23224	MAT 1:11	Yosiya kamweleka Yekoniya na ndughu tsake mne ghamatsuwa ghala Wayahudi ghawaghalighwe Babeli.
23225	MAT 1:12	Wayahudi hawakalile Babeli, Yekoniya kamweleka Setieli, Setieli kamweleka Serubabeli,
23230	MAT 1:17	Apfo tsakukala na pfeleko kumi na nne kulawa Abrahamu mbaka Daudi, na pfeleko kumi na nne kulawa Daudi mbaka Wayahudi hawaghalighwe akula Babeli, na pfeleko kumi na nne kulawa Wayahudi hawaghalighwe Babeli mbaka kwelekighwa kwa Kiristu Mkombotsi.
23240	MAT 2:2	waghutsa, “Yalikwani imndewa wa Wayahudi yelekighwe? Tuyona inondo yake kulawa ubali wa kwalilawila litsua, kuya tutsa kumtamanila.”
23243	MAT 2:5	Wamwidika, “Katsakonekela Betilehemu mne isi ya Yudeya, kwaapfila yandikighwa na nabii,
23251	MAT 2:13	Iwanu awo hawokile, malaika kamlawila Yosefu mndoto kamlongela, “Winuke, umsole imwana na mai wake, mtsumile Misiri. Mkale ako mbaka hanitsokulongela, kwaapfila Herodi kobama yamkome imwana.”
23258	MAT 2:20	kamlongela, “Winuke, umsole imwana na mai wake muye Isiraeli, kwaapfila awala iwabamile kumkoma imwana, wose ma wafa.”
23267	MAT 3:6	Watsitoghola nzambi tsawo na kutsileka, naye kawabatitsa mne ghumto Yoridani.
23293	MAT 4:15	“Isi ya Sabuloni na isi ya Nafutali, inzila ya kughendela mna bahali, kumwambu mwe Yoridani. Galilaya, isi ye iwanu iwali si Wayahudi!
23306	MAT 5:3	Wabweda iwanu wala iwomuhuwila Imulungu, kwaapfila Undewa we kulanga wawo.
23307	MAT 5:4	Wabweda awala wane usungu, kwaapfila watsokanzighwa.
23308	MAT 5:5	Wabweda awala iwahole, kwaapfila watsoihala iisi.
23309	MAT 5:6	Wabweda awala wane inzala ne ing'ilu ya kutenda ghayobama Imulungu, kwaapfila Imulungu katsowaghutitsa.
23310	MAT 5:7	Wabweda awala wane libatsi, kwaapfila Imulungu katsowonela libatsi.
23311	MAT 5:8	Wabweda awala wane imimoyo inoghile, kwaapfila watsomwona Imulungu.
23312	MAT 5:9	Wabweda awala iwalamulitsi, kwaapfila watsokemighwa iwana we Imulungu.
23313	MAT 5:10	Wabweda awala iwodununzika kwa kutenda aghala ghayobama Imulungu, kwaapfila undewa wa kulanga wawo.
23328	MAT 5:25	“Wilamle ne imunu iyakughalile kune libaratsa. Utende apfo mng'ali mnzila, hela katsokughala kwe imlamulitsi na imlamulitsi katsokughala kwe asikali mkulu, naye katsokwika mchifungo.
23339	MAT 5:36	Wala mleke kwilaha kwa litwi, kwaapfila ng'amdaha bae kulutenda lupfili lumwe luwe lutselu au lutitu.
23376	MAT 6:25	“Apfo nowalongelani, mleke kusumbukila ipfijo au pfokunwa pfambama ili mkale waghima. Wala ng'uli tsenu tsitsopfala choni. Angu ughima ng'aunoghile bae kubita ichijo? Na lukuli ng'alunoghile bae kubita lighwanda?
23400	MAT 7:15	“Mwalangitse na manabii we ughutsu. Womtsilani aku wakoneka kwa kunze ka iwang'olo, lekeni mghati mwawo weghala ne wambwa wa kumuhulo.
