23215	MAT 1:2	Abelahama natuna Isako, Isako natuna Yakobo, Yakobo natuna Yuda ma kana kahao.
23233	MAT 1:20	Sola ye nuwanuwatu, na Guiyau yona anelu ye laoma kenosuwaiyena ye hededelau unai ye wane, “Yosepa Dawida natuna, tabu ku matausi na Maliya ku tawasolai. Iya natuna meta Yaluwa Tabuna unai ye tubuma.
23234	MAT 1:21	Iya kabo natuna loheya ye labasi, na hesana kabo ku tole Yesu, matawuwuna iya boda Isalaela yodi yababa udiyedi kabo ye gilihaidi.”
23236	MAT 1:23	“Hasala nuwanuwasupuna kabo ye diyaka, na kabo natuna loheya ye labasi. Iya kabo hesana se tole ede Emanuwela” Emanuwela kaniyona ede “Yaubada maiyada”.
23244	MAT 2:6	‘Na kowa, Betelehema Yudeya tanona unai, kowa nige ku dobikalili Yudeya magaidiyao udiyedi, matawuwuna kowa kalimyena kabo tauwoyawoya ye laoma na yogu boda Isalaela ye kitahetetedi.’”
23258	MAT 2:20	ye wane, “Ku tolo wawaya ta ma sinana ku woyaidi kwa uyo Isalaela tanona unai, matawuwuna wawaya ta bena tauꞌunuina wa se boitako.”
23259	MAT 2:21	Unai Yosepa ye tolo wawaya wa ma sinana ye woyaidi na se uyo Isalaela.
23261	MAT 2:23	na magai hesau hesana Nasaleta unai se miya. Unai peloweta yodi hedehedede hesau hinage ye laoma ye mamohoi: “Iya kabo hesana se katai Nasaleta tauna.”
23272	MAT 3:11	Yau waila unai ya hebabatisoigomiu, yomi nuwabui kabakitana. Na tamowai hesau ede sola kabo ye laoma. Iya yona gigibwali meta ye saekalili na kabo yau. Yau nige ya namwakalili taba iya kana sendolo ya baheidi. Iya kabo Yaluwa Tabuna yo kaiwa kalakalasina udiyedi ye hebabatisoigomiu.
23275	MAT 3:14	Na Yowane ye kaipate bena Yesu ye hededehekaiyawasi ye wane, “Idohagi to kowa ku laoma yau kaliguyena? Ye namwa mo taba kowa ku hebabatisoigau!”
23278	MAT 3:17	Na kalina hesau galewa ne unai ye wane, “Teina yau natugu. Iya ya gadosisiyei, yo ya gwauyalakalili iya unai.”
23389	MAT 7:4	Idohagi to ku hededelau kam kaha unai bena matana mukalina ku haigabaei, na matam ne unai kaiwa mwayana ede sola ma miyana?
23424	MAT 8:10	Yesu hedehedede wa ye lapuidi meta ye nokokalili. Na ye hededelau tauhemuliwatanina bodana wa udiyedi ye wane, “Ya hededemamohoi kalimiuyena: Isalaela unai nige tamowai hesau ya kita yona sunuma bayabayaona doha teina!
23425	MAT 8:11	Na ya hededelaowa kalimiuyena, teha bolime yo teha yalasi udiyedi boda kabo se laoma na Abelahama, Isako yo Yakobo maidadiyao se tuli galewa basileiyana kaikaigogona unai.
23426	MAT 8:12	Na galewa basileiyana Yaubada ye kabinonohai meta Isalaela tamowaidiyao hesabadi, na iyamo kabo ye hepesadi na ye tolelaedi masigili magaina unai. Temenai kabo se doudou yo kawadi se kapuyahisidi.”
23431	MAT 8:17	Teina laulau gigigigibwalidi ye ginaulidi taunai meta Yaubada kalinana peloweta Aisaiya ye hededediko waye hemamohoiyedi doha ye wane, “Iya meta yoda basabasa maudoidi ye haigabaedi na kada kasiyebwa ye henamwanamwadi.”
23440	MAT 8:26	Na Yesu ye hededelau udiyedi ye wane, “Idohagi to kwa matausi? Yomi sunuma taki se gagili!” Ede ye tolo na yaumai yo bagodu wa ye kawamananaidi, meta yaumai wa ye kaiyawasi na gabwa ye daumwali.
