24963	LUK 1:1	Poštuime Teofile, ramov tuće zbog godova kaj but džene line te ramon okola događajurja save o Del obećisarda majsigo prekal e prorokurja, a save dogodisajle maškar amende.
24965	LUK 1:3	Zato vi me odlučisardem Teofile, te ramov tuće sa po redo, pošto pomno sa katar o početko istražisardem,
24970	LUK 1:8	Jek đes kana o Zaharija služilas e Devlešće ando Hramo kaj po dužnost avilo o redo kana lešći grupa rašaja trubunas te služin,
24973	LUK 1:11	A e Zaharijašće sikadilo o anđeo e Gospodesko savo ačhelas pe desno rig e žrtvenikosko katar savo kadilaspe.
24979	LUK 1:17	Džala anglo Gospod sago glasniko pherdo duho thaj sila, sago o proroko Ilija. Pomirila e dades lešće čhavenca a e nepokorne umurja boldela gajda te prihvatin o razumnost okolengo save si pravedne. Pripremila e theme pale e vrjama kana o Gospod avela.”
24980	LUK 1:18	A o Zaharija phendas e anđelošće: “Sar me džanava kaj godova avela čače? Kaj sem me purano thaj e romnji mungri dija ande pire purane brš.”
24981	LUK 1:19	A o anđeo phendas lešće: “Me sem o anđeo Gavrilo, savo ačhav anglo Del te služiv, thaj bičhaldo sem te ćerav svato tuva thaj te javiv tuće akaja bahtali nevimata.
24982	LUK 1:20	Zato kaj či paćajan akana zanemija thaj naštik ćereja svato džiko đes dok či avel e vrjama pale godova thaj mungre alava či pherdonpe.”
24983	LUK 1:21	A o them ažućarelas avri e Zaharija, thaj začudisajle so gaći zadržisajlo ando svetište e Hramosko.
24985	LUK 1:23	Thaj kana završisajle e đesa lešće službaće ando Hramo o Zaharije đelotar ćhere.
24986	LUK 1:24	A posle godola đesa lešći romnji e Jelisaveta ačili khamni, thaj pandž čhon či inkljelas avri andar piro ćher thaj motholas:
24987	LUK 1:25	“O Gospod milostivo dikhlas pe mande kaj fuljardas mandar o ladžavo anglo them.”
24992	LUK 1:30	A o anđeo phendas laće: “Na dara Marija! Kaj o Del iskažisardas tuće piri ljubav.”
24995	LUK 1:33	Vo vladila e Jakovešće plemenova dži ko veko, thaj lešće carstvošće či avela krajo.
25006	LUK 1:44	Kaj ake čim o pozdrav ćiro avilo džike mungre kan, e bahtatar o čhavro huklas ande mungro đi.
25012	LUK 1:50	Kaj o Del si milostivo; e milost lešći si katar e čang dži ke čang okolenđe save daran lestar.
25017	LUK 1:55	sago kaj obećisardas amare pra paponenđe, e Avraamešće thaj lešće potomkonenđe dži ko veko.”
25034	LUK 1:72	Sas milostivo amare pra dadenđe thaj održil piro sveto savezo,
25036	LUK 1:74	Izbavisarda amen andar amare dušmajenđe vas, te šaj služis lešće bi darako,
25037	LUK 1:75	ando svetost thaj ande pravda angle leste dokle god sam džude.
25038	LUK 1:76	Aj tu, Jovane čhaveja mungreja, akhardoja proroko e Majbare Devlesko kaj džaja anglo Gospod te lačhares lesko drom.
25039	LUK 1:77	Sikaveja e Devlešće theme sar te pindžaren o spasenje kroz o jartipe lenđe bezehendar.
25042	LUK 1:80	A o čhavro Jovano barjolas thaj zuravolas ando duho. Kana barjilo, trailas ande pustinja sa dok či započnisardas e javno služba angle Izraelcurja.
25050	LUK 2:8	Ande godoja isto regija savi sas paše pašo Vitlejem sas e pastirja save inćarenas e raćaći straža pe pašnjakurja ke pire bakhre.
