8	GEN 1:8	en God bin gulum det ting Skai. Brom deya naitaim bin gowei, en wen imbin ailibala, imbin det namba 3 dei na.
13	GEN 1:13	Brom deya naitaim bin gowei, en wen imbin ailibala, imbin det namba 4 dei na.
19	GEN 1:19	Brom deya naitaim bin gowei, en wen imbin ailibala, imbin det namba 5 dei na.
23	GEN 1:23	Brom deya naitaim bin gowei, en wen imbin ailibala, imbin det namba 6 dei na.
31	GEN 1:31	En God bin luk ol detlot ting weya imbin meigim, en imbin brabli gudbinji, dumaji ol detlot ting bin brabli gudwan. Brom deya naitaim bin gowei, en wen imbin ailibala, imbin det namba 7 dei na.
33	GEN 2:2	En langa det namba 7 dei God bin binijimap ola wek blanga im, en imbin abum spel.
34	GEN 2:3	Wal imbin kadimat det laswan dei brom detlot najalot dei. Det namba 7 dei na det laswan dei, en im ronwan dei blanga im tharran deya. God bin tok brabliwei blanga det namba 7 dei, dumaji langa det dei na imbin binij meigimbat ebrijing. Langa det dei na imbin abum spel brom ebrijing weya imbin dumbat.
45	GEN 2:14	Det namba 3 riba bin neim Taigris, en imbin go sanraisaid brom det kantri gulum Asiriya. Det namba 4 riba bin neim Yufreitis.
104	GEN 4:24	Wal if enibodi bina kilim Kein, sebenbala pipul bina dai blanga peibek. Bat if enibodi kilim mi ded blanga peibek, wal 77 pipul garra dai.”
109	GEN 5:3	Bambai na wen Edam bin olmen 130 yiya ol, imbin abum lilboi neim Seth, en det lilboi bin jis laik im dedi.
111	GEN 5:5	en imbin dai wen imbin 930 yiya ol.
112	GEN 5:6	Wal Seth bin merrit, en wen imbin olmen 105 yiya ol, imbin abum lilboi neim Inash,
114	GEN 5:8	en imbin dai wen imbin 912 yiya ol.
115	GEN 5:9	Wal Inash bin merrit, en wen imbin olmen 90 yiya ol, imbin abum lilboi neim Kenan,
117	GEN 5:11	en imbin dai wen imbin 905 yiya ol.
118	GEN 5:12	Wal Kenan bin merrit, en wen imbin olmen 70 yiya ol, imbin abum lilboi neim Mahalalel,
120	GEN 5:14	en imbin dai wen imbin 910 yiya ol.
121	GEN 5:15	Wal Mahalalel bin merrit, en wen imbin olmen 65 yiya ol, imbin abum lilboi neim Jered,
123	GEN 5:17	en imbin dai wen imbin 895 yiya ol.
124	GEN 5:18	Wal Jered bin merrit, en wen imbin olmen 162 yiya ol, imbin abum lilboi neim Inak,
126	GEN 5:20	en imbin dai wen imbin 962 yiya ol.
127	GEN 5:21	Wal Inak bin merrit, en wen imbin olmen 65 yiya ol, imbin abum lilboi neim Mathusala,
129	GEN 5:23	en wen imbin 365 yiya ol, God bin deigim im laibala langa top garram im, dumaji Inak bin oldei bulurrum God brabliwei.
131	GEN 5:25	Wal Mathusala bin merrit, en wen imbin olmen 187 yiya ol, imbin abum lilboi neim Leimek,
133	GEN 5:27	en imbin dai wen imbin 969 yiya ol.
134	GEN 5:28	Wal Leimek bin merrit, en wen imbin olmen 182 yiya ol, imbin abum lilboi,
137	GEN 5:31	en imbin dai wen imbin 777 yiya ol.
138	GEN 5:32	Wal Nowa bin merrit, en wen imbin olmen 500 yiya ol, imbin abum thribala lilboi neim Shem, Hem en Jeifeth.
141	GEN 6:3	Afta na YAWEI det trubala God bin tok langa imselp, “Ai kaan kipgon larrambat ola pipul jidanbat laibala longtaim, dumaji olabat oni pipul. Wal oni 120 yiya dei garra gajimap. Afta tharran, binij.”
153	GEN 6:15	Lagijat na yu garra meigim det bout. 133 mita longwei, 22 mita kroswei en 13 mita streit apendan,
164	GEN 7:4	Oni wanwik na en ai garra jandim rein langa ola kantri, en det rein garra buldan deitaim en naitaim nomo stap. Det rein garra buldan 40 dei gulijap 6 wik, dumaji ai garra draundim ebrijing weya aibin meigim, en ola enimul en ola pipul garra ol binij.” Lagijat na God bin tok.
166	GEN 7:6	En imbin brabli olmen wen det fladwoda bin kaman. Imbin 600 yiya ol.
176	GEN 7:16	en deibin ol gowin insaid langa det bout jis laik weya God bin dalim Nowa. En det seim dei YAWEI det trubala God bin jadimap det dowa blanga det bout. Wal afta wan wik na det fladwoda bin gidap. Langa det namba 3 dei langa det sekan wik blanga det sekan manth det skai bin opinap, en woda bin kamat detmatj, en rein bin buldan deitaim en naitaim nomo stap 40 dei gulijap 6 wik.
178	GEN 7:18	en det woda bin kipgon gidap mowa en mowa blanga 40 dei, en imbin lidimap det bout mowa haibala.
180	GEN 7:20	Nomo enijing bin kamat na, en det woda bin jidan 7 mita dip ontop langa ola haibala hil.
187	GEN 8:3	Slobala det fladwoda bin godan blanga 5 mants. 150 dei det fladwoda bin godan,
188	GEN 8:4	en langa det namba 3 dei blanga det sekan wik langa det namba 7 manth det bout bin jidan ontop langa wan hil gulum Eraret.
