362	GEN 15:1	Ema aupe Iawe God Abram mampe auen rua bedewe segalene diene wanase, “Abram mai saitaa, ne e etea enabodawa; ita do unea debamaia winedia eneepa.”
478	GEN 19:20	Ewee; e ne eneano bola sisi kerauda maida winedia bedewe tauwadea anteape inanteapa.”
1240	GEN 41:44	Tauma warere Iosep diene wanase, “Ne ipa warere; e dieedina mai mida da Isibt bedewe wisepie e amboiaepie meba insaisawa rua dima da dewasapi, diaida.”
1440	GEN 47:19	Dima baiwa wane ewaneiano omana bowantata baiwantitana? Rua ba, dia; no nubaida ita tawomba eneeto gimaraite sipoa nana nenawo nate inantata. Tane do no ita tawomba do warere atowentate nolawa dewalala wanantata. Ita e lawuru naumba nenawo iraintate osowe wanta mai bontato tawo nowa di winepi, dia.”
1595	EXO 3:15	Tane do God Moses mampe wane wanase, “E aite Israel apanawa ema epe diamoa, ‘Iawe God, e nosinosila Godiu, sa ipa Abraam, Aisak, ita Iakob Godiu, me ne waaubanen e manlawo. Ne ebona, Ne ipa ne ebona winakasalala; ando ita ando apana muntompa ne ebona epe wampa.’”
1841	EXO 12:24	Tane e obanla do tawo Iawe God saualena enalepia bedewe odane, e ita obanla do ema epe dewaitana; e Pasowa odawa ena deadea bedewe insenune dewasanune wankasaitana.
1924	EXO 15:3	Me ebowa ipa Iawe God; Me ipa apana onawaa.
1935	EXO 15:14	Bola daitada apanawa e dima dewasaana umanawa etane uwauwabobontone saidanton. Pilisitia apanawa saidantone nuau pokaida wadie;
1936	EXO 15:15	Tawo Edom apanawa uauntoia memesaidantone saidanton; Moab apanawa debamau santoie etepu uwedie; Kanaan apanawa uduudu santone guribubuntoie.
2213	EXO 25:17	Ita e bokis enabodawa ebowa; kadi insempadabuasampa goldida os mampe dewasaa, daumalepia sentimitawa 110 wadepi ita debamalepia sentimitawa 66 wadepi.
4441	NUM 23:24	Israel apanawa mukau ipa debamaia pue onawaa laion rua; me mai di wampia rua, dia, me ideita aleidie moiawa bomodie namode, ita do osinapu remoleidio dialeide. Ita edie aleidie bubualeidie ituleide.”
12913	JOB 3:5	Iwin debama walama sa nopesapi; Giou rupusapibodepi; ita iwin ema inana gamonena walamawa saanasapi.
12914	JOB 3:6	Iwin debama tadina sa wadepidodepi! Tadina sa mai nuaeulepi ena sa bedewe walama isiwa ruau; ita mo mai walama sa wisiantopu ena sa bedewe.
12915	JOB 3:7	Oa, tadina sa mai ipawa itupi; ita nuaeu kawa me bedewe mai etapu.
12916	JOB 3:8	Wene apanawa walama ema badowaida wadabuasapu; mo ipa sa owa motawa debamaia poru wadamesawa atenton.
12917	JOB 3:9	Tadina sa ne inana bupe oto dua intawa mai gudulepona, ita poka saiwa mainawo mai weregasapona. Sa baiwa tadina sa walama kiporawa dubasampa; ita sapa banusapi tane mai donsapi, dia, ita mai tadinaida omo emawa siapa ewepi, dia.
12921	JOB 3:13	Ne inana gamonedia walamawe, bonteape iape daina winapona; ne itunteipe bubuanteipona.”
12938	JOB 4:4	E aiaa mampe apana omeia saumoano eneiena; apana imimpu oaoarau e dewamoano badonton.
12939	JOB 4:5	Tane tauma poka saiwa manawo wiseno e insaisaa omen; poka saiwa ibua wadeno saidaiten.
13800	JOB 38:3	Naita e apana, imaite wine nainawo enaa; Ne e waitaraepino sipoanea.
13944	PSA 1:1	Nuaeu debama me mampe mida mai kadi dewalala do warorontoipona ba aiau eteipe ruawaleipona; ba kadi dewalala ita do mo mida God wasiwa waia, bedeuwoleipe do deantoipona,
14256	PSA 23:4	Tane ne dewa da badowaida kadineampo boida baiwantepine mai bo ba kadiwa sawanteapa, ipawa Iawe God e ipa ne do mai eneipona, dia; e koinaa mampe bodaneie onianeiana.