23453	MAT 9:5	Chihi chibewe, kulonga, ‘Nzambi tsako tsileghusighwa,’ au kulonga, ‘Winuke ughende’?
23454	MAT 9:6	Lelo nobama mmanye ka Imwana we Imunu kana uwetso muisi wa kuwaleghusila wanu nzambi.” Kuya kamlongela imunu iyaholole, “Winuke, usole chilagho chako, uke ukaye!”
23466	MAT 9:18	Hayang'ali yolonga apfi, imkulu wa Wayahudi kamghendela, kamtowela ghamaghoti, kalonga, “Mwanangu kafa sambisambi, lekeni utse umwikile ghumoko katsohona.”
23476	MAT 9:28	Yesu hayengile mng'anda, pfifita wala weli wamghendela, Yesu kawaghutsa, “Apfi mwotoghola ka nene nodaha kuwahonetsa?” Wedika, “Ona, Imtwatsa!”
23491	MAT 10:5	Yesu tsakawatuma Iwatumighwa awo, kawalaghitsa, “Mleke kughenda kwe iwanu ing'awammanyile Imulungu bae, au mne isi tse Wasamariya.
23499	MAT 10:13	Wenye kaye wang'ambokelani, nawo watsokala tseghamba, lekeni ka ng'awombokelani bae, mwemwe mtsokala tseghamba.
23544	MAT 11:16	“Apfi iwanu wa ghamatsuwa ghano weghala na choni? Weghala ne iwana wadodo iwakalile kusoko, wowakema wayawo wolonga,
23568	MAT 12:10	baho tsakukala na imunu yumwe yane ghumoko ighuholole. Iwanu wangi wamghutsa Yesu, “Apfi ng'aighomighwa kumhonetsa imunu mne litsuwa lya Sabato?” Wamghutsa apfo ili wapate imbuli ya ukumghoghela.
23606	MAT 12:48	Yesu kamwidika, “Yuhi mai wangu? Wahi ndughu tsangu?”
23621	MAT 13:13	Achino ichinu ichinitenda nilonge nawo kwa mifano. Wolola lekeni ng'awakona bae, wotegheletsa lekeni ng'awohulika wala ng'awomanya bae.
23635	MAT 13:27	Watumwa wake wamghendela, wamlongela ‘Imndewa, apfi ng'uhandile mbeghu inoghile mne mghunda wako. Lelo imighughu ilawile kwani?’
23659	MAT 13:51	Yesu kawaghutsa, “Apfi mwoghamanya aghano ghose?” Wamwidika, “Ona.”
23683	MAT 14:17	Wamwidika, “Tuna pfighate pfitano pfiliyeka ne iwasomba weli.”
23692	MAT 14:26	Iwanang'ina wake hawamwonile koghenda mchanya mwe ghamatsi, tsawapfuka. Walonga, “Ghumtsimu!” Wakemelela kwa kupfuka.
23702	MAT 14:36	Wamlomba yawalekele iwatamu wakinde mindo ye lighwanda lyake. Na wose iwalikindile tsawahona.
23711	MAT 15:9	Wonitamanila hela, kwaapfila wolangulitsa ghamalaghitso ghe iwanu ka ghamalaghitso ghangu.’ ”
23736	MAT 15:34	Yesu kawaghutsa, “Mna pfighate pfingapi?” Wamwidika, “Saba na iwasomba wadowado chidogho.”
23739	MAT 15:37	Wose tsawaja na kwighuta. Kuya iwanang'ina wake wadondola ipfiseghe saba ipfimemile pfighate ipfisighale.
23748	MAT 16:7	Wandusa ukwighutsa iwenyegho kwa iwenyegho, “Kolonga apfi kwaapfila ng'atughalile chighate chochose bae.”
23755	MAT 16:14	Wamwidika, “Iwanu wangi wolonga Yohane Mbatitsa, wangi wolonga Eliya, wangi wolonga Yeremiya au yumwe wa nabii.”