23452	MAT 9:4	Yodi nuwanuwatu wa Yesu kabidi ye kata ede ye hededelau udiyedi ye wane, “Idohagi to nuwatu yababadi kwa nuwanuwatuidi.
23459	MAT 9:11	Paliseya tamowaidiyao se kitadi ede yona hekahekatao wa se henamaiyedi, “Idohagi to yomi taulauhekata ne takisi tautanotano yo yababa tamowaidiyao maidanao se kaikaigogoi?”
23462	MAT 9:14	Na kabo Yowane Babatiso yona hekahekatao se laoma Yesu se henamaiyei, “Idohagi to kai yo Paliseya tamowaidiyao ka kaikaihudi, na tauhemuliwatanigo nige se kaikaihudi?”
23463	MAT 9:15	Yesu ye hededebui ye wane, “Idohagi to tautawasola kana taumana yona tawasola kaikaigogona unai bena se nuwadubu? Sola mayadaina kabo ye laoma tautawasola kabo kalidiyena se haigabaei na siya kabo se kaihudi.
23481	MAT 9:33	Na Yesu yaluwa yabayababana wa ye hededehepesa, ede tamowai unaꞌunana wa ye hedehedede. Na boda se noko se wane, “Nige sola laulau hesau doha teina ka kita Isalaela unai!”
23490	MAT 10:4	Simona Tauhaikabi, yo Yudasi Isakaliyota, Yesu kana tauwalohai.
23492	MAT 10:6	na kwa lau Isalaela tamowaidiyao mo udiyedi, siya doha mamoe gegegegediyao.
23509	MAT 10:23	Ena magai hesau unai se hewaiunugomiu meta kwa yabubu kwa lau magai hesau. Hedehedede ta meta mamohoi, yo hinage ya hededelaowa meta nige gonowana Isalaela magaidiyao kwa lauhegehedi na kabo Tau Natuna ye uyoma.
23538	MAT 11:10	Iya tamowaina ede wasana peloweta Malakai ye kulinonohaiyako buka tabuna unai: ‘Yogu tautauwasa kabo ya hetamalibagunaiyawa, iya yom kamwasa taukabinonohaina.’
23548	MAT 11:20	Na Yesu Isalaela magaidiyao hekadiyo ye dilaidi, matawuwuna ede laulau gigigigibwalidi se bado udiyedi ye ginaulidi, na nige se nuwabui. Ye wane,
23555	MAT 11:27	Na kabo ye hededelau boda wa udiyedi ye wane, “Tamagu tanuwaga gigibwalina maudoina ye leyama kaliguwai. Iya ye bom mo natuna kana kao kabina ye kata, na natuna ye bom mo tamana kabina ye kata, yo hinage yona kaisunuwa tamowaidi udiyedi tamana ya hededehemasalaha na kabina se kata.”
23576	MAT 12:18	“Teina ta yogu kaisunuwa tamowaina, yo iya yogu heyayai tauhaina tamowaina ede. Iya ya gadosisiyei, yo ya gwauyalakalili kalinawai. Yaluwagu kabo ya mosei iya unai na yogu kabihemauli wasana kabo ye hededehemasalaha dagela tamowaidiyao udiyedi.
23577	MAT 12:19	Iya taba nige ye haikawayagala, yo taba nige ye kalinalakilaki. Hinage tamowai keda udiyedi nige gonowana kalinana se lapuidi.
23592	MAT 12:34	Komiu meta doha mwata yabayababadi! Idohagi to bena hedehedede namwanamwadi kwa hedededi? Nuwanuwatu saha nuwada ne unai ye mwayau meta kabo kawadaena ta hededegabaedi.
23597	MAT 12:39	Na Yesu ye hededebui ye wane, “Teina isi ta tamowaidiyao se yababa na Yaubada nige se sunumaei, na iyamo se henuwa bena laulau gigigigibwalina hesau ya hekitadi. Na taba nige hekihekinoi hesau kwa kita, na hekihekinoi kesega mo kabo unai kwa kitalau ede peloweta Iyona hekihekinoina.
