imapaqñataq munanchis huk testigokunatawanrí?
24888	MRK 14:65	Hinaspan wakin runakunaqa, Jesusman ashuyuspanku toqayuranku; ñawintapas vendaspankun saqmaranku. Hinaspan khaynata niranku: —¿Pitaq saqmamushasunkirí? ¡Cheqaq profeta kaspaykiqa niwayku! nispanku. Chaymantan Jesustaqa Jerusalén templota cuidaq guardiakunaman entregaranku. Hinaqtinmi paykunapas, Jesustaqa saqmapiyaspa chashkiranku.
24897	MRK 15:2	Chaymi chay gobernador Poncio Pilatoqa Jesusta tapuran: —¿Qanchu kanki Israel nacionniyoq runakunapa reynin? nispa. Hinaqtinmi Jesusqa contestaspa niran: —Qanpunin saynataqa nishanki, nispa.
24983	LUK 1:21	Dios yupaychana templo ukhupi Zacarías nishuta demoramuqtinmi, hawapi suyaq runakunaqa tapunakuranku: —¿Imataq pasarun, chaytaq mana lloqsimunchurí? nispanku.
25023	LUK 1:61	Chaypi kaq runakunañataqmi Elisabetta tapuranku: —¿Imanaqtintaq chay sutitari churayta munankí? Manan ni mayqen familiaykipas sayna sutiyoqqa kanchu, nispanku.
25091	LUK 2:49	Chaymi Jesusqa khaynata contestaran: —¿Imanaqtintaq noqatari mashkawashankichís? ¿Manachu yacharankichis noqaqa Papaypa ruwanankunapi kanayta? nispa.
25104	LUK 3:10	Chaykunata uyarispankun runakunaqa Juanta tapuranku khaynata: —¿Imatataq ruwaykuman salvasqa kanaykupaqrí? nispa.
25154	LUK 4:22	Jesuspa sumaqllaña yachachisqankunata uyarispankun llapallan chaypi kaq runakunaqa admirasqallaña Jesusmanta allinta rimaranku. Hinaspan paykunapura ninakuranku khaynata: —¿Manachu kay runaqa Joseypa churillan? nispanku.
25168	LUK 4:36	Hinaqtinmi chaypi kaq runakunaqa, admirakuspanku paykunapura ninakuranku khaynata: —¿Imayna atiyniyoqtaq kay runarí? ¡Rimayllanwan kamachiqtinmi demoniokunapas lloqsin! nispanku.
25206	LUK 5:30	Chaymi leykunata yachachiqkunapas, hinallataq fariseo religionniyoq runakunapas, Jesuspa discipulonkunapa contranpi rimaranku khaynata: —¿Imanaqtintaq qankunari mikhushankichis tomashankichis chay impuesto cobraq runakunawan, hinallataq huchasapa runakunawan kushkarí? nispa.
25218	LUK 6:3	Jesusñataqmi contestaspa niran: —¿Manachu qankuna Bibliapi leerankichis, rey Davidqa puriqmasinkunapiwan yarqachikuspa imatachus ruwasqanmanta?
25226	LUK 6:11	Chaymi leykunata yachachikuqkunapas, hinallataq fariseo religionniyoq runakunapas nishuta phiñakuranku. Hinaspan parlanakuranku: —¿Imatan Jesuspa contranpi ruwarusunchis? nispanku.
25261	LUK 6:46	Jesusqa nillarantaqmi khaynata: —¿Imanaqtintaq qankunari, “Señorlláy, Señorlláy” niwashaspa, noqapa kamachisqaykunatari mana ruwankichischú?
25283	LUK 7:19	paykuna rispanku, Jesusta khaynata tapumunankupaq: —¿Qanchu kanki Diosmanta Hamuq Salvawaqniyku icha huktachu suyakusaqkú? nispanku.
25295	LUK 7:31	Saynallataqmi Jesusqa chaypi kaq runakunata nillarantaq: —¿Pimantaq kay tiempopi kawsaq runakunatari comparachiyman? ¿Pimantaq paykunari rikch'akunkú?
25308	LUK 7:44	Hinaqtinmi Jesusqa chay huchasapa warmita qawarispa Simontaqa niran: —¿Rikushankichu kay warmita? Qanpa wasiykiman haykumuqtiymi, mana ni unullatapas qowarankichu chakiy maqchikunaypaqqa. Kay warmin ichaqa, weqellanwan chakiykunata maqchin. Chukchanwantaq secaspa sumaqta chakiykunata ch'akichin.
25313	LUK 7:49	Chayta uyarispankun chaypi kaq wakin runakunaqa tapunakuyta qallariranku: —¿Pitaq kay runari, runakunapa huchankunata perdonananpaqrí? nispanku.
25323	LUK 8:9	Jesús kaykunata willaqtinmi discipulonkunaqa tapuranku: —¿Ima ninantataq nin kay willakusqaykirí? nispanku.
25339	LUK 8:25	Hinaqtinmi Jesusqa discipulonkunata niran: —¿Imanaqtintaq qankunari noqapi mana confiankichishchú? nispa. Paykunataqmi admirasqallaña anchata mancharikuspanku ninakuranku: —¿Imayna runañataq kay runarí, pay kamachiqtin, wayrapas, unupas kasukunanpaqrí? nispanku.
25344	LUK 8:30	Hinaqtinmi Jesusqa tapuran khaynata: —¿Imataq sutiykirí? nispa. Hinaqtinmi contestaran khaynata: —Waranqa waranqantinmi, nispa. Saynataqa niran, ashkallaña demoniokuna chay runapi kasqanraykun.
