54	GEN 2:23	Lahenda a nita inaꞌ ria, boe ma nae, “Naa! Ia dei! Ia besaꞌ ko naraa no au! Dui na sama leoꞌ au dui ka, ma aopaa na boe, sama leoꞌ au aopaa ka. Huu no ana dadi neme touꞌ a mai, de au foi ni, nade ‘inaꞌ’.”
58	GEN 3:2	Inaꞌ ria nataa natafaliꞌ nae, “Taꞌa! Ami bole mia! Tehuu noi ai huuꞌ esa nai okaꞌ a talada, riꞌ Manetualain horo ami mia ni. Ana nae ami ta bole mia ni, ma ta bole tototo laꞌe boa na, taꞌa sona ami mate.”
65	GEN 3:9	Tehuu MANETUALAIN naloo touꞌ ria nae, “Ae! Adam, o nai bea?”
93	GEN 4:13	Kaen nadedea laka neuꞌ MANETUALAIN nae, “Awii! Manetualain, ee! Ubeaꞌ taon de Manetualain fee au kutuk mabera-ina ia, losaꞌ au ta bisa lepa a beꞌin soꞌ.
200	GEN 8:16	“Noh! Besaꞌ ia emi basa onda memeꞌ ofaꞌ ia lain mai leo.
231	GEN 9:25	Basa de ana dedea nae, “He! Kanaꞌan papa na! Au kutuk o! Neuꞌ ko o dadi ata soaneuꞌ aꞌam dua si!
270	GEN 11:3	Basa si rala haraꞌ rae, “Ae! Toranoo kara emin! Mai fo ita tafoa ta kota bau-inaꞌ esa. Ita muste tao batu pilas, basa sona hotun losa namepe. Ma ita tatutuleꞌ batu sira pake ter. Basa nana ita tafoa uma madema esa, fo poilai na losa lalai, ela leoꞌ bea na, ita hapu nadeꞌ. Ela ita dadi teuꞌ lahenda nusa bau-inaꞌ esa, fo bosoꞌ esaꞌko matan.”
300	GEN 12:1	Tepoꞌ ria, MANETUALAIN dedea no Abram so nae, “Abram! O kalua laꞌo ela kileoboboki mara, papa ma uma-loon, ma o koro-tadum. O leo mamanaꞌ esa mu, neuꞌ ko Au atudun neuꞌ o.
317	GEN 12:18	Basa boe ma, maneꞌ a naloo na Abram de natane ni nae, “Abram! O tao au leoꞌ bea ia so? Ubeaꞌ taon de o ta mafada mae inaꞌ ia nana o sao ma fa?
333	GEN 13:14	Lot no Abram rasidaꞌ so, boe ma MANETUALAIN nafada Abram nae, “Abram! Soba o mete maleleiꞌ basa mamanaꞌ ara, nemeꞌ mamanaꞌ fo o mapadeiꞌ ria a. Mete matalolole, dea-mataꞌ, ii-onaꞌ.
362	GEN 15:1	Basa ria boe ma, MANETUALAIN natudu Ao Na neuꞌ Abram. Ana nae, “Abram! O bosoꞌ bii. Huu fo Au riꞌ anea-asalaꞌe o nemeꞌ musu a mai. Ma Au fee o ua-nale bau-inaꞌ.”
374	GEN 15:13	Basa de Manetualain nafada ni nae, “Abram! Neuꞌ ko o masoda losaꞌ mamalasi man seliꞌ, ma o mate no mole-dame, ma ratoi o no malole. Tehuu o tititi-nonosi mara neuꞌ ko reu tai nai lahenda fekeꞌ ara nusa-namon. Neuꞌ ko lahenda nusaꞌ ria tao si dadi ata, ese-rumu tao doidoso si losa teuꞌ natun haa. Tehuu neuꞌ ko Au huku lahenda nusaꞌ ria. Basa te Au o faliꞌ tititi-nonosi mara kalua reme naaꞌ mai, ma reni hata posakaꞌ dodou-inaꞌ.
383	GEN 16:1	Tepoꞌ ria, Abram fali neme Masir mai, de leo teuꞌ sanahulu nai Kanaꞌan so. Sao ni Sarai bei ta hapu anaꞌ fa. Sarai nanuu ata inaꞌ esa, lahenda Masir, nade Hagar. Laiꞌ esa boe ma, Sarai dedea no Abram nae, “Papa! MANETUALAIN ta fee au boki soꞌ. Malole lenaꞌ papa ka mu suku moꞌ au ata ki Hagar, ela ana boki fee au.” Boe ma Abram tuka sao na nafada na. Basa de Sarai fee Hagar leo Abram neu fo dadi sao muri na.
