98	GEN 4:18	Tane Enok me ipa Irad mamba, Irad Melgal mamba, Melgal Metusel mamba ita Metusel me ipa Lamek mamba.
99	GEN 4:19	Tane Lamek ioto nata naimon, mo ebou ipa Ada ita Sila.
103	GEN 4:23	Tane walama dea Lamek iotopa nata Ada ita Sila diamone wanase, “Asisuneanuno wapa, ema epe: Apana dea ne epaneno poka etaidasane sipoa ne epanabolen.
294	GEN 11:27	Tane ema ipa apana dea debama ebowa Tera obampa ebou reresawa. Tera ipa Abram, Nao ita Aran mambu. Ita Aran otopa ebowa ipa Lot.
298	GEN 11:31	Tera otopa Abram ita me tawabinawa Sarai ita do me atawa Lot Aran otopa bola debama Ura tawo Kaldia bedewe waimoia ene bola Kanaan awa antoiena. Mo antoie into bola Aran bedewe wimone wankasanton.
303	GEN 12:4	Tane walama sawo Abram enawa 75 waden. Iawe God me diena rua me manainapa Sarai ita me wamba otopa Lot do bola debama Aran ene antoiena. Mo a baiwa nitu uduudu mo mampoa, pue ita do mo nolau dewala apanawa Aran bedewe waimoia do bola Kanaan bedewe anton. Ita mo Kanaan bolawa enentudenawo wimone,
324	GEN 13:5	Ita Lot Abram warorosane aleidie ita me sipsipwa, kau ita duwa apanawa ita nolawa dewalala apeu bedewe waimoia do antoiena.
325	GEN 13:6	Abram ita Lot nata pueu uarantono ita bola keraulen, sa baiwa mo awodea mai wampona rua, dia.
327	GEN 13:8	Tane Abram Lot diene wanase, “No apana dea os mai diadiantata ita do nolamba dewasaia apanawa mai muba onantopu, dia.
329	GEN 13:10	Ita Lot Ioadan doba nua euda bola debama Soa deneuwe ewen. Tane bola sa bedewa esa uduudulen ewaewa Iawe God iraiwa rua ba Isibt bolawa euda rua nuausan. Tane walama sawo Iawe God bola debama Sodom ita Gomora mai kadisapona, dia.
330	GEN 13:11	Tane Lot alene bola Ioadan dobawa nuawa sonabene ita me apanawa do antone omo wisedia deneuwe bola wadeiena. Ita mo epe dewantone deaanton.
331	GEN 13:12	Ita Abram bola Kanaan bedewe wankasalen tane Lot bola debama Sodom tampe bola isiwa wineia bedewe apewa wadene wain.
333	GEN 13:14	Tane Lot Abram ene aleno aupe Iawe God Abram diene wanase, “E mape enee eba baia bola ema uduudu ewamoa.
349	GEN 14:12	Abram wamba otopa Lot bola Sodom bedewe wandio emalawoa apanawa wimone me ita me puraiwa uduudu do otamone antoiena.
351	GEN 14:14	Abram Lot wadane antoiena umanawa etene me apanawa me duwa bedewe muntone waimoia ita do ona dewawa waeuwamodia apanawa wisiau 318 emalawoa apanawa tanamone antone bola debama Dan bedewe enanaitudeiena.
353	GEN 14:16	Abram nitu uduudu emalawoa apanawa pointoiena ita me wamba otopa Lot do otamone leumon. Tane Lot ita me puraiwawa uduudu, ioto ita apana otene antoiena leumono wimoiena.
396	GEN 16:14	Ita ema baiwa me maneu sa ebowa itune wanase, ‘Bea Laia Roi.’ Maneu ipa sa tauma aleide Kades ita Bired sawanauwo.
459	GEN 19:1	Tane ensel nata Abraam ene antoia rawileidio Sodomwa wimoiena ita Lot bola debama gonaawa moape wandie ewamon. Ita me enenwisene mampo alene wau bumpe dunelene imimpa emmisilene auwamon.