14257	PSA 23:5	E nisoneiano emalawoana apanawa ewaneio oda nanawa debama imasaanawo iedina. E ne ituposineaana manawonteapa baiwa mena wadee uanawo memeana; do nana nadine pokanedio wainedina.
14729	PSA 51:6	Ne kadiwa e manawo dewasana, dea e os manawo; e emaawo ne eueuwana ipa kadiwa. Sa baiwa e ne diane waanase, “E kadiwa dewasaana!” E ulaipa waiana. E ne matangelanea, sa e dewa dodomana dewasaiana.
14733	PSA 51:10	Ne kadina inseiadabuasaiana umanawa wawo etape ita ulaipa mampe nuaeuntapa; e ne dewaneano neaina nonosinton tane osowe dewaneawo nuaeutapa.
14743	PSA 51:20	O God, bola Saion nuaparewaitee sausaa; me gonaawa tewana osowe wadawo enepi.
14744	PSA 51:21	Ita apana amonau nuau dodomana mampe e manawo dewasampo nuaa eulempa; mo pulou daitada sumpe e nuaa eusampa ita kau mona e oltaa osowe pulontompa.
15452	PSA 90:9	No wainitano e nuaa kadileide; apana nonaupa itumpaiompa rua e no wanwanimba tauwadea os kampasaana.
15453	PSA 90:10	No wantaa enawa ipa 70, tane apana isiwa mukantopua wampuo enau 80 wadepi; no wainite sai uara donsaitana, mai wainipono daumaleipona ita bontitana.
15577	PSA 100:3	E insene ateitana Iawe ipa God. Me no dewanen; no ipa me apanawa onianedio wainitana, gamo onionia sipsipwa oniamodia rua.
15622	PSA 103:6	Iawe God apana ewadabualala saumode ipawa me dewawa dodomana; me mo mampo kotuwa dodomana os dewasade.
15627	PSA 103:11	Mo mida me wiwirawantoia mampo me nuawadawadawa ipa debamaia winakasalala; nuawadawada sa ipa iono uba debama winedia rua.
16315	PSA 139:8	Ne odape uboo anteapa, e sape wainiana; ba bolala bolauwo iape anteapa, e sape wainiana.
16321	PSA 139:14	E dewa pokawaa dewasae dewaneana baiwa wadaposiedina; nitu uduudu e dewamoiana ipa eubuida. Ne nuana uduudu mampe atenten.
16329	PSA 139:22	Ne nuana kadiidaleide mo mampo; sa baiwa mo ipa ne emalawoana apanawa.
16631	PRO 6:21	Mo aiau nuaawo ituwo walama uduudu winompa; ita do posaru rua gadompawo seuwo winompa.
16632	PRO 6:22	E a leuna bedewe mo wasaubu e inta waeuwaempa; do itua bedewe mo waeuwau e oniaepi, ita do itu bedewe enona walamawe aia ema e gagaloepi.
16709	PRO 9:1	Aten Insaisawa Euwa meba duwa waden; meba unsia 7 dewasan.
16714	PRO 9:6	Insakoa dewawa emona ita wanwan euda waina; aten insaisawa euwa bedeweitane ita dewasana.”
17028	PRO 20:4	Apana etedabuala mai irai walamawa osowe iraileipona; sa baiwa uwauwa walamawe nana dia baiwa mai uwauwalepi, dia.
17392	ECC 1:7	Esa nomoie owa bedewe antoi, tane owa mai nopeleipona; esa leuleidie aupawe wiseide, ita aleide.
17393	ECC 1:8	Nitu uduudu segaleidia etea dabuasampa rua, gagalowa wawa apana mai menamoipona; emamba nitu ewamode tane mai pokasaipona, ita asimba dima etamodia mai pokasaipona.
