23214	MAT 1:1	Teina ta Yesu Keliso kana kulutubuwao. Abelahama unai ye hetubu ye dobi Dawida iya wasawasa, na kabo ye dobi ede Yesu unai.
23215	MAT 1:2	Abelahama natuna Isako, Isako natuna Yakobo, Yakobo natuna Yuda ma kana kahao.
23217	MAT 1:4	Lama natuna Aminadaba, Aminadaba natuna Nasona, Nasona natuna Salamona.
23220	MAT 1:7	Solomona natuna Lehobowama, Lehobowama natuna Abiya, Abiya natuna Asa.
23221	MAT 1:8	Asa natuna Yehosapata, Yehosapata natuna Yeholama, Yeholama natuna Usiya.
23222	MAT 1:9	Usiya natuna Yotama, Yotama natuna Ahasa, Ahasa natuna Hesekiya.
23223	MAT 1:10	Hesekiya natuna Manase, Manase natuna Amona, Amona natuna Yosiya.
23226	MAT 1:13	Selubabela natuna Abiuda, Abiuda natuna Eliyakima, Eliyakima natuna Asowa.
23227	MAT 1:14	Asowa natuna Sadoka, Sadoka natuna Akima, Akima natuna Eliuda,
23230	MAT 1:17	Unai, Abelahama kana isimulitao ye dobi Dawida unai meta isi saudoudoi-hasi (14), yo Dawida unai ye dobi huyana se laedi Babeloniya, isidiyao meta saudoudoi-hasi (14), na kabo ye dobi Keliso unai meta hinage isi saudoudoi-hasi (14).
23251	MAT 2:13	Tamowai sibasibadiyao wa se dahalaiko, na kabo Guiyau yona anelu kenosuwaiyena ye taumasalaha Yosepa unai ye wane, “Ku tolo wawaya ta ma sinana ku woyaidi kwa wasabu kwa lau Aikupito. Menai kabo kwa miya ye lau ee kana siga ya hededelaowaꞌuyo. Matawuwuna Heloda wawaya ta ye wasewasenei bena ye unui.”
23252	MAT 2:14	Ede boniyaina ne unai Yosepa ye tolo na wawaya wa ma sinana ye wasabuyedi se lau Aikupito.
23253	MAT 2:15	Unai se miya ye lau ee Heloda ye boita. Teina unai Guiyau yona hedehededepeloweta saha ye hededenonohaiyako wa ye laoma ye mamohoi: “Aikupito unai natugu tau ya yoganeiꞌuyoiyama.”
23257	MAT 2:19	Heloda yona boita mulinaena, Aikupito unai Guiyau yona anelu kenosuwaiyena ye taumasalaha Yosepa unai
23260	MAT 2:22	Na wasa ye lapui meta Heloda natuna Alekelau iya tamana lauhedamaina Yudeya yodi wasawasa, unai ye matausikalili na nige ye henuwa ye lau Yudeya. Na kenosuwaiyena hedehededehesibasiba ye haidi unai ye lau Galili
23264	MAT 3:3	Yowane meta iya tamowaina ede Aisaiya peloweta ye hededehemasalahaꞌusei wa ye wane, “Tamowai hesau balabala unai ye yogayoga ye wane, ‘Guiyau yona keda kwa kabinonohai, yo yona kabalau kwa hedudulai!’”
23270	MAT 3:9	Na tabu kwa nuwatui meta kabo kwa bom kwa hemauliꞌuyoigomiu na kwa wane, ‘Kama kulutubu meta Abelahama!’ Ya hededelaowa, Yaubada gonowana weku ne udiyedi Abelahama kana isimulita ye hetubudi.
23292	MAT 4:14	Unai saha Aisaiya peloweta ye hededeyako wa ye hemamohoiyei:
23296	MAT 4:18	Huya hesau Yesu ye yona ye laulau Galili Gabwana dedekanaena ede tauyamayama labui ye kitadi yodi hinaya udiyedi se yamayama. Tamowaidiyao ede Simona – hesana hesau ede Petelo – ma kana kaha Andeleya.
23340	MAT 5:37	Ye namwa mo taba ku talam ku wane ‘Aa’, o ku uhala ku wane ‘Nige’. Ena saha hesau ku hededehagahagaiꞌuyoi meta tauyababa unai ye laoma.”
