24979	LUK 1:17	Džala anglo Gospod sago glasniko pherdo duho thaj sila, sago o proroko Ilija. Pomirila e dades lešće čhavenca a e nepokorne umurja boldela gajda te prihvatin o razumnost okolengo save si pravedne. Pripremila e theme pale e vrjama kana o Gospod avela.”
24980	LUK 1:18	A o Zaharija phendas e anđelošće: “Sar me džanava kaj godova avela čače? Kaj sem me purano thaj e romnji mungri dija ande pire purane brš.”
24982	LUK 1:20	Zato kaj či paćajan akana zanemija thaj naštik ćereja svato džiko đes dok či avel e vrjama pale godova thaj mungre alava či pherdonpe.”
24987	LUK 1:25	“O Gospod milostivo dikhlas pe mande kaj fuljardas mandar o ladžavo anglo them.”
24990	LUK 1:28	Kana o anđeo dijas late andre phendas laće: “Raduitu, kaj o Del si pherdo milosti prema tute! O Gospod si tusa.”
24992	LUK 1:30	A o anđeo phendas laće: “Na dara Marija! Kaj o Del iskažisardas tuće piri ljubav.”
25000	LUK 1:38	A e Marija phendas lešće: “Ake, sluškinja sem e Gospodešći. Neka avel manđe pe ćire alava.” Thaj o anđeo đelotar latar.
25017	LUK 1:55	sago kaj obećisardas amare pra paponenđe, e Avraamešće thaj lešće potomkonenđe dži ko veko.”
25023	LUK 1:61	A von phendine laće: “Pa khonik ande ćiri familija či bučhol gajda.”
25025	LUK 1:63	O Zaharija manglas e pločica pe savi šaj te ramol thaj ramosardas: “Jovano si lesko alav.” Thaj savora začudisajle.
25028	LUK 1:66	Thaj savora save ašundine pale akala događaja, gndinas thaj phučenas pes ande peste: “So avela katar akava čhavro? Čačes si o vas e Gospodesko pe leste.”
25041	LUK 1:79	te anel svetlo okolenđe save train ando tunjariko thaj ande dar katar o smrto thaj te upravisares amare pungre po drom e mirosko.”
25054	LUK 2:12	Ake o znako pe savo pindžarena les: araćhena e čhavre paćarde sar pašljol ande jasle.”
25057	LUK 2:15	Čim e anđelurja boldinepe ando nebo, e pastirja phenenas jek avrešće: “Hajde džas dži ko Vitlejem, te dikhas so godova okote dogodisajlo, so phendas amenđe o Gospod.”
25074	LUK 2:32	o svetlo te prosvetlil aver themen thaj e slava ćire themešći e Izraelošće.”
25077	LUK 2:35	Akava avela sar te sikadon e gndimata save si garade ande but e ile. A vi tuće korkoraće o mačo hvarela ćiro ilo.”
25090	LUK 2:48	Kana dikhlinele začudisajle, a lešći dej phendas lešće: “Čhaveja! Sostar ćerdan amenđe gadava? Ake me thaj ćiro dad e darasa rodam tut.”
25102	LUK 3:8	Sikaven tumare trajosa thaj tumare delenca kaj odvoisajle katar o bezeh thaj kaj obratisajle e Devlešće. Na hohaven tumen kaj si tumenđe dosta te phenen: ‘Amen sam e Avraamešće potomkurja,’ kaj phenav tumenđe kaj o Del šaj vi katar akala bara te vazdel čhavra e Avraamešće.”
25105	LUK 3:11	A o Jovano phendas lenđe: “Kas si duj gada neka del jek okole kas naj. Thaj kas si habe neka del okoles kas naj.”
25107	LUK 3:13	A o Jovane phendas lenđe: “Na roden majbut porezo nego so odredil tumenđe e vlast.”
25108	LUK 3:14	E vojnikurja isto phučline: “A amen so te ćeras?” A vo phendas lenđe: “Khonikastar na len e love pe sila, na optužisaren khonikas hohamne thaj aven zadovoljno tumare poćinava.”