23598	MAT 12:40	Iya meta mayadai haiyona yo boniyai haiyona yama lakilakina boganaena ye miyamiya. Gonogonowana doha hinage Tau Natuna kabo mayadai haiyona yo boniyai haiyona bwayabwayaena ye miya.
23599	MAT 12:41	Yaubada yona huyahineli mayadaina ne unai Ninewa tamowaidiyao kabo se tolo na teina isi ta tamowaidiyao se hegiludi, matawuwuna ede Iyona yona lauguguyaena Ninewa tamowaidiyao wa se nuwabui. Na mayadai ta unai tamowai hesau ye saekalili na kabo Iyona, iya ede maidamiu ta.
23618	MAT 13:10	Muliyena kabo Yesu yona hekahekatao se laoma iya se henamaiyei se wane, “Idohagi to heyaheyasoni ku hepaisowadi na ku hedehededelau tamowai udiyedi?”
23663	MAT 13:55	Na hinage se wane, “Iya kabina ta katako meta kapenta Yosepa natuna, na sinana ede Maliya, yo kana kahao ede Yamesi, Yosepa, Simona, yo Yuda.
23697	MAT 14:31	Na Yesu nimana ye helelelae na Petelo ye kabihekahini, na ye hededelau unai ye wane, “Yom sunuma taki ye gagili! Idohagi to ku nuwalabulabui?”
23704	MAT 15:2	“Idohagi to yom hekahekatao kada kulutubu yodi kabikabi laugagayona se utusi? Nimadiyao meta nige se deulidi na se kaikai.”
23718	MAT 15:16	Ede Yesu ye hededelau udiyedi ye wane, “Idohagi, sola ma nuwapwanopwanomiu?
23726	MAT 15:24	Ede Yesu ye hedehedede ye wane, “Isalaela tamowaidi siya doha mamoe se lau sabi mwaloidi, na tamagu ye hetamaligauma ta meta siya se bom mo hesabadi.”
23733	MAT 15:31	Unai boda wa se siliyatakalili, matawuwuna ede matadiyena tauꞌunaꞌuna se hedehedede, taubunibuni ye henamwanamwadi, tamowai kae yabayababadiyao se laulau yo taumatagibugibu matadiyao se lala yo se kaikewa. Na Isalaela yodi Yaubada se hedebasae.
23745	MAT 16:4	Komiu yomi nuwanuwatu se yababa na Yaubada nige kwa kawamamohoiyei, na kwa henuwa bena taba laulau gigigigibwalina hesau kwa kita. Na taba nige hesau kwa kita, na kesega mo kabo ya hekitagomiu, iya ede saha ye tubu Iyona peloweta unai wa.” Kabo Yesu ye laugabaedi na ye lau.
23749	MAT 16:8	Saha se hetahetala wa meta Yesu ye lapui ede ye hededelau udiyedi ye wane, “Idohagi to yomi sunuma se gagili na kwa bom pwalawa hedehededena kwa hedehededei?
23752	MAT 16:11	Idohagi to nige kwa nuwatulobai meta yau nige pwalawa ya hetahetala? Na bena Paliseya yo Sadusiya yodi yisti unai komiu kwa kitaheteteꞌuyoigomiu.”
23758	MAT 16:17	Kabo Yesu ye hededelau unai ye wane, “Simona, Iyona natuna, kowa gonowana ku gwauyala! Teina nuwatu ta meta nige ku bom yom sonoga unai ye laoma, na nuwatu ta meta tamagu galewa ne unai ye hemasalaha kalimwai.
23774	MAT 17:5	Sola ma hedehededena, na kabo yalohi dawadawayana ye laoma ye gawuidi, na kalina hesau yalohi wa unai ye wane, “Teina yau natugu ya gadosisiyei. Iya unai yau ya gwauyalakalili. Kwa lapulapulau unai!”
23829	MAT 18:33	Idohagi to nige gonowana kam kaha ne ku katekamkamnaei doha yau ya katekamkamnaego wa?’
23838	MAT 19:7	Kabo Paliseya wa se wane, “Idohagi na Mose ye hedede meta gonowana tau hesau inawase pepwana ye kuli na ye mosei mwanena unai na ye hetamali ye lau?”
