340	GEN 14:3	Tane warere isiwa apanau do muriwa wimoiena ona baiwa Owa Bobopa wadi ebowa Sidin nuawa bola apuapuwa debama osowe auweiena.
342	GEN 14:5	Ena 14 bedewe Kedolaoma ita warere isiwa do insaisau deasane ona baiwa antone Repai apanawa bola debama Asterot Kanaim bedewe wanwanlala, Susi apanawa bola debama Am bedewe wanwanlala, Emi apanawa Sawet Kiriataim ita Orai apanawa wadi Sia bedeuwointa wanwanlala ita alene tawo makowa tampe El Paraim bolawa bedewe wisena do onantone aimoiena.
352	GEN 14:15	Tadino iwin bedewe Abram sorodiawa empuempumone ita me do antone bola sa enanabodane do onantone ita nanaumoiena. Ita isiwa tanamone bola debama Damaskas ainaboe bola Oba mampe wimone enanaitudeiena.
394	GEN 16:12	Oto sa mulepie apana suanau rua segalepi. Me apana uduudu onau enompo ita mo me onawa enompa tane do me wanamba do wanwanbu kadilempa.”
410	GEN 17:12	Ete nonowa dewawa ema e nosinosia ando ita ando muntompa dewasampa. Oto mona muntopuo walama 8 wadepio eueuwa baiwa e ete nonowa dewawa dewasaa. Dewa ema e obana mampo ita nolaa dewalala obampu tane mo mida gimaramoia obampu do mampo deawaa dewasana.
549	GEN 22:1	Tane ema aupe mo waimoio ena isiwa diantono God Abraam sumanaiwa wadaetasapia baiwa apasane wanase, “Abraam!” Abraam sipoasane wanase, “Oa, ne ema.”
555	GEN 22:7	Mo antoie into Aisak mamba waitarasane wanase, “Mako!” Ita Abraam wanase, “Otona asisuedina wawo etapo.” Aisak wanase, “Ia tonapa ita ia emawa mape winei tane pulontata moiawa bunawa naepe?”
556	GEN 22:8	Abraam sipoasane wanase, “Otona, God ando pulontata moiawa imaasapie nenepi.” Me epe wane ita mo antoiawo awodea antoiena.
559	GEN 22:11	Tane Iawe God enseliwa uboe diene wanase, “Abraam, Abraam!” Ita Abraam sipoasane wanase, “Oa, ne ema.”
604	GEN 24:12	Ita me sape waine rauparilene wanase, “O Iawe God, ne onianedia apanawa Abraam Godiwa, tauma e ne saunea ita dima awa winena ipawanalepi, ita e euwaa Abraam osowe itua.
606	GEN 24:14	Ita ne mo bedeuwo dea diape wapaase, ‘Rua ba dia, e esa utee ne neawo napa.’ Tane me wapiase, ‘Oa, ne dewasapa ita do puea kamel esa wanamopa.’ Epe segalepia, me ipa sa e sonabeana e nolaa dewalala Aisak baiwa. Ema epe mampe ne atenteapa e dewa euda ne onianedia apanawa mampe dewasaana.”
634	GEN 24:42	Sa baiwa ne aita esa uteia bolawe winene enane rauparintene wanase, “O Iawe God, ne debamana Abraam Godiwa, naita ne dima awa winena sauneawo ipawanalepia sa ipa inta dainea euda e eba atena asiasi banlanea.
636	GEN 24:44	Ita me leusapie wapiase, ‘Oa, ne esa eneepa, ita do kamel esa wanamopa, epe segalepia, me ipa sa Iawe God sonabeana ne debamana otopa baiwa.
650	GEN 24:58	Ita mo Rebeka dieieno wiseno diane waienase, “E apana ema nata aitana, ba?” Ita me wanase, “Oa, ne anteapa menanede.”
684	GEN 25:25	Oto tautuwa mulena etepa buma osiosinaua ita etepa imbuimbua sa baiwa me ebowa Esau ituiena.
694	GEN 26:1	Omana debamaia Kanaan bolawa bedewe segalen mapo Abraam walamawe segalena rua. Sa baiwa Aisak alen bola debama Gera bedewe Pilistan warerewa Abimelek mampe.
