23294	MAT 4:16	ya wenenawa sinidigu minamo ya lamena naba-naba moda eyato, ido wenena fulunagili minadoka ya lamenawa yakafo lamena o gedaiye, loto ka mono lufuwau (Ais 9:1-2) nemo ka yama u ayalo winaiye, loto aya mikau yau uto minaiye.
23579	MAT 12:21	Ido kuliyalo ya ailo feka wenena mona-mona yate ade olu faka lo ledenaiye, loti kiyabala enawamo ne, loto ka mono lufuwau (Ais 42:1-4) nemo kama ya ayalo wiyaiye, loto logimaiye.
23623	MAT 13:15	Wenenawa ya seni-muluni moda gedimoko minanako, kani anawako koliti omuni olu likotoko minae. Eti ámamo neko, omunikafo ko-ko o minoti, kanikafo koli-koli o minoti, luni-kanikafo kolife loti koliti seni-muluni ya olu eleyapa witi namodo ato olu faka lo gedogi ne, loto ka mono lufuwau (Ais 6:9-10) nemo ka yama moda oiya ama minamo wenena yalo wiyaiye. Yamu kepa ka logimimo wowe.
23850	MAT 19:19	Okafo mekafo kulini olu faka lo. (Kis 20:12-16) Kaimoka yamu kolanimo yamaidana oto wenena muki ya seka-muluga gimo, (Lo 5:16-20) loto ka mono lufuwau nemo ka ya loumaiye.
23937	MAT 21:42	Eti loumato, Yesukafo eti limo, Ka mono lufuwau yau eti limo, Kifana ya numuna kuwamo wenena eye fa netaidana itamo nefa, ido aya kifanawa yama moda numuna lagi kola fiyami ne. Wekola yakafo netawa eti imo ya eyeto elegiyone, loto ka mono lufuwau (Sng 118:22-23) nemo kawama ya katoti kolámafe?
24208	MAT 27:10	Wekolakafo kaba masa olufe lo-lo imo we mikala meina finawae, loto lonomaido ya meina fiyae, loto ka mono lufuwau (Sek 11:12-13, Jer 32:6-9) nemo kawa ya ayalo wiyaiye.
24404	MRK 4:12	Yamu eti loto limo, Ko-ko o minafa, neta kofe loti eyámenagilae. Ido koli-koli o minafa, ka kolife loti kolámenagilae. Eti ámamo neko, seni-muluni olu eleyapa wiyato lifimani kilili o gedagi ne, loto ka mono lufuwau (Ais 6:9-10) ya nemo ne. Yamu kepa ka logimi-gimi owe, loto logimaiye.
24676	MRK 10:19	Lo melami ka yau eti limo, Wenena gini folámo. Kume-ugele áno. Neta ugele olámo. Ka suki loto wenena kamani kiyámo. Wenena koni wito netani olámo. Okafo mekafo kulini olu faka lo, loto ka mono lufuwau (Kis 20:12-16, Lo 5:16-20) nemo ka ya moda kolitanimo ne, loto loumaiye.
24753	MRK 12:11	Wekola yakafo netawa eti imo ya eyeto elegiyone, loto ka mono lufuwau (Sng 118:22-23) nemo kawa ya katámafe? loto loga o gedaiye.
25100	LUK 3:6	Eti ato, wenena muki mikau-mikau ya Goti olu omuna kenami mona ya eyenagilae, loto lo minenaiye, loto ka mono lufuwau (Ais 40:3-5) nemo ka yama Yonidoka gedimo ne.
25143	LUK 4:11	kiyaga ya kifanakafo kofotenaiye, loti ya ani mulalo olu faka lo kedenagilae, loto ka mono lufuwau (Sng 91:11-12) ya nemo ne, loto loumaiye.
25151	LUK 4:19	Ido Wekola olu lalo o gedenami kamena ya moda alitiye, loto lo oloto gimo, loto eti loto lonumuto nilifi melami ne, loto ka mono lufuwau (Ais 61:1-2) nemo ka ya kato gimaiye.
