23244	MAT 2:6	Aiyo, Yudia mikau Yuda wenena numuna meya nabanina muki yauti ya Betelehemu numuna ya lumuto kefo efemako minámenanimo ne. Aya numuna meya naba yauti ya kiyaba we wekudi ma oto, ya wenenane Isilaeli wenena muki ya kiyaba o gedenagoliye, loto ka mono lufuwau (Mai 5:2) ya nemo ne, loti loumae.
23284	MAT 4:6	Kamo Goti Nalafoma minotoma umaloti satomo mikalo youma wiyo. Mono lufuwau yau eti limo, Kamomu ya enisolela ya logimageto, kiyaba o kedeti, kiyaga ya kifanakafo kofotenaiye, loti ya ani mulalo olu faka lo kedenagilae, loto ka mono lufuwau (Sng 91:11, 12) ya nemo ne, lito,
23294	MAT 4:16	ya wenenawa sinidigu minamo ya lamena naba-naba moda eyato, ido wenena fulunagili minadoka ya lamenawa yakafo lamena o gedaiye, loto ka mono lufuwau (Ais 9:1-2) nemo ka yama u ayalo winaiye, loto aya mikau yau uto minaiye.
23324	MAT 5:21	Adeina Gotikafo autibo-mota eti logimami, Wenena gini folámalo, loto (Kis 20:13), ido ka maki limo, We makafo ofo fulunami ya ka olu efe lo-lo amo ebalo ilimiti wato, wewa ofami yamu lifima ka lo edenawae, loto ka mono lufuwau (Kis 21:12) nemo ka ya linate moda kolitama ne.
23330	MAT 5:27	Ido ka ma eti logimami, Linate kume-ugele ya ánalo, loto ka mono lufuwau (Kis 20:14) nemo ka ya linate moda kolitama ne.
23334	MAT 5:31	Ido ka ma eti logimami, We makafo olonafo fulo edenae, loto kolitoma ya wewa olonafo fulo edenami ka lufuwa wito umageto ya olonafo fulo edenami ne, loto ka mono lufuwau (Lo 24:1) ya nemo ne.
23341	MAT 5:38	Ido ka ma eti logimami, We makafo omugalo kofenami ya ayaidana oto lifima itibito omunalo ofo. Ido makafo wekau kofenami ayaidana oto welau lifima itibito ofo, loto ka mono lufuwau (Kis 21:24, Wkp 24:20, Lo 19:21) nemo ka ya linate moda kolitama ne.
23468	MAT 9:20	Ege wato, ya wena makafo wanula leki-leki imo melege tuwelu (12) yalo ya netawa kilitoko nemo ya oto Yesu nedo egeka oto ukanalo owo onowalo olunamo ya moda olu faka lo nedenagoliye, loto kala kito oto ukanalo owo onowalo ya olaiye.
23487	MAT 10:1	Yesukafo ege-ege moinamo we tuwelu (12) ya luni fiyaito ato ya Satani kimiwela olu fulo gedeto gilifi melamo auma, ido wenena neta mona-mona kilamo, ido ukani gelo imo olu faka lenawamo auma ya gimaiye.
23491	MAT 10:5	Ena ege-ege moinamo we tuwelu (12) ya Yesukafo lonolalo gilifi melenami ya ka etito logimami, Uti ya ailo feka wenena minamo ebau yaki ido Samalia wenena numuni nabau yaki áumoti,
23529	MAT 11:1	Yesukafo ege-ege moinamo we tuwelu (12) ya lono ka ya api gilibitoto ebawa fulito ka mono api gilibito lo oloto melenae, loto Galili mikau numuni meya nedo-nedo ya wiye.
23579	MAT 12:21	Ido kuliyalo ya ailo feka wenena mona-mona yate ade olu faka lo ledenaiye, loti kiyabala enawamo ne, loto ka mono lufuwau (Ais 42:1-4) nemo kama ya ayalo wiyaiye, loto logimaiye.