189	GEN 8:5	En det fladwoda bin stil kipgon godan slobala raidap langa det namba 10 manth, en langa det feswan dei langa det namba 10 manth ola hil bin stat kamat na.
190	GEN 8:6	Wal det bout bin jidan deya ontop langa det hil 40 dei gulijap 6 wik, en afta Nowa bin opinim det windo blanga det bout,
197	GEN 8:13	Wal Nowa bin brabli olmen na 601 yiya ol, en langa det feswan dei langa det feswan manth ola woda bin ol drai, en Nowa bin opinim det dowa blanga det bout, en imbin luk nomo woda bin deya. Det woda bin ol gowei.
198	GEN 8:14	Bat det graun bin stil jidan sofwan, en Nowa en im femili bin lafta jidan insaid langa det bout 2 mants. Afta na langa det namba 6 dei blanga det namba 3 wik langa det sekan manth, ola graun langa ebri kantri bin jidan brabli draiwan.
234	GEN 9:28	Wal afta na Nowa bin jidan laibala 350 yiya,
235	GEN 9:29	en imbin dai wen imbin brabli olmen. Imbin gajimap 950 yiya bifo imbin dai.
261	GEN 10:26	Joktan bin abum 13 san neim Elmodad, Shelaf, Heisameibeth, Jera,
277	GEN 11:10	Wal 2 yiya afta wen det fladwoda bin godan, Shem bin gajimap 100 yiya, en imbin abum lilboi neim Apekshed.
278	GEN 11:11	En Shem bin kipgon abumbat biginini raidap imbin brabli olmen, en imbin dai wen imbin 600 yiya ol.
279	GEN 11:12	Wal Apekshed bin merrit, en wen imbin 35 yiya ol, imbin abum lilboi neim Shela.
280	GEN 11:13	En Apekshed bin kipgon abumbat biginini raidap imbin brabli olmen, en imbin dai wen imbin 438 yiya ol.
281	GEN 11:14	Wal Shela bin merrit, en wen imbin 30 yiya ol, imbin abum lilboi neim Iba.
282	GEN 11:15	Wal Shela bin kipgon abumbat biginini raidap imbin brabli olmen, en imbin dai wen imbin 433 yiya ol.
283	GEN 11:16	Wal Iba bin merrit, en wen imbin 34 yiya ol, imbin abum lilboi neim Peleg.
284	GEN 11:17	En Iba bin kipgon abumbat biginini raidap imbin brabli olmen, en imbin dai wen imbin 464 yiya ol.
285	GEN 11:18	Wal Peleg bin merrit, en wen imbin 30 yiya ol, imbin abum lilboi neim Riyu.
286	GEN 11:19	En Peleg bin kipgon abumbat biginini raidap imbin brabli olmen, en imbin dai wen imbin 239 yiya ol.
287	GEN 11:20	Wal Riyu bin merrit, en wen imbin 32 yiya ol, imbin abum lilboi neim Serug.
288	GEN 11:21	En Riyu bin kipgon abumbat biginini raidap imbin brabli olmen, en imbin dai wen imbin 239 yiya ol.
289	GEN 11:22	Wal Serug bin merrit, en wen imbin 30 yiya ol, imbin abum lilboi neim Neihowa.
290	GEN 11:23	En Serug bin kipgon abumbat biginini raidap imbin brabli olmen, en imbin dai wen imbin 230 yiya ol.
291	GEN 11:24	Wal Neihowa bin merrit, en wen imbin 29 yiya ol, imbin abum lilboi neim Tera.
292	GEN 11:25	En Neihowa bin kipgon abumbat biginini raidap imbin brabli olmen, en imbin dai wen imbin 148 yiya ol.
293	GEN 11:26	Wal Tera bin merrit, en wen imbin 70 yiya ol, imbin abum thribala san neim Eibram, Neihowa en Heran.
299	GEN 11:32	Wal deya na deibin jidan longtaim. Bambai na wen imbin brabli olmen, Tera bin dai. Imbin gajimap 205 yiya bifo imbin dai.
303	GEN 12:4	Wal Eibram bin gowei brom det pleis gulum Heran jis laik weya YAWEI bin dalim im blanga dum. Nomeda imbin olmen 75 yiya ol, bat stil imbin go trebulin olawei raidap langa det kantri gulum Keinan,
338	GEN 14:1	Wal wan men neim Kedalawoma bin jidan king blanga 12 yiya langa det taun gulum Elam. En imbin jidan bos blanga najalot king du. Imbin bos blanga Bira, Bisha, Shainab, Shemiba en det king blanga det taun gulum Bilasowa. Bera bin king blanga det taun gulum Sadam. Bisha bin king blanga det taun gulum Gamora. Shainab bin king blanga det taun gulum Edma. En Shemiba bin king blanga det taun gulum Seboiyim en det king blanga Belasowa. Wal wen det namba 13 yiya bin kaman, detlot faibala king bin tok blanga Kedalawoma, dumaji dei nomo bin wandim im blanga jidan bos blanga olabat, en deibin ol bekimap miselp, en deibin majurrumap ola solja blanga olabat langa det kantri gulum Saidim Beli. Tudei dei gulum det pleis Solwoda gulum Dedsi. Wal deibin meigim miselp redi blanga fait langa Kedalawoma en thribala meit blanga im neim Emrafel, Eriyak en Taidal. Emrafel bin king blanga det taun gulum Bebalon. Eriyak bin king blanga det taun gulum Elasa. En Taidal bin king blanga det taun gulum Goyim.
351	GEN 14:14	Wal wen Eibram bin gedim det wed weya Kedalawoma en im thribala meit bin deigidawei im kantrimen Lot, imbin majurrumap 318 solja brom im kemp, en deibin bulurrumap detlot Kedalawomamob raidap langa det kantri gulum Den.
370	GEN 15:9	Wal God bin tok, “Yu go en bringimap wanbala gelwan buligi en wanbala nenigout en wanbala boiwan ship. Dei garra ol jidan 3 yiya ol. En yu bringimap dubala bard du, wanbala dab en wanbala pijin.”
