59	GEN 3:3	Tane God wanase, ‘Irai bedewe ia sawanoido enedia ipawa mai wadane nana ba ibuwa wadane etana, dia. Naita epe dewaitana e ando boitana.’”
311	GEN 12:12	Ita Isibt apanawa e eweepue wapuase, ‘Ema apa me manainapa, ita mo ne boneapue aupe e wadeepue mampoepu.’
360	GEN 14:23	Ne ando mai dima da e manawo wadapa, dia. Ema epe inta e ando mai waase, ‘Ne Abram dewasano maura apanawa segalen.’
396	GEN 16:14	Ita ema baiwa me maneu sa ebowa itune wanase, ‘Bea Laia Roi.’ Maneu ipa sa tauma aleide Kades ita Bired sawanauwo.
438	GEN 18:13	Tane Iawe God Abraam diene wanase, “Dima baiwa Sara oi wane wanase, ‘Ne gulaunten ide oto wadapaa rua, ba?’
439	GEN 18:14	Iawe God mampe mai dewa da saiwa wineipona, dia. Ne dieene wanase, ‘Ande winena rua deawa imonepi enawa bedewe leunteape manawo wineapo manainaa oto mona gamosapi.’”
564	GEN 22:16	“Iawe God wanase, ‘E ne aiana etee ruaitene otoa mai anatepona baiwa ne sauana badowa neba ebonawo itudina,
599	GEN 24:7	Ita me wanase, “Iawe, God uboo wanwanlala me mida ne gombana ita baida sosona do wainitano banlanene mape wisena, me saua badowa dianene wanase, ‘Ne ando tawo ema e nosinosia wanamopa.’ God ipa sa enseliwa wapiaubepio bautalepie alepi. Sa baiwa e aite ne otona iwa banle winea.
606	GEN 24:14	Ita ne mo bedeuwo dea diape wapaase, ‘Rua ba dia, e esa utee ne neawo napa.’ Tane me wapiase, ‘Oa, ne dewasapa ita do puea kamel esa wanamopa.’ Epe segalepia, me ipa sa e sonabeana e nolaa dewalala Aisak baiwa. Ema epe mampe ne atenteapa e dewa euda ne onianedia apanawa mampe dewasaana.”
631	GEN 24:39	Ita ne me waitarasane wanase, ‘Naita i da donsape nata mape wimwimba dabualempo, ambi dewanteapa?’
632	GEN 24:40	Tane me ne wasaunene wanase, ‘Dima ne diena, ideita segalepi, ipawa Iawe God mida onianedio wainedine leidina enseliwa wapiaubepio e tanawolepie sauepio dima awa aitiana ipawanalepi. Sa baiwa e ideita ne dainaida mamana sosowaida bedeuwo aite i da donsaa, ne otona baiwa.
639	GEN 24:47	Ita ne me waitarasane wanase, ‘E mida anoopa?’ Me leusane wanase, ‘Ne Betuel anoopa, me ipa Milka gamosana Nao otopa.’ Ita me epe wano ne etane rin baidawe seuna ita asama witape aimona.
938	GEN 32:10	Tane Iakob rauparilene wanase, “O God ne atana Abraam Godiwa ita ne mamana Aisak Godiwa. O Iawe God, e ne diane waanase, ‘Leuite bolaawo ita gombaa mampo aitaa ita sape ne e manawo dewa eubu dewamopa.’
941	GEN 32:13	Ita do e ne sauanee waanase, ‘Ne ando e dewaepo eboa debamalepi ita do dana dewasapo owa nelawa mai wisiantopua rua segalepi.’”
947	GEN 32:19	Ita me epe waitaralempo diane wanase, ‘Pue ema uduudu ipa e nolaa dewalala Iakob mebaawa ita me nuaeuwa amonawa waubalen me debamawa Esau baiwa. Tane me no wambo odedia wisepi.’”
1368	GEN 45:9	Tauma e tauwadea os ne mamana mampe aitane diane wanaase, ‘E otoa Iosep wanase, God ne dewaneno Isibt tawowa uduudu atonawoleno oniedina. Sa baiwa mai wankasaita ie wina mainawo.