23643	MAT 13:35	Etito komu adeina polofete makafo eti limo, Kepa ka logimomo ya mika kosina oloto piyami kamena yaloti neta falukuto nemo ya lenagolowe, loto ka mono lufuwau (Sng 78:2) nemo ka etito wiyami ne, loto logimaiye.
23683	MAT 14:17	Logimaito, itibiti loumamo, Beleti faifu (5) ido laefa lele (2) yako olu minone, loumato
23686	MAT 14:20	Gimato, muki wenena noti muni ito, luma nemo oluti koilamo ya owo kedikoko naba tuwelu (12) koilamo ya faitiye.
23706	MAT 15:4	Yamu Gotikafo limo, Otibo metibo kulini olu faka lalo, loto lo meleto lima ne. (Kis 20:12, Lo 5:16) Ido ka maki limo, We makafo ka nosámami olafofe melafofe ya lo gedenami, aya we ya ofo folalo, loto ka mono lufuwau (Kis 21:17, Wkp 20:9) ya nemo ne.
23711	MAT 15:9	Ouni-luni-kani sukiko numuti, ido fa wenena kidene kani yako api gilibi-gilibi ae, loto ka mono lufuwau (Ais 29:13) nemo ya linatemu ka ona lo gedaiye, loto logimaiye.
23835	MAT 19:4	Loga o edato, amokafo eti limo, Kana ya mika kosina olu oloto piyami wekafo we wena olu oloto piyaiye, loto ka mono lufuwau (Stt 1:27) nemo ka ya katoti kolife loti kolámafe? Ido ka ma eti limo,
23836	MAT 19:5	Yamu wemomo yate onibo menibo fulo gedeiti olonibodo ekelamo, lele ya ukani u lawoko oti minenawaiye. loto ka mono lufuwau (Stt 2:24) ya nemo ne.
23850	MAT 19:19	Okafo mekafo kulini olu faka lo. (Kis 20:12-16) Kaimoka yamu kolanimo yamaidana oto wenena muki ya seka-muluga gimo, (Lo 5:16-20) loto ka mono lufuwau nemo ka ya loumaiye.
23859	MAT 19:28	Yesukafo limo, Ona logimowe. Neta-mata muki kofawa oloto pinami kamenalo ya namo We Kula yakafo wenena kiyaba o gedenae, loto lamenau ekeina folomolo ya amedoneto, linate nege-nege moinamo yaki ekeina folomo ya tuwelu (12) yalo amedoti minoti Isilaeli wenena afo monalo-monalo tuwelu (12) ya iya mele gedeti wenenawa kiyaba o gedenawae.
23878	MAT 20:17	Yesu ya Yelusalemu dinae, loto ege-ege moinamo we tuwelu (12) ya gilimito inanimoko kanudo wamo ya eti logimami,
23911	MAT 21:16	Etiti ya loga o edamo, Amau minamo wenena ka lamo ya kolabe? loti lato, Yesukafo itibito logimami, O, moda kolowe. Ido ka ma, Nomilipa namunaki ido nomilipa yaki wenidoti keboka lenawae, loto ya oloto piyane, loto ka mono lufuwau (Sng 8:2) nemo kama linate ya katoti kolámafe? loto loga o gedaiye.
23937	MAT 21:42	Eti loumato, Yesukafo eti limo, Ka mono lufuwau yau eti limo, Kifana ya numuna kuwamo wenena eye fa netaidana itamo nefa, ido aya kifanawa yama moda numuna lagi kola fiyami ne. Wekola yakafo netawa eti imo ya eyeto elegiyone, loto ka mono lufuwau (Sng 118:22-23) nemo kawama ya katoti kolámafe?
24026	MAT 23:39	Yamu logimowe. Namo ya kofa neyámoti monimo uti uti Wekola kuliyalo ami we ya ebola logeto mino kolimo wiye, loti ka mono lufuwau (Sng 118:26) nemo ka lenawamo kamena yalo ya kofa neyenagilae, loto logimaiye.
