23234	MAT 1:21	María be kirogwa onbre molen ama ka be chege Jesu, ama be mo bitalla ulita jwen siere ji chugege age me no gdale, malen ama ka be chege ene Jesu.” Lle boanga Chube alin gerudu ene José ole gbire.
23252	MAT 2:14	Lle boanga Chube alin gerudu ene José ole gire José chiu tachke, blike José kirogwa soli kaire chebia gbu biale, gire ama ulita jo chage ngajrege jon joge nga Egipto ngnaguge.
23259	MAT 2:21	Lle boanga Chube alin gerudu ene José ole, gire José chku bduge kirogwa soli kaire kirogwa soli chebia du naskuni nga Judeage.
23283	MAT 4:5	Jesu gerudu ene gire Satanás jo Jesu dbe una no Chubenu kada Jerusalénge, jo chke llani gire ama Jesu du ngaña u jiri bdagli giti u gerungwa Chube ole giti, jo chke ngaña gire Satanás gerudu Jesu ole: —Ba Chube Kirolla ulia ba skwen dbige aini. Chube gerua degaba unsuialin gerule: “Chube be lle boanga mau alin nga ngaña giti kage ba alin, lle boanga Chube alin be ba manade. Lle boanga Chube alin be ba gai ngwange kote, ene ba me lentige, ni ba be sera lentige kege.” Chube gerua degaba unsuialin gerule ene malen ba ñage skwen dbige aini ba mi lentige dale.
23443	MAT 8:29	gire dolla kwian boke e tale kwian gbu ngaute Jesuge: —Uñale chage ba Chube Kirolla. ¿Lledale ba chiu cha nate nga aige? ¿Ba chiu aini cha gbe boi daga ngwale ngerutabi Chube be cha ulita gbe ji chuge chuia bebi chke gire? Cha me takalin ba cha gbe boi dagale tanre nege.
23622	MAT 13:14	Kwian ene kle boi Chube gerua degaba unsuialin gerule kare, kwian Chube gerua ketanga ka jwankle Isaías Chube gerua degu unsuialin, chada e gerule: “Chube gerudu: ‘Cha gerua tragabe kwian ole, ama be cha gerua keruchuge agwa cha gerua mi suge amage. Lle tanre no dodabe kwian gwa giti, ama be gwagedi agwa mi suge amage chema kiralla giti lle dodakle.
23647	MAT 13:39	Kwian ta me no giskagba me no skianga ama che dolla Satanás kare. Cha be chieni chui bdaglige, chui ege cha be kwian chanu ulita dbe toi cha ole nga ngaña giti, e salengwli chude kle joge dabe kwian kle chude jwen kare. Lle boanga Chube alin nga ngaña giti tanre kwian litanga ole Chube alin, lle boanga Chube alin nga ngaña giti e ulita salengwli kwian lle boanga kle chude jwen kare.
23650	MAT 13:42	Lle boanga Chube alin nga ngaña giti be kwian agenga me no ene ulita kage nga dbigu giti jitaske, nga ege kwian e be boi tanre daga ngwale, e kote ama be chege olire tanre kaire be sui jwennga tanre mo giti nga tirare ngeru.
23652	MAT 13:44	Jesu gerudu: —Cha geru na trage ba ulita ole, cha gerua chke uñale kwiange gire kwian bai cha gerua gai ulia kwian e be toi no ule Chube ole diali, Chube be chege ama Chugagwallale, e salengwli lle no no ñanaske tanre skwendu kwiange kare. Lle no ñanaske ogaba dbiske skwendu kwian onbrege agwa dbi e me ama dbia, dbi e kwian nanu. Nga suga noare onbre edi lle ñanaske e giti malen ama mo ta gbu dbi e gige mo alin. Ama lle ñanaske ogoda naskuni skwendu amage ngwadi, ama joni mo llea chbade ulita gire lle e ñana giti ama dbi lle ñanaske kledu ogaba ngwadi gigu, ene lle no no ñanaske tanre chegu amanu. Ene kare kwian Chube gerua keruchuge kwian mo ta gbe Chube gerua gai ulia, nga suga noare amadi Chube gerua giti, malen ama mo ta gbe ulia Chube ole, ene chui bdaglige ama ñage chege toi no Chube ole diali.