461	GEN 19:3	Tane Lot badowa iririmodio baiwa awodea antoiena me duwa bedewe. Ita sape mo baibu bured mai ist dola sune ita nana isiwa do imaasane wadene wisene wanamono naiena.
462	GEN 19:4	Mo nana nane diasane ando ituntopona bola debama Sodom apanawa mona uduudu apana sanaa ita gulaubu wimone Lot duwa enanabodeiena.
463	GEN 19:5	Ita mo Lot diane waienase, “Apana sa nata tadino e manawo wimoiena naepe? E mo waaubamowo nomopu ita no mo ninamotaa menanede.”
464	GEN 19:6	Mo epe waio Lot enene du moape noseidie baiwa du moawa adiwe gudulen.
467	GEN 19:9	Tane mo sipoasane waienase, “E nambe aitaa, e mai bola ema apanawa di debamaitie itupositie gagaloneiana. Sa baiwa poka dauwa mo etapona e osoawolepio etaidasaa.” Mo epe wane ita mukama odane Lot epanaaubene ita du moawa epapakewapona baiwantoie.
468	GEN 19:10	Tane ensel nata du bedewe waimoia Lot wadane teineieno duwa mampo odeno ita du moa guduntoiena.
470	GEN 19:12	Mape apana nata Lot diane waienase, “No bola ema kadisataa baiwantitana. Iawe God mo wawubu gagalowa etedie no waaubaneno mape winena bola ema kadisata. Bola ema bedewe e sosoa da waimoi ba, dia? E obana mona ita iwoa mo babadau do tane e sosoa isiwa bola ema bedewe waimompa otamoe bola ema enaiana.”
472	GEN 19:14	Ita Lot gagalo ema etene alene obampa iwoa babadau diamone wanase, “Iawe God bola ema kadisapia baiwaleide tauwadea bola ema ena.” Tane mo etane inseienase me wasileide.
473	GEN 19:15	Imonemba walama sapa wapia baiwaleidio ensel Lot diane waienase, “Iawe God bola ema kadisampe e do kadilepia sawa tauwadea enee manainaa, obana iwoa nata do wainilana otamoe aitana.”
474	GEN 19:16	Tane me aia ema etene mai diniwalepona, dia. Iawe God menasana Lot inasapi sa baiwa ensel enane Lot, manainapa ita me obampa iwoa do witapo teinamone nomone bola debama ene antoiena.
476	GEN 19:18	Tane Lot mo sipoamone wanase, “Sosona eiau kerauda os onianeana.
481	GEN 19:23	Tane Lot ita obampa do antone bola debama Soa bedewe wimoio omo wisen.
484	GEN 19:26	Tane Lot manainapa leusaewa mampe matangela osowe ieno aideba wanalene enakasalen.
487	GEN 19:29	Tane God bola sa debama kadisadie Abraam insen. Tane me Lot bola sa bedewe wandio wanaubeno aleno aupe me bola sa kadisan.
488	GEN 19:30	Tane Lot bola Soa apanawa saulena baiwa anoanopa nata banlamone wadiwa odene alene guba bedewe waimoie.
621	GEN 24:29	Ita Rebeka nopa ebowa Leiban sape wandie weanapa witape rin baidauwo seuseulala ita asama wineio ewamon. Ita do me dima ewena gagalowaleidio etene enenwisene weuwane alen esa uteia bolawe, naepe apana puewa kamel do eneiawo. Ita Leiban Abraam nolawa dewalala diene wanase,
624	GEN 24:32	Ema aupe, apana sa Leiban nata anton me duwe ita Leiban kamel osouwo puraiwa otawiamone aupe kamel bolau osowe ina teamoienawo wadaaisimoieno waimoiena. Tane sape mo nana wanamoieno naiena. Do me esa imasan Abraam nolawa dewalala sosowa do wau mitamopua baiwa.
625	GEN 24:33	Tauma mo nana epentone wanamoiena napua baiwa. Tane Abraam nolawa dewalala wanase, “Ne mai nana da napa, dia. Tane bauta ne dima awa winena dieepo etaa.” Tane Leiban leusane wanase, “Sa ide, dima awa wiena wawo etata.”
