102	GEN 4:22	La Cillake uľiľa o Tubal-Kain. Ov sas kovačis a kerelas o sersami le brondzostar the le trastestar. Le Tubal-Kainoskeri pheň pes vičinelas Naama.
246	GEN 10:11	Odarik geľa andre phuv Aššur a ode ačhaďa o foros Ninive, o Rechobot-Ir the Kelach.
342	GEN 14:5	Andro dešuštarto (14.) berš geľa o Kedorlaomer the o kraľa, save sas leha, a domarde le Refajen andro foros Aštarot-Karnajim, the le Zuzimčanen andro Ham the le Emimčanen andro Šave-Kirjatajim.
343	GEN 14:6	Domarde the le Choričanen paš o Seirike brehi a tradle len dži ko El-Paran paš e pušťa.
344	GEN 14:7	Paľis pes visarde a doavle ko En-Mišpat – oda hin ko Kadeš – a ňerinde (zviťazinde) upral caľi phuv le Amalekengeri the upral o Amoreja, save dživenas andro Chacecon-Tamar.
395	GEN 16:13	E Hagar diňa nav le RAJESKE, savo ke late prevakerďa, El-Roi, bo oj phenďa: “Tu sal o Del, savo pre ma dikhes.”
396	GEN 16:14	Vašoda pes odi chaňig vičinel Beer-Lachaj-Roi. Kadi chaňig hiňi maškar o foros Kadeš the Bered.
496	GEN 19:38	The la ternederake uľiľa čhavo a diňa les nav Ben-Ammi. Ov hin o prapapus adadživeseskere Ammončanenge.
528	GEN 21:14	Sig tosara o Abraham iľa o chaben the o cipuno gonoro le paňeha a diňa oda la Hagarake. Thoďa lake le čhas pro dumo a premukľa la. Oj odgeľa a phirelas upre tele pal e pušťa Beer-Šeba.
545	GEN 21:31	A vašoda pes oda than vičinel Beer-Šeba, bo sodujdžene ode phandle vera.
546	GEN 21:32	Paľis, sar peha phandle e zmluva andre Beer-Šeba, o Abimelech the leskero veľiťeľis o Pichol gele pale andre Filišťiniko phuv.
547	GEN 21:33	O Abraham sadzinďa andre Beer-Šeba stromos tamariška a lašarelas ode le RAJES, le Devles, savo hino pro furt.
567	GEN 22:19	Paľis o Abraham geľa pale ke peskere sluhi a savore jekhetane gele andre Beer-Šeba, kaj ov bešelas.
572	GEN 22:24	Sas les the romňi-služka e Reuma. Lake uľiľa o Tebach, o Gacham, o Tachaš the o Maachah.
574	GEN 23:2	Muľa andre Kirjat-Arba, so hin o foros Hebron andro Kanaan. O Abraham geľa andre bari žaľa te rovel pal late.
602	GEN 24:10	Avke o sluhas iľa andral peskere rajeskero stados deše ťaven a iľa mek but lačhe dari peskere rajestar a geľa het. Avke geľa andro Aram-Naharajim andro foros le Nachoriskero.
652	GEN 24:60	Požehňinde la Rebeka a phende lake: “Pheňe amari, av daj le čhavenge ezera-ezerenge a tire potomki mi prelen o fori peskere ňeprijaťeľenge!”
654	GEN 24:62	O Izak avelas pale khatar e chaňig Beer-Lachaj-Roi a bešelas pre pušťa Negev.
665	GEN 25:6	Ale le čhavenge, save les sas le romňenca-služobňičkenca, diňa dari, a mek sar dživelas, bičhaďa len het peskere čhastar le Izakostar andre phuv pro vichodos.
670	GEN 25:11	Pal o meriben le Abrahamoskero, o Del požehňinďa leskere čhas le Izak. O Izak bešelas paš e chaňig Beer-Lachaj-Roi.
679	GEN 25:20	Sar sas le Izakoske saranda (40) berš, iľa peske la Rebeka romňake. E Rebeka sas e čhaj le Aramejoskeri le Betueliskeri andral e phuv Paddan-Aram a sas pheň le Aramejoskeri le Labanoskeri.
716	GEN 26:23	Odarik o Izak geľa te bešel andre Beer-Šeba.
726	GEN 26:33	O Izak diňa ole paňeske nav Šibea, so hin “e Vera”. Vašoda pes dži akana vičinel oda foros Beer-Šeba.
776	GEN 28:2	Dža andre phuv Paddan-Aram, andro kher le Betueliskero, ko dad tira dakero. Ode tuke le avri romňa le Labanoskere čhajendar, la dakere phralestar.
