40	GEN 2:9	En God bin pudum olkain purdiwan tri garram loda daga deya du, en rait langa midul langa det gadin imbin pudum dubala tri gulum Tri Blanga Laif en Klebabala Tri. Wen enibodi dagat det daga brom det wanbala tri, im meigim olabat jidan laibala olagijawan. En det daga brom det najawan tri meigim olabat sabi ola gudwan ting en ola nogudwan ting du.
45	GEN 2:14	Det namba 3 riba bin neim Taigris, en imbin go sanraisaid brom det kantri gulum Asiriya. Det namba 4 riba bin neim Yufreitis.
48	GEN 2:17	bat oni wanbala tri deya yu nomo lau blanga dagat det daga. Tharran na det Klebabala Tri. En if yu dagat det daga, wal seim dei yu garra dai.”
57	GEN 3:1	Wal wen YAWEI det trubala God bin meigim ola enimul, wanbala deya bin brabli trikiwan. Imbin brabli klebawan langa ola najalot enimul. Tharran na im det sneik. Wal bambai na det sneik bin go langa det wuman, en imbin tok, “Yu reken God bin dalim yunbala nomo blanga abum daga brom eni tri langa dijan gadin?”
78	GEN 3:22	Brom deya YAWEI bin tok langa im ronselp, “Det dubala seim jis laik wi. Dei sabi ebrijing weya im gudwan en ebrijing weya im nogudwan. Wal wi kaan larram dubala abum eni daga brom det najawan tri, dumaji if dubala dagat det daga brom det Tri Blanga Laif, wal dubala garra jidan laibala olagijawan.”
80	GEN 3:24	Afta na YAWEI bin pudum sambala einjul gulum tjerabim deya sanraisaid langa det gadin, en imbin meigim bigbala naif garram faiya jandap deya du, en det naif bin tenimbat miselp ebriwei blanga stapam enibodi en nomo larram olabat kaman gulijap langa det Tri Blanga Laif.
102	GEN 4:22	Det najawan waif blanga Leimek neim Sila bin abum wanbala lilboi, en imbin gulum im neim Tubalkein. En wen Tubalkein bin gro, imbin meigim olkain tul garram aiyan en kopa, en imbin abum wanbala sista neim Neima.
237	GEN 10:2	Det san blanga Nowa neim Jeifeth bin abum sebenbala san neim Goma, Meigog, Medai, Jeiban, Tubal, Mishek en Tairas.
238	GEN 10:3	Goma bin abum thribala san neim Eshkenes, Rifeth en Togama.
239	GEN 10:4	Jeiban bin abum fobala san neim Ilaisha, Tashish, Kitim en Dodanim.
291	GEN 11:24	Wal Neihowa bin merrit, en wen imbin 29 yiya ol, imbin abum lilboi neim Tera.
293	GEN 11:26	Wal Tera bin merrit, en wen imbin 70 yiya ol, imbin abum thribala san neim Eibram, Neihowa en Heran.
294	GEN 11:27	Wal iya na det stori blanga Tera. Imbin abum thribala san neim Eibram, Neihowa en Heran.
295	GEN 11:28	Wal Heran bin dai langa det kantri gulum Bebalon. Imbin dai langa det seimwan taun gulum Yura weya imbin bon, en imbin dai bifo im dedi bin dai. Det olmen Tera bin stil jidan laibala wen im san Heran bin dai. Wal Heran bin libum thribala biginini biyain, wanbala boi neim Lot en dubala gel neim Milka en Iska.
298	GEN 11:31	Wal Tera bin gowei brom det taun gulum Yura, en imbin deigim im san Eibram garram im waif Serai, en imbin deigim Lot, det san blanga im dedbala san du, en deibin stat blanga go langa det kantri gulum Keinan. Bat hafwei langa roud deibin stap langa wan taun gulum Heran.
299	GEN 11:32	Wal deya na deibin jidan longtaim. Bambai na wen imbin brabli olmen, Tera bin dai. Imbin gajimap 205 yiya bifo imbin dai.