23722	MAT 15:20	Lle ai ulita cha kle ka jwen ba ole, e ulita kle chie kwian tale, e kle kwian gbe jiske Chube gwa giti. Agwa blire me ko gligaba tanre bitangle, e me kwian ta gbe jiske Chube gwa giti kwian fariseo kle gerule kare —Jesu gerudu ene ulita kwian geru jwannga ulita ole.
23745	MAT 16:4	Ba ulita kle toi chui aige ba me kle mo ta gbe geru ulia gai ulia, ba ulita agenga me no, geru ulia me suge bage, cha agedu no kwian me dodaba cha e dodadu ba ulita gwa giti agwa e giti ba me kle cha gai ulia. ¿Lledale cha lle daga ngwale no dodade ba gwa giti? Ba me kle cha gai ulia Chube cha kagu nga dba ai giti, agwa nege nege cha mi age ba ulita takalin kare. Agwa chui be chke gire cha be boi ba ulita gwa giti salengwli Jonás boidu unsuialin kare, ene be chke uñale ba ulitage Chube nu cha kagaba. Jonás toidu chui gbamai ngwe kweri kweri tadi gire ngwe Jonás mliunga kedagu gwade, e giti chku uñale kwian ngle toinga Jonás suialege ulia Chube Jonás kagu Chube gerua trage kwian ole. Jesu gerudu ene gire Jesu kwian ulita chugu ngwadi, Jesu jo chage sugekare kwian geru jwannga amage alin ole.
23844	MAT 19:13	Kirogwa ñenua kirogwa chebia tanre chiu mo kirogwalla soli dbe Jesu kle ngwadi, kirogwa ñenua, chebia takalin Jesu ko gbe kirogwa soli e giti gerule Chube ole Chube age no kirogwa alin Chube kirogwa manade no. Kwian geru jwannga Jesuge ulita gwagedu kwian tanre edi chie kirogwa dbe Jesu kle ngwadi gire ama ka bo kirogwa ñenua ole chebia ole: —¿Lledale ba kle chie kirogwa dbe Jesuge? ¡Joga, joga siere, ba me chie kirogwa dbe Jesuge!
23851	MAT 19:20	Kwian onbre gerudu Jesu kalen: —Geru e ulita cha nu gaba dage, cha kle toi geru e ulita kle gerule kare. ¿Llema dare cha me kle age cha me kle gai dage? ¿Llema dare kle cháge boadale?
23867	MAT 20:6	Ngabi gire dbi mauña joni nakwaite tendu kwian na kle ngwale ngwange jonke gire geru kadu kwian e ulitage: “¿Mineade ba ulita kle aini chui ai ulita kagenga ngwale? ¿Lle me boadale ba alin?”
23931	MAT 21:36	Boidu ene gire kwian uva mauña kwian lle boanga na ma ngle kagu uvagba amanu nate. Lle boanga e ulita jo chke uva manangadige gire kwian uva mananga agedu kwian lle boanga e ulita ole salengwli agedu lle boanga kagaba ngeru ulita ole kare.
23949	MAT 22:8	Bigire kwian chugagwalla gerudu nakwaite kwian lle boanga na gweale ole: “Lle ulita kle boabale chui ollade kwian alin agwa kwian me tadu chiekalin, kwian e ulita ta me no, ma no che kwian na jinade mo jwen chuia ollade.
23962	MAT 22:21	Kwian jaindunga: —Kwian oña e chugagwalla kweri emperador nga Romamu kada César, kaire ama kalla kle gbaba igi e giti. Kwian jaindunga ene gire Jesu gerudu: —Lle chugagwalla kweri Césarnu kaire keteni Césarge, lle Chubenu kaire keteni Chubege.
24057	MAT 24:31	Lle ngwanegda kada trompeta be gdade kweri kweri gire cha be lle boanga cha alin nga ngaña giti ngle kage cha ngeru nga ulitage nga dba ai giti, ama be kwian nga ulitamu bai kaire cha nu gaba mau alin lite ole ulita dbale nga ngaña giti toi cha ole Chube kle ngwadi.
24267	MAT 28:3	Lle boanga Chube alin e gwadenga no nga ko chrachienga kare, ama ñometralla jutre salengwli dagli kare.
24272	MAT 28:8	Lle boanga Chube alin gerudu ene ulita gire blikare muinga boke jo siere keuga Jesu ogle ngwadige kennga tanre kaire agwe nga suga no ole, ama jo jrite blikare geru kete kwian geru jwannga ulitage lle boanga Chube alin geru ketu amage kare.