23425	MAT 8:11	Na ya hededelaowa kalimiuyena, teha bolime yo teha yalasi udiyedi boda kabo se laoma na Abelahama, Isako yo Yakobo maidadiyao se tuli galewa basileiyana kaikaigogona unai.
23431	MAT 8:17	Teina laulau gigigigibwalidi ye ginaulidi taunai meta Yaubada kalinana peloweta Aisaiya ye hededediko waye hemamohoiyedi doha ye wane, “Iya meta yoda basabasa maudoidi ye haigabaedi na kada kasiyebwa ye henamwanamwadi.”
23488	MAT 10:2	Taupaisowa ye hetamalidi wa hesadiyao ede teina: Bagubagunana ede Simona, hesana hesau meta Petelo, yo kana kaha Andeleya. Yamesi Sebedaiyo natuna, yo kana kaha Yowane.
23489	MAT 10:3	Pilipo yo Batolomaiyo, Tomasi yo Mataiyo, iya takisi tautanotano, Yamesi Alepaiya natuna, yo Tadaiyo,
23549	MAT 11:21	“Ahani mo komiu, Kolasin tamowaidiyao! Ahani mo komiu Betesaida tamowaidiyao! Yababa lakilakina kabo kwa hekalo. Laulau gigigigibwalidi ya ginaulidi kalimiuyena wa, taba ya ginaulidi magai yabayababadi Taiya yo Sidona udiyedi, meta tamowaidiyao kabo se nuwabuiko, na yodi nuwabui ta unai meta kabo kaleko kadi kao doha baiki se luwuidi yo taudi maudoidi se hekahusadi.
23575	MAT 12:17	Teina unai Yaubada kalinana peloweta Aisaiya ye hedededi wa se laoma se mamohoi, doha ye wane:
23622	MAT 13:14	Yodi laulau ta udiyedi meta peloweta Aisaiya yona hedehedede wa ye laoma ye mamohoi, doha ye wane, ‘Yogu hedehedede kabo kwa lapulapuidi, na taba nige kwa lapulobaidi. Yogu kabikabi kwa kitadi, na taba nige kwa kitalobaidi.
23657	MAT 13:49	Kaiyaulina kana siga kabo doha teina: Anelu kabo se dobima tamowai dudulaidiyao luwadiyena tamowai yababadi se tolehesuwaladi.
23659	MAT 13:51	Yesu yona hekahekatao wa ye henamaiyedi ye wane, “Teina ginauli maudoidi ya hedededi ta kwa nuwatulobaidi?” Se wane, “Aa, ka nuwatulobaidi.”
23667	MAT 14:1	Huyana ne meta Heloda Antipasi yona huyawasawasa Galili unai. Yesu yona paisowa wasana ye lapuidi
23692	MAT 14:26	Yona hekahekatao wa iya se kita gabwa kewanaena ye laolaoma hesabadi meta se matausikalili, ma matausidi na se yogahi se wane, “Aiyoi! Teina ta yaluyaluwa.”
23709	MAT 15:7	Komiu taukailupolupo! Komiu hedehededemiu Aisaiya ye hededenonohaiyako wa meta mamohoi, doha ye wane,
23794	MAT 17:25	Ye wane, “Aa, takisi ye toletole.” Petelo ye uyo numa ede Yesu ye hededebagunalau unai ye wane, “Simona, hage yom nuwatu idohagi? Tanoubu ta wasawasadiyao kaiteyadi udiyedi takisi se tanotano? Se bom yodi magai tamowaidiyao udiyedi, o hali magai tamowaidiyao udiyedi?”
23803	MAT 18:7	Ahani mo siya tanoubu ta tamowaidiyao, kabo kamkamna se hekalo, matawuwuna ede tamowai se woyahesuwalalaedi yababa unai. Huya maudoina noho se laolaoma, na ahani mo siya noho ne yodi kabalaoma tamowaidi ne, kabo se kamkamnakalili.
23911	MAT 21:16	Se henamaiyei se wane, “Wawayao ta saha se hedehedede ta ku lapui, o nige?” Yesu ye wane, “Aa, na komiu sola nige kulikuli tabuna unai kwa hasili? Doha ye wane, ‘Wawayao yo wawayao bedabedalidi ku hepaisowadi na kabo sopadiyena kowa se nokoeigo yo se hedebasaego.’”
