23244	MAT 2:6	Aiyo, Yudia mikau Yuda wenina numuna meya nabatina muki yauti ya Betelehemu numuna ya lumuto hefola efomako minámananibo ne. Aya numuna meya naba yauti ya hiyaba we wehudi ma loto, ya weninane Isilaeli wenina muki ya hiyaba o betinogolaiye, loto ha mono lufuwau (Mai 5:2) ya nebo ne, loti lomuwae.
23255	MAT 2:17	Ena aya hawa ya polofeti Yelemaiyakafo libo, Lama numuna meya yau nola ma holiyabo ya hufo naba oto, Ei-ai, loto lula-halau naba-naba holibo ya wena Leselikafo yufa fibo weninala olufotina yagunu hufo naba-naba o neto, ya weninala igaidana oto lula-hala li you lo edanune, loti holiyafa, olufotina minámabo yagunu ogofuwámae, loto ha mono lufuwau (Jer 31:15) nebo ha ya homu aidena lufuwa ibo ya idafawa muki lo fediye.
23431	MAT 8:17	Feto feyaibo yagunu Gotikafo polofeti Aisaiya ha welalo molaito feto libo, Eimolakafo uteu ogofu aibo idafa lito, idafa hiliyonibo mona-mona ya mofutaiye, loto ha mono lufuwau (Ais 53:4) nebo ha hulawa moda fediye.
23683	MAT 14:17	Lobito, liwila oti lomuwabo, Beleti faifu (5) ido laefa loiti (2) yako li minone, lomuwato
23685	MAT 14:19	Lobito ido wenina nuba abo suwalo amedalo, loto lobito beleti faifu (5) lito laefa loiti yagi lito okulumau wa faka loto, dowae, lalowe, loto lomuto ya beletigi laefagi fukoto, ege-ege moniyabo we bito, wenina mau naba minabo ya biyae.
23687	MAT 14:21	Ido wetina idafa nabo wemoli ya faifu tauseni (5,000) minato, ido wenipagi olufogi ya hitámae.
23706	MAT 15:4	Yagunu Gotikafo libo, Otinafo metinafo hulitina li faka lalo, loto lo moloto lima ne. (Kis 20:12, Lo 5:16) Ido ha magi libo, We makafo ha nosámibo olafofe melafofe ya lo betinaibo, aya we ya hofo fulilo, loto ha mono lufuwau (Kis 21:17, Wkp 20:9) ya nebo ne.
23750	MAT 16:9	Hemotina ya holifefe ladámoti minafe? Beleti faifu (5) lito wenina faifu tauseni (5,000) biyobo yama hatina molaife? Ido luma nebo liti owo nenaki ya holiyae? Yamagi hatina molaife?
23850	MAT 19:19	Okafo mekafo hulitina li faka lo. (Kis 20:12-16) Heimoka yagunu holiyanibo yamaidana oto wenina muki ya luka-haka biyo, (Lo5:16-20) loto ha mono lufuwau nebo ha ya lomuiye.
23908	MAT 21:13	Fululu kaito feto libo, Ha mono lufuwa igu feto loto libo, Numunane ya ha lonumu-numu abo numuna ne, loti lanabo ne, loto ha mono lufuwau (Ais 56:7) nebo nefa, hemotina yasi li ugele we numunatina yaidana o minae, loto lobiye.
23979	MAT 22:38	loto lo molaibo hau (Lo 6:5) nebo hawa ya u homu uto auba ibo ha ya ne.
24079	MAT 25:2	Olipa faifu (5) ya ha manadinau nebo nefa, ido maleka faifu (5) ya ha manadinau minámiye.
24092	MAT 25:15	adinalo molaibo we ya onodo we muki monatina yagi ido idafa-adafa lifefe lanabo ogofuto mino betibo aubatina yagunugi holito hefana ya hona moloto we ma hefanala naba-naba huliya taleni faifu (5) ya muibo, ido we ma hefana naba taleni loiti ya muibo, ido we ma hefana taleni mako ya muibo, feito bitoto unogolaibo hanu ya wiye.
