10874	1CH 17:6	Koari doduru Qua inene somanae koari na tinoni Izireli, si namu lopu hite tepa ia Arau si keke rina koimata saripu ele huhuki Rau, sapu “Na vegua ke lopu tavete poni Nau gamu si keke Zelepade sapu ta tavetae huda sida?” ’ gua!
18631	ISA 44:28	Arau zama nia se Saerasi, ‘Asa sa Qua sepati, asa kote va gorevura i sari doduru pu hiva ni Arau, kote zama guni nia sa sa vasileana pa Zerusalema, “Mani ta kuri pule si asa,” kote gua, meke koasa Zelepade, “Mani ta kuri pule sa Zelepade,” ’ ” gua se Zihova.
20793	EZK 13:16	arini sari poropita pa Izireli sapu korokorotae nia sa Zerusalema meke pa dinogodogorae si dogoria rini sapu binule si kote kamo pa Zerusalema, gua, totoso loke binule si kamo, zama vura gua si Arau Zihova.” ’
21359	EZK 33:10	“Tuna na tie, zama la guahe koasa butubutu Izireli, ‘Gua hie si zama nia gamu: “Sari mami tinavete sea meke sinea si ta goreni gami, meke koa gua koa rini si mate tatasa si gami. Kote vea gua meke toa si gami?” ’
21507	EZK 38:13	Ari pa Siba meke Dedani meke sari tie holuholu pa Tasisi meke doduru nana vasileana hitekedi si kote zama atu guahe koa goi, “Vea, mae si goi pude zalo? Turaṉa va soku tie si agoi pude hiko, pude paleke taloa ni soku siliva meke qolo, pude vagi pani sari bulumakao na likakalae meke pude zalo va soku, gua?” ’