1418	GEN 46:31	Tane Iosep tatatawa ita wamba mida me mamba duwa bedewe waimoia diamone wanase, “Ne odape anteape warere diape wapaase, ‘Ne tatatana ita waina mo mida ne mamana duwe wanwanlala bola Kanaan bedewe waimoie mainawo wimoiena.
1420	GEN 46:33	Ita e warere dialepio mampe odane aitana ita me waitaralepie wapiase, ‘E nola dainea dewasailana apanawa?’
1421	GEN 46:34	Tane e me sipoasane wanase, ‘No kerakera wainitana walamawe ita odena tauma debamantenawo no ipa pue onioniala apanawaida wainitana mapo no atatamba dewantoia rua.’ Me epe etepie bola Gosen enalepio bedewe aitane waina, ipawa Isibt apanawa dewau ipa mai apana pue onionialala do awodeantopue wampu, dia.”
1456	GEN 48:4	dianene wanase, ‘Ne e dewaepo obana uarantopu, do dewaepo nosinosia uarantopue uwa daitada segantopu ita do bola ema e nosinosia wanamopo bolauidawanalepio wankasantopu.’”
1472	GEN 48:20	Ita walama sawo me sau euda mo osouwo itune wanase, “Ando Israel apanawa sau euda itutuwa baiwa e ebola wampe wampaase, ‘No rauparintitana God sauwa euda e osoawo itupi, Eparaim ita Manase osouwo ituna rua.’” Me epe wane ita Eparaim ebowa bautasane wan ita muriwa Manase ebowa wan.
1512	GEN 50:5	‘Ne mamana dianeno mampe sauanten, me wanase, “Ne bonteapa baiwantedina ita bonteapo etena wade leuite aite Kanaan bolawa bedewe bo nagawa ne imaasana bedewe dobosanea.” Sa baiwa me ne waaubanepio anteape mamana dobontape leuntape wimpa.’”
1524	GEN 50:17	E Iosep ema epe diana, ‘E tatataa kadiwa debama manawo dewasaiena, tane ne menanedia e mo kadiu inseadabuasa.’ Sa baiwa no e mamaa Godiwa nolawa dewasaitana apanawa iririeitana kadimba inseadabuasaa.” Tane Iosep tatatawa gagalou etene ke debamaia wan.
1593	EXO 3:13	Tane Moses wanase, “Ne anteape Israel apanawa diamope wapase, ‘No nosinosimba Godiu waaubaneno e manlawo winen.’ Ita mo wapuase, ‘Me ebowa ambi?’ Ita ne ambi wape diamopa?”
1594	EXO 3:14	Tane God Moses diene wanase, “Ne ipa ne! Ita e Israel apanawa diamoe waase, ‘Me ebowa ipa “Ne ipa ne waaubanen e manlawo.”
1595	EXO 3:15	Tane do God Moses mampe wane wanase, “E aite Israel apanawa ema epe diamoa, ‘Iawe God, e nosinosila Godiu, sa ipa Abraam, Aisak, ita Iakob Godiu, me ne waaubanen e manlawo. Ne ebona, Ne ipa ne ebona winakasalala; ando ita ando apana muntompa ne ebona epe wampa.’”
1809	EXO 11:2	Sa baiwa tauma nolene aitane Israel apanawa diamone wanase, ‘E uduudu nolene Isibtiwa mida tanlawo waimoia mampo aitane diamono etepu benawa gold ita silwa mampe dewamoia iririwaitano enalepu.’”
1811	EXO 11:4	Sa baiwa Moses alene warere diene wanase, “Iawe God wadiase, ‘Ne tadina pouwe Isibt tawowa bedewainta anteapa,
1815	EXO 11:8	Ita Moses wanase, “E nolaa dewalala apanawa debamau uduudu wimopue ne mainawo dunentopue wapuase, ‘E apanaa do aitana!’ Ita muriwa ne anteapa.” Tauma Moses nuawa kadileno ita warere ene alen.