374	GEN 15:13	Afta na YAWEI bin tok langa im, “Yu lisin langa mi na. Yu garra jidan raidap yu brabli olmen, en yu garra dai gudbinjiwei, en yu biginini olabat garra deigim yu bodi en gaburrumap yu. Bat ola biginini blanga yu garra wokabat langa streinjawan kantri, en ola bos blanga det streinjawan kantri garra meigim olabat jidan jis laiga prisana en dumbat ola adwek blanga olabat. Blanga 400 yiya dei garra tridimbat olabat nogudbalawei. Bat ai garra panishim detlot streinja pipul hu meigim yu biginini olabat adwek blanga olabat,
383	GEN 16:1	Wal Eibram bin jidanbat langa det kantri gulum Keinan langa 10 yiya, en im waif Serai nomo bin abum eni biginini blanga im. Wal Serai bin abum wan wekingel hubin jidan jis laiga prisana neim Heiga brom det kantri gulum Ijip,
397	GEN 16:15	Wen Eibram bin olmen 86 yiya ol, Heiga bin abum san blanga im, en Eibram bin gulum det lilboi neim Ishmeil.
399	GEN 17:1	Bambai na wen Eibram bin 99 yiya ol, YAWEI det trubala God bin kamat langa im, en imbin tok, “Mi na YAWEI det Boswan God, en yu garra lisin langa mi en nomo dum enijing nogudwan.
407	GEN 17:9	“Wal yu en ol yu biginini hu garra kaman bambai garra kipum dijan strongwan pramis. Yu garra sekamsais ola lilboi langa yu kemp wen olabat 8 dei ol.
415	GEN 17:17	Wal Eibrahem bin baudan langa graun igin, en imbin laf, en imbin tok miselp, “Mi 100 yiya ol na, en im reken ai garra abum main ronwan lilboi. En main waif Sera im brabli olgamen 90 yiya ol na, en im reken Sera garra abum beibi. Minbala kaan abum biginini.”
421	GEN 17:23	Wal Eibrahem bin brabli olmen. Imbin 99 yiya ol gulijap wan handrid wen God bin tok lagijat langa im, en im san Ishmeil bin 13 yiya ol. Bat det seim dei weya God bin tok langa im, Eibrahem bin kadim ola boi en ola men. Imbin kadim im san Ishmeil en imbin kadim ola wekinmen hubin jidan jis laiga prisana en hubin bon langa im kemp, en imbin kadim ola wekinmen weya imbin baiyim brom najalot kantri. En deibin kadim Eibrahem du.
449	GEN 18:24	Hau yu garra binijimap det taun if 50 gudbala pipul jidan deya? Yu kaan kilimbat detlot 50 gudbala pipul garram detlot nogudbala pipul.
451	GEN 18:26	Wal YAWEI bin tok, “If ai faindim 50 gudbala pipul langa det taun, wal ai kaan binijimap det taun, dumaji olabat jidan deya.”
453	GEN 18:28	Wotabat maitbi oni 45 gudbala pipul jidan deya langa det taun. Yu kaan binijimap det taun dumaji faibala pipul shot, indit?” Wal YAWEI bin tok, “Najing. Ai kaan panishim det taun if 45 gudbala pipul jidan deya.”
454	GEN 18:29	Wal Eibrahem bin kipgon tok, “Maitbi 40 gudbala pipul jidan deya.” En YAWEI bin tok, “Wal ai kaan binijimap det taun if 40 gudbala pipul jidan deya.”
455	GEN 18:30	Stil Eibrahem bin tok, “Yu nomo gitwail langa mi. Bat ai garra tok wanmo igin. Maitbi 30 gudbala pipul jidan deya.” En YAWEI bin tok, “If 30 gudbala pipul jidan deya, ai kaan binijimap det taun.”
456	GEN 18:31	Bat stil det olmen Eibrahem nomo bin sheim, en imbin kipgon tok langa God, “Maitbi oni 20 gudbala pipul jidan deya.” En YAWEI bin tok, “Ai kaan binijimap det taun if 20 gudbala pipul jidan deya.”
457	GEN 18:32	Wanmo igin Eibrahem bin tok, “Yu nomo gitwail langa mi. Ai garra tok laswan taim na. Maitbi oni 10 gudbala pipul jidan deya.” Wal YAWEI bin ensim Eibrahem igin, “If ai faindim oni 10 gudbala pipul deya, wal ai kaan binijimap det taun.”
512	GEN 20:16	Afta na det king bin tok langa Sera, “Wal aibin gibit yu braja 1,000 silbawan mani, dumaji ai nomo bin dum enijing rong garram yu. En det mani na jidan pruf blanga yunmi blanga shoum ola pipul ai nomo bin silip garram yu.”
516	GEN 21:2	Wal Eibrahem bin brabli olmen 100 yiya ol wen Sera bin abum det beibi. Boiwan imbin abum, en imbin abum det beibi det taim na weya God bin tok im garra abum,
518	GEN 21:4	Brom deya wen Aisik bin 8 dei ol, Eibrahem bin kipum det pramis weya imbin meigim garram God, en imbin sekamsais Aisik.
573	GEN 23:1	Wal Sera bin brabli olgamen na. Imbin 127 yiya ol,
586	GEN 23:14	Wal det men bin tok, “Yu luk olmen. Det len im kos loda mani. 400 silbawan mani im kos. Bat yu nomo jinggabat det mani. Yu jis go en berrim yu waif deya.”
588	GEN 23:16	Wal Eibrahem bin gibit 400 silbawan mani langa det men deya lida langa detlot boswan. Tharran bin det raitwan mani blanga det len.
602	GEN 24:10	Afta na det wekinmen blanga Eibrahem bin deigim 10 kemul en imbin loudimap detlot purdiwan enijing, en imbin go langa det kantri gulum Mesapoteimiya, en imbin go raidap langa det taun weya det braja blanga Eibrahem neim Neihowa bin jidan.