23848	MAT 19:17	Na Yesu ye hededelau tamowai wa unai ye wane, “Idohagi to laulau namwanamwadiyao hesabadi ku henamaiyegau. Yaubada ye bom mo ye namwa. Ena ku henuwa bena mauli nige kana siga ku hai, meta laugagayo ku miyawatanidi.”
23859	MAT 19:28	Yesu ye hededelau udiyedi ye wane, “Ya hededemamohoi kalimiuyena, ginauli maudoidi huyahehauhauꞌuyoidi mayadaina ne unai kabo Tau Natuna yona telona saesaena unai ye tuli, meta komiu tauhemuliwatanigau ta kabo hinage telona badodi saudoudoi-labui udiyedi kwa tuli na Isalaela tamowaidiyao boga saudoudoi-labui ta kwa kitahetetedi.
23915	MAT 21:20	Yona hekahekatao saha ye tubu wa se kita meta se nokokalili. Se henamai se wane, “Idohagi na kaiwa ta ye wowoyamwamwayau?”
23920	MAT 21:25	Hage, Yowane yona hebahebabatiso paisowana meta haedi ye laoma, o kaiteya ye mosei? Yaubada ye mosei o tamowai se mosei?” Se bom kalidiyena se hetahetala se wane, “Taba ta wane, ‘Yaubada unai ye laoma’, kabo iya ye wane, ‘Idohagi to nige kwa kawamamohoiyei?’
23924	MAT 21:29	Ye wane, ‘Taba nige ya lau.’ Iyamo muliyena nuwana ye bui ede ye lau ye paisowa.
23959	MAT 22:18	Na yodi nuwatu yababana wa Yesu kabina ye katako ede ye hededelau udiyedi ye wane, “Komiu taukailupolupo tamowaidiyao. Idohagi to kwa kaipate bena kwa lupohaigau?
23973	MAT 22:32	doha ye wane, ‘Yau ede Abelahama yona Yaubada, Isako yona Yaubada, yo Yakobo yona Yaubada hinage.’ Tenem huyana ne unai tamowai haiyona ta buluma unai se boitako. Na Yaubada meta nige tauboiboita yodi Yaubada, na iya taumaumauli yodi Yaubada. Unai ye masalaha meta tamowai haiyona ta siya ede sola se maumauli Yaubada matanaena.”
23983	MAT 22:42	“Yomi nuwatu ede saha? Keliso meta iya kaiteya? Yo iya kaiteya natuna?” Se wane, “Iya meta Dawida natuna.”
23984	MAT 22:43	Yesu ye hededelau udiyedi ye wane, “Idohagi to Yaluwa Tabuna yona gigibwaliyena Dawida ye hedehedede na Keliso ye kawaguiyauyei? Doha ye wane,
24020	MAT 23:33	Komiu mwata yo mwata yabayababadi natudiyao! Idohagi kabo Yaubada yona hekamkamna magaina kwa wasabugabaei?
24032	MAT 24:6	Iyala wasadiyao yo hinage iyala wasalupolupodiyao kabo kwa lapuidi, na tabu udiyedi kwa matausi. Ginauli doha teina kabo se tubu na nige gonowana ta kaihaleidi, na iyamo tanoubu ta yona huyagehe meta sola.
24049	MAT 24:23	Tenem huyana ne unai, ena tamowai hesau ye hededelaowa kalimiuwai ye wane, ‘Kwa kitalaoma, Keliso ede inai!’, o hesau ye wane, ‘Iya ede temenai!’, meta tabu kwa kawakawamamohoiyeidi.
24104	MAT 25:27	Idohagi to yogu moni ne nige ku lau ku tole moni taukitakitahetetedi udiyedi na yogu uyoma ta unai kabo ya haiꞌuyoi yo hagahagana hinage?’
24131	MAT 26:8	Yona hekahekatao wa se kita meta se kouyalayala yo se hetalapili, se wane, “Idohagi to yausi ta ku kaiheyagaibui.
24133	MAT 26:10	Yodi nuwatu wa Yesu kabina ye kata ede ye hededelau udiyedi ye wane, “Idohagi to waihiu ta kwa hemohemode. Teina ta meta laulau namwanamwana ye ginauli kaliguyena.