1820	EXO 12:3	E aitane Israel apanawa uduudu diamone wanase, ‘Uaboa emauwo walama 10 oso apana uwala du deadea baiwa pue sipsip ba gote sanaa me duwa apanawa do napua baiwa sonabepu.
1832	EXO 12:15	‘E bured mai ist dola nanuno walama 7 dialepi. Tane oda ualempo walama sa dea bedewe ist uduudu e manlawo duwa wineia otamone aubamona. Oda ema ualempo mai mida bured ist bedewe itune dewasaiena napi, ideita walama 7 diantopu. Tane apana mida walama 7 sa bedewe bured ist dola napia me Israel apanawa mampo wapuaubepuo emopie aidalepi.
1843	EXO 12:26	Tane e obanla waitarantopue wapuase, ‘No oda ema dewasaitana ipawaida dima?’
1844	EXO 12:27	E mo sipoamone wanase, ‘Ema ipa Pasowa pulowa, Iawe God ebowa wadaposiwa baiwa. Mapo tadina sawo Isibt bedewe Iawe God no dumba eniene alen. Ita Isibt apanawa dubu bedewe obampu tautuwa mona bomon, tane no obainimba emon. Sa baiwa no epe dewantitana.’” Ita Israelwa uduudu dunentone Iawe God wadaposisaiena.
1882	EXO 13:14	Ita ando e obanla waitaralepue wapuase, ‘Dima baiwa no dewa ema dewasaitana?’ Tane e mo diamone wanaase, ‘Iawe God mukawa debama mampe no Isibt tawowa bedewe wadaaubaneno nonen. Sape no nola pokawa etatana, ita mai malesa do nolantepona, dia.
1902	EXO 14:12	No Isibt bedewe wainitana walamawe no dieete watanase, ‘No enea, mai umanamba wana, no Isibt apanawa baibu nolantonte wainenta!’ No Isibt apanawa baibu nolantite wainitana etaetawa euda rua, tane mape sala makowa bedewe bontata baiwantitana.”
1930	EXO 15:9	Tane emalawoa apanawa asowawalene wanase, ‘Ne mo tanamope anteapa, ita ne mo wadaitumopa, tane mo puraiwau eubu uduudu ne menanedia otamopatuapi, ita isimana teinepaaubepe mo bomopa.’
1960	EXO 16:12	“Ne Israel apanawa momoduntoio etamona. Ema epe diamoa, ‘Rawilempo e moia nana tane tadinaida nuala menasadia rua bured nana. Ema epeinta e ateitana ne ipa Iawe e Godila.’”
1964	EXO 16:16	Iawe God ema epe wade, ‘Apana deadea meba nanawa napia ruawalepie nana sa auwepi. Ita apana du dea bedewe waimoia muba baibu posa deadea aimopu.’”
1971	EXO 16:23	Ita me mo diamone wanase, “Ema ipa Iawe God anaanawa, ‘Imonepi ipa e bubuaitana walamawa. Walama sa Iawe God einpue nambesane kakaisan me meba baiwa. Ande e nanala susuwa menalepia sumona tane nuwa menalepia nuitana. Ita nanala kampa winakasalepia eno winompo ideita walama puwapi.’”
1976	EXO 16:28	Ita Iawe God Moses diene wanase, “E apana ema epe diamoa, ‘E ambi ne waeuwana ita anaanana mai eteipe ruawaitipona.
2031	EXO 19:4	‘E ebaida dima ne Isibt apanawa mampo dewasana ewale ateiten, ita atenla ne inamoia obampu mabupa osowe awanamodie aleidia ruawa ne e mabuna osowe awanalene banlaleno mape mainawo wilen.
2451	EXO 32:12	Naita e mo kadimoa Isibt apanawa etapue wapuase, ‘E insaisa kadiwa insee baiwa Israel apanawa banlamoano wadiwa wimon ita sape e kadimowo diaidantopu.’ E mai nua kadilepio kadimoa.