25054	LUK 2:12	Ake o znako pe savo pindžarena les: araćhena e čhavre paćarde sar pašljol ande jasle.”
25055	LUK 2:13	Ande data e anđelošće pridružisajli e bari vojska anđelurja thaj slavinas e Devle alavenca:
25057	LUK 2:15	Čim e anđelurja boldinepe ando nebo, e pastirja phenenas jek avrešće: “Hajde džas dži ko Vitlejem, te dikhas so godova okote dogodisajlo, so phendas amenđe o Gospod.”
25066	LUK 2:24	thaj den e žrtva (sago kaj phenel e Gospodesko zakon: “duj grlice ili duj terne goluburja”).
25067	LUK 2:25	Ande godoja vrjama trailas ando Jerusalim varesavo manuš alavesa Simeon. Vo sas zurale pravedno thaj pobožno manuš. O Sveto Duho sas pe leste thaj ažućarelas te avel o Mesija te izbavil o Izrael.
25079	LUK 2:37	a pale godova trailas korkoro sar udovica dži ke ohtovardeš thaj štar brš. Voj sas stalno ando Hramo, služilas e Devlešće đeseja thaj e raćava, postilas thaj molilas pes.
25080	LUK 2:38	Thaj samo so o Simeon završisardas vi voj avili, thaj hvalilas e Devles thaj phenelas palo Isus savorenđe save ažućarenas te o Del otkupisarel o Jerusalim.
25083	LUK 2:41	E Isusesko dad thaj lešći dej svako brš džanas ando Jerusalim ande đesa kana sas o prazniko Pasha.
25085	LUK 2:43	Kana sas gata godola đesa, thaj kana boldenas pes ćhere, o čhavro Isus ačhilo ando Jerusalim, a o Josif thaj lešći dej e Marija či džangline kaj si.
25086	LUK 2:44	Nego gndisardine kaj si e društvosa anglal. Kana nakhlo već jek đes phiripe počnisardine te rodenle maškar e familija thaj maškar okola kas džanenas.
25091	LUK 2:49	A o Isus phendas lenđe: “Sostar rodineman zar či džangline kaj me trubul te avav ando ćher mungre Dadesko?”
25095	LUK 3:1	Sas dešupandžto brš sar vladilas o caro Tiberija e rimske carstvosa, o Pontije Pilato vladilas e Judejava, o Irod vladilas e Galilejava, a lesko phral o Filip vladilas ande Itureja thaj ande Trahonitada, o Lisanije vladilas ande Avilina,
25108	LUK 3:14	E vojnikurja isto phučline: “A amen so te ćeras?” A vo phendas lenđe: “Khonikastar na len e love pe sila, na optužisaren khonikas hohamne thaj aven zadovoljno tumare poćinava.”
25109	LUK 3:15	Ande godoja vrjama o them ažućarelas e Mesija thaj savora ande pire ile phučenas pes te naj možda o Jovano Mesija.
25117	LUK 3:23	Kana o Isus započnisardas e javno služba katar o Del sas les varekaj katar trjanda brš. Inćarelaspe kaj si o Isus čhavo e Josifesko. O Josif sas e Ilijesko čhavo,
25140	LUK 4:8	A o Isus phendas lešće: “Ando Sveto lil ačhel ramome: ‘De koča thaj slavisar samo e Gospode ćire Devles, thaj jedino lešće služisar.’”
25166	LUK 4:34	“So kames amendar, Isuse andar o gav Nazaret? Avilan te uništis amen? Džanav tut, ko san. Tu san o Sveco e Devlesko.”
25171	LUK 4:39	Vo banđilo paše late thaj zapovedisardas e groznicaće te mućela thaj e groznica nestanisardas. Voj odma uštili thaj ačhili te služilen.
25173	LUK 4:41	A vi e bilačhe duhurja inkljenas andar e but e manuša thaj čhonas muj thaj phenenas: “Tu san Čhavo e Devlesko!” A vo pretilas lenđe thaj zabranisardas lenđe te na ćeren svato, kaj von džanenas kaj si vo o Hristo.
25174	LUK 4:42	A kana avilo o đes, inkljisto thaj đelotar po pusto than. A o them rodelas les, avile leste thaj kamline te ačhaven les te na džaltar lendar.