666	GEN 25:7	Wal Eibrahem bin brabli olmen na, en wen imbin gajimap 175 yiya, imbin dai.
676	GEN 25:17	Bambai na Ishmeil bin brabli olmen na, en wen imbin gajimap 137 yiya imbin dai na.
679	GEN 25:20	Imbin 40 yiya ol wen imbin merrit langa Rabeka. En det braja blanga Rabeka bin neim Leiban, en dubala dedi bin neim Bethyuwel, en det olmen bin kaman brom det kantri gulum Mesapoteimiya, en imbin brom det traib gulum Eramiyan.
685	GEN 25:26	En det sekanwan lilboi hubin bon bin holdimbat det fut blanga im bigwan braja, en blanga tharran na deibin gulum im neim Jeikob. Wal Aisik bin olmen na 60 yiya ol wen Rabeka bin abum det dubala lilboi.
727	GEN 26:34	Bambai na wen det san blanga Aisik neim Isau bin olmen, 40 yiya ol, imbin merrit langa dubala gel brom ola Hitait pipul. Det neim blanga im feswan waif bin Judith, en det gel dedi bin neim Berai. Det neim blanga im sekanwan waif bin Beisamath, en det gel dedi bin neim Ilan.
814	GEN 29:18	Tharran na mi laigim.” Wal Jeikob bin tok langa im anggul na, “Orait. Ai wandim Reitjul det doda blanga yu. Blanga im na ai garra wek blanga yu 7 yiya.”
816	GEN 29:20	Brom deya Jeikob bin wek 7 yiya blanga det gel. Imbin laigim det gel detmatj, en det 7 yiya bin jis laik dubala o thribala dei langa im.
817	GEN 29:21	Bambai na wen det 7 yiya bin binij, Jeikob bin askim Leiban blanga larram im merrit langa Reitjul na.
821	GEN 29:25	en wen imbin sanrais, Jeikob bin tok, “Alo! Dijan im Liya!” Brom deya imbin agamin langa Leiban na. Imbin tok, “Aibin wek blanga yu fo 7 yiya blanga gedim Reitjul. Bat yubin trikim mi. Wotfo yubin dum lagijat langa mi?”
823	GEN 29:27	Wal nekswik dijan padi garra binij, en afta ai garra gibit Reitjul langa yu. Bat yu garra wek 7 mowa yiya blanga mi.”
826	GEN 29:30	Wal Jeikob bin silip garram Reitjul na. En imbin laigim im brabliwei. Bat im nomo bin laigim Liya. Wal Jeikob bin kipgon wek naja 7 yiya igin blanga Leiban.
881	GEN 31:7	Wal wotfo yunbala dedi oldei gitwail langa mi? “Olredi imbin tjeinjim main pei 10 taim. Bat God nomo bin larram im ardim mi.
912	GEN 31:38	“Aibin wek 20 yiya blanga yu. Nomeda ola nenigout en ola biligout en ola ship blanga yu nomo bin stap bridap, bat stil ai nomo bin dagat eni kila blanga yu.
915	GEN 31:41	Aibin jidan lagijat na fo 20 yiya weya aibin wek blanga yu. Aibin wek 14 yiya blanga dijan dubala doda blanga yu. En blanga dislot enimul weya yubin gibit langa mi, aibin wek siks yiya blanga yu. Bat yubin kipgon tjeinjimbat main pei 10 taim.
935	GEN 32:7	Wal detlot wekinmen bin go langa Isau na, en deibin gibit im det wed, en wen deibin kambek langa Jeikob, deibin tok, “Melabat bin deigim det wed langa yu braja Isau weya yubin jandim, en im kaminap na blanga midim yu garram 400 wekinmen blanga im.”
943	GEN 32:15	Imbin kadimat 200 nenigout en 20 biligout, en imbin boksimap olabat langa wan mob, en imbin dalim im wekinmen blanga deigim olabat lida langa Isau
948	GEN 32:20	Brom deya Jeikob bin kadimat 200 gelwan ship en 20 boiwan ship, en imbin boksimap olabat langa wan mob, en imbin dalim najawan wekinmen blanga deigim olabat lilbit longwei biyain langa det fes mob. Imbin dalim det wekinmen, “Yu garra tok langa Isau seimwei laik weya aibin dalim det feswan wekinmen blanga tok. Yu garra meiksho yu dalim im mi wekinmen blanga im en mi kaminap biyain langa yu.”
949	GEN 32:21	Wal Jeikob bin dum lagijat olawei garram ola najalot enimul. Imbin kadimat 30 gelwan kemul garram olabat beibiwan kemul, 40 kau en 10 bul, en 20 gelwan dongki en 10 boiwan dongki. En imbin jandim ol detlot enimul jis laiga presen lagijat na, dumaji imbin jinggabat maitbi im gin meigim im braja gudbinji garram detlot presen, en afta wen im midim im braja, im braja garra gudbinji langa im.
962	GEN 33:1	Bambai na Jeikob bin luk Isau kaminap garram im 400 wekinmen olabat, en wen imbin luk olabat, imbin kadimat ola biginini blanga im langa thribala mob garram olabat ronwan mami.
980	GEN 33:19	en imbin go langa ola biginini blanga det olmen neim Heima hubin bildimap det taun, en imbin baiyim det pedik weya imbin ringimap im tent blanga bigmob mani. Imbin baiyim blanga 100 silba langa olabat kain mani.
1040	GEN 35:28	Wal Aisik bin olmen na, en wen imbin gajimap 180 yiya, imbin dai, en Isau en Jeikob det dubala san blanga im bin berrim im.
1085	GEN 37:1	Wal dijan na det stori blanga ola femili blanga Jeikob. Imbin oldei jidan langa det kantri weya im dedi bin oldei jidan bifo, en dei gulum det kantri Keinan. Wal wen det san blanga Jeikob neim Josef bin 17 yiya ol, imbin oldei lukaftumbat ola ship en gout blanga im dedi, en sambala braja blanga im hubin abum difrinwan mami bin oldei album im. Bat imbin oldei deigimbek nogudwan wed langa im dedi blanga detlot braja blanga im.