642	GEN 24:50	Tane Leiban ita Betuel me sipoasane waienase, “Ema ipa Iawe God insaisawa rua, no mai dima wataa rua, dia.
654	GEN 24:62	Tane Aisak Negeb bolawa bedewe wandie ene Bea Laia Roi bedewe leidie leulene wisen.
679	GEN 25:20	Aisak enawa 40 wadeno Rebeka naisen. Me ipa Betuel anoopa ita do Leiban weanapa, mo ipa Aram apanawa bola Padan Aram bedewe waimoie.
776	GEN 28:2	Sa baiwa ne e waaubaedina aita inaa mamba Betuel bolawa Padan Aram bedewe ita sape inaa nopa ebowa Leiban anoopa da naisea.
779	GEN 28:5	Tane Aisak otopa Iakob wanaubeno bola Padan Aram bedewe Betuel Aram apanawa otopa Leiban, sa ipa Rebeka nopa mampe alen.
793	GEN 28:19	Mape me bola sa ebowa itune wana Betel. Tane mapo bola sa ebowa tontawa waia Lus.
801	GEN 29:5	Ita Iakob mo diamone wanase, “E apana ebowa Leiban Nao atawa ateiten ba, dia?” Tane mo me sipoasane waienase, “Oa, apana sa no ateinimbaida.”
806	GEN 29:10	Tane Iakob inawa nopa Leiban anoopa Reitel ita me auba sa Leiban sipsipwa do ewamone ita alene seu esa moawa itunbodae winedia wadenaubeno nambeleno aupe auba puewa esa wanamono naiena.
809	GEN 29:13	Ita Leiban weanapa otopa Iakob wisena gagalowa etedia, tauwadea os weuwane alene into donsan. Me onapa wadene mampesane isuruwasan ita banlene duwe alen. Tane Iakob dewa uduudu mampe segalena umanawa me dieno eten.
810	GEN 29:14	Tane Leiban Iakob diene wanase, “E ipa neida etena ita osinana.” Ema aupe Iakob sape wandio uaboa dea dialen.
811	GEN 29:15	Ita Iakob wandio Leiban me diene wanase, “E ipa ne onanaida sa ipa ne etena ita osinanaida sa baiwa ne baina mai di nolaitona, ita ambi malesaa meneede.”
812	GEN 29:16	Tane walama sawo Leiban obampa iwoa nata waimoie. I tautuwa ebowa ipa Lea tane kerauwa ebowa ipa Reitel.
813	GEN 29:17	Ita Lea emawa ewaewawa ipa euwa tane Reitel me ipa mua ita inainamba eudida.
814	GEN 29:18	Tane Iakob Reitel nuausano nuawa me mampe omeno baiwa me Leiban diene wanase, “Ne e baia ena 7 nolanteapa malesawa ando e anoa kerauwa Reitel neaa.”
815	GEN 29:19	Me epe wano Leiban etene wanase, “Sa ipa euda ne ando me eneepa, ne mai menaneipona me ando apana da nambea naimopi.”
817	GEN 29:21	Tauma Iakob Reitel naisepia baiwa ena 7 bedewe nolalene ompa osowe wisene ita Leiban mampe wane wanase, “E waana rua ne nolana dewasane diasana, tauma ne anoa neawo naisepa.”
818	GEN 29:22	Ita Leiban wanase, “Oa ide nainaitana.” Ita me nainai odawa debama dewasane sosowa uduudu bola sawo waimoia nisomono wimoiena Iakob mampe ita me nainaiwa odawa dewasaiena.
819	GEN 29:23	Tane tadino dubawa bedewe Leiban Reitel ene Lea banlene alene mampesano nata ituntoiena.
820	GEN 29:24	Tane do Leiban Silpa wadene Lea wanena nolawa dewasampa baiwa.
821	GEN 29:25	Ita tadinaida Iakob enenwisene Lea ewene nuawa kadiidaleno wanase, “Leiban e dima baiwa epe dewaiten, ne ena 7 bedewe nola pokawaa dewasana Reitel baiwa. Tane e dima baiwa laga inainamba ema dewasaana ne mainawo?”