2452	EXO 32:13	Insea e nolaa dewalala Abraam, Aisak ita Iakob mampo eba eboawo badowa sauaitene waanase, ‘Ne e nosinosia dewamopo uaraia kipora uba tampe wineia rua segantopu. Ita nosinosia bola ema uduudu sauamona wadapu ita mubaauwanalepie winakasalepi.’”
2462	EXO 32:23	Sa baiwa mo ne dianeieno pue kau inainamba rua dewasana no banlanempe onianempa baiwa. Mo ne dianene waienase, ‘Apana sa Moses Isibt bedewe wainitano banlaneno nonetana, mai atentepona dima me mampe segalen.’
2463	EXO 32:24	Ne mo diamone wanase, ‘Mo mida mampo bena oaoaua gold mampe dewalala winompa otawiantopu.’ Ita rua mo otawiantone ne neieno ia bedewe aubamono pue kau segalene wisen.”
2466	EXO 32:27	Ita Moses mo diamone wanase, “Iawe Israelwa Godiu ema epe wan, ‘E uduudu isimala moamoaua otamone bola wainila bedewe aitane bola sa uduudu bedewe sosolaida, baida sosola ita sosola tanlawoa uduudu bomonatuwapi.’”
2748	LEV 1:2	“Israel apanawa mampo gagaloite diamoe ema epe waa, ‘E mida Iawe God mampe pue puloite susuwa meneempa e pue kau, sipsip ba gote wadee wine amonaa itua.
3056	LEV 13:3	Ita pirisi sa mo bene me etepe ewadewasasapu ita bene sa bedewe imba sapusaua segalepia ita do bene apana etepa bedeweido iepi alepia, sa ipa kero debamalene kadiwaida segalen. Ita pirisi apana diamopie wapiase, ‘Apana ema Iawe God emawe miramiralen.’
3098	LEV 13:45	Apana mida etepa kadilepia me gara kadiwa pumpumba taupi, ita do me mai uawa sinatalepi dia. Me gara wadepie moawa taupibodepie ita apana mampo wapiase, ‘Ne miramiranten, apana mai tainawo winlena, di diaida.’
3254	LEV 18:2	“E Israel apanawa mampo gagaloite waase, ‘Ne ipa Iawe e Godila.
3284	LEV 19:2	“E Israel apanawa auwamoe diamoe waase, ‘Ne kakaiwa dodomana wainedina rua e kakaiwa dodomana wanlempa.
3325	LEV 20:6	Iawe God Moses mampe wane wanase, “E Israel apanawa diamoe waase, ‘Apana da menasadia dewa da ipawa atenlepona me ne mainawo iririlepi. Tane mai apana mo mida bolala mampo gagalontoia mampo aitane gagalo ipawa ateitana baiwa iriritano dialepu. Naita mida epe dewalempa ne me mampe adina itupa ita mai ne apanana bedeuwolepi, dia.’”
3466	LEV 24:19	Iawe God Moses diene wanase, “Israel apanawa diamoe waase, ‘Apana mida sowa epepia sipoa apana sa epapu.
3848	NUM 6:24	‘Iawe God sau euda e osolawo itupie ita oniadewasalempa.
4381	NUM 22:5	Sa baiwa me apana waaubamono gagalo wadane Beoa otopa ebowa Balaam mampe antoiena bola debama Petoa esa debama aleidia tampe Amawi apanawa tawou oso. Ita mo antone me dieiena me mampe alepi ita diane waienase, “Balak wana, ‘Apana Isibtiwae nomona, mo bola uduudu bedewainta wainatuwaiena ita ne tainawo do waimoi,
4813	NUM 33:51	“E Israel apanawa ema epe diamoa, ‘E esa Ioadan nawane Kanaan bolawa bedewe odane,
4857	NUM 35:10	“E Israel apanawa ema epe diamoa, ‘E esa Ioadan nawane Kanaan bolawa bedewe odane,
5012	DEU 4:6	E anaana ema deaitopa ruawaitonune wanlempaa mampe bola isiwa apanawa e insaisala dodomana ita atenla debama ewapu. Ita mo anaana ema uduudu etapue wapuase, ‘Ulaipa Israel apanawa dan debama mukawaa seganton, mo insaisa dodomana ita aten debama apanawa.’