23925	MAT 21:30	Kabo tamadi wa ye lau natuna helabuina wa unai ye wane, ‘Ku lau yoda wine koyana unai ku paisowa.’ Natuna wa ye wane, ‘Aa, tamagu, kabo ya lau.’ Na iyamo nige ye lau.”
23973	MAT 22:32	doha ye wane, ‘Yau ede Abelahama yona Yaubada, Isako yona Yaubada, yo Yakobo yona Yaubada hinage.’ Tenem huyana ne unai tamowai haiyona ta buluma unai se boitako. Na Yaubada meta nige tauboiboita yodi Yaubada, na iya taumaumauli yodi Yaubada. Unai ye masalaha meta tamowai haiyona ta siya ede sola se maumauli Yaubada matanaena.”
24000	MAT 23:13	Kabo Yesu ye wane, “Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Kabo kamkamna lakilakina kwa hekalo! Tamowai yodi lulau galewa basileiyana meta kwa gudukaliliyei. Komiu taba nige kwa lulau galewa basileiyana, na kaiteyadi se henuwa bena se lusola meta kwa hekahekaiyawasidi.
24002	MAT 23:15	Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Kabo kamkamna lakilakina kwa hekalo! Kwa lau teha maudoina kwa tauhetakikilidi bena tamowai kwa nuwakoidi, na ena hesau ye nuwabui na ye hemala kami kaha hesau, yona laulau kabo se yababakalili na kabo komiu, na iya kabo ye lau kaiwa kalakalasina doha komiu.
24003	MAT 23:16	Ahani mo komiu, tauwoyawoya matagibugibudi! Kwa hedede kwa wane, ‘Ena tamowai hesau ye kaigwala Numa Tabuna ne unai meta yona kaigwala ne nige mamohoina, na ena tamowai hesau ye kaigwala Numa Tabuna golena ne unai meta nige gonowana ye buiꞌuyoi.’
24010	MAT 23:23	Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Laugagayo lakilakidi kwa tolehesuwaladi, na laugagayo gagigagilidi kwa toleisinidi. Doha yomi koya uwaꞌuwadi gagilidiyao udiyedi yomi taiti kwa toledi, na laugagayo nuwanuwatudi lakilakidi nige kwa lauwatanidi, siya ede laulaududulai, katekamkamna, yo sunuma. Taba laugagayo gagilidi ne tabu kwa nuwaluluhiyedi na hinage laugagayo lakilakidi ta bena kwa miyawatanidi.
24012	MAT 23:25	Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Kami kaputi yo gaeba dageladiyao kwa deulinamwanamwaedi, na kalodiyao ne udiyedi meta mahimahihi yo nuwatuꞌuyo se mwayau.
24014	MAT 23:27	Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Matawuwuna ede kami kao meta doha bwayabwaya dagelana se deuliheꞌaꞌa na se pokahuheposiposi na iyamo kalona ne unai meta boha yo tauboiboita siliyadi yo ginauli bikibikidi udoiꞌudoi ye mwayau.
24016	MAT 23:29	Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Peloweta bwayabwayadi kwa kabinamwanamwaedi yo hekihekinoidiyao kwa hetolodi, yo laulaududulai tamowaidiyao bwayabwayadi kwa hepasanamwanamwaedi.
24022	MAT 23:35	Teina laulau ta debanaena laulaududulai tamowaidiyao kaiyaulina ta unai se unuidi wa kwasinadi giludi kabo se dobima kewamiuyena, laulaududulai tamowaina Abela kwasinana unai ye hetubu ye dobima ee Belakiya natuna Sakaliya unai, iya ede kabakaitalasam yo Numa Tabuna duwaduwalidiyena kwa koihemwaloiꞌusei wa.
24024	MAT 23:37	Kabo Yesu ye wane, “Ae Yelusalema, Yelusalema ee, kowa peloweta taukoihemwaloidi yo tamowai Yaubada ye hetamalidiwa kalimyena meta ku hekalawekudi. Huya maudoina meta ya henuwa bena natumwao ya kabigogoidima doha kamkam sinadi natunao ye kabigogoidi pepenao gunidiyena, na iyamo komiu nige kwa henuwa.
24187	MAT 26:64	Yesu ye talam ye wane, “Aa, saha ku hedede me meta mamohoi, na ya hededelaowa maudoimiu kalimiuyena, huya matadaena kabo Tau Natuna kwa kita Yaubada saesaekalilina nimatutunaena ye tutuli na galewa yadana kewanaena ye laolaoma.”