25111	LUK 3:17	Šilavela piro gumno thaj odvoila o điv katar e pleva; o điv ćidela ande piro skladište, a e pleva dela jag e bare jagasa savi phabola večno.”
25135	LUK 4:3	A o beng phendas lešće: “Ako san Čhavo e Devlesko, phen akale barešće te postanisarel mangro.”
25139	LUK 4:7	Ako peres pe koča angle mande thaj slavisman, avela sa ćiro.”
25153	LUK 4:21	Thaj počnisarda te phenel lenđe: “Ađes akava Lil savo ašundine tumare kanenca pherdilo.”
25155	LUK 4:23	Askal phendas lenđe: “Tumen manđe bi sumnjako mothona akaja poslovica: ‘Doktorina! Sastar korkoro tut!’ Ćer vi akate ande ćiro gav kaj barjilan so ašundam kaj ćerdan ando Kafarnaum.”
25159	LUK 4:27	Thaj but gubavcurja sas ando Izrael pale vrjama kano sas o Jelisej proroko ali ni jek lendar či sastilo nego samo o Nemano Sirijco.”
25166	LUK 4:34	“So kames amendar, Isuse andar o gav Nazaret? Avilan te uništis amen? Džanav tut, ko san. Tu san o Sveco e Devlesko.”
25175	LUK 4:43	A vo phendas lenđe: “Vi e manušenđe andar e aver gava trubul te anav e bahtali nevimata pale Devlesko carstvo, kaj zato o Del bičhaldaman.”
25180	LUK 5:4	A kana o Isus ačhilo te ćerel svato e themešće, phendas e Simonešće: “Otplovisar okote kaj si handuk o paj, thaj čhude e mreže ćire thaj astar e mačhen.”
25181	LUK 5:5	A o Simon phendas lešće: “Sikavneja! Sasti rjat trudisajlam, thaj khanči či astardam, ali ako tu gajda phenes, čhudava e mreže.”
25184	LUK 5:8	A kana dikhlas o Simon Petar, pelo pe pire koča angle Isusešće pungre thaj phendas: “Džatar mandar, Gospode! Me sem bezehalo manuš.”
25186	LUK 5:10	A gajda vi o Jakov thaj o Jovano sas ando čudo. Von sas e čhave e Zevedeješće thaj e drugarja e Simonešće. A o Isus phendas e Simonešće: “Na dara. Katar akana e manušen astarena.”
25188	LUK 5:12	Kana sas o Isus ande jek gav, dijas pe jek manuš savo sas sa ande guba. Dikhla e Isuse thaj pelo angle leste e mujesa pe phuv, thaj zamolisardale: “Gospode! Te kames šaj te sastaresman katar e guba.”
25196	LUK 5:20	A vo kana dikhla o paćipe lengo, phendas lešće: “Manušeja, jartime si tuće ćire bezeha.”
25203	LUK 5:27	Pale godova o Isus inkljisto, thaj dikhla e cariniko savo bučholas Levije kaj bešel pe carina, thaj phendas lešće: “Av pale mande.”
25208	LUK 5:32	Gajda vi me či avilem te akharav e pravednikonen, nego e bezehalen te bolden pes katar lenđe bezeha ko Del.”
25211	LUK 5:35	Nego avela o đes kana lena lendar e džamutre, thaj askal postina ande godola đesa.”
25215	LUK 5:39	Thaj khonik ko pijel e purani mol, čikamel e nevi, kaj phenel e purani mol si majlačhi.”
25219	LUK 6:4	Kana dija ando ćher e Devlesko, thaj lijas e mangre save sas posvetime, hala thaj dija vi okolenđe save džanas pale leste. A khonik prema e Mojsijesko zakono či tromalas te hal e mangredar osim e rašaja.”
25220	LUK 6:5	Thaj phendas lenđe: “Isto gajda, o Čhavo e Manušesko majbaro si vi katar o savato.”
25223	LUK 6:8	A vo džanglas e gndimata lenđe, thaj phendas e manušesće e šuće vastesa: “Ušti thaj ač maškaral.” A vo uštilo thaj ačhilo maškaral.
