57	GEN 3:1	Tane Iawe God pue uduudu dewamona bedeuwo mota ipa laga wawa atembaida. Walama dea mota i diene wanase, “Ide ulaipa, God dialena irai Iden bedewe ia uduudu naumoia ipawa mai namona, ba?”
139	GEN 6:1	Walama sawo tawo osowe apana muntoie uarantoio bedeuwo God obampa ioto ewaewau eubuida mo ewamone nuaumono sonabamone naimoiena.
142	GEN 6:4	Walama sawo ita adiwe odene su alena apana mubu debamau tawo osowe waimoie. Tane walamaipa God obampa apanaida iwoa do ituntoia sedau gamomoie. Ita seda sa ipa mukamukaua ita dewa pokawaa dewalala do ebou alala ita do mo dudunau wawalala.
147	GEN 6:9	Noa obampa do dudunau ema epe. Noa obampa natadea, mo ipa Sem, Am ita Iapet. Walama sawo Noa me ipa apana euda dodomana mai wawu da do apana bedeuwo wandie. Tane me God aiawa ruawaleidie wadaposisadie wandie.
154	GEN 6:16	Waa iwa dewasane bela ita du iwa sawanauwo naga awopawa witaa uraupe ita kompa oso nosena rua daumawa ea. Tane du moawa waa sainape itua ita waa bedewe wanwan bolawa iono, sawano ita atowe dewamoa.”
164	GEN 7:4	Walama 7 dialepio ne unu tawo ema osowe wapaaubepo wampo walama 40 ita tadina 40 dialepi. Ita nitu uduudu inawaa tawo osowe dewamona kadimopatuapi.”
270	GEN 11:3	Ita mo muba wawadiadiantone waienase, “Winleno awodeantate paka otamote sumoto badontopue seu wanantopuo mampe du wadata.” Ita mo epe dewantone du wadeiena ita ia bodipa mampe seu wadadomoiena du wadepidodepia baiwa.
271	GEN 11:4	Ema aupe mo wane waienase, “Winleno no nuba bainimba bola debama dewasate ita du debama iwa dauma uba tampe wisepia wadata. No epe dewantate nuba ebomba debamasata ita do mai tawo osowe deaantata, dia.”
300	GEN 12:1	Walama dea Iawe God Abram diene wanase, “Enawie tawoa, dana ita gombaa emoe ita bola ne waeuwaepo aie sape wana.
305	GEN 12:6	Abram ita me apanawa do nawane antone bola debama Sikem tampe bola More bedewe ia debama atowe saradounton. Walama sawo Kanaan apanawaida bola sa bedewe waimoie.
338	GEN 14:1	Walama sawo Sina warerewa Amrapel, Elasa warerewa Ariok, Elam warerewa Kedolaoma ita Goim warerewa Tidal ona awa anton bola debama Sodom warerewa ebowa Bera, Gomora warerewa Bisa, Adma warerewa Sinaba, Seboim warerewa Simeba ita bola debama Bela ebowa da waia Soa warerewa do onantopua baiwa.
363	GEN 15:2	Tane Abram me sipoasane wanase, “Warere Iawe God, e mai oto da ne neapona, sa baiwa e une debamaia ne neaa mai saunepia rua, dia. Ne ando bonteapo aupanawo Eliesa bola debama Damaskas apanawa ne dunawo nolaledie wandia ne maurana uduudu epo me mampelepi.”
562	GEN 22:14	Sa baiwa Abraam bola sa ebowa ituna Iawe Iaira amona mamba. Walama sawo odene ita tauma apana wampase, “Iawe God wadiwa osowe me amonalepie nenepi.”
594	GEN 24:2	Ita me nolawa dewalala uwauleidia apanawa me duwa bedewe wandia diene wanase, “Witaa ne abuna atowe itua.
615	GEN 24:23	Ita ema aupe me i sa waitarasane wanase, “Wawo etapo, e mida anoopa, e mamaa duwa bedewe itu bolawa da winede ba dia, ita ne sosona do ituntepona?”
