23450	MAT 9:2	Menai tamowai hekadiyo tau hesau bunibunina diyadiyali unai se baheiyama iya unai. Yesu yodi sunuma ye kita na ye hededelau taubunibuni wa unai ye wane, “Natugu! Ku nuwabayao, yom yababa ya nuwatugabaedi.”
23692	MAT 14:26	Yona hekahekatao wa iya se kita gabwa kewanaena ye laolaoma hesabadi meta se matausikalili, ma matausidi na se yogahi se wane, “Aiyoi! Teina ta yaluyaluwa.”
24924	MRK 15:29	Keda unai tamowai se sae yo se dobi na se hagahagasiyei yo se kulukulukwadei na se wane, “Kamokisa! Kowa bena Numa Tabuna tausokegwaligwalina, na mayadai haiyona unai kabo ku hetoloꞌuyoi wa!
26409	JHN 7:12	Boda maudoidi iya se hetahetalagadigadiguguyei. Hekadi se wane, “Iya tamowai namwanamwana.” Na hekadi se wane, “Nigele! Iya boda taulupolupoidi.”
26518	JHN 9:9	Na hekadi se wane, “Iya tamowaina ede.” Na hekadi se wane, “Nige! Kana kao ne meta doha iya.” Na iya ye bom mo ye hedehededehemasalahaꞌuyoi ye wane, “Yau tamowaina ede.”
26619	JHN 11:27	Ede Maleta ye hededebui ye wane, “Aa! Guiyau, yom hedehedede ne ya kawamamohoiyei. Yo hinage ya kawamamohoi meta kowa Keliso, Yaubada Natuna, iya ede ye dobima tanoubu ta unai.”
26662	JHN 12:13	ede tutube bagadi se baheidi na se lau se hailobai yo se heyoheyoga se wane, “Hosana! Ka hedebasaego, kowa Guiyau hesanawai ku laoma. Ka hedebasaego, kowa Isalaela yoma wasawasa.”
26920	JHN 19:26	Huyana Yesu ye kaikewadobi na sinana ye kita yo yona hekahekata ye gadogadosisiꞌusei wa dedekana unai ye totolo, ede ye hededelau sinana wa unai ye wane, “Sinebada! Temeta me kowa natum.”
26984	JHN 21:17	Hehaiyonana unai Yesu ye wane, “Simona, Yowane natuna, kowa ku gadosisiyeigau?” Petelo nuwana ye kamkamna matawuwuna ma haiyona meta Yesu iya ye henamaiyei ye wane, “Kowa ku gadosisiyeigau?” Na ye wane, “Guiyau! Ginauli maudoidi kabidi ku kata, yo kabina ku katakalili meta ya gadosisiyeigo.” Yesu ye wane, “Yogu mamoe ku hekaidi.
27289	ACT 9:4	Ede Saulo ye gulidobi bwatano wa unai na kalina hesau ye lapui ye wane, “Saulo! Saulo! Idohagi to ku hekamkamnagau ta?”
27656	ACT 19:2	na ye henamaiyedi ye wane, “Huyana kwa kawamamohoi, Yaluwa Tabuna kwa hai, o nige?” Na se wane, “Nige! Yaluwa Tabuna nige kabina ka kata, yo sola nige wasana ka lapui.”
30890	REV 7:12	se wane, “Mamohoi! Yoma Yaubada, hedebasaem, didigam, yom sibasiba, lautokigo, hekasisim, yom gigibwali yo yom bayao se laowa Yaubada kalimwai ye lau ee nige kana siga. Mamohoi!”
31072	REV 18:10	Kedalohalohawai se totolo, matawuwuna hekamkamna ye hekalo wa se matausiyei, na se wane, “Kapole! Kapole! Babiloni, kowa magai lakilakina yo bayabayaona! Iyamo mahana kubwakubwana mo unai kam heyababa ku lobai!”
31078	REV 18:16	na se doulakilaki se wane, “Kapole! Kapole! Babiloni, kowa magai lakilakina yo saesaena! Kaleko namwanamwadi yo maisadi se lakikalili doha kaleko sapusapudi yo pulupululukalilina ku luwuidi, yo gole, weku namanamalidi yo giniuba matapoudi udiyedi taum ku hepasa.
31081	REV 18:19	Kabo kahusa se hesulusaedi kuludi ne udiyedi, na se siyayau yo se doukalili na se wane, “Kapole! Kapole! Kowa magai lakilakina. Kowa yom wasawasaena waga tanuwagadiyao se gogo! Na huyakubwakubwa mo unai ku tatagwaligwali.”
31087	REV 19:1	Teina ginaulidi ta mulidiwai kabo dagugu hesau ya lapui doha bodalakilaki kalinadi galewa ne unai se yogahilakilaki se wane, “Haleluiya! Kabihemauli yo namanamali yo gigibwali meta yoda Yaubada iya yona,
31089	REV 19:3	Na kabo boda lakilakina wa se yogahiꞌuyo se wane, “Haleluiya! Ye kalasi na kasuna wa ye sae nige kana siga.”
31090	REV 19:4	Yo babadao 24 yo suisui maumaulidi hasi wa se guliyaboyabomdobi na Yaubada yona telona unai ye tutuli wa se kaihelahui yo se yogahilakilaki se wane, “Mamohoi! Haleluiya!”
31092	REV 19:6	Kabo dagugu hesau ya lapui doha bodalakilaki, yo doha kabaita, yo doha tulutululu dagugulakilakidi, se yogayogahi se wane, “Haleluiya! Yoda Guiyau Yaubada Gigibwali Saesaekalilina, iya ye wasawasa yo ye tanuwaga.
31169	REV 22:20	Teina ginaulidi ta tauhededehemasalahadi wa ye wane, “Mamohoi! Nige bayaona kabo ya laowa.” Mamohoi! Ku laoma, Guiyau Yesu.