16	GEN 1:16	Ana tao na hata makaledo bau-inaꞌ rupaꞌ dua. Hata bau-inaꞌ a, nahaa nai fai leledoꞌ; ma maraaꞌ a nasararaa nai fai hatuꞌ. Ana adu na ruuꞌ ara boe.
153	GEN 6:15	O tao ofaꞌ a nanaru naa meter natun esa telu hulu telu; loloa na meter duahulu dua; ma dedema na meter sanahulu telu.
233	GEN 9:27	Ela leoꞌ bea na, Manetualain namaloa Yafet oe-daen; Ma ria tititi-nonosi nara rasoda mole-dame ro Sem tititi-nonosin. Tehuu ela leoꞌ bea na, Kanaꞌan dadi neuꞌ Yafet atan.”
1465	GEN 48:13	Basa de Yusuf foa. Boe ma ana fee ana nara rapadeiꞌ raneneaꞌ ro papa na. Ana fee ana uluꞌ a, Manase, napadei neuꞌ Yakob boboa ona na; ma fadiꞌ a, Efraim neuꞌ Yakob boboa ii na.
1483	GEN 49:9	O ia sama leoꞌ singa fadi dua kahereꞌ, fo bisa saka aon nanaaꞌ. O boe sama leo singa maneꞌ fo hela naroroo aon sakaꞌ suku; ta hapu hata esa naparani neu tatao o boeꞌ. O boe sama leoꞌ singa inaꞌ a nanea ana na; ta hapu lahenda naparani neu tafaruruu ni. Leoꞌ na boe neuꞌ o. Lahenda lele o, ma ara ta raparani tao rupa-rupaꞌ fa.
23230	MAT 1:17	De, mulai neme Abraham losa Daud, nana tititi-nonosiꞌ sanahulu haa; neme Daud losa sira nanatuꞌu leo Babel reu tititi-nonosiꞌ sanahulu haa; ma neme Babel mai losa boki Kristus, nana tititi-nonosiꞌ sanahulu haa.
23392	MAT 7:7	“Maneniko emi hule-haradoi, hule maroo neuꞌ Manetualain; neuꞌ ko Ana fee. Maneniko saka maroo; neuꞌ ko Ana natudu eno. Maneniko maloo maroo; neuꞌ ko Ana soi lelesu.
23523	MAT 10:37	De, lahenda bea tebe-tebe nau tuka Au, ana muste sue Au lena neme basa-basan; lena neme ina-aman, ma lena neme ria ana nara mai. Maneniko taꞌa, sona lahenda ria ta naraa dadi neuꞌ Au lahenda Ki.
23663	MAT 13:55	Sekona te Ria nana noi tukan ai anan. Ita talelaꞌ Ria maman, Maria; ma Ria fadi nara, siꞌ Yakobis, Yusuf, Yudas ma Simon.
23849	MAT 19:18	Lahenda ria natane seluꞌ nae, “Pareta a riꞌ ubeaꞌ?” Yesus nataa nae, “Bosoꞌ maisa lahenda; bosoꞌ hohoke; bosoꞌ mamanaꞌo; bosoꞌ sakasii pepekoꞌ;
23850	MAT 19:19	fee hada-horomata neuꞌ o ina-amam; ma sue-lai toranoo ma sama leoꞌ o sue-lai ao-ina heheli ma.”
23967	MAT 22:26	Ta doo bea boeꞌ te mate ni, ma anaꞌ taꞌa. Leoꞌ na boe neuꞌ fadi katelu a; sao na ina falu ria, tehuu mate ni, ma anaꞌ taꞌa boe. Leo-leo na losaꞌ fadi mateꞌa-teisusuꞌ a, boe mate ni.
24057	MAT 24:31	Faiꞌ fo fufuuꞌ a nalii bau-inaꞌ, boe ma Au pareta Manetualain eilaꞌo-limalopen rai nusatetu-ikutemaꞌ a, reu rabubua basa Au lahenda teteka-hehere kara reme dae-bafoꞌ a buku nara mai, neme dulu losa muri; ma neme ii losa ona.”
24162	MAT 26:39	Ana lali dooꞌ a bai anaꞌ leo mata neu, boe ma sundaꞌ undulaka Na fo hule-haradoi nae, “Papa manasue-manalai! Kalu Papa mataa, sona bosoꞌ Au lepa-asaa doidosoꞌ ia. Tehuu bosoꞌ tuka Au hihii-nanau Ki; ela tuka noi Papa hihii-nanaum.”