24209	MAT 27:11	Yesu se woyalaei Gabana Pilato unai na ye henamaiyei ye wane, “Kowa Dius yodi wasawasa?” Ede Yesu ye wane, “Aa, saha ku hedede ne mamohoi.”
24255	MAT 27:57	Ye hetubu ye meimeilahi ede Alimatiya tamowaina hesau hesana Yosepa ye laoma, iya tau gogogogona yo Yesu tauhemuliwatanina hesau.
24269	MAT 28:5	Anelu wa ye hededelau sinesinebadao wa udiyedi ye wane, “Tabu kwa matausi! Kabina ya kata meta Yesu se hesatauloꞌusei wa kwa wasewasenei.
24286	MRK 1:2	Yaubada yona hedehedede wa Aisaiya peloweta yona buka unai, ye wane: “Yogu tautauwasa ya hetamalibagunaiyawa kowa yom keda ye kabinonohai.”
24300	MRK 1:16	Huya hesau Yesu Galili Gabwana dedekana wa unai ye yona ye laulau ede tauyamayama labui ye kitadi, Simona ma kana kaha Andeleya yodi hinaya unai se yamayama.
24313	MRK 1:29	Sunago wa unai se pesa se lau Simona ma kana kaha Andeleya yodi numa unai se mwalae, Yamesi yo Yowane maiyadiyao.
24343	MRK 2:14	Ye gehe na ye taulau ede Lewi Alepaiya natuna ye kita ye tutuli takisi kabatanotano numana unai. Kabo ye hededelau iya unai ye wane, “Ku hemuliwatanigau!” Ede Lewi ye tolo na Yesu ye hemuliwatani.
24355	MRK 2:26	Abiyata iya taukaitalasam saesaena, na yona huya unai Dawida ye lusae Yaubada yona numa unai pwalawa hetahetabudi wa ye kaidi, na hekadi hinage ye mosedi kana kahao se kaidi. Tenem pwalawa ne meta kai tabuna, na nige tamowai hesau yona dudulai bena ye kai, na taukaitalasam se bom mo kabo se kai.”
24375	MRK 3:18	Andeleya, Pilipo, Batolomaiyo, Mataiyo, Tomasi, Yamesi Alepaiya natuna, Tadaiyo, Simona Tauhaikabi,
24506	MRK 6:30	Apostolo wa yodi paisowa wa unai se uyoma na se lagegogoma Yesu unai na yodi paisowa yo yodi lauhekata wasadi yona se hedehedede.
24514	MRK 6:38	Unai kabo ye wane, “Hage, kwa kita, pwalawa hisa kalimiuyena?” Apostolo kabo se lau pwalawa se wase na se lobaidi ede se uyoma Yesu unai na se wane, “Pwalawa haligigi yo yama labui.”
24538	MRK 7:6	Na Yesu ye hededelau udiyedi ye wane, “Komiu taukailupolupo hedehededemiu Aisaiya ye hededepelowetai wa meta mamohoi, doha ye kuliyako ye wane, ‘Teina tamowai ta kawadi mo udiyedi se hekasisiyeigau, na nuwamamohoidiyao udiyedi meta Yaubada nuwanuwatuna nigele.
24768	MRK 12:26	Na tauboiboita yodi toloꞌuyoma Mose yona buka unai saha ye kuli wa kwa hasili e nige? Temenai, Yaubada ye taumasalaha kaiwa hesau unai, na kana kao doha kaiwa ye kalapulupululu. Na ye hededelau Mose unai ye wane, ‘Yau Abelahama yona Yaubada, yo Isako yona Yaubada, yo Yakobo yona Yaubada.’
24789	MRK 13:3	Muliyena kabo Olibe koyana unai Yesu maiyana hekahekatao se tutuli na Numa Tabuna se kaikaikewalaei. Na Petelo, Yamesi, Yowane yo Andeleya se bom se laoma Yesu unai na se henamaiyei se wane,
24859	MRK 14:36	Na ye wane, “Aba, Tamagu, kowa gonowam ginauli maudoidi ku ginaulidi. Teina kamkamna kaputina ta ku laehesuwala. Iyamo yogu nuwanuwatu ta tabu ku ginauli, na kowa yom nuwanuwatu mo ku ginauli.”