24041	MAT 24:15	Wenena yate Daniyeli ka limo, ka mono lufuwau (Dan 9:27, 11:31, 12:11) nemo kawa katenawamo ya kolife loti kolinagilae. Neta nosámami-asámami muki neta olu kopaitenami neta yamu limo, aya netawama eba felegagalo yalo minenami ya eyenawado
24137	MAT 26:14	Ena we tuwelu (12) minaguti ya we ma kuliya Yudasi Isikaliyoti yokila ki umu-umu amo we kiyabani wemomo minadoka uto ya logimami,
24143	MAT 26:20	Ena lunaga fo saipaito ya Yesuki ido ege-ege moinamo we tuwelu (12) yaki numunawa yau amedoti minoti
24170	MAT 26:47	Eti loto logimi minaito ya ege-ege moinamo we tuwelu (12) minagu yauti we ma Yudasi ya o fedami, wenena mau naba lakoina yaki amo wenena anigu emi nabati kefati olamo, ya yokila ki umu-umu amo we kiyabani we ido Yuda wenena kiyabani we yate, ilimiti enawae, loti gilifi melae.
24208	MAT 27:10	Wekolakafo kaba masa olufe lo-lo imo we mikala meina finawae, loto lonomaido ya meina fiyae, loto ka mono lufuwau (Sek 11:12-13, Jer 32:6-9) nemo kawa ya ayalo wiyaiye.
24243	MAT 27:45	Ena folilo tuwelu (12) kiloku yalomati u lunaga tili (3) kiloku ya mikau-mikau muki ya sinidomo wiye.
24371	MRK 3:14	we tuwelu (12) ya namoki lakoina minoti, kane kune lalo lo oloto melenawae, loto gilifito weneloti Satani kimiwela olu fulo gedeti gilifi melenawae, loto iyaina o gedaiye.
24373	MRK 3:16	Wewa tuwelu (12) ya kulini etito ne: Saimoni, kuliya kofawa Pitale, loto melaiye.
24402	MRK 4:10	Aiga ya Yesu aimolako minaito, ege moinamo we tuwelu (12) yaki ido lakoina mino-mino amo wenenaki yate kepa ka limo yamu loga o edato,
24446	MRK 5:13	O, lito Satani kimiwela ya wewa siya-mulunau ya fulititi yafo seni-mulunigu idato, yafo mau naba tu tauseni (2,000) yaidana oti minamo ya koli lumuti lowau konidokati oluloti nofugu yau no noti moda folae.
24458	MRK 5:25	yalo wena ma nemo ya wanula leki-leki imo melege tuwelulo (12) yalo netawa kilaiye.
24475	MRK 5:42	ayalo ya nomiliwama nedito moinaiye. (Aya nomiliwa ya olafo kedaidoti melegela tuwelu (12) ya ne.) Moinaito, ya eyeti moda weni lawa apaitaito
24483	MRK 6:7	Ido ege-ege moinamo we tuwelu (12) ya amodoka olu mau wi gedeto, lele lele lonolalo apito gilifi melenagolo ya komu Satani kimiwela olu fulo gedeti gilifi melenawae, loto ya auma gimaiye.
24513	MRK 6:37	Eti loumato, Linate yate weni-neta ma gimalo, loto logimaito itibiti loumamo, Aiyo, netawa meina finumo ya meinala kifana denaliyasi tu hadeti (200) yaidana oto minenagoliye. Lamote ya uti kifana naba fuloti beleti meina fi gedeti oti gimalo, loto labe? loti loga o edae.
24519	MRK 6:43	ido ege moinamo wewa ya luma nemo onowa-fanawa minomo wimo ya kiyaka oti, owo kedikoko naba tuwelu (12) ya koilato faitimo ne.
24539	MRK 7:7	eti lamo, Kawa ya Goti kala ne, loti lafa, ido wenena kidene kani yako api gilibiti ouni-luni-kani nomamo monawa ya fa neta ne, loto ka mono lufuwa wiyaigu (Ais 29:13) ya nemo ne.