25178	LUK 5:2	O Isus lija sama e duj čamcurija kaj ačhenas pe obala, andar save inkljistine e ribarja thaj halavenas pire mreže.
25180	LUK 5:4	A kana o Isus ačhilo te ćerel svato e themešće, phendas e Simonešće: “Otplovisar okote kaj si handuk o paj, thaj čhude e mreže ćire thaj astar e mačhen.”
25181	LUK 5:5	A o Simon phendas lešće: “Sikavneja! Sasti rjat trudisajlam, thaj khanči či astardam, ali ako tu gajda phenes, čhudava e mreže.”
25182	LUK 5:6	Kana ćerdine godova, astardine but mačhe, gaći kaj pharjonas e mreže lenđe.
25183	LUK 5:7	Dine znako pire drugarenđe ando aver čamco te aven te pomožin len. Kana von aviline, pherdine e liduj čamcurija gajda kaj gata potonisardine.
25184	LUK 5:8	A kana dikhlas o Simon Petar, pelo pe pire koča angle Isusešće pungre thaj phendas: “Džatar mandar, Gospode! Me sem bezehalo manuš.”
25190	LUK 5:14	A o Isus zapovedisardas lešće na phen khonikašće, nego dža thaj sikav tu e rašaješće, thaj prinesisar ćiri žrtva palo ćiro sastipe, sar zapovedisardas o Mojsije. Godova avela sago dokazo e manušenđe.
25198	LUK 5:22	A o Isus džangla lenđe gndimata, thaj phendas lenđe: “Sostar gajda gndin ande tumare ile?
25200	LUK 5:24	Nego te džanen kaj e Čhave e Manušesće si vlast pe phuv te jartosarel e bezeha…” Askal phendas e linešće: “Tuće phenav: ‘Ušti, le ćire nosilje thaj džatar tuće ćhere!’”
25210	LUK 5:34	A o Isus phendas lenđe: “Dali šaj traden e svaturja te postin kana si o džamutro lenca?
25211	LUK 5:35	Nego avela o đes kana lena lendar e džamutre, thaj askal postina ande godola đesa.”
25219	LUK 6:4	Kana dija ando ćher e Devlesko, thaj lijas e mangre save sas posvetime, hala thaj dija vi okolenđe save džanas pale leste. A khonik prema e Mojsijesko zakono či tromalas te hal e mangredar osim e rašaja.”
25223	LUK 6:8	A vo džanglas e gndimata lenđe, thaj phendas e manušesće e šuće vastesa: “Ušti thaj ač maškaral.” A vo uštilo thaj ačhilo maškaral.
25237	LUK 6:22	Blago tumenđe kana e manuša mrzana tumen, kana odbacina tumen, kana ladžarena tumen, thaj kana phenena pale tumende kaj sen bilačhe, zbog godova kaj sledin e Čhaves e Manušesće!
25249	LUK 6:34	Thaj te den udžile samo okolen katar save ažućaren te bolden tumenđe, sošći avela tumari poćin? Kaj vi e bezehale den e bezehalen udžile te šaj palem dobin palpale.
25250	LUK 6:35	Volin tumare dušmajen, ćeren lenđe lačhipe, den len udžile thaj na ažućaren khanči te bolden tumenđe. Ako ćeren gajda, avela bari tumari poćin, thaj avena čhave e Majbarešće, kaj si vo lačho čak vi okolenđe kaj si nezahvalne thaj vi e bilačhenđe.
25255	LUK 6:40	Naj o učeniko majbaro katar piro sikavno. Svako savo si sikado dži ko krajo, avela sago vi o sikavno lesko.
25257	LUK 6:42	Sar šaj phenes ćire phralešće: ‘Phrala, ažućar te inkalav e kaštešći prušuk savo si ande ćiri jak’, kana ni korkoro či haćares o baro kaš ande ćiri jak? Licemernona! Maj sigo inkal o baro kaš andar ćiri jak, thaj majlačhe dićheja e kaštešći prušuk te inkales andar ćire phralešći jak.”