779	GEN 28:5	Paľis o Izak bičhaďa le Jakob, hoj te džal andre phuv Paddan-Aram. Avke džalas ko Laban, savo sas o čhavo le Aramejoskero le Betueliskero a o phral la Rebekakero, savi sas e daj le Jakoboskeri the le Ezavoskeri.
780	GEN 28:6	O Ezav dikhľa, sar o Izak le Jakob požehňinďa a bičhaďa andro Paddan-Aram, hoj odarik peske te lel romňa. Ov šunďa, hoj leske phenďa, sar les požehňinďa: “Ma le tuke romňa andral o Kanaan,”
781	GEN 28:7	a dikhľa, hoj o Jakob šunďa le dades the la da a geľa andro Paddan-Aram.
784	GEN 28:10	O Jakob odgeľa andral e Beer-Šeba a geľa andro Charan.
892	GEN 31:18	a iľa peha savore peskere stadi the savoro barvaľipen, so peske dochudľa andro Paddan-Aram, hoj te džal ke peskero dad ko Izak andre phuv Kanaan.
921	GEN 31:47	Avke o Laban ole thaneske diňa nav Jegar-Sahaduta a o Jakob les diňa nav Gal-Ed.
922	GEN 31:48	O Laban phenďa le Jakoboske: “Kadi kopa bara ela adadžives sar švedkos maškar amende”, vašoda pes vičinel Gal-Ed.
959	GEN 32:31	O Jakob phenďa: “Dikhľom le Devles muj-mujeha a ačhiľom te dživel.” Avke diňa ole thaneske nav Peniel.
979	GEN 33:18	Sar avelas andral o Paddan-Aram, o Jakob dogeľa mištes andro foros Šichem andre phuv Kanaan a bešelas pašes paš o foros.
981	GEN 33:20	Ačhaďa ode oltaris a diňa leske nav El-Elohe Izrael.
1019	GEN 35:7	Ode ačhaďa oltaris a diňa ole thaneske nav El-Betel, bo ode pes leske o Del sikaďa, sar denašelas peskere phralestar.
1021	GEN 35:9	Kana o Jakob pes visarelas andral o Paddan-Aram, sikaďa pes leske pale o Del a požehňinďa les.
1030	GEN 35:18	Ale sar oj merelas a sas imar pašes paš o meriben, diňa peskere čhaske nav Ben-Oni, ale o Jakob leske diňa nav Benjamin.
1033	GEN 35:21	O Izrael paľis odarik odgeľa a rozthoďa o stanos pal e veža Migdal-Eder.
1034	GEN 35:22	Sar imar bešelas andre kadi phuv, o Ruben geľa te pašľol la Bilhaha, savi sas romňi-služka leskere dadeskeri, a o Izrael pes pal ada došunďa. Le Jakob sas dešuduj (12) čhave.
1038	GEN 35:26	La Lejakera služka la Zilpa sas čhave o Gad the o Ašer. Kala sas o čhave le Jakoboskere, save leske uľile andro Paddan-Aram.
1039	GEN 35:27	Paľis o Jakob avľa ke peskero dad Izak andro Mamre andro Kirjat-Arba, so hin adadžives Hebron, kaj bešenas o Abraham the o Izak.
1053	GEN 36:12	Le Elifaz sas the romňi-služka e Timna, savake uľila o Amalek. E Ada sas lenge baba.
1079	GEN 36:38	Sar muľa o Šaul, kraľinelas le Achboriskero čhavo o Baal-Chanan.
1080	GEN 36:39	Sar muľa o Baal-Chanan, kraľinelas o Hadar. Leskero foros pes vičinelas Pau a leskeri romňi sas e Mehetabel, e čhaj la Matredakeri, e čhaj la Me-Zahabakeri.
1241	GEN 41:45	O Faraonos čerinďa le Jozefoske o nav pro Cafenat-Paneach a diňa leske la Asenat romňake, savi sas e čhaj le Poti-Feraskeri, savo sas rašaj andro foros Heliopolis. Avke o Jozef sas ačhado upral calo Egipt.
1246	GEN 41:50	Sar mek na sas e bokh, le Jozefoske uľile duj muršora, save les diňa e Asenat, e čhaj le rašaskeri le Poti-Feraskeri.
1388	GEN 46:1	O Izrael iľa peha savoro, so les sas, a džalas andro Egipt. Sar dogeľa andre Beer-Šeba, anďa ode obeti le Devleske, saves lašarelas leskero dad o Izak.
1392	GEN 46:5	Avke o Jakob odgeľa andral e Beer-Šeba. Le Izraeloskere čhave thode le dades le Jakob, le čhaven the le romňijen andro verdana, save bičhaďa o Faraonos.
1402	GEN 46:15	Kala hine la Lejakere the le Jakoboskere čhave, save lenge uľile andro Paddan-Aram. Ode lenge uľiľa the e čhaj e Dina. Savore leskere čhave the čhaja la Lejaha sas tranda the trin (33).