775	GEN 28:1	Aisak Iakob umanawa wano mampe wiseno sau euda osowe itune diene wanase, “Otona, ne mai menaneipona e bola Kanaan iwa da naisea, dia.
801	GEN 29:5	Ita Iakob mo diamone wanase, “E apana ebowa Leiban Nao atawa ateiten ba, dia?” Tane mo me sipoasane waienase, “Oa, apana sa no ateinimbaida.”
802	GEN 29:6	Ita mo epe waieno etene ita wanase, “Me wanwamba bedewe ide euda os wande, ba?” Tane mo waienase, “Oa, me ide euda os wande tauma emanta ewee meida anoopa Reitel sipsipwa do iei.”
818	GEN 29:22	Ita Leiban wanase, “Oa ide nainaitana.” Ita me nainai odawa debama dewasane sosowa uduudu bola sawo waimoia nisomono wimoiena Iakob mampe ita me nainaiwa odawa dewasaiena.
938	GEN 32:10	Tane Iakob rauparilene wanase, “O God ne atana Abraam Godiwa ita ne mamana Aisak Godiwa. O Iawe God, e ne diane waanase, ‘Leuite bolaawo ita gombaa mampo aitaa ita sape ne e manawo dewa eubu dewamopa.’
940	GEN 32:12	O Iawe God ne rauparintedina e ne saunea. Ne tatana Esau into doinepie mai kadinepi, dia. Ne me sawantedina into doinepie seda ita gombau iwoa do kadinepia sawa.
1097	GEN 37:13	Ita Iakob Iosep diene wanase, “Ne menanedia e waaubaepo aite tatataa bola Sikem bedewe sipsip ita gote oniamoie waimoia ewamoa.” Ita Iosep wanase, “Oa, ne anteapa.”
1241	GEN 41:45	Tane warere Isibtiwa ebou asiasi Iosep ebowa Sapenat-panea wane itun ita do bola debama On pirisiwa Potipera anoopa Asenat waneno naisen. Ita sape Iosep Isibt bolawa uduudu atoweleno onien.
1246	GEN 41:50	Tane Iosep manainapa On pirisiwa Potipera anoopa Asenat sedawa nata gamomono aupe omana debama segalen.
1253	GEN 41:57	Omana debama segalene bola isiwa do kadimon. Sa baiwa bola sa apanawa wimone Iosep mampe nana gimarantoie.
1389	GEN 46:2	Ita tadina sawo me auen rua ewedio bedewe God wanase, “Iakob, Iakob!” Ita Iakob sipoasane wanase, “Oa, ne ema.”
1452	GEN 47:31	Ita Iakob otopa mampe wane wanase, “Iosep, mainawo sauaitaa.” Ita me saualene wanase, “Oa, ne dewasapa.” Tane Iakob epe etene nuawa euleno dunelene God wadaposisan.
1471	GEN 48:19	Tane mamba me aiawa etendabue wanase, “Otona, ne dima atentena rua dewasadina. Manase ando ebowa debamalepi ita do dan ua dea segalepi. Tane me wamba ebowa debamaidalepi ita do nosinosiwa uarantopue dan uwa daitada segantopu.”
1492	GEN 49:18	O Iawe God ne sumanaiantedine intaewaewantedina inanea baiwa.
1557	EXO 2:2	Ita i sa wandie bulene oto mona gamosan. Oto sa muleno me ewena ewaewawa eudida. Sa baiwa me wadene weregasane wandio uaboa natadea dianton.
1563	EXO 2:8	Warere anoopa epe etene wanase, “Oa, sa rua, aitaa!” Ita me alene oto inawaida banlene wisen.
1584	EXO 3:4	Iawe God Moses ia idia mampeido iedio ewene ita ia sa kerauda idi bumedia bedewe sawano apalene wanase, “Moses, Moses.” Ita Moses me sipoasane wanase, “Oa, ne ema.”