390	GEN 16:8	Basa de ana nae, “Ae! Hagar, Sarai atan! Ubeaꞌ taon de o nai ia? O meme beaꞌ mai, ma sakaꞌ leo beaꞌ mu?” Hagar nataa nae, “Au alai ela au ina mane ka!”
417	GEN 17:19	Tehuu Manetualain nataan nae, “Taꞌa! Huu fo neuꞌ ko o saom Sara boki ana touꞌ esa. O foin nade, Isak. Au hehelu-barataa ka neuꞌ ko onda neuꞌ ana no ria tititi-nonosin, losa dodoo na neu.
431	GEN 18:6	Basa de Abraham nalai leo mamana lelelo na neuꞌ, ma nafada Sara nae, “Malale! Hai ma uuꞌ malole naan seli, saku esa fo tao roti.”
434	GEN 18:9	Basa boe ma ara ratane ni rae, “Abraham! O saom Sara, nai bea?” Ana nataa nae, “Nai mamana leleoꞌ daleꞌ.”
437	GEN 18:12	Sara namanene si dedea rae leoꞌ na, boe ma ana hiꞌa daleꞌ a. Ana afi nae, “Awe! Au amalasi kokoo leoꞌ ia so, ma au sao ka boe namalasi so. Hapu nai bea ami dadi sama leoꞌ manasao bebeuꞌ, fo saka anaꞌ?”
455	GEN 18:30	Abraham oꞌoe-leleꞌo naroo bali, nae, “Papa! Bosoꞌ mamanasaꞌ, tehuu uniꞌ ko leo lahenda malole adaꞌ noi teluhuluꞌ a, leoꞌ bea?” Manetualain nataa nae, “Maneniko Au hapu telu hulu, Au ta huku si fa.”
457	GEN 18:32	Boe ma Abraham nateꞌe dedea na nae, “Papa! Au dedea seluꞌ laꞌi esa, ma bosoꞌ mamanasaꞌ mo au, o! Leoꞌ bea kalu hapu adaꞌ noi lahenda malole sanahuluꞌ a?” Manetualain nataa nae, “Maneniko Au hapu lahenda malole sanahulu rai naa, Au ta alulutuꞌ kota ria fa.”
470	GEN 19:12	Basa boe ma fui sira dua dedea ro Lot rae, “Lot! MANETUALAIN bubuluꞌ kota ia tadalu na so. De Ana fee ami mai fo nau malulutuꞌ kota ia. O bei manuu kileoboboki fekeꞌ nai kota ia, do taꞌa? Maneniko manuu ana touꞌ, do ana inaꞌ, do manafeuꞌ, do sudi bea, sona mu mala si, fo kalua meme kota ia mai leo!”
473	GEN 19:15	Balahaaꞌ, balahaa ana na, boe ma Manetualain eilaꞌo-limalopen sira dua, laku Lot asa fo ralale kalua leo. Ara rae, “Lot! Foa leo! Moo sao ma no ana fetom dua si, fo malai leo. Foa ela kota ia. Bosoꞌ losa emi mate hihiiꞌ, ma malulutuꞌ sama-sama mo kota ia.”
479	GEN 19:21	Ana nataa nae, “Neu! Meu leo! Neuꞌ ko au ta tao alulutuꞌ koroꞌ ria fa.
500	GEN 20:4	Tehuu Abimelek sipoꞌ nae, “Manetualain! Au ta sala fa. Au bei ta tototo inaꞌ ria fa. Abraham riꞌ nafada aon nae inaꞌ ria nana feto na! Ma inaꞌ ria boe manaku nae leoꞌ na. Huu ria na, de au adenu fo reu ralan no dale makamoiꞌ. De Manetualain bosoꞌ sale au!”