24093	MAT 25:16	Ena hefana taleni faifu (5) libo wema ya aloko uto hefanamakafo onona lito hefana taleni faifu (5) magi ika oto liye.
24097	MAT 25:20	Feto feyaito hefana taleni faifu (5) ya libo wemakafo hefana taleni faifu (5) magi li makoito lito lomuibo, Wenabao, wao, hefana taleni faifu (5) nomanima ononawa limo uto hefana taleni faifu (5) ya magi weunawa liyowe, loto lomuiye.
24514	MRK 6:38	Loga o edato, feto lobibo, Beleti nenaki li minae? Uti walo, lobito uti li oloto pititi liwila oti loti feto lomuwabo, Beleti faifu (5) ido laefa loiti li minone, loti lomuwae.
24516	MRK 6:40	ido wenina fifiti-fifiti (50) ya mau minabo ido malekama wenina wani hadeti wani hadeti (100) ya mau minabo ya suwalo amedoti minae.
24517	MRK 6:41	Amedoti minato, Yesukafo beleti faifu (5) ya lito okulumalo wa faka loto, dowae, lalowe, lototo ya lekoto ege-ege moniyabo we yasi hona moloti wenina mau naba ya binae, loto biye. Ido laefa loiti yagi hona molo bito
24520	MRK 6:44	Ido wetina-idafa nabo wemoli ya faifu tauseni (5,000) ya minae.
24542	MRK 7:10	Yagunu Mosesekafo feto libo, Otinafo metinafo hulitina li faka lalo, loto (Kis 20:12, Lo 5:16), ido ha magi feto libo, We makafo ha nosámibo olafofe melafofe ya lo betinaibo, aya we ya hofo fulilo, loto ha mono lufuwau (Kis 21:17) ya nebo ne.
24588	MRK 8:19	Beleti faifu (5) ya lito wenina faifu tauseni (5,000) ya biyoto luma nebo liti owo egepisa nenaki ya holiyabo ne? loto loga o betito, liwila oti lomuwabo, Lemo tuwelu (12) ya holiyonibo ne, lato,
24676	MRK 10:19	Lo molaibo ha yau feto libo, Wenina hofo beti fuliyámo. Hume-ugele ámo. Idafa ugele liyámo. Ha sugi loto wenina hamadina hiyámo. Wenina hotina ito idafatina liyámo. Okafo mekafo hulitina li faka lo, loto ha mono lufuwau (Kis 20:12-16, Lo 5:16-20) nebo ha ya moda holitanibo ne, loto lomuiye.
24726	MRK 11:17	Lo fuko betito api itibito feto lobibo, Gotikafo feto libo, Numunane ya wenina mikau-mikau ya ha lonumu-numu abo numunae, loti lanabo ne, loto ha mono lufuwau (Ais 56:7) nebo ha ya ne. Feto nefa, hemotina li ugele we numunatina yaidana o minae, (Jer 7:11) loto lobiye.
24773	MRK 12:31	Ido auba ibo ha naba tu (2) ya feito ne: Heimokagunu holiyanibo yamaidana oto weninaka muki ya luka-haka bi-bi o mino, loto ha mono lufuwau (Lo 6:4-5, Wkp 19:18) nebo hawa loitiwa ya ha makafo ya li fulo edámanaibo ne, loto lomuiye.
24923	MRK 15:28	Ido, Emo ya ha holiti holiyámoti abo we yaidana oto ne, loti wa edabo ne, loto ha mono lufuwau (Ais 53:12) nebo ha yama ayalo ya iye.]
24986	LUK 1:24	Uto minaito, aliga olonafo Elisabeti olufola houmalau nebo ne. Olufola houmalau neto ya igana faifu (5) yalo faluku oto minoto feto loto libo,
25065	LUK 2:23	Feto aibo ya Wenaba lo molaibo ha lufuwa igu feto libo, Hana olufotina hipatina oloto piyatoma, Wenaba fele we wa molo edalo, loto ha mono lufuwau (Kis 13:2, 12,15) nebo ha meyalo moloti feto fe edaiye.