24542	MRK 7:10	Yamu Mosesekafo eti limo, Otibo metibo kulini olu faka lalo, loto (Kis 20:12, Lo 5:16), ido ka maki eti limo, We makafo ka nosámami olafofe melafofe ya lo gedenami, aya we ya ofo folalo, loto ka mono lufuwau (Kis 21:17) ya nemo ne.
24588	MRK 8:19	Beleti faifu (5) ya oluto wenena faifu tauseni (5,000) ya gimoneto luma nemo oluti owo kedikoko nenaki ya koilamo ne? loto loga o gedaito, itibiti loumamo, Lamo tuwelu (12) ya koilonimo ne, lato,
24642	MRK 9:35	Ka kedámato Yesu amedoto ege moinamo we tuwelu (12) ya alo, logimaito koliti ato, eti logimami, We makafo namo kuline nemo we minenae, loto lenami we ya komu kuliya lumuto nemo minoto wenena muki kouba-naba o gedenaiye, loto logimito
24663	MRK 10:6	kana adeina akaimati neta-mata apito olu oloto piyami kamenalo ya Gotikafo We wena olu oloto piyami ne, loto ka mono lufuwau (Stt 1:27) ya nemo ne.
24665	MRK 10:8	u lawoko oti minenawaiye, loto ka mono lufuwau (Stt 2:24) ya nemo ne. Etito lele minámoti u lawoko uti minenawami ne.
24676	MRK 10:19	Lo melami ka yau eti limo, Wenena gini folámo. Kume-ugele áno. Neta ugele olámo. Ka suki loto wenena kamani kiyámo. Wenena koni wito netani olámo. Okafo mekafo kulini olu faka lo, loto ka mono lufuwau (Kis 20:12-16, Lo 5:16-20) nemo ka ya moda kolitanimo ne, loto loumaiye.
24689	MRK 10:32	Ena Yelusalemuka dinune, loti wado ya Yesu u komu mele gedeto wito ege-ege moinamo we eleigiti kani mumudi kiyato, ido gege melamo wenena ya koli kolae. Ido amokafo ege moinamo we tuwelu (12) ya anawaleka gilimito uto neta-mata o edenawamo yamu ya eti loto logimami,
24720	MRK 11:11	Ena Yesukafo Yelusalemu dito uto felegaga kuliyai numuna nabau dito neta-mata muki ya ko fuli lito ya moda sinidenagolito amoki ido ege moinamo we tuwelu (12) yaki itibiti Betanika u fedae.
24753	MRK 12:11	Wekola yakafo netawa eti imo ya eyeto elegiyone, loto ka mono lufuwau (Sng 118:22-23) nemo kawa ya katámafe? loto loga o gedaiye.
24773	MRK 12:31	Ido auma wiyami ka naba tu (2) ya etito ne: Kaimokamu kolanimo yamaidana oto wenenaka muki ya seka-muluga gimi-gimi o mino, loto ka mono lufuwau (Lo 6:4-5, Wkp 19:18) nemo kawa lelewa ya ka makafo ya olu fulo edámenami ne, loto loumaiye.
24833	MRK 14:10	Ena Yesu ege moinamo we tuwelu (12) ya minaguti Yudasi Isikaliyoti yakafo, Yesu ya kuwolafo-mota anido melenae, loto yokila ki umu-umu amo we kiyabani we minado wiye.
24840	MRK 14:17	Lunaga fo saipaito, ya Yesuki ege moinamo we tuwelu (12) yaki oti
24843	MRK 14:20	itibito logimami, Nege moinamo we tuwelu (12) minagu yauti lawoko ma lapeku namote beleti fuloto neta oluto nomi we ya ne.
24866	MRK 14:43	Eti logimi minaito ya ege-ege moinamo we tuwelu (12) minagu yauti ma Yudasi ya o fedaito ido amoki lakoina amo wenena mau naba minamo anigu ya emi nabati kefati olamo ya o fedae. O fedamo wenenawa ya yokila ki umamo we kiyabani we, ido lo melami ka api gilibamo we, ido Yuda wenena kiyabani we yate, Ilimiti enawae, loti gilifi melae.