24236	MAT 27:38	Nai naa, ara paku lahenda parampok dua nai ai kake a boe. Esa nai Ria boboa onan; esa nai boboa ii Na.
24479	MRK 6:3	Sekonaa te Ria adaꞌ noi tukan ai. Ita talelaꞌ Ria mama na riꞌ Maria; ma fadi nara siꞌ Yakobis, Yoses, Yudas no Simon. Ana nanuu fadiꞌ anafetoꞌ hida boe. Ita basa leo nai koro esa, na!” Huu ria na, de eteꞌ ao nara losa ara ta nau ramanene Ni soꞌ.
24676	MRK 10:19	O bubuluꞌ, Manetualain pareta Na neme uluꞌ mai nae, ‘Bosoꞌ maisa lahenda; Bosoꞌ hohoke; Bosoꞌ mamanaꞌo; Bosoꞌ sakasii pepekoꞌ; Bosoꞌ tipu-dai lahenda fo hai ma hata-heto nara; Fee hada-horomata neuꞌ o ina-ama mara.’ ”
24813	MRK 13:27	Basa te Au pareta Manetualain eilaꞌo-limalopen rai nusatetu-ikutemaꞌ a, fo reu rabubua ra basa lahenda fo Au here a si remeꞌ dae-bafoꞌ a bukun haa si mai, nemeꞌ dulu losa muri; ma neme ii losa ona.”
24858	MRK 14:35	Basa de Ana lali nala dooꞌ a seluꞌ baiꞌ, boe ma Ana sundaꞌ undulaka Na, neuꞌ dae a fo hule-haradoi nae, “Papa manasue-manalai! Kalu Papa mataa, sona Au bosoꞌ lepa doidoso rupa leo iaꞌ a losa mate. Au bubuluꞌ memaꞌ so ae, ta hapu hata esa fo Papa ta bisa tao ni fa. De, kalu bole sona, Papa tuꞌu madoo doidoso ia nemeꞌ Au mai. Tehuu bosoꞌ tuka Au hihii-nanau Ka; ela leoꞌ bea na tuka noi Papa Ka hihii-nanaum.”
25150	LUK 4:18	Manetualain Dula-dale Na kuasa Na nai Au. Huu ria na Ana tudu na Au, fo tui-beka Manetualain Tutui Malole Na neuꞌ lahenda manatoꞌa-manataꞌ ara. Ana nadenu Au, ela tui-beka ae, neuꞌ ko poꞌi mana hukuꞌ ara; neuꞌ ko pokeꞌ ara rita dae; neuꞌ ko poꞌi mana hapu eese-rurumuꞌ ara.
25355	LUK 8:41	Touꞌ esa nade Yairus nai na boe. Ria nana malaka uma mamasoꞌ nai kota ria. Ana ni noi esaꞌ a; ana inaꞌ, teu ni sanahulu dua. Besaꞌ ia ana fetoꞌ ria hedi beraꞌ noi mamaten. Tepoꞌ fo Yairus nita Yesus mamai na, ana sundaꞌ undulaka na neuꞌ Yesus mata na. Ana hule fo Yesus leo uma na neu, ela tulu-fali na ana feto na. Yesus nataa ni, boe ma ara leo Yairus uma na neu. Tehuu lahenda dodouꞌ rapue nau tuka boe, huu ria na ara laꞌo raseseti ao.
25483	LUK 11:9	Leoꞌ na boe, huhule-haradoiꞌ a. Hule maroo neuꞌ Ramatuaꞌ a; neuꞌ ko Ana fee. Saka maroo; neuꞌ ko Ana natudu enoꞌ a. Maloo maroo; neuꞌ ko Ana soi lelesu a.
25581	LUK 12:53	Papaꞌ a soaꞌ ana na; anaꞌ a soaꞌ papa na. Mamaꞌ a soaꞌ ana na; anaꞌ a soaꞌ mama na. Arinaꞌ a soaꞌ manafeu na; manafeuꞌ a soaꞌ arina na.”
25616	LUK 13:29	Neuꞌ ko lahenda reme dae-bafoꞌ ia bukun haas mai, reme ledo a titii mai na losa tetena neu na; reme ii mai losa ona, fo ratuuꞌ raa-rinu reuꞌ esa, nai Manetualain uma mane na.