688	GEN 25:29	Walama dea Iakob nanawa nuleidie wandio Esau dobino leidie omana tono etepa garigarileno wisen.
1087	GEN 37:3	Walama sawo Iakob gulauidalene wandie otopa Iosep gamosan sa baiwa me otopa sa nuawadawadaidasan mai obampa isiwa ruau. Sa baiwa me garawa oawa eudida wanen.
1096	GEN 37:12	Walama dea Iosep tatatawa enanawimone mambu puewa sipsip ita gote banlamone antone bola Sikem bedewe oniamoie.
1157	GEN 39:7	Ita me mai wampono daumalepono Potipa manainapa me ewene mampe nuawa omaidasano baiwa diene wanase, “Winewo nata ituntata.”
1161	GEN 39:11	Walama dea Iosep nola awa wisene du bedewe oden ita nola sosowa sape mai waimoipe, dia.
1162	GEN 39:12	Me odene leidio Potipa manainapa me mampe wisene garawa onapea wadenitue diene wanase, “Winewo nata ituntata.” Me epe wadio Iosep weuwane nosene alen ita gara os i sa witape winakasalen.
1174	GEN 40:1	Walama isiwa diantono aupe Isibt warerewa nolawa dewala nata, wain reduwa oniedia ita bured sudia apanawa nitu da kadisaieno baiwa warere nuawa mai eulepona.
1178	GEN 40:5	Wain reduwa wadedia ita bured sudia apanawa walama daumaia dibura bedewe waimoie ita tadina dea auentoiena tane mo auembu ipawa ipa nambenambe.
1185	GEN 40:12	Ita Iosep wanase, “E auena ipawaida ipa ema epe: Wain ragapa natadea ewaana sa ipa walama natadea umanawa wade.
1186	GEN 40:13	Walama natadea diantopuo aupe warere dibura bedewe wainiana wadaaubaepio noea. Ita e nolaa aupawe ituepio nolaita. Tane e bauta nolaitiana rua warere reduwa wadone witape ituna.
1192	GEN 40:19	Walama natadea dialepio aupe warere wadaaubaepio dibura ee noea. Ita me sorodiawa diamopio wimopue e imuna topupune ita ia osowe seuepu. Tane nene wimopue naeputuwapi.”
1193	GEN 40:20	Walama natadea diantono warere muwa walama wiseno odawa dewasane ita nolawa dewala apanawa nisomono auweiena. Tane do me wain reduwa onioniala ita bured sudia apanawa dibura bedewe waimoio wadaaubamone banlamone warere mampe wimon apana uara waimoio danauwo.
1201	GEN 41:5	Tane me osowe itulene auemba natawa ewena ema epe: Wit ipawa uduudu 7 iawa dea osowe naunautetela ewaewau eubu wineie.
1425	GEN 47:4	Walama kerauda os mape winena wanta, ipawa omana debamaia Kanaan bolawa bedewe segalen. No puemba nanau dia, sa baiwa rua ba, dia e wawo no ane bola Gosen bedewe wanta.”
1426	GEN 47:5	Warere epe etene Iosep diene wanase, “E mamaa, tatataa ita wana e manawo wimoiena.
1453	GEN 48:1	Walama isiwa diantono aupe apana Iosep diane waienase, “E mamaa kero waden.” Me epe etene obampa Manase ita Eparaim otamone Iakob ewapua baiwa antoiena.
1541	EXO 1:8	Ena uaraia diantono aupe warere sanaa Isibt tawowa atoweleno oniedie. Warere sa Iosep ita do me nolawa Isibt bedewe dewamona mai atemba, dia.
1560	EXO 2:5	Walama sawo warere anoopa duadi awa iene alen ita me nolawa dewalala iotopa esa waiweinta laie. Sape me posa ina bedeuwointa iedia ewene, ita me nolawa dewalala diamono posa esa bedewe wadane me mampe wimoiena.
1563	EXO 2:8	Warere anoopa epe etene wanase, “Oa, sa rua, aitaa!” Ita me alene oto inawaida banlene wisen.
1581	EXO 3:1	Moses nemonapa Dietero puewa sipsip ita gote oniamodie. Me ipa bola Midia pirisiwa. Walama dea me pue banlamone sala makowa bedewe wadi Sainai bedewe wisen, wadi sa ipa kakaiwaida Iawe God baiwa.