24923	MRK 15:28	Ido, Amo ya ka koliti kolámoti amo we yaidana oto minaiye, loti eyamo ne, loto ka mono lufuwau (Ais 53:12) nemo ka yama ayalo ya wiyaiye.]
24928	MRK 15:33	Ena folilo 12 kiloku (12) yalomati u lunaga tili kiloku (3) ya mikau-mikau muki ya sinidomo wiye.
25065	LUK 2:23	Eti ami ya Wekola lo melami ka lufuwa wiyaigu eti limo, Kana nomilipani nanibo oloto piyatoma, Wekola felegaga we iyaina o edalo, loto ka mono lufuwau (Kis 13:2, 12, 15) nemo ka meyalo meleti eti o edaiye.
25066	LUK 2:24	Ido ka ma ya etito nemo, Nema mulu lelefemo, ido nema mulu momola lelefe ya oluti uti ofoto kinaiye, loti yokila ki umunami we ya umunawae, loto ka mono lufuwau (Wkp 12:8) nemo ka koliti yaki oluti waiye.
25084	LUK 2:42	Eti o-o minaito ya kipawama melegela tuwelu (12) ya olu fulaito, foli monawa meyalo meleti ya idae.
25143	LUK 4:11	kiyaga ya kifanakafo kofotenaiye, loti ya ani mulalo olu faka lo kedenagilae, loto ka mono lufuwau (Sng 91:11-12) ya nemo ne, loto loumaiye.
25151	LUK 4:19	Ido Wekola olu lalo o gedenami kamena ya moda alitiye, loto lo oloto gimo, loto eti loto lonumuto nilifi melami ne, loto ka mono lufuwau (Ais 61:1-2) nemo ka ya kato gimaiye.
25228	LUK 6:13	Ko lito ege melamo wenena luni fiyaito, ato minagu yati we tuwelu (12) ya kiyaka oto, kulini naba ya aposolole, loto melaiye.
25315	LUK 8:1	Ena Yesu ya numudo-namado monimo uto, Goti wekudite wenenala kiyaba o ledami kala kuwa lalo ya lo oloto meleto logimimo wiye. Logimimo wimo ya ege-ege moinamo we tuwelu (12) yaki lakoina wae.
25356	LUK 8:42	Wako lo edami wewa ya olulafo lawokoko nemo melegela ya tuwelu (12) yaidana oto nemo nomili ya fulunae, loto ono minami yamu etito wako lo edaiye. Yesu ya wewa wako lo edami kala ya kolito, lakoina wami ya wenena yate olu lulau o ede minae.
25357	LUK 8:43	Eti o edamo wenena minagu wena ma nemo ya wanula leki-leki imo melege tuwelu (12) yalo ya netawa kilaiye. Netawa kilami wenawa ya lusa we yate olu faka lo edenune, loti afa, ogoufámae.
25371	LUK 9:1	Ena Yesukafo ege-ege moinamo we tuwelu (12) amodoka olu mau wi gedeto Satani kimiwela olu fulo gedeti gilifi melenawamo auma ido neta kilamo olu faka lo gedenawamo auma ya gimaiye.
25382	LUK 9:12	Ena fo sapinae, loto ito ya ege-ege moinamo we tuwelu (12) ya amo nedoka oti eti loti loumamo, Amalo ya fafato mikalo minonimo yamu kolito wenena mau naba ya uti numudo-numudo ido mini numuni adu nedo yalo ya weni-netaki ido onenawamo eba ya moni wilinawae, loto gilifi melo, loti loumae.
25383	LUK 9:13	Eti loti loumafa, ido amokafo, Linanimo weni-neta ma gimalo, loto logimaito, itibiti loumamo, Lamo beleti faifu (5) ido laefa lele (2) yakiko olu minone. Yamu nedi enune? Uto wenenawa muki weni-neta meina finumomu labe? loti lae.
25386	LUK 9:16	Eti ato, Yesukafo beleti faifu (5) yaki ido laefa lele (2) yaki oluto kosinalo ko faka loto, siyane, lalole, loto ya leketo ege-ege moinamo we yate iya meleti, wenena mau naba ya giminawae, loto gimaiye.