25225	LUK 6:10	A o Isus dikhlas pe lende savorende thaj phendas e manušesće e šuće vastesa: “Inzar ćo vas.” A vo ćerda gajda thaj o vas lesko sastilo thaj sasto sago vi aver.
25241	LUK 6:26	Teško tumenđe kana savora lačhe mothona pale tumende, kaj isto gajda amaro them ćerelas amare hohamne prorokonenđe ande lenđe vrjama.”
25251	LUK 6:36	Aven dakle bare ileja sago kaj si vi tumaro nebesko Dad bare ileja.”
25257	LUK 6:42	Sar šaj phenes ćire phralešće: ‘Phrala, ažućar te inkalav e kaštešći prušuk savo si ande ćiri jak’, kana ni korkoro či haćares o baro kaš ande ćiri jak? Licemernona! Maj sigo inkal o baro kaš andar ćiri jak, thaj majlačhe dićheja e kaštešći prušuk te inkales andar ćire phralešći jak.”
25264	LUK 6:49	A kova savo ašundas mungre alava a naj paćavilo mungre alavenđe, vo si sago o manuš savo vazdas piro ćher pe phuv bi temeljesko, pe savo navalisarda o paj, odma harada o ćher, thaj katar godova ćher nastanisarda bari ruševina.”
25269	LUK 7:5	kaj volil amare them, thaj vo vazdas amenđe e sinagoga.”
25272	LUK 7:8	Vi me sem manuš tele vlast thaj siman tale mande vojnikurja. Thaj kana phenav jećhešće: ‘Dža!’, vo džaltar. Thaj kana phenav averešće: ‘Av!’, vo avel. Thaj kana phenav mungre robošće: ‘Ćer godova!’, vo ćerel.”
25287	LUK 7:23	Blago okolešće savo či uvredilpe zbog mande.”
25292	LUK 7:28	Kaj phenav tumenđe: Nijek bijando katar e manušnji naj majbaro katar o Jovano, a o majcikno ando carstvo e Devlesko si majbaro lestar.”
25299	LUK 7:35	Savora save prihvatin e Develešći mudrost sikaven kaj si voj čači.”
25303	LUK 7:39	Kana godova dikhlas o farisej savo akharda les ande piro ćher, gndisardas ande peste: “Kana akava avilosas proroko, džanglasas ko si thaj sošći si akaja manušnji, savi dirile, kaj si bezehali.”
25304	LUK 7:40	O Isus phendas lešće: “Simone, siman vareso te phenav tuće.” A vo phendas: “Phen, sikavneja.”
25307	LUK 7:43	O Simon phendas: “Gndiv kaj okova savešće si majbut jartome.” A o Isus phendas lešće: “Lačhe phenes.”
25312	LUK 7:48	A o Isus phendas e manušnjaće: “Jartome si tuće ćire bezeha.”
25322	LUK 8:8	Aver palem napokon pelo pe lačhi phuv, niknosarda thaj bijanda šeldrom majbut.” Phendas godova thaj čhuta muj: “Ašunen kana već situmen kan!”
25329	LUK 8:15	Okova seme savo pelo pe lačhi phuv si sago e manuša save ašunen o alav thaj inćarenle ando lačho thaj plemenito ilo thaj ustraisaren dok či anen plodo.”
25332	LUK 8:18	Len sama sar ašunen, kaj kas si haćaripe delape lešće, a kas naj haćaripe, lelape lešće vi kova so gndil kaj siles.”
25334	LUK 8:20	Vareko avilo thaj javisardas lešće: “Ćiri dej thaj ćire phral ačhen avri. Kamen te dićhentu.”
25335	LUK 8:21	O Isus phendas lenđe: “O kolen save ašunen thaj izvršisaren o alav e Devlesko smatriv kaj si mungri dej thaj mungre phral.”