338	GEN 14:1	Wal wan men neim Kedalawoma bin jidan king blanga 12 yiya langa det taun gulum Elam. En imbin jidan bos blanga najalot king du. Imbin bos blanga Bira, Bisha, Shainab, Shemiba en det king blanga det taun gulum Bilasowa. Bera bin king blanga det taun gulum Sadam. Bisha bin king blanga det taun gulum Gamora. Shainab bin king blanga det taun gulum Edma. En Shemiba bin king blanga det taun gulum Seboiyim en det king blanga Belasowa. Wal wen det namba 13 yiya bin kaman, detlot faibala king bin tok blanga Kedalawoma, dumaji dei nomo bin wandim im blanga jidan bos blanga olabat, en deibin ol bekimap miselp, en deibin majurrumap ola solja blanga olabat langa det kantri gulum Saidim Beli. Tudei dei gulum det pleis Solwoda gulum Dedsi. Wal deibin meigim miselp redi blanga fait langa Kedalawoma en thribala meit blanga im neim Emrafel, Eriyak en Taidal. Emrafel bin king blanga det taun gulum Bebalon. Eriyak bin king blanga det taun gulum Elasa. En Taidal bin king blanga det taun gulum Goyim.
344	GEN 14:7	Afta na Kedalawoma en im thribala meit bin kambek langa det pleis gulum Enmishpet. Tudei dei gulum det pleis Keidish. En deibin bidim ola Amalek pipul langa olabat ron kantri, en deibin bidim ola Emarait pipul deya langa det pleis gulum Hesesonteima.
508	GEN 20:12	Bat ai nomo bin dalim yu laiya. Trubala dijan gel im main ronwan sista. Minbala garram wan dedi, bat difrinwan mami. Bat stil minbala bin merrit.
552	GEN 22:4	Thrideistaim na Eibrahem bin luk det hil, en det hil nomo bin longwei na,
572	GEN 22:24	Ruma det sekanwan waif blanga Neihowa bin abum fobala lilboi, en deibin gulum olabat neim Teba, Geiham, Teihash en Meiyaka.
588	GEN 23:16	Wal Eibrahem bin gibit 400 silbawan mani langa det men deya lida langa detlot boswan. Tharran bin det raitwan mani blanga det len.
627	GEN 24:35	Wal det wekinmen bin tok, “Mi wekinmen blanga Eibrahem. En YAWEI bin gudbinji langa main bos detmatj. En main bos im jidan brabli ritj men, dumaji God bin gibit im tumatj ship en buligi en kemul en dongki en silba en gol en wekinmen en wekingel hu jidan jis laiga prisana. Tumatj im garram.
647	GEN 24:55	Bat det brajawan en mamiwan blanga Rabeka bin tok, “Yu larram det gel stap iya garram melabat lilbit longtaim yet. Tendeistaim yumob gin deigim im.”
657	GEN 24:65	en imbin askim det wekinmen blanga Eibrahem, “Hu det men kaminap iya?” En det wekinmen bin tok, “Tharran main bos Aisik.” Wal Rabeka bin grebum im heinggitjif na, en imbin gaburrumap miselp feis garram det heinggitjif.
674	GEN 25:15	Heided, Tema, Jetuwa, Nefish en Kedema.
763	GEN 27:35	Wal det olmen Aisik bin tok, “Tuleit na! Det braja blanga yu bin kaman trikiwan, en imbin deigim det laswan wed main weya ai bina gibit langa yu.”
764	GEN 27:36	Wal Isau bin tok, “Trubala deibin gibit det rait neim langa Jeikob, dumaji im trikiwan. Mi na eldiswan san, en ai bina deigimoba ebrijing brom yu. Bat longtaim imbin deigidawei det pleis brom mi. En tudei na imbin deigidawei det laswan wed weya yu bina gibit langa mi. Yubin kipum eni wed blanga mi, dedi?”
810	GEN 29:14	en afta Leiban bin tok, “Trubala yu na main ronwan biginini, dumaji minbala yu mami garram wanbala mami en dedi.” Wal Jeikob bin jidan deya garram im anggul na.
814	GEN 29:18	Tharran na mi laigim.” Wal Jeikob bin tok langa im anggul na, “Orait. Ai wandim Reitjul det doda blanga yu. Blanga im na ai garra wek blanga yu 7 yiya.”
830	GEN 29:34	Brom deya mowa igin Liya en Jeikob bin silip, en bambai imbin abum najawan lilboi, en Liya bin tok, “Tudei na main hasbin garra laigim mi detmatj, dumaji aibin abum thribala lilboi blanga im na.” En imbin gulum neim blanga det lilboi Libai.
1020	GEN 35:8	Bambai na det wekingel blanga Rabeka neim Debra bin dai, en deibin berrim im bodi andanith langa wanbala tri dei gulum ouktri deya gulijap langa Bethel, en deibin gulum neim blanga det tri Kraiyinbala Tri.