23789	MAT 17:20	Yesu kawedika, “Kwaapfila mwotoghola chidogho. Nowalongelani ghendo, ka ukutoghola kwenu kung'awile kudodo ka imbeghu ya haladali, mng'adahile kuchilongela chidunda chino, ‘Ulawe hano, ughende kula,’ nacho ching'aghendile. Wala ng'akutsokuwa ne ichinu chochose ing'achidahika kuna mwemwe.”
23834	MAT 19:3	Mafarisayo wangi wamghendela Yesu wamghetse. Wamghutsa, “Angu pfinogha immale kumleka mwehe wake kwa totso lyolyose?”
23843	MAT 19:12	Kuna ipfinu pfingi ipfiwatenda iwamale waleke kukwela, kwaapfila wamwenga welekighwa pfipfo, na wamwenga watendighwa apfo ne iwanu. Wamwenga ng'awokwela bae kwaajili ye undewa wa kulanga. Imunu iyodaha kuitoghola imbuli ino, leka yaitoghole.”
23873	MAT 20:12	Walonga, ‘Iwanu wano iwatsile kusang'ana nemihe, wasang'ana kwa saa limwe liliheka, lekeni kuwaliha ka pfautulihe twetwe itusang'ane misi yose mlutsua.’
23880	MAT 20:19	Kuya watsomghala kwe iwanu iwali si Wayahudi, nawo watsombetsa, watsomtsipula na watsomkoma kwa kumuwamba mna msalaba, lekeni ghamatsuwa madatu hambele katsotsilihuka!”
23883	MAT 20:22	Yesu kawalongela, “Ng'ammanyile bae achila chamlomba. Angu mwodaha kunwela ichikombe chanitsonwela nene?” Wamwidika, “Twodaha.”
23886	MAT 20:25	Lekeni Yesu kawakema, kawalongela, “Mwomanya ka iwabala we iwanu iwali si Wayahudi wowalongotsa iwanu wawo kwa ingupfu, na pfilongotsi wawo wana ukulu kuna wawo.
23894	MAT 20:33	Wamwidika, “Imtwatsa, twobama twone!”
23902	MAT 21:7	Wamghala ipunda ne imwana we ipunda, weka ghamaghwanda ghawo mchanya mwe punda awo, na Yesu kakala mchanya mwake.
23916	MAT 21:21	Yesu kawedika, “Nowalongelani ghendo mng'atoghola na kuleka kwalangula, mwodaha kutenda si achila chiliyeka ichanendile mne mbiki, ila mwodaha kuchilongela chidunda chino, ‘Wibule, wikeyase mwibahali,’ kuya itsakuwa pfipfo.
23920	MAT 21:25	Apfi ubatitso wa Yohane ulawile kwani? Tsaulawa kulanga au kwe iwanu?” Wandusa kwighutsa iwenyegho kwe iwenyegho walonga, “Tung'alonga, ‘Ulawa kulanga,’ katsotughutsa, ‘Ule lelo ng'amumtoghole Yohane?’
23926	MAT 21:31	Lelo yuhi mna iwana wano weli iyatendile achila chayabamile aba wake?” Wamwidika, “Imwana imkulu.” Yesu kawalongela, “Nowalongelani ghendo, iwasola kodi na iwaghoni watsowalongola kwingila mne undewa we Imulungu.
23932	MAT 21:37	Hawamalile wose ghendo, kamtuma imwanaghe kuna wawo, kalonga, ‘Watsomtegheletsa mwanangu.’
23936	MAT 21:41	Wamwidika, “Katsowakoma ghendo iwanu awo wehile, katsoweka iwanu wangi mne mghunda aghwo, nawo watsomgholela tsitsabibu mne ghamatsuwa ghe kupfuna.”
23940	MAT 21:45	Watambika wakulu na Mafarisayo hawahulike apfo, tsawamanya Yesu tsaang'ali yowalonga wawo.
23945	MAT 22:4	Kuya kawatuma iwatumwa wangi, kalonga, ‘Muwalongele pfino awala iwakemighwe kune chihungo, nyambika ipfijo. Wang'ombe wangu iwanenehe wachinjighwa, na chila chinu chaghoya. Mtse kuchihungo.’