25767	LUK 18:10	“Touꞌ dua reu hule-haradoi nai Uma Mamaso Ina a. Esa nana lahenda agama Farisi; esa bali, mana susu bea. [Lahenda Yahudi ra tao lahenda Farisi ra neuꞌ, lahenda makamoiꞌ. Tehuu ara tao mana susu bea ra, reuꞌ lahenda tadaluꞌ.]
25777	LUK 18:20	O, bubuluꞌ so hete, Manetualain atoran a neme uluꞌ mai, nae: Bosoꞌ hohoke; bosoꞌ maisa lahenda; bosoꞌ mamanaꞌo; bosoꞌ sakasii pepekoꞌ; ma fee hada-horomata neuꞌ o ina-ama mara.”
25975	LUK 22:42	“O, Amaꞌ! Kalu Amaꞌ a nau, sona hai heni doidoso ia neme Au mai. Tehuu bosoꞌ tuka Au hihii-nanau ka; ela leoꞌ bea na tuka noi Amaꞌ a hihii-nanaum.”
26993	ACT 1:1	Papa Teofilus malole on. Soda-moleꞌ nemeꞌ au; Lukas. Nai au susura maꞌulu ka nana, au duiꞌ basan soo laꞌeneuꞌ Ramatuaꞌ Yesus soda Na soo. Riiꞌ basa hata fo Ana taon, noo basa hata fo Ana nanori sii aa. Ma Ana natudu lahenda nadedenu nara. Leomae lahenda tao rasususaꞌ Ana, ma ramaten Ni, tehuu Amaꞌ Manetualain nafoa faliꞌ Ana. Ana foa faliꞌ boe ma, natudu ao Na neuꞌ basa lahenda nadedenu nara. Ara ritan kose-kose losaꞌ faiꞌ haa hulu lalaꞌen, de ara bubuluꞌ teteaꞌ Ana foa faliꞌ soo. Ana nafada sii nae Amaꞌ Manetualain nana, sama leo Mane mana-homu pareta. Ana nadenu sii, pake Amaꞌ Manetualain Dula-dale Malalao-malalafuNa kuasa Na. Basa boe ma, Ramatuaꞌ Yesus ae faliꞌ leo Nusa-tetuꞌ a neu. Sira nana au duiꞌ asa soo.
27012	ACT 1:20	Petrus dedea naroo nae, “Nai ulu ele naa, Mane Daud a duiꞌ leoꞌ naa soo, nai susura Sosoda Iꞌio-oꞌoaꞌ a. Ana duiꞌ nae, ‘Nemeꞌ naa fo ria mamana leleo na dadi lino-nees; ta bole lahenda esa leo nai naa boe.’ Boe ma, ana duiꞌ seluꞌ nae, ‘Nemeꞌ naa fo ria nonoin ria ara feen leo lahenda fekeꞌ neu.’
27028	ACT 2:10	Frigia, Pamfilia, Mesir, reme Libia naneneaꞌ noo kota Kirene; ita ruma temeꞌ kota Roma;
27102	ACT 4:11	Yesus ia nana riiꞌ mana-duiꞌ nai Amaꞌ Manetualain Susura na nae, ‘Hapu batu esa marolu ra, tuꞌu henin soo; tehuu besaꞌ ia nanadadi neuꞌ batu natendeꞌ soo.’
27117	ACT 4:26	Basa mane dae-inaꞌ, ara soꞌu tee-tafaꞌ fo saka ratati; roo basa malaka ra, rala-haraꞌ fo reu soaꞌ Amaꞌ Manetualain noo Kristus, Lahenda fo Manetualain tudu memaꞌ ana soo, neme faiꞌ a ulu na mai.’
27166	ACT 5:38	Huu ria na toranoo ara, au dodoo ae dedea sira sama leo ia boe; de bosoꞌ taisa sii, remeꞌ na te sira nanori nara ma sira leleo-lalaꞌo nara, neuꞌ ko mopoꞌ asa ma ta ranenete rala dooꞌ a fa, kalu neme lahenda dae-inaꞌ a mai.
27172	ACT 6:2	Huu ria naa, de Ramatuaꞌ a lahenda nadedenu kasanahulu duan sira, rabubua ra Ramatuaꞌ Yesus lahenda nara katemaꞌ asa, boe ma ara dedea rae, “Basa toranoo kara emin, kalu ami hahae manori lahenda Manetualain Tutui Malolen, fo ralalau emi nanaa-nininuꞌ mara, bisa boe; tehuu ta laꞌe fa.