24137	MAT 26:14	Tenem huyana ne unai kabo saudoudoi-labui wa luwadiyena hesau hesana Yudasi Isakaliyota ye lau taukaitalasam tauwoyaidi
24159	MAT 26:36	Na kabo Yesu maiyana hekahekatao wa se lau koya hesau hesana Getesemani. Menai ye hededelau udiyedi ye wane, “Inai kwa babawa na yau ya lau temenai ya tapwalolo.”
24178	MAT 26:55	Mahanana ne unai Yesu ye hededelau boda wa udiyedi ye wane, “Kwa laoma ma kelekelepamiu yo kepata kwa baheidi kana kao doha bena taukaiunu kwa kelebesi. Iyamo mayadai badobado Numa Tabuna bakubakuna unai ya laulauhekata na nige kwa kabihekahinigau.
24207	MAT 27:9	Ede Peloweta Yelemaiya yona hedehedede wa ye laoma ye mamohoi, ye wane: “Moni lakina 30 Isalaela tamowaidiyao se talamyei tamowai maisana,
24240	MAT 27:42	Se wane, “Tamowai hekadiyo ye saguidi na nige gonowana iya ye bom ye saguꞌuyoi. Na ye wane bena iya kita Isalaela yoda wasawasa! Taba sataulo ne unai ye pesadobima kabo ka kawamamohoiyei.
24270	MAT 28:6	Iya nige inai, na ye toloꞌuyoko, doha saha ye hededeyako wa. Kwa laoma kabatolena ne kwa kita.
24291	MRK 1:7	Ye hededehemasalaha ye wane, “Tamowai hesau kabo ye mulitama. Iya ye saekalili na kabo yau. Na nige gonowagu taba ya dunedobi iya kana sendolo mainadi ya yailidi.
24337	MRK 2:8	Na Yesu saha se nuwanuwatui wa kabina ye kata, unai ye hededelau udiyedi ye wane, “Idohagi na teina ginauli ta nuwamiu udiyedi kwa nuwanuwatuidi.
24341	MRK 2:12	Iya kabo ye tolo na yona dam wa ye bahei na maudoidi matadiyena ye dalahai ye lau. Ede maudoidi wa se nokoei yo Yaubada se hedebasaei se wane, “Teina laulau tasola nige huya hesau ta kita!”
24345	MRK 2:16	Laugagayo taulauhekataena tamowaidi hekadiyo, siya Paliseya tamowaidi, Yesu se kita yababa tamowaidi yo takisi tautanotano maiyadi se kaikaigogo, na se hededelau yona hekahekatao udiyedi se wane, “Iya idohagi to takisi tautanotano yo yababa tamowaidiyao maidanao se kaikaigogo?”
24353	MRK 2:24	Kabo Paliseya tamowaidi se hededelau Yesu unai se wane, “Ku kita ne! Idohagi to mayadai Sabati laugagayona se utusi?”
24365	MRK 3:8	Yesu saha ye ginauli wa wasana se lapui meta bodalakilaki teha Yudeya yo Yelusalema yo Idumeya yo Yolidani teha kaluwabu udiyedi yo hinage Taiya yo Sidona magaidi udiyedi se laoma iya unai.
24376	MRK 3:19	yo Yudasi Isakaliyota, iya ede Yesu kana tauwalohai.
24378	MRK 3:21	Na Yesu kehanao wasana se lapui meta Yesu nige ye kaikai, unai se lau iya bena se woyahai, matawuwuna ede se nuwatui se wane, “Iya bena ye bwadebwade!”
24432	MRK 4:40	Na ye hededelau yona hekahekatao wa udiyedi ye wane, “Idohagi to kwa matausi? Sola nige yomi sunuma?”
24453	MRK 5:20	Iya kabo ye lau Dekapolisi tehana unai Yesu saha ye ginauli iya unai wa ye hewasa, ede tamowai maudoidi se nokokalili.
24460	MRK 5:27	Iya Yesu yona laoma wasana ye lapui ede boda luwadiyena ye laoma Yesu dagelana unai na kana kwama ye kabitonogi,
24479	MRK 6:3	Iya meta kapenta yo hinage Maliya natuna, na kana kahao ede Yamesi, Yosepa, Yudasi yo Simona. Na lounao hinage maiyadao ta miyamiya.” Unai ede se kouyalayalaei.