510	GEN 20:14	Basa boe ma mane Abimelek fee faliꞌ Sara. Ana dedea no Sara nae, “Besaꞌ ia, au bae o naa ma doifulaꞌ rifun esa, fo dadi buti nae, au ta tao salaꞌ hata-hata esa neuꞌ o boeꞌ. Ela basa lahenda ra bubuluꞌ leoꞌ na!” Basa de maneꞌ a dedea no Abraham nae, “Abraham! Au nusa ki ia nanasoi loaꞌ soaneuꞌ o. O mahiiꞌ mu leo nai mamanaꞌ bea boe oo, bole.” Basa de ana fee Abraham sapi, kedaeꞌ ma bibi-lopo boe. Ana fee ata touꞌ ma inaꞌ boe.
531	GEN 21:17	Manetualain namanene Ismael haraoe dodola na, boe ma eilaꞌo-limalopen esa neme nusatetu-ikutemaꞌ naloo Hagar nae, “Hagar! Ubeaꞌ taon de o susa tao leoꞌ ia? Bosoꞌ bii, huu fo Manetualain namanene anaꞌ ria haraoe dodola na so.
536	GEN 21:22	Tepoꞌ ria, mane Abimelek no ria parani musu na, nade Fikol, mai raneta ro Abraham. Maneꞌ a dedea nae, “Abraham! Ami bubuluꞌ so, mae Manetualain sama-sama no o. Huu ria na, de o tao sudi ubeaꞌ a basan dadi.
538	GEN 21:24	Abraham nataa nae, “Ia! Au soo-supa.”
540	GEN 21:26	Maneꞌ a namanene leoꞌ na, boe ma nataa nae, “Ae! Au besaꞌ ko amanene hata ia. Ubeaꞌ taon de papa ta tui neme maulun ria mai fa? Au ta bubuluꞌ bea riꞌ nonoi-tataon ria.”
559	GEN 22:11	Tehuu kekeneu te, MANETUALAIN eilaꞌo-limalopen nahara neme lalai mai nae, “Abraham! Mahani dei!” Abraham nataa nae, “Ubeaꞌ, Manetualain?”
623	GEN 24:31	Laban dedea nae, “Toꞌo! MANETUALAIN napipi-nalalaꞌo noo toꞌo ka losa ia no soda-moleꞌ. Bosoꞌ mapadeiꞌ mahaniꞌ deaꞌ ia! Mai leo ami umam teu. Ami sadia ma kama so. Nanaaꞌ soaneuꞌ toꞌo ka onta mara nana heta.”
648	GEN 24:56	Tehuu ata a nataa nae, “Adoo! Bosoꞌ ena au! MANETUALAIN tulu-fali au so, losaꞌ aneta oo ana mane anaꞌ a sao na so. De mama kasa poꞌi ami, fo fali meu tui malaka a dei.”
650	GEN 24:58	Boe ma ara raloo ran de ratane ni rae, “Ribka! Besaꞌ ia neme o dale ma mai. O nau tuka memaꞌ lahenda ia do, leoꞌ bea?” Ana fetoꞌ a nataa nae, “Au nau!”
651	GEN 24:59	Boe ma ara poꞌi Ribka, ma ria ata inan fo riꞌ anutun neme ananan ria mai, fo roo Abraham ata na reu belaꞌ a. Ara dedea fee Ribka ua-naleꞌ rae, “Ribka! Ami mamahehenaꞌ Manetualain fee o boki ma dodouꞌ, fo o tititi-nonosim dadi rifu-natun. Ma ami boe mamahehenaꞌ o tititi-nonosi mara raseki musu ra.”
657	GEN 24:65	Ana natane Abraham ata na nae, “Toꞌo! Touꞌ fo laꞌo mata mai riꞌ eleꞌ a, bea ria?” Ata a nataa nae, “Ria nana au mane ana ka.” Boe ma Ribka hai na lafa ana na, de lalaa etu mata-idun.
702	GEN 26:9	Boe ma ana nadenu lahenda reu raloo Isak, de ana nasaꞌai ni nae, “Isak! Au bubuluꞌ matetuꞌ so, tebe inaꞌ ia nana o sao ma! Tehuu ubeaꞌ taon de o mae, ria nana o fadi ma?” Boe ma Isak nataa nae, “Leo iaꞌ, papa! Au biiꞌ, maneniko au ae ria nana au sao ka, bosoꞌ losa neuꞌ ko lehenda raisa au.”
709	GEN 26:16	Basa boe ma mane Abimelek a dedea no Isak nae, “Isak! Malole lenaꞌ, o laꞌo ela nusaꞌ ia leo. Huu fo o kuasa ma lena heni ami so.”