27217	ACT 7:32	‘Au ia, nana o bei-baꞌi mara Ramatua na; riiꞌ baꞌi Abraham, baꞌi Ishak, baꞌi Yakob Ramatuaꞌ na.’ Namanene nae leoꞌ naa boe ma, ana bii, de ana dere naan seli, ma ana ta naparani botiꞌ laka na fo mete ai pilaꞌ ria sooꞌ.
27278	ACT 8:33	Basa boe ma, ramumulu-ramamaeꞌ ana; Ara raꞌetuꞌ dedea na ta ma tetuꞌ fa. Seko-nate ria salan taꞌa. Na, ita bei tae ubeaꞌ bali, Ana bei ta nanuu tititi-nonosiꞌ fa, te ara raꞌisan so,”
27418	ACT 12:12	Basa ria boe ma, Petrus leo mama Maria uma na neu. Ria nana Yohanis mama na. Yohanis nade feke na; Markus. Nai mamanaꞌ ria, lahenda dodouꞌ rabubua, ma hule-haradoi fo ela Manetualain tulu-fali Petrus dedea na.
27471	ACT 13:40	Huu ria naa, de emi muste afi matalolole. Bosoꞌ losa Amaꞌ Manetualain lahenda mana dedea maꞌulun ara rafada, nana tuda neuꞌ emi. Ara duiꞌ soo rae, ‘Emi besa-besa, mana-mamumulu, ma mana-madadaeꞌ emin! Huu Au, Amaꞌ Manetualain tao basa hata lalaꞌen, losaꞌ lahenda roi patararaaꞌ a; neuꞌ ko emi dei sipo ma babati mara, boe ma ruadaꞌ meu. Au tao a nonoiꞌ esa, faiꞌ fo emi bei masoda, tehuu emi ta nau sipoꞌ fa. Leo mae lahenda tui lulutuꞌ asa soo boe oo, emi ta nau malelaꞌ fa. Malole lena, emi afi matalolole nonoi lakaꞌ ia, fo elaꞌ emi mapopoo bafa boe.’ De toranoo kara emin. Afi matalolole au dedea bisina ka. Bosoꞌ tuꞌu-tapa heni dedeaꞌ fo emi mamanene riiꞌ bisinaꞌ a, bosoꞌ tao sama leoꞌ mana-mamumuluꞌ ara nonoi nara. Au dedea kara noi ri naꞌ soo. Makasi dodouꞌ!”
27548	ACT 15:37	Barnabas namanene Paulus nae leoꞌ naa, boe ma ana nataa-nataa mesan. Ana nau leꞌo noo Yohanis fo tuka sii. (Ara raloo Yohanis soo na rae; Markus).
27549	ACT 15:38	Tehuu, Paulus ta nataa fa. Huu fo faiꞌ na; Markus foa elaꞌ sii rai propensi Pamfilia.
27698	ACT 20:4	Hapu lahenda bubua anaꞌ esa tuka Paulus. Lahenda sira nana papa Pirus, anan Sopater, neme kota Berea; lahenda dua remeꞌ kota Tesalonika, nade Aristarkus ma Sekundus; lahenda esa nemeꞌ kota Derbe, nade Gayus; ma lahenda telu remeꞌ propensi Asia, riiꞌ Timotius, Tikikus ma Trofimus.
27757	ACT 21:25	Tehuu soa neuꞌ lahenda ta Yahudi sira fa ramahere neuꞌ Ramatua Yesus, nana ami haitua fee sii susuraꞌ soo. Ami mafada sii faiꞌ na ita naꞌeꞌetun ria soo, mae ara ta parluu tuka katemaꞌ hada Yahudi a atoran na. Ara muste rafarereneꞌ fo tao tuka riiꞌ: Bosoꞌ raminaꞌ do raepoꞌ roo touꞌ doo roo inaꞌ. Boso raepoꞌ roo sosokoꞌ, ma bosoꞌ raa hata fo tao na toranoo lahenda Yahudi ra dale nara rahiaꞌ roo emi. Leo-leoꞌ: Bosoꞌ raa paa sosokoꞌ. Bosoꞌ raa paa daaꞌ; ma banda fo roi podeꞌ raꞌisaꞌ, bosoꞌ raa paa.