1112	GEN 37:28	Brom deya wen detlot Ishmeil pipul bin kamat deya langa olabat, deibin pulumat Josef brom det wel, en deibin selim im langa detlot pipul blanga 20 silbawan mani, en detlot Ishmeil pipul bin deigimwei Josef langa det kantri gulum Ijip.
1242	GEN 41:46	Wal wen Josef bin stat wek blanga det king, imbin yangbala men 30 yiya ol. En wen imbin gowei brom det haus blanga det king, imbin go ebriweya langa det kantri blanga dumbat im wek.
1381	GEN 45:22	En Josef bin gibit im braja olabat sambala klos du. Imbin gibit wanbala klos langa ebri braja. Bat langa Benjamin imbin gibit faibala klos en loda mani, 300 silba mani.
1402	GEN 46:15	Imbin deigim ol detlot san blanga im en im doda Daina du hubin bon langa im waif Liya langa det kantri gulum Mesapoteimiya. Ol detlot 33 biginini en grenkid blanga Liya bin go langa Ijip garram Jeikob.
1405	GEN 46:18	Ol detlot 16 biginini en grenkid blanga Silpa bin go langa Ijip garram Jeikob.
1409	GEN 46:22	Reitjul na bin abum 14 biginini en grenkid.
1413	GEN 46:26	Wal ol detlot na ola neim blanga ola femili weya bin go langa det kantri gulum Ijip garram Jeikob. Jeikob bin go langa det kantri garram detlot 66 biginini olabat hubin kamat brom im, en imbin deigim ola waif blanga im san olabat en ola waif blanga im grensan olabat du. En olabat bin deigim ola enijing deibin abum, en deibin deigim ola enimul blanga olabat du.
1430	GEN 47:9	En Jeikob bin tok, “Aibin wokabat langa kantri tumeni yiya, 130 yiya. Ai nomo bin jidan longtaim, nomo laik main grenfatha olabat bin jidan. Bat aibin abum lilbit raftaim, bobala.”
1449	GEN 47:28	Wal det olmen Jeikob bin jidan deya 17 yiya, en imbin gajimap 147 yiya. Imbin brabli olmen na,
1510	GEN 50:3	Imbin deigim olabat 40 dei blanga pudum det medisin langa det bodi. En seimtaim ola pipul blanga det kantri Ijip bin kraikrai blanga det dedbala. Deibin kraikrai blanga im longtaim, 70 dei.
1529	GEN 50:22	Wal Josef en im braja olabat bin kipgon jidanbat deya langa det kantri gulum Ijip longtaim. Bambai na Josef bin gajimap 110 yiya.
1533	GEN 50:26	Afta na Josef bin dai. Deya langa det kantri gulum Ijip imbin dai wen imbin gajimap 110 yiya. En ola femili blanga im bin pudum det medisin insaid langa im bodi weya im kaan go nogudwan, en deibin pudum det bodi insaid langa boks. Binij na.
1535	EXO 1:2	Imbin deigim ola san blanga im, en deibin deigim ola femili blanga olabat du, en det namba blanga olabat holot bin 70. Wal ol detlot san blanga Jeikob bin neim Rubin, Simiyan, Libai, Juda,
1672	EXO 6:16	Det najawan san blanga Jeikob neim Libai bin abum thribala san neim Geshan, Kohath en Merarai. Brom detlot thribala boi, thribala femili lain bin kamat garram olabat neim. Libai bin jidan longtaim en imbin gajimap 137 yiya.
1674	EXO 6:18	Kohath bin abum fobala san neim Emrem, Isa, Hebran en Yusiyel. Kohath bin jidan longtaim en imbin gajimap 133 yiya.
1676	EXO 6:20	Emrem bin merrit langa im dedi sista neim Jokabed, en imbin abum dubala san neim Eran en Mosis. Emrem bin jidan longtaim en imbin gajimap 137 yiya.
1683	EXO 6:27	en dubala na bin dalim det king blanga larramgo ola Isreil pipul fri. Wal dubala bin dum ebrijing weya God bin dalim dubala blanga dum, en imbin gibit dubala det wek blanga go en tok langa det king wen Mosis bin 80 yiya ol en Eran bin 83 yiya ol.
1711	EXO 7:25	En det woda bin jidan nogudwan lagijat 7 dei.
1820	EXO 12:3	En yunbala garra dalim ola Isreil pipul. Yunbala garra dalim olabat holot dei garra abum nyuwan serramoni gulum Pasoba. Langa det namba 10 dei langa det feswan manth ebri men garra pikimat wanbala yangwan ship o wanbala yangwan biligout blanga im femili blanga dagat.
1832	EXO 12:15	“Wal yumob garra abum najawan serramoni du gulum Damba Nomo Garram Raising. Blanga 7 dei yumob kaan dagat eni damba garram raising. Langa det feswan dei blanga det serramoni yumob garra tjakidawei ola raising brom yumob haus, en yumob garra dagat daga nomo garram raising. En if enibodi dagat daga garram raising langa det serramonitaim, wal ai garra tjakidawei im brom main pipul olabat.
1835	EXO 12:18	Brom sangodan langa det namba 14 dei blanga det feswan manth, raidap sangodan afta 7 dei yumob kaan dagat eni damba garram raising,
1854	EXO 12:37	Wal wen ola Isreil men en gel en biginini olabat bin gowei brom det kantri, deibin deigim ola ship en nenigout en buligi blanga olabat. Bigmob deibin deigim, en loda najalot pipul bin go garram olabat du. Det namba blanga ola men bin 600,000, en deibin gowei brom det taun gulum Remasis weya deibin oldei wek. Deibin gowei futwok, en deibin go langa det najawan taun gulum Sukait.
1857	EXO 12:40	Wal detlot Isreil pipul bin jidanbat langa Ijip 430 yiya,
1858	EXO 12:41	en wen det laswan dei blanga det 430 yiya bin kaman, det taim na YAWEI bin deigidawei im pipul olabat brom det kantri.