24343	MRK 2:14	Jesu jo chage dare gire ama gwagedu kwian onbre kadakle Levídi, Leví Alfeo kirolla, Leví kwian igi ganga chugagwalla emperador nga Romamu alin, ama kledu toiba dba igi ketakle ngwadi igi gai kwiange, gire Jesu chku amadi, gerudu ama ole: —Bai chage cha ole geru jwen chage. Jesu gerudu ene gire Leví chku gdate lle e boi chugu ngwadi ulita, ama jo chage Jesu ole.
24344	MRK 2:15	Bigire Leví Jesu kadu blire mo ullage, gire Jesu jo ule kwian geru jwannga amage ulita ole Leví ullage blire ule Leví ole. Kaire agwe kwian na tanre igi ganga chugagwalla emperador nga Romamu alin kaire kwian na tanre agenga me no kledu chage Jesu nate diali Jesu keruchuge gerule Chube giti, kwian e ulita chku ne ngwadi kaire blire ule Jesu ole.
24439	MRK 5:6	Kwian jwligebanga tendu Jesu ngwange gwagedu Jesudi chie bate, ama jo jrite Jesu ngnagu, gire Jesu gerudu kiraske dolla kle kwian e tale ole: —¡Ba me no me no, joga siere onbre aige, onbre ai chuge ngwadi sugekare! Jesu gerudu ene dolla ole gire dolla kwian jwligebanga gbu jongnagwa skute dba Jesudi Jesu gagda dage gire dolla kwian gbu gerule kweri Jesu ole: —Uñale chage ba Jesu, ba Chube kweri kiraske Kirolla. ¿Lledale ba chiu cha nate nga aige? Cha ulita gerule ba ole Chube gwa giti, ba me age me no cha ole cha gbe boi daga ngwale sugekare kwian aige, ma no ba cha chuge ngwadi toi kwian ai tale.
24555	MRK 7:23	Lle ai ulita cha kle ka jwen ba ole, e ulita kle chie kwian tale, e kle kwian gbe me no jiske Chube gwa giti. Kwian tañachuge me no mo tale gire ama kle age me no ama tañachuge kare, age me no giti kwian mo gbe me no jiske Chube gwa giti —Jesu gerudu ene kwian geru jwannga amage ulita ole.
24670	MRK 10:13	Kirogwa ñenua kirogwa chebia tanre chiu mo kirogwalla soli dbe Jesu kle ngwadi, kirogwa ñenua chebia takalin Jesu ko gbe kirogwa soli e giti gerule Chube ole Chube age no kirogwa alin Chube kirogwa manade no. Kwian geru jwannga Jesuge ulita gwagedu kwian tanre edi chie kirogwa dbe Jesuge gire ama ka bo kirogwa ñenua ole chebia ole: —¿Lledale ba kle chie kirogwa dbe Jesuge? ¡Joga, joga siere, ba me chie kirogwa dbe Jesuge!
24712	MRK 11:3	Kwian gweale geru kade bage: “¿Lledale ba kle burro soli e skatrennga?” Ba gerule kwian e ole: “Cha Chugagwalla takalin burro soli aige, me sbali ama be burro soli ai kageni naskuni aini.”
24714	MRK 11:5	gire kwian gweale kledu eni geru kadu amage: —¿Ba kle llema boi? ¿Lledale ba kle burro soli e skatrennga?
24746	MRK 12:4	Boidu ene gire kwian uva mauña lle boanga mo alin na kagu uvagba kade. Lle boanga e jo chke kwian uva manangadi, gire kwian uva mananga ulita daba e batu obere chugage agedu me no tanre daba dollale, uva mananga daba kaguni kole lendegaba uva mauña ngwadi.
24759	MRK 12:17	Kwian jaindunga ene gire Jesu gerudu: —Lle chugagwalla kweri Césarnu kaire keteni Césarge, lle Chubenu kaire keteni Chubege. Jesu jaindunga ene kwian kalen gire kwian chegu tañachuge tanre Jesu gerua no giti, ama me ñadu Jesu gbe jiske Jesu gerudu giti.
24975	LUK 1:13	Lle boanga Chube alin gerudu Zacarías ole: —Zacarías, ba me ta dbe kwachie, Chube cha kagu geru jige bage, sbali ba gerudu tanre Chube ole ba takalin kirogwage, e giti Chube ba keruchugu Chube be age no ba alin, ba muingalla Elisabet be kirogwa onbre molen, ba be kirogwa e ka gbe Juan.