18393	ISA 35:3	Witala aiaisintona ita iminla oauarantona badomona;
18499	ISA 40:9	Saion, e Gagalo euda benemaitaa baiwa wade ieiana odee, aita wadi iwa ionoidolena osowe. Ierusalem, e Gagalo euda wade ieiana ka wae gagaloitaa, ka waa mai saitaa; Iuda bolawa debamau bedeuwo apana waimoia mampo gagaloite waase, “Ewane! E Godila ema ambi!”
18711	ISA 49:5	Iawe God ne dewanene inana bupa bedewe itunene, sonabanena me nolawa dewalala seganteapa. Me epe dewasana me apanawa otamopie leumopio me mampentopua baiwa, Israel apanawa meba wawa bumpe awodeamopia baiwa; Iawe God ne ituposinene ebona debamasan, ne Godna muka nen.
18786	ISA 53:5	No dewamba kadiwa baiwa me eneiena, no dewamba kadiwa baiwa me epeiena; me poka etena bedewee no wanwan euda obasa donsatana, me epeiena kerowa bedewe no inanten.
18787	ISA 53:6	No uduudu sipsip rebaleidie inta banuleidia rua rebanten, no deadea nuba intambointambo antite; tane Iawe God no wawumba ita kadimba daitada matangelawa me osowe ituno awanene pokawa eten.
18788	ISA 53:7	Mo me dewasaieno poka rebarebaida eten, me mai aiawa da wapona, dia, tane nua aiaisiwa mampe sai sa awanen. Mo sipsip bosapua apanawa mampe banleie antoia rua banlene bosapua baiwa antoiena; sipsip bunawa imba totontoia apanawa danauwo onasia enedia rua, me onawa apanawa danauwo daina di enedie.
18791	ISA 53:10	Mo me epaepabobosaieno poka etene nuapareidalena sa ipa Iawe God insaisawalena rua segalen; nola dewalala sa meba etepa amonalene pulo rua kadi baiwa ituna, me damba uaralepia baiwa. Me ando walama dauma wankasalepi, ita me bedewee Iawe God insaisawa ipawanalepi.
18923	ISA 61:10	“Iawe God nuaeuwantedina ita do ne Godna dewa euda mainawo dewasana baiwa nueuidantedina. Me ne inanen ita dewaneno dodomananten me meba rua, ina ita dewa dodomana sa ipa ne garana rua; me ne benanena ewaewawa ipa apana mida nainai baiwaleidie nainai garawa eubuida taumodia rua, me ne benanena ewaewawa i nainai baiwaleidie beran inoleidie benaleidia rua.
18958	ISA 64:3	Mapoido mai mida da God da e ruaa umanawa etapona, mai mida da God da e ruaa ewapona; e apana mida sumanaiantoie waimoia saumoiana.
19432	JER 17:6	Mida epe dewantoia mo ipa ia kerakera sala makowa bedewe ini oauarantoia rua; mo sala makowa bedewe mai dima inintoipona bolawe waimompa, dogo sa ipa tonapa ita dasia bedewe mai mida da waimoipona. Apana sa mampo mai dima da euda ando segalepi, dia.
19434	JER 17:8	Mo ipa ia maneu tampe inintoia rua, ia sa waapu ieie aidantoie esa euda wadeie inintoie enei; ia sa omo polawa mai sawantoipona, ita do walama dauma unu wapie butamopia onioniawantopue enapua rua, mo asiu mai tonantopue nonosintopu, dia. Mo walama uduudu ipau naumompe winamompa.
22626	JON 2:10	Tane ne nebaida e os wadaposiepina; Ne e manawo pulo itupa, ne dima e manawo sauatena rua dewamopa. Iawe God e os apana inamoiana.”
23077	ZEC 9:9	Iawe God wadiase, “E bola debama Saion apanawa nuaeuidaitana! E Ierusalem apanawa nuaeu kawa wana! Ewane e warerela manlawo iede, me dewawa ipa dodomana ita ona nanausana apanawa. Me etepa molaisiwa donki osowe waine iede; Oa, me donki sanaa osowe waine iede.