1808	EXO 11:1	Tane Iawe God Moses diene wanase, “Ne Isibt warerewa ita me apanawa do mampo matangela ompa wapaaubepo osouwolepi. Ema aupe warere ewepie oalepio aitana. Walama ema osowe me oalepie tanalepio nolene aitanaaubena.
1831	EXO 12:14	E oda ema rua ena uduudu bedewe dewasanuna. Walama ema wisempo odaitonuna ita epe mampe e ne Iawe God dima dewasana insenuna. Ita ando e nosinosila oda ema odantompa, mai epu, dia.’
1899	EXO 14:9	Tane Isibt apanawa mo tanamone antoiena. Warere ita me turakawa pue mampe teiteinalala, sorodia oas osowe wanwanlala ita ona apanawa wimone mo Pi-Airotiwa owa tampe dommoiena ita bola debama Baal-Sepon ipa waiwa dauwo winede. Tane sape Israel apanawa walama kampaida os bola wadane waimoie.
1900	EXO 14:10	Warere ita me sorodiawa do mampontoio ita Israel apanawa pisiwane Isibt apanawa onau enapua baiwa ieio ewamone saidantone ita Iawe God mampe sau baiwa iririntoie.
1913	EXO 14:23	Tane Isibt apanawa mo tanamone anton. Warere oasiwa, turakawa, sorodia oas osowe wanwanlala uduudu Israelwa tanamone wawo owa bedewe antoiena.
1953	EXO 16:5	Wiki deadea bedewe walama 6 osowe apana antompe nanau auwempe posawa nata aimompa walama nata bedewe napua rua.”
1969	EXO 16:21	Walama uduudu tadinaida apana nomoie nana mo napua ruawa os auweie, tane omo wisedie pola wadio nana sa sisiwadie dialeide.
1970	EXO 16:22	Wiki deadea bedewe walama 6 osowe apana nomoie nana sa auweie apana deadea baiwa posa nata aimoi walama nata bedewe napua rua. Tane apana eiau wimone Moses waitarasane waienase, “Dima baiwa apana posa nata aimoi?”
1971	EXO 16:23	Ita me mo diamone wanase, “Ema ipa Iawe God anaanawa, ‘Imonepi ipa e bubuaitana walamawa. Walama sa Iawe God einpue nambesane kakaisan me meba baiwa. Ande e nanala susuwa menalepia sumona tane nuwa menalepia nuitana. Ita nanala kampa winakasalepia eno winompo ideita walama puwapi.’”
1974	EXO 16:26	Walama 6 bedewe e nanala auwenuna tane walama 7 sa ipa Sabat walamawa, walama sawo e mai nana da donsana, dia.”
2038	EXO 19:11	ita walama natadeawa baiwa imaantopu. Walama sawo ne Iawe God wadi Sainai osowe iapo apana uduudu ewaneapua rua.
2062	EXO 20:10	tane walama 7 ipa Sabat walamawa, ita walama sa einapune Iawe e Godila baina ena. Walama sa bedewe mai mida da nolawa dewasapi, dia, mai e, mai obanla ba mida nolala dewalala, ba puela, ba apana da nambea wimone e bolalawo waimoia nolantopu, dia.
2750	LEV 1:4	Witaa pue sa uwawa osowe itua ita e aupaa wadepie bolepi tane Iawe God pue sa bolepia mampee e dewaa kadiwa mitepiaubepio dodomanaita.
4096	NUM 13:20	Tane do dogo bedewe mauralala ba ipasiawaia? Tane do ia inintoi ba, dia? E rubusane bola sa nanawa ipawa aisamone do otene winlena.” (Walama sawo, ipa wain bautaa uwauwa walamawa).
4435	NUM 23:18	Ita Balaam gagalowa ema wane wanase: “Balak, Sipo otopa, Wine ne gagalona ema etaadewaitaa.
5038	DEU 4:32	Walama sawo e Isibtiwa wanilano Iawe e Godila banlaleno nolelana ita me mukawa mampe ginasa pokawaau ita dewa debamau e emalawo dewamodie. Me adilawolene Isibt apanawa onau enene poka debama wanamon. Ita e me dewaleno apanawaida wanaiten, ita wadi Sainai iwe dobina bedewe ia debamaia idie bumedia bedewe me gagaloleidio etalana tane inawaa wainilana. Dewa inainambu ema rua mapo da epe segalen, ba? Dia! Tauma insaisala leusano tawo uduudu bedewe inseno alepi, bumpeido God apana dewasanawo dima segantona ita do muriwa e muitena insamona. Mai god da dewa inainambu ema rua dewamopona, dia.