1031	GEN 35:19	Brom deya Jeikob bin berrim im waif wansaid langa det roud weya im go langa det taun gulum Efrath. Tudei dei gulum det taun Bethlahem.
1050	GEN 36:9	Bambai na det eldiswan boi blanga Isau neim Elifas bin merrit, en imbin abum faibala lilboi neim Teman, Oma, Sefo, Geitam en Kenas. Elifas bin merrit langa najawan wuman neim Timna, en imbin abum wanbala lilboi neim Amalek. Brom detlot siksbala boi, siksbala klen bin kamat garram olabat seim neim. En det najawan boi blanga Isau neim Ruwel bin merrit, en imbin abum fobala lilboi neim Neihath, Sera, Shama en Misa. Brom detlot fobala boi, fobala klen bin kamat garram olabat seim neim. En brom detlot thribala boi blanga Isau neim Jeyus, Jeilam en Kora, thribala klen bin kamat garram olabat seim neim. Wal ol detlot pipul en klen bin kamat brom Isau.
1063	GEN 36:22	Lotan bin merrit, en imbin abum dubala lilboi neim Horai en Heiman. Lotan bin abum wan sista du neim Timna.
1075	GEN 36:34	Wen Jobab bin dai, Husham bin jidan king. Imbin brom det kantri gulum Teman.
1081	GEN 36:40	Wal bigmob najalot hedbos blanga det kantri bin kamat brom Isau. Blanga olabat neim bin Timna, Elba, Jetheth,
1083	GEN 36:42	Kenas, Teman, Mibsa,
1117	GEN 37:33	En Jeikob bin tok, “Yuwai! Mi sabi orait! Tharran blanga main boi Josef! Wailwan enimul bin kilim im en dagat im!”
1126	GEN 38:6	Bambai na detlot lilboi bin ol growap, en Juda bin faindim waif blanga det feswan san blanga im. Det gel bin neim Teima.
1131	GEN 38:11	Afta na Juda bin dalim Teima det lambarra blanga im, “Yu gobek langa yu dedi kemp en jidan deya raidap main boi Shela growap bigwan. Bambai yunbala garra merrit.” Lagijat na Juda bin tok, dumaji imbin bradin Shela mait dai seimwei laik det naja dubala san blanga im bin dai. Wal det gel bin lisin langa Juda, en imbin gobek langa im dedi kemp.
1132	GEN 38:12	Bambai na det waif blanga Juda bin dai, en Juda bin berrim im dedbala waif, en wen det taim blanga kraikrai bin binij, Juda en det fren blanga im neim Haira bin go langa wan taun gulum Timna weya ola wekinmen bin shirimbat ola ship blanga Juda.
1133	GEN 38:13	Wal det gel Teima bin gedim wed weya Juda det lambarra blanga im bin go blanga shirimbat ola ship blanga im.
1135	GEN 38:15	Wal wen Juda bin wok langa det roud blanga go langa det taun gulum Timna, imbin luk det gel jidanbat deya lagijat garram detkain klos, en imbin meigim im bush. Im nomo bin sabi det gel bin Teima det lambarra blanga im, en Juda bin tok, “Alo! Dijan gel im luk laik im wandim men.” En imbin go langa det gel, en imbin tok, “Kaman na. Yunmi go silip.” Wal det gel bin tok, “Wanim yu garra gibit langa mi?”
1139	GEN 38:19	Afta na Teima bin gobek langa im kemp, en imbin deigimat detlot klos weya bin meigim men wandim im, en imbin werrimon detlot klos weya imbin werrimon basdam.
1144	GEN 38:24	Bambai na thrimants afta, Juda bin gedim wed blanga im lambarra Teima weya imbin lukabat men, en imbin jidan femiliwei na. Oni blanga Juda imbin femiliwei. Bat Juda nomo bin sabi tharran. Wal Juda bin tok, “Det gel bin breigim det lowa. Wal wi garra deigimwei det gel en barnimap im en meigim im dai.”
1205	GEN 41:9	Afta na det bamen blanga det king bin tok langa im, “Tudei na aibin jinggabat det taim weya aibin nogud langa yu.
1237	GEN 41:41	Tudei na ai meigim yu sekan bos blanga dijan kantri Ijip.”
1268	GEN 42:15	Wal dijan na pruf blanga yumob. Trubala ai dalim yumob. Ai kaan larramgo yumob raidap det yangiswan braja blanga yumob garra kaman iya du.