5156	DEU 8:17	Tane ewanadewaitana mai eba insene wanaase, ‘No nuba mukamba mampe badowa nolantene mauraidanten.’
5380	DEU 17:14	Ita Moses wanase, “Iawe God bola ema enalede, bola sa bedewe odane emalawoala apanawa nanaumone aimone ita du wadamona. Aupe ema epe wana, ‘Bola isiwa tainimboa warereu do waimoi, sa baiwa no do warere da sonabeto onianepi.’
5382	DEU 17:16	Apana sa mai meba baiwa oas uara otepi ona baiwa ba apana waaubamopio leuntopue oas isiwa otepua baiwa Isibtiwa antopu. Ipawa Iawe God wanase, ‘E mai leutane Isibtiwa aitana, diaida.’
5402	DEU 18:16	Ipawa walama sawo e wadi Sainai atowe e uduudu auwelana ita eba Iawe God iririsale walanase, ‘No mai dewanewo osowe Iawe no Godimba aiawa etata ba ia debama idi bumedia ewata, no ando bontata sawa.’
5403	DEU 18:17	Iawe God ne mainawo wane wanase, ‘Dima mo waiena ipa euda.
5407	DEU 18:21	Tauma e eba waitaraitana, ‘No ambi atentata, me benema ema Iawe God mampea wade ba, dia?’
5845	DEU 34:4	Tauma Iawe God Moses diene wanase, “Tawo ema umanawa ne Abraam, Aisak ita Iakob mampo badowa sauantene wanase, ‘Ne tawo ema ando e nosinosia wanamopa.’ Ne bola ema euwaeno emaa os mampe ewaana, tane mai sape odee wana, dia.”
6480	JOS 24:2	Iosua apana sa uduudu diamone wanase, “Iawe, Israel apanawa Godiu wadiase, ‘Mapoido e nosinosila Tera ita me obampa Abraam ita Nao esa Eupirates waiwa dauwo waine god da wadaposimoie.
7422	1SA 10:2	Ita ande ne enee aitona, e apana nata Reitel dobontona bolawa tampe dommoa bola debama Selsa bedewe, Beniamin bolawa alene enentudenawo. Mo e manawo wapuase, ‘Donki sa e banumoilana dommoiena. Tauma e mamaa pue sa mai insamoipona, dia. Me ipa e insaedie ita wadiase, “Ne otona naepe donsapa.’”
7432	1SA 10:12	Mo wane waienase, “Sol ide ulaipa peroweta, ba? Mo walama sawo uantone aia sa waiena tauma ideita wai. Ipawa apana dea wane wanase, ‘Dima baiwa me mamba atentata umanawa waitana, apana da reba peroweta nolawa wadepia rua?’”
7438	1SA 10:18	Mo antone bola sa bedewe wimono Samuel diamone wanase, “Iawe, e nosinosila Godiu ema epe wade, ‘E Isibt apanawa mukau atowe wainilano otaubalene banlalene bola emauwo winene ita bola daitada apanawa e ituaisileia mampo inalena.
7564	1SA 15:2	Iawe God Mukamukaua wanase, ‘Walama sawo Israel apana Isibtiwae nomoio Amalek apanawa nosinosiu mo bodamoiena, sa baiwa ne tauma mo kadimopa.
7599	1SA 16:2	Tane Samuel wanase, “Ambi anteapa? Dewa ema umanawa Sol etepia ne epanepibolepi.” Tane Iawe God wanase, “A baiwa kau iwoa bunawa wade aite ita waase, ‘Ne Iawe God mampe pulo itupa baiwa winen.’
7686	1SA 18:8	Tane Sol aia ema etene mai nuawa eulepona, dia. Sa baiwa me nuawa kadileno ema epe insen, “Mo Dawid ituposisaie waiase, ‘Me apana 10,000 bomon ita ne 1,000 os bomona. Ita mo ando me dewasapuo warereulepi!’”
