354	GEN 14:17	Pa mudina sa pinule va mataqara te Ebarami koe Kedoleoma meke sari kaiqa baṉara pule, si mae tutuvia sa baṉara Sodomu si asa, koasa lolomo pa Save (sapu ta pozae kamahire, Na Lolomo tadi na Baṉara).
1037	GEN 35:25	Meke saripu te Biliha (sa barikaleqe nabulu te Reseli) si ari, Dani meke Napitalai.
1399	GEN 46:12	E Ziuda meke sari na tuna koreo: Ari Era, Onani, Sela, Perezi meke Zera, (ba mate pa popoa Kenani sari Era e Onani.) Sari na tuna koreo Perezi si Hezironi meke Hamulu.
1459	GEN 48:7	Tavetia rau sapu gua asa, sina sa tinamu sapu se Reseli, sapu talotaṉa hola nia rau si ele mate pa popoa Kenani, lopu seu pa Eparata, koasa qua pinule mae pa Mesopotemia. Meke pomunu nia rau si asa pa vale siraṉa la gua pa Eparata.” (Eparata si ta pozae Betilihema pa rane ṉinoroi.)
4496	NUM 26:5	Sa butubutu te Rubeni (Rubeni si na tuna koreo kenuna e Zekopi): sari na tuna Hanoki, Palu,
4500	NUM 26:9	meke sari na tuna Eliabi si ari Nemuela, Datani, meke Abirami. (Datani meke Abirami hire sari karua pu lopu hiva nia sa tinuraṉa te Mosese meke Eroni, meke somana koasa puku tie te Kora.
4510	NUM 26:19	Sa butubutu te Ziuda: sari na tuna si ari Sela, Perezi, Zera, Hezironi meke Hamulu. (Karua tuna Ziuda, ari Eri meke Onani si mate pa popoa Kenani.)
4758	NUM 32:38	Nebo, Beolo Meoni (Sa pozapoza si ele hobe), meke Sibima. Valani pozapoza vaqura rini sari na popoa sapu kuri pulei rini.
4777	NUM 33:15	Topue pule si arini pa Repidimi la pa toqere Horo, meke va turu dia ipi koari na vasidi hire: qega pa Saenai, Kibirote Hatava (sa ginuana si na lovudi ri na tinoni pu ṉaṉaluta miti), Hazeroti, Ritima, Rimoni Perezi, Libina, Risa, Kehelati, Toqere Sepa, Harada, Makeheloti Tahati, Tera, Mitika, Hasimona, Moseroti, Bene Zakana, Horo Haqiqada, Zotibata, Aborona, Ezioqeba, sa soloso qega ta pozae Zini (popoa ta pozae Kadesi), meke Toqere Horo, sapu tata pa hukihukirina sa popoa pa Edomu.
4950	DEU 2:10	(Pukerane sari na tuti malivi lavata sapu ta pozae Imimi, si koa pa Are. Ululu hola ni rini sari na tie Anaki. Arini si keke tututi malivi tugo.
4960	DEU 2:20	(Ta gilana tugo sapu pa kali popoa asa si koa ia rina tie Repaimi pukerane. Ba ta pozae Zamuzumimi koari na tie Amoni si arini.
4986	DEU 3:9	(Sa toqere Hemoni si ta pozae Sirione koari na tie pa Saedoni, meke Seni si na pozapoza koari na tie Amoraiti.)
4988	DEU 3:11	(Sa baṉara Oqo si na tie mumudi hokara sapu na kineha malivi pa butubutu Repaimi. Sa kesi tanisa si ta tavetae patu Made mita gelena meke karua mita labena si asa. Korapa koa hola sa kesi meke boka ta dogoro koari na tie Amoni pa vasileana Raba.)
4990	DEU 3:13	Sa kukuruna sa butubutu te Manase pa kali gasa rimata Zodani si tava hia la sa popoa pa Qileadi pule, meke sa popoa Basani sapu ta pozae popoa Aqobi, vasina sapu ele koa baṉara se Oqo,” gua. (Basani si ta gilana sapu na pepeso tadi na butubutu malivi pu ta pozae Repaimi.