25359	LUK 8:45	Hinaqtinmi Jesusñataq muyuriqninpi runakunata tapuran khaynata: —¿Pitaq tupaykaramuwanrí? nispa. Chaymi paykunaqa contestaranku: —Manan noqaykuqa tupaykamuykikuchu, nispanku. Hinaqtinmi Pedroqa paywan kaqkunapiwan niran: —Yachachikuq, ¿manachu rikunki ashka runakuna tukuy lawmanta tanqanakamuspa ñit'imususqaykita? nispa.
25379	LUK 9:9	Herodes Antipasñataqmi tapukuran: —¿Pitaq chay runari, paymanta llapallan runakuna rimanankupaqrí? Manan Bautizaq Juanqa kanmanchu. Noqa kikiypunin kamachirani, Juanpa kunkanta kuchuspa wañuchinankupaqqa, nispa. Chayraykun Herodes Antipasqa reqsiytapuni munaran Jesusta.
25388	LUK 9:18	Jesusqa sapallanmi Diosmanta mañakusharan. Hinaqtinmi discipulonkunaqa Jesusman ashuyuranku. Chaymi Jesusqa paykunata tapuran khaynata: —¿Pitaq noqari kani runakunapaqrí? nispa.
25425	LUK 9:55	Chaymi Jesusqa paykunata q'aqcharan {khaynata: —¿Manachu yachankichis ima espiritus qankunapi kasqanta?
25458	LUK 10:26	Chaymi Jesusqa payta contestaran: —¿Ima nispataq Moisespa escribisqan leypiri nishan? nispa.
25461	LUK 10:29	Hinaqtinmi leykunata yachachiq runaqa allinpi qepayta munaspa, Jesusta kaqmanta tapuran: —¿Pitaq noqapa runamasiyrí? nispa.
25468	LUK 10:36	Jesusqa saynata willaspanmi, leykunata yachachiq runata tapuran: —¿Qanri ima ninkitaq? Chay kinsantin runamantari, ¿mayqen kaqtaq runamasinta khuyapayaqrí? nispa.
25542	LUK 12:14	Chaymi Jesusqa contestaran: —¿Pitaq noqatari churawaran, qankunapa juezniykichis kanaypaq, otaq herenciaykichistapas rakiq kanaypaqrí? nispa.
25570	LUK 12:42	Jesusñataqmi niran: —¿Pitaq kasukuspa allinta ruwaq mayordomo runarí? Kasukuspa allinta ruwaq mayordomo runaqa, patronninpa kamachisqanta kasukuspa ruwaqmi. Chaymi payta patronninqa haciendanpi churan serviqkunata kamachinanpaq, hinallataq wasinpi kaq runakunamanpas horasllanpi mikhunata qonanpaq.
25589	LUK 13:2	Chaymi Jesusqa paykunata niran: —¿Qankuna piensankichishchu chay Poncio Pilatopa wañuchisqan runakunaqa, Galilea provincia lawmanta wakin runakunamantapas aswan más huchasapa kanankupaq?
25605	LUK 13:18	Jesusqa nillatarantaqmi: —¿Imawantaq rikch'anachiyman Diosta kasukuspa kawsaq runakunatarí?
25607	LUK 13:20	Jesusqa nillarantaqmi: —¿Imawantaq rikch'anachiyman Diosta kasukuspa kawsaq runakunatarí?
25625	LUK 14:3	Hinaqtinmi Jesusqa leykunata yachachiq runakunata, hinallataq fariseo religionniyoq runakunatawan tapuran khaynata: —¿Moisespa leyninman hina, samana p'unchawpi sanoyachiy, allinchu kanman icha manachú? nispa.
25665	LUK 15:8	Jesusqa nillarantaqmi huk willakuyta: —¿Manachu huk warmipa chunka qolqenmanta huknin qolqen chinkaruqtin, payqa mecherota ratachispa, wasinta pichaspa mashkanman tarinankama?
25737	LUK 17:17	Chaymi Jesusqa niran: —¿Acaso manachu chunka runakuna chay lepra onqoymantaqa sanoyarankú? ¿Maytaq wakin esqon runakunarí?
25776	LUK 18:19	Chaymi Jesusqa contestaran: —¿Imanaqtintaq noqatari niwanki: “Allin yachachikuq” nisparí? Manan ni pi runapas allinqa kanchu; aswanqa Diosllan.
25793	LUK 18:36	Chaymi chay ñawsa runaqa ashka runakuna pasasqanta uyarispa, tapukuran khaynata: —¿Imataq pasashanrí? nispa.
25798	LUK 18:41	—¿Imatataq qanpaq ruwanaytari munankí? nispa. Chaymi chay ñawsa runaqa niran: —Señor, ¡qawariytan munani! nispa.
25833	LUK 19:33	Hinaqtinmi chay malta asnota pashkasqankuta rikuspanku, chay asnopa dueñonkunaqa tapuranku khaynata: —¿Imapaqmi pashkashankichis asnoykuta? nispanku.
25871	LUK 20:23	Hinaqtinmi Jesusqa engañollawan tapusqankuta yachaspa, contestaran khaynata: —¿Imanaqtintaq qankunari pantachiwayta munashankichís?
25889	LUK 20:41	Jesusmi chaypi kaq runakunata tapuran: —¿Imanaqtintaq runakunari ninku, Cristoqa ñawpaq rey Davidpa mirayninmantan kanqa nisparí?