23233	MAT 1:20	Tseno jaqiriquita pensarishqa quecaptinmi, Diospa anjelnin Joseta sueñinincho, queno nerqan: —Davidpa castan Jose, ama mantsaquïtsu Mariawan casaquita. Porqui Santu Espiritupa poderninwanmi pëqa qeshyaq tucushqa.
23243	MAT 2:5	Tseno tapucuptinnam, niyarqan: —Judea probinsiacho quecaq Belen marcachomi. Tsepaqmi Diospa profetan queno escriberqan:
23246	MAT 2:8	Willariyaptinnam, queno nerqan: —Taqe washacho quecaq Belen marcaman ewar tse wamrata ashiyämï. Tarïcurnenqa, cutimur noqallätapis willarayämanqui ewar adoranäpaq —nir.
23263	MAT 3:2	Tse willapäcurmi, queno nerqan: —Teyta Dios mandacoqniquicuna cananpaq tiempu chäramunnam. ¡Tsemi mana alli rureniquicunata jaqiriyë! —nir.
23276	MAT 3:15	Tsenam Jesus nerqan: —Tseta ama yarpäcachëtsu, porqui presisanmi Diospaq alli caqta cumplinantsic —nir. Tseno niptinnam, “Mä ari” nir, bautisecorqan.
23278	MAT 3:17	Sielupitanam Dios queno nimorqan: —Quemi noqapa cuyë Tsurï. ¡Perecurmi noqa allapa cushicü! —nir.
23281	MAT 4:3	Tsenam diabloqa Jesusman checur, tenteta munar queno nerqan: —Diospa tsurin rasonpa carqa, mä, que rumicunata mandariquï tantaman ticrarinanpaq —nir.
23282	MAT 4:4	Jesusnam nerqan: —Diospa palabranmi queno escribirëcan: ‘Manam tantata micurllatsu nunacuna cawayanqa; sinoqa Dios llapan nenqanta cäsucurninmi cawayanqa’ —nir.
23284	MAT 4:6	—Rasonpa Diospa tsurin carnenqa, mä, quepita jeqacorquï. Porqui Diospa palabranmi queno escribirëcan: ‘Anjelnincunatam Dios cachamonqa manaraq rumicunaman jeqaptiqui juclla tsaricuyäshunequipaq’ —nir.
23285	MAT 4:7	Jesusnam nerqan: —Diospa palabranmi jina queno escribirëcan: ‘Ama Diosniquita probanquitsu’ —nir.
23287	MAT 4:9	—Qonqurïcur adorecamaptiqueqa, que llapan riquecanqequitam qoycushqequi —nir.
23418	MAT 8:4	Jesusnam nerqan: —Ama ni pitapis willacunquitsu cachacätsenqaqta. Peru si, ewë saserdoti ricashunequipaq, Moises mandacushqanno Diospaq ofrendan aparcur cachacashqequita musyayänanpaq.
23424	MAT 8:10	Capitan nenqanta wiyecurnam, Jesus espantacur, qatiraqnincunata queno nerqan: —Rasontam niyaq: Diosman que nuna marcäcoqtanoqa manam tarishqatsu cä que israel nunacunacho.
23427	MAT 8:13	Tsepitanam capitanta Jesus nerqan: —Wayiquiman cutiquï. Y marcäcur pensanqequinomi canqa. Tse öram capitanpa wätenin cachacärerqan.
23434	MAT 8:20	Jesusnam nerqan: —Atoqcunapa machenin canmi. Pishqucunapapis qeshun canmi. Peru Diospita Shamushqa Nunapaqa manam ni iman cantsu jamarinanllapaqpis.
23435	MAT 8:21	Tsenam jucnin caq disipulun queno nerqan: —Teyta Jesus, qamwan eucunäpaq papänïtaraq pampamushaq.
23436	MAT 8:22	Tseno niptinnam, Jesus queno nerqan: —Qatirämeta munarqa jinallacho shamï. Wanushqano caqcuna wanushqacunataqa pampacuyätsun —nir.
23443	MAT 8:29	Tse supëyoq nunacunanam qayaripa queno niyarqan: —Diospa tsurin Jesus, ¿Imatataq noqacunawan munanqui! ¿Manaraq tiempuchocu castigayämaqnï shamorqonqui! —nir.