25095	LUK 3:1	Ena Lomu wenina mikau-mikau muki hiyabatina wehudi Taibeliyasi Sisa hiyaba omo yoibo ya melege fifitini (15) utaito hamena yalo ya Pontiusi Pailatikafo ya Yudia mikalo minabo wenina hiyaba o beti ne. Ido Helotikafo ya Galili minabo wenina hiyaba o beti ne. Ido Heloti yalafo Filipikafo ya Itulia ido Tilakonitisi eba loiti ya hiyaba o beti ne. Ido Abilene ebalo ya Lisaniyasikafo ya hiyaba o beti ne.
25100	LUK 3:6	Feto ato, wenina muki mikau-mikau ya Goti li nomuna wanaibo mona ya wanigilae, loto lo minanaiye, loto ha mono lufuwau (Ais 40:3-5) nebo ha yama Yonidoka gedibo ne.
25305	LUK 7:41	Lomuito, Yesukafo feto libo, Hefana onodo libo we makafo we loiti ma lifima munaibo hefanawa Yuda hefana huliya denaliyasi faifu hadeti (500) ya ma muto, ido ma fifiti (50) ya muiye.
25383	LUK 9:13	Feto loti lomuwafa, ido emokafo, Heimotina wetina-idafa ma bilo, loto lobito, liwila oti lomuwabo, Lemo beleti faifu (5) ido laefa loiti (2) yagiko li minone. Yagunu neidafa feyanune? Uto weninawa muki wetina-idafa meina finubogunu labe? loti lae.
25384	LUK 9:14	Feto loti labo ya wemoli ya faifu tauseni (5,000) yaidana oti minabo yagunu lae. Feto lato, emokafo ege-ege moniyabo we ya feto loto lobibo, Hemotina wenina lobiyato we fiti nuba fifiti-fifiti (50-50) oti amedoti minomo unae, loto lobiye.
25386	LUK 9:16	Feto feyato, Yesukafo beleti faifu (5) yagi ido laefa loiti (2) yagi lito okulumalo wa faka loto, Dowae, lalowe, loto ya lekoto ege-ege moniyabo we yasi hona moloti, wenina nuba naba ya binae, loto biye.
25459	LUK 10:27	Lomuito, liwila oto lomuibo, Luka-haka muki ido weuga muki ido aubaka muki ido haka-managa muki ya Wenaba Gotika ya umo. Ido heimokagunu holiyanibo yamaidana oto weninaka muki ya luka-haka bi-bi o mino, loto ha mono lufuwau (Lo 6:5, Wkp 19:18) ya nebo ne, loto lomuiye.
25534	LUK 12:6	Ena nama lomo faifu (5) meinala ya hefola efoma ne. Feito nefa, Goti ya namawa makoti yaidana u hala molámanaibo ne.
25580	LUK 12:52	Ido onesa me ya hamenalokati wenina faifu (5) ya numuna makoku minabo yama ya fokiti u eito-eito uwato, wenina filiga tili (3) ya minabo yasi wenina maleka loiti (2) minabo ya uwotinafo-uwotinafo u buli betinae. Ido loiti (2) yamasi wenina maleka tili (3) yama uwotinafo-uwotinafo u bulinigilae.
25695	LUK 16:6	Nemodoka ya yá olifi nowala dalamu wani hadeti (100) yaidana nebo moda notowe, lito ya feto lomuibo, Emodokati idafa liyanibo lufuwa ya lito, henemane oto amedoto dalamu fifiti (50) yako li oloto moloto lufuwa iyo, lomuiye.
25716	LUK 16:27	Ena liwila oto lomuibo, Menefone, ha ma lanowe, holi nomo. Menefo numunalau unanefo-mota faifu (5) ya minabo ne. Emotinagi so fiyámanaibo eba meu ya lumuti ogofu naba-naba holitanae, loto Lasalusi ilifiyageto uto fuka ha lobinaiye, loto lomuiye.