24980	LUK 1:18	Lle boanga Chube alin gerudu ene Zacarías ole gire Zacarías geru kadu amage: —¿Mine be chke uñale chage e be boi ene ba kle gerule kare? Cha juma, cha muingalla kaire juma.
24981	LUK 1:19	Lle boanga Chube alin jaindunga: —Cha kada Gabriel, cha kle lle boi Chube alin, diali Chube kle cha kage, nege aini cha kle Chube gwa giti gerule ba ole, Chube cha kagu geru no ai kete bage.
25051	LUK 2:9	Kwian kle oveja manade gire Chube lle boanga mo alin nga ngaña giti gdaite kagu geru jige bda oveja mananga e ulitage. Lle boanga Chube alin e gdaite medu kwian oveja mananga ulita gwage, gire Chube kiralla giti nga chratigunga kwian ulitadi tangle, kwian ulita kledu oveja manade kwachiu tanre ni gwageba boi enedi bitaite.
25052	LUK 2:10	Lle boanga Chube alin e gerudu ama ulita ole: —Ba me kwachie, cha kle chage geru noare jige bage kwian ulita alin. Kwian ulita be geru ai cha kle kete bage uñe, nga be suga noare amadi geru ai giti.
25055	LUK 2:13	Lle boanga Chube alin gdaite e gerudu ene gire sugeti lle boanga Chube alin na tanre chku daba nate, ama ulita chku gerule noare Chube giti.
25056	LUK 2:14	Ama ulita gerudu: —Chube noare, ama kweri, nga ngaña giti Chube ngwadi nga suga no no cha ulitadi Chube kle age giti no kwian nga dba ai giti alin. Nege gwangerugu kwian ulita bai kaire alin Chube age no, nga be suga noare kwian ene ulitadi, kwian ene be ta dbe no Chube ole kaire agwe be ta dbe no daba na ulita ole nga dba ai giti —lle boanga Chube alin gerudu ene gire ama ulita joni nga ngaña giti. Oveja mananga gerudu modige: —Lle boanga Chube alin nga ngaña giti chku Chube gerua jige che alin, ale llani una Belénge tienda boidu minedi.
25095	LUK 3:1	Kwian kada Tiberio-César ama kwian nga kweri ulita chugagwalla emperador, ama chegu kwian chugagwallale churalla gdataboko giti gdatiga chku. E suiale Poncio-Pilato kwian nga Judeage ulita chugagwalla gobernador, Herodes kwian nga Galileage ulita chugagwalla Herodes daballa kada Felipe kwian nga Itureage ulita chugagwalla kaire kwian nga Traconitege ulita chugagwalla, Lisanias kwian nga Abiliniage chugagwalla.
25118	LUK 3:24	Elí Matat kirolla, Matat Leví kirolla, Leví Melqui kirolla, Melqui Jana kirolla, Jana José kirolla,
25124	LUK 3:30	Matat Leví kirolla, Leví Simeón kirolla, Simeón Judá kirolla, Judá José kirolla, José Jonám kirolla, Jonám Eliaquim kirolla,
25130	LUK 3:36	Sala Cainán kirolla, Cainán Arfaxad kirolla, Arfaxad Sem kirolla, Sem Noé kirolla, Noé Lamec kirolla,
25131	LUK 3:37	Lamec Matusalén kirolla, Matusalén Enoc kirolla, Enoc Jared kirolla, Jared Mahalaleel kirolla, Mahalaleel Cainán kirolla,
25143	LUK 4:11	Lle boanga Chube alin be ba gai ngwange kote, ene ba me lentige, ni ba sera lentige kege.” Chube gerua degaba unsuialin gerule ene malen ba ña skwen dbige aini ba mi lentige dale.
25203	LUK 5:27	Jesu kwian oga skliebada dodadu ene gire Jesu jo chage dare, ama gwagedu kwian onbre kada Levídi. Leví kwian igi ganga chugagwalla emperador nga Romamu alin, ama kledu toiba dba nga igi ketakle ngwadi igi gai kwiange gire Jesu chku amadi gerudu ama ole: —Bai chage cha ole geru jwen chage.