5861	JOS 1:8	Walama uduudu waeuwa ema waeuwaitona. Tane do walama ita tadina nuaa bedewe insamone os wanempa, ema epe dewaite anaana ema uduudu ruawaitaatuapi. Ema epeinta e ando nolaa bedewe debamaite ipuipua segaitaa.”
5948	JOS 5:12	Walama sawo mo nana irai bedewe uwauwantona naieno dialeno aupe nana ebowa mana mai segalepona, dia. Sa baiwa Israel apanawa mai mana da napona, dia, tane mo Kanaan bedewe nana irailala naie waimoie.
7231	1SA 1:17	Eli sipoasane wanase, “Wanwan obasa euda manawo winepio do noe aitaa! Dima umanawa iririwaitena Israelwa Godiu eneepituwapi.”
7389	1SA 8:18	Walama sawo warere sa e umanawa wailana dewa inainamba ema e manlawo dewasampo ewana. Tane e sau baiwa Iawe God mampe iriritonuno me etalepie elepi mai saulepi, dia.”
7391	1SA 8:20	Ema epe inta bola isiwa apanawa ruauntata. Warere sa no nainimbanepe bautalepi alepie bola isiwa apanawa do ona maepu.”
7396	1SA 9:3	Walama dea Kis donkiwa rebanton. Sa baiwa me otopa Sol diene wanase, “E nola apanawa wadee ita nolene donki banumone aitana.”
7426	1SA 10:6	Walama sawo Iawe God aleupa odepie bedeawo wampio e do God insaisawa wane wadapositona. Iawe God e insaisaa leusapio apana inainaa sanaa segaitaa.
7427	1SA 10:7	Walama sawo eueuwa inainamba ema manawo segantopuo ewamoa, sa ipa God banlaempe dima diempa rua apanaa baibu dewamona me sauempo ipawanalempa.
7444	1SA 10:24	Ita Samuel apana diamone wanase, “Me ipa sa Iawe God sonaben e warerela. Mai mida da no Israelwa uduudu bedembo me rua, dia.” Ita apana uduudu rasantone waienase, “Warereitone wankasaitaa!”
7461	1SA 11:14	Tane ema aupe Samuel Israel apanawa mampo wanase, “Wino ana bola debama Gilgal bedewe ita osowe wate sabamosata Sol ipa no wareremba.”
7563	1SA 15:1	Walama dea Samuel Sol diene wanase, “Ne ipa ema Iawe God waaubanen mena osoawo memeno ita e warere segaiten me apanawa Israelwa uwaute oniamoa baiwa. Sa baiwa e Iawe God gagaloleidia deaitopa asisusaa.
7564	1SA 15:2	Iawe God Mukamukaua wanase, ‘Walama sawo Israel apana Isibtiwae nomoio Amalek apanawa nosinosiu mo bodamoiena, sa baiwa ne tauma mo kadimopa.
8193	2SA 7:10	Ne apanana Israelwa bolau wanamopa sape mo wanwan obasa bedewe wampudewae waimompa. Walama sawo uwauntompa apanawa ne teamono Israelwa oniamoie tane emalawoa apanawa mo poka wanamoie. Tauma mo ando mai epe dewantopua rua, dia. Ne mai osowe emalawoa apanawa dewamopo wimopue poka enalepu, dia. Ne Iawe God, e nosinosila do dewalepo warereitonuna.
8263	2SA 11:1	Madia walamawe mo dewau rua warere nomoie ona awa antoi. Sorodia uwaula apanawa ita do Israelwa sorodiau uduudu ona baiwa anton ita Dawid Ioab do wanaubeno alen Amon apanawa do onantopua baiwa. Walama sawo mo antone Amoniwa ona apanawa bomonatuwaiena. Ita enee bola debama Raba enane paneiena ita mai mida wisepie odepi ba nosepie alepi, dia. Tane Dawid bola debama Ierusalem bedewe wandie.