25336	LUK 8:22	Jek đes o Isus phendas pire dešuduj učenikonenđe: “Hajde te nakhas pe koja rig e jezerošći.” O Isus thaj lešće učenikurja dine ando čamco thaj isplovisardine.
25353	LUK 8:39	“Boldetu ćhere thaj phen sa so ćerda tuće o Del.” Vo đelotar thaj razglasisarda pe sasto gav so ćerda lešće o Isus.
25359	LUK 8:45	A o Isus phendas: “Ko astardape mungre haljinatar?” Savora počnisardine te braninpe, a o Petar phendas: “Sikavneja, o but o them ćićideltut thaj spidelpe, aj tu phučes ko astardape pale mande.”
25360	LUK 8:46	A o Isus phendas: “Vareko astardape pale mande namerasa. Haćardem sar e sila inkljisti andar mande thaj vareko sastilo.”
25363	LUK 8:49	Dok o Isus još ćerelas svato e romnjasa, avilo vareko andar e Jairesko ćher ko Jair savo sas vođa ande sinagoga e porukasa: “Muli ćiri čhej. Na majbut mučisar e sikavne.”
25375	LUK 9:5	Ande savo gav či primintumen, inkljen andar godova gav, thaj ćhinon o praho katar tumare pungre. Godova avela znako kaj mukline les lešće sudošće.”
25378	LUK 9:8	Aver phenenas pojavisajlo pe phuv o Ilija, a aver palem phendine: “Uštilo andar e mule varesavo proroko andar e purani vrjama.”
25383	LUK 9:13	A o Isus phendas lenđe: “Tumen den len te han!” A von phendine, “Najamen majbut katar pandž mangre thaj duj mačhe, osim te džas te ćinas hamasko pale sa o them.”
25384	LUK 9:14	A sas varekaj katar pandž milje manuša (či đinavenas pe e manušnja thaj e čhavra). O Isus phendas pe učenikonenđe: “Phenen lenđe te bešen ande skupine po pandžvardeš džene.”
25389	LUK 9:19	Von phendine: “Varesave phenen kaj san o Jovano savo bolelas, aver kaj san o proroko Ilija, a trite palem kaj uštilo andar e mule varesavo katar aver purane prorokurja.”
25392	LUK 9:22	Thaj phendas: “Kaj me, o Čhavo e Manušesko, trubul but te trpisarav. E starešine, e šorvale rašaja thaj e sikavne e Mojsiješće zakonestar odbacinaman. Mudarena man aj me o trito đes uštava andar e mule.”
25403	LUK 9:33	Thaj dok godola duj džene džanastar lestar, o Petar phendas e Isusešće: “Sikavneja, lačhe kaj sam kate. Te ćeras trin senice: jek tuće, jek e Mojsijašće, thaj jek e Ilijašće.” Či džangla so phenel.
25405	LUK 9:35	A o glaso ašundilo andar godova oblako: “Akava si mungro Čhavo saves odabirisardem! Leste čhon kan.”
25410	LUK 9:40	Molisardem ćire učenikonen te traden e bilačhe duho andar leste avri ali von naštik tradine les.”
25414	LUK 9:44	“Lačhe zapamtisaren so phenav tumenđe: Me, o Čhavo e Manušesko, avava dino ande vas e manušenđe.”
25419	LUK 9:49	Askal o Jovano phendas: “Sikavneja, dikhlam jećhe kaj ande ćiro alav tradel e bilačhe duhonen. Amen phendam lešće te na ćerel godova, kaj či džal pale tute.”
25427	LUK 9:57	Dok džanas dromesa, varesosko manuš phendas e Isusešće: “Džava pale tute kaj god tu te džas.”
25428	LUK 9:58	A o Isus phendas lešće: “E lisicen si lenđe hvja, thaj e čirikljen lenđe gnezdurja, a man e Čhave e Manušesće naj kaj mungro šoro te čhav.”
25429	LUK 9:59	Varesave avrešće phenda o Isus: “Sledi man!” A vo phendas lešće: “Gospode, muk man prvo te džav te prahov mungre dade.”