25777	LUK 18:20	Ena hemo lo molaibo ha moda holifefe loto holitanima ne. Feito libo, Hume-ugele ámo. Wenina hofo beti fuliyámo. Idafa ugele liyámo. Ha sugi lobiyámo. Okafo mekafo hulitina li faka lo, loto ha mono lufuwau (Kis 20:12-16, Lo 5:16-20) nebo ha ya holi minane, loto lomuiye.
25818	LUK 19:18	Lomuito, ido houba-nabala we naba tu ya loto feto libo, We nabao, hemo hefana mina nomanibo yakafo onona lito hefanaka weunawa faifu (5) magi li molo hedobo ya ne, loto lomuiye.
25819	LUK 19:19	Lomuito, hiyaba we ya feto lomuibo, Numuna meya faifu (5) ya hiyaba anane, loto lomuiye.
25846	LUK 19:46	Numunane ya ha lonumu-numu abo numunae, loti lanabo ne, loto ha mono lufuwau (Ais 56:7) ya nebo nefa, hemotina yasi li ugele we numunatina yaidana o minae, loto lobiye.
25970	LUK 22:37	Lufuwa igu feto libo, Emo ya holiti holiyámoti abo wenina yaidana oto ne, loti wa edabo ne, loto ha mono lufuwau (Ais 53:12) nebo ha yama nemodoka hulawa anogolaiye. Ona, nemogunu lufuwa iyabo muki ya moda hulawa o hulanogolaiye, loto lobiye.
26170	JHN 2:6	Ena numuna yalo ya hefana malu naba sikisi (6) neto, ya Yuda wenina ha mono monatina ya idafa-adafa hamena-hamena noku i-i abo yagunu numugu-numugu no maluku ya minomo wiye. Maluwa ma yau dalamu hefolau hamena faifu (5), ido ma yau hamena seweni (7) ya no fiti ito loti leki-leki abo ya nabatina feito ne.
26243	JHN 4:18	Ido wagafo faifu (5) mofu moloto fulitoto anima ne. Ido onesa yagi welo kelo minanibo yo-holae hemo wanefo ya minámiye, loto lanibo ya ha ona oloto lane, lomuiye.
26281	JHN 5:2	Ena Yelusalemu hanu wela ma huliya Sipisipi Hanuwae, loto nebo hanu anawalo ya momeno ma nebo huliya Beteseda anawalo ya holo-hala numuna faifu (5) ya minomo wibo,
26335	JHN 6:9	Melo ya hipa ma nebo yakafo beleti suwa baligunu lifefe labo faifu (5) ido laefa loiti yagi li nefa, wenina mau naba minanako, efo yakafo neidafa anune? liye.
26336	JHN 6:10	Feto lito, Yesukafo libo, Hemotina wenina lobiyato ya li nuba oti mikalo minalo, lito minato mika yalo ya suwa eba naba-naba nedo ya wemoli faifu tauseni (5,000) ya amedoti minomo uwae.
26339	JHN 6:13	beleti suwa baligunu lifefe labo faifu (5) yamakafo luma neboma ya haka oti owo egepisa naba tuwelu (12) ya holiyato lumuto faito fulitaiye.
26345	JHN 6:19	uti alo faiga faifufe (5), ido sikisife (6), kilomita yaidalo uti no lusaku ya u fedato, Yesu ya no mulalo ya lala-lala ito egetina uto sipi ya li alo alili molaito wa edoti ya utina ololo aiye.
26371	JHN 6:45	Polofeti yasi feto labo, Goti eimolakafo wenina muki ha mono api itibinogolaiye, loti ha mono lufuwau (Ais 54:13) ya nebo ne. Yagunu wenina ya Menefokafo ha lobito api itibibo ya hawa holiyabo wenina ya nemodoka anigilae.