23450	MAT 9:2	Tsemannam apayarqan imbalidu nunata, quirmapa wanturishqa. Tsenam Jesusqa peman allapa marcäcuyashqanta musyarirnin, qeshyaqta nerqan: —Callpata tsarï, iju. Jutsequicunapitam perdonecoq —nir.
23460	MAT 9:12	Tseta wiyecurnam, Jesus nerqan: —Qeshyaqcunallam medicutaqa nesitayan; sanu caqcunaqa manam.
23462	MAT 9:14	Tsepitanam bautisacoq Juanpa disipuluncuna Jesusman witïcur tapuyarqan queno: —Noqacunaqa y fariseucunaqa cadallam ayunayä. ¿Imanirtaq disipuliquicunaqa ayunayantsu? —nir.
23463	MAT 9:15	Jesusnam iwalatsiquipa queno nerqan: —Acasu casamientuman combidashqacuna nobiuwan juntu quecar, ¿ayunayancu! Peru chämonqanam nobiuta apacuyänan junaq. Tsenam si, ayunayanqa.
23472	MAT 9:24	Tsenam pecunata nerqan: —Quepita yarquyë. Wamraqa punicanllam. Manam wanushqatsu —nir. Tseno niptinnam, nunacuna burlapaq churar asipäyarqan.
23477	MAT 9:29	Tsenam Jesusqa nawincunata yatecur, nerqan: —Qamcuna marcäcur mañacuyashqequino catsun —nir.
23482	MAT 9:34	Peru fariseucunanam queno niyarqan: —Diablucunapa mandacoqnin poderninwanmi nunacunapita supëcunata qarqun —nir.
23485	MAT 9:37	Tsenam disipuluncunata queno nerqan: —Cosecha poqicaqnomi nunacuna ellipaq quecayan. Tseno captinpis, wallcallam elloqcuna cayan.
23535	MAT 11:7	Bautisacoq Juanpa disipuluncuna cuticuyaptinnam, tsecho ellucashqa nunacunata Jesus queno nir willaparqan Juanpaq: —Tsunyaqcho quecaptin, ¿Imaqtaq Juanman caruta ewayarqequi! ¿Bientuwan shoqush cuyoqllata ricaqcu!
23574	MAT 12:16	Pecunatam nerqan: —Ama pitapis noqapaq willacuyanquitsu —nir.
23582	MAT 12:24	Tseta cayïcurcurnam fariseucuna queno niyarqan: —Que nunaqa supëcunapa mandacoqnin Beelzebupa poderninwanmi nunacunapita supëcunata qarqun —nir.
23605	MAT 12:47	Juc nunanam Jesusta queno willarerqan: —Mamäniquim wauqiquicunawan shuyarëcayäshunqui waqtacho. Qamwanshi parleta munayan —nir.
23607	MAT 12:49	Tsenam disipuluncunata dedunwan apuntecur queno nerqan: —Quecho quecaqcunam mamänïcuna y wauqïcunaqa cayan.
23659	MAT 13:51	Tseno willapäcurirnam, Jesus tapucorqan queno: —¿Que llapan willapäyanqaqta qamcuna cäyiyarqonquicu? —nir. Disipuluncunanam: —Aumi Teyta cäyiyarqömi —niyarqan.
23660	MAT 13:52	Tsenam Jesus nerqan: —Juc nunapam wayincho imecanpis capun ellushqancuna. Tse nunam shumaq inishita yachan punta wardacushqanta y qepa wardacushqantapis. Tse cuentam ley yachatsicoqcuna Diospa mandaquinincho canapaq caqta cäyir punta musyayanqancunapita y canancamayaq musyayanqancunata yachatsiyänan.
23665	MAT 13:57	Tseno nirninmi, piñarnin wiyetapis mana munayarqantsu. Peru Jesusnam nerqan: —Mechopis profetacunataqa respetayanmi, peru quiquinpa marcanchoqa y wayinchoqa manam —nir.
23668	MAT 14:2	Tsemi sirweqnincunata Herodis queno nerqan: —Tse nunaqa capas wanutsenqä bautisacoq Juan cawaricarcamushqa. Tsechi ya poderyoq car espantepaq milagrucunata rurecan —nir.