27895	ACT 26:4	Au eme aana ka mai, ara ranori au fo asoda tuka ita lahenda Yahudi a hada na. Masososa na au hapu nanoriꞌ nai au koro ka; basa boe ma, au uu sakola tamba seluꞌ nai Yerusalem. Lahenda Yahudi fo rai Yerusalem bubuluꞌ au eno masoda ka, ma ara ralelaꞌ matetuꞌ au.
27909	ACT 26:18	O muu fo tao ma mata nara radilaꞌ, ela ralelaꞌ ma rasoda nai makaledoꞌ a daleꞌ. Basa nana, ara foa elaꞌ sira eno masoda peko-paki nara, ma o muste matudu fee sii eno masoda roos a, ma poꞌi maa sii reme nitu ra malaka bauinaꞌ a kuasa na mai, basa nana, moo sii leo Amaꞌ Manetualain reu, fo ela ose heni sira sala nara katemaꞌ. Sira boe dadi reuꞌ Au lahenda Kara, roo basa lahenda fekeꞌ fo rina Amaꞌ Manetualain teka-here naa sii; huu noo ara ramahere neuꞌ Au. Saul, Au nafada Ka, riiꞌ naꞌ soo.’ ”
27982	ACT 28:15	Tepoꞌ Yesus lahendan fo rai Roma, ara ramanene ami sakaꞌ leo naaꞌ meu, boe ma ara mai soruꞌ ami nai eno taladaꞌ. Ruma hapu ami nai Pasar Apius; fekeꞌ ruma hapu ami nai mamanaꞌ esa, nade Pasanggrahan Telu. Paulus bei nita sii boe ma, ana hule makasi dodouꞌ neuꞌ Amaꞌ Manetualain, ma dale na namahoꞌo.
27987	ACT 28:20	Dedeaꞌ ria tao na au losaꞌ abua oo toranoo ara nai ia. Nemeꞌ naa fo elaꞌ ita basa dedea raoꞌ hata fo lahenda Yahudi ra rahanin; riiꞌ ita basa tamahehenaꞌ neuꞌ Maneꞌ fo Amaꞌ Manetualain feen mai neni soda-moleꞌ neu ita lahenda Israel. Noo eno a rina, losaꞌ ara heke au reniꞌ tali besi ia.”
27994	ACT 28:27	Huu fo nusaꞌ isiꞌ ia dale nara mepe naseliꞌ. Ridoo nara boe ta nau ramanene soꞌ! Ma mata nara boe poke sii soo! Nemeꞌ naa fo elaꞌ bosoꞌ boe ramanene bali; Ma nemeꞌ naa fo elaꞌ mata nara bosoꞌ boe rita bali. Ma nemeꞌ naa fo elaꞌ dale nara poke raroo leo. Losaꞌ ara ta bubuluꞌ enoꞌ fali leo Au mai bali, De bei leo beaꞌ bali fo Au bisa tao matalolole sii?’ ”
28274	ROM 10:18	Au atane soba, leo iaꞌ: bate emi afi mae, lahenda Israel ara ta parnaa ramanene laꞌe-neuꞌ Kristus, do? Tantu ara ramanene so! Sama leoꞌ manaduiꞌ neme uluꞌ mai nai Manetualain Susura Makamoi Na daleꞌ nae, “Manetualain mana nesi mata nara helu laꞌe-neuꞌ Ramatuaꞌ a nanatui-nanabekaꞌ nai dae-bafoꞌ ia katemaꞌ so; Sira dedea-nafadan losa nai dae-bafoꞌ a bukun haas so.”
28325	ROM 12:12	Emi dale ma muste namahoꞌo hatu-leledon, huu fo emi bubuluꞌ Manetualain nau tao leo beaꞌ soa-neuꞌ emi. Maneniko hapu susa, manenete. Hule-haradoi hatu-leledon; bosoꞌ sota.
28338	ROM 13:4	Lahenda fo homu pareta, sira nana Manetualain here si, ela ralalau emi. Tehuu kalu emi tao salaꞌ laꞌo naroo, malole lenaꞌ emi besa-besa! Sira siꞌ ranuu haak, de ta huku pardeo emi fa. Sira sama leoꞌ Manetualain atan de huku lahenda mana tao tadaluꞌ ara. Manetualain ta sipoꞌ hata tadaluꞌ fo lahenda tao; Ana namanasa noo si.