8307	2SA 12:18	Walama 7 dialeno aupe oto bolen. Dawid nolawa dewalala oto bolena umanawa wapona santon. Ita mo waienase, “Oto wandia walamawe me mampe no gagalontitano mai etaneipe, dia. Tauma oto bolena umanawa ambi wate diata? Meba kadi donsapio!”
8783	1KI 2:10	Warere Dawid Israel apanawa oniamodie, me bauta bola debama Ibron bedewe waina enawa 7 ita Ierusalem bedewe waina enawa 33. Tane me oniamodia enawa awodealena 40 waden. Me wandie boleno mo me nosinosiwa wineiawo bola ebowa Dawid bolawa Ierusalem bedewe dobontoiena.
8836	1KI 3:17	I ninalala dea bautaa wane wanase, “Warere, i ema ne nata du dea bedewe wainitee ne oto gamonten.
8868	1KI 5:1	Warere Solomon bola uduudu apanawa oniamon Eupirates esawa oso ualene, ita Pilistan apanawa waimoia bolauwo ita iene alene Isibtiwa enenituden. Apana sa amonau waaubantoie Solomon mampe inawaa wandia walamawe ita do mo me aiawa ruawantoie.
8900	1KI 6:1	Warere Solomon Israel apanawa ena natadea oniamon ita ena 4 bedewe uaboa natawa bedewe ebowa waia Siwi, me Iawe God duwa ualene wadedie. Tane Israel apanawa Isibtiwa waimoie ene antone ena 480 diasaieno aupe Solomon nola ema ualen.
8989	1KI 8:1	Warere Solomon Israelwa eiau uduudu, uwa daitada ita dan daitada uwaula diamona Iawe God sauawa badowa bokisiwa Dawid bolawa debamawa Saion bedewe awanepue do Ierusalemwa wimpu.
8993	1KI 8:5	Warere Solomon ita Israel apanawa uduudu saua badowa bokisiwa danawe enane sipsip ita kau uaraia pulontoie, pue ema mai wisiau rua uarakadinton.
9114	1KI 11:3	Warere Solomon manamanainapa uduudu 700 mo ipa warere anoanopu. Ita do nolawa iotopa 300 mo ipa me manamanainapa. Ioto ema me nuawa teineieno Iawe God nuawadawadasadia en.
9118	1KI 11:7	Wadiwa Ierusalemwa omo wisedia deneuwe warere Solomon Moab apanawa godiu kadiwaida Semos ita Amoniwa godiu kadiwaida ebowa Molek wadaposiu bolau dewamodie.
9140	1KI 11:29	Walama dea Ieroboam Ierusalem ene aleidie into peroweta Aisa donsan. Me bolawa debama Silo bedewe wanwanla. Mo nata into bola sawanaida bedewe dondonton tane Aisa garawa onapea sanaa taudie.
9151	1KI 11:40	Warere Solomon Ieroboam bosapona baiwaleidie tane me sawe weuwane warere Sisak mampe Isibt bedewe alen. Solomon inawaa wandio rua me sape wankasalen.
9155	1KI 12:1	Warere Reobeam bola debama Sikem bedewe alen Israel apanawa uduudu sape onioniantoia me wisepio itupuo warereu segalepi.
9166	1KI 12:12	Walama natadea diantono Ieroboam ita apana uduudu me diamona rua leuntone wimoiena Reobeam gagalowa etapua baiwa.
9167	1KI 12:13	Warere Reobeam apana eiau wasaubu gagalowa mai etapona, sa baiwa me badowa apana mampo gagalolen.
9173	1KI 12:19	Walama sawo ita odene tauma Israel apanawa einapue Ieroboam atowentone bola Iuda bedewe wanwanla Dawid bedewea do emalawoantoie waimoie.
9556	2KI 2:1	Walama kerauda os bedewe Iawe God Elaia wadepiposidepio wiriwiritoto asiasi odepie uboo alepi, Elaia ita Elaisa bola debama Gilgalwae nomone antoie.