23674	MAT 14:8	Tsenam shipashqa mamänin yacharatsiptin Herodista queno nerqan: —Bautisacoq Juanpa peqanta juc platucho qoycamë —nir.
23682	MAT 14:16	Jesusnam nerqan: —Manam presisantsu ewacuyänan. Qamcunam pachanqa qarayänequi —nir.
23684	MAT 14:18	Jesusnam nerqan: —Mä tsellatapis apayämï —nir.
23693	MAT 14:27	Tsenam Jesusqa queno nerqan: —Balorta tsariyë. Noqam cä. Ama mantsacäyëtsu —nir.
23717	MAT 15:15	Tsenam Pedroqa Jesusta queno nerqan: —Tse tincutsiquita shumaq cäyicatsilläyämë —nir.
23724	MAT 15:22	Tsecho quecaptinnam, juc warmi Canä marcapita shamur, Jesusman queno qayarir chäcurerqan: —Rey Davidpa castan Tëte, ¡ancupëcallämëri! Warmi wamrallämi allapa jipallan, pëcho supë captin —nir.
23726	MAT 15:24	Tseno niyaptinnam, Jesus queno nerqan: —Diosqa cachamashqa oqracashqa üsha cuenta caquicaq israel nunacunallamanmi —nir.
23728	MAT 15:26	Jesusnam nerqan: —Sitsun qamta yanapecushqequi, ¡tseqa manam allitsu canman! Tseqa canqa imeca wamracuna tantata miquicayaptin qochirir, allqucunata qarecoq cuentam —nir.
23729	MAT 15:27	Tse warminam nerqan: —Rasontam ninqui, tëte. Peru imano captinpis, allqucunaqa siemprim micurilläyan dueñuncunapa mesanpita miqui shicwaqllatapis —nir.
23734	MAT 15:32	Disipuluncunata qayarirnam, Jesus queno nerqan: —Que nunacunata allapam ancupëcü. Quima junaqnam quecho noqawan quecayan; y manam ni imallapis micuyänanpaq cantsu. Manachi mallaqqa wayincunaman cuticuyanmantsu. Tseno mallaq eucorqa, nänichochi ishquiriyanqa —nir.
23735	MAT 15:33	Disipuluncunanam queno niyarqan: —Peru quechoqa tsunyaqchomi quecantsic. ¿Mechoraq miquita tarishun quetsica nunacuna micuyänanpaq! —nir.
23736	MAT 15:34	Jesusnam queno taporqan: —¿Ecallataq tantequicuna quecan? —nir. Pecunanam niyarqan: —Qanchis tantallam y juc ishque acapa pescadullam —nir.
23743	MAT 16:2	Tseno niyaptinnam, Jesusqa queno nerqan: —Tardipa patsa pucäriptinmi, ‘Usyarillanqam’ niyanqui;
23747	MAT 16:6	Tsenam Jesus queno nerqan: —Cuidacuyë fariseucunapa y saduseucunapa lebadurancunapita —nir.
23748	MAT 16:7	Tsenam disipuluncunaqa quiquincuna pura queno ninacuyarqan: —Tantata qonqecamushqa cashqam tseno nimantsic —nir.
23754	MAT 16:13	Tsepitanam Cesarea Filipo nishqan caseriucunaman chärir, Jesus disipuluncunata queno taporqan: —Diospita Shamushqa Nunapaq, ¿pi canqantataq niyan? —nir.
23755	MAT 16:14	Pecunanam queno niyarqan: —Waquinmi niyan qamqa bautisacoq Juanshi canqui. Waquinnam niyan Diospa profetan Eliasshi qamqa canqui. Waquincunanam niyan ‘Jeremiaschi o profetacunachi meqan carpis’ niyanmi —nir.