24916	MRK 15:21	Yelusalema se hetubu bena se laugabaei na tamowai hesau hesana Simona se lobai koya unai ye uyoma. Iya Sailini tamowaina, Alekisenda yo Lupuso tamadi. Iyala tamowaidi wa Simona se lauhelili bena Yesu yona sataulo ye bahei.
24937	MRK 15:42	Yelusalema unai Alimatiya tamowaina hesau hesana Yosepa. Iya Sunedeli kadi boda saesaena hesau yo Yaubada yona basileiya ye nayanayai. Yesu yona huyaboita mayadaina ne meta kabinonoha mayadaina na mulina ne unai kabo Sabati. Mahana ye duitalu na sola kabo Sabati hekasisina ye hetubu na Yosepa ma nuwabayaona ye lau Pilato unai na Yesu tauna ye kaibwadai.
26136	JHN 1:23	Ede Aisaiya peloweta yona hedehedede unai Yowane ye hededebui ye wane, “Yau tamowaina ede tauyogayoga balabala ne unai ya wane, ‘Guiyau yona keda kwa kabinonohai.’”
26153	JHN 1:40	Simona Petelo kana kaha Andeleya, iya Yowane yona hekahekatao labui wa hesauna, na Yowane yona hedehedede wa ye lapui ede Yesu ye hemuliwatani.
26154	JHN 1:41	Na kabo Andeleya ye lau kana kaha Simona ye lobai na yona ye hedehedede ye wane, “Mesaiya wa ka lobaiyako.” (Mesaiya Giliki kalinadi unai kaniyona ede Keliso.)
26157	JHN 1:44	Pilipo meta Betesaida unai ye miyamiya doha hinage Andeleya yo Petelo.
26212	JHN 3:23	Na Yowane meta teha hesau unai hinage ye hebahebabatiso. Na iya Aenona unai Salim dedekanawai, matawuwuna temenai waila lakilakina yo tamowai se bado se laolaoma bena se babatiso.
26281	JHN 5:2	Na Yelusalema unai meta waila kipuna hesau keda hesau hesana Mamoe Kedana dedekanawai. Kipuna wa hesana kalina Alamaiki unai se katai Beteseta. Na kabalaulauna numadi haligigi meta waila kipuna wa se tauhetakikili.
26334	JHN 6:8	Na kabo yona hekahekatao wa hesauna hesana Andeleya, Simona Petelo kana kaha wa, ye hededelau Yesu unai
26483	JHN 8:33	Se hededebui se wane, “Kai Abelahama kana isimulitao, yo sola nige tamowai hesau ye haigai ka hemala yona heyayai tauhaina. Idohagi to kowa ku wane, ‘Komiu kabo yailihai kwa hai.’?”
26487	JHN 8:37	Kabimiu ya kata meta komiu Abelahama kana isimulitao. Iyamo kwa nonohakalili bena kwa koihemwaloigau, matawuwuna yogu lauhekata ta meta nige yodi kabamiya nuwamiu ne udiyedi.
26489	JHN 8:39	Na se hededelau unai se wane, “Kai tamamai meta Abelahama.” Yesu ye hededebui ye wane, “Taba ena komiu Abelahama natunao, saha ye ginaulidi wa kabo kwa ginauliwatanidi.
26490	JHN 8:40	Iyamo kwa henuwa bena kwa koihemwaloigau, na yau hedehedede mamohoina Yaubada unai ya lapui wa ya hedehedede kalimiuwai. Abelahama nige gonowana Yaubada yona tamowai hesau ye koihemwaloigaibui.
26502	JHN 8:52	Teina unai Dius tamowaidiyao se hededelau unai se wane, “Teina unai kabim ka kata meta yaluwa yababana luwam ne unai. Abelahama ye boitako doha hinage peloweta maudoidi, na iyamo ku hedede ku wane, ‘Ena kaiteya yogu hedehedede ta ye miyawatani, meta taba nige boita ye hekalo.’
26503	JHN 8:53	Na idohagi? Kowa bena ku saekalili na kabo tamamai Abelahama? Iya ye boitako, yo peloweta maudoidi hinage se boitako. Na yom nuwatu meta bena kowa kaiteya?”
26506	JHN 8:56	Tamamiu Abelahama ye henuwa bena yogu laoma mayadaina ne ye kita, na ye kitayako, ede ye gwauyalakalili.”
26507	JHN 8:57	Kabo Dius tamowaidiyao wa se hededelau unai se wane, “Kowa sola nige yom bolimai 50, na idohagi to ku hedede bena Abelahama ku kitayako?”