23957	MAT 22:16	Kuya wawatuma iwanang'ina wawo hamwe ne iwanu wangi wa kingili lya Herodi. Walonga, “Mlangulitsi, twomanya ghendo ghweghwe kolongesa. Naghwe koilangulitsa pfinoghile inzila ye Imulungu, ng'upfuka bae ukulu we imunu wowose, kwaapfila ng'ulola bae ipfihanga pfe iwanu.
23960	MAT 22:19	Nanguseni sendi yamlihila kodi!” Wamghalila isendi,
23962	MAT 22:21	Wamwidika, “Pfa Kaisari mndewa wa Roma.” Apfo Yesu kawalongela, “Lelo, mwing'eni Kaisari aghala gha Kaisari na mwing'eni Imulungu aghala ghe Imulungu.”
23965	MAT 22:24	Wamghutsa walonga, “Mlangulitsi, Musa katulongela immale ang'afa bila kweleka iwana, ndughu yake kobamighwa amkwele chitsuka ayo, ili amwelekele indughu yake iwana.
23966	MAT 22:25	Lelo, hakaye hetu hano tsahana iwandughu saba. Wamwanduso kakwela, kuya kafa, na kwaapfila tsakahela iwana, mwehe wake kamlekela ndughu yake.
23983	MAT 22:42	“Mwemwe mmwonatse Kiristu. Angu imwana wa nani?” Wamwidika, “Imwana wa Daudi.”
23991	MAT 23:4	Wakowa imitsigho mitito na kuwatwika iwanu mmahegha mwawo. Lekeni wawo iwenyegho ng'awobama bae hata kugholosa chidole na kuinula.
23993	MAT 23:6	Wonoghela kukala hanu hanoghile mne chihungo na kukala mne pfighoda ipfili hambele mne tsing'anda tsa ukulombela.
23994	MAT 23:7	Wonoghela kulamsighwa mmasoko na kukemighwa ne iwanu, ‘Mlangulitsi.’
23996	MAT 23:9	Wala mleke kumkema imunu ‘aba’ hano muisi, kwaapfila mna ‘Aba’ yumwe yaliyeka, naye ka kulanga.
24010	MAT 23:23	“Mtsoghaya mwemwe imlangulitsa Ghamalaghitso, na Mafarisayo! Wang'enye! Kwaapfila mwolapfa tsaka ya pfinu pfidodo ka imitsani iinung'ila ghoya, binzali na kalafuu, lekeni mwoleka kutsikinda mbuli ng'ulu tsa Ghamalaghitso ka pfila haki, libatsi ne ukutoghola. Mghatende agha, na mleke kughaleka aghala ghangi.
24021	MAT 23:34	Apfo nowaghalilani manabii, ne iwanu wane nzewele, na iwalangulitsi. Wangi wawo mtsowakoma na wangi mtsowawamba mna misalaba, wangi mtsowatowa pfiboko mne tsing'anda tsenu tse ukulombela na kuwawinga kulawa ghumji ghuno kughenda ghumji ghungi.
24045	MAT 24:19	Watsoghaya iwapinga wane tsiinda na awala iwakong'etsa mne ghamatsuwa agho.
24079	MAT 25:2	Watano mna wawo tsawabotsi, na watano wangi tsawana ihekima.
24087	MAT 25:10	Lekeni hawang'ali woghenda kughula ghamafuta, imunu yokwela tsakapfika. Wali awala iweyandaye, wengila naye mng'anda mne chihungo cha ukukwela. Na libani lihindighwa.