9615	2KI 4:8	Walama dea Elaisa bola debama Sunem bedewe alen. Sape maura iwa wandie ita me Elaisa iririidasadia me duwa bedewe wimpe nana napona. Sa baiwa walama isiwa me inta sa asiasi iedie nana nadie.
9618	2KI 4:11	Walama dea Elaisa Sunem bolawa bedewe leulene wisene ita wandia bolawe du iwe bubualepia baiwa odene alen.
9649	2KI 4:42	Walama da bedewe apana dea bola debama Baal Salisa bedewe wandie wisene Elaisa bured uduudu 20 wanen. Apana ena sa bedewe nanau ipawa bauta itudia uwauwantoia ebowa waia bali otene wimone bured sumoiena. Tane do nana ipawa sanaa uwauwantoia Elaisa deuawa aine waneiena. Tane Elaisa nolawa dewalala diene wanase, “Nana sa peroweta auweia wanamowo ita napu.”
9670	2KI 5:19	Ita Elaisa Naeman diene wanase, “Wanwan euda obasa e bedeawolepio aitaa.” Ita me ene alen.
10146	2KI 21:23	Warere Amon nolawa apanawa debamau me bosapua gagalontone ita warere duwa bedewe bosaiena.
10150	2KI 22:1	Walama emawo Iosia enawa 8 wadeno me Iuda warerewalen ita Ierusalem bedewe wandio enawa 31 dialen. Me inawa ipa Iedida Boskat apanawa Adaia anoopa.
10170	2KI 23:1	Warere Iosia Iuda tawowa apanawa eiau uduudu ita bola debama Ierusalem apanawa eiau diamono mampe wimoiena.
12103	EZR 3:1	Walama sa uaboa 7 wadeno Israel apanawa muba bolauwobolauwo waimoia ene wimone Ierusalemwa awodeantone waimoie.
12109	EZR 3:7	Warere Sairus oaleno rua mo ia badowa ebowa sida Lebanon tawowa bedewe inintoia tomopu God duwa wadapua baiwa. Mo seu nolawala apanawa ita kanda mane wanamopu. Tane Saidon ita Taire apanawa isiwa nana, esa ita mena wanamoiena mo ia sa neanamopuo owa asiasi bola Iopa bedewe wimopua baiwa.
12506	NEH 8:9	Tane apana anaana gagalowa etane ke waiena sa baiwa gabemani Niamaia, anaana waeuwala Esra ita Liwaiwa mo mida waeuwantoia apanawa uduudu mampo wane waienase, “Walama ema ipa kakaiwa Iawe e Godila baiwa ita e mai nuala parelepio ke wana!”
12507	NEH 8:10	Niamaia wanase, “Tauma e aitane esa ita nanala eubu uwatauwa namona ita mo mida mai dima da wadape wimopona nanala moa wanamona. Walama ema ipa kakaiwaida Iawe God mampe. Iawe God e nuaeu enalen ita e muka wadana sa baiwa mai nuala parelepi, dia.”
12879	JOB 1:6	Walama dea Iawe God danawe me enseliwa auweiena ita Seitan do sape wisen.
12886	JOB 1:13	Walama dea Iob obampa mona ita iwoa otopa tautuwa duwa bedewe oda dewasaie.
12909	JOB 3:1	Wiki sa aupe mai mida gagalolepona, Iob gagaloleidie ualene inawa gamosana walamawa aiawa badowa mampe wadabuasan.
12912	JOB 3:4	Walama sa iwinlepona! God iono mai banusapi, ita sapa mai osowe me sapasapi.
12916	JOB 3:8	Wene apanawa walama ema badowaida wadabuasapu; mo ipa sa owa motawa debamaia poru wadamesawa atenton.
13804	JOB 38:7	Walama sawo walama kiporawa uduudu sasantoie, ita God enseliwa uduudu nuaeu mampe wadaposintoie.
14310	PSA 27:8	E ne dianee waanase, “Wine mainawo gagaloitaa.” Sa baiwa tauma ne manawo iedina.
14418	PSA 34:11	Walama isiwa pue laion omana tomodio lai, tane mida Iawe God sumanaiwantoia nitu uduudu mampe rua os waimoi mai nitu da abolawantopu, dia.