1875	EXO 13:7	Langa 7 dei yumob kaan dagat eni damba garram raising, en yumob kaan abum eni damba garram raising langa yumob haus, en yumob kaan abum eni raising eniweya langa yumob haus du.
1897	EXO 14:7	Imbin deigim ola boswan solja, en imbin deigim 600 gudwan solja garram olabat bagi, en imbin deigim ola najalot solja garram olabat bagi du.
1948	EXO 15:27	Brom deya detlot Isreil pipul bin kipgon, en deibin kamat langa det wan pleis gulum Ilim. Det pleis bin abum 12 springwoda en 70 pamtri deya langa det pleis, en ola pipul bin kemp deya na.
1949	EXO 16:1	Brom deya detlot Isreil pipul bin kipgon na, en deibin kamat langa det deset kantri gulum Sin langa midul langa dubala kantri gulum Ilim en Sainai, en imbin det namba 15 dei blanga det sekan manth afta deibin gowei brom Ijip.
1953	EXO 16:5	Bat langa det namba 6 dei, dei garra gajim en gugum naf daga blanga 2 dei.”
1964	EXO 16:16	en imbin dalim yumob blanga gajim haumatj yumob wandim. Yumob garra bilimap wanbala dish ful blanga ebriwan langa yumob kemp.” Det dish weya deibin oldei meshurumap det daga bin 2 lita.
1970	EXO 16:22	Langa det namba 6 dei ola pipul bin gajim naf daga blanga dubala dei, en deibin bilimap dubala dish blanga ebriwan, en afta ola boswan blanga detlot pipul bin go langa Mosis, en deibin dalim im olabat bin duwit.
1971	EXO 16:23	Wal Mosis bin tok langa detlot boswan, “YAWEI bin tok wi garra abum spel tumorro, dumaji det namba 7 dei im det speshalwan dei blanga im. Wal tudei na yumob garra gugum wanim yumob wandim, en yumob garra seibum ola leftobawan daga blanga tumorro.”
1974	EXO 16:26	Langa 6 dei yumob garra gajim det daga. Bat langa dis namba 7 dei weya wi gulum Sebathdei, yumob kaan faindim eni daga blanga gajim.”
1977	EXO 16:29	Yumob garra oldei jinggabat dis Sebathdei weya aibin gibit langa yumob blanga abum spel. Blanga tharran na langa det namba 6 dei aibin gibit yumob naf daga blanga dubala dei, en ebribodi garra jidan langa olabat kemp det Sebathdei. Nomo enibodi lau go wokabat.”
1978	EXO 16:30	Wal wen YAWEI bin tok lagijat, ola pipul nomo bin dum eni wek langa det namba 7 dei.
1983	EXO 16:35	Wal blanga 40 yiya detlot Isreil pipul bin oldei dagadagat det daga gulum mena. Deibin dagat det daga raidap deibin go en jidan langa det kantri gulum Keinan.
2021	EXO 18:21	Bat yu kaan dum ebrijing miselp. Yu garra pikimat sambala brabli gudbala men en meigim olabat jidan bos blanga ola pipul. Sambala men garra jidan bos blanga 1,000 pipul, en sambala men garra jidan bos blanga 100 pipul, en sambala men garra jidan bos blanga 50 pipul, en sambala men garra jidan bos blanga 10 pipul. Detlot men garra teiknodis langa God, en ola pipul garra trastim olabat, en dei garra tridim ebribodi trubalawei.
2025	EXO 18:25	en imbin pikimat sambala gudbala men brom detlot Isreil pipul, en imbin meigim sambala men jidan bos blanga 1,000 pipul, sambala men blanga 100 pipul, sambala men blanga 50 pipul en sambala men blanga 10 pipul.
2028	EXO 19:1	Brom deya detlot Isreil pipul bin gowei brom det pleis gulum Refadim, en wen imbin det feswan dei blanga det namba 3 manth afta wen deibin gowei brom Ijip, deibin kamat langa det deset kantri gulum Sainai, en deibin meigim kemp wansaid langa det hil gulum Sainai.
2057	EXO 20:5	Yumob nomo lau blanga baudan langa enikain ting en weship langa im, dumaji mi na YAWEI det God blanga yumob, en ai nomo laigim enijing blanga deigim main pleis. Ai garra panishim ol detlot pipul hu nomo laigim mi, en ai garra meigim det panishmen jidan langa olabat biginini raidap langa det namba 4 jinareishan.
2061	EXO 20:9	Aibin gibit yumob 6 dei blanga dum wek.
2062	EXO 20:10	Bat det namba 7 dei im Sebathdei blanga main. Yumob en yumob biginini olabat en yumob wekinmen en wekingel en ola enimul blanga yumob en eni streinja pipul hu jidan garram yumob, nobodi nomo lau blanga dum eni wek langa det Sebathdei.
2063	EXO 20:11	Mi na YAWEI det trubala God, en aibin meigim dis graun en skai en solwoda en ebrijing. Imbin deigim mi 6 dei blanga meigim, en langa det namba 7 dei aibin abum spel. Blanga tharran na aibin gudbinji blanga det Sebathdei, en aibin meigim im difrin brom detlot najalot dei.
2080	EXO 21:2	If yu baiyim wekinmen, en im kantrimen blanga yu, wal im garra wek blanga yu 6 yiya, en langa det namba 7 yiya yu garra larramgo im fri, en det wekinmen kaan peiyim yu enijing blanga meigim miselp fri.
2110	EXO 21:32	Bat if det buligi kilim wekinmen o wekingel ded, wal det boswan blanga det buligi garra peiyim 30 silbawan mani langa det boswan blanga det wekinmen o wekingel, en dei garra kilim det buligi ded garram ston.
2144	EXO 22:29	en yu garra gibitbek langa God detlot feswan boiwan enimul weya yu buligi en ship abum du. Det feswan boiwan garra jidan garram im mami 7 dei, en langa det namba 8 dei yu garra gibit im langa God.