6141	JOS 12:9	Hire sari na vasileana tadi na baṉara pu va kilasi ri na tinoni Izireli: Zeriko, Ai (tata pa Betolo),
6154	JOS 12:22	Kedesi, Zokoneami (pa toqere Kameli)
6155	JOS 12:23	Doro (pa raratana kolo Meditareniani), Qoimi (pa popoa Qiliqali)
6159	JOS 13:3	gua tugo sari doduru pinaqaha popoa tadi na tie Avimi pa kali la gua pa Izipi. (Sa pepeso podalae koasa leana Siho koasa voloso pa Izipi, meke kamo la gua tu pa vasileana Ekoroni, sina popoa tanisa butubutu Kenani. Sari na baṉara tadi na tinoni Pilisitia si koa pa Qaza, Asidodi, Asikeloni, Qati, meke pa Ekoroni.)
6229	JOS 15:25	Hazo Hadata, Kerioti, Hezironi, (sapu ta pozae Hazo tugo),
6312	JOS 18:17	Vasina si likoho la gua pa vasileana Enisemesi, meke tiqe hola la gua pa Qeliloti sapu doṉo la koasa siraṉa karovoana sapu ta pozae Adumimi. Beto asa si gore la gua sa voloso koasa patu te Bohani (Bohani sina tuna koreo e Rubeni).
6331	JOS 19:8	Somanae sari na vasileana lavata kamo la gua tu pa Balati Bia (babe Rama pa popoa Neqevi). Arini sari na popoa saripu vagi rina puku tatamana koasa butubutu te Simione pude na dia tinago.
6394	JOS 21:11	Ta poni nia rini sa vasileana lavata pa Aba (Aba si na tamana e Anaki), kamahire si ta pozae Heboroni si asa, koasa vasina toqetoqere pa Ziuda, turaṉae la tugo sari na pezara duduli pa vari likohaedi.
6396	JOS 21:13	Turaṉae la tugo pa Heboroni (keke koari na vasileana lavata tadi na tie govetedi) sari na vasileana lavata hire si somana ta vala koari tutina e Eroni sa hiama: Libina
6404	JOS 21:21	Ka made vasileana lavata si ta poni ni rini: Sekemi meke sari na pezara duduli koasa popoa toqetoqere pa Iparemi (keke vasileana lavata tadi na tie govetedi), Qeza,
6410	JOS 21:27	Keke puku butubutu Livae pule, pa tutina e Qerisoni si vagi pa voloso popoa te Manase pa kali gasa rimata si karua vasileana lavata: Qolani pa Basani (keke koari na vasileana lavata tadi na tie govetedi) meke pa Bisitera, turaṉae sari na dia pezara duduli.
6415	JOS 21:32	Pa voloso popoa te Napitalai si vagi tugo rini sari ka ṉeta vasileana lavata: Kedesi pa Qaleli turaṉae la tugo sari na pezara duduli (keke vasileana lavata tadi na tie govetedi), Hamoti Doro meke Katani, turaṉae la tugo sari na pezara duduli.
6421	JOS 21:38	Pa butubutu Qadi si vagi rini si ka made vasileana lavata: Ramoti pa popoa Qileadi, meke turaṉae la tugo sari pezara dudulidi (keke vasileana lavata tadi na tie govetedi), Mahanaimi,
7914	1SA 26:6	Ke nanasia Devita se Ahimeleki sa tie Hitaiti, meke se Abisai sa tasina e Zoabi (Sa tinadia ri si e Zeruia), “Esei koa gamu kara si kote luli koa rau pude la koasa vasina sapu koa se Saula?” “Arau,” olaṉa gua se Abisai.
8043	2SA 1:18	meke va turua sa sa tinarae pude va tumatumae nia koari na tinoni pa butubutu Ziuda. (Ta kubere pa buka te Zasara si asa.)
8674	2SA 23:18	Abisai sa tasina e Zoabi (sa tinadia si e Zeruia) sina koimata koari ka Toloṉavulu Puta Tie Varane. Nana hopere si varipera nia sa meke va mate betoi sa sari ka ṉeta gogoto tie, meke tava ululu pozana koari ka toloṉavulu puta tie varane sara.