7777	1SA 21:3	Dawid pirisi Elimelek sipoasane wanase, “Ne warere dianena nitu da dewasapa. Tane me ne dianene wanase, ‘Ne waaubaedina umanawa ita waeuwa dieena mai mida da diaa!’ Ne sorodiana diamona antopue bola dea bedewe ne onianeapu.
8137	2SA 5:2	Mapoido Sol ipa no wareremba, tane e Dawid dea osi Israelwa sorodiau uwau apanawa wainie mo banlamoiano nomoie ona awa antoie. Iawe God e dieene wanase, ‘E ne apanana Israelwa oniadewasamona, ambi gamo oniadewasala apanawa sipsipwa oniadewasamodia rua.’”
8188	2SA 7:5	“Aite ne nolana dewalala Dawid diee waase, ‘Iawe ema epe wade: Mai e ne duna wadawo bedewe wampa, dia.’”
8191	2SA 7:8	Ne nolana dewalala Dawid diee waase, “Iawe God Mukamukaua ema epe wade: ‘Mapo e ipa ituaisilalaida pue ina naia bolawe sipsip oniamoie. Tane ne e sonabaene itueno Israel apanawa uwaula segaiten.
8296	2SA 12:7	Tane Natan Dawid mampe wanase, “Apana ipa e! Iawe Israelwa Godiu ema epe wan, ‘Ne e sonabaeno Israelwa warereu segaiten. Sol e boepia mukawa bedewe wainiano ne inaena.
8300	2SA 12:11	Ita Iawe God ema epe wade, ‘Ne kerauda os bagora wadape wimpe e dana mampo itupa. E nananepe emaawo ewono ne e manamanainaa otepe mida tanawoaida wanapo do ituntopuo ita apana uduudu ewapu.
8311	2SA 12:22	Dawid wanase, “Oto inawaa wandia walamawe insenase, ‘Naita Iawe God ne nuaparenalepie oto inasapio wampi, sa baiwa nana idintedine ita ke wadine.’
8842	1KI 3:23	Sape warere wanase, “Ema epe, i bautaa wadia da, ‘Oto bobopa ipa e manawoa, oto inawaa ipa ne otona.’ Ita i wawea wadiase, ‘Dia! Oto inawaa wandia ipa ne mainawoa ita oto bolena sa ipa e manawoa.’”
8886	1KI 5:19	Sa baiwa ne tauma insedina wadapos duwa wadapa Iawe Godna wadaposisapina baiwa. Ne mamana Dawid diena rua, me wanase, ‘Ne ando e otoa dewasapo e aupaa wadepie warerelepi. Ita me ne ebona wadaposisampa duwa wadepi.’
9017	1KI 8:29	E du ema umanawa ema epe waana, ‘Ne ebona du ema bedewe winompa.’ Sa baiwa wadapos duwa ema walama uduudu oniena. Ne naina leusapine wadaposi duwa ema mampesapine rauparintepino etanena.
9142	1KI 11:31	Ita me Ieroboam diene wanase, “E gara kepakepa 10 eba baia otamoa. Iawe Israelwa Godiu wadiase, ‘Solomon Israel apanawa oniamodio waimoia mukawa me mampe wadepiaubepi. Ita e Ieroboam dan uduudu 10 manawomopio oniamoa.
9164	1KI 12:10	Ita apana sanaa me diane waienase, “Mo e dieiena, ‘Nola saiwa tekateka nenaa’ ita e mo diamoa, ‘Ne apana badowaia wainedina mai mamana rua.
9333	1KI 17:13	Tane Elaia me diene wanase, “Mai inguguraitaa! Iawe Israelwa Godiu wadiase, ‘Parawa onta bedewe ita do mena dugi bedewe wineia mai diantopu, dia, ideita Iawe God walama ituna osowe unu wapie irai butamopio inintopu!’ Sa baiwa ne dima waana rua duwa aite dewasaa ita ne baina bauta parawa kerauda nuite wade winea. Ita moawa winompa nuitaa e otoa nata baila.’”