24128	MAT 26:5	Walonga, “Lekeni ileke kutendeka mne chihungo, hela kutsolawila hengele.”
24138	MAT 26:15	kawaghutsa, “Ning'awapfila ukumhunduka Yesu, mtsongaya choni?” Wampetela tsisendi selasini, wamwing'a.
24150	MAT 26:27	Kuya kasola chikombe, kachibaliki, kaweng'a iwanang'ina wake, kalonga, “Wose mnwele chikombe achi.”
24186	MAT 26:63	Lekeni Yesu kanyamala. Mtambika mkulu, kamlongela, “Wilahe kwe Imulungu iyali mghima. Utulongele ka ghweghwe kwa Kiristu, Imwana we Imulungu.”
24189	MAT 26:66	Mwemwe mkonatse?” Wamwidika, “Katotsa, yakomighwe.”
24190	MAT 26:67	Wambwalulila ghamate mchihanga na wamtowa. Wamwenga wamtowa makofi.
24191	MAT 26:68	Walonga, “Ghwe Kiristu, utange yuhi yakutowile?”
24200	MAT 27:2	Wamwoha, wamlongotsa wamghala kwa Pilato, mkulu wa isi iyasaghulighwe ne mkulu Roma.
24207	MAT 27:9	Kuya achila chayalongile nabii Yeremiya chitimila, “Watsosola sendi selasini, tsawatoghole iwanu wa Isiraeli kumlihila,
24209	MAT 27:11	Yesu tsakema hambele ha imkulu wa Roma, na imkulu ayo kamghutsa, “Angu ghweghwe kwa Imndewa wa Wayahudi?” Yesu kamwidika, “Ghweghwe kolonga.”
24219	MAT 27:21	Pilato kawaghutsa keli, “Yuhi mna wano weli mwombama nimlekelele?” Wamwidika, “Baraba.”
24220	MAT 27:22	Pilato kawaghutsa, “Lelo nimtende choni ayu Yesu yokemighwa Kiristu?” Wose wamwidika, “Umuwambe mna msalaba!”
24226	MAT 27:28	Wamtsula ghamaghwanda ghake, wampfatsa lighwanda dung'u,
24227	MAT 27:29	Kuya wabota fiya ya tsimiwa walika mwitwi mwake, kuya weka ing'weku mne ghumoko ghwake wa kujilo, watowa ghamaghoti hambele hake. Wambetsa, walonga, “Mbukwa, Imndewa wa Wayahudi.”
24228	MAT 27:30	Wambwalulila ghamate, wasola ing'weku wamtowa mwitwi.
24229	MAT 27:31	Hawamalitse kumbetsa, wamtsula lighwanda alyo, wampfatsa ghamaghwanda ghake. Wamghala yawambighwe mna msalaba.
24231	MAT 27:33	Wapfika hanu hokemighwa Goligota, mana yake Chibombwe che Litwi.
24232	MAT 27:34	Wamwing'a Yesu idipfai iitifighwe ne ichinu che usungu, lekeni hayailanzile, kalema ukunwa.
24233	MAT 27:35	Wamuwamba mna msalaba, kuya wegholela ghamaghwanda ghake kwa kutowa simbi.
24234	MAT 27:36	Wakala hasi wamlolesa.
24235	MAT 27:37	Na hachanya he litwi lyake, wandika lighomba lyake, “Ayuno Yesu, Imndewa wa Wayahudi.”
24240	MAT 27:42	Walonga, “Kawakombola iwanu wangi, lekeni ng'odaha bae kwikombola imwenyegho, ambe yeye ka Imndewa we Isiraeli, tumlole lelo yahulumke mna msalaba, na twetwe tutsomtoghola.
24251	MAT 27:53	Walawa kunze mwe tsikabuli, na Yesu hayatsilihuke waghenda mne ghumji mwenzeluka, na iwanu wengi wawona.
24261	MAT 27:63	Walonga, “Imndewa, twokumbuka mghutsu yula, hayang'ali mghima tsakalonga, ‘Ghang'abita ghamatsuwa madatu, nitsotsilihuka keli.’
24273	MAT 28:9	Bahala Yesu ketingana nawo, kawalongela, “Nowalamsani.” Wamghendela, wakinda ghamaghulu ghake, wamtamanila.