1330	GEN 44:5	Wotfo yumob bin stilim det silbawan kap blanga im. Tharran blanga im ronwan kap, en im speshalwan kap du, dumaji det kap na oldei shoum im enijing weya im wandi faindat. Wal yumob garram bigis trabul na.’ Lagijat na yu garra tok.”
1400	GEN 46:13	Jeikob bin deigim Isaka det najawan san blanga im garram im fobala boi neim Tola, Puwa, Jeishab en Shimran.
1459	GEN 48:7	Lagijat na ai garra dum, dumaji aibin jinggabat wanim bin hepin langa yu mami Reitjul deya langa Keinan. Wen melabat bin kaminbek brom det kantri gulum Mesapoteimiya, imbin dai deya langa det roud gulijap langa det pleis gulum Efrath. Tudei dei gulum det pleis Bethlahem. En aibin lafta gaburrumap im deya wansaid langa det roud, en aibin nogudbinji blanga im detmatj.” Lagijat na det olmen Jeikob bin tok langa im san Josef.
1589	EXO 3:9	Trubala aibin irrim main pipul jinginat, en aibin luk hau detlot Ijip pipul oldei meigimbat olabat nogudbinji.
1594	EXO 3:14	Wal God bin tok, “Mi na mi. En yu garra dalim olabat dijan. Yu garra tok, ‘Tharran weya im gulum miselp Mi na mi, wal im na bin jandim mi langa yumob.’
1721	EXO 8:6	Wal det king bin tok, “Tumorro yu garra askim im blanga mi.” Wal Mosis bin tok, “Wal ai garra duwit blanga yu wulijim yu garra sabi nobodi kaan meigim miselp God. Oni YAWEI im na God.
1731	EXO 8:16	Brom deya YAWEI bin dalim Mosis, “Tumorro ailibala yunbala Eran garra go en midim det Ijip king wen im go langa det riba, en yunbala garra tok langa im. Yunbala garra tok, ‘YAWEI det trubala God wandim yu garra larramgo im pipul olabat wulijim dei garra go en weship langa im.
1733	EXO 8:18	Bat im kaan jandim eni flai langa det kantri gulum Goshin weya ola Isreil pipul jidan. Im garra tridim im pipul olabat difrinwei brom ola pipul blanga yu blanga meigim yu sabi im na YAWEI det trubala God hu dumbat dislot ting. Tumorro na im garra dum dis klebabala ting.’ Lagijat na yunbala garra tok langa det king.”
1748	EXO 9:5	Tumorro na YAWEI det trubala God garra dum dis klebabala ting.’ Lagijat na yunbala garra tok langa det king.”
1756	EXO 9:13	Brom deya YAWEI bin dalim Mosis, “Tumorro ailibala yunbala Eran garra go en midim det Ijip king, en yunbala garra dalim im. Yunbala garra tok, ‘YAWEI det God blanga ola Isreil pipul wandim yu garra larramgo im pipul olabat wulijim dei garra go en weship langa im.
1807	EXO 10:29	Wal Mosis bin tok, “Trubala yubin tok. Ai kaan kaman iya igin.”
1871	EXO 13:3	Wal Mosis bin tok langa ola pipul, “Wi garra abum det najawan serramoni gulum Damba Nomo Garram Raising blanga meigim yumob jinggabat wanim YAWEI det trubala God bin dum blanga yumob tudei. Tudei na wibin gowei brom Ijip weya yumob bin oldei jidan jis laiga prisana en dumbat ola adwek blanga detlot Ijip pipul. Wibin gowei brom det kantri, dumaji YAWEI bin deigidawei wi brom det kantri garram im strongwan pawa.
1872	EXO 13:4	Tudei na langa dijan feswan manth blanga wi gulum Abib wibin gowei brom det kantri,
1943	EXO 15:22	Brom deya Mosis en detlot pipul bin gowei brom det Redsi, en deibin go langa det deset kantri gulum Shuya. Thrideis deibin wok langa det deset kantri, en dei nomo bin faindim eni woda,
1973	EXO 16:25	en Mosis bin tok, “Tudei na yumob garra dagat dis daga, dumaji im det speshalwan dei blanga YAWEI, en yumob kaan faindim eni daga tudei.
2204	EXO 25:8	“Detlot pipul garra meigim Seikridwan Tent blanga mi weya ai garra jidan garram olabat.
2205	EXO 25:9	Ai garra gibit yu plen blanga shoum yu hau yumob garra meigim det Tent en hau yumob garra meigim ola enijing blanga det tent. En wen yumob meigim det tent en ola enijing, yumob garra bulurrum det plen weya ai garra gibit yu.