1407	GEN 46:20	Le Jozefoske uľile andro Egipt o Menašše the o Efrajim la Asenataha, savi sas e čhaj le Poti-Feraskeri, savo sas rašaj andro Heliopolis.
1517	GEN 50:10	Sar doavle andro Goren-Atad, so hin pal o Jordan, but časos zorales rovenas a o Jozef kerelas o vartišagos efta dživesa prekal peskero dad.
1518	GEN 50:11	Sar o Kanaančana dikhle andro Goren-Atad o baro vartišagos, phenenas: “Le Egipťanen hin bari žaľa.” Vašoda pes oda than pal o Jordan vičinel Abel-Micrajim.
1892	EXO 14:2	“Phen le Izraelitenge, hoj te visaren pes pale a te keren peske taboris anglo Pi-Hachirot maškar o Migdol the moros. Ode tumenge keren taboris anglo Baal-Cefon paš o moros.
1899	EXO 14:9	O Egipťana džanas pal o Izraeliti la armadaha, pro graja, le maribnaskere verdanenca the savore slugaďenca, a dochudle len, sar taborinenas paš o moros paš o Pi-Hachirot anglo Baal-Cefon.
2485	EXO 33:11	O RAJ vakerelas le Mojžišoha, muj-mujeha, avke sar vareko vakerel le prijaťeľiha. Paľis pes visarďa pale andro taboris. Ale leskero terno sluhas o Jozua, le Nunoskero čhavo, ačhelas andro stanos.
4059	NUM 11:34	Vašoda dine ole thaneske nav Kibrot-Hattaava, bo ode parunde le manušen, save igen žadinenas te chal aver chaben.
4060	NUM 11:35	Andral o Kibrot-Hattaava odgele o manuša andro Chacerot a ode ačhile.
4068	NUM 12:8	Leha vakerav muj-mujeha, phundradones a na garudones, ov šaj dikhel the le RAJESKERI podoba. Sar oda, hoj tumen na daran kavke te vakerel pre miro služobňikos Mojžiš?”
4352	NUM 21:11	Paľis odgele andral o Obot a kerde peske taboris paš o Ije-Abarim pre pušťa, so hiňi pro vichodos le Moabostar.
4415	NUM 22:39	Paľis o Bileam džalas le Balakoha a doavle andro foros Kirjat-Chucot.
4417	NUM 22:41	Tosara o Balak iľa peha le Bileam upre pro Bamot-Baal. Odarik dičholas o agor le Izraeloskere taboriskero.
4475	NUM 25:3	the le devles Baal-Peor. Vašoda o RAJ igen choľisaľiľa pro Izraeliti.
4477	NUM 25:5	Avke o Mojžiš prikazinďa le Izraelike sudcenge: “Sako tumendar mi murdarel dojekhe muršes andral peskero kmeňos, savo lašarelas le Baal-Peor.”
4490	NUM 25:18	vaš oda nalačhipen, so tumenge kerde, sar tumen scirdle pro binos, hoj te lašaren le Baal-Peor a the vaš e Kozbi, savi sas murdarďi akor, sar avľa o nasvaľiben paš o Peor.”
4728	NUM 32:8	Kavke kerenas the tumare dada, sar len bičhaďom andral o Kadeš-Barnea, hoj te predikhen e phuv.
4755	NUM 32:35	Atarot-Šofan, Jazer, Jogbeha,
4756	NUM 32:36	Bet-Nimra the o Bet-Haran. Ačhaďa kala zorale fori the ohradi prekal o bakre.
4758	NUM 32:38	Kale trin forenge, so pale ačhade – o Nebo, o Baal-Meon the e Sibma – dine aver nava.
4769	NUM 33:7	Andral o Etam pes visarde pale ko Pi-Hachirot, pro vichodos le Baal-Cefonostar, a ode peske kerde taboris anglo Migdol.
4770	NUM 33:8	Le Pi-Hachirotostar pes mukle dureder a prekal o Lolo Moros pregele pre pušťa. Trin džives džanas pal e pušťa Etam a kerde peske taboris paš e Mara.