1832	EXO 12:15	‘E bured mai ist dola nanuno walama 7 dialepi. Tane oda ualempo walama sa dea bedewe ist uduudu e manlawo duwa wineia otamone aubamona. Oda ema ualempo mai mida bured ist bedewe itune dewasaiena napi, ideita walama 7 diantopu. Tane apana mida walama 7 sa bedewe bured ist dola napia me Israel apanawa mampo wapuaubepuo emopie aidalepi.
1833	EXO 12:16	Oda walamawa sa bumpa oso ita ompa osowe wisepia, walama ema nata bedewe e awodeaitonune wadapositonuna. Ita walama sa osowe e mai nola da dewasana, dia. Tane waine nanala os laulaitonuna rua.
1925	EXO 15:4	Me warere turakawa ita sorodiawa ita do me nolawa uwantoia apanawa eubu Owa Bumawa bedewe noanamon.
1927	EXO 15:6	O Iawe God, e witaa on ipa mukamukauaida, witaa sa mampe wadamoe mususamoe aimoana.
1937	EXO 15:16	Apana uduudu saidantoie. O Iawe God, e mukaa debamaia mo ewane seu rua badontone eneie, no emalawoamba apanawa mampo inaneana danauwointa winene anten.
1943	EXO 15:22	Mape Moses Israel apanawa banlamone Owa Bumawa enee Sua sala makowa bedewe anton. Mo walama natadea bedewe sala makowa bedewainta antoie mai esa da donsapona, dia.
2010	EXO 18:10	Dietero wanase, “Ne Iawe God wadaposiedina, ipawa e Isibt apanawa ita do warereu mukau atowe wainilano inalena. Oa, me Israel apanawa Isibtiwa mukau atowe wainilano inalen.
2035	EXO 19:8	Ita apana uduudu auwene waienase, “Oa, no dewa uduudu Iawe God wana rua dewamota.” Ita Moses apana oantona gagalowa Iawe God benemasan.
2185	EXO 24:7	Ita me saua badowa girumalala wadene wisialeno apana uduudu eteiena. Ita waienase, “Oa, no Iawe God gagalo uduudu wana aiawa ruantate dewasata.”
2427	EXO 31:6	Ita ne Oliab Aisama otopa Dan damba bedewe sonabena me sausapi. Tane do ne aten insaisawa iwasa apanawa isiwa wanamona nitu uduudu dewamompa baiwa, ne wane dieena rua.
2443	EXO 32:4	Me gold sa otamone dewasano sisiwano ita pue kau mona bunawa inainamba rua dewasano segalen. Ita apana ema ewane mukantone wane waienase, “O Israelwa, god ipa ema no banlaneno Isibt ete nonetana!”
2450	EXO 32:11	Tane Moses Iawe God mampe iririlene wanase, “O Iawe God e mukaa debamaia mampe e apana ema banlamoano Isibt ene nomoiena. Sa baiwa e mai nuaa kadiidalepio mo kadimoa, dia.
4105	NUM 13:29	Ita Amalek apanawa Negeb bedewe waimoi ita Itai, Sebusi ita Amori apanawa wadi sainapainta waimoi, tane bola Kanaan apanawa Mediterenian Owa tampe ita isiwa Ioadan esawa tampe waimoi.”
4335	NUM 20:23	Israel apanawa uduudu Kadesi ene antone wadi Oa tawo Edom alena makawa tampe wimon ita Iawe God Moses ita Aron diamone wanase,
4337	NUM 20:25	Tauma e ita Aron otopa Eliesa nata banlamoe wadi Oa oso odane aitana.
4339	NUM 20:27	Tane Moses Iawe God wana rua dewasan. Apana uduudu mo ewamoio emawo odane wadi Oa oso anton.
4345	NUM 21:4	Tane mo wadi Oa enee Edom tawowa panape antopona ene Owa Bumawa intawa asiasi antoie into etedabuantoiena.
4351	NUM 21:10	Tane Israel apanawa antoie bola Obot bedewe saradountone waimoie.
4352	NUM 21:11	Ita mo bola Obot ene antone Ie-abarim bedewe wimone saradountoiena. Bola sa sala makowa bedewe Moab tawowa moawa do omo wisediawo winede.