26507	JHN 8:57	Feto lito, Yuda wenina yasi lomuwabo, Hemo melegeka fifiti (50) ya li fulámaninako, hemo Abalahamu wa edanibo nefe? Olo, lato,
26687	JHN 12:38	Holi hikito umámabo ha ya polofeti Aisaiyakafo feto libo, Wenabao, ha eteme lo biyonibo ya hemakafo holi hikito ne? Ido Wenaba aubala oloto pi bibo ya hemakafo wa edofefe lanaiye? loto ha mono lufuwau (Ais 53:1) nebo ha yama u Yesudo ya hulawa fediye.
26793	JHN 15:25	Feto feyabo yagunu ya lo molaibo hatinau ya feto libo, Emotina yasi aifa holi nosámibo nomae, loto ha mono lufuwau (Sng 35:19, 69:4) nebo ha ya ayalo hulawa fediye.
26978	JHN 21:11	Saimoni Pitakafo sipiku ya yoto owo ya noku yati ika oto lito no anawalo aibo ya laefa naba-naba faitibo ya wani hadeti fifiti-tili (153) yaleka ya nebo nefa, owo ya fukámiye.
27012	ACT 1:20	Yagunu mono lufuwa bukuku Mono Nama yau feto libo, Numuna ya yupa minageto wenina ma yau minámanigilae, loto ha mono lufuwau (Sng 69:25) ya nebo ne. Ido magi ya feto libo, We ma yakafo hiyaba we ononala ya linaibo ne, loto ha mono lufuwau (Sng 109:8) ya nebo ne.
27088	ACT 3:23	Ido makafo hala holi holiyámanaibo ya Goti weninala yauti moda u hopa unogolaiye, loto ha mono lufuwau (Lo 18:15, 18-19) ya nebo ne.
27095	ACT 4:4	Limo fulo betiyafa, ido ha mono laibo holiyabo wenina ya muki holi hikito muti, ido Yesu weninalagi keloti holi hikitabo wenina abi loti faifu tauseni (5,000) yaidana minae.
27191	ACT 7:6	Ena Gotikafo feto lomuibo, Yufa fiyanigu yauti weninaka ya wau wenina yaidana oti minoti, eito wenina mikatinau ya melege fo hadeti (400) yalo ya minoti houba-naba o betiti, hena naba-naba holimo unae. (Stt 15:13-14)
27199	ACT 7:14	Feito ya Yosefekafo alo, lotaito, melafo Yekopukele weninala muki we wena sewedi-faifu (75) ya idipito uwae.
27228	ACT 7:43	E'e, feti minámoma ne. Hemotina gotitina ma huliya Moloki ya seli numuna hu edagu yau moloti mofuti ito moni-moni aboma ne. Ido gotitina ma huliya Lefani ya ofiya yaidana oto fefeluma aibo ya liti moni-moni aboma ne. Feto feyabo ya gotiwa ya weudina-lutina-hatina binune, loti ya lifefe labo nenako, yagunu uwotinafo-mota adinalo biyoto adinalo-hidinalo liti idipiti Babiloni mikau faiga yalo unigilae, loto ha mono lufuwau (Amo 5:25-27) ya nebo ne.
27278	ACT 8:33	Ha ladámito, ulalo holinaibo ona muti sigiya lo edado fefe loti li halo molo edámae. Ido mikalo nebo hamenala ya fukoti, hofo fuliyanako, hemakafo yufa figuti weninala hatina ogofu anogolaiye? loto ha mono lufuwau (Ais 53:7-8) ya nebo ha hito ne.
27451	ACT 13:20	Bito, ya minomo uwabo melege fo hadeti fifiti (450) yaidana li fuloti minabo ne. Feito minotiti weninane ya hiyaba o betinae, loto hiyabatina we ya li oloto pi biyobo polofeti Samuweli hamenalalo wiye.