28343	ROM 13:9	Atoran sira rae, “Bosoꞌ hohoke; bosoꞌ maisa lahenda; bosoꞌ mamanaꞌo; bosoꞌ tendetuu-dalesala lahenda fekeꞌ a hata-nuun,” ma fekeꞌ bali. Maneniko nau tao tuka basa Atoran ara, muste tao tuka Atoran esa ian, fo riꞌ nae, “O muste sue-lai lahenda fekeꞌ ara, sama leoꞌ o sue ao-ina heheli ma.”
28499	1CO 3:21	De, emi bosoꞌ soꞌu-fua lahenda esa mae, ria kahereꞌ. Huu fo Manetualain riꞌ soꞌu lahenda fo nauli-nalaka emi. Basa-basan dadi reuꞌ emi nuum so. De, emi mauli-malaka mara, leo-leoꞌ; au, aꞌa Apolos, ma aꞌa Petrus, ami basa dadi meuꞌ emi nuum. Ma basa hihii-nanauꞌ nai dae-bafoꞌ ia boe, dadi reuꞌ emi nuum, leo mae emi mate do masoda, leo mae besaꞌ ia do ledo-fai bea, basa-basan dadi reuꞌ emi nuum so.
28746	1CO 13:13	De, ita muste tao hihii-nanauꞌ telu fo riꞌ rahere raroo, siꞌ: ita muste tamahere taroo Ramatuaꞌ a; ita muste tamahena-tabani taroo tae, neuꞌ ko Ana ator basa-basan dadi malole; ma ita muste tasue-talaiao taroo. Neme hihii-nanauꞌ ia ra telu mai, penting nan seli a, nana riꞌ, susue-lalaiꞌ. Huu fo susue-lalaiꞌ a riꞌ malole lena neme basa-basan mai.
28827	1CO 15:41	Nai lalai, ledo a lole-napun fekeꞌ; bulaꞌ a lole-napun fekeꞌ; ma ruuꞌ ara esaꞌ ko lole-napun. Esaꞌ ko noꞌ rupa-lolen. Esaꞌ ko noꞌ ria lole-napun. De, basa si ranuu lole-napuꞌ hete?
28850	1CO 16:6	Boe ma au nau leo amanoso baiꞌ oo emi; bate basa fai oe-faaꞌ esa katemaꞌ. Basa dei, emi bisa moo au leo mamanaꞌ esa uu bali.
28911	2CO 3:2	Huu fo ami manuu susura isin so. Susuraꞌ ria nana riꞌ emi. Ami malelaꞌ hihii-nanauꞌ dodouꞌ laꞌeneuꞌ emi masoda ma. Hihii-nanauꞌ sira nanapedaꞌ nai ami dale mara. Basa lahenda bisa lees ra emi soda ma; neme naaꞌ mai, ara ralelaꞌ ami nonoi-tataom buna-boan.
28974	2CO 6:8	Leo mae lahenda hada-horomata neuꞌ ami, do ara ramumulu-ramamaeꞌ ami nade malole ma; leo mae ara dedea ratuda ami, do ara ranea ami nade malole ma; leo mae lahenda dedea fufudiꞌ rae, ami tipu-dai lahenda, do ara dedea rae, ami dedea matetuꞌ, tehuu ami manenete.
28984	2CO 6:18	Au dadi uuꞌ emi Amam; ma emi dadi meuꞌ Au ana kara. Ramatuaꞌ Mana Kuasa a, riꞌ nahara-nadasi nae leoꞌ na.”
29007	2CO 8:7	Tebe emi nonoi-tataom soaneuꞌ Manetualain, nana malole na seli. Conto leo-leoꞌ: emi mamahere tebe-tebe; emi nanori-nafadam malole; emi bubuluꞌ dodouꞌ laꞌeneuꞌ Manetualain; emi makate mara seli; ma emi sue ma ami seli. Huu ria na, de au nau emi fee doiꞌ dodouꞌ, ela tulu-fali Manetualain lahenda manasusa nara.
29344	EPH 4:5	Ita Ramatuan, adaꞌ noi esaꞌ a; Ita namahere na, adaꞌ noi enoꞌ esaꞌ a, fo bisa mole-dame too Ni. Ma ita basa sarani, fo ela nanahekeꞌ too Ni.