25204	LUK 5:28	Jesu gerudu ene gire Leví chku gdate, lle chugu ngwadi ulita, jo chage Jesu ole.
25205	LUK 5:29	Leví Jesu du ule kwian geru jwannga Jesuge ulita ole mo ullage blire, Leví jo chkeni mo ullage, bligda dodangu no Jesu alin. Kaire kwian na tanre kle Leví ullage, ama gweale igi ganga chugagwalla emperador nga Romamu alin Leví kare, kwian e ulita blidu ule Jesu ole Leví ole.
25341	LUK 8:27	Ne ngwadi Jesu jo kedagu gire kwian onbre jwligebanga dolla kote chku ten Jesu ngwange, kwian jwligebanga e una emu. Sbali kwian jwligebanga e toidu dolla ole, me toidu ñometraske, me toidu gwa, toidu sbali jaba ogakle keugage ngwadi. Diali dolla kira ulita kete kwian jwligebanga ege malen ama kiraske tanre. Diali kwian kle no kle kwian jwligebanga e gai lugeda hierrogda dodabale cadenale giti tañachuge kwian jwligebanga me ñage kige, agwa dolla kirallaske kwian jwligebanga cadena datenga gire dolla ama gbe kige bate nga gballage kwian me kle toi ngwadi. Jesu jo chke nga ege gire kwian jwligebanga e kledu chage eni kaire, kwian jwligebanga gwagedu Jesudige gire dolla kwian jwligebanga gbu joge chke dba jongnagwa giti Jesu ngeru, Jesu gerudu dolla kle toiba kwian e tale ole: —¡Joga siere kwian aige! Dolla kwian jwligebanga gbu gerule kweri Jesu ole: —Uñale chage ba Jesu ba Chube kweri kiraske Kirolla. ¿Lledale ba chiu cha nate nga aige? Ba me age me no cha ole cha gbe boi daga ngwale sugekare kwian aige, ma no ba cha chuge ngwadi toi kwian ai tale.
25472	LUK 10:40	Marta kle lle boi tanre, kle tañachuge lle tanre giti boadale, ama chku Jesudi gerudu Jesu ole: —Cha Chugagwalla, ¿ba me nga tallade cha giti? Lle tanre boadale, cha daballa kle cha chuge ngwadi lle boi gballa, gerule cha daballa ole ama cha chudaboi, ama kle toiba dba ngwale geru alin keruchuge. Jesu chke basale Martadi Maríadi
25474	LUK 10:42	Lle gdaitre alin allabi noare ba alin, e Chube gerua. Cha kle gerule Chube giti, María kle cha keruchuge, geru e be chege diali ama tale, kwian na mi ñage geru e jwennga ama ngeru.
25547	LUK 12:19	Lle kle ogaba ulita gire cha be tañachuge mo tale gballa: ‘Lle tanre kle ogaba chura tanre alin, nege cha undege, cha blire, cha lle jai, cha nga dbe suga no.’ ”
25644	LUK 14:22	Lle boanga jo, ama agedu ulita chugagwalla ama kagu kare, gire kwian lle boanga chkuni gerudu chugagwalla ole: “Cha chugagwalla, cha chkuni kwian ngle dbe, agwa nga bebi kwian na alin, bligda kle kwian na alin kaire.”
25674	LUK 15:17	Ama jogeda dare bli ole gire ama tachku mo ñenuage, ama gerudu mo tale: “Llani cha ñenua jwiage bligda tanre no gutadale, kwian lle boanga cha ñenua alin ulita kle blire no, cha ama kirolla aini cha jogeda bli ole.
25698	LUK 16:9	Cha gerule ba ole ba bai Chube gai ulia, ba igi molen ba kwian me lle molen chudaboadale igi e giti, ene kwian e be ba gai mo skatemanallale. Lle ulita banu be bidege, ba mi chege lle molen gire ba tachkedale chui be chke gire Chube be ba gai ngwange no nga ngaña giti be age no ba alin ba daba me lle molen chudaboi nga dba ai giti ñanale.