717	GEN 26:24	Hatun ria, boe ma MANETUALAIN natudu Ao na neuꞌ ana ma dedea nae, “Isak! Au ia nana o papam Abraham Manetualain a. De, o bosoꞌ bii, huu fo Au anea-asalaꞌe o. Neuꞌ ko Au fee o ua-naleꞌ. Ma o tititi-nonosim neuꞌ ko tamba dodouꞌ. Au tao leo iaꞌ, nana huu Au hehelu ka neuꞌ o papa ma.”
725	GEN 26:32	Faiꞌ ria, Isak lahenda manoi nara mai tui laꞌeneuꞌ oe dodoluꞌ fo ara ali a, rae “Papa! Ami hapu oe so.”
729	GEN 27:1	Isak namalasi, de mata nasasapu naan seli so, boe ma naloo na ana ulu susue na nae, “Esau! O maiꞌ ia dei.” Esau nataa nae, “Ubeaꞌ, papa?”
739	GEN 27:11	Tehuu Yakob dedea no mama na nae, “Mama! Masala na leo ia. Aꞌa Sau ao-ina na nabubulu, tehuu au ao-ina ka sona taꞌa!
746	GEN 27:18	Basa de Yakob soꞌu neni nanaaꞌ sira fee papa na. Ana dedea nae, “Papa! Au mai riaꞌ so.” Boe ma Isak nataa nae, “He? Te, o nana bea?”
759	GEN 27:31	Boe ma ana tunu-nasu, basa de neni fee papa na. Ana dedea nae, “Papa! Foa fo mua leo! Au tunu-nasu paaꞌ fo au sopu so a. Papa ka mua basa, sona fee au ua-naleꞌ leo.”
760	GEN 27:32	Boe ma Isak noi namakokoaꞌ a, ma natane nae, “He! Te, o ia nana, bea bali?” Basa de Esau nataa nae, “Au ia nana, Esau! Papa ka ana ulu ma.”
762	GEN 27:34	Esau namanene papa na dedea nae leoꞌ na, boe ma dale na hedis a, ma dola, ma dedea namberaina nae, “Adoo! Papa, ee! Fee au ua-naleꞌ boe dei, papa!”
791	GEN 28:17	Ma ana bii, boe ma afi nae, “Ae! Mamanaꞌ ia tao na au ao ka maninis a. Tantu Manetualain uma Na nai ia. Ma ia nana, nusatetu-ikutemaꞌ a lelesu na.”
800	GEN 29:4	Boe ma Yakob neu natane manafoo sira nae, “Ae! Emi meme beaꞌ mai?” Ara rataa rae, “Ami meme koro Haran mai.”
804	GEN 29:8	Tehuu ara radedea laka rae, “Ae! Ta bisa leo naꞌ fa! Ami muste mahani basa manafoo ra reni banda nara, mabubua si rai ia dei. Besaꞌ ko ami eso heni batu ria, fo fee banda ra rinu.”
817	GEN 29:21	Basa teu kahituꞌ sira, boe ma Yakob nafarereneꞌ fee Laban nae, “Toꞌo! Au oi-tao fee toꞌo ka teuꞌ hitu ian so, de besaꞌ ia fee au sao Rahel leo.”
832	GEN 30:1	Tehuu Rahel bei ta hapu anaꞌ fa. Huu ria na, de namanasaꞌ aꞌa na. Boe ma dedea no sao na nae, “Aꞌa! Fee au anaꞌ dei! Kalu taꞌa, sona malole lenaꞌ au mate leo.”
844	GEN 30:13	Basa de Lea dedea nae, “Ae! Besaꞌ ia besaꞌ ko au amahoꞌo! Meten, te neuꞌ ko basa inaꞌ ara dedea rae, au aua-anale an seli.” Huu ria na, de foi anaꞌ ria nade, Aser (sosoa na nae, ‘namahoꞌo’).
846	GEN 30:15	Tehuu Lea nataa nae, “Ae! O ia, talalu maan seli so! O malea ma au sao ka so. Besaꞌ ia, o nau roso ma modo-aidoo ria neme au ana ka mai bali? O ta maeꞌ malelaꞌ boeꞌ.” Tehuu Rahel dedea nae, “Leo iaꞌ, aꞌa. Maneniko au hapu modo ai-doo ria, sona hatun ia o suku moꞌ Yakob.” Boe ma Lea nataa.
