24963	LUK 1:1	Poštuime Teofile, ramov tuće zbog godova kaj but džene line te ramon okola događajurja save o Del obećisarda majsigo prekal e prorokurja, a save dogodisajle maškar amende.
24972	LUK 1:10	Pale vrjama kana kadilaspe ando Hramo, sa o them sas avri thaj molinaspe.
24977	LUK 1:15	Kaj avela baro anglo Gospod. Či pijela mol niti pimo savo matarel. Pherdola e Sveto Duhosa još ando đi pire dejako.
24979	LUK 1:17	Džala anglo Gospod sago glasniko pherdo duho thaj sila, sago o proroko Ilija. Pomirila e dades lešće čhavenca a e nepokorne umurja boldela gajda te prihvatin o razumnost okolengo save si pravedne. Pripremila e theme pale e vrjama kana o Gospod avela.”
24991	LUK 1:29	Pe godola alava e Marija uznemirisajli thaj počnisarda te gndil so značisarel godova pozdrav.
25004	LUK 1:42	Pale godova e bahtatar čhutas muj e bare glasosa: “Maj blagoslovime san tu, Marijo, katar sa e manušnja, thaj blagoslovime o čhavro ande ćiro đi.
25013	LUK 1:51	Pire moćno vastesa ćerel silne dela thaj odbacisardas pestar okolen save si barikane ande pire ile.
25023	LUK 1:61	A von phendine laće: “Pa khonik ande ćiri familija či bučhol gajda.”
25062	LUK 2:20	Pale godova e pastirja boldinepe palpale, hvalinas thaj slavinas e Devle pale sa so dogodisajlo sago kaj vi phendas lenđe o anđeo.
25069	LUK 2:27	Potaknime katar o Sveto Duho avilo ando Hramo baš kana o dad thaj e dej anenas e čhavre e Isuse te izvršin okova so rodelas e Mojsijesko zakon.
25083	LUK 2:41	E Isusesko dad thaj lešći dej svako brš džanas ando Jerusalim ande đesa kana sas o prazniko Pasha.
25095	LUK 3:1	Sas dešupandžto brš sar vladilas o caro Tiberija e rimske carstvosa, o Pontije Pilato vladilas e Judejava, o Irod vladilas e Galilejava, a lesko phral o Filip vladilas ande Itureja thaj ande Trahonitada, o Lisanije vladilas ande Avilina,
25098	LUK 3:4	Sago kaj ramosardas o proroko Isaija, o Jovano sas: “O glaso savo čholas muj ande pustinja: ‘Lačharen o drom palo Gospod, Poravnisaren e staze pale leste!
25142	LUK 4:10	kaj ando Sveto lil ačhel ramome: ‘Pale tute kaj pire anđelenđe zapovedila te len sama pe tute.’
25152	LUK 4:20	Phandada e knjiga, dijala ko sluga thaj bešlo te sikavel, a savora save sas ande sinagoga dićhenas pe leste.
25167	LUK 4:35	A o Isus zapovedisardas lešće: “Phandav ćiro muj thaj inklji andar leste!” O bilačho duho haradales angle savorende, inkljisto andar leste, thaj ni cara či naudisardas lešće.
25184	LUK 5:8	A kana dikhlas o Simon Petar, pelo pe pire koča angle Isusešće pungre thaj phendas: “Džatar mandar, Gospode! Me sem bezehalo manuš.”
25185	LUK 5:9	Thaj sas ando čudo o Petar thaj savora save sas lesa zbog e bute e mačhe kaj astardine.
25203	LUK 5:27	Pale godova o Isus inkljisto, thaj dikhla e cariniko savo bučholas Levije kaj bešel pe carina, thaj phendas lešće: “Av pale mande.”
25205	LUK 5:29	Pale godova o Levije ćerdas lešće ande piro ćher bari gozba. Leja pale sinija bešenas but carinikurja thaj vi aver manuša.
25229	LUK 6:14	O Simon (saves o Isus dija alav Petar), thaj o Andrija (e Petresko phral), o Jakov thaj o Jovan, o Filip thaj o Vartolomej,
25232	LUK 6:17	Pale godova o Isus fuljisto lenca tele thaj ačhile po ravno than. Okote sas baro brojo lešće učenikurija thaj o silno them andar o krajo e judejako, andar o Jerusalimo, andar o Tiro thaj andar o Sidon e gava po more.
25257	LUK 6:42	Sar šaj phenes ćire phralešće: ‘Phrala, ažućar te inkalav e kaštešći prušuk savo si ande ćiri jak’, kana ni korkoro či haćares o baro kaš ande ćiri jak? Licemernona! Maj sigo inkal o baro kaš andar ćiri jak, thaj majlačhe dićheja e kaštešći prušuk te inkales andar ćire phralešći jak.”