4374	NUM 21:33	Ita ema aupe mo leuntone Basan bolawa intawa asiasi odane antoiena. Ita Basan warerewa Ogi me sorodiawa uduudu do Edirei bedewe ona baiwa nomon.
4376	NUM 21:35	Sa baiwa mo antone Ogi ita obampa mona ita do me sorodiawa onau enane aimoiena, mai da inawaa wampona, dia. Ita me bolawa mo wadane mamposaiena.
5843	DEU 34:2	ita Napitali bolawa uduudu, Eparaim ita Manase bolawa uduudu ita Iuda bolawa uduudu alene Mediterenian Owawa wadena euwasan.
5857	JOS 1:4	E bolala makawa ipa Negeb sala makowa ita alene wadi Lebanon waden. Ita do e bolala makawa Eupirates esawa omo wiseidia deneuwe, ita alene Itai apanawa bolau uduudu ita Mediterenian Owawa debamawa omo pamediawo enentuden.
7217	1SA 1:3	Ena deadea bedewe Elikana bola debama Silo bedewe odedie aleide Iawe God Mukamukaua wadaposisampe ita pulo amonalempa baiwa. Tane sape Eli obampa nata Opini ita Piniasi mo ipa Iawe God pirisiwa.
7225	1SA 1:11	Me raupariwa bedewe saua ema epe wan, “O Iawe God Mukamukaua, ne ipa e nolaa dewalala iwa! Ne nuabolana ewee mai nuaawawane enea, insanea. Naita e oto mona ne neaa, oto sa ne leusape eneepo me inawawa uduudu bedewe e os nolaa dewasampe wankasalepi. Ita do me uawa imba mai topu, dia.”
7236	1SA 1:22	Tane Ana mai mo do antopona, dia. Me badawa diene wanase, “Oto ema mulepie ama nanawa epio tauma ne me wadape anteape Iawe God duwa bedewe itupe epo wankasalepi.”
7240	1SA 1:26	Ita me inawa wanase, “O debamana! Ne ulaipaida wadina, ne ipa sa bauta Iawe God mampe rauparintedino ewaneana.
7244	1SA 2:2	O Iawe God, mai mida da kakaiwa e ruaa wainipona, diaida, ita mai god da wainipona, dia. Tane mai onionia apanawa da no Godimba e ruaa wainipona, dia.
7282	1SA 3:4	Sape Iawe God apalene wanase, “Samuel!” Ita Samuel sipoalene wanase, “Oa! Ne ema!”
7284	1SA 3:6	Tane Iawe God osowe apalene wanase, “Samuel!” Me enenwisene alen Eli mampe ita wanase, “E apaiteno baiwa ne winen!” Tane Eli wanase, “Otona, ne mai e apaepona, dia. Leuite aie ituita.” Sa baiwa Samuel leulene alene itulen.
7602	1SA 16:5	Me sipoamone wanase, “Oa, ne Iawe God mampe pulo itupa baiwa winen. E eba imaaitane ita winleno antate Iawe God mampe pulo ituta.” Samuel Iese obampa do nisomona muba imaantopue tauma antopu pulo itutuwa baiwa.
8302	2SA 12:13	Ita Dawid Natan mampe wanase, “Ne Iawe God mampe kadiwaida dewasana.” Ita Natan Dawid diene wanase, “Oa, e kadiwa dewasaana, tane Iawe God e kadia insendabuasan, e mai boitaa.
8304	2SA 12:15	Ita Natan leulene duwa bedewe aleno aupe Iawe God oto kero waneno pokaida eten. Oto sa Uria manainapa Dawid busano gamolena.
8307	2SA 12:18	Walama 7 dialeno aupe oto bolen. Dawid nolawa dewalala oto bolena umanawa wapona santon. Ita mo waienase, “Oto wandia walamawe me mampe no gagalontitano mai etaneipe, dia. Tauma oto bolena umanawa ambi wate diata? Meba kadi donsapio!”