847	GEN 30:16	Ledo leo dae na, Yakob fali nemeꞌ okaꞌ mai. Boe ma Lea neu naneta noo ni ma dedea nae, “Ako! O muste suku mo au hatun ia! Huu fo au bae memaꞌ o so, uniꞌ au ana ka modo-aidoon.” Basa de, Yakob suku no Lea hatun ria.
856	GEN 30:25	Tepoꞌ fo Rahel boki Yusuf so, Yakob dedea no Laban nae, “Papa! Kalu bisa, sona au fali leo nusa-namo ka uu dei.
865	GEN 30:34	Basa boe ma Laban nataa nae, “Malole! Leo naꞌ leo.”
888	GEN 31:14	Boe ma Rahel no Lea rataa rae, “Neu! Ami tuka-tuka mesan! Huu fo ami ta hapu hata posakaꞌ neme papa Laban mai soꞌ.
898	GEN 31:24	Nahatu, boe ma Manetualain natudu Ao na neuꞌ Laban nai mei-afes daleꞌ. Ana nae, “Laban! Maneniko o dedea mo Yakob, sona manea matalolole bafa ma.”
906	GEN 31:32	Tehuu Yakob ta bubuluꞌ nae, saon Rahel riꞌ namanaꞌo neni patung sosokoꞌ sira. De, ana nae, “Toꞌo! Laꞌeneuꞌ patung ria, sona saka si leo! Maneniko hapun nai bea, sona huku maisan. Ofe katemaꞌ asa! Maneniko toꞌo ka hapu hata posaka feke mi, sona hai faliꞌ asa. Ela leoꞌ bea na lahenda ia ra sakasii.”
985	GEN 34:4	Basa de, Sikem nafada papa na nae, “Papa! Au hule fo meu matane Dina fee au, ela au bisa sao an.”
1012	GEN 34:31	Tehuu ara rataa no nasaꞌ rae, “Papa! Papa ka bate mae ami mataaꞌ asa, fo tao ami fadi ma dadi neuꞌ ina mansosoa!”
1089	GEN 37:5	Hatuꞌ esa, boe ma Yusuf nalamei. Basa de, ana tui meis ria neuꞌ aꞌa nara nae, “Ae! Emi nenene dei! Au alamei, uni leo ita basa puputu hade gandum nai okaꞌ daleꞌ. Boe ma au hade ka napadei dodoko. Tehuu emi hade mara rapadei eo raan, fo ara doꞌo-tabe au nuu ka.” Ramanene leoꞌ na, boe ma aꞌa nara boe-boe eteꞌ ao nara roo ni.
1092	GEN 37:8	Basa de aꞌa nara rasaꞌai Yusuf rae, “Ae! O bate mae o dadi malaka fo pareta ami, do?” Ara eteꞌ ao nara raan seli roo ni, nana huu ana tui meis ria.
1093	GEN 37:9	Basa de, Yusuf nalamei seluꞌ bali. Boe ma ana tui aꞌa nara nae, “Ae! Au alamei seluꞌ bali. Au ita ledo a, bulaꞌ a, ma ruuꞌ sanahulu esa. Basa si doꞌo-tabe ratalolole neuꞌ au.”
1105	GEN 37:21	Aꞌan Ruben namanene naa ria, boe ma ana saka enoꞌ fo nau poꞌi naa Yusuf. Ana nasaꞌai fadi nara nae, “Ae! Ita bosoꞌ taisa ni, e!
1110	GEN 37:26	Basa ria, boe ma Yahuda nafada aꞌa-fadi nara nae, “Ae! Malole lenaꞌ leo iaꞌ. Ita bosoꞌ taisa ni. Hapu ubeaꞌ? Leo mae leoꞌ bea boe oo, ita ta bisa tafuni tala ria daa na.
1114	GEN 37:30	Basa de ana natafali leo fadi nara neu nae, “Adoo! Anaꞌ ria neꞌes ana naa so! Besaꞌ ia au muste tao ubea bali?”
1116	GEN 37:32	Basa de ara hai raa badu ria, renin leo papa na neu de rafada rae, “Papa! Ami here ma badu ia. Papa ka mete masudin. Bosoꞌ losa ia nana fadi Usu badun.”