4778	NUM 33:16	Paľis odgele la pušťatar Sinaj a kerde peske taboris paš o Kibrot-Hattaava.
4779	NUM 33:17	Andral o Kibrot-Hattaava džanas dureder a kerde peske taboris paš o Chacerot.
4781	NUM 33:19	Andral e Ritma džanas dureder a kerde peske taboris paš o Rimmon-Perec.
4782	NUM 33:20	Andral o Rimmon-Perec odgele a kerde peske taboris paš e Libna.
4793	NUM 33:31	Andral o Moserot odgele a kerde peske taboris paš o Bene-Jaakan.
4794	NUM 33:32	Andral o Bene-Jaakan džanas dureder a kerde peske taboris paš o Chor-Haggidgad.
4795	NUM 33:33	Andral o Chor-Haggidgad odgele a kerde peske taboris paš e Jotbata.
4797	NUM 33:35	Andral e Abrona gele dureder a kerde peske taboris paš o Ecjon-Geber.
4798	NUM 33:36	Andral o Ecjon-Geber odgele a kerde peske taboris paš o Kadeš pre pušťa Sin.
4806	NUM 33:44	Andral o Obot odgele a kerde peske taboris paš o Ije-Abarim pre Moabiko phuv.
4807	NUM 33:45	Andral o Ije-Abarim džanas dureder a kerde peske taboris paš o Dibon-Gad.
4808	NUM 33:46	Andral o Dibon-Gad odgele a kerde peske taboris paš o Almon-Diblatajim.
4809	NUM 33:47	Andral o Almon-Diblatajim odgele a kerde peske taboris paš o verchi Abarim anglo verchos Nebo.
4811	NUM 33:49	Lengero taboris sas pro Moabike rovini paš o Jordan le Bet-Ješimotostar dži ko Abel-Šittim.
4822	NUM 34:4	a džala dureder pro juhos le verchengere dromestar Akrabbim, odarik ko Sin a odarik pro juhos le Kadeš-Barneatar, paľis ko Chacar-Addar a dži ko Acmon.
4826	NUM 34:8	a odarik dureder dži ko Lebo-Chamat a the ko Cedad,
4827	NUM 34:9	paľis prekal o Zifron dži ko Chacar-Enan. Oda ela tumari severno hraňica.
4828	NUM 34:10	Tumari vichodno hraňica džala le severostar tele andral o Chacar-Enan ko Šefam,
4895	DEU 1:1	Kala hine o lava, so phenďa o Mojžiš savore Izraelitenge pro vichodos le Jordanostar pre pušťa andre Araba pre aver sera paš o Suf, maškar o fori Paran the Tofel pal jekh sera a maškar o fori Laban the Chacerot the Di-Zahab pre aver sera.
4896	DEU 1:2	O drom le Chorebostar dži paš o Kadeš-Barnea, so džal prekal o Seiroskere brehi andre phuv Edom, ľikerel dešujekh (11) džives.
4913	DEU 1:19	“Paľis pes mukľam te džal dureder le verchostar Choreb a phirahas pal odi bari the nalačhi pušťa, avke sar oda predžiďiľan pro drom, sar džahas ko Amorejika brehi, avke sar amenge prikazinďa o RAJ, amaro Del, a dogeľam dži ko Kadeš-Barnea.
4948	DEU 2:8	Obgeľam amare Ezavoskere phralen, save bešen andro Seir. Džahas pal o drom Araba, so chudel pro juhos paš o Elat the Ecjon-Geber, paľis pes visarďam pre pušťakero drom, so džal andro Moab.
4954	DEU 2:14	Tranda the ochto (38) berš amenge ľikerďa o drom andral e Kadeš-Barnea dži akor, sar pregeľam e dolina Zered. Akor imar mule avri savore maribnaskere murša andral oda calo pokoleňje avke, sar lenge la veraha phenďa o RAJ.
4991	DEU 3:14	O Jair andral o kmeňos Menašše zaiľa caľi phuv Argob dži paš e Gešurengeri the Maachatengeri phuv andro Bašan a diňa lenge nav pal peste – Chavvot-Jair. Avke oda hin dži adadžives.
5006	DEU 3:29	Paloda ačhiľam andre dolina paš o foros Bet-Peor.”
5009	DEU 4:3	Pre tumare jakha dikhľan, so o RAJ kerďa paš o verchos Peor, sar murdarďa dojekhes, ko lašarelas la modla Baal-Peor.
5052	DEU 4:46	a sas pal o Jordan andre dolina paš o Bet-Peor, andre phuv, kaj sas o Amorejiko kraľis Sichon, savo kraľinelas andro Chešbon. O Mojžiš the o Izraeliti ňerinde upral leste, sar avle avri le Egiptostar.
5059	DEU 5:4	O RAJ tumenca vakerelas pro verchos muj-mujeha andral e jag.
5181	DEU 9:22	Choľarďan le RAJES the andre Tabera, andre Massa the andro Kibrot-Hattaava.
5182	DEU 9:23	Sar tumen o RAJ bičhaďa andral o Kadeš-Barnea, phenďa: ‘Džan a len peske odi phuv, so tumenge dav.’ Ale tumen pes vzburinďan pro prikazis le RAJESKERO, tumare Devleskero; na pačanas leske aňi les na šunenas.