1421	GEN 46:34	en yumob garra meiksho yumob dalim im yumob bin oldei jidan stakmen jis laik yumob grenfatha olabat. En wen yumob tok lagijat, det king garra larram yumob jidan langa dijan kantri Goshin, dumaji ola Ijip pipul nomo laigim stakmen”. Lagijat na Josef bin tok.
2695	EXO 39:30	Deibin meigim det seikridwan hetben garram gudwan gol, en deibin raidimdan det wed langa det hetben du. Det wed bin tok, “Dijan blanga YAWEI”.
17336	PRO 30:15	Det gridibala garram dubala doda en det dubala garram seim neim, “Gibit Mi”. Wal dislot fobala ting nomo jidan sedisfaid. Olabat na
18936	ISA 62:12	Afta ai kaman, yumob neim garra jidan “Ronwan Pipul blanga YAWEI” en “Detlot Pipul weya YAWEI bin seibum”. En dei garra gibit Jerusalem nyubala neim, “Det Taun weya God Laigim” en “Det Taun weya Bigmob Pipul Jidan”.’”
29185	GAL 3:16	Wal yumob jinggabat na. God bin gibit det pramis langa Eibrahem en langa im grensan. Yu si? Langa oltestaman imbin tok, “langa im grensan”. Im nomo bin tok, “langa im grensan olabat”. Im nomo bin tok blanga bigmob pipul. Imbin oni tok blanga wanbala grensan. En det grensan na im Jisas Krais.
30132	HEB 7:1	Wal yumob sabi hu Melkisadek? Imbin det king blanga det taun gulum Seilam, en imbin serramonimen blanga det brabli haibala God, en garram det Hibru langgus det neim Melkisadek im tok, “King blanga Raitwei”. En det neim King blanga Seilam im tok, “King blanga Gudbalawei”. Wal wi nomo sabi hu im mami en dedi, en wi nomo sabi hu im grengrenfatha olabat, en wi nomo sabi weya imbin bon en hau imbin dai. Bat wi sabi im jidan serramonimen olagijawan jis laik det San blanga God. En wi sabi wen Eibrahem det grengrenfatha blanga wi bin abum fait langa detlot fobala king, imbin bidim olabat. Afta Melkisadek bin go en midim im, en imbin tok langa im en bin meigim im gudbinji. En afta Eibrahem bin gibit im wanbala ting blanga ebri tenbala enijing weya imbin gajim brom detlot enami blanga im.