822	GEN 29:26	Tane Leiban leusane wanase, “No dewamba ipa oto tautuwa bauta nainailepi muriwa kerauwa nainailepi.
824	GEN 29:28	Ita Iakob Leiban aiawa ruawalene wana ena 7 da osowe wampie nolalepi. Ita me Lea naisene nata waimoio wiki dea dialeno aupe Leiban wana rua Reitel do waneno naisen.
825	GEN 29:29	Ita do Leiban Bila wadene Reitel wanena nolawa dewasampa baiwa.
826	GEN 29:30	Tauma Iakob Reitel do itusan ita me nuawadawadawa Reitel baiwa debamaidalen tane Lea mampe nuawadawadawa keraulen. Ita Iakob ena 7 da osowe waine Leiban baiwa nolalen.
827	GEN 29:31	Tane Iakob nuawadawadawa Lea mampe keraulena baiwa Iawe God sauwa euda Lea osowe itune oto wanen tane Reitel ewene en.
828	GEN 29:32	Ita Lea bulene otopa gamosane ebowa ituna Ruben. Ipawa me wane wanase, “Iawe God ne nuaparena saiwa ewene ita saunene euwa mainawo dewasan, tauma ne badana nuawadawadanepi.”
829	GEN 29:33	Tane ema aupe Lea wandie osowe bulene otopa da gamosane ebowa ituna Simion, ipawa me wanase, “Iawe God ne etanene atenlen ne badana mai nuawadawadaneipona, dia. Sa baiwa ne otona da nen.”
830	GEN 29:34	Tane Lea osowe bulene otopa natadeawa gamosane ebowa itune wana Liwai, ipawa me wanase, “Tauma ne badana nuawadawadaidanepi me obampa natadea gamomona baiwa.”
840	GEN 30:9	Tane Lea oto gamowa enentudeno ewene nolawa iwa Silpa wadene Iakob waneno manainapa wanasan.
841	GEN 30:10	Ita Lea nolawa iwa Silpa Iakob mampelena otopa gamosan.
842	GEN 30:11	Ita Lea oto sa ewene wanase, “Ide dewanten eudida.” Ita me oto ebowa Gad wane itun.
844	GEN 30:13	Tane Lea wanase, “Ne nuaeunten! Ioto uduudu ne mainawo wapuase, nuaeu.” Sa baiwa me oto ebowa Asea wane itun.
845	GEN 30:14	Ita wit totowa walamawa wiseno ita Ruben nosene irai bedewe alen. Me alene ia ipawa otamone inawa Lea mampe wisen. Apana inseia ia sa napue oto gamontopu. Tane Reitel Lea diene wanase, “Rua ba dia, e otoa iawa ipawa otena isiwa ne nea.”
847	GEN 30:16	Sa baiwa Iakob irai bedewe leidie rawiwa wiseno Lea nosene donsane wanase, “Ne otona iawa ipawa Reitel wanena sipoa ande tadina e nata ituntata.” Sa baiwa tadina sawo me Lea nata ituntoiena.
848	GEN 30:17	Tane Lea raupariwa God etene sausano bulen ita Iakob otopa nambawa 5 gamosan.
849	GEN 30:18	Mape Lea wanase, “Ne Iakob wadane nolana iwa wanana baiwa God ne unena nen.” Sa baiwa me ebowa Isaka wane itun.
850	GEN 30:19	Ita Lea osowe bulene ita Iakob otopa nambawa 6 gamosan.
851	GEN 30:20	Tane Lea wane wanase, “God ne amonana eubuida nen. Tauma ne badana ituposineampe oniadewasaneampa, ipawa me obampa uduudu 6 gamomona.” Sa baiwa me oto sa ebowa Sebulun wane itun.
933	GEN 32:5	Ita mo a baiwantoio me diamone wanase, “Ema epe aitane debamana Esau diana, ne e nolaa dewala auna Leiban mape wankasanten ita tauma leuntene iedina.