27465	ACT 13:34	Ido Gotikafo Yesu fuliguti li sinoi edainako, ula aubala lilitámanaibo ne, loto hawa ya onae, loto lilibibo ha ma Goti ya feto loto libo, Nemokafo homu Defiti fele idafa dowa ona nebo idafa yama humunowe, loto lo molobo idafawa yama hemotina binowe, loto ha mono lufuwau (Ais 55:3) ya nebo ne.
27472	ACT 13:41	Hemotina Goti hamana hiyabo wenina ya holilo. Nemokafo hemotina minabo hamenalo idafa feyanobo yama makafo idafawa lobibo neko, holi hikito umámadi ne. Idafawa feyanobo ya hemotina wati hatina loiti-loiti kiti u hopa wilo. loti ha mono lufuwau (Hab 1:5) ya nebo ne, loto Polokafo lobiye.
27673	ACT 19:19	Ido wenina abi loti ya hifena-lusa hi-hi abo yasi loti hifena-lusa ha lufuwa iyabo bukutina ya liti loti wenina nomudinalo soku hiyabo ne. Ido hifena-lusa bukutinawa soku hitabo ya meinala ya hitabo hefanala siluwa fifiti tauseni (5000) yaidana ne.
27700	ACT 20:6	ena foliwa ya beleti li fefe loti pupu libo idafa yisi molámoti aifa hofo hito no-no abo foliwa ya hulito lemo sipiku yoto Filipai numudo fulitoto uto fo hamena faifu (5) ya uto uto Tolowasi numudo fedoto yalo fo hamena seweni (7) ya minone.
27838	ACT 24:1	Ido fo hamena (5) faifu uwageto sokila hi muwabo we hiyabatina we wenaba Ananaiyasigi, ido Yuda wenina hiyabatina we malekamagi, ido Lomu huifa ha meyalo molo-molo abo holibo we ma huliya Tetulusi yagi Sisalia numudo lumuti Polo sigiya lo edanabo ha ya eba hiyaba we wenaba lomuwae.
28054	ROM 2:24	Aya mona molabo wenina yagunu feto libo, Eito feka wenina yasi heimotina monatina yagunu Goti huliya hamana hi minae, loto ha mono lufuwau (Ais 52:5, Ese 36:22, 23) ya nebo ne.
28063	ROM 3:4	E'e, feito minámiye. Wenina muki ya sugi monako molo minae, loto wa betiyanogoloba, ido Goti monala ya u ona hulako minowa-minowa oto minanaibo ne, loto wa edanogolone. Feito yagunu ya ha ma feto loto nebo, Hemo ha lanibo ya moda fefe lotoko lo-lo o minane, loti holinigilae. Ido masi li halo molo hedanabo ya moda li fulo betinogolane, loto ha mono lufuwau (Sng 51:4) ya nebo ne.
28071	ROM 3:12	Muki ya hanu dowalokati ya u hopa uti, li mako iti u aifa idafa buliti minae. Mona dowa molo minabo wenina ya ma minámae. Moda ona lowe. Mako magi minámae. (Sng14:1-3, 53:1-3)
28072	ROM 3:13	Henobatina ya fuliyabo wenina haletina wela golotibo hale yaidana oto ne. Wetina huluma yakafo weninatina hotina i-i ae. (Sng 5: 9) Wetina etuwau ya hosofa hifenala yaidana oto ne. (Sng 140:3)
28076	ROM 3:17	You amena molabo hanu ya ma holámae. (Ais 59:7-8)
28093	ROM 4:3	Aya yagunu ya ha mono lufuwau ya neidafaiye liye? Abalahamukafo Goti holi hikito muibo yagunu monala fefe libo we ne, loto lo edaibo ne, loto ha mono lufuwau (Stt 15:6) ya nebo ne.
28107	ROM 4:17	Aya yagunu ya feto libo, Mikau-mikau wenina muki ya awatinafo-holofatina minanane, loto fulo hedowe, loto ha mono lufuwau (Stt 17:5) nebo ha ya Goti onobalalo moda ona hula gedibo ha ne. Aya Goti holi hikito muibo, ya fuliyabo wenina li hofawa o betito, ido idafa ma minámibo ya aifa oloto piyo, loto li oloto pibo we ya ne.