26508	JHN 8:58	Na Yesu ye wane, “Ya hededemamohoi kalimiuwai: Abelahama sola nige ye tubu na yau meta Yaubada maiyagu.”
26619	JHN 11:27	Ede Maleta ye hededebui ye wane, “Aa! Guiyau, yom hedehedede ne ya kawamamohoiyei. Yo hinage ya kawamamohoi meta kowa Keliso, Yaubada Natuna, iya ede ye dobima tanoubu ta unai.”
26671	JHN 12:22	Ede Pilipo ye lau Andeleya yona ye hedehedede, na kabo taudi labui se lau Yesu yona se hedehedede.
26687	JHN 12:38	Teina ta meta Aisaiya peloweta yona hedehedede wa ye hemamohoiyei, doha ye wane, “Guiyau, yoda wasa wa kaiteya ye kawamamohoiyei? Na kaiteya unai Yaubada yona gigibwali ye hemasalaha?”
26690	JHN 12:41	Aisaiya teina ye kulihemasalaha, matawuwuna Yesu kana kao saesaena mamohoina ye kita, na Yesu hedehededena ye hedehededei.
26867	JHN 18:13	Na bagubaguna meta se woyalaei Kaiyapasi bwasiyana Anase unai. Kaiyapasi iya taukaitalasam saesaena tenem bolimaina ne unai.
26878	JHN 18:24	Yesu meta nimana sola ma paipaidi, na Anase iya ye hetamalilae taukaitalasam saesaena Kaiyapasi unai.
26907	JHN 19:13	Pilato teina hedehedede ta ye lapui ede Yesu ye woyahepesadobiyei hekasa kabaginaulina bakubakuna unai, na ye tuli hekasa kabaginaulina kabatulina unai. Teha ta hesana kalina Alamaiki unai ede Gabata, kaniyona ede weku unai se matui.
26911	JHN 19:17	Na Yesu kana sataulo ye bom ye bahei na ye lau tupwa hesauna unai hesana ede Mwayalu Magaina unai. Kalina Alamaiki unai se wane, Golagota.
26914	JHN 19:20	Dius tamowaidi gwaudi kulikuli wa gonowana se hasili, matawuwuna ede yodi kabahesataulona ne meta magai lakilakina wa dedekanawai. Na hededehemasalaha wa meta kalina Alamaiki, Leteni yo Giliki udiyedi ye kuli.
26932	JHN 19:38	Teina saha se tubu ta mulidiwai, Yosepa, iya Alimatiya tamowaina, ye kaibwadalau Pilato unai bena Yesu sinalena ye hai. Yosepa meta iya Yesu tauhemuliwatanina wadawadamna hesau na nige ye hemasalahaꞌuyoi, matawuwuna ede Dius tauwoyaidi hekadiyo wa ye matausiyedi. Pilato yona yali wa unai ede Yosepa ye lau Yesu sinalena ye hai,
26952	JHN 20:16	Yesu ye hededelau unai ye wane, “Maliya.” Ede Maliya ye kitalau Yesu unai na ye wane, “Laboni!” Kalina Alamaiki unai kaniyona ede taulauhekata.
27005	ACT 1:13	Yodi kabamiya numana unai se lage kabo se mwalaesae numa wa heisi helabuina unai. Teina hesadiyao ede: Petelo, Yowane, Yamesi, Andeleya, Pilipo, Tomasi, Batolomaiyo, Mataiyo, Yamesi Alepaiya natuna, Simona Tauhaikabi yo Yuda Yamesi natuna.
27011	ACT 1:19	Yelusalema unai taumiya maudoidi wasana wa se lapui ede tano wa hesana se tole Akeledama, kaniyona ede ‘kwasina tanona’.
27028	ACT 2:10	Pilidiya, Pampiliya yo Aikupito tamowaidiyao. Hekadiyo Libiya tehana Sailini dedekanaena se laoma. Hekadi meta taumana Loma unai se laoma,
27029	ACT 2:11	siya meta Dius yo hinage dagela tamowaidiyao se nuwabui na se patulau Dius bodadi udiyedi. Na hekadi meta Kiliti bwanabwanaluwana yo Alabiya tamowaidiyao. Na iyamo yodi hedehedede ta lapuidi meta kalinada udiyedi Yaubada yona laulau namwanamwadi se hededehemasalahadi.”