23758	MAT 16:17	Jesusnam nerqan: —Jonaspa tsurin Simon, ¡qamqa allapa cushiquiyoqmi canqui! Porqui manam ni meqan nunatsu tseno nimänequipaq yachatsishorqonqui; sinoqa sielucho quecaq Dios Yayämi cäyitsishorqonqui,
23761	MAT 16:20	Tseno nirirnam, disipuluncunata queno nerqan: —Dios Acrashqan canqäta ama pitapis willacuyanquitsu —nir.
23762	MAT 16:21	Tse junaqpitam Jesus disipuluncunata cäyitsirnin, queno willapar qallecorqan: —Jerusalenman ewanämi presisan. Tsechomi autoridacuna, saserdoticunapa mandacoqnincuna y ley yachatsicoqcuna allapa jipatsiyämar wanutsiyämanqa; peru quima junaqllatam cawarimushaq —nir.
23765	MAT 16:24	Tsepitanam disipuluncunata queno nerqan: —Pipis qatirämaqnï queta munarnenqa, quiquinpa muneninta jaqiricur, crus apaqno noqata qatimätsun.
23774	MAT 17:5	Pedru tseno parlecaptinnam, chipapäquicaq pucute illaqpita yurircur pecunata tsaparerqan. Pucute rurinpitanam queno parlamoqta wiyayarqan: —Quemi cuyë tsurï. Pemi allapa cushitsiman. Peta cäsucuyë —nir.
23776	MAT 17:7	Tseno quecayaptinnam, pecunaman witïcur yatarirnin, Jesus queno nerqan: —Ama mantsacäyëtsu. Sharcuyë —nir.
23778	MAT 17:9	Jircapita urärëcamurnam, Jesus pecunata queno nerqan: —Que ricayanqequita ama pitapis willayanquitsu asta Diospita Shamushqa Nuna wanurir cawarimonqanyaq —nishpa.
23789	MAT 17:20	Jesusnam queno nerqan: —Porqui qamcunaqa manam alleqllaqa marcäcuyanquiraqtsu noqaman. Rasontam niyaq: Sitsun marcäquiniquicuna canman mostasa muruno ichicllanllapis; que jircata “Juc laduman witicurï” niyaptiquipis, que jirca witicurinmanmi, y imapis ruracärinmanmi.
23791	MAT 17:22	Galilea marcacho quecarnam, llapan disipuluncunata Jesus queno nerqan: —Diospita Shamushqa Nunatam chiqueqnincunapa maquinman entregayanqa.
23795	MAT 17:26	Tsenam Pedru queno nerqan: —Forasteru caqcunatam —nir. Jesusnam nerqan: —Änirpis, manam marca mayincunataqa combienintsu pagatsiyänan.
23799	MAT 18:3	queno nerqan: —Masqui queta shumaq cäyirayämë: Que wamrano juclaya ticraqcunallam Diospa mandaquininman yecuyanqa.
23818	MAT 18:22	Tseno niptinnam, Jesus nerqan: —Manam qanchis cutilla perdonanqui nicayaqtsu. Antis chuscu pachaq isqon chunca (490) cuti perdonanqui nicayaqmi.
23839	MAT 19:8	Jesusnam nerqan: —Chucru shonqu cayaptiquim, Moises tseno escriberqan; peru Teyta Diosqa que munduta camarnin, manam tseno raquicayänanpaqtsu dispunerqan.
23841	MAT 19:10	Tseno niptinnam, disipuluncunaqa queno niyarqan: —Tseno captenqa, mejor ama casacuyätsuntsu.
23842	MAT 19:11	Jesusnam queno nerqan: —Llapan nunacunatsu manam que nishqäta cäyiyan, sinoqa Teyta Dios permitenqan caqcunallam.
23847	MAT 19:16	Tsepitanam juc jobin Jesusman ewar, queno taporqan: —Yachatsicoq ˻alli nuna˼, ¿Wac bidacho wiñepa cawanäpaq ima allitataq rurashaq? —nir.
23851	MAT 19:20	Tseno niptinnam, tse jobin queno nerqan: —Tsecunataqa cumplicämi. ¿Masqa imatataq rurashaq? —nir.
23852	MAT 19:21	Tsenam Jesus queno nerqan: —Alli nuna queta munarnenqa, canan ewar llapan imequicunatapis rantiquicur, tse qelleta wactsacunata qoyquï. Tseno ruraptiquim, sielucho mana ushacäcoq fortunequi canqa. Tseno rurarïcur, noqata qatimë.