12035	EZR 2:3	Sari na tuna e Parosi si karua tina keke gogoto zuapa ṉavulu rua, sari na tuna e Sepatia si ṉeta gogoto zuapa ṉavulu rua, sari na tuna e Araha si zuapa gogoto zuapa ṉavulu lima, sari na tuna e Pahati Moabi (Sa butubutu te Zesua meke Zoabi) si karua tina vesu gogoto manege rua, sari na tuna e Elami si keke tina karua gogoto lima ṉavulu made, sari na tuna e Zatu si sia gogoto made ṉavulu lima, sari na tuna e Zakai si zuapa gogoto onomo ṉavulu puta, sari na tuna e Bani si onomo gogoto made ṉavulu rua, sari na tuna e Bebai si onomo gogoto hiokona ṉeta, sari na tuna e Azaqadi si keke tina karua gogoto hiokona rua, sari na tuna e Adonikami si onomo gogoto onomo ṉavulu onomo, sari na tuna e Biqivai si karua tina lima ṉavulu onomo, sari na tuna e Adini si made gogoto lima ṉavulu made, sari na tuna e Atera pa tututi te Hezikaea si sia ṉavulu vesu, sari na tuna e Bezai si ṉeta gogoto hiokona ṉeta, sari na tuna e Zora si keke gogoto manege rua, sari na tuna e Hasumi si karua gogoto hiokona ṉeta, sari na tuna e Qibara si sia ṉavulu lima.
12280	EZR 10:23	Sari na tie Livaeti: Ari Zozabada, e Simei, e Kelaia (asa sapu ta pozae Kelita tugo), e Petahia, e Ziuda, meke e Elieza.
12433	NEH 7:8	Hire sari pozadi, luli gua pa dia puku tuti meke sari ninaedi rini: ari pa tuti te Parosi si ari karua tina keke gogoto hiokona rua, te Sepatia, ṉeta gogoto zuapa ṉavulu rua, te Araha, onomo gogoto lima ṉavulu rua, te Pahati Moabi (ari tuti te Zesua meke te Zoabi), karua tina vesu gogoto manege vesu, te Elami, keke tina karua gogoto lima ṉavulu made, te Zatu, vesu gogoto made ṉavulu lima, te Zakai, zuapa gogoto onomo ṉavulu puta, te Binui, onomo gogoto made ṉavulu vesu, te Bebai, onomo gogoto hiokona vesu, te Azaqadi, karua tina ṉeta gogoto hiokona rua, te Adonikami, onomo gogoto onomo ṉavulu zuapa, te Biqivai, karua tina onomo ṉavulu zuapa, te Adini, onomo gogoto lima ṉavulu lima, te Atera (sapu ta pozae Hezikaea), sia ṉavulu vesu, te Hasumi, ṉeta gogoto hiokona vesu, te Bezai, ṉeta gogoto hiokona made, te Haripi, keke gogoto manege rua, te Qibione, sia ṉavulu lima.
12468	NEH 7:43	Sa tututi pa butubutu Livae saripu kekere puledi mae koa sa tina raovo: Sari na tuna Zosua meke Kedimieli (tututi te Hodavaea), zuapa ṉavulu made, sari na tie kerakera pa Zelepade (tututi te Asapa), keke gogoto made ṉavulu vesu, sari na tie kopu sasada pa Zelepade (tuti tadi Salumu, Atera, Talamoni, Akubo, Hatita, meke Sobai), keke gogoto toloṉavulu vesu.
14033	PSA 9:2	(Aleph) Kaqu vahesi zoṉazoṉa Igo rau si Agoi Zihova pa doduru buloqu. Kaqu tozi vurani rau sari doduru Mua tinavete variva magasadi.
14035	PSA 9:4	(Bet) Sipu vura mae si Agoi si govete pule taloa sari na qua kana, meke hoqa mate pa kenumu Goi si arini.
14037	PSA 9:6	(Gimel) Ele norei Goi sari na butubutu huporodi, meke ele va mate pani Goi sari na tie kaleadi. Loke tutidia si koa ninae rane ka rane.
14039	PSA 9:8	(He) Ba se Zihova si koa Baṉara ninae rane ka rane, ele va turua Sa sa Nana habohabotuana varipituina.
14041	PSA 9:10	(Vav) E Zihova si na aqoroana tadi doduru pu koa ta ṉoṉovala, meke na bara patu ululuna pa vasileana pa totoso tasuna.