1117	GEN 37:33	Yakob nita badu ria, boe ma ana nalelaꞌ tutiꞌ ana. Boe ma nataa nae, “Adoo! Ia nana tebe au ana ka badu na. Ta bubuluꞌ banda fuiꞌ ara sii raan nai bea. Adoo! Au ana ka maten so!”
1119	GEN 37:35	Ana toun ma ana inan basa si mai oꞌoe-nanasin, tehuu doaꞌ roon. Ana nae, “Taꞌa! Au susa losaꞌ mate, huu fo au ta afarene heni anaꞌ ia fa.” Boe ma Yakob dale na susa naroo, nana huu nafarene anan Yusuf fo riꞌ maten so a.
1128	GEN 38:8	Basa ria boe ma, Yahuda nadenu ana kadua na nae, “Onan! Aꞌa ma maten so, tehuu anaꞌ taꞌa. De besaꞌ ia, tuka lasiꞌ ara hada na, o muste kati aꞌa ma, fo sao ma ria sao na. Fo ela o boki fee aꞌa ma tititi-nonosiꞌ.”
1136	GEN 38:16	Yahuda ta bubuluꞌ nae inaꞌ ria, nana manafeu na. De, ana naneneaꞌ leo inaꞌ ria neu, fo natane nae, “Ae! Maneniko ita suku tabuaꞌ, sona o hule bau bea?” Tehuu Tamar nataa nae, “Neu! Neme papa ka hihii ma mai!”
1141	GEN 38:21	Boe ma ana natane lahenda fo rai naa nae, “Ae! Emi mita ina manasosoa fo riꞌ biasa natuuꞌ nai lelesu bafaꞌ ia boe, do? Ana nai bea, ee?” Tehuu ara rataa rae, “Papa, Nai ia ta hapu ina manasosoa fa.”
1146	GEN 38:26	Yahuda nita hata sira, boe ma nalelaꞌ tuti asa nae, hata sira nana ria nuun. Basa de ana nafada nae, “Tebe! Inaꞌ ria ta sala fa. Au riꞌ sala. Ria laꞌe. Tuka matetu na au muste feen sao au ana ki Sela. Tehuu au riꞌ ta ataa fa. Poꞌi ni leo!” Basa de Yahuda ta nabua no Tamar soꞌ.
1149	GEN 38:29	Tehuu anaꞌ ria hela nafaliꞌ lima na. Basa boe ma nonoo na kalua nauluꞌ. Ina mabobokiꞌ a nafada anaꞌ ria nae, “Ae! Tebe o baraꞌai ma seli, oo! Huu ria na, de o maseti fo kalua mauluꞌ!” Basa de, ara foi anaꞌ ria nade, Peres (sosoa na, ‘naseti fo kalua’).
1164	GEN 39:14	boe ma ana naloo lahenda mana noi nara, de nafada nae, “Ae! Emi mai mitaꞌ ia dei! Bisinaaꞌ a tou Ibrani ria, ana masoꞌ leo au kama ka daleꞌ mai. Ana nau tao tadadalu au, tehuu au aloo ambera ina, boe ma ana nalai deaꞌ neu. Mitaꞌ ia dei, ana foa ela badu na riaꞌ. Au sao ka noo lahenda manori-taaꞌ ia mai, fo tao namamaeꞌ ita!”
1239	GEN 41:43	Boe ma maneꞌ a fee Yusuf kareta nomer dua na, fo saꞌe. Lahenda ruma ralai rauluꞌ kareta a, fo raloo rasarerei rae, “Ae! Soi enoꞌ, oo! Fee hada-horomata! Lahenda bauinaꞌ a sakaꞌ nesiꞌ ia!” No enoꞌ ria, maneꞌ a soꞌu na Yusuf dadi neuꞌ ria lima boa ona na nai dae Masir so.
1265	GEN 42:12	Tehuu Yusuf dedea nasapaa nae, “Hee! Emi dedea fufudiꞌ! Bosoꞌ mapuputaꞌ au! Tebe emi ia nana manalalafa. Tantu emi mai lalafa nusaꞌ ia eno-maan.”