2228	EXO 25:32	Yu garra joinimap siksbala am langa det midul pat. Thribala am garra jidan disaid en thribala najasaid,
2233	EXO 25:37	en yu garra meigim sebenbala lemp blanga det pol, en yu garra meigim olabat jandap weya dei garra shain lida langa det Tent.
2237	EXO 26:1	“Brom deya yu garra meigim det insaid pat blanga det Seikridwan Tent garram det gudwan matiriyal weya dei meigim garram bluwan, pepulwan en redwan wul, en yu garra pudum loda sheip garram wing langa det matiriyal. Yu garra meigim tenbala matiriyal brabliwei, en dei garra jidan 12 mita longwei en 2 mita saidwei,
2240	EXO 26:4	Yu garra meigim 100 raunwan hol garram bluwan matiriyal en yu garra pudum 50 langa det longwan saidpat blanga wanbala bigwan matiriyal en det naja 50 seimwei langa det najawan bigwan matiriyal, en afta yu garra joinimap det dubala saidpat garram 50 dabulwan huk garram gol. En yu garra pudum det matiriyal ontop langa det freimpat blanga det Tent en im garra buldan tusaid en biyain langa det tent.
2243	EXO 26:7	“Yu garra meigim kaliko blanga gaburrumap det gudwan matiriyal deya langa det Tent. Yu garra meigim det kaliko garram lebenbala matiriyal weya dei meigim garram nenigout heya.
2245	EXO 26:9	en yu garra joinimap faibala miselp en detlot najalot siksbala miselp du. Yu garra meigim 100 raunwan hol garram det kaliko en yu garra pudum 50 langa det longwan saidpat blanga wanbala bigwan kaliko en det naja 50 seimwei langa det najawan bigwan kaliko en afta yu garra joinimap det dubala saidpat garram 50 dabulwan huk garram kopa. Yu garra pudum det kaliko ontop langa det Tent blanga gaburrumap det insaidwan matiriyal. Det kaliko garra buldan tusaid langa det tent raitdan langa graun, en biyain langa det Tent du, en yu garra meigim det kaliko buldan raitdan langa graun en lilbit garra jidan ontop langa graun, en langa det frantpat blanga det tent yu garra foldimbek det kaliko lilbit.
2250	EXO 26:14	“Yu garra meigim naja dubala kaliko, wanbala garram det ship skin weya deibin meigim redwan en det najawan garram det skin brom det nenigout. Det ship skin kaliko garra jidan raidoba ontopwei langa det Tent, en det nenigout skin kaliko garra jidan ontop langa det ship skin kaliko.”
2266	EXO 26:30	En wen yumob meigim det Tent, yumob garra bulurrum dis plen na weya ai gibit yu langa dijan hil.
2268	EXO 26:32	Yu garra meigim fobala pol brom det wadultri, en yu garra gaburrumap detlot pol garram gol, en yu garra pudum sambala huk langa olabat, en yu garra meigim olabat jandap ontop langa detlot fobala silbawan pleit, en yu garra heingimap det ketin insaid langa det Tent blanga kadimat det Seikridwan Pleis brom det Brabli Seikridwan Rum. Yu garra pudum det Seikridwan Boks garram det dubala ston garram ola lowa biyain langa det ketin deya insaid langa det Brabli Seikridwan Rum,
2271	EXO 26:35	Deya atsaid langa det Brabli Seikridwan Rum yu garra pudum det teibul blanga ofring garram det seikridwan damba nowathsaid langa det Tent, en det pol garram detlot sebenbala lemp garra jidan sauthsaid.
2272	EXO 26:36	“Yu garra meigim det dowapat blanga det Tent garram gudwan matiriyal weya dei meigim garram bluwan, pepulwan en redwan wul, en yu garra pudum loda sheip langa det matiriyal du blanga meigim purdiwan.
2282	EXO 27:9	“Yu garra meigim pedik garram gudwan kaliko raidaran langa det Seikridwan Tent. Det kaliko garra jidan 44 mita longwei langa det sauthsaid,
2292	EXO 27:19	en ola tul en ola peig blanga ringimap det Tent garra jidan kopawan du.
2294	EXO 27:21	Yu braja Eran en im fobala san garra pudum det lemp insaid langa det Seikridwan Tent weya ai garra jidan. Bat dei garra pudum det lemp atsaid langa det ketin weya im blandim det Seikridwan Boks garram det dubala ston garram ola lowa. Deya na det lemp garra barn brom sangodan raidap sanrais. En ol detlot Isreil pipul en ola biginini blanga olabat garra bulurrum dijan lowa olagija.”
