23244	MAT 2:6	‘Má iáu á malar Betilem, u gengen malar sár main i balis á Iudáiá, mái sár kápte ngo iáu malar bia. U tilik támin táit kápkabin na páng besang tili iáu á tekesi kálámul na tátáil, ngorer na lu ololoh i kak matananu Israel.’”
23282	MAT 4:4	Mái Iesu a kosoi ngo, “Pinpidan si Káláu a parai ngo, ‘Kápte ngo namnam masik a lu támri liu kán kálámul suri na rakrakai, kápte! Rakrakai uri liu muswan kán kálámul a hut sang tili worwor si Káláu.’”
23284	MAT 4:6	Mái Satan a parai si Iesu ngoromin, “Ngo iáu Natun ái Káláu, ki una roh tilatung uradi bim. Kabin pinpidan a parai ngoro minái, ‘Ái Káláu na tari palai kán tan angelo má da ololoh timan iáu.’ Má pinpidan a parai mul ngo, ‘Tan angelo da sáng pas iáu mai lim di suri ngorer na mák suski kikim i hat.’”
23638	MAT 13:30	Páksiai ngorer nák lu tur pang na matuk i padi. Má ngorer inak parai singin tan kálámul di lu kip talmi balbal suri dák mulán rabut palai ngán er, má ngorer da dut talmi suri da osoi i kámnah, má namur da kip talmi padi má dák oboi i kak boh suapok.’”
23711	MAT 15:9	Di lu arabitbit sár mai nagogon káián rang támin i di má dik parai ngo worwor káián ái Káláu, má ngorer dik omlawai kándi lotu uri narsang.’”
23900	MAT 21:5	“Gama parai singin tan matananu til Saion ngoromin, ‘Mákái! Erei má ái kamu kabisit a han sur gam. A longoi tatalen án matau erei, má a kis i dongki. A kis i iátin kesi gengen dongki.’”
23954	MAT 22:13	Má namur kabisit er a parai narsán te tám arardos ngo, ‘Gama kápti limán má keken á kálámul minái má gamák buswa aso palai uradi pokon er a tuan kuron. Iatung má na tang má nák ararat ngis ái.’”
24122	MAT 25:45	“Má kabisit na kos di ngoromin, ‘A muswan iau parai si gam, i pákánbung gam mákái tan sáhár er má gam matai artangan uri narsá di, a duk i iau mul er, má ngorer kápgamte tangan iau.’”
24539	MRK 7:7	Di lu arabitbit sár mai nagogon káián rang támin i di má dik parai ngo worwor káián ái Káláu, má ngorer dik omlawai kándi lotu uri narsang.’”
24712	MRK 11:3	Má ngo tekes na gátna gaur ngoromin, ‘Suri dáh gaur longoi ngorer?’ ki gaura parai singin ngo, ‘Ái Konom na him mai be, má namur na tarwa kalengnai mul ur main.’”
24752	MRK 12:10	A muswan ngo gamáte wásái pinpidan minái tili Buk Tabu er a para ngoromin, ‘Hat erei bos tám long rum di pukpukwai, mái sár ái Káláu a aksimi hat erei suri áng kábutkis si di no á tan hat, má uri mát git a tuan kuluk taladeng.’”
25100	LUK 3:6	Má matananu no da mákái araliu káián ái Káláu.’”
25140	LUK 4:8	Mái Iesu a kosoi ngo, “Pinpidan si Káláu a parai ngo, ‘Una lotu uri narsán ái Konom kam Káláu, má ái masik sár una para agasi.’”
25143	LUK 4:11	Má pinpidan a parai mul ngo, ‘Tan angelo da sáng pas iáu mai lim di suri ngorer na mák suski kikim i hat.’”
25144	LUK 4:12	Mái Iesu a kosoi ngoromin, “Pinpidan si Káláu a parai ngo, ‘Koion una tohtoh Konom er kam Káláu.’”
25155	LUK 4:23	Mái Iesu a parai si di ngoro minái, “Iau mánán ngo gam hol on má gama parai uri iau á kángit arabitbit erei a parai ngoromin, ‘Ngo u parai ngo iáu á tám latlat, ki una aliu pas iáu sang suri gima mákái ngo kam worwor a támin.’ Má iau mánán mul ngo gama parai uri iau ngo, ‘Kam malar á Nasaret. Má ngorer tan táit er gim longrai u longoi á Kapernaum, ki una longoi mul mainái suri gimák mákái ngo kam worwor a támin.’”