1267	GEN 42:14	Yusuf nataa natafaliꞌ nae, “Taꞌa! Tebe leoꞌ bisinaaꞌ a hata fo au afada a! Emi ia nana memaꞌ manalalafa.
1281	GEN 42:28	Ana kekes ara! Ana naloo aꞌa nara nae, “Awii! Mai mitaꞌ ia dei. Ita soe ia so! Ara fee faliꞌ au doi ka nai au karong ka.” Basa si rita leoꞌ na, boe ma mopo basa aafi nara, huu fo ara bii ran seliꞌ. Ara beidea rae, “Manetualain tao ita leoꞌ bea ia so?”
1294	GEN 43:3	Tehuu Yahuda sipoꞌ nae, “Papa! Faiꞌ naa ra, mane Masir lima boa ona na fee ami nafarereneꞌ so nae, ami ta bole matudu mata-idu mara neuꞌ ana, maneniko ami ta moo papa ka ana mateꞌa tei-susum, Benyamin.
1299	GEN 43:8	Boe ma Yahuda nafada seluꞌ nae, “Papa! Fee ami moo anaꞌ ria leo. Au helu, maneniko hata dadin, sona ela au riꞌ lepa-asaa kati ni. Maneniko au ta oo faliꞌ ana no sodaꞌ leo papa ka mai, sona papa ka fua fee au salaꞌ ria losaꞌ au mate. De, papa ka poꞌi anaꞌ ria leo, huu fo ami sakaꞌ laꞌo riaꞌ so. Malole lenaꞌ ami meu hapu leo, fo ela ta hapu esa mate boeꞌ, nana huu laas a.
1307	GEN 43:16	Yusuf nita Benyamin no aꞌa nara, boe ma ana nadenu malaka malalau na nae, “Ae! Moo lahenda ia ra leo au uma ka reu! Basa nana meu tati sapi esa, fo tunu-nasu mina-malada. Huu fo ara leledon ia ara raa-rinu ro au.”
1309	GEN 43:18	Fai fo ara laꞌo-laꞌo leo Yusuf uma na reu, aꞌa nara bii raan seli. Nai eno taladaꞌ ara beidea rae, “Ae! Ubeaꞌ taon de ana nadenu fo roo ita leo iaꞌ mai? Bate ana nau tao nasususaꞌ ita, nana huu doiꞌ fo faiꞌ naa ra ara fee faliꞌ asa nai ita karong ara daleꞌ a. Ara roi taoꞌ, de ro ita leo iaꞌ mai fo kekeneu te homu ra ita, ela tao ita teuꞌ ria atan. Basa te ara roso ra ita keledei nara katemaꞌ.”
1311	GEN 43:20	“Papa! Ami hule ampon, huu fo faiꞌ naa ra ami parna mai asa nanaaꞌ nai ia so.
1320	GEN 43:29	Basa de, Yusuf mete nalelei asa, losaꞌ nita fadin Benyamin. Dua si nana, ama esa ma ina esa. Boe ma ana nae, “Ooo! Faiꞌ na tui mae emi fadi mateꞌa tei-susu ma, nana riaꞌ, do?” Basa de, ana dedea no Benyamin nae, “Anaꞌ ki on, e! Au hule Manetualain fo bati fee o ua-naleꞌ dodouꞌ.”
1326	GEN 44:1	Ara raa basa, boe ma Yusuf nabobotoꞌ malaka malalau na nae, “Ae! O mu madai hade neuꞌ lahenda ia ra esa-esaꞌko karong na, losaꞌ henu si. Basa sona o peda faliꞌ doi nara neuꞌ sira esaꞌko karong na daleꞌ.
1335	GEN 44:10	Basa boe ma malaka malalau ria nae, “Taꞌa! Leo iaꞌ dei. Maneniko hapu mok ria nai bea, sona ria riꞌ dadi neuꞌ au ata ka. Fekeꞌ ara bole fali.”
1340	GEN 44:15	Boe ma Yusuf nasapaa si nae, “Hee! Ubeaꞌ taon de emi tao au leoꞌ ia! Emi ta bubuluꞌ mae, lahenda bauinaꞌ leoꞌ au ia, bisa siura-tokonoo lahenda nonoi-tatao nafunin?”
1341	GEN 44:16	Basa de Yahuda nataa nae, “Awii! Manetualain lufa poꞌiraoꞌ ami sala mara so. De ami bei mae ubea bali, papa? Ami sakaꞌ masalaꞌe tao ao-ina mara leoꞌ bea bali. Maneniko papa nau ena ma ami fadi mateꞌa tei-susum ia, sona malole lenaꞌ papa ena ma ami basa. Tao ami basa dadi meuꞌ papa atam leo.”