14043	PSA 9:12	(Zain) Mi kera vahesia se Zihova sapu koa Baṉara pa Zaione; tozi vurani koari doduru tie sari Nana tinavete.
14045	PSA 9:14	(Het) Ke, Zihova, Mu tataru nau, dogoria Goi sa qua tinasigiti pu evaṉa nau rina qua kana. Mu va sare au pa minate,
14047	PSA 9:16	(Tet) Sari na butubutu si gelia rini si keke pou pude va hoqa au, gua, meke ṉovala puleni teledia, tavetia rini si keke sipata pude vagi au, ke koari na dia binalabala kaleadi pu tavete tomei rini si ta vagi tugo si arini.
14049	PSA 9:18	(Yod) Kaqu kekere la pa minate sari na tie kaleadi, meke sari na tie huporo pu hoke muliṉi nia sa Tamasa.
14050	PSA 9:19	(Kaph) Sari na habahuala si lopu kaqu ta muliṉae koe Zihova, meke sa inokoro nabuna tadi na habahuala pude tava sare, si kaqu koa hola ninae rane ka rane.
14053	PSA 10:1	(Lamed) Kei Zihova, na vegua ke koa va seu si Goi? Na vegua ke tome Mua si Goi pa totoso tasuna si gami?
14055	PSA 10:3	(Mem) Sa tie kaleana si vahesi pule nia koari nana inokoro kaleadi pa bulona, meke va lavatia sa sa tie puhina ba va karia sa se Zihova.
14056	PSA 10:4	(Nun) Sa tie kaleana si lopu hite hata ia sa minana te Tamasa. Pa nana vinahesi pule si balabala ia sa sapu loke Tamasa si koa, gua.
14059	PSA 10:7	Koba zama leveleve na sekesekei na ṉoṉovala si asa koari na tie. (Pe) Bebeno zamani sa sari na zinama pu vari sigiti, na kaleadi pa tie.
14060	PSA 10:8	Opo tomeni sa pa vasivasileana pude va matei sari na tie leadi, meke seke tomei sa si arini. (Ain) Doṉo hatahatai sa saripu malamalaṉadi.
14062	PSA 10:10	(Zade) Va kilasi sa si arini pa nana ṉiniraṉira, meke naqoto goreni sa si arini pu loke dia tinokae.
14064	PSA 10:12	(Qoph) Kei Zihova, qua Tamasa, Mu mae va sarei pa Limamu sari na tie ta ṉoṉovaladi. Mu lopu muliṉi ni Goi sari kinabo tadirini pu koa malaṉa.
14066	PSA 10:14	(Resh) Ba ele dogori Mua Goi sari na tinasuna na tinasigiti gua hire, meke kaqu tubehi Goi si arini. Kalavarae koa Goi sari na tie ta ṉoṉovaladi, sina Agoi mo sa tinokae tadi na tie eapa.
14067	PSA 10:15	(Shin) Mu va beto pania Goi sa ṉiniraṉira tanisa tie kaleana. Mu va kilasia Goi si asa koari nana tinavete kaleadi, pude lopu kaqu tavete pulea sa si asa.
14069	PSA 10:17	(Tav) Kei Zihova, avosi Goi sari na vinaravara tadi pu ta ṉoṉovala, meke kaqu va ṉiṉirai Goi si arini.
14269	PSA 25:1	(Aleph) Ke Zihova, koa Agoi mo si varavara atu si rau;
14270	PSA 25:2	(Bet) kei qua Tamasa, koa Agoi mo si kalavarae si rau. Maqu lopu koa tava kurekure pa vina kilasa, Mu lopu va malumi sari na qua kana pude koa mataqara hola nau.
14271	PSA 25:3	(Gimel) Sarini pu kalavarae koa Goi si lopu kaqu tava kurekure, ba sari na tie va guguedi pa dia rinaṉeraṉe koa Goi si madi tava kurekure tugo.
14272	PSA 25:4	(Dalet) Ke Zihova, Mu va gilana nau sari na Mua hiniva, Mamu va tumatumae nau sari na Mua siraṉa.
14273	PSA 25:5	(He) Mu va tumatumae nau sa Mua hinokara, ura Agoi mo sa Tamasa, sa qua Hinarupu. (Vav) Koa Agoi mo si kalavarae si rau doduru totoso.