25273	LUK 7:9	A kana godova ašundas o Isus, začudisajlo e kapetanošće thaj boldape ko them savo džalas pale leste thaj phendas: “Phenav tumenđe: Ke nijek Izraelco či arakhlem gaći paćipe sago ke akava kapetano!”
25275	LUK 7:11	Pale godova o Isus teljarda ando gav savo akhardolas Nain. Džanas pale leste e učenikurija thaj o but o them.
25278	LUK 7:14	Pale godova avilo ko mohto, čhuta pire vas pe leste, thaj o kola kaj inđarenas o mohto ačhiline. A vo phendas: “Čhaveja, tuće phenav: Ušti!”
25302	LUK 7:38	Ačhili pale lešće pungre. Počnisarda te rovel thaj e jasvenca te thovel lešće pungre, a pire balenca te khoselen. Čumidelas len thaj maćhelas e mirisne uljeja.
25304	LUK 7:40	O Isus phendas lešće: “Simone, siman vareso te phenav tuće.” A vo phendas: “Phen, sikavneja.”
25315	LUK 8:1	Pale godova o Isus džalas andar o gav dži ko gav, thaj propovedilas thaj navestilas e bahtali nevimata katar o carstvo e Devlesko. Pale leste džanas e dešuduj apostolurja
25322	LUK 8:8	Aver palem napokon pelo pe lačhi phuv, niknosarda thaj bijanda šeldrom majbut.” Phendas godova thaj čhuta muj: “Ašunen kana već situmen kan!”
25359	LUK 8:45	A o Isus phendas: “Ko astardape mungre haljinatar?” Savora počnisardine te braninpe, a o Petar phendas: “Sikavneja, o but o them ćićideltut thaj spidelpe, aj tu phučes ko astardape pale mande.”
25365	LUK 8:51	O Isus dija ando ćher, a avren khonikas či mukla te den lesa andre osim e Petre, e Jovane, e Jakove thaj e čhoraće dade thaj laće deja.
25384	LUK 9:14	A sas varekaj katar pandž milje manuša (či đinavenas pe e manušnja thaj e čhavra). O Isus phendas pe učenikonenđe: “Phenen lenđe te bešen ande skupine po pandžvardeš džene.”
25388	LUK 9:18	Jekhvar dok o Isus crdape po korkoro than te molilpe, lesa sas samo lešće dešuduj učenikurija. Pale godova phučlalen: “So phenel o them, ko sem me?”
25390	LUK 9:20	A vo phučla len: “A tumen, so tumen phenen, ko sem me?” A o Petar phendas: “Hristo Pomazaniko e Devlesko!”
25393	LUK 9:23	Pale godova o Isus phendas savorenđe: “Ako vareko kamel te avel mungro sledbeniko, neka odreknilpes korkoro pestar, nek svako đes lel piro trušul thaj nek džal pale mande.
25398	LUK 9:28	A kana nakhla varekaj katar ohto đes katar godola alava o Isus lijas pesa e Petre, e Jovano thaj e Jakove ande gora te pomolilpe.
25401	LUK 9:31	Pojavisajle ande slava thaj ćerenas lesa svato pale lesko smrto savo trubuja te podnesil ando Jerusalim te pherdol o Lil.
25402	LUK 9:32	E Petre thaj lešće drugaren lija e lindri. Kana džungadile, dikhline lešći slava thaj duj manušen save ačhenas lesa.
25403	LUK 9:33	Thaj dok godola duj džene džanastar lestar, o Petar phendas e Isusešće: “Sikavneja, lačhe kaj sam kate. Te ćeras trin senice: jek tuće, jek e Mojsijašće, thaj jek e Ilijašće.” Či džangla so phenel.
25411	LUK 9:41	A o Isus phendas lenđe: “O bilačhe thaj bi paćako manušalen! Kozom semasa tumenca a tuman či paćan. Phučaman kozom još trpiva tumen! An akaring ćire čhave!”
25433	LUK 10:1	Pale godova o Gospod odredisardas aver eftavardeš thaj duj učenikonen thaj bičhaldalen po dujen angle peste ande svako gav thaj ande svako than kaj kamlas te džal.
25443	LUK 10:11	Čak vi o praho andar tumaro gav, savo astardape pale amare pungre, khosas amendar sago o znako kaj o Del sudila tumenđe. Ali kava džanen: Pašilo tumenđe o carstvo e Devlesko!