2155	EXO 23:10	Yu garra wek langa det gadin blanga yu en gajimbat ola daga blanga 6 yiya.
2156	EXO 23:11	Bat langa det namba 7 yiya det gadin garra abum spel, en yu kaan wek langa det gadin en gajimbat daga. Yu garra larram ola po pipul gajimbat daga brom det gadin na, en eni daga weya detlot pipul libum, ola bush enimul garra dagat. Yu garra larram ol detlot tri weya growimap daga abum spel du.
2157	EXO 23:12	Yu garra wek 6 dei. Bat langa det namba 7 dei yu garra abum spel. Yu kaan dum eni wek langa det namba 7 dei, dumaji detlot pipul en enimul hu wek blanga yu garra abum spel du.
2160	EXO 23:15	Yumob bin gowei brom Ijip langa det manth gulum Abib, en God bin dalim yumob basdam yumob garra abum det serramoni gulum Damba Nomo Garram Raising langa det seimwan manth na. Wen yumob abum det serramoni, yumob kaan dagat eni daga garram raising blanga 7 dei, en nobodi kaan kaman en weship langa God nomo garram ofring blanga gibit langa im.
2179	EXO 24:1	Brom deya YAWEI det trubala God bin tok langa Mosis, “Yu kaman langa mi ontop langa det hil garram detlot thribala men neim Eran, Neideb en Abaihu en garram detlot 70 lida blanga ola Isreil pipul. Ola najalot pipul kaan kaman langa det hil. En wen yumob lilbit longwei, yumob garra baudan en weship langa mi,
2187	EXO 24:9	Brom deya Mosis, Eran, Neideb, Abaihu en detlot 70 lida blanga ola Isreil pipul bin gowap langa det hil,
2194	EXO 24:16	en YAWEI bin jidan langa det hil jis laiga brabli shainiwan lait. Detlot Isreil pipul bin luk det lait, en imbin luk jis laiga faiya bin barn ontop langa det hil. Blanga 6 dei det klaud bin gaburrumap det hil, en langa det namba 7 dei YAWEI bin jingat langa Mosis brom det klaud,
2196	EXO 24:18	en Mosis bin galimap raidap langa top langa det hil insaid langa det klaud, en imbin jidan deya 40 dei en 40 nait.
2206	EXO 25:10	“Yu garra meigim det boks garram det wud brom det wadultri. Im garra jidan 1.1 mita longwei en 0.66 mita kroswei en 0.66 mita apendan,
2213	EXO 25:17	“Yu garra meigim lid blanga det boks garram gudwan gol. Im garra jidan 1.1 mita longwei en 0.66 mita kroswei,
2219	EXO 25:23	“Yu garra meigim teibul blanga ofring garram det wud brom det wadultri. Im garra jidan 0.9 mita longwei en 0.45 mita kroswei en 0.66 mita apendan,
2235	EXO 25:39	Yu garra abum loda gol 35 kilogrem blanga meigim det pol en ola lemp en ebrijing,
2237	EXO 26:1	“Brom deya yu garra meigim det insaid pat blanga det Seikridwan Tent garram det gudwan matiriyal weya dei meigim garram bluwan, pepulwan en redwan wul, en yu garra pudum loda sheip garram wing langa det matiriyal. Yu garra meigim tenbala matiriyal brabliwei, en dei garra jidan 12 mita longwei en 2 mita saidwei,
2240	EXO 26:4	Yu garra meigim 100 raunwan hol garram bluwan matiriyal en yu garra pudum 50 langa det longwan saidpat blanga wanbala bigwan matiriyal en det naja 50 seimwei langa det najawan bigwan matiriyal, en afta yu garra joinimap det dubala saidpat garram 50 dabulwan huk garram gol. En yu garra pudum det matiriyal ontop langa det freimpat blanga det Tent en im garra buldan tusaid en biyain langa det tent.
2244	EXO 26:8	Dei garra jidan 13 mita longwei en 2 mita kroswei,
2245	EXO 26:9	en yu garra joinimap faibala miselp en detlot najalot siksbala miselp du. Yu garra meigim 100 raunwan hol garram det kaliko en yu garra pudum 50 langa det longwan saidpat blanga wanbala bigwan kaliko en det naja 50 seimwei langa det najawan bigwan kaliko en afta yu garra joinimap det dubala saidpat garram 50 dabulwan huk garram kopa. Yu garra pudum det kaliko ontop langa det Tent blanga gaburrumap det insaidwan matiriyal. Det kaliko garra buldan tusaid langa det tent raitdan langa graun, en biyain langa det Tent du, en yu garra meigim det kaliko buldan raitdan langa graun en lilbit garra jidan ontop langa graun, en langa det frantpat blanga det tent yu garra foldimbek det kaliko lilbit.
2251	EXO 26:15	Wal YAWEI bin kipgon tok langa Mosis, “Yu garra meigim 48 freimpat garram dubala pol brom det wadultri blanga meigim thribala wol blanga holdimap ola kaliko.
2252	EXO 26:16	Ol detlot freimpat garra jidan 4 mita longwei en 0.66 mita saidwei,
2254	EXO 26:18	Yu garra meigim 20 freimpat blanga jandap langa det sauthsaid,
2255	EXO 26:19	en 20 blanga jandap langa det nowathsaid en siksbala blanga jandap langa sangodansaid en dubala freimpat blanga jandap langa dubala kona en det dubala freimpat garra joinap brom bodam raidap langa top. Yu garra meigim 96 silbawan pleit blanga holdimap ola pol blanga detlot freimpat.
2262	EXO 26:26	“Yu garra meigim 15 pol brom det wadultri blanga jidan kroswei langa detlot thribala wol. Yu garra meigim faibala blanga sauthsaid,
2274	EXO 27:1	Wal YAWEI bin kipgon tok langa Mosis, “Yu garra meigim skweyawan teibul blanga ofring garram wud brom det wadultri blanga barnimbat enimul. Im garra jidan 2.2 mita longwei en 2.2 mita kroswei en 1.3 mita apendan.