14274	PSA 25:6	(Zain) Kei Zihova, Mu balabala ia sa Mua tataru variva tukana, meke sa Mua tataru nabuna sapu ele vata dogoro nia Goi podalae mae gua pukerane.
14275	PSA 25:7	(Het) Mu taleoso nau koari na qua sinea na kinaleadi, pu evaṉi rau totoso tie vaqura si rau. Kei Zihova, Mu balabala au pa Mua tataru nabuna, sina leana si Goi koari na tie.
14276	PSA 25:8	(Tet) Toṉoto na ṉoṉo se Zihova, gua asa ke va tumatumae ni Sa koari na tie sea sari Nana siraṉa vasina kaqu ene si arini.
14277	PSA 25:9	(Yod) Turaṉi Sa si arini pu va pepekae koasa siraṉa toṉotona; va tumatumae nia Sa koa rini sa Nana hiniva pude lulia rini.
14278	PSA 25:10	(Kaph) Doduru totoso si turaṉi Zihova sari na tie koari Nana tataru nabuna meke na hinokara; ta ronuena si Asa koarini pu kopuni sari Nana vinariva egoi na tinarae.
14279	PSA 25:11	(Lamed) Kei Zihova, Mu taleoso nau koari na qua sinea, koa gua koasa laena sa Pozamu, sina soku hola tugo sari na qua sinea.
14280	PSA 25:12	(Mem) Sarini pu pamaṉa nia se Zihova, si kaqu va tumatumaeni Sa sa Nana hiniva pude lulia rini.
14281	PSA 25:13	(Nun) Kaqu marevutu si arini doduru totoso, meke sari na tudia rina tudia si kaqu tagoa sa popoa pepeso.
14282	PSA 25:14	(Samek) E Zihova sina baere tadirini pu va tabea si Asa, meke vata dogoro nia Sa sa nana vinariva egoi nabuna koa rini.
14283	PSA 25:15	(Ain) Kalavarae si rau koe Zihova doduru totoso, meke va sare au Sa pa tinasuna.
14284	PSA 25:16	(Pe) Mu doṉo mae au, ba Zihova, Mamu tataru nau, sina loke tie si toka nau, meke koa pa tinasuna si rau.
14285	PSA 25:17	(Zade) Mu va maluarau koari doduru qua tinalotaṉa, Mamu harupau koari doduru qua tinasuna.
14286	PSA 25:18	(Qoph) Mu balabala ia sa qua tinasigiti, Mu taleosoni sari na qua sinea.
14287	PSA 25:19	(Resh) Mu doṉo la ia sa sinokudi rina qua kana; Mamu dogoria sa ṉiṉirana gua sa dia kinukiti koa rau.
14288	PSA 25:20	(Shin) Toketoke hukata nau, Mamu harupau; kopu nau pude qu lopu tava kurekure si rau, sina koa Agoi mo si aqorae si rau.
14289	PSA 25:21	(Tav) Sa qua tinoṉoto meke sa hinokara si madi kopu hukata nau pa kinaleana, sina kalavarae zoṉazoṉa koa Goi si rau.
15862	PSA 111:1	Maqu vahesia se Zihova! (Aleph) Kaqu zama leana la si rau koe Zihova pa doduru buloqu, (Bet) somanae koasa vinarigarae tie toṉoto te Tamasa.
15863	PSA 111:2	(Gimel) Variva magasa sari na tinavete te Zihova, (Dalet) ari doduru pu qetu ni si odi tumani si arini.
15864	PSA 111:3	(He) Siṉi na vina lavata, na ṉiniraṉira sari Nana tinavete, (Vav) meke sa Nana tinoṉoto si koa hola ninae rane.
15865	PSA 111:4	(Zain) Va balabala ni Sa pa tie sari Nana tinavete variva magasadi; (Het) tataru na taleosae se Zihova.
15866	PSA 111:5	(Tet) Poni ginani Sa sari pu pamaṉa nia si Asa. (Yod) Lopu hite muliṉi nia Sa sa Nana vinariva egoi nabuna.