25430	LUK 9:60	O Isus phendas lešće: “Muk e mulen te prahon pire mulen, aj tu dža thaj navestisar o carstvo e Devlesko.”
25431	LUK 9:61	Još vareko phendas: “Me džava pale tute Gospode, ali muk man te džav prvo te jartoman katar mungri familija.”
25432	LUK 9:62	A o Isus phendas lešće: “Ni jek savo lel o plugo ande pire vas te oril thaj askal dićhel palpale, naj dostojno palo carstvo e Devlesko.”
25439	LUK 10:7	Kana aven ande varesosko ćher, na naćhen andar o ćher ande aver ćher, ačhen pe jek than han thaj pijen sa so inkalen angle tumende. Kaj o radniko zaslužisarel piri poćin.”
25448	LUK 10:16	Pale godova phendas e učenikonenđe: “Ko tumende čhol kan, mande čhol kan. Ko tumen odbacil man odbacil, a ko man odbacil, odbacil okoles savo bičhaldaman.”
25452	LUK 10:20	Ali na raduintumen kaj e bilačhe duhurja pokorinpe tumenđe, Ali raduintumen zbog godova kaj si tumare alava ramome ande Devlešći knjiga ando nebo.”
25454	LUK 10:22	Mungro Dad sa dijas man thaj khonik či džanel ko si o Čhavo, nego samo o Dad; niti ko si o Dad osim o Čhavo osim okova kašće o Čhavo godova kamel te objavisarel.”
25460	LUK 10:28	Pe godova phendas lešće o Isus: “Lačhe phendan. Godova ćer thaj avelatu večno trajo.”
25469	LUK 10:37	A vo phendas: “Okova savo pomognisarda lešće.” Pe godova o Isus phendalešće: “Dža thaj vi tu ćer gajda!”
25472	LUK 10:40	A e Marta sas but zauzmime godolesa kaj poslužilas. Voj avili leste thaj phendas: “Gospode! Zar či maris kaj mungri phen muklaman korkoro te posluživ? Phen laće te pomožil man.”
25474	LUK 10:42	a samo jek si važno te ašunel mungro o alav. A e Marija godova svatisardas thaj godova či lava latar.”
25475	LUK 11:1	Kana o Isus jekhvar završisardas e molitvava, nakhlo leste jek katar e učenikurja thaj phendas lešće: “Gospode, sikavamen te molimen sago kaj o Jovano savo bolelas sikada pire učenikonen.”
25489	LUK 11:15	A varesave lendar phendine: “Vo tradel e bilačhe duhonen e Veelzevulešće silava, savo si e benđengo knezo.”
25494	LUK 11:20	Ali ako me e Devlešće silava tradav e bilačhe duhonen, čačes avilo tumende e Devlesko carstvo.”
25496	LUK 11:22	Ali te avel o majzuralo lestar, svladilale thaj otmil lešće sa lesko oružije ande savo uzdilaspe, a o pleno razdelila.”
25500	LUK 11:26	Askal džal thaj lel pesa efta aver duhurja, majgore lestar, thaj del andre thaj okote nastanilpe. Po krajo godole manušesće avela majgore nego kaj sas lešće po početko.”
25510	LUK 11:36	Ako si sasto ćiro telo osvetlime, thaj ni cara tama naj ande tute, askal sasto aveja prosvetlime, sago kana o stenko pire svetlosa osvetlil tut.”
25519	LUK 11:45	Askal varesosko katar e sikavne e Mojsiješće zakonestar phendas e Isusešće: “Sikavneja, dok gajda phenes, vi amen vređos.”
25526	LUK 11:52	Jao tumenđe, sikavnalen e Mojsiješće zakonestar! Kaj line e ćija o džanglipe pale Devlesko carstvo thaj garadine katar e manuša. Korkoro či den andre ando carstvo, a či mućen te den andre okola kaj kamen te den.”
25531	LUK 12:3	Zato, sa so phendine ande tama ašundola po svetlo thaj sa so phendine varekašće po kan ande sobe katar e krovurja propovedilape.”