25702	LUK 16:13	Kwian lle boanga gdaite me ñage lle boi no chugagwalla boke alin. Lle boanga mo ta gbe lle boi no chugagwalla gdaite alin ama me ñage lle boi no chugagwalla na alin kaire. Lle boanga lle boi chugagwalla boke alin gire ama be mo ta dbe no chugagwalla gdaitre alin ole, chugagwalla na ole ama mi mo ta dbe no dale, ama be jainchke chugagwalla edi. Ene kaire ba mo ta gbadale tañachuge lle boi no Chube alin me tañachuge diali igi gai giti lle lite ole ngle mau alin giti, ma no ba mo ta gbe tañachuge Chube giti alin allabi toi ama takalin kare. Ba mo ta dbe no igi alin ole me ñage mo ta dbe no Chube ole, ma no tañachuge Chube alin giti, me tañachuge lle boke giti ule.
25709	LUK 16:20	Kwian na kada Lázaro, ama me lle molen, ama oga, ama uda tuge nate jingme ole, diali ama kle toiba dba onbre lle molen ullage goga ugakage.
25710	LUK 16:21	Lázaro bli ole kle bligda manade ugakage, kwian lle molen bligdalla bita jwatenga dba Lázaro bligda bita ene jwankalin nate mo alin gutadale, ama ta unchkekalin ngle kwian lle molen bligdalladi, agwa bligda mauña ni bligda sidri kete Lázaroge. Kaire to ngle chke amadige, to ama uda tugebada denga.
25711	LUK 16:22	Jo chuia kaire gire Lázaro jokeda, lle boanga Chube alin nga ngaña giti ngle Lázaro oña du Abraham oña kle ngwadi nga noarege kwian no oña kle toi ngwadige. Kwian lle molen tanre kaire jokeda, ama jaba tkere dbige,
25712	LUK 16:23	ama oña dule kwian me no oña kle joge ngwadige, nga me noge jitaleske. Kwian lle molen oña kle boi daga ngwale nga ege gire ama gwagedu bate Lázaro oñadi, Lázaro oña kle ule Abraham oña ole nga noarege.
25713	LUK 16:24	Kwian lle molen oña ngautu Abraham oñadi: “Cha enusulian unsuialin Abraham, tai dage chage, ba Lázaro kage chi dbe cha alin sidri jadale, cha kle boi daga ngwale tanre aini jitaske.”
25714	LUK 16:25	Abraham gerudu: “Cha gerule ba ole nege, ¿ba me tachke ba kledu toi nga dba giti ba toidu no ulita agwa Lázaro me toidu no? Nege Lázaro kle toi no aini, ba me dale, nege ba kle boi daga ngwale.
25715	LUK 16:26	Kaire kwian aini me ñage joge ba ngwadi, kwian llani me ñage chke aini cha ngwadi, kegde kweri kle cha ngwange ba ngwange, cha me ñage Lázaro kage ba ngwadi.”
25716	LUK 16:27	Gire kwian lle molen oña gerudu Abraham ole: “Cha takalin ba Lázaro kage cha bitalla ngwadi gerule cha daballa gdatiga ole chegu llani,
25717	LUK 16:28	ba Lázaro kage geru kete cha daballa gdatiga cheguge ama ulita mo ta blitadale Chube ole, ama ulita mo ta gbadale Chube gai ulia, ene ama me chie aini boi nga daga ngwalege.”
25718	LUK 16:29	Abraham oña gerudu: “Cha me Lázaro kage Chube gerua trage ba daballa ole, unsuialin Moisés Chube gerua degu kaire kwian ngle Chube gerua ketanga Chube gerua degu, ba daballa chada e ulita molen, Chube gerua degaba chada ege ba daballa mo ta gbadale gai dage.”
25748	LUK 17:28	Kaire boidu unsuialin Lot toidu suiale una Sodomage. Chui ege kwian kledu blire, kwian kledu lle chbade, kwian kledu lle gige, kwian kledu chude skie, kwian kledu u dodade.
25749	LUK 17:29	Kwian ulita kledu toi kledu lle e kare alin boi allabi, kaire kwian ulita kledu toi nga suga no ole ama kledu age me no giti diali, me kledu tañachuge chui be boi giti gire chui chku boidale tirare. Lot jo siere una Sodomage gire Chube jita kagu nga ngaña giti una Sodomage alin, jita chiu ule lle jribabita gwade kare ole, chku nga dba giti kwianske ulita, kwian ulita una Sodomage kugedu ulita, Lot alin tiun gitiru.