9664	2KI 5:13	Naeman nolawa dewalala wimone me diane waienase, “Debamamba, e peroweta nola da debama dewasapona baiwa dieeipono dewasapona. Sa baiwa e peroweta dima dieena rua dewasaa, ‘Aite duadite euitaa.’”
10165	2KI 22:16	“Iawe God wadiase, ‘Iuda apanawa ne adianananeiena ita god da mampo pueu pulontoi mo kokoitau witapo dewasaie nuana kadisai. Ne poka saiwa debamaia bola Ierusalem ita apana sape waimoia osouwo itupa. Dewa uduudu buka bedewe girumalena Iuda warerewa wisialena rua. Ne nuakadina ia idia rua iepi mo osouwo ita mai mida ia sa bosapi.’
10167	2KI 22:18	Aitane Iuda warerewa Iawe God waitarawa wana diane wanaase, ‘Iawe Israelwa Godiu benemawa buka bedewe etaana umanawa ema epe wade:
12911	JOB 3:3	“Ne inana gamonena walamawa e siniepaaubepona ita tadina sa mo waienase, ‘Oto mona mulen.’
13929	JOB 42:3	E ne dianee waanase, ‘E ambi ne insaisana dewasadina bedewe aiaa ipasiawaia mampe ne waitaraneiana?’ Ulaipa, ne dewa mai atenteipe gagalo diapanau di wamodine, dewa debamau mai atenteapa rua, dia.
13930	JOB 42:4	E ne dianee waanase, ‘E asisuneano gagalonteapa! Ne waitaraepo ita e sipoanea.’
15530	PSA 95:10	Ena 40 bedewe ne mo mampo nuana kadileno wanase, ‘Apana ema nuau nambeido, ne aiana mai ruawantoipona.’
15531	PSA 95:11	Sa baiwa nuana kadileno badowa diamone wanase, ‘Ne bubua bolawa mo baibu imaasanawo mai odapu, dia.’”
18492	ISA 40:2	E nuaa aiaisiwa obasa mampe gagaloite ne apanana Ierusalem bedewe waimoia diamoe waase, ‘E poka etale surakautena walamawa tauma dialen, ita do Iawe God e kadila insadabuamon, e kadila uduudu matangelawa ne ruantene manlawo dewasanatuwan.”
18865	ISA 58:9	Ita e ne mainawo rauparitano etalepe sipoasapa, ita e sau baiwa apaitonuno ne etalepe wapaase, ‘Ne ema!’ E mai apana osouwo sai itununa, ita mai wakadisamonuna ba lagau wana, dia.
18915	ISA 61:2	Me ne waaubanena apana diamope wapase, ‘Iawe God e inalepia walamawa tauma wisen, walama ema bedewe me emalawoa uduudu sipoamopie matangelamopi.’ Me ne waaubanena apana ke waie nuaparentoia nuadubumopaa baiwa.
18919	ISA 61:6	Apana ando e umanala wapue wapuase, ‘E ipa Iawe God pirisiwa’ do wapuase, ‘E ipa Iawe God nolawa dewalala. E ando tawo osowe uwa daitada apanawa mampo nitu eubu otamona, ita apana sa asiasi e mauraitane asowawaitana.”
19022	JER 1:7	Iawe God ne sipoanene wanase, “E mai waase, ‘Ne oto sanaa!’ E ideita bola daineawo waaubaepa rua aitaa ita ne aia moaawo itupo waa.
19172	JER 6:14	Ne apanana mampo bene debama winedia peroweta ita pirisi bene sa inasapona, tane mo dewasaia ewaewa bene keraudida mauakewapia rua eweie ei. Mo waiase, ‘Dewa uduudu ipa euda os winede.’ Tane sa dia, dewa kadiidaleidie winede.”
19499	JER 20:8	Ne apana mampo gagalontedina walamawe diamodine wadinase, ‘E emalawoala apanawa ando onala enapue kadilepu!’ Sa ipa e ne dima dianeiana rua diamodina, sa baiwa mo kainokaino ne wawuneie wakadisanei.