25444	LUK 10:12	Phenav tumenđe: Ando đes e sudosko maj loće avela e themešće andar e Sodoma nego e themešće andar akava gav.
25448	LUK 10:16	Pale godova phendas e učenikonenđe: “Ko tumende čhol kan, mande čhol kan. Ko tumen odbacil man odbacil, a ko man odbacil, odbacil okoles savo bičhaldaman.”
25456	LUK 10:24	Phenav tumenđe: But prorokurja thaj e carurja kamline te dićhen man thaj te ašunen man, ali či dikhline man thaj či ašundine man!”
25460	LUK 10:28	Pe godova phendas lešće o Isus: “Lačhe phendan. Godova ćer thaj avelatu večno trajo.”
25469	LUK 10:37	A vo phendas: “Okova savo pomognisarda lešće.” Pe godova o Isus phendalešće: “Dža thaj vi tu ćer gajda!”
25472	LUK 10:40	A e Marta sas but zauzmime godolesa kaj poslužilas. Voj avili leste thaj phendas: “Gospode! Zar či maris kaj mungri phen muklaman korkoro te posluživ? Phen laće te pomožil man.”
25482	LUK 11:8	Phenav tumenđe: Ako či ni uštel te deles kaj si lesko drugari, uštela te deles zbog godova kaj lešće drugare naj ladžavo te avel uporno.
25500	LUK 11:26	Askal džal thaj lel pesa efta aver duhurja, majgore lestar, thaj del andre thaj okote nastanilpe. Po krajo godole manušesće avela majgore nego kaj sas lešće po početko.”
25505	LUK 11:31	Po đes kana avela e Devlesko sudo, e carica savi dumut vladilas e južno phujava, savi akhardolas Saba, uštela thaj osudila e manušen save si ađes džude. Kaj dadural avili te ašunel e care Solomone savo sas zurale mudro, a akate si vareko maj baro vi katar o Solomon, a tu men čikamen te čhon kan leste!
25532	LUK 12:4	O Isus nastavisardas: “Phenav tumenđe mungre drugarenđe: na daran katar okola save šaj te mudaren samo o telo, a pale godova naštik ćeren tumenđe khanči.
25534	LUK 12:6	Pa či li bićinenpe pandž čiriklja pale samo duj lovora? Pa palem ni jećhe lendar o Del či bistrel.
25542	LUK 12:14	Pe godova o Isus phendas lešće: “Manuša, ko čhuta man te avav tumaro sudco ili deliv maškar tumende?”
25569	LUK 12:41	Pe godova o Petar phendas: “Gospode, phenes li godoja usporedba samo pale amende ili vi pale savorende?”
25587	LUK 12:59	Phenav tuće: ‘Či inkljeja okotar dok či poćines dži ke posljedno lovoro.’”
25588	LUK 13:1	Askal aviline varesave manuša thaj phendine e Isusešće kaj o Pilato savo sas rimsko upravniko dijas naredba te mudarenpes varesave manuša andar e Galileja. Thaj sas mudarde ando jerusalimsko Hramo dok anenas e žrtve.
25590	LUK 13:3	Nisar! Phenav tumenđe: vi tumen gajda avena duhovno hasarde ako či obratintumen ko Del!
25592	LUK 13:5	Nisar! Phenav tumenđe: vi tumen gajda avena duhovno hasarde ako či obratin tumen ko Del.”
25604	LUK 13:17	Pe godova sa lešće protivnikurja ladžajle, a sa aver raduisajle e šukar delenđe save o Isus ćerdas.
25605	LUK 13:18	Pale godova o Isus phendas: “Sova si slično o carstvo e Devlesko? Sova te usporedisarav les?
25613	LUK 13:26	Askal počnina te phenen: ‘Pa amen tusa halam thaj pilam, a tu sikavejas pe amere sokača!’
25614	LUK 13:27	A vo phenela tumenđe: ‘Phenav tumenđe: či džanav ko sen. Džantar mandar savora save nepravda ćeren!’
25625	LUK 14:3	Pe godova o Isus phučla e sikavne e Mojsiješće zakonestar thaj e farisejen: “Dali si muklino prema e Mojsijesko zakono te savatone sastarelpes o manuš ili naj?”
25628	LUK 14:6	Pe godova naslen so te phenen.
25660	LUK 15:3	Pe godova o Isus phendas lenđe akaja usporedba:
25664	LUK 15:7	Phenav tumenđe, gajda savora ando nebo avena maj bahtale pale jek bezehalo manuš savo obratilpe e Devlešće nego pale injavardeš thaj inja save gndin kaj si pravednikurja thaj kaj či trubun te obratines ko Del.”