25750	LUK 17:30	Ene kaire cha be chieni chuiage kwian tanre be kle toi age kwian unsuialin suia toi age Noé chuiage tangle kare, kwian tanre be kle toi age kwian unsuialin suia toi age Lot chuiage tangle kare, kwian ene ulita mi kle tañachuge be boi giti, be kle toi age me no tanre, gire chui ege sugeti ngwale cha be chieni, kwian ene ulita be chege boi daga ngwale tanre diali, mi ñage tien gitiru boi tirarege.
25752	LUK 17:32	Tachkede Lot muirallage ama boidu mine unsuialin, ama tadu jogekalinni naskuni una Sodomage.
25769	LUK 18:12	Diali cha bage bligdage chui boke semana gdaite gdaite tañachugagda ba alin ole. Lle boi ñanale cha igi gai, diali cha kle igi e sidri kete bage.” Kwian fariseo gerudu ene Chube ole.
25772	LUK 18:15	Kirogwa ñenua kirogwa chebia tanre chiu mo kirogwalla soli dbe Jesu kle ngwadi, kirogwa ñenua, chebia takalin Jesu ko gbe kirogwa soli e giti gerule Chube ole Chube age no kirogwa alin Chube kirogwa manade no. Kwian geru jwannga Jesuge ulita gwagedu kwian tanredi chie kirogwa dbe Jesuge gire ama ka bo kirogwa ñenua ole chebia ole: —¿Lledale ba kle chie kirogwa dbe Jesuge? ¡Joga, joga siere! Ba me chie kirogwa dbe Jesuge.
25816	LUK 19:16	Lle boanga gdaite chku ngeru amadige, lle boanga gerudu: “Cha chugagwalla, ba igi kwaite ketu chage, cha igi e gbu jrien, cha igi na gau kwataboko ba alin.”
25831	LUK 19:31	Kwian gweale geru kade bage: “¿Lledale ba kle burro soli e skatrennga?”, ba gerule kwian e ole: “Cha Chugagwalla takalin burro soli aige.”
25833	LUK 19:33	Kwian geru jwannga jo chke burro solidi, ama kle burro soli skatrennga dbadale gire burro soli mauña geru kadu amage: —¿Lledale ba kle burro soli e skatrennga?
25859	LUK 20:11	Boidu ene gire kwian uva mauña lle boanga na kagu uvagba kade. Lle boanga e jo chke kwian uva manangadige, gire kwian uva mananga daba e batu jabale agedu me no tanre daba dollale, uva mananga ulita daba kaguni kole lendegaba uva mauña ngwadi.
25873	LUK 20:25	Kwian jaindunga ene gire Jesu gerudu: —Lle chugagwalla kweri Césarnu kaire keteni Césarge, lle Chubenu kaire keteni Chubege.
26004	LUK 22:71	Kwian ulita gerudu modi: —¿Lledale che kwian na kade gerule ama giti ama gbale jiske? Ama kle mo gbe jiske agali ama kle gerule giti, ama agali gerudu ama Chube Kirolla, che ulita ama keruchugu ama me ñage gerule ene, e me ulia.
26077	LUK 24:17	Jesu geru kadu amage: —¿Llema giti ba kle geru trage jonkare? ¿Mineade ba kle ta olire? Jesu geru kadu ene gire kwian boke e jagedunga gdate jonke, ama ta olire tanre,
26536	JHN 9:27	Onbre gwagwa dodaba jaindunga: —Cha gerudu tanre ba ole onbre e giti onbre agedu mine cha ole, agwa ba me ta cha kerua gbakalin gdadi ulia. ¿Lledale ba takalin cha gerule nabitaite amaña giti? ¿Ba ta mo ta blitakalin ama ole ama gai ulia?
26593	JHN 11:1	Onbre gdaite oga kada Lázaro, ama ibotea boke kada Marta, María, ama ulita una Betaniamu.
26594	JHN 11:2	(Lázaro ibotea María e amaña lle ñachke no tku Jesu sera giti Jesu sera unbatu mo chugaga giti.) Lázaro oga gire Lázaro ibotea gdabonate kwian kagu geru jige Jesuge, Lázaro ibotea gerudu kwian be geru kete Jesuge ole: —Ba joge chke llani ba gerule ene: “Cha Chugagwalla, ba skatemanalla no no oga kirale kirale.”
26596	JHN 11:4	Kwian jritenga Lázaro chada ole jo chke Jesu kle ngwadi, gerudu Jesu ole: —Cha Chugagwalla, ba skatemanalla no no oga kirale kirale. Jesu ama keruchugu gerule ene Lázaro giti, Jesu gerudu: —Lázaro jingmea kote Lázaro mi chege jogebada diali, Chube be age no ama alin mo kirallaske, ene kwian ulita ñage gerule no Chube giti kaire gerule no cha Chube Kirolla giti.