8308	2SA 12:19	Dawid nolawa dewalala awodea mamo gagalontoio ewamone atenlen oto bolen. Sa baiwa Dawid waitaralene wanase, “Oto bolen, ba?” Mo sipoasane waienase, “Oa, oto bolen.”
8310	2SA 12:21	Nola dewalala Dawid diane waienase, “E ambi epe dewaitiana? Oto inawaa wandia walamawe nana iditie ita ke waie. Tane oto boleno aupe e enaawiene nana naiana!”
8311	2SA 12:22	Dawid wanase, “Oto inawaa wandia walamawe insenase, ‘Naita Iawe God ne nuaparenalepie oto inasapio wampi, sa baiwa nana idintedine ita ke wadine.’
8826	1KI 3:7	Solomon Iawe God sipoasane wanase, “O Iawe ne Godna e ne mamana aupawa ituneano warerentedina. Ne ipa oto kerauda rua, mai atenteapona ambi apana oniamopa.
8841	1KI 3:22	Tane i ninalala wawea wanase, “Dia! Oto bobopa ipa e otoa ita inawaa wandia ne nebaana.” Tane i ninala bautaa aiawa mukalene wanase, “Dia! Oto bolena ipa e manawoa, oto inawaa ipa ne nebaana.” I ema nata warere Solomon danawe epe wawantoie.
8842	1KI 3:23	Sape warere wanase, “Ema epe, i bautaa wadia da, ‘Oto bobopa ipa e manawoa, oto inawaa ipa ne otona.’ Ita i wawea wadiase, ‘Dia! Oto inawaa wandia ipa ne mainawoa ita oto bolena sa ipa e manawoa.’”
8844	1KI 3:25	Tauma warere wanase, “Oto inawaa sawano isuweno waiwa nata segantopu ita waiwa wadane i da wanana ita waiwa da sowa wanana.”
8846	1KI 3:27	Tane warere nolawa dewalala diamone wanase, “Oto mai bosana me wadane i bautaa wanana, me ipa oto inawaida.”
9011	1KI 8:23	Me rauparilene wanase, “O Iawe Israelwa Godiu, mai God da e ruaa uboo wainipona ba tawo emauwo wainipona, dia. E dima sauaitena rua walama uduudu dewasaiana, e walama uduudu apanaa nuawadawadamoiana, apana mida mo nuau uduudu mampe e aiaa eteie ruawantoia.
9316	1KI 16:30	Omri otopa ebowa Eiab Iawe God mampe dewa kadiu uaraia dewamodie mai warere bautaa ruau.
9339	1KI 17:19	Elaia sipoasane wanase, “Otoa wadee nea.” Me oto inawa mampe wadene awanene me wandiawo du iwa osowe odene alen. Ita me ituleidia bolawe wadenaisie itun.
9370	1KI 18:26	Sa baiwa mo kau dea wadane imasane pulo ituia watawa osowe ituiena. Ita mo Baal mampe tadinaida rauparintoio alene enautalen. Mo mukantoie waiase, “O Baal, no rauparimba sipoasaa!” Ita mo pue pulontompa watawa dewasaiena tampeinta biantoie. Tane mai raupari sipoa da, diaida.
9381	1KI 18:37	O Iawe God ne rauparina e sipoasaa, ne rauparina e sipoasawo apana ema atenepu e ipa Iawe God, tane e ipa mo nuau leusaiana manawontopu.”
9558	2KI 2:3	Ita Betel bedewe peroweta sape waimoie ita mo wimone Elaisa diane waienase, “E ateiten ba, dia, ande Iawe God e debamaa manawo wadepie alepia baiwaleide?” Elaisa sipoamone wanase, “Oa, ne atenten tane e mai gagalowa wana.”
9560	2KI 2:5	Peroweta Ieriko bedewe wanwanlala wimone Elaisa waitarasane waienase, “E ateiten ba, dia, ande Iawe God e debamaa manawo wadepie alepia baiwaleide?” Elaisa sipoamone wanase, “Oa, ne atenten tane e mai gagalowa wana.”