23854	MAT 19:23	Tsepitanam disipuluncunata Jesus queno nerqan: —Que niyanqaqta wiyacur shumaq cäyiyämë: Allapa sasam canqa juc capoqyoq nunapaq Diospa mandaquininman yecunanpaq.
23856	MAT 19:25	Tseta wiyecurnäqa, disipuluncuna masran espantacuyarqan, y quenomi niyarqan: —Tseno captenqa, ¿pillanataq salbaconqa! —nir.
23857	MAT 19:26	Jesusnam disipuluncunata alli ricarëcur nerqan: —Quiquincunallapitaqa manam pipis salbaquita puediyantsu; Teyta Diosllam nunacunataqa salban, porqui Diospaqqa manam imapis sasatsu —nir.
23859	MAT 19:28	Jesusnam nerqan: —Rasontam niyaq: Que munducho imecapis mushoqman ticranan junaqmi, y Diospita Shamushqa Nuna poderninwan mandacur tacurinan junaqmi, qatirämaqcunaqa alli täcunacunaman tëcur, chunca ishque (12) israel casta nunacunata jusgayanqui.
23877	MAT 20:16	Tseno willapäcurirnam, Jesus queno nerqan: —Tsenomi canqa Diospa mandaquinincho. Canan presisaqcunam presisaqtsu cayanqa; y canan mana presisaqcunanam presisaq cayanqa, ˻porqui atscaq qayashqa quecarpis wallcaqllam acrashqaqa cayanqa˼ —nir.
23879	MAT 20:18	—Musyayanqequinomi Jerusalenman ewecantsic. Tsechomi Diospita Shamushqa Nunata saserdoticunapa mandacoqnincunaman y ley yachatsicoqcunaman entregayanqa. Pecunanam wanutsiyänanpaq condenayanqa.
23882	MAT 20:21	Tsenam Jesusqa queno taporqan: —¿Imatataq munayanqui? —nir. Warminam nerqan: —Ama acseqa callanquitsu. Munallä mandacur qallecullanqequi öra wawalläcuna jucnin derechu ladiquiman y jucninna itsoq caq ladiquiman tecur mandacuyänätam —nir.
23883	MAT 20:22	Jesusnam nerqan: —Qamcunaqa manam musyayanquitsu imata mañacayämanqequitapis. ¿Qamcuna puediyanquimantsuraq noqa pasanäpaq caqcunata paseta? —nir. Pecunanam “Aumi, puedilläyämi” niyarqan.
23884	MAT 20:23	Jesusnam nerqan: —Änirpis rasonpam noqa pasanqäno sasacunata pasayanqui; peru derechu laducho y itsoq laducho pipis täcamunanpaqqa manam noqatsu dispunï. Tsetaqa Papänïllam dispunishqana —nir.
23886	MAT 20:25	Tsenam llapan disipuluncunata qayarir queno nerqan: —Musyayanqequinomi Diosman mana marcäcoq mandacoqcunaqa nunacunata allqutsayan, y puedeq quenincunaman atenicurmi, nunacunata munashqanta rurayan.
23893	MAT 20:32	Tseno qayacoqta wiyecurnam, Jesusqa shäcurerqan y wiscucunata qayecur, queno taporqan: —Qamcunapaq ¿ima ruranätataq munayanqui? —nir.
23894	MAT 20:33	Wiscucunanam queno niyarqan: —Nawilläcuna ricanantam munalläyä, Teyta —nir.
23897	MAT 21:2	queno nishpa: —Ewayë taqe ricaquecamoq marcaman. Tseman chärirmi, tariyanqui wawayoq ashnu watarëcaqta. Tse ashnucunata pascarir apayämunqui.
23906	MAT 21:11	Tseno niyaptinnam, waquin caq nunacunaqa queno niyarqan: —Pëqa Jesusmi y profetam. Galilea probinsiapa Nazaret caseriunpitam shamushqa —nir.
23908	MAT 21:13	Y quenomi nerqan: —Diospa palabranchomi queno escribirëcan: ‘Wayïqa mañacuna wayim’ nir. Tseno quecaptin, ¿imanirtaq suwacunapa machenintano ticratsiyarqonqui! —nir.