25467	LUK 10:35	A be kábungbung má, ki kakun Samaria er a long pasi aru i pirán tabal tili kán rat ák tari singin kálámul a kátlán i rumán asir er mák para talsai singin ngoro minái, ‘Una ololoh on be á kálámul minái. Má inak han be ki inang kaleng mul. Má ngo ukte omlawai kam te táit ur on, ki ina keles kalengnai ur singim.’”
25596	LUK 13:9	Má i bet namur, ngo na oboi marán wán má nák lur kuluk, ki na lu tur sang. Má ngo kápte, ki erár má giták tár palai.’”
25646	LUK 14:24	Iau parai si gam no ngo ái rung erei iau bit táilna di suri á long namnam minái, kápdate kis tiklik mam git mul.’”
25689	LUK 15:32	Mái sár ngádáh? Kápate arwat suri gita long namnam má giták laes be? A kuluk sár kápkabin ái tuam ákte han benget má a ngoro ákte mat, mái sár onin a liu sár má ákte tapam hut kaleng.’”
25730	LUK 17:10	Má gama ngorer sár mul á gam. Namur ngo gamáte long artálár pas noi kamu talar, gama parai arliu i gam ngoro minái, ‘Git á tan toptop má gitáte longoi sár á kángit talar.’”
25827	LUK 19:27	Má tan kálámul er di kurtara mam iau kápdite nem i iau suri ina kabisit kandi, gama long pas di ur main i mátán táil i iau má gamák up bing di.’”
25831	LUK 19:31	Má ngo tekes na gálta gaur ngo, ‘Suri dánih gaur ulát pasi dongki erei?’ ki gaura parai singin, ‘A nem on ái Konom suri na him mai be.’”
26067	LUK 24:7	‘Da long pasi Natun Kálámul má da tari uri limán boh tám sápkin má da bás páptai uri kubau kus nák mat. Má ngo na rah i atul á bung, na liu kaleng mul.’”
26128	JHN 1:15	Má ái á kálámul ái Ioanes a parai er ák lu binbin ngoromin, “Minái ái koner iau worwor suri erei iak parai ngo, ‘Ái na hut namurwa iau, mái sár a pakta sorliu iau kabin ákte mulán kis má, má namur iak páng.’”
26146	JHN 1:33	Má káp iau te mánán besang mul on ngo ái á kálámul er a tarwai ái Káláu. Mái sár ái Káláu sang, koner a dos pala iau suri ina arsiu mai dan, ákte parai singing ngoromin, ‘Una mákái kálámul er Tanián na sosih má náng kis on. Kálámul er, ái ái koner na arsiu mai Tanián a Pilpil.’”
26357	JHN 6:31	Hirá rang kámpup i gim di lu ani mana ada i pokon mau, ngorer a parai i Buk Tabu ngo, ‘A tabar di mai namnam, wa balbal tilami bát.’”
26435	JHN 7:38	A ngorer a parai i Buk Tabu ngo, ‘Dan a tari liu na sal tili mátán upup imi bál ái koner a ruruna i iau.’”
27053	ACT 2:35	má á iau ina suka bámiai kam tan kurtara uri lalin kikim má ina arumrum di.’”
27472	ACT 13:41	‘Gama alongra! Gam er gam lu tartar retret mai worwor si Káláu, iau akeng i gam. Kápte gam ruruna i worwor a parai ái Káláu. Páksiai ngo te kálámul da parai si gam, káp gama te ruruna on. Mái sár ngo kamu tu liu be, táit a parai ái Káláu na hut muswan. Gama mákái má na pil i mansin i gam má gamák mat.’”
27478	ACT 13:47	Giura longoi ngorer kabin ái Konom ákte timla giur mák parai si giur ngorer a parai sur Iesu tungu ngoromin, ‘Iakte timla iáu ngorer i talas uri atalsai rung tili risán, má talas erei na inngas tari araliu uri narsá di á matananu i naul matmatngan pokon no.’”