938	GEN 32:10	Tane Iakob rauparilene wanase, “O God ne atana Abraam Godiwa ita ne mamana Aisak Godiwa. O Iawe God, e ne diane waanase, ‘Leuite bolaawo ita gombaa mampo aitaa ita sape ne e manawo dewa eubu dewamopa.’
1035	GEN 35:23	Me manainapa Lea gamomona ipa: Ruben me Iakob otopa tautuwa, Simion, Liwai, Iuda, Isaka ita Sebulun.
1038	GEN 35:26	Ita Lea nolawa iwa ebowa Silpa obampa mona ipa: Gad ita Asea. Mo ipa Iakob obampa mona bola Padan Aram bedewe waimoie muntona.
1455	GEN 48:3	Ita Iakob otopa Iosep diene wanase, “Ne bola Lus Kanaan bolawa bedewe wainedino God Mukamukaua mainawo segalene ita sau euda ne osonawo itune,
1479	GEN 49:5	Tane Simion e wana Liwai nata e dewala deawaa. E nata onala puraiwa oteile mampe rebareba onaitilana.
1505	GEN 49:31	Ita sape Abraam manainapa Sara nata ita Aisak manainapa Rebeka nata dobosamoiena ita do ne Lea sape dobonten.”
1535	EXO 1:2	Ruben, Simion, Liwai, Iuda,
1556	EXO 2:1	Tane apana dea Liwai damba bedewea enene meba dambaida iwa naisen.
2465	EXO 32:26	Tane Moses mo waimoia bolawa intawa moape enene mukaleidie wadiase, “Apana mida Iawe God baiwa eneilana ne mainawo winlena!” Me epe wadio Liwai damba apanawa me mampe wimone auweiena.
2467	EXO 32:28	Tane Liwai damba apanawa Moses aiawa ruawantone antone ita walama sa bedewe apana wisiawa uduudu 3,000 bomoiena.
4097	NUM 13:21	Sa baiwa mo ene antone sala makowa ebowa Gin Kanaan tawowa bedewe wimone odane antone Reob bedewe Lebo-amat tampe bola ewaitusaie.
5384	DEU 17:18	Tane e me dewasano warerelepie Liwai damba pirisintoia mampo alepie anaana bukawa bedewe meba baiwa anaana girumalepie wadepi.
5857	JOS 1:4	E bolala makawa ipa Negeb sala makowa ita alene wadi Lebanon waden. Ita do e bolala makawa Eupirates esawa omo wiseidia deneuwe, ita alene Itai apanawa bolau uduudu ita Mediterenian Owawa debamawa omo pamediawo enentuden.
7284	1SA 3:6	Tane Iawe God osowe apalene wanase, “Samuel!” Me enenwisene alen Eli mampe ita wanase, “E apaiteno baiwa ne winen!” Tane Eli wanase, “Otona, ne mai e apaepona, dia. Leuite aie ituita.” Sa baiwa Samuel leulene alene itulen.
7287	1SA 3:9	Sa baiwa me Samuel diene wanase, “Leuite aite ituita. Naita me osowe e apaepia e ema epe waa, ‘Debamana, gagaloitaa. Ne e nolaa dewalala asisuedina.’” Ita Samuel ene leulene alene itulen.
8887	1KI 5:20	Sa baiwa e nolaa wadeia apanawa waubamowo Lebanon tawowa bedewe antopue ia badowa eboa sida waia tomopu ne baina ita nolana wadeia apanawa do awodea nolantopu. No atenten e apanaa bola debama Saidon bedewe waimoia ia totowa atendewanton, mai no Israelwa ruamba. Sa baiwa e ne dianea mane ambi rua e nolaa apana wanamopa ita rua ne malesamopa.”
8992	1KI 8:4	Pirisi ita Liwai damba apanawa Iawe God sauawa badowa bokisiwa ita ape kakaiwa do nituwa kakaibu awanamone God duwa bedewe odeiena.