29582	COL 2:21	“Bosoꞌ homu ia; bosoꞌ mia ria; bosoꞌ tototo ia.”
29589	COL 3:5	Huu ria na, de emi muste tuꞌu-tapa heni dale hihii tatao tadaluꞌ mara. Natutuduꞌ leo-leoꞌ: mahiiꞌ hohoke; mahiiꞌ tao hata makakeo-makakanuꞌ ara; mahiiꞌ tao tuka hihii-nanau ao-paaꞌ; mahiiꞌ tao tadalu rupaꞌ ara; ma tendetuu fo nau basa-basan dadi reuꞌ o nuu-enam (sekona te, tendetuuꞌ a sama leoꞌ sosokoꞌ ria, huu fo soꞌu madedema hata fekeꞌ de seti heni Ramatuaꞌ a).
29592	COL 3:8	Tehuu besaꞌ ia, emi muste tuꞌu-tapa heni katemaꞌ dale hihii tatao tadalu mara. Natutuduꞌ leo-leoꞌ: mahiiꞌ mamanasa; dale hanas; napeda daleꞌ; dedea malutu lahenda nade malolen; ma dedea tadaluꞌ.
29595	COL 3:11	Nai soda bebeuꞌ a daleꞌ, ita ta mete lahenda neme rou dea na mai tae, sira nana lahenda Yahudi do, lahenda ta Yahudi fa do; lahenda fo sunat do, ta sunat do; rarelaꞌ hadas do, ta rarelaꞌ hadas do; ata do, ta ata fa. Basa sira ta penting fa! Tehuu penting a, nana riꞌ kalu sira nanahekeꞌ roo Kristus, ma kalu Ana nasoda nai sira dalen.
29780	1TI 1:17	Io-oa Manetualain! Noi Ria riꞌ, Manetualain; ta hapu fekeꞌ! Ria nana Maneꞌ fo homu pareta manabasa taꞌa. Ana nasoda naroo. Ana ta mate fa. Lahenda ta bisa rita Ni. Lahenda fee hada-hormata ma io-oa neuꞌ Ana, losaꞌ do-doo na neu! Amin.
29839	1TI 5:9	Maneniko nau soꞌu ina-falu fo tulu-fali mauli-malaka saraniꞌ ara, eno na leo iaꞌ: teu nara ta bole kurang neme nee hulu mai; fai maneuꞌ ana dite-tama ro noi saotouꞌ esaꞌ a;
29840	1TI 5:10	lahenda ralelaꞌ ana noi-tao malole, leo-leoꞌ: nahao-nafati ana nara no malole; nalalau lahenda fekeꞌ ara; tulu-fali lahenda kamahereꞌ ara losa leo nonoi-tatao lulutu-rarae; tulu-fali lahenda fo nai susa-lela daleꞌ; ma ana sadia fo tulu-fali nai basa hihii-nanauꞌ malole.
29966	TIT 1:7	Mauli-malaka saraniꞌ ara ralalaꞌo Manetualain nonoi-tataon. De, ara muste rasoda no roo-tetuꞌ, ma ranuu nade malole. Bosoꞌ soꞌu lahenda; manakoaoꞌ, bauꞌnasa, manamafuꞌ, mahuu-malenaꞌ, ma lahenda fo tendetu doi-tali.
29967	TIT 1:8	Lahenda fo dadi mauli-malaka saraniꞌ, ara muste rahiiꞌ sipoꞌ lahenda nai uma na no malole. Ara muste rahiiꞌ noi malole; muste balaroe-balanauꞌ, muste tuka noi roo na, muste dale malalao-malalafuꞌ, ma nauli natalolole ao-ina na.
30006	PHM 1:1	Susuraꞌ ia neme au mai, Paulus. Au nonoo ki Timotius boe haitua haraoe soda-moleꞌ. Sadi aꞌa ka bubuluꞌ, ara ena au nai bui ia daleꞌ, nana huu au tui-beka fee lahenda ra, laꞌeneuꞌ Yesus Kristus. Au duiꞌ susuraꞌ ia fee o, Filemon, fo riꞌ ami sue-lai, ma dadi mana noi esa moo ami;
30007	PHM 1:2	fee susi Apfia, fo riꞌ ami tao ni sama leoꞌ ami toranoom; fee Arkipus, fo riꞌ mela-maku sama-sama no ami nai nonoi-tataoꞌ ia; ma fee saraniꞌ fo biasa rabua, ela hule-haradoi nai o uma ma.
