28982	2CO 6:16	Gonowana Yaubada yona Numa Tabuna yo koitau yodi talam kesega se ginauli na se laomakesega? Nigele! Na kita meta Yaubada maumaulina yona Numa Tabuna. Iya ede doha Yaubada ye hedede ye wane, “Yau kabo maidaguwao ka miya yo luwadiyena ya sae ya dobi. Yau kabo siya yodi Yaubada na siya kabo yau yogu tamowai.”.
28983	2CO 6:17	Tenem debanaena Guiyau ye wane, “Tamowai ne kwa pesahaigabaedi na kwa tolehesuwalagomiu. Tabu kwa kabilau ginauli bikibikidiyao udiyedi, kabo gonowana ya haigomiu.”.
28984	2CO 6:18	Yo ye wane, “ ‘Yau kabo ya hemala tamamiu yo komiu kabo kwa hemala natuguwao,’ teina ta Guiyau Gigibwali Saesaekalilina yona hedehedede.”.
29015	2CO 8:15	Doha kulikuli tabuna unai ye wane, “Ena hesau kana mana ye tanohebado, meta nige gonowana kalinawai yona lobai ne se badokalili, yo ena hesau kana mana hisahisadi mo ye tanoidi meta yona lobai kalinawai ne nige se gagilikalili.”.
29112	2CO 13:1	Buka Tabuna unai ta hasili ye wane, “Pilipili maudoidi tolehedudulaidi udiyedi meta tamowai labui o haiyona yodi hemamohoi ne unai kabo ta tolehedudulaidi.”. Na teina ta meta kabo yogu kaitaumanaigomiu hehaiyonana.
29848	1TI 5:18	Matawuwuna kulikuli tabuna ye wane, “Ena bulumakau witi kaniyona kabakabiyawasina unai ye paipaisowa meta tabu kawana ne kwa sumasumagudui.” Yo hinage ye wane, “Taupaisowa yona dudulai meta bena taba yona paisowa maisana ye hai.”.
30457	1PE 1:16	Doha kulikuli tabuna unai wa ye wane, “Bena kwa tabu, matawuwuna yau tabuna.”.