25777	LUK 18:20	Ena kamo lo melami ka moda kolife loto kolitanima ne. Etito limo, Kume-ugele áno. Wenena gini folámo. Neta ugele olámo. Ka suki logimámo. Okafo mekafo kulini olu faka lo, loto ka mono lufuwau (Kis 20:12-16, Lo 5:16-20) nemo ka ya koli minane, loto loumaiye.
27039	ACT 2:21	Ido Wekola kuliyalo lula finawamo wenena muki ya olu omuni kenami ne, loto ka mono lufuwau (Jol 2:28-32) ya nemo ne.
27046	ACT 2:28	Ido kofawa minomo idamo kanu nilibito namo mino nedageto, alikani naba-naba enagolowe, loto ka mono lufuwau (Sng 16:8-11) ya nemo ne.
27117	ACT 4:26	Ido mikalo kiyaba we wekudi yaki ya minoti, wenena kiyabani we Wekola Goti yaki ido ilifi melami weki lowa fi giminune, loti wenena naba ya mau witi ki minae, loto ka mono lufuwau (Sng 2:1-2) ya nemo ne.
27191	ACT 7:6	Ena Gotikafo eti loumami, Ufa fiyanigu yauti wenenaka ya wau wenena yaidana oti minoti, ailo wenena mikanigu ya melege fo hadeti (400) yalo ya minoti kouba-naba o gedeti, keina naba-naba kolimo unawae. (Stt 15:13-14)
27228	ACT 7:43	E’e, etiti minámoma ne. Linate gotitina ma kuliya Moloki ya seli numuna ku edagu yau meleti mofuti moni-moni amoma ne. Ido gotitina ma kuliya Lefani ya ukulu yaidana oto lebona imo ya oluti moni-moni amoma ne. Eti amo ya gotiwa ya ouni-luni-kani giminuwe, loti ya olufe lamo nenako, yamu kuwotibo-mota anido gimoneto anikiyanido oluti gilimiti Babiloni mikau faiga yalo unagilae, loto ka mono lufuwau (Amo 5:25-27) ya nemo ne.
27235	ACT 7:50	Namo anekafo netawa-matawa muki olu oloto piyomo ne, loti kolámafe? loto limo ne, loto ka mono lufuwau (Ais 66:1-2) ya nemo ne.
27278	ACT 8:33	Ka ádaito, ukana kolinami ona umuti ligiya lo edado efe loti olu kalo mele edámae. Ido mikalo minami kamenala ya fukoti, ofo folanako, kemakafo ufa fiyaiguti wenenala kani ogofu lenagoliye? loto ka mono lufuwau (Ais 53:7-8) ya nemo ka kato minaiye.
27529	ACT 15:18	Wekola komu adeinalekati netawa kolami we yakafo eti limo ne, loti ka mono lufuwau (Amo 9:11-12) ya nemo ne.
27994	ACT 28:27	Eti amo wenenawa ya seni-muluni moda gedimoko minanako, kani anawako koliti omuni olu likotiko minae. Eti ámamo neko, seni-muluni ya olu eleyapa witi namodo ato olu faka lo gedagi ne, loto ka mono lufuwau (Ais 6:9-10) ya nemo ne.
28071	ROM 3:12	Muki ya kanu lalotokati ya u kopa uti, olu lawoko iti u fa neta buluti minae. Mona lalo mele minamo wenena ya ma minámae. Moda ona lowe. Lawokoti maki minámae. (Sng 14:1-3, 53:1-3)
28076	ROM 3:17	You amene melamo kanu ya ma kolámae. (Ais 59:7-8)
28098	ROM 4:8	We ma nosámami monala yamu Wekolakafo lifima itibito olu umámenami we ya moda lalo koli minenaiye, loto ka mono lufuwau (Sng 32:1-2) ya nemo ne.