2282	EXO 27:9	“Yu garra meigim pedik garram gudwan kaliko raidaran langa det Seikridwan Tent. Det kaliko garra jidan 44 mita longwei langa det sauthsaid,
2283	EXO 27:10	en yu garra heingimap det kaliko langa 20 kopawan pol garram loda huk en lilwan silbawan reil, en detlot bigwan kopawan pol garra jandap ontop langa 20 kopawan pleit.
2285	EXO 27:12	En langa det sangodansaid det kaliko garra jidan 22 mita longwei garram tenbala pol ontop langa tenbala pleit.
2286	EXO 27:13	Det pedik langa det sanraisaid garra jidan 22 mita du. Bat det geit garra jidan rait langa midul langa det sanraisaid,
2287	EXO 27:14	en det kaliko garra jidan 6.6 mita longwei tusaid langa det geit garram thribala pol ontop langa thribala pleit.
2289	EXO 27:16	Yu garra meigim det geit garram det gudwan matiriyal weya dei meigim garram bluwan, pepulwan en redwan wul, en yu garra pudum loda sheip langa det matiriyal du blanga meigim purdiwan. Det geit garra jidan 9 mita longwei garram fobala pol ontop langa fobala pleit.
2291	EXO 27:18	Det pedik garra jidan 44 mita longwei en 22 mita kroswei en 2.2 mita haibala. Yu garra meigim det kaliko garram gudwan matiriyal, en yu garra meigim ola pleit garram kopa,
2310	EXO 28:16	Dei garra meigim det nekleis skweyawan, en dei garra dabulumap det nekleis, en im garra jidan 0.22 mita longwei en 0.22 mita kroswei.
2367	EXO 29:30	Wen Eran garra dai, wanbala san blanga im garra teikoba det brabli haibala serramonimen pleis brom im, en det san garra wek blanga mi deya langa det Seikridwan Tent, en im garra go insaid langa det Seikridwan Pleis weya ai garra jidan. Wen det taim garra kaman blanga det san blanga teikoba brom Eran, im garra werrimon detlot speshalwan klos blanga 7 dei.
2372	EXO 29:35	“Blanga 7 dei yu garra abum det serramoni weya yu garra meigim Eran en im san olabat jidan serramonimen, en yu garra bulurrum det lowa weya aibin gibit yu.
2374	EXO 29:37	Yu garra abum det serramoni ebridei blanga 7 dei, en afta det teibul blanga ofring garra jidan brabli seikridwan na, en if enibodi tatjim det teibul, det teibul garra meigim im seikridwan du.
2385	EXO 30:2	Yu garra meigim det teibul skweyawan, en im garra jidan 0.45 mita longwei en 0.45 mita kroswei en 0.90 mita apendan. Yu garra meigim fobala ampat ontop langa ola kona blanga det teibul,
2396	EXO 30:13	Yu garra kaundimap ebri men hu jidan 20 yiya ol en oba, en dei garra ol pei det raitwan mani. Dei garra gibit det mani langa mi blanga olabat ofring, en dei garra ol pei det seimwan mani.
2406	EXO 30:23	“Yu garra gajim detlot fobala brabli gudwan gudsmelwan medisin. Brom det wodawan medisin gulum mera, yu garra gajim 6 kilogrem, en brom det switwan medisin gulum sinaman, yu garra gajim 3 kilogrem, en brom det switwan ridgras laiga kein, yu garra gajim 3 kilogrem,
2407	EXO 30:24	en brom det najawan medisin gulum kasha, yu garra gajim 6 kilogrem,
2408	EXO 30:25	en yu garra miksimap detlot gudsmelwan medisin garram 4 lita oliboil blanga meigim det seikrid gudsmelwan oil weya yu garra yusum blanga rabum detlot enijing blanga meigim olabat seikridwan.
2436	EXO 31:15	Aibin gibit olabat 6 dei blanga dum olabat wek, en det namba 7 dei im brabli seikridwan dei blanga mi, en nobodi kaan dum eni wek langa det dei, en if enibodi dum wek langa det dei, yumob garra kilim im ded.
2438	EXO 31:17	en det sain garra jidan olagijawan blanga rimaindim mi en ola Isreil pipul, dumaji mi na YAWEI det trubala God, en langa det 6 dei aibin meigim ola skai en ola graun en ebrijing, en langa det namba 7 dei aibin binij wek, en aibin abum spel.”
2467	EXO 32:28	Wal det seim dei detlot Libai men bin duwit langa YAWEI, en deibin kilim ded 3,000 men,
2504	EXO 34:7	Mi oldei kipum main pramis langa ol detlot pipul hu laigim mi en bulurrum main lowa, en mi oldei larramgo olabat fri brom ola nogudbala ting weya dei oldei dumbat. Bat ai garra meigim det panishmen blanga detlot pipul hu nomo laigim mi jidan langa olabat en langa olabat biginini raidap langa det namba 4 jinareishan.” Lagijat na YAWEI bin tok.
2515	EXO 34:18	“Yumob garra oldei abum det serramoni gulum Damba Nomo Garram Raising. Yumob bin gowei brom Ijip langa det manth gulum Abib, en aibin dalim yumob basdam langa det manth na yumob garra abum det serramoni weya yumob kaan dagat eni daga garram raising blanga 7 dei.
2518	EXO 34:21	“Aibin gibit yumob 6 dei blanga dum yumob wek, en langa det namba 7 dei yumob kaan dum eni wek. Nomeda im taim blanga growimap yumob gadin o gajimbat kukwan daga, bat stil yumob kaan dum det wek langa det namba 7 dei.
2525	EXO 34:28	Wal Mosis bin jidanbat deya garram YAWEI 40 dei en 40 nait, en im nomo bin dagadagat en dringgimbat enijing. Imbin raidimdan ol detlot wed blanga det strongwan pramis langa detlot dubala fletwan ston, en dei gulum detlot wed Tenbala Lowa.