9992	2KI 17:5	Iawe Israel apanawa Godiu mo Isibt warerewa mukawa atowe waimoio banlamono nomoiena me mampe kadiwa dewasaiena. Israel apanawa god da wadaposimoie ita uwa daitada apanawa dewau wawontoie. Mo ipa sa bauta Kanaan bolawa bedewe waimoio Iawe God Israelwa danauwo tanamono nomoiena. Mo Israelwa warereu dewantona rua god da wadaposimoie. Ita Israelwa weregainta dewa kadiwa daitada uaraia Iawe God mai menasaipona dewamoiena. Tane mo bolau kerakera ita debamau bedewainta, god lagawaau wadaposiu bolawa dewamoiena. Israel apanawa seu kakaila ita Asera kokoitauwa wadaposisampa baiwa wadi iwainta ita ia debamau bumpeinta endonton. Ipawa ema baiwa tawo Asaria apanawa warereu sorodiawa Israel tawowa bedewe wimoiena onantopue Israelwa aimopu. Ita mo wimone bolawa debama Samaria enane bodane eneio ena natadea dianton. Tane ena 9 bedewe Osia warereleidia walamawe tawo Asaria warerewa sorodia bola debama Samaria wadane mamposaiena. Ita Israelwa diburau apanawa taumone Asaria bolau bedewe anton. Tawo Asaria warerewa mo bola debama Ala bedewe teamono waimoie ita isiwa Gosen bolawa bedewe esa Abo tampe waimoie, ita isiwa Midia tawowa apanawa bolau bedewainta teamono waimoiena.
10029	2KI 18:1	Ela otopa Osia ena natadea bedewe warerelen, me ipa Israelwa warereu, ita ena 3 wadedio Akas otopa Esekia warere ualene Iuda bolawa onien.
12885	JOB 1:12	Tane Iawe God wanase, “Oa, me nituwa uduudu e witaawosadina tane mai me kadisaa, dia.” Mape Seitan Iawe God ene alen.
12901	JOB 2:6	Iawe God epe etene wanase, “Oa, ne me witaawosadina tane mai witaa me osowe itue ita bosaa, dia.”
12911	JOB 3:3	“Ne inana gamonena walamawa e siniepaaubepona ita tadina sa mo waienase, ‘Oto mona mulen.’
12915	JOB 3:7	Oa, tadina sa mai ipawa itupi; ita nuaeu kawa me bedewe mai etapu.
14726	PSA 51:3	O God, e nuawadawadaa mai diala, sa baiwa nuaparenaite saunea. E walama uduudu apana nuapareuitiana, sa baiwa kadiwana inseadabuasaa.
14735	PSA 51:12	O God, ne nuana mitee sanaasaa ita ulaipa mampe ne waroroepa.
14739	PSA 51:16	O God, e ne inanea, saunee inawana oniea ita ne nuaeu mampe e dewaa dodomana sasawa wapa.
14740	PSA 51:17	O Tatana, sauneawo moana wadapaaubepe wadaposiepa.
14742	PSA 51:19	Ne neba ituaisinteape iririepo kadina inseadabuasaa, e pulo inainamba ema meneede. O God, ne kadiwana dauwa etane nuaparentene manawo rauparintedina mai leunea.
14743	PSA 51:20	O God, bola Saion nuaparewaitee sausaa; me gonaawa tewana osowe wadawo enepi.
14946	PSA 67:2	O God, nuaparembaite, sau euda osombo itua. E nana mainimbosae oiwawaitaa.
15525	PSA 95:5	Owa ipa me mebaa, ipawa me dewasan ita do tawo me dewasan.
15628	PSA 103:12	Omo wisedie nowa daumaia aleidie pamedia rua, epe rua me no kadimba riasadio nambeido aleide.
15859	PSA 110:5	O Iawe God, e witaa on deneuwe warere wandia nuawa kadilepio warere uara bomopi.