28108	ROM 4:18	Abalahamukafo Goti lo molo muibo hawa ya hulawa igaidana oto fedanaiye? loto holámifa, ido auba ito holi hikitoto hawa hulawa moda fedanogolaiye, loto holito hiyabala o ne. Aya hawa feto loto lo molo muibo, Yufa finanibo wenina feti minomo unabo ne, loto ha mono lufuwau (Stt 15:5) ya nebo ne. Ido yaloti ha ma yagi feto loto lo molo muibo, Mikau-mikau wenina muki ya awatinafo-holofatina minanane, loto ha mono lufuwau (Stt 17:5) yagi nebo ne.
28112	ROM 4:22	yagunu ya Monala fefe libo we ne, loto lo edaibo ne, loto ha mono lufuwau (Stt 15:6) ya nebo ne.
28166	ROM 7:7	Yagunu neidafaiye loto lanune? Lo molaibo ha mona ya nosámibo mona nefe? E'e, feito minámiye! Lo molaibo ha holiyámobo neko, nemo nosámibo mona ya holiyámodi ne. Holi minafe? Lo molaibo ha yakafo feto libo, Wenina idafatina yagunu holiyámilo, loto ha mono lufuwau (Kis 20:17, Lo 5:21) nebo ha yakafo lo fuko ledámibo neko, ya idafatinagunu holinubo mona ya nosámibo mona ne, loto holiyámodi ne.
28234	ROM 9:11	ya hipawa loiti hedámibo hamenalo ya monatina dowa ido nosámibo ma molámifa, Gotikafo loiti yagunu otinafo Lebeka feto lomuibo, Homu we yakafo ege molaibo we ya houba-naba o edoto hafuwalo minanogolaiye, loto ha mono lufuwau (Stt 25:23) ya nebo ne. Feto loto lomuibo ha monawa feito ne: Gotikafo wenina wa molo betinowe, loto, ya weninawa monatina yagunu holito wa molo betiyámiye. E'e, eimola hala dowa kito, sutina fito wa molo betinobo ha ya auba ito minanogolaiye, loto hawa lomuibo ne.
28243	ROM 9:20	E'e, hemo feto loto loga o nedananibo we ya aifa mikaloka we ma minoto, igaidana oto li liwila oto Goti ha lomunane? Aya yagunu ya feto libo, We makafo haba lito idafa ma lifefe lanaibo, ya idafawa yakafo hemo feito lifefe lo nedanibo ya neidafaito ne? loto wewa ya lomunaibo nefe? loto ha mono lufuwau (Ais 29:16, 45:9) ya nebo ne.
28261	ROM 10:5	Holiyafe? Lo molaibo ha meyalo molado ya monatina fefe libo wenina minae, loto lo betinaibo mona yagunu Mosesekafo feto loto lufuwa ibo, Lo molaibo ha ononawa linabo wenina ya hawa muki meyalo molanabo yako nomudina hofawa minanae, loto ha mono lufuwau (Wkp 18:5) ya nebo ne.
28271	ROM 10:15	Ido idipi molámanabo ya igaidana oti lo oloto molanabo ne? Aya yagunu ya feto libo, Ha dowa liti loti lo oloto molabo wenina ya hidina omonala ne, loti muludina yoito dowa wa betiyabo ne, loto ha mono lufuwau (Ais 52:7) ya nebo ne.
28272	ROM 10:16	Feito nefa, ido hawa ukuwa dowa ya ma holiti holiyámoti o minae. Yagunu ya Aisaiyakafo feto libo, Wenabao, ha eteme o biyonibo ya hemakafo holi hikito ne? loto ha mono lufuwau (Ais 53:1) ya nebo ne.