24492	MRK 6:16	Na huyana Heloda wasa wa ye lapui meta ye wane, “Yesu meta Yowane. Iya gadona ya boliyako, na boita unai ye toloꞌuyoma.”
24495	MRK 6:19	Na Helodiyasi Yowane ye kouyalayalakaliliyei, na ye henuwa bena ye unuhemwaloi. Iyamo nige gonowana,
24537	MRK 7:5	Unai Paliseya tamowaidi yo laugagayo taulauhekataena wa Yesu se henamai se wane, “Idohagi to kowa yom hekahekatao kulutubu miyamiyadi nige se miyawatanidi, na ma nimabikibikidi se kaikai?”
24543	MRK 7:11	Iyamo komiu kwa wane: Ena tamowai hesau sinana yo tamana yodi kainauya ye kabinonohai na nige ye mosei udiyedi na ye mosei Yaubada unai,
24550	MRK 7:18	Iya ye hededelau udiyedi ye wane, “Idohagi to nige kwa nuwatulobai? Komiu taba kabina kwa kata saha tamowai ye kai na ye dobi bogana luwanawai meta nige ye hebiki.
24568	MRK 7:36	Yesu boda wa ye guguyaidi tabu wasana se hededehelaki. Iyamo nige gonowana se lapulau unai, na huya maudoina se hededehelakikaliliyei.
24586	MRK 8:17	Yodi hedehedede wa Yesu ye lapui ede ye wane, “Idohagi to kwa wane, ‘Nige pwalawa ta bahei’? Nuwana sola nige kwa kitalobai yo nuwamiu sola nige se masalaha? Idohagi to kwa nuwakwailolo?
24587	MRK 8:18	Idohagi to matamiu udiyedi nige kwa kita yo beyamiu udiyedi nige kwa lapui? Taba saha ye tubutubu wa kwa nuwatui!
24639	MRK 9:32	Na Yesu saha ye hedehededeidi ta meta yona hekahekatao wa nige se nuwatulobai. Iyamo nige se henamaiyei, matawuwuna ede se matausi.
24658	MRK 10:1	Yesu ye dalahai ye lau Yudeya tehana hesau unai ye lage, iya ede Yolidani sagasagana halitana kawasina ne unai. Temenai hinage bodalakilaki se lagegogoma Yesu unai na ye hekatadi. Iya yona laulau doha tenem.
24684	MRK 10:27	Yesu ye kitalau udiyedi na ye wane, “Tamowai kalidiwai nige gonowadi, na Yaubada kalinawai. Iya gonowana tamowai ye haidi se lau yona basileiya unai, matawuwuna Yaubada ginauli maudoina gonowana ye ginaulidi.”
24689	MRK 10:32	Yesu yona hekahekatao ye bagunaedi se laulau Yelusalema. Yona hekahekatao wa se siliyata yo tauhemuliwatanina hekadiyo wa se matausi. Iya kabo yona hekahekatao wa ye woyahesuwaladi na ye hededehemasalaha udiyedi saha kabo ye tubu iya unai
24726	MRK 11:17	Yona lauhekata wa unai ye hededelau udiyedi ye wane, “Se kuliyako se wane: ‘Yogu numa meta tamowai maudoidi yodi kabatapwalolo numana.’ Iyamo komiu kwa hai ye hemala taukaikaiwahali yodi kabamiya.”
24746	MRK 12:4	Heyayai tauhaina hesau ye hetamaliꞌuyoi. Iya kuluna se koilapai yo se kabihenayaikaliliyei.
24747	MRK 12:5	Hinage hesau ye hetamaliꞌuyoi. Iya se koihemwaloi. Na gwaudi kabo ye hetamalidi se lau, meta hekadiyo se pidilidi yo hekadiyo se koihemwaloidi.
24751	MRK 12:9	Koya tanuwagana kabo saha ye ginauli? Iya kabo ye laoma koya taukitakitahetetena wa ye unuhemwaloidi, na kabo wine koyana wa ye moselaei tamowai hekadi se kitahetete.
24754	MRK 12:12	Yesu yona palabole wa Dius yodi tamowai lakilakidiyao wa se nuwatulobai meta siya kadi hedehedede, unai bena se kabihekahini. Iyamo boda wa se matausiyedi, unai ede se laugabaei.