15867	PSA 111:6	(Kaph) Vata dogoro nia Sa koari na tie sa Nana ṉiniraṉira, (Lamed) sipu poni Sa koarini sari na pepeso tadi na votiki butubutu.
15868	PSA 111:7	(Mem) Ta ronuedi na toṉoto sari na tinavete tana Limana; (Nun) sari doduru Nana zinama si boka ta raṉedi.
15869	PSA 111:8	(Samek) Koa hola ninae rane si arini, (Ain) meke ta poni nia rini sa hinokara na tinoṉoto.
15870	PSA 111:9	(Pe) Vata rupahi Sa sari Nana tie, (Zade) meke tavetia Sa si keke vinariva egoi koa rini sapu koa hola ninae rane. (Qoph) Hopena na ṉiṉira si Asa.
15871	PSA 111:10	(Resh) Na pinamaṉana e Zihova si na ṉatina sa tinumatumae. (Shin) Koa va gilae si arini pu va evaṉia si asa. (Tav) Mani tavahesi si Asa ninae rane ka rane.
15872	PSA 112:1	Mi vahesia se Zihova! (Aleph) Tamanae tugo sa tie pu pamaṉa nia se Zihova, (Bet) meke qetu sisigiti pude va tabei sari na tinarae Tanisa!
15873	PSA 112:2	(Gimel) Kaqu tago ṉiniraṉira sari na tuna koasa popoa sapu ponia sa Tamasa koarini, (Dalet) meke sari na tutina sa tie toṉoto si kaqu koa tamanae.
15874	PSA 112:3	(He) Kaqu koa mamutu sa nana kinoa, (Vav) meke sa nana tinoṉoto si kaqu koa hola ninae rane ka rane.
15875	PSA 112:4	(Zain) Kaqu ṉedala vura pa hinuporo, sa kalalasa koari na tie toṉoto, (Het) koarini pu tataruni na tokani na va tukani sari na tie.
15876	PSA 112:5	(Tet) Kaqu koa valeana tugo sa tie sapu vala poata koarini pu vagi paki poata koasa, (Yod) meke tavete valeana pa doduru tie koasa nana tinavete holuholu.
15877	PSA 112:6	(Kaph) Sa tie leana si lopu kaqu boka tava kilasa; (Lamed) kaqu ta balabala si asa ninae rane.
15878	PSA 112:7	(Mem) Lopu kaqu matagutu ni sa sari na inavoso kaleadi. (Nun) Turu va nabu si asa pa bulona pa nana kinalavarae koe Zihova.
15879	PSA 112:8	(Samek) Soto va nabu si asa pa bulona, ke lopu kaqu matagutu, (Ain) osolae kaqu dogoro sotia sa vina kilasadi ri na nana kana.
15880	PSA 112:9	(Pe) Variponi va soku si asa koari pu malaṉa, (Zade) kaqu koa hola ninae rane sa nana tinoṉoto, (Qoph) kaqu koa ṉiṉira si asa, meke ta pamaṉae pa tie.
15881	PSA 112:10	(Resh) Sari na tie kaleadi si kaqu dogoria sapu gua asa, meke ta ṉaziri, (Shin) kaqu garata livodi si arini meke mate palae, (Tav) sa inokoro tadirini si kaqu murimuri palae.
16391	PSA 145:1	(Aleph) Qua Baṉara meke qua Tamasa, kaqu tozi helahelae nia rau koari doduru tie sa Mua Linavata. Zihova kaqu vahesigo rau ninae rane ka rane.
16392	PSA 145:2	(Bet) Koari hopeke rane si kaqu zama leana atu si rau koa Goi, meke kaqu vahesigo rau si Goi ninae rane.
16393	PSA 145:3	(Gimel) Nomana lavata se Zihova, meke garona tugo pude tava lavata va ululae, meke sa Nana linavata si lopu boka ta gilana beto.
16394	PSA 145:4	(Dalet) Madi tozi vari tetei nia rina sinage na sage sari na Mua tinavete, meke kaqu tozi vura ni rini sari na Mua tinavete marilaedi.
16395	PSA 145:5	(He) Kaqu tozi vura nia rini sa Mua tinolava variva magasana, meke arau kaqu balabala va lohi sari na Mua tinavete marilaedi.