2324	EXO 28:30	Yu garra pudum det dubala brabli speshalwan ston gulum Yuram en Thamam biyainwei langa det nekleis du, en wen det haibala serramonimen garra kaman langa mi langa det Seikridwan Pleis, im garra garrimap det dubala ston, en im garra oldei werrimon det nekleis wen im kaman en tok langa mi blanga faindat wanim ai wandim ol detlot Isreil pipul blanga dum.
2337	EXO 28:43	en wen dei dumbat det wek blanga mi langa det Seikridwan Pleis, dei garra oldei werrimon detlot trasis na. Wen dei garra kaman langa mi langa det Seikridwan Tent o wen dei garra go langa det teibul blanga ofring, dei kaan shoum miselp bodi. If dei shoum miselp bodi, wal ai garra kilim olabat ded. Eran en ola pipul hu garra kaman biyain langa im garra bulurrum dijan lowa na olagijawan.”
2341	EXO 29:4	“Yu garra bringimap Eran en im fobala san langa det dowa langa det Seikridwan Tent, en yu garra meigim olabat bogi garram woda.
2347	EXO 29:10	“Yu garra bringimap det yangwan boiwan buligi lida langa det Seikridwan Tent, en yu garra dalim Eran en im san olabat blanga pudum olabat bingga langa det hed blanga det buligi,
2348	EXO 29:11	en yu garra kilim im ded deya na lida langa det Seikridwan Tent weya ai garra jidan,
2367	EXO 29:30	Wen Eran garra dai, wanbala san blanga im garra teikoba det brabli haibala serramonimen pleis brom im, en det san garra wek blanga mi deya langa det Seikridwan Tent, en im garra go insaid langa det Seikridwan Pleis weya ai garra jidan. Wen det taim garra kaman blanga det san blanga teikoba brom Eran, im garra werrimon detlot speshalwan klos blanga 7 dei.
2369	EXO 29:32	en Eran en im san olabat garra dagat det bif garram detlot leftobawan damba lida langa det Seikridwan Tent.
2379	EXO 29:42	Olataim dei garra kaman en gugum det ofring lida langa det Seikridwan Tent weya ai garra jidan, dumaji deya na ai garra midim main pipul olabat en tok langa yu,
2381	EXO 29:44	Ai garra meigim det Tent en det teibul jidan seikridwan, en ai garra kadimat Eran en im san olabat blanga jidan serramonimen en wek blanga mi,
2389	EXO 30:6	Yu garra pudum det teibul insaid langa det Seikridwan Tent weya ai garra kaman en tok langa yu. Det teibul garra jidan atsaidwei brom det ketin weya im blandimbat det Seikridwan Boks garram det dubala ston garram ola lowa.
2393	EXO 30:10	Wantaim ebriyiya Eran garra abum speshalwan serramoni blanga meigim det teibul jidan seikridwan, en im garra gajim blad brom det enimul weya dei garra kilim blanga meigim detlot pipul fri brom olabat nogudbalawei, en im garra rabum det blad langa detlot fobala ampat blanga det teibul. Dijan na det lowa blanga meigim det teibul jidan seikridwan, en dis lowa garra jidan olagijawan. Mi na YAWEI det trubala God, en det teibul garra jidan brabli seikridwan blanga mi.” Lagijat na YAWEI bin gibit det plen langa Mosis weya im garra meigim det Seikridwan Tent garram ola enijing,
2399	EXO 30:16	Yu garra gajim det mani en yusum blanga lukaftumbat det Seikridwan Tent weya ai garra jidan, en det mani garra pei blanga olabat laif, en ai garra oldei jinggabat langa olabat en lukaftumbat olabat.”
2401	EXO 30:18	“Yu garra meigim kopawan dish garram kopawan bodampat blanga meigim im jandap, en yu garra pudum det dish langa midul langa det Tent en det bigwan teibul, en yu garra bilimap woda langa det dish.
2402	EXO 30:19	Bifo Eran det haibala serramonimen en im fobala san gowin langa det Tent o go blanga gibit det daga ofring langa det teibul, dei garra washim olabat bingga en fut langa det dish garram woda.