28236	ROM 9:13	Aya yamu ya eti limo, Yekopu ya sene-mulune umofa, ido Iso yamu eleka nofaiye, loto ka mono lufuwau (Mal 1:2-3) ya nemo ne.
28250	ROM 9:27	Ido Isilaeli wenena yamu ya Aisaiya yaki eti loto lo oloto melami, Isilaelikati ufa fiyamo wenena ya kuwo noku ake nemo yaidana oti oloto piti minenagilafa, ido Wekolakafo kala ya mikaleka ama ya alako auma wito olufe lenagolinako, aya wenena mumudi yauti faifa kefola efe yako olu omuni kenagoliye, loto ka mono lufuwau (Ais 10:22-23) ya nemo ne.
28287	ROM 11:10	Omuni olu likageto ya kofa ágoti, meni ya kuba witi minowaminowa oti minenawae, loto ka mono lufuwau (Sng 69:22-23) ya nemo ne.
28304	ROM 11:27	Etito lifimanina kilili o gedenamo kamenalo ya namoki olu kutifi gedenae, loto lo mele gimomo kalo yama winaiye, loto ka mono lufuwau (Ais 59:20-21, Jer 31:33-34) ya nemo ne.
28333	ROM 12:20	Ido ka ma ya eti limo, Kamo kuwokafo kadunamu folagetoma, ya wela-neta umo. Ido nomu kolagetoma, ya no umo. Eti ageto, ya mona mele kedami yamu ukanalo naba-naba kolinami ne, loto ka mono lufuwau (Snd 25:21-22) ya nemo ne.
28343	ROM 13:9	Yamu kolalo. Lo melami ka ma eti limo, Kume-ugele ánalo. Wenena gini folámalo. Neta ugele olámalo. Wenena netanina yamu kolámalo, loto ka mono lufuwau (Kis 20:13-17, Lo 5:17-21) nemo ka, ido lo melami ka ma ailo-ailo muki yama olu lawoko ito ya eti limo, Kaimokamu kolanimo yamaidana oto wenenaka muki ya seka-muluga gimigimi o mino, loto ka mono lufuwau (Wkp 19:18) ya nemo ne.
28767	1CO 14:21	Lo melami ka lufuwa wiyagu ya eti limo, Wenenawa ka logimomo, ya ailo wenena weniguti luwa-lawa ka lenawamo yakafo logiminafa, ido aya ka yaki ya koliti kolámoti o minenagilae, loto Wekolakafo liye, loto ka mono lufuwau (Ais 28:11-12) ya nemo ne.
30039	HEB 1:9	Efe limo mona ya koli lalo umuto, ido lo melami ka meni umamo mona ya eleka naba-naba kofainako, yamu Goti, kamo Gotika yakafo koinakafo-mota olu fulo gedeto seka-muluga laloko kolinane, loto ya yá nowala fili kedomo ne, loto ka mono lufuwau (Sng 45:6-7) nemo ka ya Nalafo loumami ka ya ne.
30042	HEB 1:12	wenena ya kunu wakoti olu uku loti loloukamo yaidana oto kamo ya mika kosina muki olu uku loto lolokunanimo ne. Ido wenena ukanido owo ma olu fuliti, ailo ma oluti wiyamo yaidana oto kamo ya mika kosina muki ya olu fulito, ailo ma olufe lenanimo ne. Etito nefa, ido kamo kaimoka ya monau akaimati minanimo ya moda ayaidana otoko minomo uto uto, kamenaka ya fuli ádenami ne, loto ka mono lufuwau (Sng 102:25-27) nemo ka ya Nalafo loumami ka ya ne.
30052	HEB 2:8	ya neta-mata muki fulo kiyade feumau gedeto, kiyabani wenena bulu ledane, loto ka mono lufuwau (Sng 8:4-6) ya nemo ne. Ido neta-mata muki kiyabani wenena minenawae, loto lo mele ledaima nenako, neta lawoko ma kiyaba ámenumo ya ma minámaiye. Ma minámaifa, ido oiya ama ya neta-mata muki moda kiyabani wenena minone, loto ágone.