26597	JHN 11:5	Jesu no no Marta ole Marta daballa María ole, kaire Lázaro ole, agwa ama me tañachugu joge blike Lázaro oga nate.
26598	JHN 11:6	Jesu geru keruchugu Lázaro giti gire Jesu chegu chui boke dare ngmadi kledu ngwadi.
26599	JHN 11:7	Chui boke jo tangle gire Jesu gerudu kwian geru jwannga amage ulita ole: —Aleni naskuni nakwaite nga Judeage Lázaro kle ngwadi.
26603	JHN 11:11	Jesu gerudu ene kwian geru jwannga ulita ole gire Jesu gerudu dare: —Che skatemanalla Lázaro kle gbe, cha be joge ama gai gdate.
26604	JHN 11:12	Kwian geru jwannga Jesuge geru kadu amage: —Cha Chugagwalla, ba kle gerule Lázaro kle gbe, ¿e me gerule ama kle joge chkeni?
26605	JHN 11:13	Kwian geru jwanngage me sugedu Jesu kle gerule mine ama ole, kwian geru jwanngage sugedu Lázaro kle gbe ulia, kwian geru jwannga tañachugu ulia Lázaro kle undege alin, agwa Jesuge uñadu Lázaro me kle gwade, Lázaro nu jogebada.
26606	JHN 11:14	Uñadu Jesuge kwian geru jwannga kle tañachuge Lázaro kle gbe alin allabi, malen ama gerudu ma trate kwian geru jwannga ole: —Lázaro jaba giti cha kle gerule, ama me chegu.
26607	JHN 11:15	Nga suga no chadi cha me kledu ama ole, e ma no ba alin, ene cha be age ama jaba ole ba ulita gwa giti, ene ba be mo ta gbe cha gai ulia ma no. ¡Ale llani Lázaro jaba kle ngwadi!
26609	JHN 11:17	Jesu jo chke kodi una Betaniage gire kwian geru ketu Jesuge Lázaro jaba ogle chuia bagake chkeba.
26623	JHN 11:31	Kwian israelita ulita kledu María oli gatedi María ullage gwagedu Maríadi chke gdate blike joge jonkare, ama ulita chagedu María nate, ama ulita tañachugu María be joge olire Lázaro jaba ogle ngwadi.
26625	JHN 11:33	Jesu gwagedu Maríadi olire tanre mo kobatea oña nate, kaire kwian israelita ulita jo chke Jesu kle ngwadi ule María ole Lázaro oña suia jwennga, María talla sugedu dage Jesuge kaire kwian israelita ulita talla sugedu dage Jesuge, Jesu ta chiu olire kwian ole gwage kwian ulitadi sui jwennga Lázaro oña nate.
26626	JHN 11:34	Jesu geru kadu: —¿Lázaro jaba ogle baini? Marta, María jaindunga: —Cha Chugagwalla, ¡bai! Ale tienda Lázaro jaba ogle ngwadi.
26627	JHN 11:35	Jesu jo jonkare chage Lázaro jaba ogle ngwadi ngnagu Jesu olidu.
26628	JHN 11:36	Kwian israelita ulita gwagedu Jesudi olire gire gweale gerudu modi Jesu giti: —Gwagede amadi, ulia ama no Lázaro ole, ama kle olire Lázaro oña nate.
26629	JHN 11:37	Kwian israelita gweale na gerudu modi: —Ama kwian me ten gbu ten, ¿mineade ama me ñadu age Lázaro alin Lázaro dodade, ene Lázaro me jokeda?
26630	JHN 11:38	Jesu jo chke Lázaro jaba ogle ngwadi, Jesu ta olire ole jo chke kodi Lázaro jaba ogle ngwadige, Lázaro jaba ogaba ngwadi e keuga, keuga ugakallage kle jegaba kejre ke kweri gbaite giti.
26631	JHN 11:39	Jesu gerudu kwian kledu eni ulita ole: —Ke kle keugage jwennga. Marta Lázaro oña ibotea gerudu Jesu ole: —Cha Chugagwalla, cha tañachuge ama jaba ñachke me no, chui bagake nege ama jokeda.