25667	LUK 15:10	Phenav tumenđe, kaj gajda e Devlešće anđelurja raduina pes pele jek bezehalo savo obratil pes.”
25676	LUK 15:19	Najsem majbut dostojno te akharama ćire čhavesa. Primima sago jećhe katar ćire najamnikurja.’
25682	LUK 15:25	Pale godoja vrjama lesko majpurano čhavo ćerelas bući ande njive. A kana boldape thaj sas već paše, andar o ćher ašundolas e muzika thaj o ćhelipe.
25683	LUK 15:26	Pa akhardas jećhe slugo te phučel so si godova.
25688	LUK 15:31	Pe godova o dad lesko phendas lešće: ‘Čhaveja, tu san uvek manca thaj sa mungro vi ćiro si.
25692	LUK 16:3	Pe godova o baro sluga phendas ande peste: ‘So te ćerav kana mungro gospodari či del više te ćerav bući pale leste? Te džav te hanavav najman snaga. Te prosiv? Ladžavo si manđe.
25696	LUK 16:7	Pale godova phendas e averešće: ‘A tu, kozom san tu udžile?’ ‘Šel mere điv.’ Phendas vi lešće: ‘Le ćiro računo thaj ramosar pe ohtovardeš.’
25711	LUK 16:22	A kana mulo o čoro, e anđelurja inđardinele ande Avraamešće angalja. Pale godova mulo vi o barvalo manuš, thaj prahosardine les.
25714	LUK 16:25	Pe godova phendas o Avraam: ‘Detut gođi, čhaveja, kaj tu pale ćiro trajo primisardan ćiro lačhipe, a gajda vi o Lazar piro bilačhipe. Akana vo akate tešilpe, a tu mučistu.
25716	LUK 16:27	Pe godova o barvalo manuš phendas: ‘Molivtu askal, dade, bičhal e Lazare ando ćher mungre dadesko.
25724	LUK 17:4	Pa ako vi efta drom po đes sagrešil protiv tute thaj efta drom po đes avel thaj phenel tuće: ‘Jartosar manđe. Pogrešisardem!’, jartosar lešće.”
25725	LUK 17:5	E apostolurja phendine e Gospodešće: “Trubulamen majbut paćipe. Phen amenđe sar te dobis!”
25742	LUK 17:22	Pale godova phendas e učenikonenđe: “Avela e vrjama kana kamena te dićhen jek katar e đesa kana me, o Čhavo e Manušesko, vladiva sago o caro, ali či dićhena godova đes.
25754	LUK 17:34	Phenav tumenđe, ande koja rjat kana me boldava man avena duj džene ande jek kreveto. Jek lelape, aver mućelapes.
25757	LUK 17:37	Pe godova e učenikurja phučlineles: “A kaj godova Gospode?” A o Isus phenda lenđe: “Avela očito sago vi akaja poslovica: ‘Kaj si e mule telurja, kote vi e lešinarja ćidenape.’”
25765	LUK 18:8	Phenav tumenđe kaj brzo dela len pravda. Ali kana me, o Čhavo e Manušesko, boldavaman pe phuv, dali arakhava kasavo paćipe?”
25771	LUK 18:14	Phenav tumenđe: vo boldape ćhere pravedno anglo Del, a na o farisejo! Kaj svako ko korkoro pes uzvisisarel, avela ponizime, a ko korkoro pes ponizil, avela uzvisime.”
25777	LUK 18:20	A e zapovedi andar o Mojsijesko zakon džanes: ‘Na ćer preljub’, ‘Na mudar’, ‘Na čor’, ‘Na svedočisar hohamne’, ‘Poštuisar ćire dades thaj ćire deja’.”
25783	LUK 18:26	Okola save godova ašundine, phendine: “Pa ko askal šaj spasilpes?”
25785	LUK 18:28	Askal o Petar phendas: “Ake, amen muklam sa amaro thaj teljardam pale tute te sledisarastut.”
25794	LUK 18:37	Phendine lešće: “Naćhel o Isus andar o Nazaret.”
25803	LUK 19:3	Probilas te dićhel e Isuse, ali sas zurale cikno manuš thaj naštik dikhlas les katar o but o them savo sas oko leste.
25809	LUK 19:9	Pe godova o Isus phendas lešće: “Ađes ande akava ćher avilo o spasenje kaj si vi akava manuš e Avraamesko čhavo!
25817	LUK 19:17	Phendas lešće: ‘Odlično! Lačho san sluga, zato kaj sanas verno ande cikno, dava tut te vladis pe deš gava!’
25819	LUK 19:19	Phenda lešće: ‘Lačhe! Vladi pe pandž gava!’