25387	LUK 9:17	Gimaito, muki wenena nato muni ito ya luma nemo onowa-fanawa minomo wimo ya kiyaka oti owo kedikoko naba ya tuwelu (12) koilato faitiye.
25433	LUK 10:1	Ena aiga Wekolakafo ege melamo wenena sewedi-tu (72) ma iyaina o gedeto ya numuna meya muki ido eba muki aimola unae, loto kolami ebalo ya we lele lele u komu mele nedeti unawae, loto gilifi melaiye.
25449	LUK 10:17	Ido sewedi-tu (72) wenenawa monititi itibiti oti ya seni-mulunigu lalo ito eti loti loumamo, Wekolao, kamo kulikalo Satani kimiwela yate wetelo golodae, loti loumae.
25580	LUK 12:52	Ido oiya ama kamenalekati wenena faifu (5) ya numuna lawokoku minamo yama ya fokiti u ailo-ailo wato, wenena filiga tili (3) ya minamo yate wenena liliga lele (2) minamo ya kuwonibo-kuwonibo u bulu gedenawae. Ido lele (2) yamate wenena liliga tili (3) yama kuwonibo-kuwonibo u bulunagilae.
25622	LUK 13:35	Eyalo. Numudi meya ya fulito edenaiye. Ido linate kofa neyámoti monimo uti uti, Wekola kuliyalo ami we ya lalo kolimo wimo ne, loto ka mono lufuwau (Sng 118:26) nemo ka lenawamo kamena yalo ya kofa neyenagilae, loto logimaiye.
25653	LUK 14:31	Ido mikalo kiyaba we wekudi makafo mikalo kiyaba we wekudi maki lowa finune, loto lenami ya komu amedoto mau wiyamo kimiwela teni tauseni (10,000) yate kuwolafo kimiwela tuwedi tauseni (20,000) enagilamo ya olu fulo gedenubemo, ido olu fulo gedámenune? loto kala kinaiye.
25777	LUK 18:20	Ena kamo lo melami ka moda kolife loto kolitanima ne. Etito limo, Kume-ugele áno. Wenena gini folámo. Neta ugele olámo. Ka suki logimámo. Okafo mekafo kulini olu faka lo, loto ka mono lufuwau (Kis 20:12-16, Lo 5:16-20) nemo ka ya koli minane, loto loumaiye.
25788	LUK 18:31	Yesu ya ege-ege moinamo we tuwelu (12) yako gilimito anawaleka uto, eti loto logimami, Lamo ya Yelusalemu idogeto polofetete namo We Kula yamu lufuwa wi melamo ka yama muki u ayalo winaiye.
25865	LUK 20:17	Eti lato, Yesukafo kogo geyeto, eti loto logimami, Kifana ya numuna kuwamo wenena eye fa netaidana itamo nefa, ido aya kifanawa yama moda numuna lagi kola fiyami ne, loto ka mono lufuwau (Sng 118:22) nemo kawa monala ya linate egaidana oti lenawamo ne?
25936	LUK 22:3	Etiti minato, Yesu ege-ege moinamo we tuwelu (12) minagu yauti we ma kuliya Yudasi kuliya ma Isikaliyoti nemo ya Satanikafo lulau idaiye.
25963	LUK 22:30	Namo kiyaba we wekudi lono olunado yalo linate namoki lakoina neta noti, ekeina folomolo amedoti minoti, Isilaeli wenena afo monalo-monalo tuwelu (12) ya iya mele gedeti wenenawa kiyaba o gedenawae, loto lonowa gimowe, loto logimowe, loto liye.
25970	LUK 22:37	Lufuwa wiyaigu eti limo, Amo ya koliti kolámoti amo wenena yaidana oto minaiye, loti eyamo ne, loto ka mono lufuwau (Ais 53:12) nemo ka yama namodoka kulawa enagoliye. Ona, namomu lufuwa wiyamo muki ya moda kulawa o fuli lenagoliye, loto logimaiye.