27529	ACT 15:18	A ngorer á worwor a parai ái Konom a tur talas til hirá sang ák han pang onin.’”
27729	ACT 20:35	I tan tatalen no iau longoi, iakte inngasi si gam suri ngádáh gita artangan arliu ngoi, ngorer gita asosah kalengna git má gita tángni mul i rung di sáhár. Gita hol páptai worwor si Konom Iesu er a parai ngo, ‘Koner a kipi artabar kes a tari singin, a kuluk pala. Mái sár koner a artabar uri narsán lite, ái a tuan kuluk pala sang.’”
27793	ACT 22:21	Mái sár ái Konom a parai singing ngoromin, ‘Aptur má, ina dos pala iáu ur tepák uri tan kuir pokon erei rung tili risán di lu kis ái.’”
27807	ACT 23:5	Mái sár ái Paulo a kos di ngoromin, “Keskam, rang buhang. Ngo ina han mánán ngo ái á tám osmapak táil, kápte ina han parai ngorer ur on, kabin pinpidan a parai ngoromin ngo, ‘Koion una para sáksáknai koner a kátlán i kam matananu.’”
28249	ROM 9:26	Má i malar erei di parai ngo, ‘Kápte gam matananu kaiak’, á iau ina parai si di iatung ngo, ‘Gam á rang natun ái Káláu koner a liu áklis.’”
28262	ROM 10:6	Má Buk Tabu a parai mul suri sál án anokwai kálámul kabin a ruruna, er a parai ngo “Koion á tekes na hol on imi bál ngo, ‘Araliu a lala tepák, pasi inak tapam urami bát inak ser suri.’” A sálán ngoromin. Tekes na tapam urami suri nák long pas Karisito ur main i bim suri na aliu pas git.
28263	ROM 10:7	“Má koion á tekes na hol on ami bál ngo, ‘Araliu a lala tepák, ngorer inak sosih uradi tarang án minat inak ser suri.’” Má a sálán ngo tekes na sosih uradi suri long pas Karisito nák aliu pas git. Koion da parai ngorer kabin ái Karisito ákte sosih má mai araliu tilami bát, má ákte kaleng má tili minat, má ákte arbin má narsá git.
28332	ROM 12:19	Lain rang buhang, koion gama kosoi mai sápkin uri narsán kálámul ákte longoi sápkin narsá gam, ái sár gama arsok on uri limán ái Káláu suri ái sang na kosoi. A ngorer dikte le on i Buk Tabu ngo, “Ái Konom ákte parai ngo, ‘Á iau sang ina oboi rangrangas narsán rung di longoi sápkin, má kak talar sár suri kokos uri narsá di.’”
28359	ROM 14:11	A ngorer di le on i Buk Tabu ngo, “Ái Konom a parai ngoromin, ‘Iau oror mai ngisang sang ngoromin ngo matananu no da atri pukun kik di suri lotu uri mátán táil i iau, má ngus di no na parpara agas uri narsang.’”
30073	HEB 3:11	Má ngorer iak mos uri di má iak oror ngo ái rung er kápte da kusak uri aunges on á malar er iau eran páksi ngo ur kándi.’”
30207	HEB 10:7	Má namur iak parai singim ngo, ‘Mákái, kang Káláu! Á iau á minái. Iakte eran suri ina longoi ngorer u nem on, ngorer dikte le on i kam worwor.’”
30792	REV 2:7	“‘Ái koner a nem ngo na talas má na mánán, ki na kis án alongra suri longrai táit Tanián a parai singin tan tám ruruna! Mái rung di sorsorliu, á iau ina amuswan tari si di suri da namnam i wán kubau án liu a kis i pokon si Káláu.’”
30796	REV 2:11	“‘Ái koner a nem ngo na talas má na mánán, ki na kis án alongra suri longrai táit Tanián a parai singin tan tám ruruna! Mái rung di sorsorliu, kápnate top i di á áruán minat, má ngorer kápdate buswa di uri pokon án kámnah áklis.’”
30802	REV 2:17	“‘Ái koner a nem ngo na talas má na mánán, ki na kis án alongra suri longrai táit Tanián a parai singin tan tám ruruna! Mái koner a sorsorliu, á iau ina tari singin á mana er a kis punam onin. Ái koner a sorsorliu na ani má nák arakrakai on. Má táit mul ina tari singin, kesi hat a bal. Ina mulán sir páptai i hat erei á hutngin ngisán iakte tar ngisán mai, má kápte kes mul na mánán on, ái koner masik sár á ngisán erei. Ina longoi mam di no keskeskes ái rung di sorsorliu.’”