30073	HEB 3:11	lune-kane mele nosámami gimomo yamu ya moda namo monane use, loti mino kolinawamo monane ya ma olámenawae, loto ka auma wito onale, loto lowe, loto ka mono lufuwau (Sng 95:7-11) ya nemo ne.
30077	HEB 3:15	Yamu ya eti limo, Nola lebona onema kolitima, ya lukafa umámalo. Ka koliti kolámoti amo kamenalo lukafa umamo yamaidana ámalo, loto ka mono lufuwau (Sng 95:7-8) nemo kawa ya moda logimowe.
30088	HEB 4:7	yamu mino oluto uto uto ya kamena ma kofa melami kuliya onemale, loto limo ka ya Defiti lufuwa wiyaigu ya eti limo, Nola lebona onema kolitima, ya lukafa umámalo, loto ka mono lufuwau (Sng 95:7-8) nemo kawa ya moda logimoma ne.
30171	HEB 8:12	Yamu kolalo. Wenenawa efe ádami monanina kilili oto olu you lo gedeto, ido nosámami monanina yamu kane kofa kiyámenagolonako, yamu netawa lalo muki ya o gedenagolowe, loto Wekolakafo eti limo ne, loto ka mono lufuwau (Jer 31:31-34) ya nemo ne.
30207	HEB 10:7	Yamu ya Gotiyo, mono lufuwa aila loloukagu yau namomu lufuwa wiyado ya aya ukaneu ya kaka lalo kiyanimo monalo ya meyalo melenae, loto o fedowe, loto lowe, loto ka mono lufuwau (Sng 40:6-8) ya nemo ne.
30284	HEB 12:5	Ido linate olu auma wi gedenami ka ya nomilipala yamaidana oto logimami ya kati melaife? Aya ka ya kofa eti loti kolalo, Nanefo-motao, Wekolakafo siyamuluna gimami wenena muki ya monanina olufe lo gede-gede o minaiye. Ido nanimo nomilipane onale, loto amoki koina wi gedami wenena muki ya moda ipi gini-gini o minaiye. Yamu kamo monaka olufe lo kedenae, loto mona mele kede-kede o minami ya fa neta ne, loto kaka kiyámo. Ido auma wito olufe lo kedenae, loto keina kumunami ya koli fulitenae, loto kolámo, loto ka mono lufuwau (Snd 3:11-12) nemo yamo eti loto lolomami ne.
30371	JAS 2:11	Moda kolafe? Kume-ugele ánalo, loto lo melami we yakafo ka ma yaki, Wenena gini folámalo, loto lo melami ka ya ka mono lufuwau (Kis 20:13-14, Lo 5:17-18) ya nemo ne. Yamu linate ya kume-ugele ánafa, ido wenena ma gini folamo ya moda lo melami kala ya koli fulitae.
30466	1PE 1:25	ido Goti kala ya minowa-minowa oto nemo ne, loto ka mono lufuwau (Ais 40:6-8) ya nemo ne. Ido aya kala ya lo oloto pi gimamo kawa kuwa ya ne.
30503	1PE 3:12	Moda kolafe? Monanina efe limo wenena ya Wekola omuna yakafo koto kiyaba o gedeto ido ka loumamo ya moda kapepe o-o minaifa, ido mona nosámami melamo wenena ya amo onobalalo melanako, yamu geyami nosámainako, ka itibiti olunawamo ne, loto ka mono lufuwau (Sng 34:12-16) ya nemo ne.
30506	1PE 3:15	E’e, seti-muludigu ya Felegaga we Wekolate ne, loti aumafofo loti kolalo, loto ka mono lufuwau (Ais 8:12-13) nemo ka ya Kilisto yamu auma witi kolalo. Wekola koli kikito umuti kiyaba o ede minamo mona yamu ya wenena mate loga-miga o gedenawamo, ya linate kokatoti monawa fokiti lo oloto pi giminuwe, loti kamena-kamena olu lele loti minalo.