30112	HEB 6:1	De, emi muste manori nanoriꞌ fo lena ria bali, nana huu emi manori nanori huu-pedaꞌ dooꞌ a laꞌeneuꞌ Kristus so. Huu ria na de, besaꞌ ia ta parlu manori masarerei nanoriꞌ huu-pedaꞌ, fo laꞌeneuꞌ lahenda foa ela sala-siko nara; nanoriꞌ laꞌeneuꞌ lahenda fo ramahere Manetualain;
30113	HEB 6:2	nanoriꞌ laꞌeneuꞌ sarani; nanoriꞌ laꞌeneuꞌ lalaa limaꞌ fo sipoꞌ Ramatuaꞌ a Dula-dale Malalao-malalafu Na; nonoriꞌ laꞌeneuꞌ neuꞌ ko Manetualain fee mana mateꞌ ara rasoda seluꞌ; ma nanoriꞌ laꞌeneuꞌ neuꞌ ko lahenda rasare Ramatuaꞌ a, ela sipo Ria naetu na nae, bea riꞌ bole nasoda naroo no Ni, ma bea riꞌ taꞌa.
30508	1PE 3:17	Maneniko tuka Ramatuaꞌ a hihii-nanaun, sona bosoꞌ mafarene henin, te malole lenaꞌ emi hapu susa nana huu tao malole; bosoꞌ huu no emi tao salaꞌ.
30633	1JN 2:16	Huu fo hihii-nanauꞌ dae-bafoꞌ a ta nanuu tututi-nanatoꞌ no Manetualain. Conto leoꞌ, lahenda fo nasoda tao namahoꞌo soa noi ria ao-ina heheli na; lahenda fo tendetuu-dalesala lahenda hata-nuun; ma lahenda fo koao nana huu ria suꞌi-beten. Hihii-nanauꞌ leo naꞌ a, ta raoka-rasamu rai Amaꞌ Manetualain. Huu fo ara raoka-rasamu rai dae-bafoꞌ a.
30752	JUD 1:12	Maneniko lahenda ia ra rabua roo emi fo mia-minu mafarene Ramatuaꞌ a susue-lalain, sona sira maoro nara seli, ara ta maeꞌ fa. De, emi muste besa-besa. Sira sama leoꞌ batu kusi nai tasiꞌ a, de bisa tao nalulutuꞌ ofaai. Sira sama leoꞌ oa keoinaꞌ a, ana ta natuda soba uda titiꞌ esa neuꞌ dae tuuꞌ a lain boeꞌ. Ara dedea adaꞌ noi bauinaꞌ a, tehuu ta tao hata malole esa boeꞌ. Ara rorooꞌ leo ai-huuꞌ, fo ta nanuu sosoa-raraaꞌ hata esa boeꞌ. Maneniko ledo-fai nabuna-naboa nara, ta reni buna-boaꞌ esa boeꞌ; nana huu sira nanafaꞌu heniꞌ losa oka nara so.
30867	REV 6:6	Boe ma au amanene nonooꞌ haraoeꞌ esa neme banda kahereꞌ kahaaꞌ sira talada mai. Haraoeꞌ ria nafada nae, “Neuꞌ ko hapu fai laa-roe inaꞌ nai dae-bafoꞌ a. Lahenda kadi na faiꞌ esa, bisa asa adaꞌ noi isiꞌ mok telu; isi malole, sona asa adaꞌ noi mok esaꞌ a. Tehuu maneniko fai laa-roes ria losa, ai saitun no ai anggor rai okaꞌ ara daleꞌ, boa nara ta ramaetun.”
30883	REV 7:5	neme Yahuda leo na, lahenda rifun sana hulu dua; Ruben leo na, lahenda rifun sana hulu dua; Gad leo na, lahenda rifun sana hulu dua;
30884	REV 7:6	Aser leo na, lahenda rifun sana hulu dua; Naftali leo na, lahenda rifun sana hulu dua; Manase leo na, lahenda rifun sana hulu dua;
30885	REV 7:7	Simeon leo na, lahenda rifun sana hulu dua; Lewi leo na, lahenda rifun sana hulu dua; Isaskar leo na, lahenda rifun sana hulu dua;
30886	REV 7:8	Sebulon leo na, lahenda rifun sana hulu dua; Yusuf leo na, lahenda rifun sana hulu dua; ma neme Benyamin leo na mai, lahenda rifun sana hulu dua.