1342	GEN 44:17	Tehuu Yusuf nataa nae, “Taꞌa! Hapu mok ria nai bea, sona ria riꞌ dadi neuꞌ au ata ka! Emi fekeꞌ ara bole fali leo emi papa ma meu leo!”
1362	GEN 45:3	Boe ma Yusuf tui ledo-ledo neuꞌ toranoo nara nae, “Ae! Aꞌa-fadi kara, e! Au ia Yusuf, emi toranoom! Papa ka bei nasoda, do?” Toranoo nara ramanene, boe ma ara bii raan seli, losaꞌ ara ta bisa dedea hata-hata esa boeꞌ.
1363	GEN 45:4	Basa de Yusuf kape si nae, “Ae! Emi maneneaꞌ maiꞌ ia dei.” Ara raneneaꞌ leo Yusuf reu, boe ma ana dedea seluꞌ nae, “Au ia Yusuf, fo tepoꞌ ria emi seꞌo heni au leo Masir mai a.
1387	GEN 45:28	Boe ma ana dedea nae, “Awii! Au ana ka bei nasoda, oo! Leoꞌ na sona besaꞌ ko au amahoꞌo! Au muste u dama ni dei, besaꞌ ko au bisa mate no tesatei-tamadaleꞌ.”
1389	GEN 46:2	Hatuꞌ esa boe ma Yakob nalamei. Nai meis ria, ana namanene Manetualain naloo ni nae, “Ae! Yakob! Yakob! O foa fo nenene dei!” Boe ma ana nataa nae, “Ubeaꞌ?”
1460	GEN 48:8	Yakob dedea basa de botiꞌ laka na, boe ma nita Yusuf ana nara rai na. Basa de ana natane Yusuf nae, “Ae! Bea ana ni ia ra? Yusuf nataa nae, “Ia ra nana anaꞌ fo Manetualain fee au nai Masir ia.” Basa boe ma Yakob dedea nae, “Maneniko leoꞌ na, sona mo si mai raneneaꞌ ro au, fo au hule-haradoi neuꞌ Manetualain ela fee si ua-naleꞌ.” Yakob namalasi so, ma mata nara rasasapu so. Huu ria na, de ana ta bisa nita dae, matetuꞌ soꞌ. Boe ma Yusuf no ana nara reu raneneaꞌ ro Yakob, fo ana holu si ma deꞌi.
1511	GEN 50:4	Basa faiꞌ hitu hulu, boe ma Yusuf nafada pegawe nara nae, “Nenene! Au hule fo emi meni au dedea ki ia, meu mafada maneꞌ a mae leo iaꞌ:
1518	GEN 50:11	Lahenda Kanaꞌan rai naa, rita susa leoꞌ na, boe ma ara dedea rae, “Ae! Emi mete dei. Lahenda Masir ara mete mamates, sona ara dola raan seli.” Huu ria na, de lahenda ra fee mamanaꞌ ria nade, Abel-Misraim. Sosoa na nae, ‘Lahenda Masir lumata-pinuidun.’
1522	GEN 50:15	Ara losa Masir, boe ma Yusuf aꞌa nara mulai biiꞌ. Huu no sira papa na neꞌes ana so, boe ma ara dedea rao nara rae, “Ae! Emi afi dei! Uniꞌko leo Yusuf bei napeda daleꞌ no ita, de ana balas ita tatao tadalu na neuꞌ ana a, sona leoꞌ bea?”
23268	MAT 3:7	Tepoꞌ ria, partei agama Farisi ma partei agama Saduki lahenda nara boe mai hule Yohanis fo sarani si. Tehuu ana nita si, boe ma nasapaa nae, “Hee! emi ia sama leoꞌ meke mapuputaꞌ! Manetualain neuꞌ ko huku emi, nana huu nonoi-tatao tadalu mara. Wee! Bosoꞌ mae emi bisa kalua meme Ria huhuku Na mai.
23352	MAT 6:1	Yesus nanori-nafada naroo nae, “Mafarereneꞌ! Bosoꞌ moi tuka-tukaꞌ agama a atoran na, fo ela lahenda io emi. Maneniko emi tao leo naꞌ, sona emi Papa ma nai nusatetu-ikutemaꞌ a neuꞌ ko ta seba emi hata-hata esa boeꞌ.