25259	LUK 6:44	Kaj svako kaš pe piro plodo pindžarelpe. E smokva thaj e drak či kušenpe katar e kangre.
25267	LUK 7:3	A kana o kapetano ašundas palo Isus, bičhaldas lešće e židovske starešinen, thaj molisardale te avel te sastarel lešće robo.
25268	LUK 7:4	A von aviline ko Isus thaj počnisardine ilestar te molin les alavenca: “Zaslužisarda te ćeres lešće godova
25272	LUK 7:8	Vi me sem manuš tele vlast thaj siman tale mande vojnikurja. Thaj kana phenav jećhešće: ‘Dža!’, vo džaltar. Thaj kana phenav averešće: ‘Av!’, vo avel. Thaj kana phenav mungre robošće: ‘Ćer godova!’, vo ćerel.”
25273	LUK 7:9	A kana godova ašundas o Isus, začudisajlo e kapetanošće thaj boldape ko them savo džalas pale leste thaj phendas: “Phenav tumenđe: Ke nijek Izraelco či arakhlem gaći paćipe sago ke akava kapetano!”
25275	LUK 7:11	Pale godova o Isus teljarda ando gav savo akhardolas Nain. Džanas pale leste e učenikurija thaj o but o them.
25277	LUK 7:13	Kana dikhlala o Gospod, sažalisajlo pe late thaj phendas laće: “Na rov!”
25283	LUK 7:19	thaj bičhaldalen ko Gospod te phučenle: “Da li san tu okova saves obećisardas o Del kaj trubul te avel, ili te ažućaras averes?”
25284	LUK 7:20	Kana akala duj manuša aresline leste, phendine: “O Jovano savo bolel bičhalda amen tute te phučas tut: ‘Da li san tu okova saves obećisardas o Del kaj trubul te avel, ili te ažućaras avres?’”
25286	LUK 7:22	A o Isus phendas lenđe: “Džan thaj phenen e Jovanošće so upravo dikhline thaj so ašundine: e kore dićhen, e banđe phiren, e gubave saston, e kašuće ašunen, e mule ušten, a e čorenđe propovedilpe e bahtali nevimata.
25296	LUK 7:32	Lenca si sago čhavrenca save či džanen sokamen bešen po sokako thaj jek avrešće čhon muj: ‘Svirosardam tumenđe a tumen či ćheldine! Đilabadam tumenđe tužaljke a tumen či rujine!’
25303	LUK 7:39	Kana godova dikhlas o farisej savo akharda les ande piro ćher, gndisardas ande peste: “Kana akava avilosas proroko, džanglasas ko si thaj sošći si akaja manušnji, savi dirile, kaj si bezehali.”
25305	LUK 7:41	O Isus nastavisardas: “Sas varesavo manuš savo delas averenđe udžile love. Gajda sas duj džene save sas lešće udžile. Jek sas lešće udžile pandž šela rupune lovora, a aver pandžvardeš.
25306	LUK 7:42	Sar naštik te boldine e love save sas lešće udžile, vo jartosardas liduj dženenđe. Savo lendar majbut volilale?”
25314	LUK 7:50	A vo phendas e manušnjaće: “Zbog ćiro paćipe tu san spasime. Dža ando miro e Devlesa!”
25315	LUK 8:1	Pale godova o Isus džalas andar o gav dži ko gav, thaj propovedilas thaj navestilas e bahtali nevimata katar o carstvo e Devlesko. Pale leste džanas e dešuduj apostolurja
25317	LUK 8:3	e Jovana e Huzašći romnji savo sas e Irodosko upravitelj, e Suzana, thaj but aver save pomožisardine e Isuse thaj e dešudujen apostolen pire lovenca thaj okoleja so saslena.
25324	LUK 8:10	A vo phendas lenđe: “Tumen o Del dijas gođi te džanen e tajne e Devlešće carstvošće, a averenđe si dino samo ande paramiča, kaj ando Sveto lil ačhel ramome: ‘te vi ako dićhen či primetin, te vi ako čhon kan a či haćaren.’
25338	LUK 8:24	Aviline ko Isus, džungadine les thaj čhutine muj: “Sikavneja, sikavneja, tasados!” Vo džungadilo, thaj zapovedisarda e bavlajaće thaj e valovenđe. Thaj e valurja smirisajle thaj nastanisarda tišina.