28276	ROM 10:20	Ido aliga Aisaiyakafo Goti welaloti ha ma auba ito feto libo, Nemo moni witane ámabo wenina yasi li oloto pi nedabo ne. Nemogunu holiti loga-miga ámabo wenina ya monane li oloto pi biyobo ne, loto ha mono lufuwau (Ais 65:1) ya nebo nefa,
28277	ROM 10:21	ido Isilaeli wenina yagunu feto libo, Lutina-hatina gedito, ha holiti holiyámoti abo wenina ya hamena fana ane sinolo biyobo ne, loto ha mono lufuwau (Ais 65:2) ya nebo ne.
28304	ROM 11:27	Feito lifimatina hilili o betinobo hamenalo ya nemogi li hutifina betinowe, loto lo molo biyobo halo yama inaiye, loto ha mono lufuwau (Ais 59:20-21, Jer 31: 33-34) ya nebo ne.
28332	ROM 12:19	Lune-hane biyobo weninane-motao, heimotina ya wenina lifima ha liwila oti biyámilo. Ha muki ya Goti anau moloti, eba muilo. Aya yagunu ya Wenabakafo feto libo, Wenina lifima ha binobo ya neimo ononane ma nenako, nemo neimonekafo liwila oto binobo ne, loto ha mono lufuwau (Lo 32:35) ya nebo ne.
28333	ROM 12:20	Ido ha ma ya feto libo, Hemo uwokafo inagunu fuliyagetoma, ya wela-idafa umo. Ido nogunu holiyagetoma, ya no umo. Feto feyageto, ya mona molo hedaibo yagunu ulalo naba-naba holinaibo ne, loto ha mono lufuwau (Snd 25:21-22) ya nebo ne.
28343	ROM 13:9	Yagunu holilo. Lo molaibo ha ma feto libo, Hume-ugele ámilo. Wenina hofo beti fuliyámilo. Idafa ugele liyámilo. Wenina idafatina yagunu holiyámilo, loto ha mono lufuwau (Kis 20:13-17, Lo 5:17-21) nebo ha, ido lo molaibo ha ma eito-eito muki yama li mako ito ya feto libo, Heimokagunu holiyanibo yamaidana oto weninaka muki ya luka-haka bi-bi o mino, loto ha mono lufuwau (Wkp 19:18) ya nebo ne.
28359	ROM 14:11	Aya yagunu ya feto libo, Mikalo-mikalo wenina muki ya hidina obula fi numuti wetinakafo Goti ne, loti lo oloto molanigilae, loto nemo hofawa minowa-minowa oto minobo yamaidana oto ya hawa gedibo ya lobiyowe, loto Wenabakafo libo ne, loto ha mono lufuwau (Ais 49:18, 45:23) ya nebo ne.
28392	ROM 15:21	Aya yagunu ya feto libo, Emogunu ha ma lo oloto molo biyámabo wenina ya holinigilae. Ido hala ukuwa holiyámabo wenina ya holifefe lanigilae, loto ha mono lufuwau (Ais 52:15) ya nebo ne.
28497	1CO 3:19	Mikaleka ha manadinau nebo ha ya Goti onobalalo ya nei ha ne. Yagunu ya feto libo, Ha manadinau nebo wenina ya weninatina hotina i-i abo hanu uwado ya Gotikafo helefu hu betito, nala i beti ne, loto ha mono lufuwau (Jop 5:13) ya nebo ne.
28535	1CO 5:13	Ido feka minabo wenina ya Gotikafo monatina polito li halo molo betinogolaiye. Yagunu ya feto libo, Hopa moniyabo wenina ya hiyatinauti fulo feka o betilo, loto ha mono lufuwau (Lo 13:5, 17:7, 19:19, 21:21, 22:21, 24, 24:7) nebo halo ya moda meyalo molalo.
28617	1CO 9:9	E'e, Mosese lufuwa igu ya lo molaibo ha ma feto libo, Bulumakau yakafo suwa witi lala ito lilika i hedageto, ya welalo nala molámilo, loto ha mono lufuwau (Lo 25:4) ya nebo ne. Ena Gotikafo ha ya bulumakau yagunuko holito libo nefe?