23916	MAT 21:21	Tseno niyaptinnam, Jesus queno nerqan: —Rasontam niyaq: Sitsun llapan shonqiquicunawan rasonpa marcäcuyanqui, que igusta tsaquiratsenqäpitapis mas espantepaqcunatam rurayanqui; asta que jircata ‘¡Quepita yarqur lamarman jeqacurquï!’ niyaptiquipis, ewar jeqacurconqam.
23919	MAT 21:24	Tseno niyaptinnam, Jesus nerqan: —Noqapis qamcunata jucta tapuyäshqequi: Tapuyanqaqta yasquiyämaptiqueqa, noqapis willayäshqequim pipa poderninwan quecunata ruranqäta
23922	MAT 21:27	Tsenam Jesusta queno niyarqan: —Manam musyayätsu —nir. Tseno niyaptinnam, Jesuspis nerqan: —Tsepenqa noqapis manam willayaqtsu quecunata ruranäpaq pi mandamanqanta —nir.
23923	MAT 21:28	Tsepitanam Jesusqa pecunata queno nerqan: —Juc nunapam caporqan ishcaq tsurincuna. Tse nunam juc caq tsurinta queno nerqan: ‘Iju, canan junaq ubas chacrantsicman uryaq ewarillë’ nir.
23926	MAT 21:31	Canan qamcunata tapuyashqequi, ¿Meqan caq tsurintaq Tëtan mandashqanta rurarqan? Pecunanam —Punta mandanqan caqmi —niyarqan. Jesusnam queno nerqan: —Que niyanqaqta shumaq cäyicuyë: Roma nasionpaq impuestuta cobraq malafecunam y ollqun ollqun lluta pulicoq warmicunam qamcunapita mas puntata Diospa mandaquininman yecuyanqa.
23935	MAT 21:40	Tseno nirirnam, Jesusqa queno tapucorqan: —Canan qamcuna niyämë: Tse ubas chacrayoq asendadu tse chacran tsaraqcunaman ewecur, ¿Imatataq ruranqa?
23936	MAT 21:41	Nunacunanam niyarqan: —Mana ancupashpachi tse mana alli ruraq nunacunata wanutsenqa. Y juccunatanachi chacranta qoyconqa, cosecha tiempu chäriptin tocanqan caqta örancho entregayänapaq.
23955	MAT 22:14	Tsepitanam Jesus queno cäyitsicorqan: —Tsenomi Dios atscaqta qayan. Peru wallcaqllam acrashqa cayanqa.
23961	MAT 22:20	Jesusnam tse qelleta ricarir, queno tapucorqan: —Que qellecho ¿pipa retratuntaq quecan? ¿Pipa jutintaq escribirëcan? —nir.
23962	MAT 22:21	Pecunanam niyarqan: —Mandacoq cesarpam —nir. Tsenam Jesus nerqan: —Tsepenqa mandacoq cesarpa caqtaqa mandacoq cesarta qoycuyë; y Diospa caqtaqa Diosta qoycuyë —nir.
23984	MAT 22:43	Tseno niyaptinnam, Jesus queno nerqan: —Tseno quecaptenqa, ¿Imanirtaq Santu Espiritu yanapaptin Davidqa Diospa Acrashqanpaq ‘Pëqa salbadornïmi’ nirnin, queno nerqan?
24028	MAT 24:2	Tsenam Jesusqa queno nerqan: —Masqui yarpäriyanqui, que riquecayanqequi templu pasepam ushacanqa, y manam ni juc rumillapis perqarëcarqa quedanqatsu.
24123	MAT 25:46	Tseno willapäcurirnam, Jesus queno nerqan: —Mana alli ruraq nunacunam infiernuman wiñepa, wiñenin jipacoq ewayanqa; peru alli ruraq caqcunanam wiñe cawaquiman ewayanqa —nir.
24125	MAT 26:2	—Musyayanqequinomi Pascua fiestapaq ishque junaqllana pishican. Y tsechomi Diospita Shamushqa Nunata presu tsarirnin, entregayanqa cruscho wanutsiyänanpaq —nir.
24128	MAT 26:5	Peru quenomi ninacuyarqan: —Pascua fiestachoqa ama tsarishuntsu. Tsecho tsarïcushqaqa nunacunam contrantsic bullacurcuyanqa —nir.