606	GEN 24:14	Pana be zama gunia he rau si keke vineki, ‘Mu va gore maea sa mua zagi kolo, maqu napo gequ,’ meke be zama si asa, ‘Ego napo gemu tu ba goi; maqu va napoi tugo sari na mua kameli’, be ta evaṉa sapu gua asa, si kaqu gilania rau sapu asa toṉoto sa barikaleqe tanisa mua nabulu Aisake. Meke kaqu gilania rau sapu tataru nia goi se Ebarahami sa qua palabatu.”
18608	ISA 44:5	Keke tie si kote zama, ‘Arau si te Zihova’; keke pule si na tutina e Zekopi si asa kote guni pule nia; meke keke pule si kote kuberia pa limana, ‘Te Zihova’, meke vagia sa pozana e Izireli.
22169	HOS 1:6	Molu pule se Qoma meke podoa sa si keke vineki. Zama se Zihova koe Hozea, “Poza nia ‘Lopu Ta Tataruena’, ura na lopu kote vata dogoro nia Rau sa Qua tataru koasa butubutu Izireli, pude taleoso nia.
22172	HOS 1:9	Meke zama se Zihova, “Poza nia ‘Lopu na Qua Tinoni’, ura na lopu Qua tinoni si gamu, meke Arau si lopu mia Tamasa.”
22197	HOS 2:25	Kote lete ia Rau si asa koasa popoa; kote vata dogoro nia Rau sa Qua tataru koa sa sapu Arau poza nia ‘Lopu Ta Tataruena’ koa Rau, sapu pozani, ‘Lopu na Qua Tinoni’, kote zama si Arau, ‘Gamu si na Qua tinoni’; meke kote zama si arini, ‘Agoi sa mami Tamasa,’ gua.”
25854	LUK 20:6	Ba be zama si gita, ‘Koari na tie mo’, be gua, si kote gonani gita patu ri kobi tie hire. Sina ari doduru si va hinokaria sapu na keke poropita te Tamasa se Zone,” gua si arini.
26753	JHN 14:16	Meke kote tepa ia Rau sa Tamaqu, meke kote poni gamu Sa si keke ‘Tie Varitokae pa Binalabala’, sapu kote koa koa gamu ninae rane ka rane.